رواية يتيمة مع والديها
#قصة_من_الخيال
#الحلقة_السابعة_عشر
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
طلعت من كوجينه ودخت وطحت فقدت الوعي امي قعدت تعيط
امي:يا عرب تعالو
مريم:نوضي يا ملاك
عبير:كنها ملاك
امي:ملاك طاحت بروحها
عمتي:طلعت برا يا خالد بسرعه
خالد:حولو كنها
امي:بروحها طاحت وتبكي
خالد:ماتخفيش لبسوها عبايه بس
طلع خالد جاب سيارة وركبت شلوني مستشفي نضت ع سرير ما لقيت حد الا دكتورة
انا:وين قاعده
دكتورة:ما تخفيش في مستشفي
انا:كاني
دكتورة:انتي صيرتلك حاجه غريبه
انا:شنو شن عندي
دكتورة:انتي حامل لكي قريب شهرين
انا:شنو
دكتورة:كيف ما نحكيلك ولي صارلك هبوط سكر الحمدلله ع سلامتك
خشت عمتي
انا:عمتي سمعتي انا حامل
عمتي:سمعت الف مبروك
انا:دموعي نزلن الحمدلله ياربي
عمتي:ضروري تبكي
انا:مره هذي دموع الفرحه
خشت امي علينا
امي:كنكم
عمتي:مبروك ملوكه حامل
امي:الف مبروك يارب
انا:الله يبارك فيك
دكتورة:تقدرو تطلعو بيها وتجيني بكرا ولا بعد بكرا بيش انديرلها تحاليل ونتابع معاك بس لزام تغذي اكويس توا
انا:انشاءلله
عمتي:هي نروحو
خالد:شن صار
عمتي:هبوط بس توا تمام
خالد:انشاءلله لاباس با ملاك
انا:ما تشوف باسروحنا للحوش
عبير:شن صار فيها
امي:اكويسه وطلعت حامل اخره
مريم:لولولولولي انشاءلله مبروك
انا:الله يبارك فيك
عبير:شن عندك باهي
انا:هبوط سكر
عبير:باهي من اليوم ابدي تغذي اكويس وماتهملش روحك
انا:انشاءلله
رن تلفون عبير
عبير:الو
عادل:هي اطلعي
عبير:باهي شويه سكرت وتمت تبكي
انا:كنك
عبير:لاشي غير نبي نمشي وتوا نرايف عليكم
انا:حضنتها يا روحي انتي قعدت نبكي
امي:تمت تبكي
عمتي:يا صبايا وحدن الله كنكن راه توا ترد تقرا وتروح
امي:بس واجد 5سنين
عمتي:خلاص يا ملاك حولي وانتي يا عبير امشي مع راجلك يرجا فيك
عبير:باه
انا:مسكت معتز قعدت نبوس فيه
لبست عبير وطلعت
خشيت دار لقيت امي تبكي
عمتي:يا حميده بلا هبال مش هيا اول وحده ولا اخر وحده تطلع برا توا تقرا وترد بنتك مش مطوله
امي:بس مش متعوده ع بعدها
عمتي:مفروض تشجعيها مش هكي تخليها عقالها هنا
امي:انشاءلله
الكاتب:Arhima Alagory
عند بنات يهدرزن
اميرة:صار طلعت حامل واللهي هزيت عليها ملاك
مريم:كنك انتي ملاك اسمح وحده فينا انا مستغربه كيف مش مخطوبه قبلنا بذات قعدت مع جتي هيا وتمشي العرب
مروه:نصيب
اميرة:لا مش اسمح وحده فينا كان شي اسمح منك
مروه:خلاص عاد
صفاء:يعوين عبير
مريم:ههههه كنها هذي شن جاب عبير توا
صفاء:ماشيه كندا نحنا ما حصلنا حتي من يشيلنا لمطروح
مريم:وحق الله
اميرة:انتي خلي خالد يا حنه يشيلك
مروه:حي عليهم خالد
اميرة:اها
مروه:كثر خير يجيب فيها هنا
مريم:صقع عليكم يهبل خلودي
صفاء:رايتي الحب
اميرة:عشق بكل
مريم:خزي يا بردات
جتني انا وامي وعمتي في دار
مريم:خير
نحنا:خيرات
عمتي:فهمتي يا حميده هو شاب اكويس ومحترم سالنا عليه بس مزال ما ردينا عليهم
امي:مدام شاب محترم ماعندك عليش تلطي ع بنت خليها تربح
مريم:شن فيه فهمونا
انا:في عريس جاي يبي يخطب
مريم:يخطب من
انا:يخطب عمتي
عمتي:هههه خزي عليك يا ملاك
انا:نبصر الا اعميمه يبي يخطب مروه
مريم:صاح انشاءلله ع خير
عمتي:انشاءلله
قعدنا نهدرزو نين رن تلفوني
انا:الو
احمد:هي اطلعي
انا:دقيقه بس
احمد:باهي
سكرت منه
امي:جاك
انا:اها قاعد برا
امي:خلاص ردبالك من روحك وبكرا تعالي عند عبير
انا:انشاءلله تلقوني قدامك
امي:انشاءلله
الكاتب:Arhima Alagory
طلعت ركبت في سيارة
احمد:شنجو
انا:الحمدلله وانت
احمد:تمام
انا:امبدري كنت في مستشفي
احمد:كنك شن في
انا:صارلي هبوط سكر
احمد:اوو خطير هبوط ردبالك من روحك
انا:انشاءلله بس دكتور قلتلي حاجه
احمد:شن قالت
انا:قلتلي اني حامل
احمد:شنو
انا:حامل
احمد:تحكي جد يا ملاك
انا:والله جد جد
احمد:درس سيارة مسك يدي نحبك
انا:حتي انا
احمد:نمشو مستشفي
انا:لالا توا نعسانه بعد بكرا نمشو
احمد:عينك نمشو بكرا
انا:توا غير امشي للحوش توا نحكيلك
احمد:باه احكي
انا:بكرا معزومين ع غداء
احمد:وين
انا:عند عبير يبو يمشو لكندا بعد بكرا وعزمينا ع غداء
احمد:نحنا ومن
انا:نحنا وهلي وعيت خالد وعمتي
احمد:باهي تمام انزلي هي
انا:باه
نزلت وخشيت للحوش غيرت دبشي وجيت ع سرير ورقدت وانا فرحانه واخيرا نبي نقاعد ام ويجيني وليد ونسمي معتز امتي ياربي
ثاني يوم
كنت راقده واحمد يلعب عليا يعني مره يسكرلي خشمي ومره يكر وذني وهكي ?
انا:اووف احمد ريح روحك
احمد:نوضي وقت
انا:احمد خليني راقده
احمد:لالا صبي
انا:ينعليا منك انت ما تريح حد
احمد:ايوه هكي من الاول
انا:شن تبي
احمد:هي نوضي نمشو مستشفي
انا:وعمل متاعك
احمد:خذيت راحه اليوم
انا:باهي خليني نرقد شويه
احمد:خذا مخدة مافيش نوم
انا:وحق الله نعسانه
احمد:طلقها في وجي صبي توا يطير نوم
انا:باهي توا نصبي يابارد
احمد:توا نوريك
صبيت خشيت حمام بعدها طلعت لقيت فطور ع طاوله
انا:ليش تعبت روحك
احمد:مافيش تعب هي تعالي
انا:باه
قعمزت قعدت نفطر
احمد:توا نمشو مستشفي بعدها نمشو لعبير
انا:باهي
فطرت ومشيت لبست و واتيت روحي بعدها طلعت انا واحمد
احمد: تعرفيها دكتورة
انا:اها نعرفها
احمد:تمام هي انزلي
الكاتب:Arhima Alagory
نزلت وخشيت مستشفي
احمد:وين
انا:اهي هنا
احمد:سلام عليكم
ممرضه:عليك سلام
احمد:بالله عليك نبو دكتورة نساء وين
ممرضة:تفضلو ماعندها حد
احمد:شكرا خشي
انا: باه
خشيت ع دكتورة
انا:سلام عليكم
دكتورة:عليك سلام
انا:كيف الحال
دكتورة:الحمدلله شن تحسي روحك اليوم
انا:الحمدلله احسن
دكتورة:تمام شن انديرو تحاليل
انا:عادي نديرو
دكتورة:هي تعالي
طلعنا واحمد كان قاعد برا درت تحاليل
انا:احمد قالت تحاليل يطلعن بعد ساعتين
احمد:عادي توا نرد عليهن
انا:تمام يادكتورة توا يجيك احمد ياخذ تحاليل
دكتورة:خلاص بعد يطلعن توا نخذهن عندي وع مهاله وانتي نبدا نتابع معاك شن تخذيها وشن تفوتيها
انا:تمام انشاءلله
طلعنا
احمد:وين نمشو
انا:امشي لعبير
احمد:بلكي مزال بدري
انا:لا عادي منها نساعدها في حاجه واثنين
احمد:تمام
مشينا لعبير
احمد بيب طلع عادل وشايل معتز
انا:خير عادل
عادل:خير خير ملاك
معتز:بعد شافني قعد يبكي الاك ابيها
طبعا مزال ما ينطقش اكويس ?الاك يعني ملاك وابيها يعني نبيها
عادل:هكي هذا راه ينكلب
انا:هيت نجكليا
معتز:قعد يضحك
عبير:من ملاك
انا:من صبح عندك
عبير:مرحبتين خشي
الكاتب:Arhima Alagory
عادل:هي خش يا راجل
احمد:توا نخشو جيبلنا كراسي هنا خير
عادل:باه
عبير:غريبه مش متوقعتك اتجي بدري
انا:اها كنت في مستشفى درت تحاليل واحمد واخذ اجازة اليوم
عبير:انا نقول باهي شن صار في تحاليل
انا:بعدين يطلعن
عبير:ربي يحمل معاك
انا:انشاءلله
عبير:انديرو فطور
انا:والله فطرين خلينا نبدو في غداء
عبير:هي
الكاتب:Arhima Alagory
بديت انا وعبير نديرو في الغداء
انا:توا ندير بطاطا شوري
عبير:غصبان عنك بطاطا متاعك سمحه
انا:انتي اسمح
عبير:شن اندير كسكسو ولا رز
انا:ديري كسكسو خير عندي انا
عبير:باهي حتي عادل قالها ليا
انا:رز تحسي يجي عشاء
عبير:ومريم قالت جاي في طريق وشورها المحشي
انا:تمام
بدينا نديرو في الغداء بعدها دق باب
عبير:مفتوح خشي
مريم:سلام عليكم
عبير:عليك سلام
مروه:ملاك
مريم:امتي جيتي
انا:بايته هنا اصلا
مروه:يا سايبه مسيبه راجلك
مريم:ههههه صدقت فيك
انا:نبصر وانتن تقصفن طول
عبير:وين باقي
مروه:امي وصفاء توا يجيبهن باتي بعدين
انا:هي مدن ايديكن معانا
مروه:هي توا نجي
قعدنا نوتو في الغداء نين بعدها جونا هلي امي واميرة جابهن باتي بعدها جت صفاء وعمتي جابهن عمي مصطفي لي هو راجل عمتي
قعدنا نحوسو
انا:يا عبير انتي امشي مع امي وعمتي ماعليك فيهن
عبير:نسعادكم
مريم:لالا غير امشي بس
عبير:انتن حوامل يا بنات ريحن اروحكن
مروه:توا نديرو نحنا
صفاء:عبير سكنتي اطلعي راه خيرلك
عبير:باهي باه
كملنا الغداء وحطينا تغدينا بعدها قعدنا نهدرزو جو هذا وبنات يغسلن في مواعين
اميرة:الابله ملاك مفروض تجي معنا دروحها حامل وتدلع
صفاء:حرام عليك شن درتلك ملاك
اميرة:هكي مش طيقتها بكل ولا ح نطيقها
مروه:طيبة لي عند ملاك ماعند حد منكن يا بنات خالي
اميرة:هذي انتي تشوفي هكي لكن ملاك كل مره تضحك ع واحد وتجيب في لصفها بس انا صقع عليها
صفاء:وحق ربي هبلة وربي يشفيك
اميرة:صفاء سكري فمك وانتي مش شورك راه سكتتلك واجد
صفاء:شن تبي اديري مثلا شايفه ملاك طيبه ومحترمتك تحسبي روحك وين لا يا حنه انا مش كيف ملاك وانتي ماتبش حد يحترمك
اميرة:يا حيوانه وجت تبي تضربها
وصفاء:قدمت تبي تضربها
مروه:يا بنات عيب عليكن
وقعدن ينتشن في شعر بعضهن
الكاتب:Arhima Alagory
نحنا سمعنا هرجه جينا نجرو
امي:اميرة بطلي
عمتي:معقوله انتي وياها
بنات سكتن
عمتي:نحكيلكن انا شن هضا من امتي تضاربن هكي
صفاء:انا مش غلطانة
اميرة:لا غلطانة دكي خشمك في حاجه ما تخصكش
امي:خلاااص سكري فمك
اميرة:طلعت وين جت ع قصادي كل منك انتي
انا:استغفر الله ياربي
عمتي:امشي انتي وياها روحن لحوش
امي:لالا ما يروحنش
عمتي:لا خليهن
صفاء:قعدت تبكي كل من ظلم اميرة مافي حد يوقفها عند حدها ياما دايره خالي من بدايه مربيها راهي مش هكي
عمتي:ضربتها كف معش ترفعي صوتك
عبير:قعدت تبكي وخشت دارها
انا:عارفين هرجة هذي كلها شن سببها سببها انا انا سبب بلاوي كلها
امي:لالا مش شورك انتي
طلعت ومشيت لعبير خشيت عليها
انا:عبير انا اسفه
عبير:كنك انتي مش شورك
انا:انا سبب العركه نسمع فيها من امبدري بس درت روحي ما منسمعش توا سامحيني وانشاءلله انشوفك بخير يارب
عبير:وين
انا:نبي نروح
عبير:بس انا نبيك
انا:وراس عبير انا مانقدرش نقاعد ما تنسيش والله نحبك انتي اول وحده حنيتي عليا من هلي
عبير:ردبالك من روحك ومن حملك
انا:انشاءلله ساعة كم طيارتك بكرا
عبير:قالو ع ساعه 5هكي
انا:انشاءلله مربوحه بست راسها سامحيني
عبير:انتي سامحيني
انا:مسامحتك
مشيت بست معتز كان راقد
طلعت لقيتهم في دار
امي:وين ماشيه
انا:مروحه للحوش
امي:كنك
انا :حاسه روحي تعبانه
امي:كنك
انا:نبي نرقد شوي
عمتي:ملاك زعلتي
انا:لالا غير والله نعسانه وراسي يوجع فيا
عمتي:لاباس انشاءلله
انا:ماريتي باس
الكاتب:Arhima Alagory
طلعت رنيت ع احمد كان في مربوعة طلع
انا:هي نروحو
احمد:كنك
انا:تعبانه بس
احمد:هي باهي
ركبت في سيارة
احمد:جبتهن تحاليل
انا:باهي احمد كان جبتلك بنت شن ادير
احمد:شن اندير اكيد نفرح بيها
انا:بنت راه
احمد:وكان بنت
انا:اها
احمد:كنك انتي
انا:شي
احمد:باه
روحنا الحوش خشيت طول للدار ورقدت حتي دبشي ماغيرته مره الوقت وجينا ثاني يوم
ثاني يوم في صباح
احمد:ناض لقاني نتفرج ع تلفزيون
انا:صباح الخير
احمد:صباح النور امتي نضتي
انا:نضت ع فجر
احمد:باهي ديرلي فطور
انا:حاضر
خشيت درتله فطور وبعدها حطيتله يفطر
احمد:تمشي دكتورة اليوم
انا:لالا
احمد:بس قالت تعالي
انا:خليني اليوم توا نمشي بكرا ولا شي يوم اخر
احمد:باهي ما نزرش عليك
انا:بس عندي طلعه اليوم
احمد:وين
انا:عند المطار ساعة 4ونص هكي
احمد:عليش
انا:نمشي نسلم ع عبير
احمد:حاضر حاجه اخره
انا:سلامتك
احمد:باي
انا:بايات
احمد:جا عندي ونزل ع بطني اسمع يا ليد ردبالك من امك
انا:هبل انت غير نين نعرفو عيل ولا بنت
احمد:لي هو مهم يونسك
انا:خلاص اطلع يا هبل
احمد:انتي هبلتيني
انا:نعليا انا
احمد:خلاص نتلاقو بعدين
انا:باي
طلع احمد وانا تميت نلم في الحوش عند قريب ساعة تسعة رنيت ع امي
امي:الو خير
انا:خيرات كيف حالك
امي:الحمدلله شن درتي اليوم
انا:الحمدلله اكويسه كيف حالكم
امي:الله يسلمك شن غداك
انا:مزال ما طيبت
امي:تجي تغدي معانا
انا:لالا
امي:سكتت
انا:انتي تعالي تغدي عندك
امي:ياريت
انا:نجي ناخذك
امي:لالا باتك يقاعد يبي غداء وقصه
انا:يجي معانا
امي:مايبش
انا:اها نسيت اني مش بنته
امي:توا يحن قلبه كيف ما حن قلبي
انا:انشاءلله خلاص تبي حاجة
امي:سلامتك ما تعبش روحك
انا:انشاءلله
الكاتب:Arhima Alagory
سكرت من امي وانا مضايقه شوي رن تلفون لقيت حنان
انا:الو
حنان:ايوه شنجو يا شينه زعلانه منك
انا:عليش
حنان:هكي تغيبي عليا ياريت في جامعة
انا:اسفة والله عارفه روحي مقصره حي ما قتلكش
حنان:شنو
انا:طلعت حامل
حنان:لولولولولي مبروك عليك يا حبي
انا:الله يبارك فيك
حنان:باهي نبي نقولك
انا:نعم
حنان:قاعده انتي اليوم في العشيه
انا:لا والله مش قاعده كنك
حنان:وين تبي تمشي
انا:عندنا عبير ماشيه لكندا نبي نمشي نسلم عليها في مطار
حنان:ءلله انشاءلله خير كنها
انا:والله قرايه
حنان:ربي يوفقها
انا:انشاءلله
حنان:خلاص توا نتلاقو شي يوم
انا:انشاءلله
قعدت اندير في الغداء بعدها جا احمد وتغدينا وخش احمد قيل
انا:احمد نوض هي
احمد:باهي توا نوض
انا:يا احمد وقت هي
احمد:ما تسكنش توا نوض
انا:باه
احمد:نضت خلاص
انا:هي بسرعه بيش نطقو فيهم
احمد:البسي هي
انا:واتيه وشاح بس
احمد:نخش حمام ونصلي العصر ونمشو
انا:باه
احمد:وتيلي قهوة
انا:توا تاخذ من طريق
احمد:تنابله
انا:بكل
خش احمد للحمام حشاكم وتوضى وطلع يصلي بعد كمل طلعنا ومشينا للمطار
انا:نرن عليها
احمد:شوفيها
رنيت ع عبير
عبير:الو
انا:وينك يا عبير
عبير:في مطار انا شن في
انا:حتي انا في مطار نبي نسلم عليك وين قاعده
عبير:نجكليا في صاله انتضار
انا:هي توا نجيك
احمد:وين
انا:في صاله انتضار
احمد :هي تعالي
خشينا للصاله
عادل:احمد اهو هنا
احمد:تعالي من هنا
انا:جيت حضنت عبير
عبير:ياروحي انتي ليش تعبتي روحك
انا:كان لزام نشوفك من بعد فيلم امس
عبير:نجكليا ربي انشاءلله مانفقدك
انا:ولا نفقدك
معتز:قعد يبكي
انا:يا قلبي انت تبي تمشي وتسبينا والله نرايف عليك
عبير:توا نجوك وهو كبير
انا:انشاءلله
بعدها جا موعد طيارة وطلعت عبير وعادل وروحت انا للحوش
انا:رنيت ع حنان
حنان:الو
انا:قتلك كان انتي فاضيه وعندك من يجيبك انا روحت
حنان:توا نشوف كان عمر فاضي نجي وكان هضا بكرا
انا:مرحبتين بيك
حنان:باي
قعدت مكسده ع تلفزيون شوي رن تلفون لقيتها امي
انا:الو
امي:وين قاعده
انا:في الحوش
امي:توا نجيك
انا:مرحبتين بيك
انا صبيت وفرحت امي جيتني درت كيكه وحطيتها في كوشه
بعدها باب دق
انا:من
حنان:افتحي
انا:حنان نورتينا
حنان:منور بيك
انا:خشي تفضلي
حنان:يزيد فضلك
خشت حنان وقعدت نهدرز انا وياها
حنان:شنجوك
انا:الحمدلله مزال موعد ولادة
حنان:لا مزال وانتي كيف جت هذي
انا:شنو
حنان:كيف طلعتي حامل
انا:واللهي خشيت في قرعة تي كيف طلعت يعني مشيت مستشفي وكان عندي هبوط بعدها دكتورة قالت ان انا حامل
حنان:ماشاءالله انشاءلله ربي يحمل معاك
انا:انشاءلله
الكاتب:Arhima Alagory
شوي دق باب طلعت نفتح
انا:من
امي:افتحي
انا:يامرحبتين
امي:بيك
انا:خشي تفضلي من جابك
امي:خالد جابني
انا:اها باهي تفضلي
امي:يزيد فضلك
خشت امي وسلمت ع حنان
امي:خير حنان
حنان:خير يا عمتي كيف حالك
امي:الحمدلله كيف حالك انتي
حنان:الحمدلله بخير
امي:شن حال هلك
حنان:الحمدلله
انا:انستوني
قعدنا نهدرزو بعدين خالد جا روح بأمي وانا وحنان قعدنا نهدرزو بعدها رن تلفونها
حنان:الو
عمر:هي اطلعي برا انا
حنان:هي جايه
انا:من
حنان:عمر
انا:خليك
حنان:والله مانقدر توا نعودها
انا:انشاءلله ماسمعتي شي ع نتيجه
حنان:سمعت قالو اسبوع جاي
انا:انشاءلله خير
حنان:انشاءلله خلاص نتلاقو
انا:معاش تقوليها ليا
حنان:عليش
انا:هك ما نحبهش
حنان:باه باي
انا:باي
انا اذكرت كلمة معتز ليا لما قالي خلاص نتلاقو خشيت دار نبكي ما خشت احمد
احمد:ملاك
انا:نعم
احمد:كنك تبكي
انا:شي خطر عليا معتز بس
احمد:الله يرحمه يا روحي
انا:انشاءلله نديرلك عشاء
احمد:من كان عندك
انا:امي وحنان
احمد:باهي حطيلي عشاء
انا:باه
خشيت ندير في عشاء وتعشينا ورقدنا وهكي مرت الايام نين جا يوم نتيجه بس ما كنتش نعرف انها يوم نتيجه
رن تلفوني
انا:الو
احمد:وين قاعده
انا:نلم في دار
احمد:باهي واتي روحك
انا:عليش
احمد:نمشو نتغدو عند هلي
انا:تمام
قعدت نوتي في روحي بعدها سمعت بيابه فتحت روشن لقيت احمد طلعت
احمد:الله نعليا من عطر وخلاص
انا:شميته
احمد:تي فايح بكل
انا:حرام ما شميته
احمد:انتي مخلوق بروحك
انا:خزي عليك
الكاتب:Arhima Alagory
وصلنا حوش عمي وخشيت نسلم عليهم
سالمة:خيرات بالغوالي
انا:خير عمتي كيف حالك
سالمة:الحمدلله
رتاج:نورتونا يا عيني
انا:بنورك يا حبي
احمد:وانا ولدكم
رتاج:قلنا نورتونا
احمد:باهي مسامحك مره هذي
عند هلي
امي:نوضي يا بايره نوضي هي
اميرة:يا امي خليني راقده
امي:سادك نوم صبي ياريت مزلتي تقري
اميرة:حرام عليك
امي:نوضي خشي حمام ولمي دارك الحايسه
اميرة:باه توا نوض
عندنا
قعدين نوتو في الغداء
رتاج:يا ملوكة تريحي انتي حامل
انا:كان حامل توا ندير
سالمة:توا تريحي بس
انا:ندير حتي سلاطة يا عمتي
سالمة:لالا تريحي
انا:باه
قعمزت خش عليا احمد
احمد:يا ملاك نتيجتك طلعت
انا:شن صار فيا
احمد:…
عند هلي
اميرة قاعده تفطر
امي:بسرعة افطري وامشي لمي دارك
اميرة:حاضر توا نلمها
امي:لك كم يوم تقولي فيها وما يصير شي
اميرة:توا نصبي توا نلمها
امي:الله يربحك
صبت اميرة وخشت وقعدت تلم فيها وتسمع في اغاني شوي فتحت تبي تلم دولاب لقت في الكيس
اميرة:هذا شنو اها هدية متاع ملاك شفتها اوو ايفون لقت ورقة لي حطتها ملاك
اميرة:شن فيها ورقة هذي ومن حاطها
فتحتها وبدت تقرا فيها…
.
.
.
.
.
#يتبع
تحياتي Arhima Alagory