اغتصابي ولكن في منزل أبي للكاتبه نورا عطيه

الحلقه السادسه
اغتصابيولكنفيمنزلابي
حمدي : انا ابوكي يا فاطمه . فاطمه : بصدمه نعم ابويا . حمدي : ايوه يا فاطمه . فاطمه : انا ابوبا مات . ندي : طيب انا همشي يا فاطمه . فاطمه : استني يا ندي انا جايه اخد المفتاح من طنط رجاء وامشي علطول . رجاء : عيب كده يا فاطمه متقوليش كده . مصطفي : ابوكي مش كان يعرف اصلا ان عنده بنت . ندي : طيب خليكي يا فاطمه انا همشي سلام . وتنصرف ندي . حمدي : انا عايز اقعد اتكلم معاكي يا فاطمه شويه تسمحيلي . فاطمه : عايز مني ايه . رجاء : مش كده يا فاطمه عيب ده ابوكي برضوا انت ناسيه كلام امك الله يرحمها . فاطمه : ما لولا ماما الله يرحمها كنت مشيت من هنا . مصطفي : معلش يا استاذ حمدي هي بس مصدومه من الموقف . حمدي : ممكن تسبونا لوحدنا شويه . رجاء : طيب تعالا يا مصطفي جوه . مصطفي : طيب . فاطمه : انت عايز مني ايه يا ….. حمدي : ما تقوليها ولا صعبه يا فاطمه والله ما كنت اعرف بعد ما طلقت امك الله يرحمها كل اخبارها اختفت حتي نقلت مش عرفت ليها طريق وكأنها كانت بتعاقبني علشان انا طلقتها بسبب عدم الخلفه . فاطمه : ببكاء ماما الله يرحمها كانت بتدافع عنك وعمرها ما غلطت فيك بالعكس كانت بتقولي انك احسن راجل بالنسبه ليها في الدنيا كلها برغم اني كنت بكرهك لاني كنت بحتاجك جنبي مش بلقيك كنت فين لما كنت بتعب كنت فين لما ابتديت اتكلم انت قلبك قاسي اصلا ازاي ترمي واحده وتطلقها بسبب الخلفه انت ايه مش مؤمن بقصاء ربنا وقدره ان دي حاجه بتاعت ربنا لولا ماما كانت مؤمنه بكل شئ وعمرها ما جابت سيرتك بالوحش طول عمرها بتشكر فيك وتحبك انت عملت ايه سبتها ومشيت . حمدي : بعد كل كلامك ده مبقاش اب والله ما كنت اعرف ان راويه كانت حامل ساعه ما طلقتها . فاطمه : وطبعا انت روحت عشت حياتك واتجوزت . حمدي : يا بنتي افهميني انا جاي اعوضك عن كل حاجه . فاطمه : ببكاء وانا مش عايزه منك حاجه . حمدي : نفس عناد وكبرياء راويه يا فاطمه متعمليش زي ما امك عملت فيا امك هي اللي طلبت الطلاق مني انا مكنتش هطلقها بس لما طلبته مني اتوجعت اوووي حسيت انها مش عايزه تكمل طلقتها ومشيت بعد كده حاولت اوصلها اخبارها اتقطعت حتي غيرت مكان سكنها . فاطمه : وعايز مني ايه جاي ليه دلوقتي . حمدي : جاي اخدك تعيشي معايا ومع اخوكي . فاطمه : انت كمان اتجوزت وعيشت حياتك . حمدي : مكنش ينفع اعيش لوحدي يا فاطمه افهميني . فاطمه : وانا مش هعيش معاك وبعد اذنك يا طنط رجاء . و تخرج علي صوتها وتقول نعم يا حبيبتي . فاطمه : ممكن مفتاح الشقه علشان تعبانه وعايزه انام . رجاء : عيب كده يا فاطمه . حمدي : سيها يا مدام رجاء علي راحتها انا هسيبك تهدي بس لازم تعرفي اني مش هسيبك تعيشي لوحدك وابوكي عايش علي وش الدنيا لما ابقي اموت ابقي عيشي لوحدك سلام . وينصرف حمدي من امامها بكل غضب بغضب شديد من رواية لانها لم تخبره بأنها حامل ثم بغضب من كلام ابنته له . وبعد ان ينصرف حمدي …. رجاء : ايه الكلام ده يا فاطمه عيب كده ده ابوكي. فاطمه : هاتي المفتاح يا طنط . مصطفي : عاجبك اللي عملتيه ده . فاطمه : وانت مالك تتدخل ليه . رجاء : عيب كده يا فاطمه . مصطفي : انا فعلا مالي انا غلطان بعد اذنكم وينصرف من امامهم الي غرفته بكل غضب . فاطمه : استنا والله اسفه يا مصطفي والله ما اقصد . مصطفي : ولا تقصدي حاجه مش تخصني . فاطمه : طنط المفتاح بعد اذنك . رجاء : اتفضلي يا بنتي ربنا يهديكي يا رب . وتأخذ فاطمه المفتاح وتنصرف . وتصل فاطمه الي البيت وتدخله وتغلقه علي نفسها وتبكي بشده علي فقدان امها . اما حمدي فكان يراقبها من بعيد ويقول لنفسه هي راويه نفس ملامحها نفس عندها كان نفسي اخدك في حضني يا بنتي بس مخك ناشف خالص ووقف امام البيت ليجد شئ غريب رجل يخبط علي ابنته ولم يعرفه . ومسحت فاطمه دموعها وذهبت لتفتح باب المنزل وتقول مين . صاحب البيت : افتحي يا فاطمه انا رسلان صاحب البيت . فاطمه : طيب يا عمو وتفتح الباب له . رسلان : عامله ايه يا فاطمه . فاطمه : الحمدلله يا عمو . رسلان : متقوليش يا عمو . فاطمه : امال اقول لحضرتك ايه . رسلان : قوليلي يا رسلان عادي . فاطمه : مش يصح عيب يا عمو حضرتك كبير وواجب عليا احترمك . اما حمدي فكان يشتاط غيظا وغيره علي ابنته والرجل الغريب معها داخل المنزل لانه لم يكن يعرف انه صاحب المنزل. رسلان : جهزتي الايجار يا فاطمه . فاطمه : معلش يا عمو اصبر عليا لسه مخلصه هنزل اشتغل والايجار هيكون عند حضرتك . رسلان : انا مش عايز منك ايجار يا عسل . فاطمه : عايز ايه طيب واللي حضرتك عايزه انا تحت امر حضرتك يا عمو . رسلان : متقوليش يا عمو . فاطمه : طيب حضرتك عايز ايه . رسلان عايز انت يا قمر . فاطمه : مش فاهمه حضرتك تقصد ايه . رسلان : افهمي يا عسل عايزك انت . فاطمه : وقد بدأت بالفهم تجاه هذا الشخص اتفضل اطلع بره . رسلان : جري ايه يا بت فيه ايه انا قولتلك مش عايز ايجار خلصي امورك ويبدأ بالتهجم عليها . فاطمه : ايه ده انت اتجننت يا عمو الحقوني يا ناس . اما رسلان يجري بشده ويغلق الباب حتي لا يسمعها احد . حمدي : وقد بدأ الخوف علي ابنته يزيد تجاه هذا الرجل وقرر يدخل الي المنزل وبالفعل قرب الي الباب ولسه هيخبط وسمع صوت فاطمه بتستنجد بأحد وقرر كسر الباب علي الفور بشده . فاطمه : الحقوني . حمدي : انت اتجننت انت بتعمل ايه . رسلان : وانت مالك انت انت مين . حمدي : يلكمه في وجهه ويقوله انا ابوها يا حيوان . فاطمه : تنظر له بأستنجاد به . حمدي : اطلع بره يا حيوان . رسلان : بكل بجاحه ده بيتي وبنتك مبتدفعش ايجار . حمدي : انا هاخدها ونمشي من القرف بتاعك ده يلا يا فاطمه . فاطمه : ولم تجد حل سوي هذا وقررت ان تلم جميع ملابسها وتذهب مع والدها انها اليها سند او ظهر في هذا الزمن الغدار . حمدي : اتفضل اطلع بره هتلم هدومها وتمشي معايا . رسلان : فيه عليها ايجار متأخر . حمدي : كام يعني . رسلان : 500 جنيه . حمدي : يطلع من محفظته المبلغ المطلوب ويعطيه له ويقوله مش عايز اشوف وشك ومفتاح شقتك اهو . رسلان : طيب وينصرف رسلان من المنزل . حمدي : يلا يا حبيبتي هنمشي من هنا . فاطمه : انا جهزت هدومي . حمدي : ياااه دي صوره راويه ييياااااه واحشتني اوووي . فاطمه : الله يرحمها . حمدي : يا رب يرحمها . وينصرف حمدي ومعه فاطمه . وتركب معه السياره . اما في المنزل عند حمدي . سناء : يا يوسف ماينفعش كده . يوسف : ليه يا ماما هو كل حاجه تقولي لا . سناء : قولتلك هخلي ابوك يجبلك لاب انما عربيه ايه اللي عايزاها . يوسف : يا ماما عربيه اها مش عايز لاب انا انا عايز عربيه . سناء : انت لسه في اولي ثانوي اصبر تخلص ثانويه عامه الاول طيب . يوسف : يعني هتخلي بابا يجبلي عربيه بعد الثانويه العامه . سناء : ايوه بس تجيب مجموع حلو وتحقق حلمه وتكون مهندس. يوسف : حاضر يا ماما . سناء : وعد يا يوسف . يوسف : وعد يا حبيبه قلب يوسف . ودخل عليهم فجأه يونس ويقول هاي عليكم . سناء : وعليكو كنت فين يا بيه . يونس : كنت مع اصحابي فيه ايه يا ماما . سناء : فيه ان انت مستهتر يا يونس مش بتذاكر . يوسف : امال بابا فين يا ماما . سناء : نستوني زمانه جاي ده اتأخر انا هقوم احضر الغدا . يونس : طيب علشان انا جوعت اوووي . ويقف حمدي بسيارته امام احدي العمارات الحديث ويقول يلا يا فاطمه انزلي . فاطمه : تبلع ريقها وتقول هو حضرتك ساكن هنا . حمدي : ايوه يا حبيبتي وهيبقي بيتك . فاطمه : تنزل من السياره وتصعد معه . البواب : حمدلله علي السلامه يا حمدي بيه . حمدي : الله يسلمك يا عبدو تعالا شيل الشنطه دي . البواب : حاضر يا حمدي بيه تحت امرك ويحمل البواب الحقيبه الخاصه بفاطمه . اما فاطمه تنظر للعماره بدهشه وتقول ابويا انا ساكن هنا . ويفتح لها حمدي باب الاسانسير . ويصعدون معا . ويفتح حمدي الباب . يوسف : حمدلله علي السلامه يا بابا . حمدي : الله يسلمك تعالي يا فاطمه . يونس : ينظر لها وهي داخله خلفه ويقول مين الجميل . حمدي : ينظر ليونس ويقوله بس انكتم خالص فين امكم . يوسف : بتحضر الغدا مين دي يا بابا . اما فاطمه تنظر للمنزل وتتحسر علي حالها وعلي حال امها الله يرحمها لانها كانت كثيرا تنام دون ان تأكل لكثره مصاريفها علي امها وتقول سايبنا تحت خط الفقر وعايش هو في بيت حلو زي ده . وتخرج سناء من المطبخ وتقول حمدلله علي السلامه يا حمدي . حمدي : الله يسلمك تعالي عايزكم كلكم . سناء : مين دي يا حمدي . حمدي : اقعدوا كلكم تعالي يا فاطمه اقعدي . يوسف : فيه ايه يا بابا . حمدي : دي فاطمه بنتي يا سناء بنتي من مراتي الاولي راويه الله يرحمها . سناء : بصدمه نعم بنتك . حمدي : ايوه وهتعيش معانا هنا حد عنده اعتراض . يونس : لا طبعا . يوسف : انا ازاي جايب لينا واحده وتقول عليها اختي . حمدي : ولد عيب كده دي اختك الكبيره . فاطمه : انا ماليش مكان هنا انا همشي احسن . حمدي : استني تمشي تروحي فين انت في بيت ابوكي . فاطمه : ببكاء بيت ابويا كنت فين لما ماما كانت بتتعب ليل مع نهار في الشغل وكل شويه نتنقل من بيت لبيت اقل علشان الفلوس انت عايش مستريح واحنا تعبنا كتير اقولك حاجه بيت ماما الصغير اللي مكنش بيت احسن بكتير من شقتك الواسعه دي. اما حمدي يقوم من مكانه ويصفعها بالقلم علي وشها ويقول صوتك مايطلعش وهتعيشي هنا معانا غصب عنك . وبكده تكون خلصت الحلقه السادسه يا رب تعجبكم نورا_عطيه