شعاع نور للقيصر محمد محسن حافظ
ارتدت السواد من رأسها حتي قدميها ظلت جالسه فوق فراشها ايّام لا تتحرك تفكر في هذا الكابوس.
قد جاء فهد حتي يكون عون وعوض لها عن حياتها البائسه استمدت قوتها منه هو. والآن تركها وحدها كي تعيد القرهلم تفرح برجوع صوتها ولَم يعرف احد ذالك سوي بيومي العتر وعند زيارته لها بعد ذالك لم تتكلم اوهمته انها فقدت النطق من جديد وصدق وكيف يعرف ذالك وهل عليه دخول حنجرتها حتي يعلم الحقيقه
كانت تنطق وهي وحيده اسمين فقط فهد وكريم احداهما قتل والآخر مسجون
كانت تشك ان داغر له علاقه بالموضوع وان قتل فهد مرتب بمنتهي الاتقان ولكنها غير متأكده فكلمه داغر للفتاه التي اتهامتها بالسرقه ترن في اذنها وهي
مفيش اتهام بدون بينه او دليل
ولكن من يملك غيره هذا الدهاء وكيف يطلق علي صدر فهد ست رصاصات في عز النهار دون رحمه
وماذا فعل لذالك
رأت جنازته العسكريه في التلفاز
وذهبت لزيارته في المقابر بعد ذالك وبكت بقوه امامه
نامت نور لاول مره نوم عميق لم تشعر بشيء
شاهدت حلم غريب تلك الليله
سمعت اسمها يترد من الجميع
نور. نور. نور. نور
وكل مره تسمع اسمها تزيد الاضأه من حولها وضعت يدها علي صدرها من الفرحه وهي مازلت تحلم قائله وهي تنظر لهم
كنت اتمني شعاع من النور فقط
الان أضأ العالم من حولي
كان بيومي اول صوت
وكريم ثاني صوت
وفهد ثالث صوت
وسليم رابع صوت
الغريب انها رائت داغر ولَم تسمع صوته رأته يبتعد عن النور ويسكن الظلام
وفجأه فتحت عينيها لينتهي الحلم اخذت نفس عميق وابتسمت لاول مره منذ وفاه فهد
ارادت الخروج لا تعرف الي أين ولكنها ستخرج وان كان بيومي اقرب الي قلبها دائما كأب ولكنها فكرت ان تذهب الي البنك وتسحب اكبر قدر كافي من الاموال ڤيزا فهد معها وقد قال لها قبل وفاته افعلي ما شأت
ذهبت الي البنك ووضعت الكارت
وظلت تسحب كما تشاء من نقود حتي توقف لأنتهاء السحب اليومي اذا عليها أعاده القره كل يوم ولكنها لا تعلم كم بداخلها ولكنها ستسحب كل ما بداخلها لاخر جنيه ذهبت بعد ذالك الي محل مجوهرات واشترت خاتم من الألماظ كانت تحلم به كتبت عليه فهد
كان هدف نور من هذه الاموال ان تأخذ بثأر فهد فالنقود تفتح الابواب وتصنع المستحيل وحتما ستعرف عاجلا ام اجلا
دخلت علي بيومي المكتب وجهها مبتسم وعينيها ممتلأه بالكلام مدت يدها وسلمت عليه فنظر لها بيومي قائلا عامله ايه يا نور دلوقتي
نظرت الي السماء ووضعت يدها علي صدرها
فهم منها بيومي انها تشكر الله
طلبت من بيومي ان يبدأ معها في الدروس العمليه في القانون
وافق بيومي علي طلبها ولكن كان له شرط قبل ذالك
وافقت نور علي شرطه دون ان تعرفه
ولكنه فاجأها حين قال هو انتي يا نور اللي عورتي نفسك واتهمتي نرجس وكنتي عمللها كمين
تغير وجه نور ووضعته ارضا وهي تهز راسها بالايجاب ولكنها فاجأته هي الاخري حين مسكت ورقه وقلم وكتبت الآتي
بعترف اني عملت كده علشان نرجس تدوق الظلم اللي ساقتهولي انا كريم سنين عملت كده علشان عاوزه ابقي قويه تقدر تقولي الضعيف بياخد حقه ازاي في البلد دي
فهد اول يوم اتقبض علي ابوه اتقتل فيه وانت عارف كويس رغم منصبه عمره ما ظلم حد ولا آذي حد يا تري شاكك مين اللي عمل كده زي ما انا شاكه
اعتذرت الورقه لبيومي فقرائها سريعا ووضعها علي المكتب ثم نظر الي نور قائلا
الجزء بتاع نرجس ده اول درس الورقه دي تخرجها وتدخلك انتي السجن قولتلك اوعي تأمني لحد حتي انا نهض بيومي من مكانه واكمل الشيطان وحش يا نور واي انسان فينا ضعيف قدام شهواته مثلا لو الورقه لو حد هددك بيها
هتعملي ايه؟
هزت نور رأسها بالنفي وهي تمد شفتها السفلي
ضحك بيومي وهو يربط علي كتفها ثم نظر لها قائلا
اللي بيهدد ده هيبقي انسان فيه شر جواه علشان لو انسان طيب وكويس عمره ما هيعمل كده
والشر ده كمان ليه نقطه ضعف هقولك ازاااي
لف بيومي حول نور وهو يضع يديه المتشابكه خلف ظهره واكمل
فيه واحد هتلقيه عاوز فلوس
وده طماع
وواحد هتلاقيه بتاع نسوان وده وسخ
وواحد بتاع مزاج وكيف وده يبيع اي حد علشان حته حشيش
وواحد ممكن تكون نقطه ضعفه الاكل وده انسان تيفص زي حلاتي
كده بضعف لو شميت ريحه الاكل
ضحكت نور ووضعت يدها علي كرش بيومي ثم شاورت علي نفسها وكأنها تقول انا هأكلك خليها عليا
ضحك بيومي واكمل كلامه بسؤال صعب فهمتي ايه بقي يا نور من الكلام ده
ابتسمت وشاورت علي صدرها
ثم رأسها ثم بطنها ثم احمر وجهها فجأه فعرف بيومي انها فهمت وأعاده عليها
قائلا براڤوا عليكي الطماع ده نقطه ضعفه صعبه اوي وهي قلبه
اما صاحب المزاج نقطه ضعفه دماغه
واللي زي حلاتي مع الاكل نقطه ضعفه بطنه
واللي بتاع نسوان طبعا انتي فاهمه من غير ما اكمل
في حته في كل واحد فينا مودياه في ستين داهيه
يعني لو واحد هددك لازم تستخدمي ذكائك علشان تعرفيه تهددي انتي كمان وتكوني حريصه في تعاملاتك مع الكل هقولك علي حاجه بس متزعليش مني كويس انك مش بتتكلمي
سكتت نور عند سماعها اخر جمله
وقالت وهي تحدث نفسها
معاك حق في كل كلمه كان نفسي اقولك اني بتكلم واقولك كمان انك راجل طيب بس انت علمتني اني مش اثق في حد حتي فيك
اخذت نور الورقه التي اعترفت فيها علي نفسها ومزقتها
وهي تضحك وضحك بيومي هو الاخر
اكمل بيومي قائلا اما بالنسبه مين اللي قتل فهد
فأنا مقدرش أشك في حد طول مافيش دليل ضده حتي لو كنت متاكد من اللي عمالها
زي ما انا عارف انتي شاكه في مين بس ممكن نكون غلطانين ويطلع بريء ويكون واحد تاني خالص مجاش في بالنا ولا نتوقعه علشان كده لو فيه جريمه ظباط المباحث مش بيستبعدوا اي حد لانه ممكن يكون اقرب واحد ليه
شعرت نور انها كسبت شخص يساوي وزنه دهب سيجعل منها محاميه بارعه ولكنها ايضا لا تنوي ان تقضي عمرها في مكتب متهالك مثل ذالك فهي تريد مقعد ………..داغر
**************************
عرفت الاخبار يا سليم قالها فادي اخيه وهو ينظر له
ليرد سليم بسرعه خير ايه اللي حصل يا فادي
ابتسم فادي وهو يقول كل المساجين اللي في السجون هربت
اندهش سليم من ابتسامه فادي وقال له في حده ودي حاجه تخليك مبسوط اووي كده
تجهم وجه فادي وهو يقول خلي الداخليه تجرب اللي بتعمله فينا
اديهم فقدوا السيطره علي جهاز أمن الدوله والسجون والاقسام
غضب سليم من كلام فادي ونظر له في غيظ وهو يقول الداخليه عندها غلطات من ظباط وأمناء شرطه فاسدين بس فيهم الكويس برضوا يا اخي كل حته فيها الكويس والوحش انت ليه بقيت كده فرحان في بلدك واللي بيجراه فيها من خراب
رفع فادي رأسه قائلا مش البلد دي اللي انت بنفسك مش هارف تحب فيها يا اخي ده انت حبيت واحده فقيره جه واحد عنده سلطه اخدها منك حتي ابسط حاجه مش عارف تعملها
سكت سليم قليلا ثم قال كل شيء نصيب علي العموم هي اللي اختارت وهو الله يرحمه
نظر له فادي في حده قائلا ومستني ايه بقي ما تروح تتقدم لها يمكن لم تبقي جنبها في الظروف دي تحبك
جلس سليم علي كرسي قريب منه ونظر الي فادي قائلا
انا بحبها زي ما حكتلك ومش عاوز من الدنيا غيرها
وضع فادي يده علي كتف سليم ونظر له قائلا. متخفش نور هتبقي من نصيبك
**************************
نور انا هربت ومش عارف اروح فين
وضعت نور يدها علي صدرها وهي تقرأ رساله كريم
فكرت قليلا ثم اخذت القرار بسرعه
طلبت الرقم فرد عليها كريم وهو يقول ايوووووه يانور
فاجأته نور قائلا ايوه يا كريم انت فين دلوقتي
اندهش كريم وسألها نور انتي بتتكلمي
قاطعته نور قائله مفيش وقت للرغي ده انت فين
رد عليها كريم قائلا في منطقه صحراويه والبدو بيضربوا علينا نار وانا مستخبي انا لقيت الفون ده في جيب واحد مقتول
صمتت نور قليلا ثم قالت القتيل ده جنبك اوووي يعني وعنده كام سنه تقريبا
اندهش كريم من سؤال نور وقال ايه لزمتها الاسئله دي كلها
صرخت نور وهي تطلب من كريم ان يرد علي اسألتها بسرعه
جاوبها كريم كما ارادت قائلا حاضر يا نور هو قريب مني وعنده خمسه وعشرين سنه تقريبا
صمتت نور قلبلا ثم عادت وسألته بطاقتك معاك في جيبك
ايوه معايا يا نور ما انا لسه مطلعها انتي عارفه
قالت نور في حده اسمعني كويس كريم ونفذ كل اللي هقولك عليه من غير نقاش
دلوقتي بطاقتك تحطها جوه محفظه جلد طبيعي
وتروح للقتيل ده تفضي كل جيوبه اوعي تسيب فيها حاجه خالص لا خاتم ولا ساعه ولا نضاره
وتحط المحفظه في جيبه اللي وراه وتكب عليه جااااز
وتولع فيه كده يبقي كريم مات
وملكش دعوه بالباقي سيبه عليا
تابعوني