شعاع نور للقيصر محمد محسن حافظ

#شعاع نور#الجزء الثالث عشر

لقاء الخيال

سكتت طويلا وقد تغير لونها وهي تنظر الي بيومي الذي لم تفارق الابتسامه وجهه حاول ان يطمائنها فلم تجد مفر من الكلام خرجت من شفتاها الرتعشه المكتظه باللون الاحمر الداكن وقالت في نبره يعلوها الحيره هو انت عرفت ازااي اني بتكلم

اقترب منها جداا رغم جسده السمين ووضع كلتا يديه علي كتفها وقال في نبره واثقه مفيش جريمه كامله يا نور في دايما غلطه
ابتعد عنها وجلس علي اقرب كرسي قابله واكمل قائلا انا عارف من يوم موت فهد لما سمعت صوتك بس كان مجرد شك لكن لما سمعتك وانا معدي بالليل من تحت البلكونه بتاعتك قبل ما تروحي المهندسين وتبقي هانم
وانتي بتقولي لكريم ولع فيه
انا اتصدمت من النحيتين الاولي انك بتتكلمي والتانيه كلامك لكريم يا تري ناويه علي ايه يا نور؟

مرت بأصابعها علي شعرها كانت تحاول ان تستوعب المفاجأه فقد أربك كلام بيومي خطتها القادمه وهو الان يعلم عنها الكثير
نهضت فجأه وقالت وعلي وجهها ابتسامه زائفه تشرب قهوه يا استاذ

ابتسم بيومي وهو يقول
اشرب قهوه يا نور

تحركت ببطيء واعطته ظهرها وبيد مرتعشه أمسكت الكنكه الصغيره بعد ان اشتعلت السبرتايه ووضعت البن والماء وقليل من السكر الابيض
اخذت تنظر الي الكنكه النحاسيه وهي علي النار وقد بدائت تفور سحبتها وسكبتها في فنجان وحملته ولَم تستطيع وكأنه يزن أطنان وليس جرامات قليله استجمعت قوتها شيء فشيء وقبل ان تضعه بين يدي بيومي سقط من يدها اخذت نفسا عميقا
وكأن همومها ذهبت معه
نظر اليها بيومي دون ان يرمش وقد تجهمت ملامحه ونادرا ما يحدث ذالك منه ثم قال بمنتهي الثقه
الحمدلله لسه فيه خير جواكي يا نور فعلا دلق القهوه خير

جلست نور واعصابها تنهار تماما نزلت دموعها منها شعرت بالذنب مما كانت تود فعله وهو قتل بيومي تحرك شيء ما بداخلها

تنفس بيومي بمنتهي الهدؤ ثم اخرج بعض الكلمات كفيله ان تحرك جبل اصم
شوفي يا بنتي انا عارف انتي اتعذبتي اد ايه ربنا سبحانه وتعالي قال لا يكلف الله نفس الا وسعها
يعني عمره ما هيشيلك حمل اكتر من اللي تقدري عليه وبعد كده هيكفائك
رفعت نور وجهها اليه وقالت بس انا مش شفت اي مكافئة من يوم ما امي ماتت وانا عايشه في عذاب هو احنا عايشين في دنيا ولا غابه

ابتسم بيومي وهو يقول في دنيا والغابه من صنع الله برضوا عندك الاسد ربنا خلقه بياكل لحمه بس بنزعل لما يموت انسان طب هو جعان هيعمل ايه وخلق برضوا حيوانات بتآكل أعشاب ومش بتحب اللحمه زي الحمار كده حمال مأسي احنا بنيجي علي الحمار بس بنحبه وبنخاف من الاسد ونعمله حساب وبنكرهه
الغابه دي جوه كل واحد فينا فيه اللي عاوز يعيش اسد وفيه اللي بيحمد ربنا ان هو حمار
دول مثالين وفِي ناس كتير غير دول فيه الطاووس مغرور وفيه الصقر بيعرف يصطاد وفيه زي الكلب وفِي

نظرت له نور وقالت في ثقه بس الحمير كتير

ضحك بيومي بس اهي مثلا الحمير عملت ثوره علي الاسود المسجونه ده عدل مش معني كده انها بقت اسود
وانتي كمان عملتي صوره تصحيح لنفسك بس مش علشان تصلحيها علشان تبوظيها هتنتقمي وتشتغلي مع بلطجيه وهتقدمي رشاوي ومش بعيد تحاولي تقتلي زي ما كنتي عاوزه تعملي معايا لسه جواكي حاجه كويسه

اندهشت نور مما سمعت وقالت
يعني انت كنت عارف ان القهوه فيها حاجه

ضحك بيومي بصوت مرتفع وهو يقول من قبل ما تعملي القهوه وانتي لسه بتقومي تعمليها بس عارفه والله كنت هشربها

اتسعت عين نور وقالت وهي ترفع يديها يعني كنت نتشربها وانت عارف ان فيها سم

هز بيومي رأسها بالايجاب ثم قال ما لو انتي اللي هتموتيني بعد كل اللي علمتهولك يبقي هعيش ليه

قامت نور واحتضنت بيومي واخذت تبقي وتصرخ وهي تقول انا مش عاوزه غير حقي فيها هي الدنيا بتعمل فيا كده ليا انا اتعميت ومعدش شايفه حاجه
وضع بيومي يده علي ظهرها وهو يقول اهدي وخلّينا نفكر بالعقل

ابتعدت نور وهي تقول معدش فيها عقل خلاص انت قلت اني عملت ثوره ومش هرجع زي الاول تاني

ابتسم بيومي قائلا صدقيني هترجعي تتذلي في يوم من الايام اكتر من الاول هتعيشي يومين والنَّاس هتحبك وبعد كده هيقلبوا عليكي القوه ليها صحاب مش ينفع تدخلي من غير اذن مش هيسبوكي ولا يرحموكي

البلد دي ليها صحاب هما يومين ونرجع تاني….كلمات الباشا والد فهد تذكرتها الان وحاولت ان تفهم وتربط بينهم

نظرت الي بيومي وقالت بس انا مش هرجع عن الطريق ده مهما حصل

يدق جرس الباب فتمسح نور عينيها وتتجه لكي تفتح
رائت شاب طويل نحيف شعره طويل ذو لحيه سوداء يرتدي ملابس انيقه يحمل سيجار اكثر سماكه من جسده استأذن بالدخول بعدما سأل عن بيومي العتر

سمع بيومي صوته فضحك وهو يقول معقول انا مش مصدق نفسي

دخل الشاب واحتضن بيومي في شوق نظرت لهم نور في دهشه ولكنها لم تتكلم

ازيك يا استاذ بيومي وحشني والله قالها الشاب بعدما فتح زر الجاكيت الانيق وجلس

ابتسم بيومي وهو يقول وحشني يا واد يا طيب سامع عنك كل خير يا عبقري وصورك ماليه الدنيا ربنا يوفقك

وضع الشاب يده في جيبه واخرج ظرف لونه اصفر صغير الحجم تردد قبل ان يتكلم وهو ينظر الي نور فهو لا يعرفها ولكن بيومي طمأنه حين قال دي نور زي بنتي الدار امان متخفش تقدر تتكلم
انا بثق فيها جدا
اخذ الشاب نفس طويلا ثم قال طب تمام الظرف ده في كل المعلومات اللي انت طلبتها مني معلش اتأخرت شويه

ضحك بيومي وهو يمسك الظرف قائلا انا افتكرتك نسيتني فيك الخير ثم صاح علي نور قائلا فين القهوه بس المره دي خالي بالك بقي

ابتسمت نور وهي تنظر الي الشاب قائله بصوت منخفض حاضر متخفش غلطه ومش هتتكرر

اصلها يا سيدي من شويه عملتلي فنجان قهوه ووقع علي الارض

رفع الشاب حاجبه وهو يقول دلق القهوه خير بس خالي بالك المره اللي جايه يا نور

اندهشت نور لما سمعت واكتفت بكلمه واحده بعدما التفتت له قائله نعم

زي ما سمعتي قالها الشاب وكأنه تحدي

نظر بيومي اليهم وهو يضع قبضه يده تحت خده يراقب الموقف ثم قال وهو ينظر الي نور خالي بالك انتي مش قد ده مهما كان ذكائك

ابتسمت نور وقالت بس انا معرفوش ومفيش بيني وبينه حاجه

نهض بيومي من مكانه وتوسطهم وضع يده في جيبه ينظر الي الشاب ثم الي نور
اخذ نفس من صدره وقال عاوز اسالكم سؤال انتم الاتنين واللي هيجاوب الاول هيعزمني علي العشا ضحك الجميع ثم قال الشاب من غير سؤال انا موافق

وضع بيومي يده علي كتف الشاب قائلا انا عارف انك ادها
انا بهزر بس سؤالي صعب شويه كل واحد شايف فيكم التاني ازاي

نطق الشاب سريعا نور دي مصيبه

وردت نور بعده وانت كارثه

ضحك بيومي وجلس من جديد

وهو يري نظراتهم ثم سأل نور يا قائلا يا تري عارفه ده مين يا نور

ضحكت نور وهي تمد يدها بفنجان القهوه اليه وهي تقول طبعا عارفاه كويس جدااا هو فيه حد ما يعرفوش

ابتسم الشاب وهو يقول ساخرا مكنتش اعرف اني مشهور اوي كده ثم وضع الفنجان بين شفتيه وهو يضحك

مستفز حضرتك اووي قالتها نور وهي تعطيه ظهرها ليقول متشكر علي القهوه ومتشكر علي مستفز

ارتسمت معالم القلق علي وجهه بيومي وهو يهز رأسه بالايجاب الي الشاب في لغه يفهمها الاثنين جيدا

بعدها استأذن الشاب بعد ما صافح بيومي

ولَم يلقي التحيه علي نور عند انصرافه وعندما فتح الباب سمعها تقول مع السلامه يا اونر

التفت اليها الشاب قائلا اسمي
مدثر الحسيني يا شطره

تابعوني