رواية يتيمة مع والديها
#قصة_من_الخيال
#الحلقة_الرابعة_وعشرون
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
ثاني يوم
نضت خشيت مطبخ
انا:صباحو
صفاء:طولتي امس
انا:اها هدرزت انا ومروه
صفاء:باهي بعتيني
انا:مش هكي والله
عمتي:ما عيطش محمد
انا:لالا
طبعا محمد هذا هو ولد مروه
صفاء:باب يدق صاح
عمتي:شوفي يا ملاك انضني مريم
انا:طلعت فتحت لقيت باب لي بره
عمتي:من
انا:باب بره
عمتي:شوفي
انا:طالعه توا
لبست وشاح وطلعت فتحت باب لقيته احمد
احمد:خير
انا:خيرات تفضل
احمد:يدوم فضلك
انا:تسلم
احمد:دقيقة بس
انا:به
مشا احمد للسيارة وحل باب نزل سالم وجاب سهى في يده
انا:سلومه
سالم:ماما رايفت عليك
احمد:امسكي توا نجيبلك دبشهم
انا:به
مسكت سهي وقعدت نبوس فيها
احمد:هذا دبش وردبالك منهم
انا:ان شاءلله امتي تجي تاخذهم
احمد:لالا معاش جاي اصلا ماشي برا ليبيا بكل
انا:عليش
احمد:هكي خير ليا
انا:اها
احمد:بس مره مره شيليهم لامي وبنات
انا:حاضر
احمد:طبس ع سالم وباسه ردبالك من امك واختك
سالم:به
احمد:اوكي
انا:اوكيطلع احمد وانا قعدت نبحت فيه بعدها خشيت بالعيال وانا نبكي
عمتي:كنك يا ملاك
انا:لا شي
صفاء:كاتكيت جوك
انا:اها
صفاء:سالم هي تعال معايا
سالم:وين
صفاء:تعال نوريك بيبي
سالم:كيف سهي يعني
صفاء:لالا مش بنت هو
سالم:باه
انا قعمزت وقعدت نبكي
عمتي:كنك يا ملوكه
انا:معقوله تسالي يا عمتي شن ذنبهم عيالي ينحرمو من الاب يكفي انا انحرمت منه
عمتي:ما تزعلش رايتي الاب سمح ماهو سكار وحشاش
انا:عمتي لعيال ما نبيهمش يعرفوها بكل
عمتي:حاضر بس انتي ما تزعلش روحك وتوا تربيهم احسن تربايه
انا:ان شاءلله يارب
عمتي:امسحي دموعك وامشي اقعدي مع عيالك هي
انا:بست عمتي ع راسها ربي يحفظك ليا
عمتي:ويحفظك
الكاتب:Arhima Alagory
عند بنات
انا:خير عليكم
سالم:تعالي يا ماما شوفي البيبي
انا:هذا حمادي
سالم:حمادي
انا:اها حمادي توا بعد يكبر تلعب انت وياه
سالم:نبي نلعب معاه توا
انا:توا اتجي جوري تلعب معاها
سالم:من جوري
انا:جوري بنت خويله مريم
سالم:عرفتها وين هيا
انا:قاعده في حوشهم فوق
سالم:توا نمشيلها
انا:لالا بعدين توا تنزل
سالم:به توا نقعد مكسده وخلاص
صفاء:نعليا انا تعال معايا توا ندير انا وياك جو
سالم:باه
صفاء خذت سالم وقعدت تلعب معاه وبعدها جتهم سهى وانا درت الغداء مع عمتي وتغدينا وخشينا رقدنا
في العشيه
نضت ع سالم ينق عليا
انا:كنك
سالم:نبي تلفونك
انا:مش توا بعدين
سالم:لالا توا
صفاء:عطي له
انا:قفلت تلفون انا
صفاء:ولعيه
انا:باهي توا نعطيك
سالم:قتلك توا
صفاء:تعال فكنا منها بارده هذي
سالم:لالا مش بارده
صفاء:حي عليهم تعال باهي
سالم:عطيني
انا:ما تعطش يا صفاء
صفاء:عليش
انا:هكي ما نبش يتعود عليها
صفاء:باه
انا:توا نعطيك تلفوني
سالم:هي باهي
صبيت ولعت تلفون شوي لقيته رسائل جني من هيثم فتحتهن لقيتهن كتبلي مرايف عليك وينك ومنشغل عليك وجو هذا انا فتت رسائل وعطيت تلفون لسالم وطلعت
خشيت دار ع مروه
انا:شنجو حمادي
مروه:راقد
انا:نوم العوافي
مروه:سلمك وسهي لعبت عليه نين بطلت
انا:هههه تشوف في روحها كبيرة
مروه:اكيده بس عسل بكل
انا:خوذيها لحمادي
مروه:اكبر منه
انا:صدقتي
مروه:يا ملاك صاح تحبي هيثم
انا:لالا اكبر منه كيف نحبه
مروه:الحب مافيش عمر
انا:ممكن وطلعت
مروه:وين ماشيه
انا:مطبخ ندير قهوة نديرلك معايا
مروه:عادي
انا:باه
خشيت مطبخ جاني سالم
سالم:ماما تلفونك يرن
انا:شفت لقيته هيثم خذيت تلفون ودرته صامت
سالم:عطيني
انا:لالا خلاص
سالم:به توا نزعل منك
انا:تو نشحنه ونعطيك
سالم:به
عند هيثم
مروان:وحق الله تعب في روحك
هيثم:كيف يعني
مروان:يعني هذا كله كلام فاضي بنت مش معبرتك بكل وطلعت مطلقة اخره ومزلت تبيها
هيثم:يعني كان مطلقة مش بنت ناس مثلا
مروان:مش هكي يا سيدي اكبر منك
هيثم:شن فيها
مروان:مافيها شي بس تكون اصغر منك خير
هيثم:يا سيدي انا نحبها وانتها الموضوع
مروان:عارفك نبيك تنطقاها اصلا
هيثم:كان معاش جت نبي نمشي نخطبها وخلاص
مروان:هههههه اديرها
هيثم:تضحك انت ازح خليك فيها
مروان:غير تعال
هيثم:ماردش عليه
عندنا
درت القهوة وجيت نشرب فيها مع مروه
مروه:تهبل
انا:انتي تهبلي
مروه:ديمة قهوتك مختلفة
انا:معقوله
مروه:والله مع اني ندير فيها نفسك بس ما يصير شي
انا:النفس له دور
مروه:اكيد
انا:اليوم مروحه
مروه:هكي نقول كان امي طلقتني
انا:انشاءلله لا
مروه:عايش
انا:هكي نبي نكسد معاك
مروه:وراس امك غير اعبي عليها عندك جامعة امشيلها
انا:باهي توا نمشيلها مش طايره
مروه:لالا خلاص من بكرا تمشي
انا:مروه ما تنكدش عليا
مروه:اسفه حبيبتي بس مش قصدي نكد عليك
انا:خلاص فوتي
مريم:شن اديرو
مروه:شوفت عينك نشربو في قهوة
مريم:صبولي
انا:باه
مروه:وين هاجر
مريم:تلعب مع سالم
مروه:هههه سالم وسهي ما صدقو تلاقو مع عيال
انا:بكل عيت جدهم مافي حد وحدهم
مريم:ربي يحفظهم
انا:ان شاءلله
قعدت انهدرز مع البنات لعند المغرب بعدها صبيت نصلي
الكاتب:Arhima Alagory
كملت صلاة شفت تلفوني يرن لقيتها حنان
انا:الو
حنان:واخيرا فتحتي
انا:كنك
حنان:يا حنه هيثم متاعك ساكنلي
انا:اوووف مش شوري بيه انتو كنكم
حنان:وسعي بالك يا روحي
انا:ما تحرقو دم
حنان:بس باين فيه يحبك
انا:شن دخلني بيه
حنان:مرات يهمك الموضوع
انا:لالا مايهمنش
حنان:باهي شنجو
انا:الحمدلله وانتي
حنان:الحمدلله بخير بكرا بيش اتجي
انا:ان شاءلله
حنان:باي
انا:باي
الكاتب:Arhima Alagory
مر الوقت وجا وقت النوم خشيت سرير وقعدت نفكر في هيثم لان كل ليله نفكر فيه
انا:صفاء
صفاء:ماردتش عليا
انا:رقدتي يا همي
صفاء:نسمع فيك يا همي
انا:شلكي نحب
صفاء:كنك
انا:هيثم ما يريحش من بالي بكل
صفاء:انتي تبيه يريح حليله الباب بس
انا:يا حانطة نحكي جديات
صفاء:نبصر احكي معاه
انا:ما يصيرش منها علاقتنا
صفاء:عليش فكيني من كلام ناس ناس حتي وانتي هكي يحكو عليك
انا:اااه شن ندير بس
صفاء:ارقدي وبكرا تمشي للجامعة احكي معاه
انا:هكي رايك
صفاء:وما تخلكش هكي عطي قلبك فرصه بلكي حياتك اتغير منها وتريحي
انا:ان شاءلله
صفاء:تصبحي ع خير
انا:وانتي بخير
ثاني يوم
نضت لبست ودرت مكياج خفيف وطلعت للجامعة
عمتي:وين فطرتي
انا:اها فطرت امبدري
صفاء:بارمين ع رويحتنا
عمتي:خليها البسي يا بنتي وعيشي حياتك ما تخلي حد يحكي عليك كلام ناس فوتي راهم فاضيين وماعندهم ما يديرو وكلام بلاش ويطلعو كيف ما يبو حكو ع خير منك ومني حكو ع رسول الله وياما دارو فيه تبي ادققي فيهم معاش تعيشي حياتك مهما درتي ح يحكو عليك والله ما تسلمي من لسناتهم المهم انك ترضي ربك الا ناس مش ضروري ترضيهم
انا:حاضر
عمتي:ربي معاك ويوفقك
انا:ان شاءلله
الكاتب:Arhima Alagory
طلعت ركبت في سيارة رنت عليا حنان
انا:الو ماعندكش سيارة تو نجيك
حنان:لالا نبيك اتجي
انا:حاضر
حنان:نجكليا
انا:وليا نجك باي
حنان:باي
عند هيثم ومروان
مروان:مش عارف عليش اتجيني بدري انت ليش ما تقاعد قدام حوشكم وترجه حبيبة قلبك غادي
هيثم:توا نقولك انزل وروح
مروان:عيب نبصر شن صار
هيثم:مزالت مسكره راسها بس اليوم كان ما صار شي نمشي نخطفها
مروان:شن تخطفها فكنا من جو مسلسلات سالتك بالله
هيثم:مش مسلسلات
مروان:بعدين يا بابا تخطفها بعد يقاعدو هلها رافضين بس هذي هي بروحها رافضه
هيثم:عليك موال
مروان:مش متوقعك تكبد هكي بكل
هيثم:كيف
مروان:قصدي هيثم لي نعرف يهدرز مع بنات بس الحب ممنوع عنده
هيثم:انا كنت نهدرز وندور بنت لي تنحب بس اول ما شفت هذي وقبل لا نحكي معاها حاجه قلتلي هذي تنحب
مروان:حاجه صار ههههههه
هيثم:عزق في دخان تشفط
عندي انا وصلت جامعة نزلت جتني حنان
حنان:شنجو
انا:الحمدلله
حنان:رايفت عليك
انا:خلاص اهو جيت
حنان:بس عجبني مكياج
انا:تحكي حد
حنان:هيثم ح يذوب
انا:بدينا
حنان:خلاص خلاص تعالي كافتيريا
انا:اممم باهي
خشينا كافيتريا
مروان:اهي عصفورتك جت
هيثم:بحت فيا طول
انا:خوذي اي حاجه
حنان:باه وين نقعدو
انا:خلينا نطلعو
حنان:لا هنا خير برا ريح
انا:باه
قعدت انا وحنان نهدرزو
حنان:باهي شن تحكيلي
انا:يا حنه امس جاني احمد وجاب معاه العيال وعطاهم ليا
حنان:تحكي جد
انا:والله امس رقدتهم جنبي
حنان:الحمدلله والله فرحتلك
انا:نجكليا
خطم شاب
شاب:وانا مافيش نجكليا يا سمحه
انا:عيب عليك ما عندكش خوات
شاب:شفتك نسيت حتي اسمي
انا:شن هذا
حنان:هيا هيا
شاب:غير دقيقة يا حلوه
هيثم:معلش يا خويا
شاب:تفضل
هيثم:يضرب شاب بواني ع وجه يطيح شاب ويبدا في هيثم ضرب
انا:هيثم سيبه خلاص يا هيثم اسمع
مروان:انتي امشي بس يا ملاك
مشيت انا وحنان وجت ناس وتمت تحز فيها وبعدها حزوها انا وحنان خذينا كرسي وقعمزنا عليه
حنان:شن يبي جاي
انا:من
حنان:شوفي
شفته لقيته هيثم وفم دم ودبشه مشرط
هيثم:ريحتي توا
انا:شن دخلني انا
هيثم:ما منك انتي لو مش جايه بالخره هذا لي ع وجك راه ما صارش هذا كله
مروان:خلاص يا هيثم
انا:لالا خليه بلكي تضرب حتي ضرب مش ناقصه الا هذي اصلا بعدين انت شن دخلك نجي بالخره ولا لا كان وجعتك سوريتك وفمك الله غالب ما عندش اخ يفديني حتي بروحه بدون ما يجامل عليا وهنا نزلت دمعتي خذيت شنطتي ومشيت للسيارة
هيثم:ملاك
حنان:شكرا بكل
هيثم:افهميني بس
حنان:عليش نفهمك سمحه منظرها قدام ناس هكي بحت كيف البنات وشباب يتفرجو
هيثم:شن في بيني وبين خطيبتي ماحد يدخل ونسمع حد حاكي عليها نقصله لسانه بنت هذي خطيبتي واحد يقرب منها نتفاهم معاه
حنان:انصدمت
مروان:هيثم خلاص
هيثم:مش خلاص
عندي انا
ركبت سيارة وقعدت نبكي سمعت باب انفتح وسكر بحتت لقيته هيثم
انا:شن مزال تبي مني انت كنك
هيثم:مازال نبي نحكي كلام واسمعيه انا درت هكي وهزبتك من اجل شي واحد لاني نحبك يا ملاك نحبك
انا:سكتت
هيثم:مش قصدي نتامر عليك بس غرت من حقير لي يحكي معاك انا اصلا ما سمعتش شن قال ويكون في علمك الجامعة كلها تعرف انك خطيبتي
انا:انت شن ادير خطيبتك كيف
هيثم:مش عارف هذي لي طلعت معايا
وطلع من سيارة شفت ركب في سيارته وطلع من جامعة
جتني حنان
حنان:شكله هبل
انا:قالي نحبك يا حنان
حنان:شن رايك بعد هذا كله وما يطلعش يحبك
انا:بس كيف
حنان:والله كيف هذي اساليه هو هي انزلي
انا:لالا نبي نروح
حنان:وين تروحي
انا:ماعندش نيه ناخذ شي
حنان:بس
انا:لا بس لا شي تمشي معايا نوصلك ولا مزلتي
حنان:انا نبي نروح معاك بس عندي محاضرات
انا:تمام توا نرجاك
حنان:باه
الكاتب:Arhima Alagory
حنان ركبت محاضره وانا بصدفه لقيت محاضرتي دكتور معتذر جيت ع كرسي وقعدت شوي حسيت بواحد جنبي بحتت لقيت مروان
مروان:عادي نحكي معاك كلمتين
انا:كلمتين بس
مروان:لا مرات اكثر
انا:تفضل
مروان:اولا اسف ع داره هيثم امبدري
انا:لالا عادي ماصار شي مروان:نحكي توا
انا:تفضل
مروان:ممكن تصدقيني وممكن لا بس والله هيثم يحبك صاح هو اصغر منك بس يحبك انا صاحبه من زمان عمري ما شفت هيثم بالحاله هذي
انا:باهي انا شن ذنبي امبدري
مروان:ممكن غار بس
انا:عارف انا نحبه يعني شفته مره وحده في كافتيريا تميت نتردد عليها وموقف امبدري دافع عليا وهو من قبلها خاش خاطري بس مشكله فرق السن بينتنا
مروان:شن فيه من مشكله بس انتي اكبر منه بثلاث سنين بس حتي رسول عليه صلاه وسلام سيده خديجة اكبر منه
انا:عليه صلاه وسلام
مروان:يعني عادي انتي فكري والله انا نحكيلك مش ع حاجه حكيتلك ع خاطر صاحبي بس وحاله لي فيها الايام لي فاتت انتي مسكره تلفونك هو كيف هبل كل شويه يرن ويدز رساله
انا:شفتهن
مروان:كيف ما قتلك فكري توا نستاذن انا
انا:تفضل
جتني حنان
حنان:احم كانه مروان
انا:ماشاءالله تعرفي جامعة كلها شكلك
حنان:يعني مش كلها كلها
انا:كملتي
حنان:انشاءلله
انا:نمشو
حنان:هي
ركبنا في سيارة
حنان:بس ما قلتش شن يبي
انا:من
حنان:مروان
انا:شي يتاسف علي داره صاحبه وقالي ان صاحبه يحبني
حنان:شن قلتيله
انا:قتله اني نحبه
حنان:واخيرا طلعتي جوهرة
انا:بلا براده خليني نحطك في حوشكم ونروح
حنان:باه هي
الكاتب:Arhima Alagory
شلت حنان لحوشها وانا روحت لحوش عمتي
عمتي:مرحب
انا:مرحبتين
عمتي:امك هنا من صبح
انا:كنها
عمتي:شي سمعت بجيت العيال
انا:اها
امي:ماما روحت
سالم:ماما تعالي امي قاعده عندنا
انا:باهي بشويه خيرات
امي:خير كيف حالك
انا:الحمدلله وانتي
امي:ماشي الحال الحمدلله
عند عيت هيثم
نحكيلكم ع عائلة هيثم عند اخ اسمه محمود و3خوات وحده متزوجه واثنين لالا متزوجه اسمها سلوي والاثنين الاخرات وحده سارة والاخره سميره كلهن بالحرف سين ?المهم باته اسمه اسامه وامه اسمها زينب
هيثم:يا امي نبيك في موضوع
سارة:يا امي باتي يبيك
هيثم:يا عليك قصة هي خطرله
زينب:كنك يا ليد شن تبي
هيثم:تو بعدين بعدين
زينب:باه
عندنا
انا:بعدين توا نمشو
سالم:توا
انا:توا غداء بعدين في العشيه نمشي انا وياك
سالم:تمام تضحكي عليا حي عليك
امي:ايوه ايوه
صفاء:ماشفتي شي
امي:شكله مكلوب
صفاء:بكل بكل
انا:تسمع يا سالم صفاء شن تقول عليك
صفاء:تكذب راه
سالم:صفاء صاحبتي
انا:خساره فيك القدر
سالم:بكل
المهم تغدينا وبعد الغداء خذيت سالم وسهي دوشتلهم ولبستهم بعد العصر طلعت انا وياهم لحوش عيت جدهم
انا:دقيت باب
رحاب:من
سالم:نحنا
رحاب:نجكليا جيتو
انا:اها جينا كنك
رحاب:نورتو خشو هي
انا:هي
سالم:وين رتاج
رحاب:جوه هي وامي
سالم:رتاج يا رتاج جينا
رتاج:اسلومه حبيبي رايفت عليك
سالمة:نجيها سهي بنيتي
انا:خير يا عمتي
سالمة:خيرات يا بنيتي كيف حالك
انا:الحمدلله وانتي
سالمة:الحمدلله بارك الله فيك
انا:عليش يا عمتي
سالمة:لانك جبتيلي العيال
انا:واجب هذا يا عمتي
سالمة:تسلمي
رتاج:شنجوك يا ملوكة
انا:الحمدلله
عند هيثم
هيثم:شن حكيتلها
مروان:تاسفتلها ع درتها وبعدها قتلها انك تحبها
هيثم:باهي
مروان:وقلتلي انها تحبك
هيثم:سالتك بالله
مروان:واللهي هذا لي صار
هيثم:تعال معايا
مروان:وين يا راجل
هيثم:غير هيا بس
مروان:باه
عند حوش عمتي
عمتي:خلاص مروه ردبالك من روحك
مروه:ان شاءلله
عمتي:وراك تقطعينا خلينا نشوفو حمادي
مروه:اكيد
شوي خشيت عليهم انا
انا:خير عليكم وين ماشيه
مروه:الحوش خير واجد عاد
انا:باهي مربوحه
سالم:تبي تسيبينا يعني
مروه:توا نجي ماشيه عرب
سالم:باه ماطولش
مروه:حاضر يا سالم افندي
انا:ههههه يتامر
عمتي:بكل
خشيت دار لقيت امي وبنات وقعدنا نهدرزو
انا:شن تحكو
صفاء:كل مره موضوع
امي:كيف حال عيت عمك
انا:اكويسين يسلمو عليكم
مريم:انشاءلله غير احمد مش قاعد
انا:لالا احمد سافر لتركيا ويبي يقاعد غادي هذا عليش جاب لعيال عندي
امي:ربي يهديه
انا:ان شاءلله
قعدنا نهدرزو نين روحت امي بعد العشاء بعدها هدرزنا انا وعمتي وصفاء وعمتي خشت رقدت قعدت انا وصفاء نهدرزو
انا:امبدري قلتها لصاحب هيثم
صفاء:شن قلتيله
انا:قلتله اني نحب هيثم
صفاء:تحكي جد
انا:والله
صفاء:ليش ماقلتيها لهيثم بروحه
انا:مالحقتش نقولها له
صفاء:كيف هذي
انا:خلاص توا يقولها له صاحبه
صفاء:انشاءلله خير
انا:انشاءلله
صفاء:خلاص انا نعست
انا:اشر منك تصبحي ع خير
صفاء:وانتي بخير
الكاتب:Arhima Alagory
ثاني يوم
انا:صباحو
عمتي:صباح النور
انا:شن اديري
عمتي:اندير في فطور
انا:نحصل فطور
عمتي:امشي غيري دبشك وتعالي
انا:حاضر
مشيت غيرت دبشي وجيت فطرت مع عمتي وطلعت رنت عليا حنان
انا:نعم
حنان:وين قاعده
انا:في طريق
حنان:تمام نستنا فيك
انا:باه
وصلت جامعة رنيت ع حنان
انا:وين قاعده
حنان:وراه الكافتيريا عند مكاني ومكان معتز
انا:توا نجيك
حنان:باه
مشيت وراه الكافتيريا وجيت مكان لي قالت عليه مالقيتهش
انا:وين راحت هذي
شوي حد غمضلي عيوني
انا:حنان مش وقتك
هيثم:مش حنان
انا:هو انت شن تبي
هيثم:نبي نتاسف ع امس ونبيك تكوني مراتي
انا:شنو
هيثم:مش لزام نطولو الكلام بيش تصدقيني
انا:مصدقتك بس هلك وهلي
هيثم:انا ولا هلي لي يبو يتزوجو
انا:انت عارفه بس ضروري موافقتهم يكفي لي شفته في حياتي ما نبش نتعذب اكثر
هيثم:انشاءلله ماتشوفي الا لي يريحك
انا:اااه انشاءلله
هيثم:نحبك يا ملاك لي شفته فيك مختلفه ع غيرك بكل
انا:نسمع وساكته
هيثم:اها نسيت تو نجيك
انا:باه
هيثم:امسكي
انا:شنو
هيثم:هديه بسيطه افتحيها توا
انا:ضروري يعني
هيثم:ياريت
انا:باه
فتحتها لقيت فيه شكلاطة وساعة
انا:شكرا
هيثم:مش بينتنا بس عطيني طرف شكلاطة
انا:تفضل
هيثم:خلاص حبي بعدين نكلمك
انا:ان شاءلله وقلبي يرقص ويزغرت وكلها
جتني حنان
حنان:شن صار
انا:شي
حنان:هذا كله شي
انا:خوذي شكلاطة واسكتي
حنان:باهي يا بارده
انا:توا نمشي نحضر محاضراتي مالي ومالك
حنان:نتلاقو معنها
انا:تمام
عند هيثم
هيثم:هي يا نصي
مروان:كيف صار
هيثم:جو فوق الريح
مروان:دومها
هيثم:انشاءلله
مروان:وين نمشو
هيثم:نقرو عليش جايين للجامعه
مروان:جايين نقرو مش نكبدو
هيثم:ايواه
عندي انا كملت محاضرات وطلعت للسيارة رنيت ع حنان
حنان:الو
انا:هيا
حنان:هي جايتك
جت حنان وركبت وجاني هيثم
هيثم:وحده وحده باهي
انا:انشاءلله
هيثم:ردبالك من روحك
انا:وانت
هيثم:انشاءلله
طلعت لقيت حنان دموعها يصبن
انا:كنك حنونه
حنان:اذكرت معتز وكيف كان يوصي فيا
انا:اه يا حنان معتز مزال مكانه فاضي
حنان:الله يرحمه
انا:امين
وصلت حنان وبعدها روحت الحوش
عند هيثم روح للحوش
هيثم:سلام عليكم
سارة:عليك سلام
هيثم:كيف حالكم كلكم
سارة:تمام
خش هيثم ع امه
زينب:مرحب وليدي
هيثم:شن حالك
زينب:الحمدلله
هيثم:نبي نخشلك في موضوع طول
زينب:شنو
هيثم:نبي نزوج
زينب:الحمدلله عندي لك عروس
هيثم:بس انا حاط وحده في بالي
زينب:من
هيثم:ملاك لي تقرب لعيت عمي ناصر
زينب….
.
.
.
.
.
#يتبع
تحياتي