رواية يتيمة مع والديها
#قصة_من_الخيال
#الحلقة_الثالثة_وعشرون
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
وصلت لعيت عمي ودقيت فتحتلي رحاب
انا:خير
رحاب:شنجو
انا:الحمدلله وانتي
رحاب:الحمدلله
انا:وين الضنوة
رحاب:طالعين مع امي ورتاج للسوق
انا:اها امتي طلعو
رحاب:توا
انا:باهي خليني نمشي نروح انا
رحاب:خليك
انا:والله نمشي سلميلي عليه
رحاب:يوصل
طلعت وركبت سيارة ولعتها مابتش تولع
انا:عليك قصه كنها هذي
شوي سمعت واحد يدق ع قزاز بحتت لقيته احمد
احمد:افتحي اشويه
انا:مابيتش نرد
احمد:يا ملاك افتحيلي دقيقة
انا:شن تبي
احمد:افتحي نحكو بس
انا:فتحت روشن شويه تفضل احكي
احمد:حرام عليك لي درتيه
انا:شن الحرام بالله عليك انا لي درته حرام وناسي لي تشرب فيه ما انت اساس الحرام انت سبب كل شي
احمد:كنت تقعدي في حوشك ما يقربك حد
انا:احمد انت واعي ع روحك
احمد:كنك
انا:شي انت شكلك نسيت من ضربني من كان يبي يقتلني
احمد:انسي صار وتعالي نبدو من جديد
انا:عيالك وين
احمد:كيف عيالك وين عند امي
انا:مدامك ما تسالش ع عيالك معنها مستحيل يحن قلبك انت حرمتهم مني وياريت غير تقاعد معاهم يعني حرمتهم من امهم ومن باتهم والله حرام عليك باهي
احمد:سكت
انا:رديت نولع سيارة ما بتش تولع
احمد:كنها
انا:مش عارفه
احمد:افتحي الكوفني ترا
انا:باه
فتحته واحمد قعد يبربش
احمد:ولعي
انا:ولعت ولعت سيارة
احمد:باتريه كانت مش موصله اكويسه
انا:غريبه المهم شكرا
احمد:العفوطلعت وروحت الحوش
انا:سلام عليكم
عمتي:عليك سلام
انا:شكلك بروحك قاعده
عمتي:اها وحدي
انا:وين البنات
عمتي:مريم حست روحها تمام ركبت ع شقتها قالت توا اتجي وصفاء في المعهد
انا:باهي نخش نغير ونجيك
عمتي:باه الله يربحك
الكاتب:Arhima Alagory
مشيت غيرت دبشي ولبست توتة سمعت باب يدق
انا:هي جايه من
هاجر:حلي
انا:من انتي
هاجر:زوري
انا:نجكليا كيف نزلتي بروحك
مريم:انا معاها
انا:عليك قصه عجبك جو هنا
مريم:بكل
انا:شكله في تحسن
مريم:الحمدلله
انا:باهي الحمدلله خلاص خوذي بنتك وخشي للدار خليني نمشي نساعد عمتي
مريم:توا نساعدها انا كان هذا
انا:لالا تريحي
مريم:باهي هيتيها
هاجر:لالا
انا:شن لالا خليك توا نجيك
هاجر:نبيك
انا:توا نجي انا ندير مع امي ونجيك
هاجر:لالا نبيك انتي
انا:جوري
هاجر:ساكته
انا:جوري ردي
هاجر:نعم
انا:خليك مع ماما توا نكمل بسرعة ونجي
هاجر:به
مريم:تعالي يا هاجر نلعبو
هاجر:باهي
مشيت انا مع عمتي وهاجر مع مريم
انا:شن ندير معاك
عمتي:كملي عقاب القلي
انا:حاضر
عمتي:شن اخبار عيالك
انا:مش قعدين ماشين مع رتاج وجتتهم
عمتي: باهي يغيرو جوهم
انا:اها كملت القلي
عمتي:باهي تعالي ديري سلاطة توا نجيك
انا:تمام
قعدت اندير في السلاطة سمعت باب يدق فتحت عمتي
صفاء:ملاك وين
عمتي:قاعده كنك
صفاء:شي نسال عليها
عمتي:قاعده في مطبخ
صفاء:ملوكي نغير دبشي ونجيك
انا:تمام
خشت صفاء للدار
صفاء:انتو هنا
مريم:اها
صفاء:شن تحسي روحك
مريم:تمام اليوم
هاجر:توا نزي
الكاتب:Arhima Alagory
عندي انا كملت سلاطة بعدها خذيت زيت متاع القلي نبي نكابه خشت عليا هاجر خبطت فيها وينكب عليها زيت
هاجر:قعدت تعيط وتبكي
انا:حي عليا
مريم:كنها
انا:زيت نكب عليها
مريم:معقوله ما تشوفيش يا ملاك
انا:نحسابها عندك انا
صفاء:شلوها مستشفي بسرعه
انا:مشيت لبست عبايه ووشاح وطلعت شلتها للسيارة
صفاء:توا نمشي معاها انا انتي ما تخافيش
مريم:باه
طلعت انا وصفاء ومعانا هاجر تبكي
انا:خلاص جوري ساهله
صفاء:اس خلاص جوري
هاجر:تحرق فيا
انا:خلاص وصلنا
خشينا المستشفي وخشينا بيها
دكتورة:كنها
انا:محروقه
دكتورة:هيتيها
حطتها دكتورة ع سرير لقتها يدها محروقة وكرعها
دكتورة:من شنو
انا:زيت
دكتورة:الحمدلله ع سلامتها حروق سطحيه
انا:الله يسلمك
دكتورة:توا نديرلها كريمة حروق وبكرا تجيبيها ليا نغيرلها
انا:يعني مافي شي خطير
دكتورة:ما تخافيش زيت شكله مش ساخن واجد حروق تاخذ فتره وتحول شكلها عين يا سمحه
صفاء:لالا شطانة
هاجر:سكري فمك
دكتورة:ههههه اخره وعندها لسان
انا:بكل ما شفتي شي
دكتورة:بس شن اسمها سمحه هذي
هاجر:زوري
دكتورة:نجكليا خلاص كملنا توجع فيك
هاجر:لالا وقفت
دكتورة:خلاص معنها كيف ما قتلك بكره جيبيها توا نغيرلها
انا:حاضر
روحنا للحوش
مريم:كيف صار
صفاء:قالت حروق سطحيه تاخذ كم يوم وتختفي ودرتلها كريمة وقالت بكرا تجي نغيرلها
مريم:اها تمام
انا:اسفه يا مريم مش فطنتلها والله
مريم:عرفتك انا اسفه كان عيطت عليك
هاجر:حطونا نتغدو زعانه راهو
انا:هههه راهي تاكلكم
عمتي:دقايق بس
خالد:وين بنيتي المحروقه
هاجر:انا
خالد:كنك حبيبتي شن حرقك
هاجر:دكتورة قالت عين وصفاء قالت شطانه
نحنا:هههههه
خالد:معاش اديري شطانه باهي
هاجر:به
المهم تغدينا وكملنا الحوسه وفي العشية جتنا امي تشوف في هاجر بعدها روحت وفي ليل كل حد خاش فراشه يبي يرقد
صفاء:شن صار بينك وبين هيثم
انا:شي قالي يبي يتعرف قتله نفكر قبل
صفاء:باهي فكرتي
انا:مش عارفه حاجه تقولي احكي معاه وحاجه تقولي ما تعبش روحك
صفاء:عليش احكي وجربي وما تخشش في حب
انا:واللهي مش عارفه
صفاء:اسمعي مني بس
انا:انشاءلله خير تغطي وارقدي
صفاء:باه
رقدت انا وصفاء
ثاني يوم
نضت ركبت فوق طول دقيت فتحتلي مريم
انا:صباحو
مريم:صباح النور
انا:شنجو جوري
مريم:راقده
انا:وعيها ولبسيها ع ما لبست انا توا نجي ناخذها
مريم:باهي
الكاتب:Arhima Alagory
نزلت ولبست بعدها ركبت خذيت هاجر وركبنا سيارة رن تلفوني
انا:الو
هيثم:وينك يا ابله
انا:كيف وينك
هيثم:قصدي ما جيتش للجامعة ولا رنيتي امس
انا:اها لان ماشيه مستشفى
هيثم:مستشفى شنو وعليش
انا:مستشفى ****عندي بنت اختي صغيرة محروقه
هيثم:انشاءلله لاباس عليها
انا:انشاءلله وسكرت
عند هيثم
هيثم:توا نجيك
مروان:وين يا راجل
هيثم:ماشي توا نجي
مروان:هيثم وسع بالك فهمني
هيثم:توا نجي نحكيلك شن صار وشن يبي يصير
مروان:تمام
عندنا في مستشفى
دكتورة:كيف حالك اليوم
هاجر:تمام
دكتورة:نبيك تحملي
هاجر:باه
دكتورة:قعدت تفك في لصقه وهاجر تعيط
انا:خلاص هاجر بحتي فيا بس
هاجر:نعم
انا:توا بعد تكملي نمشو للدكان نخذلك شوكلاطات وعصير
هاجر:باه
دكتورة:خلاص كملنا
انا:شكرا
دكتورة:واجبي هذا
خذيت هاجر وطلعنا هاجر طلعت تجري قدامي
هيثم:هاجر شن اديري هنا
هاجر:هيثم انا جايه مع اخويله وانت
شوي جيت انا
هيثم:وانا جاي نشوف اخويله
انا:شنو
هيثم:شي شن عندك يا هاجر
هاجر:محروقه
هيثم:محروقه من شنو
هاجر:دكتورة قالت عين وصفاء قالت من شطانة
هيثم:ههههه اكيده عين
هاجر:صاح
هيثم:ان شاءلله لاباس عليها
انا:ما تشوف باس وانت لاباس كنك
هيثم:لا انا شي جاي كساد
انا:اها كساد ومسيب جامعة
هاجر:هي ملاك
انا:هي نستاذن توا
هيثم:تفضلي وحق الله فيها حاجه غريبه بنت هذي
طلعت انا وهاجر
انا:هاجر من هيثم هذا وين تعرفيه
هاجر:يقاعد مع بابا
انا:شنو
هاجر:والله يسكن جنبنا
انا:باهي تعالي ناخذو شكلاطة
هاجر:به
عند هيثم رد للجامعة
مروان:كنك
هيثم:شن نقولك بنت هذي تبي تهبلني
مروان:ما تقولش تحبها
هيثم:لالا بس شكلي
مروان:هههه وحق ربي حبوب شكلك
هيثم:زعمك
مروان:خليني نمشي نشوف حالي ارجل
هيثم:نتلاقو
عندي انا
روحت الحوش وحطيت هاجر وبعدها طلعت للجامعة وصلت جامعة وخشيت لقيت هيثم طالع
هيثم:خطرلك اتجي
انا:دكتوري انت مثلا
هيثم:لالا
انا:خلاص معنها انجي بجوي
هيثم:باهي عادي تسبقيني للكافيتريا توا نجي
انا:عليش
هيثم:نبي نحكي معاك
انا:معنها توا تلقاني ع كراسي لي جنب الكافيتريا
هيثم:تمام
الكاتب:Arhima Alagory
مشيت ودرست سيارة وبعدها مشيت قعدت ع واحد من كراسي شوي هكي وجا هيثم جايب معاه عصير
انا:ليش ما تعرفش اتجيب الا عصير
هيثم:لا بس جبت حاجه تبل الريق لان خايفه ينشف
انا:ههه شكلك مليان كلام
هيثم:بكل
انا:ابد باهي
هيثم:نحكي ونخش في موضوع دركت
انا:يكون احسن
هيثم:انا لما شفتك عجبتيني ما نكذبش عليك
انا:باهي
هيثم:وحبيت نتعرف عليك اكثر بس اليوم شفتك مع بنت خالد دخت ومعش عرفت
انا:انت
هيثم:خليني نكمل
انا:باه
هيثم:معش عرفت انتي من تكوني انا كل لي نعرف عليك ملاك حتي اسم باتك ما نعرف بس انك خطفتي انظاري وعجبتيني انتي من وشن تعرفي خالد
انا:انا غير بنات لي تعرفت عليهن ولا غير البنت لي تشوف فيها وتبي تعرف عليها المهم نجوبك ع سوالك انا نقاعد بنت خال خالد يعني خالد ولد عمتي ولي عند خالد تقاعد اختي هذا بس تبي تعرف وعرفت جيت صبيت
هيثم:مسكني ع يدي لالا مزال نبي نعرف
انا:بحتت في يده
هيثم:حول يده اسف بس مزال نبي نعرف
انا:شنو
هيثم:انتي احكيلي ع حياتك وكيف انتي غير البنت لي تبي تعرف عليها
انا:لاني انا قدامك ام وعندي عيال
هيثم:متزوجه
انا:كنت
هيثم:سكت
انا:يكون في علمك اكبر منك اخره
هيثم:مش مشكله عمر
انا:مش مشكله عمر صاح بس في مشكله اني مطلقه لما قتلك كنت متزوجه سكتت ولما قتلك اكبر منك حكيت
هيثم:ما تفهمينش غلط بس انا انصدمت يعني مش متوقع انك متزوجه بكل
انا:اها باهي توا اسفه خذيت من وقتك وحاجه اخره مستحيل يصير شي بينتنا يا استاذ هيثم
هيثم:استني ملاك
انا:ركبت سيارة وطلعت وقعدت نبكي
هيثم:جا ودرس قدامي استني مزال ما كملت كلامي
انا:بس انا كملت ومعش تقبلني لو سمحت
روحت للحوش
انا:خير
عمتي:خيرات وين طلعتي
انا:للجامعة وروحت
عمتي:باهي غيري دبشك وتعالي تغدي
انا:باه
خشيت دار غيرت دبشي وخشيت للسرير ورقدت وعمتي حطت الغداء
عمتي:يا صفاء شوفي ملاك وين راحت
صفاء:باه
خشت عليا
صفاء:رقدتي انتي
انا:كنك
صفاء:صبي الغداء
انا:لالا ما عندش نيه
صفاء:كيف هذي كنك انتي زعلانه
انا:لالا غير خليني في حالي
صفاء:لالا احكيلي
عمتي:هي يا بنات
انا:شفتي عمتي تكلم امشيلها وبعد اتجي توا نحكو
صفاء:باه
صفاء طلعت وانا تغطيت ورقدت جتني صفاء لقتني راقده
الكاتب:Arhima Alagory
في العشيه
نضت انا وخشيت حمام سمعت هرجه تسليم ?طلعت لقيتها مروه
انا:حالك رايفتي
مروه:اها شن رايك
انا:لا شي انستينا
صفاء:هربتي يا كلبة امبدري
انا:والله كنت نعسانه
صفاء:باهي به
مروه:تعالو خلونا نهدرزو
انا:عليش ساكو هذا شكلك ناوية ع قعده
مروه:اي بكل
انا:عليش
مروه:والله راجل ماشي زرده حطني هنا
انا:لا مدام هكي مرحبتين بيك
مروه:تسلمي امي وين
صفاء:طلعت لجيرانه عيت هيثم
انا:من عيت هيثم اول مره نسمعهم
مروه:هذوم عيت ابراهيم لان عندهم عيل واحد اسمه هيثم نقولولهم عيت هيثم
انا:اها قصدك خواته لي يجنك هنا مره مره يا صفاء
صفاء:ايواه
مروه:كنك تسالي
صفاء:لان عندها خاطر اسمه هيثم
مروه:صاح
انا:بلا كذب يا صفاء
صفاء:نحكي جد
انا:لا كذب مافي شي بينتنا كلها ان معانا في جامعه وهذا كل اصغر مني
صفاء:شنو اصغر منك
انا:اها وبيش تريحي هو جاركم هيثم هذا اصلا وبعد عرفتها بطلت ولغيت كل شي
مروه:كنك
انا:خلوني بروحي
خشيت دار لقيت نقال يرن لقيته حنان
انا:الو
حنان:ايوه وينك اليوم
انا:والله جيت وروحت
حنان:اها باهي شنجوك
انا:الحمدلله
حنان:شن صار بينك وبين صاحبك
انا:معاش اصحاب
حنان:كنكم
انا:شي انا هكي سكرت عليه
حنان:حرام عليك
انا:شن حرام هو اصلا اصغر مني ونحنا مش لبعضنا بكل ويقاعد جار عيت عمتي تخيلي ناس شن تحكي
حنان:شن تحكي الناس ما تعدلش ع ناس
انا:وارس امك فوتيني خلاص
حنان:براحتك عاد
انا:شنجو معتز
حنان:الحمدلله حال شطانه وهرجه
انا:سلميلي عليه
حنان:يوصل باي
انا:باي
سكرت منها جتني صفاء
انا:انستي
صفاء:خليني نحكيلك
انا:ع موضوع هيثم فوتي
صفاء:عليش
انا:هك خلاص
صفاء:باهي تعالي برا
انا:هي
طلعت وكسدنا مع صفاء ومروه وبعدها جت عمتي وهدرزنا وجا ليل وخشينا رقدنا
نضت ع عياط
انا:كنك
مروه:بطني
انا:نشيلك انا ولا شن اندير
عمتي:كنكم
مروه:بطني يا امي
عمتي:توا نكلم باتك يشيلك
مروه:بسرعه
مشيت عمتي كلمت عمي ناصر وطلعت هي ومروه وشالهن عمي ناصر
وصلو المستشفي خشت مروه جا دكتور وخذوها للعملية
عمتي:يانعلي ياربي لطفك
ناصر:وحدي الله يا وليه عليش تبكي
عمتي:ياربي سلمها ليا ونجيها
قعدو شوي هكي وجو دكتور
ناصر:شن يا دكتور
دكتور:مبروك وليد
ناصر:الله يبارك فيك
عمتي:قعدت تزغرت
ناصر:امتي تطلع
دكتور:شوي اخره توا تطلع
ناصر:بارك الله فيك
عندنا في الحوش باب يدق
انا:من
مريم:افتحي
انا:صح نوم
مريم:توا رن عمي ع خالد قاله مروه جابت عيل
انا:تحكي جد
مريم:وحق الله
صفاء:شن صار
انا:جابت عيل
صفاء:بلا كذب
مريم:وحق الله
انا:باهي هي نبرمو ع حوش
صفاء:كنك مستعجله انتي حتي شمس ما زرقت
انا:ترجيها نين تزرق
مريم:شن تبي اديري الحوش تمام
انا:باهي انا غلطانه
الكاتب:Arhima Alagory
عندهم في مستشفى
طلعت مروه من عمليه
عمتي:الحمدلله ع سلامتك يا بنيتي
مروه:الله يسلمك
عمتي:شن تحسي روحك
مروه:الحمدلله في شوي وجيعه
عمتي:اكيده هذي
ناصر:خير يا بنيتي
مروه:خيرات بابا
ناصر:مبروك ما جد عليك
مروه:الله يبارك فيك
خالد:احم احم شن العياط امبدري نضت نحسابها هاجر
مروه:ههههه بديت في براده
خالد:امتي بطلتها انا اصلا
مروه:ياربي منك خطاني
خالد:نبصر الحمدلله ع سلامتك
مروه:الله يسلمك
عمتي:خلينا انروحو طول خير
خالد:عليش
عمتي:هك نحنا في حوش نهتمو بيها احسن
خالد:براحتك
عندنا في حوش قعدين نهدرزو رنت علينا عمتي
صفاء:ايواه
عمتي:واتو دار لاختك جاين بعدين شويه
صفاء:طول هكي
عمتي:اها
صفاء:باهي كان جبتولها دكتور هنا وخلاص
عمتي:سكري فمك
صفاء:باه
سكرت صفاء
انا:كنها
صفاء:تبي نوتو دار للابله مروه
انا:هي
مريم:هذي واتيه وخلاص
انا:يا بارده نبي نرقد
صفاء:مافيش جامعة راه الايام هذي فوتي سيدي هيثم
انا:باهي
مريم:من هيثم
انا:فكيني منها ومن هبالها سالتك بالله
مريم:به
قعدنا نديرو في دار وحطينا فيها صالون وسرير للابله مروه وكملنا
انا:خلاص نبي نخش نرقد وماحد يوعيني
صفاء:حاضر
خشيت رقدت
نضت نسمع في بكاء لقيت صفاء راقده طلعت من دار سمعت صوت عرب عندنا
مريم:صح نوم
انا:من في عندنا
مريم:امي وعيت خو عمي ناصر
انا:باهي اميرة
مريم:قالت امي تشكي من بطنها راقده مريضه توا اتجي بعدين
انا:باه
خشيت حمام بعدها خشيت دار
انا:صباح الخير
مروه:اين صباح الخير قريب ياذن العصر
انا:تحكي جد
عمتي:شوفي ساعه يا حنه
انا:حي عليهم 3
امي:صح النوم
انا:سلمك
سلمت عليهم كلهم وطلعت مع مريم وبنات في مطبخ وقعدنا نهدرزو
خشت علينا صفاء
صفاء:خير عليكم
نحنا:خيرات
صفاء:شنجو النومه
انا:تمام بكل بس واعني العياط جديد
مريم:حي لو تشوفي هاجر شن دارت
انا:كنها
مريم:قعدت تضرب في عمتي تقوللها معاش تبوسيه
انا:حي عليك حكم
بنت عم صفاء:عندها الحق المسكينه واخذه ع دلال وحدها
انا:هابا عليها هيا
صفاء:تلفونك يرن
انا:لقيته هيثم
صفاء:ردي
انا:فوتي
شوي جتني رساله لقيتها كاتب وينك اليوم ما شفتكش قريتها ورنيت ع حنان
حنان:الو حبي
انا:قتلك نبي نقفل تلفوني الايام هذي ومش جايه للجامعه
حنان:كنك
انا:مروه جايبه وليد
حنان:ماشاءالله
انا:خلاص كيف ماقتلك
حنان:تمام باي
انا:باي
الكاتب:Arhima Alagory
مرت الايام وجا يوم الاسبوع ودار عمي ناصر عشاء
صفاء:تعالي يا ملاك دقيقه
انا:كنك
صفاء:بحتي هذا
انا:شفت لقيت هيثم
صفاء:شن رايك فيه وحق ربي طرف
انا:فكيني من براده
صفاء:امشي يا نكد
انا:باه
اميرة:كنكم
صفاء:شفتك صحبتينا انتي
اميرة:شن قصدك
صفاء:قصدي واضح من امتي اتجينا انتي
انا:خلاص يا صفاء
اميرة:خلاص توا دروحك طيبه
انا:اها دروحي طيبه وخليتهم كلهم يجو لصفي عاجبك هكي
اميرة:سكتت
انا:انشاءلله غير تريحي بس
مشيت وخشيت دار جتني صفاء
صفاء:راك تبكي
انا:لالا خلاص معاش نبكي قلبي تحجر دموعي جفن مشاعري ماتت خلاص معاش نبكي ما تخافيش عليا
صفاء:اهدي بس
انا:تمام اطلعي وخليني
صفاء:ملاك مش وقتها توا
انا:باهي تو نجي والله
صفاء:باه
المهم انا قعدت شويه ولحقت صفاء حطينا العشاء وكملنا الحوسه وبعدها كل حد خش رقد وانا قعدت مع مروه
مروه:كنك
انا:شي
مروه:مضايقه
انا:ابدا
مروه:كنك ما ترقدي
انا:كنك تلزي
مروه:نبصر هدرزي
انا:باه
قعدت نهدرز انا ومروه بعدها رقدت
ثاني يوم
نضت خشيت مطبخ
انا:صباحو
صفاء:طولتي امس
انا:اها هدرزت انا ومروه
صفاء:باهي بعتيني
انا:مش هكي والله
عمتي:ما عيطش محمد
انا:لالا
طبعا محمد هذا هو ولد مروه
صفاء:باب يدق صاح
عمتي:شوفي يا ملاك انضني مريم
انا:طلعت فتحت لقيت باب لي بره
عمتي:من
انا:باب بره
عمتي:شوفي
انا:طالعه توا
لبست وشاح وطلعت فتحت باب لقيته احمد…..
.
.
.
.
.
#يتبع
تحياتي