ضحية ذئب للكاتبة ريهام الحديدى(كاملة)

الحلقة الثالثة
-توجة والد سارة الى الموقف ومعهوا عصام ومصطفى وقاموا بالبحث عنها والسؤال عليها فى جميع المحلات والاكشاك الموجودة بالموقف فلم يتلقوا أي اجابة على سؤالهم وقام عصام بسؤال صاحب الكشك التى كانت تقف بجانبة سارة
-لوسمحت يا أخ مفيش أنسة جت وقفت فترة جمب الكشك وكانت بتتكلم فى الفون وشكلها كدة مستنية حد من يجى أربع ساعات كدة .
-انسة من اربع ساعات .اه اه افتكرتها كانت بتتكلم فى التليفون وبتقول ان ابوها بين نسي يجى يخدها فقامت أخر ما زهقت مشيت.
-طب متعرفش مشيت من أى اتجاه .
-لا يابية مختش بالى مشيت من أي طريق أصل زى منتا شايف أنا واقف فى الكشك لوحدي ويادوب قادر أصد على الزباين.
-طيب متشكر أوى يا أخ.
-العفو يابيه .
-ها ياعصام الراجل دة قالك حاجه؟
-اه ياعمى بيقول انها كانت وقفة هنا وزهقت ومشيت .
-طب مايمكن تكون وصلت بيتنا ياخالى .
-طب يابنى اطلب عواطف كدة يمكن تكون وصلت صحيح وأمك نسيت تطلبنا تطمنا.
-حاضر ياخالى برن عليها اهه.السلام عليكم بقولك يا أمى سارة وصلت عندك ولا لسه.
-……………
-سألنا كل اللى شغالين على الموقف وواحد قال انها كانت وقفه جمب الكشك بتاعه ومشيت.
-……………..
-حاضر ياأمى هطمنك لو لقينها وانتى بردوا طمنينا لو جت عندك.
…………………
-الله يسلمك يا أمى .
-موصلتش لسة ياخالى .
-طب والعمل هنعمل اية يامصطفى .
-اطمن ياخالى هى تلقيها بس مش عارفة العنوان بالظبط وياهترجع ع الموقف وتستنانا هنا ياأما هتركب على البلد على طول وعلى العموم تعالوا ندور علبا فى المساجد القريبة يمكن تكون كانت عايزة تصلى وقعدت فى المسجد بدل الوقفه فى الشارع .
-على الله ياابنى يكون كلامك صحيح .
-طب يالا ياعمى ندور عليها بس كل واحد فى اتجاة عشان نختصر الوقت .
-صح كلامك ياعصام واللى يعرف حاجه يبلغ الباقى .
-خلاص ماشي أنا هسأل فى الشارع دة .
-وانا دة .
-وانا دة.

-( عند حسن وسارة )
-عايزة تموتى نفسك أنا هموتك بالبطئ بس بطريقتى.
( وقام حسن بلفها فأصبحت مقابلة لة فأخذ يضربها بشدة على وجهها وهى تبكى وتصرخ وتحاول الهروب من بطشه فقام بألقائها على الأرض تحت قدمه وأخذ يضربها بحزامة وقدمة وهى تحاول أن تتفادى ضربة لها ولكنها فشلت فى ذلك فأخذت ترجوة أن يتركها ولكنه كان يضربها بشدة فلم يعد لها مقدرة على الصراخ وبعدقليل أنعدمت الرؤيا عندها وانغمست فى ظلام دامس كان أرحم بها مما يفعل بها )
-عندما أيقن حسن أنها فقدت وعيها نظر لمن حوله فرأى الفتيات الأخريات وقد أمسكهم بعض من رجاله فقال بصوتا قاسي ومرعب -دة بس جزء من اللى هيحصل لأي حد يفكربس مجرد تفكير انه يعمل زيها ونظر إلى رجالة وقال واللى تهرب منه او منها وحدة جزاءة عندى الموت مفهوم
-فلم يتلقى اجابة من أحد .
-فقال بصوتا أعلى مفهوم.
-فردوا علية بأصوات يملئوها الخوف .مفهوم ياباشا.
-نادا حسن على محروس وقال له.
-النسوان اللى اتسببوا فى اللى حصل دة يتحسبوا يامحروس الغلطة دى كان ممكن تودينا كلنا فى دهيه فاهم يامحروس ولا تحب افهمك بطريقتى .
-فاهم ياباشا فاهم.
-خلى جوز نسوان يخدوها ويحطوها فى الأوضة الغربية .
-بس ياباشا الأوضة دى ب….
-فقاطعه حسن بصوتا عالى
-أنت هتنقشنى ولا اية يامحروس ! أنت انفذ اللى أقولك علية وخلاص لاحظ انك عت بتدخل فى اللى ملكش فيه .
-تحت أمرك يامعلم اللى تؤمر بيه هيحصل .تؤمر بحاجة تانية ياكبير ؟
-اه خالى جوز نسوان يفوقوها ويوضبوها على الساعة وحدة كدة لحد ما أشوف هنعمل اية فى باقى البنات وشوف الشغل ماشي أزاى.
( نادا محروس على آمراتان وألقى عليهم أوامره)
-(حملت المرأتان سارة من على الأرض وتوجهوا بها إلى الحجرة الغربية وأنزلوها على السرير )
-ياعينى على دى الشبة دي أتكلت علقة من المعلم متخلهاش تتحرك أسبوع من مكانها .
-اه يا أختى ولسة اللى هتشوفه منه بليل .دى أول مرة يؤمر أننا نوضب لة بنت من اللى بنخطفهم طول عمرة بيجبهم معاه اخر الليل من الكباريهات أشمعنا المرة دى يعنى .
-عشان حظها اللى زى الهباب اللى خلاها تعمل اللى عملتة والمعلم كان موجود وشفها..
-وهى يعنى لو مكنش حظها هباب كدة كان اية اللى يجبها هنا.المهم ياأختى سيبك من الكلام الفاضي وقواليالى هنفوقها ازاى وهنعمل أية فى الزراق اللى والورم اللى بدأ يغطى كل وشها وجسمها.
-هنعمل اية يعنى هنحميها بمية ساقعة وندهنلها برهم من اللى الدكتور بكتبة للبنات اللى بتضرب زيها كدة.وعلى الساعة 11كدة ندخلها أكل ونحميها تانى ونوضبها للمعلم زي ماقال ونسبها فى الأوضة وملناش دعوة باللى هيحصلها بعد كدة.
-طب يالا ياأختى أيدك فى أيدى ونوديها على الحمام وهتيلها هدوم الاول من البت حسنية أهى نفس جسمها .
-ماشى وهحطهم فى الحمام الأول وبعدين أجى أسندها معاك.
-بس متركنيش هناك .
-ياأختى مش هركن أنتى عايزة المعلم يعرف أن أوامرة لسة متنفذتش لحد الوقتى .
-أصل عرفاكى تموتى فى الرغى.
-ودا وقت رغى يعنى.
-طب اتحركى بسرعة.
-حمامة.