شعاع نور للقيصر محمد محسن حافظ
#شعاع نور# الثامن العشرون والأخير
مكتب داغر
••••••••••
جلس فادي بكل هدؤ كان أمامه داغر وبينهم مائده صغيره عليها ڤازه من الزهور الطبيعيه وبعد الانتيكات من الكريستال
اما بيريهان كانت تجلس بعيدا عنهم غير مهتمه لما سيحدث المهم عندها هو المال فقط ٠
عاوز ايه يا فادي قالها داغر بهدؤه المعتاد ليرد عليه
– فادي ولا حاجه عاوز روحك
ابتسم داغر قائلا طب ما انا قدامك اهو مستني ايه
اندهش فادي ورفع حاجبه قائلا
-مش خايف؟
وضع داغر قدم علي الأخرى وقال في لا مبالاه
وهخاف من ايه بس موتي مش هيفيدك بحاجه انا ممكن اخليك أغنى واحد في مصر وسيبك بقى من الشعارات الكدابه والحنجوريه كل ده ملوش لزمه
ابتسم فادي قائلا يااااه اغني واحد في مصر عرض حلو اوي بس مينفعش مع مبادئي اصل انا واحد مش بيحب الفلوس مفيش كيميه بنا
تجهم وجهه داغر وهو يقول يا بني انت بتقول كده علشان عمرك ما عشت كل همك تحارب الفساد والأغنياء وف الآخر هتقتلني وهتاخد إعدام انت الانتقام عاميك
كانت بيريهان تنصت جيدا لم تقاوم سيره المال فقالت وهي جالسه انا لو منك يا فادي اقبل العرض فورا
دارت رأس فادي واخذ يفكر قليلا ثم قال وانا ايه ضمني انك مش بتلعب بيا ولا هتغدر
أخذ داغر نفس عميق وشعر ببعض الراحه وهًو يقول افتح الخزنه وشوف فيها كام
نظر فادي حاوله فلم بجد خزنه او ما شابه ضحك داغر قائلا وهو يشاور باصبعه وراه التابلوه ده
نهض فادي من مكانه ورفع التابلوه فوجد خزنه متوسطه الحجم لم يتحرك داغر من مكانه شاور له علي سلسله المفاتيح واعطاه الرقم السري للخزنه ففتحت علي الفور
رأى فادي ما لم تراه عينيه من قبل أموال بجميع الأشكال وبعملات مختلفه
رجع فادي بذاكرته قبل ساعات
فلاش باك
٠٠٠٠٠٠
مدثر :
فهمت هتعمل ايه يا فادي
– فادي :اه طبعا فهمت يا اونر
– مدثر:
خلي بالك يا فادي هيحاول يشتري حياته بأي تمن
– فادي :انا الفلوس متهمنيش خالص
– مدثر :
مفيش حد مش بيهمه الفلوس وقتها هتضعف
فادي: انا مش خاين
*********^^^^^^*********
انتبه فادي فجاءه على صوت داغر قائلا دول حوالي عشرين مليون جنيه
وبكره هيكون عندك قدهم عشر مرات
قفزت بيريهان واقتربت من الخزنه ونظرت بداخلها وهي تقول وانا نصيبي فين عاوزه حقي دلوقت يأما هقول على كل حاجه وعليا وعلى اعدائي
انتي نسيتي نفسك يا بيريهان قالها فادي
صرخت في وجهه قائله هاخد نص الفلوس دي فرصه العمر ما بتجيش غير مره واحده تاتا عاوزه أعيش
هتقولي على ايه يا بيريهان قالها داغر وانتظر الاجابه
لترد عليه نور اللي قتلت مراتك وسالي
نظر لها داغر باشمئزاز وهو يقول وأنتي عرفتي منين نور جت قالتلك مثلا
تهتهت سالي في الكلام وهي تقول عرفت وخلاص
تجهم وجهه داغر قائلا يبقى انتي اللي اخدتي سالي من البيت وودتيها ل نور ثم امسك الڤازه الزجاجيه والقاها علي وجهها في عصبيه فاصطدمت برأسها وسقطت أرضا وقد سالت الدماء من رأسها وغطت وجهها وضعت يدها علي رأسها فامتلائت بالدماء
نهضت وهي تسند على احد الارفف وعلمت ان نهايتها اقتربت شعرت بالخوف والرعب واخذت تقول خرجوني من هنا مش عاوزه حاجه خرجوني
اقترب منها داغر وهو يقول انتي خلاص ميته افهمي ده كويس
لا لا لا أبوس اديك والله ما عاوزه حاجه سيبني
كانت تبكي ودمها اختلطت بدمائها تشعر انها إنسانه اخري تدعي ألقوه ولكنها من هواء مثلها كما نور تماما ظلت ترتعد أمامهم
وجهه داغر نظره الي فادي قائلا
اقتلها يا فادي
انتفض فادي وبرقت عيناه ثم رفع السلاح في وجهه بيريهان ببطيء
فتركع تحت قدمه تقبل حذائه قائلا والنبي يا فادي بلاش صرخت وبكت وتوسلت له ان لا يفعل
لم يطاوعه اصبعه من الضغط علي الزناد
فيسمع صراخ داغر اقتلها وهقول أني قتلتها
تمسك بيريهان بكلتا يديه في سرواله وهي تقول ارحموني هعيش خدامه تحت رجلك يا فااادي بلاااش
وضع فادي رأس السلاح على رأس بيريهان وجذب زر الأمان
كانت تردد اشهد الا اله الا الله وان محمد رسول الله كررتها كثيرا
اتخذ فادي القرار بإطلاق النار طلقه تلو الأخرى الي ان فرغ مسدسه وحين انتهي
مد يده الي راس بيريهان واخذ يبكي واحتضانها وهًو يقول
خلاص متخفيش قتلته هو اللي كان لازم يموت الشيطان ده فضل يوسوس ليه علشان اقتل فهد قبل كده
حول فادي يده في اخر لحظه واطلق الرصاص علي صدر داغر
يعني انا عايشه يا فادي طب انا عاوزه اروح كانت خائفه ومنهاره لم تكن تحلم انها سوف تخرج سليمه
جذب فادي بعض المناديل الورقية من علي مكتب داغر واخد يمسح وجهها الذي لم يجف من الدماء والدموع حاول ان يقلل من روعها بابتسامه على وجهه نظر الى عينيها وهو يرفع شعرها من علي جبينها المجروح ثم وضعها علي صدره بحنان وهي تتنفس بسرعه
قال فادي بهدؤ لازم نمشي حالا من هنا يا بيريهان حملها بين ذراعيه ثم بحث عن حقيبه فوجدها جمع بداخلها المال والأوراق ثم نظر الي داغر وهو يسند بيريهان ثم قال لو أطول اقتلك الف مره هعملها يا داغر
وقفت السياره علي الطريق السريع لا يوجد سوى بعض الرمال الصفراء بينها طريق من الأسفلت
نزل الاثنين منها ووقف كلاهما امام الآخر
نور : مدثر مش عارفه اشكرك ازاي علي كل اللي عملته معايا
مدثر : مفيش داعي للشكر انا عملت اللي المفروض كان يحصل من زمان
نور: عارف انا حبيتك اوي
مدثر : طبعا عارف
نور : طب ايه؟
مدثر: انتي عارفه اللي فيها
نور : عارفه انك متجوز يا بخت مرآتك بيك
مدثر: بكره هتلاقي اللي احسن مني
نور :مفيش يا مدثر حد زيك
مدثر: انا مش ملاك بالعكس انا مليان عيوب بس اللي بيحب زيك مش بيشوف غير اللي هو عاوز يشوفه
نور : بس انا والله العظيم بحبك اووي
مدثر : انتي بتدوري على الأمان وانا هفضل جنبك أوعدك
نور : عارف ان قلبك حلو اووي وبيشيل كتير
مدثر: ربنا مبيديش حمل غير للي يقدر يشيل
نور : الناس بقت وحشه
مدثر : بس الخير موجود
نور : الشر اكتر من الخير
مدثر : علشان القلوب شالت والنفوس طمعت
نور : بس انا خايفه
مدثر : الخوف مطلوب علشان نعمل حساب بكره من خاف سلم
نور : معدش ليا حد
مدثر : كلنا معاكي انا وبيومي وكريم الصغير خلي بالك منه أوعي تضيعيه يا نور
نور: هعمل كده وف الآخر هيروح مني أمه هتخرج وهتخده
مدثر: حتي لو حصل هيكون أتعلم منك حاجات كتير علميه الخير اللي نقص من الدنيا
نور : تفتكر هقدر
مدثر: لو نور الطيبه رجعت هتقدري تسمحيلي أساعدك واجبلك بيت صغير تعيشي فيه
نور: مش عاوزه حاجه عاوزه أعيش وأحس انك جنبي توعدني
مدثر : أوعدك يا نور
نور : هرجع أعيش في المكان اللي اتربيت فيه وهشتغل في مكتب أستاذ بيومي وهربي كريم
مدثر : ربنا يوفقك يا نور
نور : حياتي لو اتكتبت قصه تفتكر اسميها ايه
مدثر : شعاع نور
نور : ممكن تحضني
مدثر : ممكن يا نور
نور : اشوفك على غير يا اونر
مدثر : اسمي مدثرالحسيني يا شاطره
مكتب بيومي
٠٠٠٠٠٠٠٠
نويت على ايه يا معالي الباشا
قالها بيومي ليرد عليه
انا هسيب البلد معدش ليا حاجه فيها
ضحك بيومي قصدك السلطه
هز الباشا رأسه قائلا احنا بنخرج من السلطه بس في نفس الوقت جواها انت قولتها قبل كده انا بره السلطه بس بعمل اللي انا عاوزه
وضع بيومي كلتا يديه علي بطنه قائلا اومال عاوز تسيبها ليه
خلع الباشا نظارته الطبيه ومد يده يبحث عن منديل ينظفها به ثم قال وهو يفرك عدساتها
فهد مات كان كل دنيتي عقاب ربنا ليا
رفع بيومي حاجبه وهو يقول
هو انت تعرف ربنا زينا
تغير وجهه الباشا قائلا في غضب احنا بشر وبنغلط مش غلطتنا اننا بنحكم شعب مستهتر شبابه في دماغه السفر وبس عنده يموت في البحر وميشتغلش في بلده وبنات همها تتجوز وتخلف عيال واحد واتنين وعشره ويرجعوا يقولوا الحكومه ورجاله قاعدين علي القهاوي للصبح نسوان رغايه مورهاش غير قالوا وقولنا قبل ما تحسبونا حسبوا نفسكم ناس تتجمع في ماتش كوره وعمرهم ما اتجمعوا علي مصلحه البلد هي الحكومه اللي بترمي الزباله في الشارع ولا هي اللي بتخلف
ومطلوب مننا ناكل ونشرب ونعلم ونعالج وندفع معاشات وندعم العيش والدوا ده شعب سلبي
احتد بيومي هو الآخر في الكلام قائلا أي حكومه في العالم دي وظيفتها اللي مش قد الكرسي ما يقعدش عليه
ابن اللوا بيبقى ظابط
وابن الدكتور بيبقى دكتور
وابن القاضي بيبقى وكيل نايبه
وابن دكتور الجامعه بيبقى عميد
بأي منطق في الدنيا واحد يطلع يقول ابن الزبال ما ينفعش يبقى قاضي
ليه هو محتاج ايه غير انه يطبق القانون والعدل
البلد دي ولادها بينجحوا بس للأسف مش هنا بينجحوا بره
انا معاك انه شعب عاوز ينام ويأكل ويتفرج على كوره وبينزل الشغل يفطر ويشرب الشاي ويقرا الجرنان ويلعب في التليفون علشان اليوم يخلصً
أراد الباشا ان ينهي الموضوع فقال بيومي
الشعب اللي يفتكر ان الحريه في كسر إشارة المرور يبقى شعب جاهل صدقني الشعب ده لو في ايده الحريه هينزل يسرق ويخرب الدنيا صحيح مش كله بس لازم يتحكم بالقوه
ثم مد يده يصافح بيومي الذي قال وهو يكاد يبكي
بلدنا حلوه اووي بس ياريت نقتل البلطجي والظالم فيها وندي للغلبان حقه نعامل المحترم كويس بلاش نهزقه نرجع للشباب الأمل انه ممكن يكون ظابط وطيار وقاضي صدقني حاجات كتير هتتغير الفساد في النفوس يا باشا
يمد الباشا يده هو الآخر ويقول متفق معاك مع السلامة يا بيومي
مع السلامة يا باشا ٠٠٠٠٠٠٠٠٠٠٠٠٠٠٠٠٠٠
حمدلله علي سلامتك يا بيريهان قالها فادي وهو يمد يده اليها تبتسم بيريهان قائله الله يسلمك يا فادي مش عارفه اقولك ايه كان زماني ميته
نظر لها فادي في حنان قائلا تتجوزيني يا بيري
اندهشت لطلبه وقالت خجلا ليه عاوز تتجوزني يا فادي علشان صعب عليك وشفت ضعفي
صمت ووضع عينيه أرضا ثم فكر قبل ان يقول عمر ما قلبي وجعني كده مش علشان ضعفك بس علشان انتي شبهي ساعات الدنيا بتودينا في حتت احنا مش حبنها لكن بنمشي فيها غصب عننا
وضعت بيريهان يدها علي وجهه قائله معاك حق يا فادي طب انا موافقه بس ليا شرط واحد
لمعت عيون فادي قائلا ايه هو انا موافق قبل ما اسمعه
تقول بيريهان عاوز الأمان تقدر تدهولي
اندهش فادي فقال وهو يمسك يدها بس انا ممكن اموت في أي لحظه ازاي اديكي حاجه انا مش عارف اديها لنفسي
تعالي نبعد اوووي ونبداء حياه جديده اًنا جنبك عاوزاك بس متبعدش عني والقدر ده بتاع ربنا اوعى تفتكر أني وحشه انا كنت بنت ناس بس الزمن عمل فيا كتير هبقى احكيلك كل حاجه تكلمت بيريهان ليقول فادي وانا أوعدك مفيش حاجه تفرقنا الا الموت مدثر اقنع الباشا انه يسبني أعيش ده كان شرطه ونور رفضت الفلوس
وانا كمان مش عاوزه الفلوس دي يا فادي عاوزه أبقى نضيفه ونور مش احسن مني يمكن ربنا يغفرلنا اللي عملناه تفتكر يا فادي ربنا هيسامحنا
ان الله غفور رحيم قالها فادي لتقول بيري يلا نبدأ
يبتسم فادي وهو يعانقها ويقول يلا نبدأ يا بيري
٠٠٠٠٠٠٠٠٠٠٠٠٠٠
غرفه نور
٠٠٠٠٠٠٠
روبابيكيا بيكيا
تفتح نور شباك غرفتها الصغيره
عم رمضان تعالي قالتها نور ليرد عليها قائلا نورتي يا ست البنات
تبتسم نور قائله عاوزه حاجه لكريم الصغير
يبحث رمضان عن بعض الملابس الملائمة له فيجد الكثير فيقول رزقه واسع
تمسك نور بالأشياء وتذهب الي كريم وتقول في حنان ايه رائيك في الحاجات دي
ليرد ببرائه حلويين اووي يا ماما نور دول علشاني
تضعه في صدرها وتقول ايوه علشان يا حبيبي
ثم تخرج حقيبتها وتقول بكام دول يا عم رمضان
يضحك ويقول دول هديه مني ل كريم الصغير خليني اشترك معاكي با بنتي في الثواب ده
تبتسم نور قائله طب ممكن تاخد الفلوس دي وتشتري بيها شويه حاجات وتوزعهم على الناس الغلابه انت تعرفهم اكتر مني
يمد رمضان يده قائلا حاضر يا نور يا بنتي ربنا يجعله في ميزان حسناتك
ثم ينصرف وتدخل نورمن جديد لتجد كريم يستبدل ثيابه وعيناه تضحكان من الفرحه
ابتسمت وتذكرت اخيها وهي تنظر على فراشه أخرجت صوره من احد الادراج كانت تجمعها به تسللت دموعها الي خدها فاقترب كريم الصغير قائلا بتعيطي ليه يا ماما نور
ابتسمت في وجهه واحتضنته وهي تقول مفيش يا حبيبي انا كويسه
سمعت طرق على الباب هنهضت مسرعه وهي تقول طيب
فتحت الباب فوجدت سليم أمامها لم يلقي السلام ولكنه قال
نور دي اخر مره تشوفيني فيها لو عاوزه انا بحبك وعارف أني بالنسبه ليكي ولا حاجه كل اللي بطلبه انك تديني فرصه
نظرت له ووجهها متجهم لم تقل شيء تركته واتجهت الي الشباك من جديد وفتحته بعد ان قالت له استنى يا سليم
ثم نادت بصوت عالي بابا ..بابا
ليخرج إسماعيل الي شرفته ويقول ايوه يا نور
ترفع رأسها الى اعلى وتقول انا جالى عريس موافق
يبتسم إسماعيل ويقول الف مبروك يا بنتي يا ترى مين
تضحك وتقول دكتور سليّم عارفه
طبعا عارفه يا بنتي ده ابن حلال
تمزح نور مع والدها وتقول اومال فين نرجس ثم تنادي
نرجس يا مرات ابويا يقاطعها إسماعيل قائلا بتصلي يا بنتي
مين دي اللي بتصلي يا بابا هو انا سمعت صح نرجس بتصلي هي الدنيا جرى فيها ايه
يضحك إسماعيل ثم يقول ربنا يهدي الجميع يا بنتي
تنهي نرجس صلاتها وتخرج الي الشرفه قائله فيه ايه يا نور عل الصبح
تمزح نور مره أخرى معاها وتقول هو انتي فعلا كنتي بتصلي يا نرجس اصل جالي عريس وعاوزه رائيك
رغم ما فعلته بها نرجس كان نور تشعر بالذنب اتجاهها حاولت ان تبدأ حياه جديده مع الجميع دون شر
تهز نرجس رأسها في اندهاش قائله ايوه كنت بصلي على العموم الف مبروك يا بنتي عندي خبر حلو ليكي يا نور
فرحيني يا نرجس قالتها نور لترد عليها من جديد قائله هطلع اعمل عمره بس مش ليا لكريم الله يرحمه سامحيني يا بنتي انا كنت ظالمه وقاسية
وضعت نور يدها علي رأسها وهي تقول يا الله يا الله ثم انزلتها فوجدت سليم يداعب كريم في حب ارادت ان تنسي فسالت كريم وانت رائيك ايه أوافق علي سليم ولا ارفض
ليقًول في خجل وفقي يا ماما نور
تنظر الى سليم وعينيها تضحك ثم تقول كده ناقص واحد لو وافق يبقى خلاص هنتجوز يا سليم
قفز سليم فرحا وهو يقول انتي بتتكلمي جد يا نور يعني خلاص موافقه
رفعت حاجبها اه موافقه بس بعد اربع شهور انت ناسي أني ارمله وكمان لازم اخد رائي أستاذ بيومي انت عارف هو غالي عندي ازاي
طب يلا مستنياه ايه
ندهت من جديد أستاذ بيومي اطلع انا عارفه انك سمعني
خرج بيومي يضحك قائلا ايوه يا نور
رفعت يده تحيه ثم قالت سليم عاوز يتجوزني رائيك ايه ؟
رفع يده هو الآخر قائلا موافق طبعا سليم بيحبك وابن حلال
تبتسم وتقول خلاص مادام كلكم موفقين ثم نظرت الي بيومي من جديد وقالت
قول للي عندي نور بتقولك متشكره علي كل حاجه
هرش بيومي في رأسه قائلا مين اللي عندي قصدك ايه
قالت وهي تغلق الشباك
قوله نور بتقولك
مهمتها كان ذكائك متستألش بلي قدامك
ريحه البرفيوم بتاعه وصله لحد عندي سلام
نظر اليها سليم وقال ممن اطلب منك حاجه
ضحكت عينيها وفتحت ذراعيها فقد فهمت الطلب
احتضنها سليم وهو يرفعها من علي الأرض ثم قال بحبك يا نور
بكت عينيها هذه المره فرحا وقالت ممكن اطلب منك انا كمان حاجه
لم يخرجها من صدره وقال انا كمان عارف طلبك كريم هيعيش معانا
تعالي نفتح الشباك اقترب سليم ونور من النافذة وتوسطهم كريم
فسقطت على الغرفه الكئيبه شعاع نور القته الشمس لأول مره
النهايه