رواية يتيمة مع والديها

#يتيمة_مع_والديها
#قصة_من_الخيال
#الحلقة_الثانية
.
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
خش معتز داره وسكرها
امي:وين معتز
مريم:خش داره توا
جت امي دقت ع باب دار
معتز:من
امي:انا امك
معتز:تفضلي يا امي
امي:وين كنت بعد قطعت ضي اختفي
معتز:تبي حاجه
امي:اها نبي
معتز:شنو
امي:الموضوع ومافي انك انت هامل خواتك 3 ومهتم بملاك اكثر
معتز:راقد ع سرير ويلعب بتلفون ويحكي من قالها هذي
امي:كيف من قالها نشوفو فيك
معتز:باهي
امي:معتز نحكي معاك انا
معتز:قمعز وطفى تلفون يا امي من جدك تحكي انتي انا مش مهتم بخواتي باهي انتو ليش ما تهتمو بملاك ليش ضلمينها بعد تعدلو بين ملاك وبنات الاخرات نعدل معهن انا وع فكره انا نعامل في بنات خير من معاملتكم مع ملاك وخذا تلفون وطلع من حوشباتي سمع هرجة طلع
باتي:كنكم
امي:لا شي بس معتز طلع
باتي:عليش يهزب معتز
امي:مافي شي غير متعقد
باتي:كانه نقصته حاجه
امي:لالا
طبعا باتي كل شي الا معتز مايتحمل في شي

عندي انا وجتي نبو نرقدو وباب يدق
جتي: من جينا في ليل
انا:توا نشوف
جيت عند بابا
انا:من
معتز:انا افتحي
انا:يا اهلين كنك جاي
معتز:نبي نرقد هنا في مانع
انا:لا مافيش مانع
جينا بنخشو انا ومعتز شوي ضي جا
معتز:نمشي نطفي المتوري ونجيكم
انا:باه وانا نفرشلك
جتي:من جا
انا:معتز يبي يطفي المتوري ويجي
معتز:سلام عليكم
نحنا:عليك سلام
معتز:وين فراشي
جتي:غير كنك جاي شن في
معتز:واللهي مافي حاجه غير نبي نرقد هنا
انا:خلاص اهو فرشتلك كان تبي ترقد
معتز:اكيد نبي نرقد عليش جاي انا
جتي:ههههه ارقد باهي كان تبو تهدرزو اطلعو برا خلوني نرقد
انا:لا نبي نرقد انا تصبحو ع خير
معتز:وانتي من اهل الخير

رقدنا وانا فرحانه اغلا اثنين عندي معتز وجتي معتز مايتحمل فيا شي وديمة يدافع عليا ومصبي معايا

ثاني يوم
جتي تنوض تصلي في فجر ناضت صلت وبدت ادير فطور نضت انا خشيت حمام وطلعت صليت وجيت للمطبخ
انا:صباح الخير
جتي:صباح النور
انا:تعبتي روحك لو خليتي نضت وندير فطور انا
جتي:لا مافيش تعب بعدين عندنا ضيف اليوم
معتز:خش علينا مش ضيف انا
جتي:قول صباح الخير قبل
معتز:شنو فطور واتي
جتي:اها واتي
انا:هي قمعزو قعدنا نفطرو
معتز:الحمدلله
جتي:زيد
معتز:الحمدلله
انا:صحه
معتز:سلمك
انا:توا نجي نلبس ونطلعو
معتز:وانا نركب نلبس

طلع معتز ولع سيارة وركب للحوش وانا قعدت نغسل المواعين مع جتي بعدها مشيت نلبس

عند معتز في حوش
معتز:سلام عليكم
امي:عليك سلام وين رقدت
معتز:لوطه
اميرة:كل حاجه لوطه كان تنزلوله دبش بمره وخلاص
باتي:شن قلتي
اميرة:شي
باتي:كيف شي سمعتك تحكي
اميرة:نحكي مع عبير
امي:خلاص كولي بسرعه بيش تمشي مع خوك
اميرة:الحمدلله

نسيت نقوللكم ان معتز يقرا في كلية هندسة ومريم قرت كلية علوم وكملت وقاعده تقري وعبير قرت تحليل وتشتغل واميرة تقرا في اقتصاد وانا طبعا نقرا ثالثة ثانوي

معتز لبس ونزل علينا
معتز:هي واتيه
انا:انشاءلله وطلعت مع معتز
انا طلعت واميرة نزلت
انا:صباح الخير ميرو
اميرة:ماردتش عليا وطلعت لسيارة فتحت باب لي جنب سواق
معتز:هنا ملاك
انا:لا عزو خلاص خليها اصلا انا نازله
وركبت كرسي لي وره معتز وماسكه العبرة بسنوني ليش اختي ادير فيا هكي وانا مش ديرتلها شي
معتز:ملاك نحكي معاك
انا:نعم
معتز:ساعه ليا نحكي امتي تطلعي
انا:واللهي ع حصص مرات يكونو عندنا ابلات غيبات
معتز:تلفونك معاك
انا:سكتت
معتز:الو
انا:لالا تلفوني انكسر له 3ايام
معتز:ليش ما قلتيها
انا:عادي لي نبيهم قاعد تلفون جتي
معتز:باهي معنها لما تطلعي وما تلقينش رني عليا بتلفون صاحبتك
انا:تمام حاضر
معتز:نتلاقو
انا:باي

وخشيت مدرسة وانا وجعتني روحي هلي قعدين وكاني يتيمة ماحد مدورني باتي لا يسال عليا لاشي وامي حتي هيا وسبب اني جيت بنت ليش بنت مش من ربي حتي هيا وانا نفكر ودموعي نزلن مسحتهم جتني حنان
حنان:ملوكتي كنك تبكي
انا:خيرات
حنان:سالتك انا كنك تبكي
انا:شي فوتي
حنان:موضوع هلك
انا:ضحكت لي قهرتني انهم هلي خلاص بلا هم خلينا نهدرزو انا ما نصدق نطلع من حوش
حنان:باهي وينك امس نرن عليك مقفل
انا:تي تلفوني انكسر
حنان:تعالي نقمعزو
انا:باه

حنان طبعا اختي لي في مدرسة واختي لي في دنيا خير من خواتي لي من امي وباتي حنونه معايا بكل المهم هدرزنا شوي وركبنا للفصل

معتز نزل اميرة عند كليتها
معتز:يبي يجيك باتي صاح
اميرة:اها اكيدة
معتز:تمام اوكي وطلع لكليته

نحنا في الفصل
حنان:ملاك
انا:نعم
حنان:نبي نقولك حاجة وما تزعلش مني
انا:قولي يا باردة
حنان:وراسك ما تزعلش مني بس
انا:حنان حرقتي دمي راك
ابلة:ملاك وحنان سكرو افومكن
انا:باه
حنان:توا بعدين
ابلة:حنان اطلعي ع ساس
حنان:يا ابلة والله اخر مره كان دويت طلعيني
ابلة:باه

عند معتز
معتز:وين يا غالي
محمد:واللهي عندي باتي مريض في مستشفي
معتز:لا يا راجل امتي
محمد:امس في ليل مرض غير جيت نحظر محاظرة هذي ضروري
معتز:هي نمشو مع بعضنا
محمد:لا انت احضر محاضراتك وبعدها ساهل
معتز:اين محاضرات يا هبل غير هيا اطلع
محمد:باهي امشي بسيارتك
وانا بسيارتي
معتز:وعليش
محمد:ما انا نبي نطلق خويا قاعد غادي وانت معش تلقا من يرد بيك
معتز:تم في اين مستشفي هو
محمد:في 1200 وين يبي يقعد
معتز:تمام نتلاقو

عندي في مدرسة
انا:عليك ملل حصة الفيزياء هذي
حنان:بكل
انا:خطرها شن لي تبي تحكيها
حنان:انا خايفتك تزعلي
انا:حنان تحكي ولا ما تبش
حنان:لالا توا نحكي يا حنه انا
شوي جنا البنات وقعدنا نهدرزو بعدها ركبنا للفصل

عند معتز تلاقه مع محمد في مستشفي
معتز:وين قاعد الحاج
محمد:الحقني
معتز:باهي ما تقعدش تجري بس
محمد:مرات تريح مني دور5 برج ثاني
معتز:لا مش ح نريح امشي قدامي
طبعا محمد متاع بنات وجو هضا
محمد:توا نجيك انا وانت تعرف مكان امشي غادي
معتز:محمد مش وقتك توا خليها بعدين
محمد:توا نجي
معتز ركب عند بات محمد
معتز:شاف خو محمد عرفه
معتز:سلام عليكم
احمد:عليك سلام
معتز:لاباس ع شايب
احمد:ماريت باس خش اهو قاعد جو
معتز:تمام
وخش سلم عليه وقعد يهدرز معاه
احمد:وراس معتز نتعبوك معانا
معتز:ادلال يا غالي
احمد:تقاعد مع حاج نين يجي محمد غير انا نبي نروح نجيب خويا من مدرسه وقت
معتز:اربح يا غالي ما عليك
طلع احمد وخش محمد
معتز:الحمدلله جيت خلاص انا نبي نربح
محمد:وين يا عزو خليك
معتز:لا واللهي وقت ع بنت في مدرسه
محمد:تم خلاص وطلع معتز

عندي في مدرسة كملت حصص وطلعت نبحت في معتز مش قاعد
حنان:كنك حايسه
انا:معتز مزال ماجا
حنان:اكيده عند محاظرات
انا:شن عارفك انتي
حنان:ما يقري هندسه
وجنا بنات يهدرز مع حنان
انا:باهي حنان عطيني تلفونك نرن بيه
حنان:خوذي
انا:خذيت تلفون ونكتب رقم معتز شفت حاجه انصدمت مش متوقعتها مابيتش نرن عطيتها تلفون وخليت حنان تهدرز مع بنات وقعدت نحكي بروحي معقوله حنان دس عليا حاجه كيف هذي وع اساس نحنا اصحاب وما ندسو شي ع بعضنا اضيقت منها شوي سمعت سيارة تبيب لقيت معتز طلعت وركبت وانا ساكته

في طريق
معتز:كنك ساكته مش من عادتك
انا:ساكته
معتز:نحكي انا
انا:شي
معتز:لا في احكي
انا:معتز توا انا اختك وانت تحبني ولا تجامل فيا وخلاص
معتز:شن كلام هضا كنك انتي
انا:لان توا صارلي موقف خلاني نفكر هكي
معتز:شن صار
انا:خديت تلفون صاحبتي نبي نرن عليك لقيتها …..
.
.
.
.
.
#يتبع
Arhima Alagory