اغتصابي ولكن في منزل أبي للكاتبه نورا عطيه

الحلقه التاسعه
اغتصابيولكنفيمنزلابي
يونس : انا مش هسيبك يا فاطمه افهمي كده .
فاطمه : يا رب استرها منه يا رب.
اما في مكان اخر منزل رجاء
مصطفي : لازم نسأل عنها يا ماما لازم علشان هتقول ما صدقوا خلصوا مني .
رجاء : طيب انا المفروض اعمل ايه معرفش عنوان ابوها . مصطفي : بس انا اعرف الشركه .
رجاء : خلاص انت بكرا تروح الشركه وتاخد منه العنوان وتقوله اني هزورها .
مصطفي : الله عليكي يا رجاء هو ده الكلام الصح.
رجاء : رجاء حاف كده يا ولد والله انا شاكه ان موضوع سؤالك عنها ده فيه ان .
مصطفي : لا ان ولا حاجه يا امي انا الصبح هروح اخد العنوان. رجاء : طيب انا هقوم انام بقي .
مصطفي : تصبحي علي خير يا ست الكل .
رجاء : وانت من اهله يا حبيبي .
وتذهب رجاء اما مصطفي فيظل يفكر في فاطمه كم اشتاق اليها اهذا حب ام تعود ام مجرد اعجاب ويذهب الي النوم فرحا في ثبات عميق .
وعند يونس كان يجلس في غرفته ويفكر تفكير شيطاني ليوقع فاطمه في شباكه كالذئب البشري المفترس
. صباح يوم جديد علي جميع ابطالنا
. فاطمه : تستيقظ بنشاط وتذهب الي حمامها المعتاد ولم تفكر في يونس وافعاله تتجاهل افعاله .
حمدي : صباح الفل .
يوسف : صباح الخير يا بابا .
حمدي : يعني صحيت بدري تنحسد .
يوسف : كنت عايز اتكلم معاك شويه يا بابا .
حمدي : خير عايز ايه .
يوسف : فيه رحله تبع المدرسه عايز اطلعها مع اصحابي . حمدي : دي فين دي بقي ان شاء الله.
يوسف : الغردقه يا بابا 3 ايام .
حمدي : لا مفيش رحلات مع اصحابك .
يوسف : بس انا عايز اطلع الغردقه يا بابا .
حمدي : عايز تطلع حاضر هحجز لينا كلنا انما مرواح لوحدك انسي .
يوسف : يعني ايه هو انا صغير يا بابا .
تتدخل سناء وتقول يوسف خلاص ابوك قال كلمته مفيش رحلات مع حد .
يوسف : اشمعنا يونس ما هو بيطلع مع اصحابه .
حمدي : يونس كبير ومسئول عن نفسه .
سناء : خلاص يا يوسف الكلام انتهي .
حمدي : انا هحجز ونطلع كلنا الغردقه اهو بالمره فاطمه تغير جو.
يوسف : فاطمه تيجي معانا ليه اصلا .
حمدي : بعصبيه ولد دي اختك الكبيره متتكلمش كده ولو سمعتك بتقول حاجه عليها انا اللي هتصرف معاك.
سناء : جري ايه يا حمدي الواد مقالش حاجه بتزعقله كده ليه . حمدي : شايفه بيغلط في اخته ازاي .
سناء : خلاص مش هيعمل حاجه تاني .
يوسف : انا اسف يا بابا بس مش اقصد غلط .
فاطمه : تأتي علي صوتهم العالي وتقول صباح الخير يا جماعه. حمدي : صباح النور يا بنتي .
يوسف وسناء ولم يردوا عليها الصباح يكتفون بالنظر اليها فقط . حمدي : فاطمه يومين كده وهنسافر كلنا .
فاطمه : بأستغراب هنروح فين .
حمدي : هنروح الغردقه .
فاطمه : دي هنا ولا بره مصر .
يوسف : هههه متعرفش الغردقه هنا ولا بره دي جاهله دي . سناء : تضحك هي الاخري .
فاطمه : تنظر لهم ببكاء مكتوم لانها لاول مره تسمع عن هذا المكان ولم تعرف اين هو.
حمدي : بس يا يوسف عيب كده .
فاطمه : انا مش عايزه اروح معاكم في حته بعد اذنكم .
حمدي : بعصبيه اتفضل روح اعتذر لاختك وعيب كده .
يوسف : حاضر يا بابا .
ويدخل يوسف الغرفه خلف فاطمه كي يعتذر منها
يوسف : فاطمه انا اسف
. فاطمه : مفيش حاجه يا يوسف عندك حق انا فعلا جاهله . يوسف : والله ما اقصد ازعلك حقك عليا يا فاطمه .
فاطمه : خلاص يا يوسف.
يوسف : طيب بتعرفي تعومي بقي ولا هغرقك .
فاطمه : هههه لا مبعرفش لان عمري ما روحت البحر .
يوسف : قشطه يبقي هغرقك يا قطه .
فاطمه : ههههه ولا تقدر اصلا انا مش هنزل .
حمدي : انا هروح الشركه بقي .
سناء : ماشي يا حبيبي ربنا يوسع رزقك .
حمدي : يا رب .
وذهب حمدي الي الشركه الخاصه به .
اما فاطمه ظلت في غرفتها .
سناء : اللهم طولك يا روح الهانم هتفضل في اوضتها وانا الخدامه اللي ابوها جابها ليها .
يونس : مالك بس يا ماما .
سناء : بعصبيه روح قول لفاطمه هانم تخرج من اوضتها تيجي تساعدني في شغل البيت .
يونس : طيب براحه هدي نفسك يا حبيبتي .
سناء : طيب وشوف اخوك بينيل ايه في اوضته .
يونس : حاضر يا ماما .
ويذهب يونس الي غرفه فاطمه ويقف امامها ويدق عليها الباب . فاطمه : مين بيخبط .
يونس : افتحي ماما عايزاكي .
فاطمه : وقد علمت انه يوسف وقالت طيب هلبس واجي .
يونس : وتلبسي ليه انا زي اخوكي اطلعي بالي عليكي .
فاطمه : استغفر الله العظيم يا رب ابعد عني لو سمحت .
يونس : هاهاها بكرا الشوق يجيبك لحد عندي يا قطه .
فاطمه : يا رب صبرني علي البني ادم ده .
يونس : سامعك علي فكره وينسحب من امام الغرفه .
وفي مكان اخر.
رجاء : اوعا يا مصطفي تتخانق معاه .
مصطفي : متخافيش يا امي انا بس هقوله انك عايزه تزوري فاطمه .
رجأء : حتي لو قالك لا براحه عليه .
مصطفي : مش هتخانق يا امي .
ويذهب مصطفي الي مقر شركه حمدي والد فاطمه .
وفي الشركه حمدي : بعصبيه لاحدي الموظفين ايه اللي هببته ده.
الموظف : والله ما انا يا حمدي بيه .
حمدي : امال مين المسئول عن الخساره دي .
الموظف : يونس بيه هو اللي كسر وديعه البنك وخسرنا .
حمدي : بعصبيه نعم يونس طيب امشي من وشي دلوقتي . الموظف : حاضر يا حمدي بيه تحت امرك .
ووصل مصطفي الي المكان المقصود مقر الشركه الخاصه بحمدي .
مصطفي : ممكن اقابل الاستاذ حمدي .
الامن : وقد تذكره وقال ثواني ابلغه .
وبالفعل اتصل به كي يبلغه ..
حمدي : يا ربنا اكيد جااي علشان الفلوس .
ويصعد مصطفي اليه
حمدي : اتفضل يا ابني .
مصطفي : ازاي حضرتك يا عمو .
حمدي : الحمدلله انا طبعا عارف انت جاي ليه .
مصطفي : بأستغراب نعم .
حمدي : جااي طبعا علشان الفلوس انا جهزتها ليك من بدري .
مصطفي : نعم لا خالص يا عمي انا جاي علشان والدتي عايزه تزور فاطمه .
حمدي : وقد فهم وقال معلش يا ابني انا في السوق وعارف قيمه الفلوس عمتا العنوان اهو ويعطي له الكارت الخاص به بيه ارقام التليفون والعنوان .
مصطفي : شكرا يا عمي هي فاطمه كويسه .
حمدي : الحمدلله هتفرح اوووي لما تشوف امك لانها بتحبها اوووي .
مصطفي : وماما بتحبها اوي دي هي اللي سألتني عنها وصممت اجي لحضرتك علشان تشوفها .
حمدي : ابقي سلم علي والدتك كتير وهستناكم بكرا علي الغدا ان شاء الله .
مصطفي : لا غداء ايه يا عمي احنا هنيجي ماما تطمن علي فاطمه ونمشي بسرعه .
حمدي : لا والله لازم تتغدا وانا قولت كلمه هستناكم .
مصطفي : ولم يرد له كلامه وقال له ان شاء الله يا عمي .
حمدي : ان شاء الله هستناكم .
مصطفي : استنأذنك يا عمي بقي .
حمدي : هستناكم بكرا اتفضل يا ابني .
وينصرف مصطفي .
اما حمدي يفضل الذهاب الي المنزل مره اخري كي يتكلم مع يونس عن ما فعله .
وفي المنزل .
سناء : مش هتنزل النهارده يا يونس .
يونس : لا معنديش حاجه مهمه .
سناء : طيب انا نازله السوق .
ويخرج يوسف ليقول استني يا ماما انا جااي معاكي .
سناء : طيب يلا بسرعه .
اما يونس يفكر تفكير شيطاني ان سناء هتنزل ويوسف كمان كده البيت هيكون فاضي عليه هو وفاطمه بس ويبتسم بشيطانه .
سناء : يونس خد بالك علي الشقه من البت دي .
يونس : متخافيش يا ماما .
يوسف : ايه يا ماما ده هي فاطمه هتسرقها .
سناء : جايز ما هي جايه منعرفش من بيئه عامله ازاي .
يوسف : لا يا ماما فاطمه ملتزمه وبتصلي مش هتسرق .
سناء : مالكش دعوه انت يا يوسف .
يونس : ايوه مالكش دعوه ياااض .
سناء : يلا يا يوسف علشان مش عايزه اتأخر.
يوسف : يلا يا ماما .
وينصرفوا سويا .
اما يونس يجهز شاي لفاطمه ويقول مش هتيجي غير بالطريقه دي ويضع لها برشامه فيه ويقلبها جيدا ويقول الله عليكي لما تبقي بين ايدي يا فاطمه هتبقي حلوه اوي ويدخل غرفته ويجهز الكاميرا الخاصه به امام سريره الخاص ويذهب ليقف امام غرفه فاطمه ويدق الباب .
فاطمه : مين اللي بره .
يونس : انا اطلعي عايزك تفطري معايا .
فاطمه : وانا مش عايزه .
يونس : اطلعي مبحبش افطر لوحدي .
فاطمه : ليه افطر مع يوسف او مامتك .
يونس : مفيش حد هنا .
فاطمه : بخوف نعم راحوا فين .
يونس : انت خايفه متخافيش .
فاطمه : هخاف من ايه .
يونس : خايفه مني طبعا .
فاطمه : وهخاف منك ليه .
يونس : لو مش خايفه اطلعي بقي .
فاطمه : لا .
يونس : هكسر الباب يا فاطمه .
فاطمه : ولا تقدر تعمل حاجه .
يونس : طيب مش هكسره بس هحطلك الفطار علي الباب ابقي خديه من بره انا داخل اوضتي .
وبالفعل وضع يونس الشاي مع الكيك امام غرفه فاطمه وذهب الي غرفته بخبث وظل يراقب المكان .
اما فاطمه تشعر بالجوع وتقول انا مش فطرت انا هفتح اخد الفطار وهسك الباب عليا تاني هخسر ايه انا جعانه اوي وبالفعل تفتح فاطمه الباب وتاخذ الفطار وتغلق الباب علي نفسها جيد ..
يونس : القطه وقعت في الفخ خلاص .
وبكده تكون خلصت الحلقه التاسعه يا رب تعجبكم
نورا_عطيه