اغتصابي ولكن في منزل أبي للكاتبه نورا عطيه

الحلقه الثانيه
اغتصابي ولكن في منزلابي بقلم نورا عطيه
وتذهب فاطمه مسرعا الي المنزل لكي تطمئن علي والدتها وتدخل الشقه وتبحث عن امها ولم تجدها وتقول راحت فين دي يمكن تكون في الحمام نور الحمام شغال وبالفعل تفتح باب الحمام لتجد والدتها فاقده الوعي و مغشيا عليها علي الارض .
…………………………………….
فاطمه : ببكاء شديد ماما ماما ردي عليا وتخرج مسرعا من الحمام لتفتح باب الشقه وتبحث عن احد من الجيران كي ينقذ معها والدتها تبكي بشده وتقف امام باب شقه جارتها المقربه لوالدتها لتجده مفتوح وتخرج جارتها بخضه من شكله وتقول مالك يا فاطمه فيه ايه يا حبيبتي .
فاطمه : الحقيني يا طنط ماما واقعه في الحمام وانا مش عارفه اعمل حاجه .
الجاره : بخضه يالهوي واقعه طيب تعالي بسرعه ثواني اجيب مصطفي معانا .
فاطمه : بسرعه يا طنط .
وتدخل الجاره غرفه ابنها ذو العشرون من عمره وهو يذاكر وتقول مصطفي يا ابني تعالا معايا بسرعه .
مصطفي : خير يا ماما .
رجاء ( امه ) : خالتك راويه جارتنا وقعت .
مصطفي : طيب يا امي ، ويذهبون مسرعين الي الشقه .
وبعد ان دخلوا الي الشقه فاطمه تعالوا بسرعه هنا
رجاء : تعالي يا ابني بسرعه شيلها معايا وبالفعل ينقلها مصطفي الي غرفه النوم ام فاطمه كانت تبكي بشده لانها لم تجد حل لما هي فيه .
رجاء :روح هات دكتور يا مصطفي .
مصطفي : حاضر يا امي .
وبالفعل يذهب مصطفي لكي يأتي بدكتور اما رجاء تقول هاتي هدوم من الدولاب يا فاطمه نغيرلها علشان هتبرد كده وان شاء الله تكون كوبسه .
فاطمه : حاضر يا طنط وبالفعل تأتي بملابس لامها وتبدأ رجاء ومعها فاطمه بتغير الملابس لراويه .
رجاء : بطلي عياط بقي هتبقي زي الفل ان شاء الله.
فاطمه : يا رب يا طنط .
واخيرا جاء مصطفي ومعه الطبيب .
مصطفي : اتفضل يا دكتور .
ويدخل الدكتور كي يفحص راويه وبعد ان يفحصها .
رجاء : خير يا دكتور .
الدكتور : انتوا ازاي سكتوا عليها كده حاله القلب عندها ضعيفه جدا واضح انها اتعرضت لضغط عصبي او نفسي شديد .
رجاء : بصدمه قلب راويه عمرها ما اشتكت من قلبها .
فاطمه : ايوه ماما عمرها ما اشتكت من قلبها.
الدكتور : مش لازم تشتكي واضح انها بتشيل جواها وتسكت وده غلط عليها اوي علي العموم هي لازم تروح العنايه تكون تحت الملاحظه 24 ساعه .
مصطفي : اعمل اللازم يا دكتور واللي شايفه صح واحنا معاك . رجاء : ايوه اعمل الصالح ليها يا دكتور.
فاطمه : لا ماما مش هتروح مستشفيات بقي.
رجاء : بس يا فاطمه متتكلميش .
الدكتور : انا طلبت الاسعاف بس للاسف مفيش في ولا مستشفي حكوميه مكان فاضي .
مصطفي : يعني ايه .
الدكتور : يعني لازم تدخل العنايه حتي لو مستشفي استثماري هتقدوا تدفعوا .
مصطفي : ايوه اعمل اللازم كله يا دكتور.
اما رجاء تنظر له بغيط مكتوم وتفضل السكوت .
فاطمه : انا هديلك كل اللي معايا وكل اللي انا حوشته .
مصطفي : خلي فلوسك معاكي .
الدكتور : الاسعاف جايه دلوقتي .
فاطمه : ببكاء وتقول يا رب ماما تخف يا رب.
اما في مكان اخر في احدي الجامعات خصوصا كليه التجاره شريف : البت صاروخ يا يونس .
يونس : لا لا خالص دي معفنه .
شريف : علشان طنشتك تبقي معفنه .
يونس : هاهاها انت مش عارف بقي بتكلم مين انا يونس فخري يا حبيبي .
شريف : كلام بس انت بؤ علي الفاضي .
يونس : تحب اثبتلك .
شريف : طيب اثبتلي .
يونس : طيب خليك هنا وانا هجيبها واجي اعزمها .
شريف : هترفض اصلا .
يونس : هتشوف هعمل ايه .
شريف : وريني .
ويذهب يونس الي البنت دعونا نصف يونس شاب طويل القامه مفتول العضلات وكما ترون صايع وبس
يونس : ممكن اتعرف عليكي يا قمر .
هدير : نعم عايز ايه.
يونس : عايز بخمسه جنيه بيض .
هدير : هههههههه معنديش شوف حاجه تانيه .
يونس : طالما ضحكتي كده يبقي تعالي اعزمك بقي علي حاجه نشربها سوا في الكافيتريا .
هدير : هههههه ماشي وانا معنديش مانع .
يونس : الله عليكي معاكي يونس فخري زعيم كليه التجاره . هدير : هههه زعيم مره واحده طيب انا هدير صلاح اولي تجاره لسه .
يونس : هههه لسه صغيره انا في ثالثه بقي وهبقي اذاكرلك بقي. هدير : هههه ماشي .
يونس : تعالي بقي اعزمك .
هدير : ههههه يلا طيب .
وبالفعل يأخذها يونس ويذهب بها الي الكافتيريا وينظر لشريف ويغمز له .
شريف : في سره يا ابن الايه يا يونس شقط البت يالهوي دي طلعت سهله زيها زي غيرها وانا اللي كنت فاكرها محترمه .
**
وفي مكان اخر في المكان الشعبي التي تسكن به فاطمه تأتي سياره الاسعاف وتأخذ راويه الي المستشفي فورا ومعاها رجاء وفاطمه ومصطفي ابن رجاء .
وبعد ان وصلوا جميعا الي المستشفي مصطفى قام بدفع ما معه من اموال اما بعد ان استقرت حاله روايه تحت الجهاز رجاء خليكي هنا يا فاطمه علي ما اقول لمصطفى حاجه .
فاطمه : حاضر يا طنط .
وتذهب رجاء الي مصطفي .
مصطفي : خير يا ماما طنط راويه حصلها حاجه .
رجاء : بغيظ مكتوم لا طنطك راويه كويسه انما ايه اللي انت عملته ده .
مصطفي : عملت ايه يا امي .
رجاء : ازاي تدفع فلوس من معاك احنا مالنا .
مصطفي : نعم انت ازاي تقولي كده يا امي الجيران لبعضها وهي مش معاها .
رجاء : ازاي ابو ينتها مش بيسئل فيهم خالص المفروض يكون عارف انا لو اعرفله مكان انما راويه عمرها ما كلمتني عنه .
مصطفي : مبيسألش فيهم ولا بيسأل في بنته.
رجاء : واحنا مالنا بيهم احنا ندفعلهم بتاع ايه افهم بس . مصطفي : ماما الموضوع منتهي خلاص .
وفي مكان اخر في الشركه لدي حمدي كان يجلس ومعه مجلس الاداره ويقول بصوت عالي وبزعيق لا الشغل ده زفت ماينفعش كده خلاص وينظر للساعي الغلبان ويقول انا هجيب واحد بدالك بقي يمسكها وعايز او واحده انت الظاهر كبرت وبتخرف اقولك قهوه ساده تعملها زياده وكل مره علي كده . ينظر له الرجل زو ال الخامسه والستون من عمره ويقول له متشكر يا ابني انا همشي مش لازم اهانه منك سلام .
حمدي : بكل غيظ وغضب احسن ويقول للسكرتيره من بكرا تشوفوا ليا واحد او واحده صغيرين ينظفوا المكتب ويعملوا ليا قهوه .
الجميع : حاضر يا حمدي بيه بس اهدي خلاص هو مشي .
**
وفي المستشفي بعد ان فاقت راويه طلبت فورا التحدث الي ابنتها.
فاطمه : ببكاء بقي تبقي تعبانه كل ده يا ماما ومتقوليش ليا ليه يا ماما .
راويه : بصوت شبه ضعيف انا اسفه يا بنتي كنت مش عايزه احمل نفسي علاج انت عارفه العلاج غالي كفايه عليا مصاريف الدروس علشان تبقي دكتوره وتحققي املي .
فاطمه : هحققه يا ماما .
راويه : خدي بالك علي نفسك يا فاطمه .
فاطمه : ليه بتقولي كده انت معايا يا امي .
رجاء : متقوليش كده يا راويه ان شاء الله هتكوني كويسه . راويه : تعبتك معايا يا رجاء انت عارفه اني مقطوعه لا ليا قريب ولا اي حد .
رجاء : متقوليش كده تعبك راحه .
راويه : فاطمه اخرجي هاتيلك اكل علشان خاطري يا بنتي . فاطمه : وانا هيجيلي نفس وانت هنا .
راويه : علشان خاطري يا حبيبتي .
فاطمه : حاضر يا امي .
وبعد ان تخرج فاطمه تتحدث راويه الي رجاء .
راويه : انا عايزاكي يا رجاء تاخدي بالك علي فاطمه فاطمه مبقاش ليها حد .
رجاء : ما انت ليها ربنا يخليكي .
راويه : لا انا خلاص المرض اتمكن مني خدي بالك منها وقولي ليها اني بحبها اوووي وعايزاكي توديها لابوها دي امانه معاكي لحد ما توصليها لبيت ابوها حافظي عليها اعتبريها بنتك.
رجاء : ما هي بتتي فعلا بس بطلي تقولي كده .
راويه : ابوها لازم ياخدها عنده والا هتتبهدل اوووي وخدي بالك منها .
وتعود فاطمه كي تستمع الي كلمات امها الأخيره وتدخل مسرعا وتقول ماما انت هتبقي كويسه ماما ارجوكي خليكي علشاني انا هبقي دكتوره واعالج الكل ببلاش علشان خاطري يا ماما.
ويبدا الجهاز بالتزمير ليعلن وقوف القلب __
فاطمه : ماما ماما .
ويدخل الدكتور مسرعا بعد ان حان الوقت ليغطي وجهها المشع نورا ويقول البقاء لله يا جماعه .
وبمجرد ان تسمع فاطمه الخبر تقع مغشيا عليها .
وبكده تكون خلصت الحلقه الثانيه يا رب تعجبكم

يتبع