اغتصابي ولكن في منزل أبي للكاتبه نورا عطيه

الحلقه الخامسه عشر
اغتصابيولكنفيمنزلابي
فاطمه : مشوار ايه .
حمدي : هتعرفوا في الطريق .
فاطمه : علي فين بس يا بابا .
حمدي : ياريت يا مدام رجاء تيجي معانا .
رجاء : لا مالوش لزوم يا استاذ .
فاطمه : علشان خاطري يا طنط .
رجاء : حاضر يا بنتي .
وبعد ان يخرجون جميعا من المنزل .
وفي السياره .
فاطمه : هنروح فين يا بابا .
حمدي : انا عازمكم علي العشا بمناسبه نجاحك يا حبيبتي .
مصطفي : مالوش لزوم يا عمي .
حمدي : مالوش لزوم ازاي امال مين هيذاكر لفاطمه غيرك .
رجاء : مصطفي هيكون معاها يا استاذ من غير حاجه .
حمدي : انا مش هعزمكم علشان يذاكر ليها لا لا خالص انا علشان بشوف ضحكه فاطمه معاكم وبس .
رجاء : فاطمه تستاهل كل خير .
مصطفي : ان شاء الله اذاكر ليها واكون عند حسن ظنك يا عمي وان شاء الله تطلع من اوائل الجامعه كمان .
حمدي : تسلم يا ابني .
فاطمه : بفرحه ربنا يخليك ليا يا بابا يا رب .
حمدي : ويخليكي ليا يا دكتوره .
رجاء : ربنا يفرحك دايما يا حبيبتي .
فاطمه : يا رب يفرحنا جميعا يا طنط .
ويقف حمدي امام افخم مطعم بالقاهره .
فاطمه : الله واو احنا هناكل هنا.
حمدي : ايوه يا حبيبتي هناكل هنا .
وبعد ان يتناولون معا الطعام في احدي المطاعم الفاخره .
فاطمه : الله يوم حلو اوووي جميل انا مبسوطه جدا .
حمدي : ربنا يسيبطك دايما يا حبيبتي .
مصطفي : ها عايزه تبقي دكتوره ايه .
فاطمه : اورام ان شاء الله لان ده كان حلم امي .
رجاء : الله يرحمها .
مصطفي : التخصص ده في الامتياز ان شاء الله .
حمدي : ربنا يكرمكم يا رب وانا عندي المستشفي اللي هتتدربوا وتشتغلوا فيها انت وهي .
فاطمه : الله عليك يا بابا ،
وبعد ان يتسامرون في بعض الاحاديث سويا ويضحكون معا . ويوصل حمدي مصطفي ورجاء .
حمدي : ها مبسوطه يا فاطمه .
فاطمه : جدا يا بابا متعرفش ازاي ده احلي يوم انا قضيته . حمدي : ولسه بقي بكرا هيكون عندك لاب توب خاص بيكي واحدث موبيل كمان .
فاطمه : بفرحه شدبده ربنا يخليك ليا يا بابا .
حمدي : ويخليكي ليا يا رافعه راسي عقبال يوسف اخوكي يا رب.
فاطمه : يا رب .
ويصلون الي المنزل معا .
فاطمه : يوووه انا مش عايزه اعيش معاهم يا بابا .
حمدي : فاطمه عيب كده هما بيحبوكي .
فاطمه : لا يا بابا محدش ببحبني
. حمدي : بنت عيب اوعي تقولي كده ويلا نطلع بقي .
فاطمه : ما تخليني اقعد في الشقه لوحدي يا بابا .
حمدي : نعم ازاي اسمح لبنتي تقعد لوحدها .
فاطمه : يا بابا هقعد مش هيطلع ليا حس خالص
. حمدي : عيب بقي واتفضلي اطلعي فوق .
فاطمه : بغضب حاضر يا بابا .
حمدي : انا هشتري حاجه واطلع وراكي ماشي علشان تقولي لسناء .
فاطمه : حاضر يا بابا .
ويمشي حمدي بسيارته من امامها .
وعلي باب العماره لتجد يونس يقف لها .
يونس : كنتي فين .
فاطمه : وانت مالك اصلا .
يونس : لا مالي ونص انت بتاعتي يعني لازم تجاوبي غصب عنك والا هخليكي تندمي .
فاطمه : بخوف كنت مع بابا علشان نجحت كان بيحتفل بيا . يونس : مبروك يا جميل الف مليون مبروك يا قمر .
فاطمه : شكرا بعد اذنك وتنسحب من امامه مسرعا وتجري . يونس : مسيرك تيجي تحت ايدي بس اسيبك تتهني بالنجاح شويه . وتصل فاطمه الي الشقه .
سناء : حمدلله علي السلامه يا هانم كل ده مع ابوكي .
فاطمه : اها بابا هو اللي اخدني .
سناء : وروحتوا علي فين .
فاطمه : معرفش اسئلي بابا .
سناء : يا سوسه يعني متعرفيش ابوكي اخدك فين .
فاطمه : ايوه معرفش .
سناء : وفين ابوكي بقي ان شاء الله.
فاطمه : قالي انه راح يشتري حاجات .
سناء : حاجات ايه البيت مش محتاج حاجه .
فاطمه : معرفش انا بعد اذنك انا داخله اوضتي .
سناء : غوري .
ويخرج يوسف من غرفته ليبارك لفاطمه ويقول فاطمه بطوطه الف الف الف مبروك يا دكتوره اخيرا خبر يفرحنا .
فاطمه : تنظر له بأبتسامه وتقوله الله يبارك فيك وعقبالك يا يوسف .
يوسف : يا رب انا كمان .
فاطمه : ان شاء الله تجيب مجموع كويس .
يوسف : ان شاء الله اهم حاجه انت لازم تعزميني علي حاجه بمناسبه نجاحك ده .
فاطمه : ماشي يا سيدي بس انت كمان المفروض تجيلي هديه. يوسف : هو انا لاقي اكل قال هديه قال .
فاطمه : جري ايه يا يوسف خساره فيا .
يوسف : لا خساره ليا .
فاطمه : يا بخيل .
يوسف : يا ستي هجيب وامري لله بس انت تعزميني .
فاطمه : حاضر يا سيدي انا هدخل انام بقي علشان تعبانه . يوسف : حقك طبعا اتفضلي .
فاطمه : تصبح علي خير .
يوسف : وانت من اهله .
اما عند رجاء في المنزل
رجاء : مصطفي يا مصطفي .
مصطفي كان سرحان في شئ ما .
رجاء : مصطفي مصطفي .
مصطفي : لينتبه اليها ويقول نعم يا امي .
رجاء : اللي واخد عقلك .
مصطفي : مفيش يا امي .
رجاء : يا واد مش عليا اعترف انك معجب بيها بقي .
مصطفي : تفتكري فيه امل يا امي .
رجاء : اللي فيه الخير يقدمه ربنا .
مصطفي : يا رب ..
وعند فاطمه جلست علي سريرها في غرفتها تفكر فقط في اليوم وتبتسم بشده لنظره مصطفي اليها وتقول ياااه قد ايه مصطفي محترم اووي .
وتتذكر امها وتبدا بالبكاء وتقول اكيد انت فرحانه ليا يا امي .
وتشغل الراديو الخاص بها لتقف عند هذه الاغنيه وتتذكر امها وتبكي بشده .
ليله من الليالي فاتونا
عيني
لو صحيح نسيونا
زي ما احنا
رحتوا
جيتوا
فاكرين
نسيتوا
حتلاقونا يوم ما تيجوا زي مااحنا
بنفس الشوق
شوق في القلب
يومه بسنة
بنفس الحب
حب سنين مليانة هنا
بنفس الخوف
عليكم لما بعدتوا عننا
بنفس اللهفة
لما كنتوا زمان جنبنا
قاعدين ليالي
مستنينكم
والدنيا صعبة بالبعد عندكم
وتعبنا احنا وزي مااحنا

بنفس اليوم
يوم ياحبيبي ماشفنا بعضنا
بئى لنا سنين
في نفس اليوم
نولع شمعنا
نسهر نستنى
نقول حـ تيجوا تزوروا عشنا
يفوت اليوم وتبات دموعنا على خدنا
قاعدين ليالي مستنيينكم
والدنيا صعبة بالبعد عنكم
وتعبنا احنا وزي مااحنا
وتبكي وتقول الله يرحمك يا امي .
وتقول لها الفاتحه
وبكده تكون خلصت الحلقه الخامسه عشر يا رب تعجبكم
نورا_عطيه