رواية “أحمل قلبك .. أينما ذهبت”
الحلقة السابعة ~ ??
إيما.. أنا احبك ?
محمد..ههههههه وانا اكثر والله ?….وشد ف ايدها وخبط علباب وقلبه بيطلع من مكانه …….
ولما فتح الباب………
كانت اخته رشا الصغيرة ? تقرا تانية تانوي ومتعلقة بمحمد هلباا ??…. اول ماشافاته نقزت طبطت فيه وقعدت تبوس وتحضن فيه …….وإيما واقفة تتفرج ومتبسمة
رشا…. حمدللله ع سلامتك وخييي والله خليت مكانك هلبا فلحوشش ????? ….
محمد..والله واني استاحشتك هلببا يامشفشفة هههههههه نقنك طولتي !
رشا.. اس زايدة ٤ سانتي فرحانه بيهم??
محمد….ههههههههههه إيما تعالي ….. this is my little sister .. rasha ❤ “هادي اختي الصغيرة .. رشا ”
إيما…. السلام ألايكوم “السلام عليكم?”
رشا.. هههههه ياوخخيتي محلاها تدوي عربي !??
إيما.. انا اتكلم أرابي ميكاسر شويا ” انا نتكلم عربي مكسر شوية ? ”
رشا.. هههههههه تهبل محلاها خششو خشو ماما ف حوش خالتي متندريش عليك جاي …
محمد…. انتي بروحك فلحوش ؟
رشا….. اي كلهم طلعو سليمان مشي لصحابه فلقهوة وأمل بتجي فلليل
سليمان وأمل يكونو خوات محمد حتى هما… امل متزوجة وعندها صغار وسليمان مزال عمره 24 سنه ….
رشا.. تفضلي إيما خشي ❤
إيما.. شكرا جزيلاً ❤ …. هل لي بأن أدخل الحمام من فضلك
رشا… اكييد تفضلي تعالي نوصلك ❤
وصلتها للحمام وجت تجري قعمزت ع حجر خوها وقتله شن جبتلييي ?❤
طبعاً رشا زي ماقلتلكم الصغيرة فيهم وطيبة هلبا جداً فوق ماتتصورو ❤ وتحب محمد فوق ماتتخيلو ولانها الصغيرة فيهم ف هيا الي واخدة الدلع كله منه لان بوهم مات وهي سنتين بس فتعتبر في محمد كأنه بوها ❤
محمد…ههههههه جبتلك كل شي بعتيهولي علواتس وعليه كم حاجة هدية من إيما اصرت تجيب لكل واحد هدية على ذوقها مبتش تقولي عليها شن بس قعدت تسأل ع كل واحد فيكم شن يحب
رشا.. محلاها تعرف احلى من الصور الي بعتهملي…وباين عليها لطيفة بكل ❤❤❤
إيما كان نقشها رقيق وهادي بكل ……طولها متوسط وجسمها ضعيف… وعيونها عسليات وصغيرونات وشعرها كاري أشقر مغطي رقبتها ولابسه عليه توكة زهرية وقفطان نفس اللون لتحت الركبة وكمه طويل كان قنين ومستور ❤
وخشو قعمزو فلصالون
محمد..تعرفي خايف من رد فعل امي …
رشا.. متخافش ماما طيبة توا مع الوقت تحبها ….وهي شكلها عسل الحق ومؤدبة ههههه تضحك كيف تتكلم عربي ?
محمد..اي خشت كورس قتلي من كم شهر منندريش عليها توا وين قتلي هههههه ان شاء الله يارب توافق عليها ان شاء الله ادعيلي
رشا.. هاتوافق هاتوافق .. اصبر انت بس
إيما… خبطت علباب تخبيطتين وقالت ، احم ، هل أستطيع الدخول ؟
رشا.. ناعلي من الذوق غير كيف طحت فيها هيا ههههههه … خشي حبيبتي ❤
إيما.. مفهمتش خشي وقعدت متنحة وتشوف لمحمد ? ، وقالها معناها بلانجليزي خشي
رشا.. ههههههههه هي يناري تعلمت كليمتين عربي ف شهرين باش تتعلم الليبي تبيلها سنتين ??
وهي طبعا مفهمتش شن قالو بس ضحكت وخلاص??❤
ومحمد قالهم تعبان هلبا وحط راسه يتكى شوية مابين ماوصلت امه…..
وقعدو إيما ورشا يتكلمو مع بعض رشا كان عندها شوية لغة من الاغاني ومرة بلاشارات ومرة بلفصحى وممشيين امورهم عادي ??
لحد ماسمعت رشا صوت الباب نفتح ……وقالت شكلها امي ، ونوضت محمد طلعلها برا سلم عليها وخداها بلحضن …..
وجت وراه إيما ،،،،،،
محمد….. امي نعرفك ، هادي ايما .. الي حكيتلك عليها ❤
أمه……………..
~~~~~~~~~~~~~~~~~
إياد بصوت حنين وهادي ❤…. أية …. أية نوضي ، وصلنا لاستراحة لو تبي تستعملي التواليت وتاكلي حاجة بنتغدوا فلقهوة
أية…. ناضت من النوم وشبحت حواليها وراسها كان تقيل بكككل ؛ وين سمر !!
إياد.. نزلت للحمام …الحقيها وانا هانعبي بنزينه من الشيل الي قدام شوية ونرجعلكم
وخدت شنطتها وطلعت طول مشت للحمام لقت سمر تساوي في وشاحها ..
سمر.. صباح الخير ?
أية.. احنا وين ؟ مزال هلبا ؟ .. وقداش قعدت راقدة ؟
سمر.. لا مافاضل كتير ساعتين زمن وبنوصل ع حلب ومنها رح نلاقي حيدر اخي مستنينا …ونمتي ٤ ساعات هههههه فرهدتي من الحرارة باين… ولما إياد لقاكي هيك فتح التكييف وخلصت البنزينه من وراكي واضطر يغير طريقو مشان يملاها ?
أية.. اي انا السبب توا طلعيني ??….. نحس ف راسي دايخ ، تعالي ناخدو حاجة
سمر.. اي جاية ؛ ومشو طلعو كان في غدائية صغير فلاستراحة …..وأية قعدت تشوف للقدام مكان الشيل باش تطمن انه واقف غادي ومش بعيد عليهم….. لانها بدت بشكل هي مشعارفاته تحس براحة اول مايبدا قريب عليها .. على عكس ما اول ماتلاقو ❤
وسمر اول ماشبحتها وهي تدور فيه ابتسمت ❤ ..وقالت بصوت واطي.. والله وقعتي وماحدا سما عليكي ?
وخدو مايبو جو عصاير وشكاليط ومشاريب وتشيبس وهكي ?
وهما طالعين….. بتعرفي إياد شو قالي عليكي وانتي نايمة هههههههه
أية.. شني
سمر.. قالي انه ساعات بتبقي متل القطة ؛ واحيانا بتصيري مثل الاسد ?
أية.. والله ?
سمر.. ههههههههه معو حق مابلومو ؛ اصلا انا رفيقتك و لحالي ماعرفتك وقت الي كنتي بتتحدثي مع الضابط ….. يابنتي شو هالشجاعة منين جبتيها !؟
أية.. هههههه من بابا ❤… بوي كان شجاع ومايخافش من شي … وأمي كانت هادية ورقيقة زي القطوسة
سمر.. يعني انتي لما بتكوني اسد مثل بيك ولما بتكوني قطة مثل امك ?
أية.. ههههههههه بلضبط….
وسكتت سمر ومبتش تحكيلها ع باقي الحوار الي دار بينها هي وإياد وهما راقدين ❤…..
ومشو خشو كافي تغدو فيه التلاته وكملو طريقهم
توا نحكيلكم شن قال بس خلونا نمشو لمحمد نشوفو امه قتلاته ولاشن صار معاه ?
أمه …….. شبحتلها من فوق للوطة بنظرة إشمئزاز
وإيما مدت ايدها باش تسلم عليها وقعدت معلقة فلهواء…..تحشمت ونزلتها …..
أمه …برضو سكرت راسك ودرت ماتبي ها ؟
محمد… امي اسمعيني لو سمحتي….. اني جبتلك البنت لعندك هني تتعرفي عليها براحتك وتتأكدي من اخلاقها وربايتها صدقيني اني مش هانجيبلك وحدة من الشارع تكون كنتك …… اني مختارها من عيلة مسيحية محافظة ومتربيه احسن تربية وهالشي هاتشوفيه في تصرفاتها وأسلوبها…اعطيها فرصة بس وتعرفي عليها يمكن تحبيها…..
أمه …. والله ؟؟؟؟ عيلة محافظة قتلي هههههههههههه والله لو جايبهالي من عيلة ملكية مش غير محافظة ماهي خاشة حوشي هلكافرة ولا بايته فيه دقيقة وي أنا يا هي !!!!
وإيما مكانتش فاهمة شن يقولو بس قدرت تستنتج من اسلوب امه انه رافضتها ?
رشا.. ماما حرام عليك وين بتمشي البنت ماتعرف حد هني …
أمه… ضممي فمك انتي بتعلمييني وزي ماجابها يدور وين يحددفها قلت مش هاتقعد هني يعني مش هاتقعد هنيي
محمد… يا امي الله يهديك ، كافرة شن بالله هادي مسيحية يعني مؤمنه بالله مش كافرة ولا حاجة لو كلهم ميصلحوش ره ربي محللش الزواج من غير دينك بتجي انتي تحرميه !
امه…. اسمع لكلك زايد منبيش ، ياتاخدها وتطلع من هني يا اني نمشي من هني ،،،،،،،
إيما حست الوضع بدي متشنج هلبا وفهمت انها متبيهاش انها تقعد فلحوش ورافضتها رفض قاطع من صياحهم…
إيما..سيدتي ، انا اتفهم موقفك … سامحيني سأخرج من البيت حالاً
أمه..هههههههههههه ومعلمها عربي زعميتك…. باهي طيب فيك الي فهمتي تفضلي اطلعي برا ..وشاورتلها علباب……. وإيما بدون حرف شبحت لمحمد وعيونها معبيات دموع وكيف جت بتمشي شدها من ايدها ……
~~~~~~~~~~~~~~
خ نحكيلكم الحوار الي صار بين سمر وإياد لما كانت أية ف سابع نومة ?
إياد…. شكله أية تعبانه هلبا
سمر.. ايي نومها كان مقطع كتير بلفترة الأخيرة ؛ بتظل تحلم بأهلها كتير وهي نايمة وبتقوم مفزوعه ?
أياد..علاش وينهم اهلها ؟
سمر.. ماتو وهي كتير صغيرة في حادثة بشعه ، كان عمرها 7 سنين وقتها
إياد.. لا اله الا الله ؛ وشبح لأية بنظرة كلها حب وعطف ?
وسمر قتله…. أية عاشت طفولة كتير صعبة …تعبت وتبهدلت لحتى وصلت لهون…. مايغرك شكلها هيك وكيف بتعمل حالها قوية وصعبة … هي من جوا قلبها كتير طيب وأبيض وصافي مثل اللبن … بس هيا الصدمة الي عاشتها صارت بعدها عندها مشاكل نفسية…. تعالجت من بعضها وهي صغيرة بس الباقي ظل معها لحتى كبرت…. و واحد منهم الخوف من المجهول … أية شعور الخوف ملازمها طول الوقت.. بتخاف من كل شي.. مابتحس بلأمان…. مافيني احكيلك شو الي صار معها لانو شي كتير خاص بيها وبعتقد انه هي تحكيلك بنفسها احسن …
وانا بدعي الله يرزقها ابن حلال يصونها ويقدر يخليها تتخلص من شعورها بلخوف وتحس معو بلأمان ويصونها ❤ وتقدر تكون عيلة وتنبسط ف حياتها من جديد …… أية بنت كتير طيبة وبتستاهل كل خير…..وطريقها مو متل طريق باقي البنات هي مو مقتنعة بهاي الاشياء .. هي كتير تقليدية وملتزمة بعادات بلدها الي تعلمتها وهي صغيرة من ابوها وامها…
وشافتله بنظرة الكلام ليك ياجارة ?
وهوا فهم تلميحها وابتسم وهوا يسوق من غير مايرد …. وقال ف خاطره حتى من صاحبتها عرفتني طايح ع وجهي طيحة صح ههههههه
وشبحلها تاني والمرة هادي كان شعور مختلف…… وحس أنه كان احساسه ف محله لما عرف انه وراها قصة ، وانه ربي ماحطش فيه الشعور هوا ناحيتها الا لانه يقدر يعوضها ع كل مر عاشاته ف حياتها وينسيها الي صار معاها مهما كانت قسواته .. وأنه من اول ماشافها حسها جزء منه ومسؤول عليها منغير حتى مايعرف شي عليها…و ووعد نفسه يكون جنبها وسند ليها فلدنيا ومعاها ف كل شي ❤…..وأنه مش هايقولها انه يحبها … بس هايثبتلها هالشي لانها اغلى من انها تنقالها بمجرد كلمة ❤
وهي لما كانت راقدة كانت ايدها طايحة جنبها وقريبة علمارشا… حط صبعه ع إيدها من غير ماتحس وكمل سواقته ❤
~~~~~~~~~~~~~~~~~~~~~~~~~
نرجعو لمحمد وإيما نشوفو شن صار معاهم ??♀️
وكيف بتمشي إيما شدها محمد وقالها …..remember your promise ?
“تذكري وعدك ”
وهزت راسها ورجعت وقفت……
امه.. صار هكي ؟؟؟؟
محمد… متخافيش مش هاتقعد هني توا …… بس صدقيني هانرجعها هني وهاتتعرفي عليها وهاتحبيها اني متأكد……. تعالي معاي ايما
وخداها من ايدها وهي طالعة تبكي معاه …..وقتله انها فاهمة ان امه ماتبيهاش وهي متبيش تقعد بلغصب عليها وقتله يرجعها بلدها……
ومحمد رفض وقالها أنه فلاول بس هكي واصبري معاي ?…..وخطرت ع باله فكرة….. طلع تليفونه واتصل بأمل اخته……..
وقعد يدوي معاها بعدين سكر…..وقال لإيما أنه هايرفعها حوش أمل اخته وبتقعد فيه يومين لحد مايقدر يقنع امه……. وهي وافقت
ومشي بيها لحد حوش اخته واستقبلتهم ….. وحكالها الي صار مع امه وهي كانت زيها معارضة الفكرة بس لازم تعاملها كويس فلاخير ضيفة وعلى خاطر محمد خوها مبتش تكسر بخاطره ….. وهي زوجها كان مسافر ف ماعترضتش انه تقعد معاها يومين لين محمد ينظم اموره مع امها……. وشرط عليها متجيبش سيرة لأمهم انها عندها …….
~~~~~~~~~~~~~~~~~~~~~~~~~~
أما الجماعه التانيين وصلو للمكان الي متفقين يتلاقو فيه هما وحيدر أخو سمر ……… كان قريب المغرب
وتلاقت سمر مع خوها في مشهد مؤثر جداً ?لدرجة اية دموعها قعدو يصبو من كتر ما اتأثرت بيهم …….
حيدر اول ماشاف اخته جري عليها وخداها ف حضنه وقعد يبوس ف راسها كآنه مش مصدق انه يشوف فيها قدامه ?
وبعد ماسلمو على بعض ….
سمر… اخي هدا إياد الي قلتلك عليه ساعدنا مشان نجي لهون …
حيدر..مد ايده باش يسلم ، اهلا بيك يابطل حمدلله علسلامة
إياد.. اهلين بيك …الله يسلمك ?
حيدر.. و وين رح يقعد !
سمر.. مابعرف هوا قال عندو ناس رح يساعدوه….
حيدر.. طيب هلأ رح تجي معنا وبدون ولا حرف بتريح ببيتنا يوم والصبح بتشوف حالك انت وراحتك
إياد.. لالا مافيش داعي والله شكرا انا منظم اموري ❤
حيدر..يا اخي عيييب ماترد الدعوة اذا ابي عرف انو تركتك تروح هيك رح يتقتلني انت تعبت مشان توصل اختي اسمحلنا نردلك هالجميل بترجاك تجي معنا بس الليلة ريح حالك كمان الليل قرب ومافيك تتحرك بلليل هلأ مو امان الوضع !
سمر.. اييييي معو حق بلييز اياد وافق ☹ …. وشبحلهم شوية وتحشم يرفض وقالهم باهي ❤
ومشو روحو كلهم للحوش ……. ❤
وسمر لما شافت اهلها مقدرتش تشد روحها وقعدت تبكي وتحضن ف كل واحد فيهم بلقوية ❤……..
أما إياد وأية رحبو بيهم بحرارة وفرحو بوجودهم هلبببا وتشكرو إياد علأخر …..
ومابين ما أية وإياد واقفين كل واحد فيهم في تركينه ويتفرجوا على سمر وعيلتها كيف فرحانين بيها وفرحانه بيهم ❤
كان اياد فرحان لوجوده تحت سقف واحد هوا وأية حتى ولو كان لليلة وحدة ❤ …
وبينما هوا سرحان ويشوفلها تلفتت هيا وشبحتله ولأول مرة…. بادلاته بإبتسامة حتى هيا ❤❤❤
و روايتنا مزال مبدتش ❤ …. والايام مخبية لأية حاجات عمرها ماكانت تتوقعها ولا انتم تتوقعوها…. ❤… وإياد كذلك ❤… وقبل لانودعكم اليوم استنوني في مشهد أخير مزال ❤…..
في ليبيا >>
مرا كبيرة فلسن عمرها حوالي فبداية الستينات… تمشي بعكازها ، وصلت لمكان قعدت تتفحص فيه من برا كأنه المكان هدا يحتضن جزء من اسرار وذكريات قلبها الدفينة…. خشت للميتم وهيا تدعي لربها تلقى الي تدور فيه موجود ….
ولما خشت …. استقبلتها مرا متوسطة فلعمر ، كانت المشرفة متع الميتم ، تفضلي بشن نقدر نساعدك ؟
المرا.. لو سمحتي ؛ اني جاية هني ندور في طفلة
حطيتها هني فلميتم من 18 سنه كانت كيف مولودة مليهاش ساعات …………..
ممكن تقوليلي شن اسمها ؟ والتاريخ الي حطيتيها فيه بلتحديد ؟
المرا…. اسمها ** وحطيتها يوم……..
يتبع……….>>>>>>>>>>
#Mera ?
والي يسألو علحلقة امس ? اني من قبل لانبدا تنزيل قلت ان الرواية هايكون عرضها يوم بيوم ? يوم نكتب فيه ويوم انزل ? .. والحلقات الي نزل فيهم ف غير موعدهم هادم هدية مني ليكم ? واول مانكمل الحلقة إنزل فيها طول حتى لو قبل موعدها ? ونحاول نبذل اقصى جهدي باش نرضيكم والله هههه ?
يارب تكون عجبتكم حلقة اليوم ونتلاقو بعد غدوة وكلعادة لو كملتها قبل وغلاوتكم هانزلها ?✨