الجوكر | للكاتبة Koka Saleh
الـحـلـقـة (10)
(حقيقية ممزوجة بالخيال)
گـتـابـتـي #Koka_Saleh
::::::::::::::::::::::::::
التفاعل ناقص ? وعدد المشاهدة اكثر بواجد من عدد اللايكات والتعليقات وربي ماتخسرن شيئ لو كل وحدة تقرا اتحط لايك وتعليق راهو هذا شيئ ايحفزني أكثر للكتابة?
لو اتحبني كل وحدة ماللي تقرا لو حتى بصمت ادير اليوم لايك وتعليق بنشوف نسبة اللي ايتابعو كم?
::::::::::::::::::::::::::
طلعت تسنيم بشويش ومن غير ماامها تفطنلها ومشت شور الجناح
وخشت ومالقتش حد في الجناح بس سمعت صوت حد ايدوش في الحمام عرفاته أحمد قعدت عند الباب وترجى في احمد يطلع منه عشان تفجعه?
/
/
نا وصلت للمطعم وخذيت عشاء منه وركبت في سيارتي ورديت للفيلا
/
/
عبد المهيمن طلع مالحمام وهو لابس ادبشه وحاط المنشف علي وجه واينشف في شعره
تسنيم بصوت عالي:حماااااادي ومسكت في ظهره
عبد المهين لف وبصدمة:انتي من ?
تسنيم جمدت في مكانها:انت اللي من ?
عبد المهيمن بعصبية:انتي من وشن خششك هنا
تسنيم وهي ترجف مالخوف:نا اخت أحمد
عبد المهيمن:شنووووو
نا وصلت للفيلة ودرست السيارة
تسنيم بخوف:حي صوت سيارة احمد ?
عبد المهيمن :كيف اندير توا شن بنقوله
تسنيم تبكي:توا يفهمني غللللط??
عبد المهيمن بعصبية :اسكتي خليني نلقى حل
تسنيم تبكي:????
عبد المهيمن بعصبية لين عروق ارقبته بانن:قتلك اسكتي ??
تسنيم بلعت بكيتها وقعدن ادموع ينزلن وخلاص
عبد المهيمن كرها من يدها وخش بيها للحمام وسكر
تسنيم تبكي:انت شنو ادير
عبد المهيمن:اسسس وحط يده علي فمها
نا خشيت للجناح
نا:عبد المهيمن وينك
عبد المهين:في الحمام اندوش
نا: باهي اطلع بسرعة قبل مالعشاء ايصقع
تسنيم مع عبد المهيمن في الحمام وميته مالخوف وتبكي
عبد المهين:احميدة ولا تصغر جيبلي منشف من عندك غير ناسي منشفي
نا:تم توا نمشي انجيبلك
تسنيم من كثر الفجعة والخوف اللي هي فيه اغمى عليها وطاحت شكله هبط الضغط عندها?
نا:شن صار عندك
عبد المهيمن:لا شيؤ ازلحقت بس
نا:صارتلك حاجة
عبد المهيمن:لالا غير جيبلي المنشف بس
نا حسيت فيه شيئ مش طبيعي وماتريحتش الصوت عبد المهين خصوصا ان كان فيه رعشة وهو يحكي
بس ماحبيتش اندير اي لقطة لان مرات انكون غالط وطلعت بنجيبله المنشف
/
/
عبد المهيمن يضرب في تسنيم علي خدها:انتي انتي نوضي
تسنيم ولا حاسة باي هواء ?
صباها امعاه وقعد يغسللها في وجهها وايبخ علي يده في عطر وايشمم فيه الها لين وعت
تسنيم:نا وين
عبد المهيمن:تي هي صحصحي عشان تطلعي قبل ماايجي أحمد
تسنيم بخوف:حي احمد?
عبد المهيمن:صبي بسرعة عشان تطلعي قبل ماايرد
تسنيم صبت:باهي
طلع عبد المهيمن قبلها عشان ايشوف لو فيه حد قدام الباب او لا واول ما فتح الباب وشاف فطن الواحد عند باب الفيلا
عبد المهيمن بعصبية:تي عليك قصة هذا من اللي مصبي غادي
تسنيم:خليني انشوف وتباوعت
تسنيم بخوف:حي عليا هذا حمزة?
عبد المهيمن:ومن حمزة لاخر هذا
تسنيم تبكي:خويا ?
عبد المهيمن بعصبية:زمر حتى نا شن حصلني هالحصلة
تسنيم تبكي:شن بندير توا احمد حيجي وايشوفني هنا كيف انفهمة
عبد المهين:ماهو كان تستكتي واتخليني انفكر
تسنيم حطت يدها علي فمها
عبد المهيمن قعد ايبحت ايمين وايسار هكي وبعدها شاف روشن
عبد المهين:هذا وين يفتح
تسنيم:يفتح عالفيلا من لاورة
عبد المهيمن:ومن لاورة فيه باب ايخششك عالفيلا
تسنيم:اها ?
عبد المهيمن:خلاص معناها تطلعي من هنا
تسنيم بخوف:بس الروشن بعيد مالوطى ?
عبد المهيمن:اختاري تزقبي من هنا ولا ايخشو خوتك وايشوفوك
تسنيم بخوف:خلاص حنزقب?
عبد المهين:ومااتخافيش حنساعدك في الزقبة ومشت هو وياها لعند الروشن وافتحه عبد المهيمن بشويش وومسك تسنيم ورفعها وركبها عالروشن وهي قعدت تنزل وهو ماسكها لين وصلن كرعيها في الوطى ومشت تجري شور الباب الخلفي للفيلا
عبد المهيمن قمعز عالكرسي:اوووووووف قبل درت مشكلة مع احمد من اول يوم تي بس هي شن جابها هنا ?
/
/
عند تسنيم خشت مالباب الخلفي بسرعة ورقت شور دارها وخشت وسكرت الباب وهي ترعش وخايفة وطاحت عالسرير وهي اتنفس بالقوة مش قادرة اتحكم في انفاسها وتبلع في ريقها من كثر الخوف
/
/
نا طلعت من داري وفي عقلي مش متريح من ناحية عبد المهيمن وحاس فيه حاجة ايدير فيها ونزلت تحت ماشي شور الجناح
طلعت من باب الفيلا والقيت حمزة يحكي بالتليفون وباين ان فيه شيئ
حمزة:قتلك مش ذنبي هذا قضاء وقدر والله كيف بتفهموني بس
حمزة بعصبية:ليا كم انحاول انفهمكم ونوصل امعاكم الحل انقولك حاجة اعلى مافي خيلك اركبه وسكر
نا حاولت نمشي وانفوته بس ماقدرتش حسيته ان قاعد في مصيبه باين من شكله وطريقة دوته وارتباكه
نا:شن فيه شن صاير امعاك
حمزة لف وشافلي:من امتى انت هنا
نا:من لما قلت ان مش ذنبك وقضاء وقدر شن صاير امعاك احكيلي
حمزة:مش صاير شيئ مشكلة وحنحلها بروحي
نا:بس الباين انها مشكلة مش ساهلة
حمزة :عشان هكي حتى انت مش حتقدر اتحلها وهذا غلطي ونا حنتحمله وجا بيخش
نا:انت مازال ماتعرفنيش كويس لانك ماعطيتش فرصة النفسك اتعرف عليا وهذا ليش ومش عارف قدرتي في حل المشاكل مهما كبرت المشكلة حلها بين ايدي
حمزة لف شوري:منين جايب هالثقة كلها
نا:لاني عارف روحي كويس مش كلام بس راهو قول وفعل وخوذ فرصتك وتعرف عليا من مشكلتك هذي
حمزة:يعني تقدر اتحلي مشكلتي بس من دون ماباتي يعلم
نا:شنو مشكلتك وحنحلها
حمزة:من أسبوع هكي درت عملية الواحد وتوفى تحت العملية ولا كان خطأ طبي ولا شيئ الراجل توفى من عند ربي يعني ماعنديش اي ذنب في الموضوع كل القصة انها قضاء وقدر ?
نا:باهي
حمزة:عنده عيلين والباين انهم مش ساهلين قعدو ايهددو فيا انهم حيقتلوني ومن يومها مش قادر نمشي للمستشفى خايفهم يقتلوني
نا:بس انت كل يوم في المستشفى
حمزة:نطلع ونمشي الواحد صاحبي نقعد عنده لان مانبيش باتي يعرف اللي صار عشان هو اكثر واحد كان معارض اني نقرا طب وكان يبيني نقرا اقتصاد ونشتغل امعاه في الشركة ونا رفضت ولو عرف القصة حيقعد ايعاتب فيا وايقولي مالاول قتلك وحاولت انحل القصة امعاهم ودية ولو حتى يبو افلوس ندفعلهم بس هما رفضو ومايبوش الا انهم يقتلوني
نا:قولي اساميهم واعتبرها انتهيت
حمزة:متأكد ياأحمد تقدر
نا:عيب قتلك كلمة نا ومن بكرا العشية تقدر تمشي للمستشفى
حمزة:لو حليتلي المشكلة هذي حيقعد جميل في ارقبتي مستحيل ننساه لك
نا:مش بينا الكلام هذا قولي أساميهم بس
حمزة:عادل واسامة ال—
نا:تعرف وين يسكنو اي معلومة اخرى
حمزة:يسكنو في منطقة ال—-قريب مالشيل
نا:تم اعتبر الموضوع انتهى
حمزة:يعني نعبى عليك
نا:وارقد وانت مطمن
حمزة حط يده علي كتفي:صحيت وخش
ونا قعدت امصبي مش عارف شنو اللي خلاني مصر اني انساعده بس كنت بنرد اول لقاء ليا مع حمزة وكيف هو الوحيد اللي فيهم سلم عليا وخششني الداره لولا سناء الحقيرة مش عارف شن قالتله?
برمت واتجهت شور الجناح ونا انفكر في اللي اندير فيه مع عيلة جابر 2 منهم انساعد فيهم و3 بننتقم منهم?
تناقض غريب في شخصيتي نا بروحي معش فهمته?
وصلت للباب وفتحت وخشيت القيت عبد المهيمن امقمعز عالكرسي
نا:كيف صار طلعت من دون مااتنشف ولا كيف
عبد المهيمن:بعد طولت طلعت الشنطتي القيت منشف من تحت مش فاطنله
نا:اها ومامشتش عليا وحسيت عبد المهيمن يستغبى فيا بس نا مش غبي
نا:تعال خلينا انتعشو اكيدة الوكال صقع
عبد المهيمن قرب ونا فتحت الوكال عالطاولة وقعدنا ناكلو ونا انبحت في عبد المهيمن وانحس فيه يهرب من عيوني ومايبيش عينه اتجي في عيني
كملت اوكال قبله وصبيت بنغسل ايديا في الحمام ولما خشيت للحمام غسلت ونا طالع عفست علي حاجة بحتت لوطة القيتها دندونة ?
خذيتها وحطيتها في جيبي وطلعت
وقعدت انهدرز مع عبد المهيمن
/
/
تسنيم بعد هدت وحول الخوف منها قعدت تذكر في اللي صار
تسنيم:من هذا شن يعرف احمد زعمك صاحبة حي ايهبل بككل كل شيئ فيه ايهبل طوله وجسمه وشعره ولحيته المهملة ولا عطره اللي مازال عالق في دبشي وقعدت اتشم في بنة دبشها
تسنيم بصدمة:حي نا في شنو اندير شن صارلي نا لازم ننسى اللي صار لان كان احمد عرف مش حيفهمني بككل ونخسره?
صبت وطلعت واحد مالكتابات اللي عطاهن الها احمد وحاولت تشغل روحها بيهن
/
/
نا قعدت امقمعز مع عبد المهيمن وقررت انبات امعاه ماحبيتش انسيبه بروحه
نا:نمشي انجيب مخدتي وبطانيتي وانجيك
عبد المهيمن:تمام
طلعت من جنبه وخشيت للفيلا ورقيت فوق ولما خشيت الممر الديار طلعت الدندونة من جيبي وقعدت انبحت فيها
نا:ان شاءلله تقعد مش لكي ياتسنيم وحطيتها في جيبي وتوجهت شور دار تسنيم ودقيت
تسنيم:من
نا فتحت الباب:انخش
تسنيم سقمت اتقمعيزتها:خش وكانن ملامح وجهها باين عليهن الارتباك
نا:في شنو اديري
تسنيم:نقرا في الكتاب اللي عطيته ليا
نا:اي واحد
تسنيم:اهو ووراته ليا
نا:الكتاب هذا فيه اقتباس انحبه بككل
تسنيم :شن هو
نا:أعطتني الحياة قلما أسود وطلبت مني أن أرسم قوس قزح ?”
تسنيم شافتلي زين:ليش هذا بذات
نا ابتسمت:هكي انحبه
تسنيم:ليش ديما انحس فيك حزين وابتسامتك مش طالعة من قلبك
نا ابتسمت:البعض احيانا يتظاهر بكونه سعيد لأن التظاهر بالسعادة يكون أحيانا اسهل من شرح مابداخلك
تسنيم:ليش اتخوف فيا عليك
نا قربت منها ومسكت ايديها:ماانخوفش فيك ياهبلة نا انفضفضلك بس
تسنيم ابتسمت:انت معتبرني اختك
نا:اكيدة واحسن اخت في الدنيا
تسنيم ضحكت ونا صبيت وقربت منها وبست راسها
نا:وين دندونتك
تسنيم لمست وذنها وبإرتباك:اكيدة طايحة مني هنا
نا:اها نحسابها موضة جديدة تقعدي لابسة وحدة
تسنيم ابتسمت:لالا ?
نا:تصبحي علي خير
تسنيم:وانت بخير
جيت بنطلع وبعدين لفيت عليها
نا:اليومين هذينا معش تنزلي للجنان وبذات في الليل جبت صاحبي وبيقعد في الجناح لين ايأجر شقة
تسنيم:انت عارف ماننزلش واجد
نا:عارف بس حبيت انبهك
تسنيم:تمام
نا طلعت وسكرت الباب وطلعت الدندونة نفس اللي كانت لابستها وعرفت إن تسنيم هي اللي كانت مع عبدالمهين تحت وهذا ليش ارتبك لما جيت
مشيت شور داري ونا انفكر شن يعرفو بعضهم وليش نزلتله تحت مش عساس وعدتني معش ادير الحركات هذينا ليش خالفت وعدها ليا وليش عبد المهيمن بذات
وبسبب اللي دايرة فيه قعدت انفكر ان عبد المهيمن عرف شيئ وبينتقم مني في تسنيم
نا بقهرة:ليش ياتسنيم مش وعدتيني خلاص معش اديري شيئ ليش هكي ?
خذيت ورغاني ومخدتي ونا مقرر مانحكيش ولا انبين اني عرفت حاجة ونبي انراقبهم ونعرف شن بينهم عشان نقدر نعرف اللي ناوي عليه عبد المهيمن ?
نزلت تحت وطلعت مالفيلا وخشيت للجناح القيت عبد المهيمن مهيئ نفسه للنوم
حطيت فراش بعيد اشوي من عبد المهيمن ورقدت عليه
ولان ماكان عندي ثقة في حد وبذات شخص نا قاتل باته كانت رقدتي نص رقدة عشان ايكون جزء مني واعي وانحس بأي حركة جنبي
/
/
عدت الليلة هذي وكانت ليلة طويلة لانها مشت في اكثر من شعور واكثر من قصة
واخيرا جا الصبح ?
وعيت قبل عبد المهيمن ورقيت الداري دوشت وغيرت ادبشي وخذيت الفطور من الخدامة ومشيت للجناح القيت عبد المهيمن واعي وامغير ادبشه
قمعزت فطرت نا وياه وبعدها هو طلع الشغله
ونا طلعت بعده وركبت في سيارتي جاني حمزة
حمزة:راني عابي عليك
نا:قتلك اطمن موضوع تافه وحنحله لكي
حمزة:اي تافه ياراجل وهما متهميني بقتل باتهم ويبو يقتلوني
نا ضحكت:والله لا حيقتلوك ولا يقدرو ايقربو منك بككل
حمزة:تي انت منين جايب كل هالثقة
نا ضحكت:عدي تريح وبينا تليفون وحنقولك عدي للمستشفى
حمزة:تم
ولعت سيارتي وطلعت
/
/
ونا في الطريق رنيت عالصيني ورد عليا
الصيني:خير ياجوكر
نا:خير قتلك بنعطيك اسم اثنين وعندك ساعة وايكونو عندي
الصيني:تم
نا:عادل وأسامة ال— يسكنو في منطقة ال— قريب مالشيل نبيهم ضروري بالطيبة بالقوة اتجيبهم
الصيني:اعتبرهم عندك بس وين انجيبهم لكي
نا:عالمزرعة
الصيني:تم وسكر
سكرت مالصيني ورنيت علي حركات
حركات:جوكرنا شكلك ماتقدرش تبدي يومك الا لين اتصبح عليا ياحبي
نا:مانحكيلك ماانتريحش لين نسمع صوتك
حركات:تبي انعبيلك منه شيشة
نا:شنو هذا
حركات:صوتي ياقلبي ?
نا:حركات مش رايقلك عالصبح وفكني من تكاتك وحركاتك واسمعني
حركات:شنو ياعيون حركات
نا:زمر ?
حركات ضحك:انبصر امعاك وانت زعاال
نا:القيتلي شقة بالمواصفات اللي نبيهن
حركات:القيتلك وتميت مع صاحبها مازال انجي ناخذ الفلوس منك
نا:تمااام بكل تعال للمزرعة ونعطيك الفلوس
حركات:تمام
نا:والموضوع لاخر شن صار فيه
حركات:قريب انتم فيه بس بيكلفك اشوي
نا:اي مبلغ ندفعه اهم شيئ اللي نبيه نوصله
حركات:عطيني لعند بكرا وانجيبه لك
نا:تمام بكككل بس استعجل مازال ورانا شغل واجد
حركات:تم يابعد شبدي
نا:لا خشيت عالخليجي انسكر خير وسكرت في وجه
اشوي ورن عليا اخرى
نا:نعم ياحركات
حركات:انسيت انقولك حاجة
نا:شنوو
حركات:احبج ?
نا:مثقلك وسكرت عليه وقعدت نضحك علي تفاهته وكيف ان رغم شغله اللي يشتغل فيه وان مع عصابة بس واخذ الحياة أيزي ومش مدورها بكككل وديما يضحك وفرحان حتى لما نقعدو في مهمة ويقعدن كلنا اعصابنا مشدودة هو الوحيد اللي نلقوه مش مدور وايشفط ويضحك
الدنيا هذي غريبة اتقابل ناس واجد وكل واحد بشكل ?
الشخص اللي ايشوف حركات اول مرة ويحكي امعاه عمره ماايقول هذا مجرم او قاتل من كثر ضحكة وبصارته انازبروحي لما نقعد امعاه ننسى ان مجرمين?
/
/
مشيت للشركة وقعدت نشتغل بس مرة مرة نفتح في نت انشوف بالك سمر دازتلي حاجة ومانلقش في شيئ
وفي نفس الوقت ماارضيتش انقلل من نفسي واندزلها وقعدت علي هالحالة لين رن عليا الصيني وقالي ان جابهم للمزرعة
/
/
طلعت مالشركة ومشيت شور المزرعة
نا:وين حاطينهم
الصيني:كتفناهم في الدار اللي برا
نا:حد قربهم
الصيني:لالا هما من اول ماقلنالهم هيا امعانا مشو امعانا دغري
نا:تمام بس غطيتو عيونهم قبل مااتجيبوهم
الصيني:اكيدة هذا شيئ أساسي
نا:تمام بككل
وخشيت جوا لبست وجه الجوكر وطلعت وخشيت عليهم
اول ماشافوني قعدو ايبحتو في بعضهم زين يحسابو روحهم في فيلم اجنبي ?
قمعزت مصادرهم قريب خمس دقايق وهما ايبحتو فيا وايبحتو في بعضهم ونا ساكت ماحكيتش ولا كلمة وهم مش عارفين نا من ولا شن نبي فيهم ولا شن بنديرلهم
وكنت قاصد بسكوتي هذا اني انزيد الخوف والرهبة في قلبهم مني
وبعد فترة كويسة مالسكوت
نا:تعرفو الدكتور حمزة جابر
هما شافو البعضهم زين
عادل بعصبية:هذا اللي قتل باتي
نا:لا غلطان ماقتلش باتك هو دار واجبه زي اي دكتور وباتك مات لان هذا يومه
أسامة:مالحقش اول ما جا وداروله العملية متأخر
نا:لو عنده عمر كان عاش وعارفين وضع البلاد وكيف كل شيئ ماشي والدكتور خش ودار عملية بإمكانيات ضعيفة وقضاء وقدر باتك مات وانتو بدل ماتلهو بعزاء باتكم اتهددو في الدكتور وقاعديله قدام المستشفى بتقتلوه هذي جزاته وقلتها بصوت عالي ?
اسامة:هو ماحاولش ايفهمنا
نا بعصبية:حاول ايفهمكم وانتو مابيتوش وقاللكم ندفعلكم فلوس سكرتو روسكم بتقتلوه
عادل بعصبية:قتل باتنا شن ترجى منه انديروله
نا صبيت وبعصبية: قلنا عمره مااقتلش هو
عادل:مش حنتريحو لين ناخذو ثار باتي منه
نا طلعت المسدس من جنبي:شوف انت وياه نا حكيت امعاكم واجد ونا ماانحبش الدوة الواجدة وشكلكم مش عارفين نا من نا الجوكر اللي لما بندير حاجة ماحد ايوقفني وتوا نقدر ندفنكم في مكانكم وماحد ينردي عليكم
عادل:تقتلنا عشان باتنا انقتل وبناخذو بثاره
نا:زي ماانتو بتقتلو واحد مالش علاقة بموت باتك والدكتور حمزة نا وراه ولا واحد فيكم يقدر ايهوب ناحيته
أسامة كان باين ان خاف بس عادل كان ايناقش فيا
عادل:حق باتي في ارقبته ونحن مش حنسكتوله لو من قعد وراه
نا :تمام براحتك معناها حتنورونا كم يوم هنا عشان اتشوفو كرم الضيافة الي عندنا
نا بصوت عالي:صيني
الصيني:نعم
نا:خوذهم واكرمهم في الضيافة كويس
الصيني:تمام
أسامة بخوف:لالا ياخويا اللي تبيه حاظر
عادل:مانش خافين خليه ايدير اللي ايديره
أسامة:كان انت مستغني علي عمرك نا عندي عيال وبنربيهم
نا بعصبية:مش فاضي انسايركم ديرلهم اللازم توا
وطلعت
/
/
طلعت برا مع جية حركات
حركات:خير ومية مرحبا الجوكرنا
نا:خير?
حركات:خير هكي جافة
نا:ندهنها لكي بفازلين ?
حركات:لالا بزيت زيتون??
نا:تبي اتصدعلي راسي صح
حركات:والله ماتفهم نا اكثر واحد فيه جو في رجالتك
نا:قصدك اكثر واحد دوته واجدة
حركات:مش خير مالصيني اللي مايحكي الا في السنة مرة ولا العيساوي اللي شاك ان عنده اسنون اصلا من كثر ان مايضحكش
نا ضحكت:باهي تعال خليني نعطيك فلوس الشقة وهوينا
حركات;ماشي ياجوكر وجا ورايا
عطيته الفلوس مالسيارة وعدى
ونا جاني الصيني
نا:شن صار
الصيني:ماتحملوش ومن اول كفين قالو يبوك وسيبت العيساوي امعاهم وايدير في اللازم
نا ضحكت:صار اطروح وعضلات عالفاضي باهي تم اشوي وانجيك وزيدوهم كفين اخرى عشان يقعدو وتيو عالاخر
الصيني:تم ومشى من جنبي
ونا فتحت نت ودغري خشيت انشوف في سمر القيت اخر ظهور من امس ومش عارف ليش شاغلتني هكي ?
سكرت النت وعديتلهم
/
/
نا:شن قررتو
أسامة:خلاص ياجوكر اللي تبيها حاظر
نا:حمزة معش اتقربو منه لا بخير لا بشر
أسامة:تم تم ومش حنعرفوه مرة اخرى بكل
نا:انت تمام واللي جنبك شنو
عادل:حتي نا زيه ?
نا: بس لو نعرف انكم جيتوه او حاولتو اتضايقوه مش حنخسر عليكم الا طلقة وحدة من هنا ووريتهم المسدس
أسامة:مش حنجو شوره والله ماحنقربوه
نا قربت من عادل براس المسدس خبطت علي وجه
نا:وانت
عادل:مش حنجي شوره نهائي
نا:لكن لو اتصيرله حاجة وخذة ارواحكم بالنسبة ليا اسهل من شرب المية
هزو هم الاثنين بروسهم بمعنى موافقين ونا عرفت انهم خافو وانهم معش يقدرو ايديرو شيئ الحمزة
نا:الصيني:غمضلهم اعونهم وردوهم منين ماخذيتوهم
الصيني والعيساوي:تمام
نا طلعت وقعدت برا وهما طلعوهم مربطين ومغمضين عيونهم وركبوهم في السيارة وشالوهم
ونا ركبت في سيارتي وطلعت ورديت عالشركة اخرى واول ما خشيت المكتبي رنيت علي تسنيم خذيت منها رقم حمزة ورنيت عليه وهو رد
حمزة:الو
نا:امعاك احمد
حمزة:شن صار امعاك
نا:تقدر من توا تمشي للمستشفى
حمزة:تحكي من جدك يعني انداوم عادي ماحد ايجي شوري
نا:قتلك حليت الموضوع وحتى كلمة ماعاد ايكلموك
حمزة:اتفقت امعاهم علي دية ولا حاجة
نا:لالا انت ماقتلتش عشان تدفعلهم اللي صار مقدر ومكتوب وانت مالكيش بيه علاقة وهما غلط منهم ايهددوك
حمزة:يعني توا نمشي انداوم في المستشفى عادي خلاص
نا:عدي ومااتخاف من شيئ وعلي مسؤوليتي
حمزة بفرحة:مش عارف كيف انكافيك عاللي درته ليا والله خوي واعز اصحابي ماصبو امعايا التصباية هذي
نا:من امس قتلك مش بينا الكلام هذا
حمزة:من يوم وغادي انت خوي واعز من خوي
نا:ان شاءلله وسكرت
وعرفت اني ماكنت محتاج من حمزة الا الكلمة هذي وهي اللي خلتني انساعده بس عشان كلمة خوي خلتني اندير هذا كله عشان نسمعها منه ?
قد ماكان الجوكر قاسي وشرير قد ماكان أحمد اللي في داخلي طيب وحنون وطموحاته في الحياه بسيطة بككل ?
كنت عارف اكويس إن شخصية أحمد هذي شخصيتي الحقيقية أما الجوكر هذي الشخصية اللي هما صنعوها ليا واللي زرعو فيها كل الحقد والكره الشخصية اللي مااتعيشش الا لما اتشم الدم وادمر كل الناس عشان تقوى ?
أصعب حاجة في الحياة انك تقعد عايش بين شخصيتين ومش عارف من اتبع فيهن قاعد مصبي بينهن وحاير ?
(لم ترهقني سوا الصراعات التي بداخلي
…اتمنى ان تتنهي قريبا?)
/
/
عند سمر
كيف طلعت مالإمتحان
هبة:شن صار حليتي
سمر:اها تمام
هبة بحزن:نا ماحليتش السؤال اللي عالبحث
نا:كيف صار والله ساهل
هبة:عارفة بس نا خشيت للامتحان ومش قارية البحث لاني ماخذيتش الا في الصبح من مكتبة الجامعة
سمر:اها صح المكتبة لما جيتها بندير فيها البحث كانت زحمة بكل وقالي ماانوتيش لكي الا يوم الامتحان في الصبح فتتهم
هبة:نفس ماصارلي بس انتي وين درتيه
سمر:درته في المكتبة الكبيرة اللي ورا الجامعة
هبة:اها اتصدقي نا مافكرتش فيها بككل
سمر:مش خاطرة عليا غبية كان هذا قتلك عليها
هبة تضحك:معناها من يوم وغادي نقعدو ديما انديرو عندهم وانفوتوها مكتبة الجامعة بكل
سمر:لالا نا بنسكن السالم ايجيبلي نت في الحوش عشان المكاتب كلهم ايتمحقنو والدكاترة هنا مغلى عليهم البحوث
هبة:صح صدقتي مافيش خير مالحاجة اديريها بروحك وتعطيهم يطبعولك بس
سمر:عارفة المكتبة البحث جبته الهم قبل الامتحان بيومين ولما جيت بناخذه قالولي مش واتي
هبة:وكيف درتي
سمر ضحكت:طلقت عليهم الساني اشوي واحد مالموظفين دارلي حل وقالي نعطيك رقمي واندزه لكي ملف Pdf وانتي حمليه عاللاب واقري ولما جيت في الصبح طبعته في مكتبة الجامعة
هبة:حتى هو حل والسانك الطويل دارلك فائدة ?
سمر:مرة مرة ضروري منه
هبة تضحك:قصدك ديما انتي مش مرة مرة
سمر:ياخيتي علي كيفها المهم هالقراية تكمل وانرد نستقر مع هلي وفي حوشنا والله مليت هنا
هبة:ماتأقلمتيش صح
سمر:ليا 3سنين هنا بس ماتأقلمتش بعد هلك عليك وتقعدي بروحك بايخة بكل
هبة:اهو سالم امعاك امعوضك اشوية
سمر:صح لكن سالم مش ديما امعايا يعني اوقاتنا مختلفة نا مالقراية والمعاهد والكورسات مرات ماانجي للحوش الا مغرب وهو يقعد كاين مقيل وكيف واعي انا انجي هو يطلع الاصحابه وايروح ونا راقدة يعني كأني بروحي
هبة:صح مش زي الهل والقعدة في وسطهم
سمر:مش زي بكككل والله ?
هبة تضحك:خلاص بلا اوفر اليوم ديري احسابك بتروحي امعايا انتغدو مع بعضنا ونقرو وفي العشية نطلعو للكورس مع بعضنا
سمر:انشوف سالم قبل
هبة:عليك اطروح عساس سالم بيتكلم عليا
سمر:مش هكي لكن يقعد عنده العلم بس
هبة:باهي كلميه
سمر طلعت فونها ورنت علي سالم
سالم:ايوا انجيك بتروحي
سمر:لالا بنروح مع هبة انتغدى عندها وفي العشية بنطلعو للكورس مع بعضنا
سالم:تمام وكان طلعتي عالمغرب رني انجي ناخذك
سمر:تمام وسكرت
هبة:شن قال
سمر:قال باهي
هبة:خلاص هيا نطلعو عشان انلحقو انتريحو قبل موعد الكورس
سمر:تمام وطلعن مع بعضهن وروحت مع هبة في سيارتها
/
/
عندي نا كنت حاط الدندونة امتاع تسنيم قدامي عالمكتب وانفكر شنو اللي ممكن عبد المهمين ايكون ايخططله وشن بينه وبين تسنيم وهل يستخدم فيها طعم ليا?
ونا في لحظات تفكيري رن تليفوني ولما شفت كالعادة مافيش رقم طالع عرفته اتصال مالمنظمة وعرفت ان فيه مهمة جديدة تنهدت ورديت
#يتبع
قولكن هالمرة شن حيطلبو منه المنظمة وهل حيكون شيئ في مقدور أحمد او لا ?
وقولكن أحمد كيف حيواجه تسنيم وعبد المهمين باللي صار واللي عرفه ?
وقولكن احمد ليش ايفكر في سمر وشنو اللي خلاه بيتقرب منها رغم كل البنات اللي مرن في حياته
هل ممكن ايكون الحب او ايكون شيئ ثاني غايب علينا
وإذا كان حب كيف حتكون بدايته وسمر هذي شن حيكون وراها وشن هي قصتها ?
كله حنعرفوه في الحلقة الجاية ?
أسفة لو فيه لخبطة في الأسماء وأكيد رأيكن ايهمني ?
گـتـابـتـي Koka Saleh