شعاع نور للقيصر محمد محسن حافظ
![](https://zoomroda.com/wp-content/uploads/2019/11/شعاع-نور-للقيصر-محمد-محسن-حافظ.jpg)
#شعاع نور#الجزء الثاني عشر
نور لوحه فنيه متكامله جميله بملامحها البسيطه لك ان تتخيل وجهها البسيط وملامحها المذهلة
ومع كل هذا ارادت ان تغير نفسها بالكامل استعانت بأمهر مصففي الشعر وغيرت لونه الي اللون الاشقر وقامت بقص الكثير منه ليصل بالكاد الي كتفها
ثم بميك اب ارتست ووضعت عدسات باللون الازرق داخل عينيها
دخلت معرض سيارات وقامت بشرأ سياره ميني كوبر أحدث موديل بتوصيه من داغر لم تدفع جنيها واحد فيها
كل هذا حدث في ليلتها الاولي داخل شقتها بالمهندسين بعد ما اطمأنت علي كريم اخيها بعد مقابله بينهم تناثرت الدموع من اعينهم وارتمي في حضنها أعدت له الطعام ثم دخل غرفته ذهب في نوم عميق بعد عناء السفر والتعب
وفي الصباح
ارتدت بنطلون من الچينز الازرق وحذاء رياضي انيق لونه ابيض وبه بعض الخطوط الزرقاء
وقميص قصير بنفس اللون الابيض بدت انيقه وجميله تحولت ملامحها الشرقية الي الاوربيه نثرت كثير من بيرفيوم كرستين ديور المثير فوق جسدها
انطلقت بسيارتها متجهه الي الجامعه
وحين دخلت تذكرت المره الاولي لدخولها وهي ترتدي ملابس باليه ونظاره تقع من علي وجهها ناظره في الارض يرتديها الخوف وعدم الثقه وشتان الفرق الان
رأسها مرفوعه ابتسامه عدت حدود الثقه بالنفس تتجهه كل الأنظار لها مع كل خطوه تزداد فرح بداخلها وهي تلاحظ اهتمام الجميع ونظرات الإعجاب من الجميع دخلت المدرج المقتظ بالطلبه لم تبحث عن مكان خالي هذه المره ولكن عرض عليها الكثير الجلوس ولكنها لمحت احمد الشاب الذي التقط نظارتها قبل ذالك ذهبت باتجاهه وجلست لم يعرفها في باديء الامر ولكنها ذكرته بنفسها فلم يصدق نفسه من الدهشه كان احمد شاب من الطبقه الفوق متوسطه متواضع لأقصي درجه ولكنه طموح لابعد الحدود وقد يكون شيء جيد ولكن قد يأذي صاحبه عن زاد عن حده أعجبت بطريقه كلامه وتذكرت كيف رد علي د/داغر في اول مره فصيح اللسان يصدقه الجميع حين يتكلم حتي لو كان كل كلامه كذب
محبوب من الجميع
نبره صوته قويه ولكن بها الكثير من الحنان تدخل القلوب من الوهله الاولي ناهيك عن وسامته ولحيته السوداء القصيره وعينيه السوداءالواسعتين وحواجبه العريضه المرسومتين بدقه
جسده متناسق يترك دائما بعد أزرار قميصه مفتوحه وعلي رقبته سلسله من الفضه العريضه
بعد انتهاء المحاضره عرض احمد علي نور تناول الافطار وجدتها نور فرصه للتحدث مع احمد عن طريق الكتابه فهي تبحث عن شخص مثله ولكن ما كتبته اثار دهشه احمد وفزع مما رائي
ماذا كتبتي يا نور؟
****^^********************
هي العيشه بيني وبينك بقت مستحيله يا مشيره كل واحد يروح لحاله ونخلص وكل اللي انتي عاوزه تخديه
اندهشت مشيره مما سمعته من داغر فهي لم تتوقع منه ذالك
رسمت ضحكه علي وجهها وهي تنظر له قائله
ما انا لو عارفه انك بتاع نسوان هقول شافله شوفه انا معنديش مانع نطلق بس اعرف السبب
تردد داغر وأخذ يتهته في الكلام علي غير عاده لسانه الفصيح
ثم قال في غضب انا حر
تخرج سالي من غرفتها وهي تغلق الباب في قوه وتقاطع ابيها قائله وهي تصرخ لاء انت مش حر انا نور ضحكت عليك وعاوزه تدمر البيت وانت مش واخد بالك
احمر وجهه داغر وهو يقول ايه التخريف اللي بتقوليه ده يا سالي انتي اتجننتي ازاي تكلميني بالأسلوب والطريقهً دي
ترفع مشيره صوتها وهي تقول بقي الحكايه كده عاوز تسبني علشان بنت ……….دي ده انا ادفنها بالحياه تسبني علشان واحده خرسا وعايشه في حواري
سكت داغر قليلا ثم قال دي حياتي وانا حر
وفتح بال المنزل ثم نظر الي مشيره قائلا ورقتك هتوصلك ولو عرفتي تعملي حاجه مع نور وريني هتعملي ايه
**************************
ركبت نور سيارتها بعد انتهائها من محاضرتها ولقائها بأحمد
لتجد رساله من سليم يطلب مقابلتها
كانت نور تعلم جيدا ما يريده سليم فهي تعرف كم بحبها ولكن خططها في الانتقام اعمت بصرها
ولكنها ارادت ان تواجه سليم فوافقت علي المقابله ولكن ارجائتها بعض ايّام وكان هذا ردها في رساله اخري
ثم صعدت من جديد الي شقتها بالمهندسين لتجد كريم جالسا ارضااا ويدخن بشراهه
انت قاعد كده ليه يا كريم قالتها نور وهي تقترب منه
نظر لها كريم قائلا وعاوزاني اعمل ايه اديني مستنيكي عاوز اتكلم معاكي
تجلس نور بالقرب منه وتقول خير فيه ايه
ينظر لها كريم قائلا صحيح انتي هتتجوزي داغر يا نور
تضع نور يدها علي كتف كريم قائله وهي تداعبه ايه مش موافق ولا ايه داغر غني ومعاه سلطه ونفوذ ده هو اللي عملك البطاقه بتاعتك هو الامان بالنسبه لينا لكن اوعدك هخلص منه قريب وكل العز ده هيبقي بتاعنا
نظر كريم مره اخري الي نور قائلا
انتي مين ؟
في طيبتك وقلبك وحنيتك وصبرك ايه اللي حصل لكل ده
صرخت نور قائلا هوووو انت اللي بتسالني انت نسيت كل اللي جرالنا احنا ضعاف وملناش ضهر كله بيلطش فينا وانت دخلت السجن واتعذبت وانا كنت بره بفكر فيك مشيره ضربتني وساره اكله لحمي وداغر طمعان فيه وبسمه عاوزه تاخد بطارها مني ونرجس واللي حبيته ماااااات
عاوزني اعمل ايه اقف اتفرج انا حلفت لهاخد حقي وحق فهد ويا تبقي معايا يا تتفضل مع السلامه انت كمان
نهض كريم مندهش مما قالته اخته قائلا وهو يضع يده علي صدره بتطرديني يا نور حتي انا قلبتي عليه وبقيت رخيص بالنسبه ليكي
انت غالي اوووي يا كريم بس مش هسيبك تقف أدامي سبني براحتي
انزل اخرج واتفسح وأصرف عيش حياتك صاحب ناس كويسه افتحلك محل او مصنع لو عاوز بس اوعي تيجي في يوم تقولي عملتي كده ليه انا هنام وانزل اروح لبيومي العتر عندي شغل
**************************
مكتب بيومي
حمدلله علي سلامتك يا نور
هزت نور رأسها وهي ترد تحيه أستاذها ذهبت وجلست علي مكتبها وأخذ بيومي يتفحصها ثم قال
كل ده منين يا نور بقالي فتره شايف وساكت شياكه وفلوس ودلوقتي داخله الشارع بعربيه جديده ورثتي ولا لسه فلوس فهد معاكي
ابتسمت نور ولكنها تعرقت كثيرا
وحاولت ان تهرب من الرد
وقف بيومي العتر امامها بجسده الممتلاء وقلبه الطيب ودمه الخفيف قائلا
ما تقولي ولا تكتبي يا نور يمكن انا اللي اشتغل معاكي المره دي
مسكت نور بورقه فأخذها بيومي من يديها ومزقها ثم قال وهو يضحك
اتكلمي يا نور انا سمعك لو ضحكتي علي الدنيا كلها مش هتعرفي تضحكي عليا
تفزع نور وهي تنظر اليه وكانها لا تصدق ما سمعت
تابعوني