رواية “أحمل قلبك .. أينما ذهبت”
تعرفو نكتب واني عيوني ينطفو من التعب ره ههههه فرحوني وتفاعلو معاش مزال هلبا خلاص ?
الحلقة الثامنة عشر ~ ??
لما دخلو أية للحجرة بعد ماعرفو انها صايرلها اغماء ركبولها تغذية لحد ماتفيق….
كانت في عاملة النظافة كبيرة فلسن قبل لايدخلوها للغرفة بثواني كانت تنظف فيها من المريض الي قبلها وتساوي فلفرش والملايات….. ولما دخلو اية خدت قردل المسح وكيف بتطلع ، اول ماشافت أية تسمرت ف مكانها وطاح منها القردل…..
الدكتور.. خيرك يا امي !؟ ” كل الدكاترة ينادو فيها ب امي تقديراً لعمرها ❤ ”
العاملة… شي ياولدي غير يديا رعشو شوية …..
ونحى الدكتور قوانتياته وساعدها وقاملها قردل المسح لبرا …
استنت الدكاترة يطلعو من الغرفة واياد طلع باش يتصل بشاهين وخشت هيا ….
وشبحت لأية وطول دموعها نزلو ، هي نفس العيون ..والشعر …وهمست ب إسم ، ملك ???
ومصدقتش نفسها لما شافت السلسلة الي لابستها أية كأن من صعقها بسلك كهرباء…..وطول مسحت دموعها وناضت تضحك….انتي قاعدة عايشة …انتي قاعدة عايششة ….وطبست باستها من راسها
وكتبت رقم تليفونها بسرعه ف ورقة وحطتها ف ايدها… باش لما تنوض تكلمها…… شبحت ف ايدها دبلة عرفت ان هيا انخطبت ? … حست بروحها رجعتلها كأنها ف حلم ….. بس كانت مستعجلة ف اضطرت تطلع بسرعه بعد مادست الرقم ف ايد أية…….
والي لما فاقت… لقت الرقم هدا ف ايدها ، ولما خش اياد دساته طول تحت الفرشة ……
اياد.. ههه حمدلله علسلامة ❤لازم من الرعايش ؟
أية.. ههههه .. الله يسلمك ….. شدت راسها وقتله ، شن صار ؟
اياد… اغمى عليك
أية…. تذكرت اي …
إياد.. كلمت شاهين وبلغته ب الي صار كان يبي يجي هني بس قتله انك كويسة وبنجيبلك للحوش ونروحو ؛ الدكتور قال اول ماتكمل شكارة التغذية تقدري تطلعي
أية.. اوك..
إياد… خيرك في حاجة ؟
أية … اه ، لا شي.. مدروخة بس
إياد..اوك …..
وسكتو وقعدت اية تفكر ف صاحب الرسالة من لحد ماكملت شكارة التغذية…..
وهي طالعة من الباب وفي الحديقة متع المستشفى خافت قالت لازم نصارح إياد……مينفعش نكدب عليه ..
أية ……إياد
إياد..تلفت ؛ خيرك ؟ قاعدة تعبانه ؟
أية.. لا بس لازم نعترفلك بحاجة قبل لانمشو
إياد.. حسيتك مش تمام ، قولي شن في ؟
وطلعت الرقم ومدتهوله ….واياد تعفلق طول ويحسابه حد عاكسها ومدلها رقمه ??? ….
إياد…. من الحيوان الي عطاك رقمممه هداا !! وانتي لاش مخليتيه عندك !
أية.. تيي لا افهم قبل ؛ هدا الرقم نضت لقيته ف ايدي.. منعرفش متع من
شد اياد الرقم ……هادي حركات مفرخ يديرو فيها هنايا … وكيف بيلوح الورقة
أية.. لا اياد ! استنى …… بالك حاجة مهمة ورا الرقم هدا
اياد..زي شن متلا؟
أية.. منعرفش بس نجربو نتصلو
إياد… سكت شوية وقالها اني بنتصل ، وكتب الرقم ف تليفونه ورد صوت وحدة مرا……
واستغرب اياد ومد السماعه لأية بعد ماتأكد ان مفيش حد يبي يلخبطها ? …..
اية.. الو السلام عليكم
المرا ..وعليكم السلام…
اية…. لو سمحتي …….. اني كنت فلمستشفى لما نضت لقيت رقم تليفونك محطوط ف ايدي ومكتوب عليه كلميني ضروري .. ممكن نعرف من حضرتك ؟؟
ردت المرا بتسرع وقتلها انتي وييين !!! روحتي ؟؟؟؟
اية…لا مزال فلحديقة كيف بنطلع … من انتي ؟ وشن اسمك ؟؟
المرا.. هاتفهمي كل شي بس وراس بنيتي قوليلي وينك….. اني توا جاياتك ….
أية شبحت لإياد ياستغراب وحست بلخوف وان الموضوع جدي…..قتلها اني فلحديقة متع المستشفى عند الشجرة الكبيرة
المرا..ماشي انيي جاياتك اتبتي عندك ومتتحركيش …
أية…. به
وسكرت وشبحت لإياد وقتله …. حسني خفت
إياد.. زعما شن تبي ؟ ومن هادي ؟
أية.. مشعارفة بس قلبي مقبوض
إياد… تعالي نقعمزو باش متتعبيش
وقعمزو تحت الشجرة …. وأية حطت راسها ع كتف إياد لانها كانت قاعدة دايخة
ومرو الدقايق عليها ثقيييلة كأنهم سنين ? والدقايق هادي هايتغير بعدها مصير حياتها وهي مشعارفة …. توا اكيد كلكم هاتبو تعرفو من المرا هادي ، واكيد اخر حد يخطر ع بالكم ? …… نجو نشوفو شن صار ??
اول ماوصلت كانت مرا كبيرة فلسن و واضح من لبسها ان هيا عاملة التنظيف ، شبحت لأية وعيونها تعبو دموع ……
وطول حضنتها وقعدت تمسد ف شعرها وتحمد ف ربها وقتلها……… ملك بنتي?? الحمدلله ياربي الي لقيتك ….. مش مصدقة نفسي بعد السنين هادي كلها كتبلي ربي نشوفك خفت نموت ويندفن سرك معاي يابنتي ??خفت نموت ومحدش يعرف عليك شي ومحدش يعرف انك عايشة
وكانت تبكي واية واياد يشبحو لبعض ومستغربين………
وخلتها كملت بكي وقامت راسها ومسحت دموعها ومسحت ع وجه اية بكف ايدها…….
والابتسامة الي ف وجها سرعان ماتبدلت لما قتلها أية …….. بس اني أسمي مش ملك ؟ حضرتك اكيد مشبهة عليا
المرا…. مستحيل ! .. ورجعت تمعنت في ملامح وجها وردت شدت السنسلة الي لابستها اية ف رقبتها……وقتلها ، انتي كم عم
رك !!
اية….25 سنه…. ممكن تقوليلي من حضرتك ؟
المرا… لالا اكيد مش مجرد صدفة اني متأكدة…. وشدت راسها كأنها متلخبطة…….. وقتلها بكسرة ؛ اني اسمي حنان …………..
مش قلتلكم اخر حد ممكن تتوقعوه? توا وين هاتعرفو قصة هالحنان شني وكل الاجابات لأسئلتكم ? …واي هي نفسها حنان ، الي كانت تدور علبنت اليتيمة الي فلميتم …… وتوا واخيرا هاتعرفو قصتها? ……
نشوفو شن هايصير ?
حاولت حنان تستوعب الي صار وتقول .. اكيد مش مجرد صدفة… الشبه كبير ?
إياد .. حضرتك اكيد مشبهة عليها…وشد ف ايدها باش يمشو…. هيا أية انتي تعبانه ولازم ترتاحي
حنان… لالااااا ، استنو !!
ورجعت شدت التعليقة وقالت لأية…. من غيرك عنده سنسلة زي هيا !
وأية تقول من صب عليها مية مصقعه وقفت تسمرت ولسانها نعقد …ونطقت بصعوبة وقتلها…. امي ، ?……………… امي كان عندها زيها……ونزلو دموعها وقتلها، انتي وحدة من صحبات ماما؟؟؟؟
حنان…. ليلة 25-نوفمبر سنه **** … شن تعنيلك !
وأية زادت كلت الصدمة التانية وحست ان في سر خطير ورا المرا عادي ويخصها…….
أية … شدتها من كتفها ، انتي تعرفي ماما !!! رانيا !!!!!
حنان… يعني انتي بنت رانيا !!!!!!!انتي اخت ملك !!
إياد….. لو سمحتي ياريت تخشي فلموضوع طول بدون لف ودوران !!!
حنان… اللف حححمد وشكر لييك يارب اني عرفت انه مش مجرد شششبه… ربي جابك ليا باش تعرفي الي صار مع امك ليلتها….. وباش نعترفلك بسر خطير خفت نموت ويندفن هالسر معاي…… عشت عمري كله فلمستشفى هني… كنت نشتغل ممرضة فلمستشفى هني ولما كبرت كانو هايديرولي تقاعد اجباري بس اني اصريت اني نقعد فلمستشفى هني حتى لو انظف ونكنس لعل وعسي نطيح ف اي حد نعترفله بالسر الي عشت عمري كله داساته ف قلبي ومش قايلة لحد عليييه ……وبدت تبكي …… خفت نموت ويندفن هالسر معاي للأبد …. الحمدلله ربي لقيت حد نقدر نحكيله…….
أية…بهسترة وهي تخض فيها …… حضرتك بديتي تخوفي فيا … شن هوا السر هدا الي يخص امي ! احكي بسرعه ! خيرررها امي ! هي عندك ! قاعدة عايييشة ! هي ويييينها …..تكلمي بسسسرعه …وبدت تنهار وتفقد اعصابها…..وييينها امممممي .. ..
إياد…. اية اهدي هكي مش هانعرفو شي ! …..
حنان.. اهدي يابنتي هاتعرفي كل شي ،
أية.. به جاوبيني بالله عليك … طمنيني بس …. وضحكت وقعدت تقولها… ماما عايشة صح ! ماما عندك ؟؟؟؟؟؟
حنان بدت تبكي.. كان بودي نفرحك بس الله غالب ? ح نحكيلك……..
إياد.. به تعالو نقعمزو عالطاولة باش نحكو ع رواق
ومشو قعمزو غادي…..
أية.. هيا احكيلي
حنان .. هانحكيلك ، وقالت لإياد.. انت زوجها ؟
إياد.. لا خطيبها
حنان.. المهم نتكلم عادي ؟
اية.. اي وبسرعه
حنان.. حاضر ؛ هانحكيلك ، اني زي ماقتلك …. زمان كنت نشتغل ممرضة فلمستشفى هني ؛ من 18 سنه …….
لحد مافي يوم…….>>>>
……………مطلوووب مسعفين حالاً حالة ولادة مستعجلة في الطوارئ …….
المسعف وهوا يجري بالسرير … اسم المريضة رانيا وحالة ولادة مستعجلة
مشو زوز دكاترة و كم ممرضة معاهم بسرعه دخلوها اول ماوصلت للعمليات وكانت غايبة عن الوعي وتنزف و واضح ان حالتها خطرة……
كان معاها رجالة وقعدو كلهم فلسيارة و واحد بس نزل معاها…. توقعته يكون راجلها …….
دخلناها عمليات وكانت ولادتها صعبة جداً وعسيرة … لما لقينا في خطورة علأم والجنين خيرنا الام ان الجنين ينولد طبيعيا بس هاينولد ميت… ولا نديرولها عملية قيصيرية… ردت بدون تفكير وقالت ديرو العملية …مع انه ف حالتها هادي كانت هاتكون خطر علي حياتها بس هي أم فلأخر…ومعدلتش …… واختارت ان هيا تنقذ جنينها ?
درنا العملية ونفس الراجل قعد برا يستنى فيها وهي قاعدة فلعمليات…واني كنت من ضمن طاقم التمريض فحجرة العمليات…..أول ماجابت …. خافو ان الطفل يكون في حاجة ، بسبب النزيف الي صار…. بس الحمدلله كانت صحتها سليمة ، كانت بنت ?
وتمت عمليتها … ولفيت البيبي ب ايدي فلبطانية باش أمها تشوفها…..
رانيا .. هههههه ملك ، بنتي ? واخيرا شفتك ?….وباست راسها بوسة طويلة وعيونها مبطلتش دموع ……..
أول ماطلعو الدكاترة وخلوني اني معاها باش انضف البيبي ونساعدها تمشي لغرفة تانية … بعد ماتطمنو عليهم الزوز ……وطلعو مستعجلين مكلموش حد لان كان في حالة حرجة تانية فلطوارئ تستنى… ليلتها كان في هلبا جرحى
حنان.. مدام رانيا ?جوزك يستنى برا من بكري ?.. تحبي اناديه يجي ؟
ردت رانيا بحدة وعيونها معبيات خوف وقتلها …. لالالااا..ردي بالكككك…. هدا مش راجلي… متناديييشي ارجوك
ولما لقيتها بلحالة هادي استغربت بس قلتلها براحتك….ولما بنطلع باش نجيب كم حاجة ونوليلها نادتني…….
رانيا… وخييتي بالله عليك استني
حنان.. تفضلي ؟ ح نجيب حاجة وراجعه….
رانيا وهي تتألم .. تعالي ……..
ورجعت حنان جنبها ….
رانيا…. خودي ، وشافت لبنتها شبحة طويلة وقعدت تغمر فيها ودموعها زي النهر يصبو …… ومدتهالي …. خوديها هربيها من هني لو سمحتي… ارجوك بنتي لو عرف الي برا انها عايشة هاتموت….. قوليلهم مات الجنين … ردي بالك تقوليلهم عايشة…..
ومدتلها البنت وهي مش فاهمة شي…….
حنان.. بس وخيتي كيف هكي ؟!
رانيا.. بالله علييك نتوسلكك مفيشش وقت نشررحلك هربي بنتي من هني الله يخلييك……..ومتقوليش لحد انها عايشة الا لو من عيلتها…. هدا سسر اوعديني ميطلعش منككك الا لو…… وبدت تتوجع…. مفيش وقت .. خوديها بسرعه بسسرعه
حنان وهي تبكي حست ان الموضوع فعلا خطير ….. حاضر…وخدت البيبي وغمتها … بس شن اسمها !!! وبنت من ؟؟؟
رانيا ….. قطعت سنسلة من رقبتها وحطتها ع بنتها…وقتلها بصوت متقطع وانفاسها متسارعه … اسمها …. ملك …… ملك ، وكيف بتنطق باقي الاسم ،
انتقلت لرحمة الله …………
أية…………………. قعدت ساكته لمدة طويلة وكأنها تحلم ومش مستوعبة ان الي تسمع فيه …. وحطت ايدها ع راسها وقتلها وهي مغمضة عينها.. كملي
حنان…. بعد ماماتت ،طلعت وبلغت الراجل الي برا أن هي والجنين ماتو…..
وتعفلق وقريب خش ف عقله وطلع….مخلانيش لين خش بنفسه وتأكد ان رانيا ميته … استنيته اول ماطلع كنت مخبية ملك ف الحضانه …
وطول خديتها من الحضانه بعد مامشي وهربت بيها……. قعدت نفكر وين نمشي بيها… كيف هانربيها ….. واني مش متزوجة ….. وكنت فقيرة وحالتي المادية ضعيفة جدا ومتسمحش اني نتكفل بيها ?? … وامي وبوي كانو كبار فلسن ومرضى واني مرتبي يادوب ناخدلهم بيه علاجهم…ونصرف ع خوتي الصغيرين….. قعدت شادتها ف غمري ونبكي مشعارفة كيف نتصرف فلحمل الي نرمي ع كتافي فجأة هوا ……. لقيت روحي ماشية لملجأ للأيتام…. كانت الساعه قريب 7 الصبح وقتها….حطيت البنت قدامها…و حطيت معاها السنسلة الي نحتها امها… و كتبت ف ورقة اسمها ، ملك ?…. هدا ماقدرت نخليه معاها من هويتها الحقيقية…….
وبدت تبكي….. ياريتني كنت لاقية مانصرف ره ربيتها اني وماحطيتها ب ايدي فلميتم… ره توا جمعتكم ببعض طول انتي وهيا بس اني…….. وبدت تبكي
……
أية…. قصدك …. تبي تقوليلي…. ان اختي عايشة ؟ ونولدت وماماتش ؟؟ وان ماما ؛ ماتت ؟ ?
حنان.. هدا الي صار يابنتي..وخيتك قاعدة عايشة …وخيتك نولدت وماماتش…….. قعدت عمري كله فلمستشفى هني نستنى ف اي حد يجي يسأل ع البنت هادي وندله عليها… مرت 18 سنه ومحدش جي …. لين يأست …..وقررت اني….
وأية بدون مقدمات فقدت الوعي مرة تانية بسبب الصدمة ??
وصار نفس الموال الاول ، ورجعوها علغرفة الي طلعت منها ….. ولما ناضت كانت تعيط بشكل هستيري لين حقنوها ب إبرة مهدئ باش رقدت……
وقعدت حنان جنب اياد وهوا واقف وشاد ايدها وخايف عليها…. و قلبه قاعد يتعذب اكتر منها لشوفتها بالحال هدا….وكل ماتقول تنسى ماضيها تكتشف حاجة جديدة تصدمها اكتر من الي قبلها…….
اتصل اياد طول بشاهين وبلغه ب الي صار والي ف اقل من ساعه كان هوا وسمية فلمستشفى….ومابين ما أية راقدة…..
وشاهين الي ميقلش صدمة عليها قعد يبكي حتى هوا لما عرف ….
إياد لحنان..انتي حطيتيها ف اما ملجأ توا؟؟؟ وقاعدة ؟ نقدرو نمشو ناخدوها؟؟
حنان.. للأسف ؛ اني مكملتش باقي القصة لما البنية متحملتش.. قلت نكملكم بعدين
شاهين.. كملي ف شن تستني !!!
حنان.. لما فقدت الامل ان حد يسأل عليها قلت اكيد البنت مقطوعه من شجرة…. ولما تقاعدت من التمريض وماتو امي وبوي تحسنت حالتي المادية شوية …وفاعلين الخير مقصروش… قلت نمشي ندور عليها…… مشيت للملجأ الي حطيتها فيه …….
أياد.. اييي !!!
حنان…. قالولي ان في عيلة تبنوها وهيا عمرها ١٠ سنين
شاهين… مستحييل ، قصدك ملك عايشة !!!!!!!!
حنان… اي ?.. عرفت اسم العيلة الي تبنوها…. ****…..وعرفت عنوانهم ….. ولما مشيتلهم طلعو محولين برا طرابلس…..
وصارلهم احباط كلهم ومعرفوش شن يقولو لأية لما تفيق ?
إياد.. الزفت عاد كيف بنلقوهم توا !
وجتهم سمية ….. أية بدت تفيق !
ومشولها كلهم وهي بدت ترجع لوعيها شوية شوية
وقعدت تشوف حواليها وراسها دايخ ونزلت دمعه من عينها وقالت لشاهين… اختي نولدت و عايشة ياعمي ? واني طول العمر نحساب روحي وحيدة … طلع عندي اخت ع وجه الدنيا ……
شاهين.. هانلقوها متخافيش ،
ناضت وشدت طوبو التغذية من ايدها…… اياد هيا .. بندورو اختي ……..
اياد… مشش توا يا اية اهدي ، لازم ترتاحي توا واصلاً ، سكت شوية وشبح لحنان…… هي مش ف طرابلس توا مشعارفين وين تسكن ……
اية.. شني !!!!!
إياد… خلاص اية بالله عليك ? هانلقوها قتلك .. وعد ، بس ارتاحي انتي توا بس باش تقدري تشدي حيلك ويبدا عندك جهد ومن غدوة هانفكرو كيف نلقوها……
وسمعت كلامه و وخرت راسها علمخدة وراسها مليون حاجة ترفع وتجيب فيه وهما يتكلمو بحداها وهي ف عالم تاني ، و وسط زحمة افكارها هربت ابتسامة منها لما تخيلت اللحظة الي بتشوفها فيها قدامها… مش ح تبدا بروحها تاني ?هايكون عندها اخت تشاركها حياتها وافراحها واحزانها ، هايكون عندها اخت تلبسها فيلو عرسها ..وتحمل اسم بوها من غيرها ?وصغارها ينادوها خالتي… سرحت ف عالم تاني وقعدت تتخيل وتتخيل وبدت ترتاح تدريجياً وتفكر كيف هاتوصلها…وتدعي ربها تكون بخير وف مكان آمن وبين عيلة قدرت تعوضها ع حنان الاهل الي فقداته
ولما طلعو كلهم الدار قعد اياد جنبها وشدلها ايدها ?
وشبحتله وعيونها يضحكو… إياد اني عندي اخت!
إياد…هههه اي ، نوعدك هانلقوها وترجعو لبعض تاني..
أية.. تتوقع تكون طلعت شبه امي ولا بوي ؟
إياد.. هههههه ولا تشبهلك
أية.. اني نسخة من ماما ، تعرف … حسيت ببصيص أمل ان ماما تكون عايشة ، مش مصدقة ان حتى هيا ماتت ?
أياد.. خلاص ماتبكيش تاني.. اهو ربي عوضك ? وخلى يكون عندك اخت بعد كل السنين هادي تنسندي عليها ….
أية.. مش متصورة ان اختي تربت ف ملجأ واني عايشة ؛ اكيد تحساب روحها يتيمة ومعندهاش اهل .. الله اعلم قداش تعدبت
إياد.. باذن الله تكون تبنوها عيلة كويسة وتكون بخير معاهم
اية…. يارب ?
~~~~~~~~~~~~~~~~~~~~~~~~~~
أ.ن ……..ها شن عرفت !
وليد.. هادي كل المعلومات الي قدرت نجمعها عليه… إسمه إياد… مصور صحفي ؛ عمره 32 سنه …. خاطب بنت اسمها أية …… ع حسب ماقدرت نعرف انها عندها الجنسية الامريكية وكانت عايشة برا وتوا كيف جت…… وعايشة حاليا ف حوش واحد اسمه شاهين ف ***
ا.ن…. اية من ! شن لقبها ؟
وليد.. مقدرتش نعرف مزال ،
وقلب الوراقي عليه ، وهادم ششن بندييير بيهم اني ……. مششش قادر تعرفلي اسمها كامل !!!
وليد.. اسف ح نزيد ندور
ا.ن … عندك يومين لو مجبتليش فيها اسمها كامل اعتبر نفسك مفصول
وطلع وليد من فم ساكت وقعد ا.ن متعفلق وراسه بيوقف من التفكير….. لين خش عليه ولده الكبير ودراعه اليمين فلشغل والي شارب الصنعة كلها منه…… “بدر ”
بدر.. غير خيرك يابوي
ا.ن… في موضوع مشيبلي راسي
بدر… موضوع شن ؟
ا.ن….. شاك ان بنت الصادق قاعدة عايشة ومامتش
بدر.. اياه
ا.ن…. نخلي الموضوع عليك وتهنيني ؟
بدر.. تم ، ف غضون ساعات هايتسكر الموضوع
~~~~~~~~~~~~~~~
عند سارة …..>>>>>>>
ح نحكيلكم قصة أم براءة ….
أم براءة… اني لما كنت بنت فتونس ، كنت حشاكم ……وسكتت شوية وتحشمت ، كنت عاصية ؛ وكنت …. كنت نبيع ف نفسي مقابل الفلوس ? ….. ف يوم صارلي موقف وندمت ع الي درته …وقررت نتوب ودعيت لربي وبكيت بكيت لحد ماجفو دموعي ، دعيت ربي يتوب عليا ويسامحني ويغفرلي ذنوبي… كنت نبي نكفر عن ذنبي ب اي شي مشيت لشيخ ……وحكيتله قصتي وقتله ان نبي نتوب ونبي نكفر عن ذنوبي وربي يسامحني …. الشيخ كان متدين لأبعد الحدود …. قالي ان التوبة اهم شي تكون نابعة من القلب وقالي ب اني نطعم فقراء ومساكين … تحجبت ولبست خمار ، وبديت كل يوم نجي للجامع نفرق علفقراء الي قدام الجامع الأكل ونطعم فيهم ونكسي ف الاطفال المشردين ….
لحد ما في يوم جاني شخص ملتحي ، وقالي اني عرفت قصتك من شيخ الجامع
عيوني دمعو وحسيت ب إهانه وكسرت خاطر.. اني كنت نحكيله باش يقولي كيف نتوب ونفكر عن غلطي… لحد مافاجئني وقالي إنه اعجب بيا وب تصميمي علتوبة والتكفير عن ذنبي وطلب ايدي للزواج ،
واني فرحت وماصدقت حد يستر عليا وبدون اي تفكير وافقت ، قلت ربي استجاب لتوبتي وعوضني بيه …….. بينما هوا استغل حاجتي واني ماصدقت حتى يستر عليا
كان اسمه الشيخ عوض …..
تزوجت وسافرت معاه ليبيا ، اكتشفت انه متزوج ٣ غيري ?
قالي هدا حقي الشرعي ومش من حقك تعترضي …وبدي الوجه التاني ? ..
ضرب واهانات وسب …والي مستغرباته زوجاته التانيين كلهم ساكتين كأنه ماسك عليهم ذلة !
لحد ما فيوم تعاركت معاه ع اسلوبه معاي وقالي اني زوجة عاصية وضربني وسبني ومسح بكرامتى الارض…وتخيلي باعني ?…. جي شخص للحوش اسمه أبو الكرم ….. طلقني عوض وباعني ل ابو الكرم….. تزوجني هوا تخيلي قبل لانكمل حتى عدتي? مفهمتش في اما دين هدا ودايرين روحهم شيوخ ومن المبشرين بلجنه وهما كله منظر من برا بس… يستغلو فلاسلام لمصالحهم الشخصية……..
ومنها جيت هني … كان قائد داعشي ، بعد ماخدي مايبي مني … طلقني بعد زواجي منه بشهر ?…..
وتزوجني واحد من صحابه… لقيت نفسي زي قبل ! بس الفرق انهم زعميتك يكتبو عليك علورق وياخدو غرضهم منك ويشبعو رغباتهم الذنيئة ويرموك …واني كنت مربببطة .. مش قادرة نتصرف… بلا قوة ولا حيلة….. مرضت وتعبت وحالتي حالة ….. كل مانجي نرفض زواجي كانت ام طلال تعذب فيا…ومرة ……. وبدت تبكي… قلعتلي حتى ظوافري ?? …
لقيت روحي حامل…ومن كتر ماتلخبطت الحكاية معرفتش من بوه ? .. جبت براءة …ونحبست هني ، كانت هي الحاجة الوحيدة الي مصبرتني ع الدنيا ….كل ماتسأل فيا علاش معنديش اب منعرفش شن نقولها? ومن بعد ماجبت معاش بديت مرغوبة … قعدت هني زي الكلبة محبوسة مش قادرة نطلع…..عايشة ف سجن ..ميته واني حية .. خدوني لحم ورموني عظم..
حاولت نهرب مرة و٢ و١٠ وشدوني….
وقعدت محبوسة هني مش قادرة نطلع…. وحبستي هني صارتلي حاجات اسوء واسوءها توا خدو بنتي ? …
وقعدت تبكي معاش قدرت تكمل قعدو يهدو فيها الزوز ومصدومين….
ام براءة… اهربو عيش بناتي …. راكم صغيرات هاتتعبو هاتتبهدلو الحقكو روحككم.. هما يطبخو فيكم علهادي هانيا بيش يتحكمو بيكم كيف مايبو بعدين…. هايستغلوكم … هادم مش بشرر .. هادم وحووش .. هادم مليهمش اي علاقة بلدين متل مايحكو…. هادم وحووووووش
والي سمعوه الزوز كان كفيل ب أنه يخلي كل وحدة٩ فيهم الدن ييبس ف عروقها …..
وفعلاً نفس اليوم فلليل ؛ كانو سهيلة وسارة يجهزو في خطة يهربو بيها ……….
وقعدو يلمو ف حوايجهم وسارة تبكي وخايفة لحد ماحضنتها سهيلة باش تطمنها ان كل ضي هايمشي تمام ?
~~~~~~~~~~~~~~~~~~~~~~~~~~
فلجهة التانية ،،،
كانت اية كيف طالعه من المستشفى .. وبعد يوم ارتاحت ورجعلها جهدها بدت رحلة البحث عن الأخت ?
قعدت هي والعيله كلها ومعاهم اياد وحنان واتصل اياد ب امه وخوته جو حتى هما ومحمد وأيما….والكل كانو يبو يساعدو أية كيف تلاقي اختها ?
وقعدو كل واحد يطرح في فكرة لحد ماتكلمت ميار …..
ميار.. عندي فكرة احسن !!
أية.. شن هيا ؟؟؟؟؟
يتبع…………. >>>>>>>
شن توقعاتكم انتم ? هل أية هاتلاقي اختها …وهاتلحق عليها فلوقت المناسب ….. ? .. وهل أ.ن هايوصلها قبل لاهي تقدر توصل لأختها ؟
كل هدا هاتعرفوه في الحلقة الجاية وماقبل الأخيرة من روايتنا ? أحمل قلبك ، أينما ذهبت ??
#Mera ✨</span></div>
<div id=”fbPhotoSnowliftProductMiniListHscroll” class=”fbCommerceProductMiniListHscroll”></div>
<div id=”fbPhotoSnowliftLegacyTagList” class=”pts fbPhotoLegacyTagList”>
<div></div>
</div>
<div id=”fbPhotoSnowliftCallToActionButton” class=”fbPhotosPhotoButtons”></div>
<div id=”fbPhotoSnowliftPhotoFundraiser”></div>
<div id=”fbPhotoSnowliftOwnerButtons” class=”mvm fbPhotosPhotoOwnerButtons stat_elem”></div>
<div id=”fbPhotoSnowliftOriginalStory” class=”_56lj”></div>
<div id=”fbPhotoSnowliftComputerVisionAnnotation” class=”fbPhotosPhotoCVAnnotation”></div>
</div>
<div id=”fbPhotoSnowliftVideoFundraiser”></div>
<div id=”fbPhotoSnowliftViews” class=”_4p3v”></div>
<form id=”u_g_2″ class=”fbPhotosSnowliftFeedbackForm commentable_item collapsible_comments” action=”https://www.facebook.com/ajax/ufi/modify.php” method=”post” data-ft=”{“tn”:”]”}”>
<div id=”fbPhotoSnowliftFeedback” class=”fbPhotosSnowliftFeedback”></div>
<div>
<div>
<div class=”_6iib” data-testid=”fbSnowliftUFI/feedbackSummary”>
<div class=”_6iid”></div>
</div>
</div>
</div>
</form>
<!–nextpage–>
<div class=”_xlr”>
<div id=”id_5d8042c6e460e6137933148″ class=”text_exposed_root text_exposed”>طبعا مش عارفة شن المشكلة فلصفحة تخيلو الحلقة الي فاتت مطلعليش ولا تعليق <span class=”_5mfr”><span class=”_6qdm”>?</span></span> رقدت دمعتي ع خدي تقول مادرت شي هههههه ، ظلم نزل حلقة ومنقراش تعليقات وجو ف اخر واهم حلقات داروها فيا <span class=”_5mfr”><span class=”_6qdm”>?</span></span> .. كان حتى هادي لقيت المشكلة بندير بوست تاني وتعلقو فيه مدخلنيش فيكم <span class=”_5mfr”><span class=”_6qdm”>☹</span></span> واخر حاجة تفاعلو وراس الغالي عندكم هههههه خلاص تمت الرواية هيا واني نترجى فيكم
هي نخليكم مع الحلقة <span class=”_5mfr”><span class=”_6qdm”>❤</span></span>
~~~~~~~~~~~~~~~~~~~~~~~~~~
الحلقة التاسعة عشر ~ ??
?《مَـا قـبــل الأخـيــرة》?
قعدت هي والعيله كلها ومعاهم اياد وحنان واتصل اياد ب امه وخوته جو حتى هما ومحمد وايما….والكل كانو يبو يساعدو أية كيف تلاقي اختها ?
وقعدو كل واحد يطرح في فكرة لحد ماتكلمت ميار …..
ميار.. عندي فكرة احسن !!
أية.. شن هيا ؟؟؟؟؟
ميار…. حني هانديرو بوستات في قروبات علفيس بوك ، ونسألو من يعرف عيلة لقبهم *** و وين يسكنو…ويكون عندهم بنت متبنيينها..لغرض مهم شن رأيكم !
إياد.. فكرة عبيطة ?
أية.. بلعكسس لاا .. فكرة كويسة ، هاتي تليفوني نجرب
وبلفعل نزلت أية كذا منشور علقروبات فلفيس بوك ؛ كانت ممكن تتعلق ب قشة ف سبيل توصلها ❤
“السلام عليكم ❤ .. لو سمحتو نبي مساعدة منكم في موضوع شخصي حياة أو موت…. نبي من يعرف عيلة لقبها *** وتسكن برا طرابلس ، و يكون عندهم بنت ب التبني عمرها حوالي 18 سنه.. ياريت تساعدوني ? ”
وقعدت شادة التليفون واستنت .. استنت … استنت ، بدو يعلقو شوية شوية وبدي كل واحد يسمي مكان العيله الي يعرفها باللقب هدا ❤ ..
ولحسن حظها ان لقب مكان منتشر هلبا ومميز مما يخلي دائرة البحث متعهم ضيقة ❤..
وحسب ماعطوهم من معلومات كانو في مدينتين متخلفتين
وبدو يسجلو ف العناوين واحد ورا التاني ورا التالت… حصلو حوالي 7 عناوين برا طرابلس ؛
أية.. توا كيف هانمشو نشوفو هادم كلهم ! ..في 3 منهم في مدينه ***….والباقي ف مدينه *****
محمد.. نقسمو روحنا… قروب يمشي هكي وقروب يمشي هكي ، شن رايكم ؟
اياد.. فكرة كويسة ؛ اية انتي هاتقعدي هني وهانمشو اني ومحمد
أية.. لاااا شن نقعد ! هانجي معاك ورجلي ع رجلك !!
إياد….. حبيبتي مينفعش هاتتعبي
أية.. هي كلمة وقلتها
نجود.. عندها حق لازم تمشي ،هادي اختها ?
وكلهم يتكلمو وشاهين سارح ف عالم تاني….
أية… عمي شاهين ؟ عمي شاهين……
شاهين.. ايوا
اية.. وينك مش معانا ؟
شاهين..نفكر ، كل الي حني فيه هدا تقصير مني ?… لو كنت بذلت جهد اكبر فلتدوير عليكم مكانش صار هدا كله …ومسح ب ايده دمعته قبل لاتسبقه ع خده ?
اية.. ناضت وحبت ع راسه… متقولش هكي ياعمي ❤ ، هادي ارادة ربي..وكله قدر ومكتوب وهدا نصيبنا ف الدنيا.. انت مليكش ذنب فيه ،
إياد.. الساعه كم توا ؟
نجود…. ٢ الظهر
إياد.. خلاص يادوب ، جهزي نفسك اية مع العصر نتوكلو ع الله ؛ …..
أية.. اوك ? ….. وخشت تجري طلعت شنطة صغيرة حطت فيها حاجاتها الاساسية
ومع العصر >>>>>
شاهين.. ديري بالك ع روحك يابنتي ? ولو عرفتو اي شي كلموني طول…والله لولا السن والكبر ره جيت معاكم بنفسي لكن الصحة علقد والخطوة بدت بلهون ….
اية.. متخافش بإذن الله مش ح نخش الحوش هوا تاني الا و ملك ف ايدي ❤….. ونزلت دموعها وقالت لسمية.. انتم ادعولي بس .. ادعولي نلقاها ? ….
سمية.. ربي يفتحها عليك ياحبيبتي ويعطيك لين يرضيك ❤
وسلمو ع بعض وانطلقو في رحلتهم ……..
محمد وايما مشو لمدينه…. وإياد وأية لمدينة تانية ،
و مسافة الطريق لما وصلو إياد اقنع اية بالسيف يرتاحو ساعه فلأوتيل باش متتعبش وبعدين يمشو يدورو …… لان الرحلة هاتكون متعبة عليهم ……
نخلوهم شوية نمشو نشوفو سارة شن صار فيها ❤ ،
سهيلة .. جاهزة ؟
سارة.. اي
سهيلة.. خلاص الليلة الساعه 3 الفجر نتقابلو فمعسكر التدريب ….
سارة.. تم.. بري دارك توا بسرعة قبل لا ام طلال تجي تشوفنا وتشك فينا
سهيلة.. ماشية هي
ومشت سهيلة لدارها وكملو يومهم بشكل عادي….وفي الموعد المُتفق عليه … نزلت سارة بهدوء شديد لجيهة المعسكر ،
وتلاقت مع سهيلة….. ومشو الزوز بشوية جيهة البوابة … ولقو حارس واقف
سهيلة.. هدا كيف بنديروله توا !
سارة.. عندي فكرة …….وخدت طوبة وحدفتها بعيد عليهم دارت صوت خلى الحارس مشي لجيهتها باش يشوف شن سبب الصوت
و اول مامشي طلعو يجرو الزوز ناحية البوابة وبمجرد ماطلعو منها سمعو صوت وراهم شاد كلاشن ومصوبه ناحيتهم…….. اثبتوو ف مكانكم حالاً ولا خطوة ! ….. توا اوووقفو قلتلكم !
و وقفو الزوز وهما مرعوبات بشكل غير طبيعي..وحسو فعلاً انهم ف سجن والخروج منه مش هايكون بالسهولة هادي ? ..
وشدوهم ودخلوهم للداخل ولقو ف استقبالهم ام طلال ………..
ام طلال.. شن الي درتيه هدا انتي وياها ؟
سهيلة وسارة…..
ام طلال.. انطقو !
سهيلة.. شوفت عينك .. كنا بنهربو ، معاش نبو نقعدو فلحبس هوا معاش نبو نقعدو معاكمم…. حني عرفنا كل شي عليكم وعرفنا حقيقتكم ومستحيل نقعدو ولاثانية وحدة هني !!
ام طلال.. الله الله …. القطة طلعلها انياب وبدت تخربش
وشبحت لسارة… مش عاجبكم الحبس هدا صار ؟
سارة.. لو سمحتي ، خلينا نمشو ?……وحني وعد مش ح نحكو لحد ولا حاجة خلونا ف حالنا بس
أم طلال… ههههههه ؛ انا هانوريكم السجن توا شن شكله ……. باش المرة الجاية ؛ تعرفي الفرق بين السجن الحقيقي.. وحياتك الي كنتي فيها ….
وصفقت ب ايدها.. حراس ؛ خودوهم ع الحجز
سارة .. بالله عليك خلينا نمشو ارجوووك
ام طلال.. الي غلط لازم يتعاقب ، خوودووهم ، ولقنوهم درس باش يقعدلهم عبرة
ودخلوهم لغرفة الحجز وجت مرا عريضة وخشينه وف ايدها زي حبل….
…. لفي انتي وياها !!!!!!
سهيلة.. ششششن بديرو فييينا !! خلونا ف حالنا يامجرمييين
وانتهت جملتها بالسوط الي ضرب علي ظهرها ضربة ورا التانية التالتة…وسهيلة تصرخ من الألم…. وتليها سارة نفس القصة ……
ولما كملت …..
ام طلال .. هدا درس ليكم ، عندكم فرصة هني تقعدو وتراجعو اخطائكم …ولو كررتوها مرة تانية هايكون العقاب أشد و أعسر ، ماهذا الا عينة والقليل من الكثير ..
وطلعت وسكرت وراها باب الزنزانة وقعدو الزوز يبكو ويعيطو من الألم وجلدهم يحرق فيهم حرق ??? ……
~~~~~~~~~~~~~~~~~~
أية.. تعبت ، قداش حوش مزالنا ؟ …
إياد.. زوز … تبي نرتاحو ونكملو غدوة ؟
اية.. لالالا… كمل كمل ….. ملقاش حاجة محمد ؟
إياد.. لتوا مشي لحوش واحد بس وملقاش حاجة بعتلي واتس توا
اية.. إياد ?… اني خايفة … تخيل منلقوهاش حتى فيه ؟ قلبي مش مطمن …
إياد.. تي مزال حوشين بحالهم ومزال محمد يدور يا أية توا يأستي!
أية.. لا بس اني خايفة هلبا …. الساعه 9 فلليل توا
إياد.. خلاص اخر حوش ونروحو نباتو فلأوتيل وغدوة نشوفو الاخير ونروحو …
أية…….
ومشو شافو تالت حوش ، وملقوش أي حاجة ? … وأية بدي يتسرب اليأس لقلبها …….
وروحو للأوتيل الي حاجزين فيها وكانو حاجزين غرفة لكل واحد فيهم ?
خشت أية لدارها وانهارت بلبكي وقعدت تصلي وتدعي انها تلقى اختها ف اخر حوش فضلهم غدوة.. والا هاتفقد الأمل للأبد انها تلقى اختها ?
ومع الصبح >>
وهما طالعين اتصل إياد بمحمد……
إياد.. شن صار معاك ؟
محمد..والله مشيت لكل الحياش مفيش حاجة الحق ….
إياد بدي حتى هوا يحس فليأس بس محسسش اية ….
أية.. نخبطو ؟
إياد.. اي هي ❤ ..
وغمضت أية عينها ورددت ادعية ف سرها ودقت الجرس ،
ورنت الجرس ، وفتحتلهم وحدة …. تفضلو ؟
أية .. السلام عليكم
المرا.. وعليكم السلام ….
أية.. لو سمحتي حني جايين ف استفسار ، ..
المرا .. تفضلي
إياد… عندكم بنت بالتبني عمرها 18 سنه ؟
سكتت المرا وشبحت لأية ولما ركزت ف ملامحها طول نزلو دموعها ،
… انتي من ؟؟
أية….. اني ، ندور ف بنت اسمها ملك ، وهي تكون اختي ? … واني توا كيف عرفت انها عايشة وقصة طويلة .. ياريت تساعدينا وتقولولي لو عندكم بنت تبنيتوها وهي عمرها ١٠ سنين …… ولو معندكش تقوليلنا لو تعرفي عيلة بلمواصفات هادي ادليني عليهم تربحي …..وبدت تبكي ? ..
إياد.. أيه اهدي… الواضح انه معندكمش اي شي اسفين علإزعاج ، نستأذنو
المرا… لا استنو ….. خشو شوية ? ..
وشبحو لبعض شوية وخشو………
وقعمزتهم فلصالون وكان الحوش واضح فاضي ،
وقعدت ساكتة شوية كأنها تذكرت حاجة وبدو دموعها ينزلو…..
أية… تكلمي لو سمحتي …. تعرفي حد بلمواصفات هادي !!!
المرا…. اني اسمي سميرة ، وكنت …… كنت ونهمرت بلبكي ……وقتلها ..الي تدوري فيها … حني تبنيناها
وأية مصدقتش نفسها وناضت وقفت ……. انتو تبنيتو اختي !!!!!! وييينها .. هي وييينها
وطلعت من الدار معاش قدرت تسيطر ع نفسها وقعدت تنادي…… مللللك ….يا ممممملك …ملللللك…. ملك ردي وييينك ردي عليا ?
وإياد جي طول شدها من ايدها وقالها ميصحش هكي ، خليني نسمعو المرا شن بتقول
ورجعت للصالون وقعمزت ……
سميرة… اني تبنيت اني وزوجي من 8 سنين بنت من الميتم…. كان إسمها ملك ، ولما تبنيناها غيرنالها اسمها… غيرناه لسارة لان اصلا مكانش عندها اوراق شخصية ولا اثبات هوية … لان اني مكنتش نجيب ف بنات وكان خاطري ف بنت …. وكان خاطري نسميها سارة…..
إياد رد عليها واية مش قادرة تصبر واعصابها بتفلت خلاص …..
إياد… تمام به ، هيا وينها ؟
وبدت سميرة تبكي …….وردت بصوت مقطع ، هربت…… هربت من الحوش
أية وإياد.. ششششششني !!! وين هربت !!!
أية.. تتسهوكي انتي !!! شن قصدك ب هربت !!!! تكلمممممي شن قصصصصدك ! تكدبي عليا ؟ تبي تدسيها مني ؟ قتلك اننني اختها واقسم بالله اختتها صدقيني
سميرة….اني اسسفة والله اسسسفة…. الشبه بينكم كبير مستحيل ننكر انها اختك……. وربي عاقبني وصفى مني حقها تالت ومتلت…..وقاعدة لليوم ندفع ف تمن الي درته ….. بنتي الي ترجيتها من الدنيا دارت حادث وتوفت ……وراجلي طلقني وخدي مني باقي الصغار وقعدت بروحي… هدا كله ربي يخلص مني ف ذنبها ، وقاعدة ندفع ف ثمن الي درته فيها… كلمتها حسبي الله ونعم الوكيل جتني زي السهم الي خربلي حياتي ?? ..
أية.. انتي شن درتي ف اختي ! شن درتي فيها باش هرررربت…… تكلميي قتتتتلك …..
وقعدت سميرة تبكي ومعاش قدرت تتكلم ? …وكانت من يوم الي هربت وهي تعض في صوابعها ندم وربي حتى هوا انتقملها منه بعدله وحكمته ?
وأي نطمنكم …. سارة هي نفسها ملك ❤ وهي فعلاً أخت أية ❤ … كانو توقعاتكم صح من بداية الرواية ❤ …
طبعا غيرولها اسمها بدون اوراق رسمية لان هيا مكانش عندها اي اوراق اثبات هوية يعني مجرد اسم تتنادى بيه وخلاص ؛ كان اسمها ملك بدون اي كنية ..
وأية معاش قدرت تتحمل ونهارت بلبكي حتى هي …….بعد ماصدقت ربي عطاها ذرة أمل …. فجأة تبخر كل هالأمل وتلاشى من قدامها ….. ?
إياد مسح وجه بتعصيب ومباش يصيح عليها ع خاطر مرا وهكي….ورد بكل هدوء ، به متعرفيش وين مشت ؟
سميرة .. لا
إياد.. به معندكمش اقارب صحبات تمشيلهم اي حد تشكي ممكن تكون عنده !! وقداش ليها هاربة ؟
سميرة … من سنه ، ماعندهاش حد ياولدي مقطوعه من شجرة ماليها حد …..
إياد … هي أية نوضي ،
وهما طالعين من الباب وأية مش قادرة تتكلم من العياط و فم الباب وقفت وتلفتت لسميرة ……..
أية …… زي ما اختي قتلك حسبي الله وهربت ف أني متأكدة الي مدرتوشي فيها شوية ومش خير ف حتى اني بنكمل عليك.. حسسسبي الله ونعم الوكيييل فيك دنيا وأخرة .. ربي ينتقم منننك اكتر من الي دااره فيكك .. كان مش مننك ره توا وخيتي ف حضني يعلم الله وينها توا وشششن صاير بنت 18 سنه هربت من حوشها مستووعبة انتي شن ممكن يكون صاير فيييها !! حسسسبي الله ونعم الوككككيل فيك.. حسسسبي الله ونعم الوككيل فيكم
إياد.. اية نقصي صوتك حني فلشارع ،
أية .. خلينيي يا اياد خليني … اني مقهورة مقهوووورة………..
وركبها بالسيف للسيارة وقعد يهدي فيها وسميرة معاش قدرت تتحمل وخشت لحوشها وقعدت تبكي وتدعي ربها يغفرلها ويسامحها …
ومن الجهة التانية ، جارتها ام يحيى “خيرية “لما سمعت صوت اية وهي تصيح قعدت تشبح من الروشن ودمعتها ف عينها ، طول تفكرت سارة …. بس لو نادتها شن بيفرق وهي ماتعرف شي عليها ، بس شافتها تشبهلها هلبا ?… ف بدون ماتفكر خدت وشاحها وطلعت تلحق فيهم قبل مايولعو السيارة ويمشو …. يمكن الشبه الي بينهم هدا تملي عيونها منهم شوية ويريحها ?
وخبطت ع روشن السيارة …..
اياد.. يا اية سادك بكي خلاص ، معاش تعيطي ?
ولما خبطت المرا ؛ فتحلها الروشن وقالها ، تفضلي؟
خيرية .. انتي ؛ اخت سارة !
أية.. اي ؛ انتي تعرفيها !!
خيرية.. هههه نعرفها ؟ اما معرفة هادي.. عز المعرفة ❤ ياريت تشرفوني وتشربو طاسة شاهي عندي تروقو بيها اعصابكم… ياريت مترديليش الطلب هدا لو سمحتي ? .. ارجوك
أية.. ههه مدام تعرفي اختي ف اكيد ، مش ح نردلك الطلب ❤
خيرية … الله يبارك فيك يابنتي و ف طيب اصلك زي وخيتك ❤….
وخشت معاها وارتاحتلها أية وحستها مرا طيبة ?
وهي فرحت بيها هلبا وحست قلبها ارتاح لما شافتها الشبه الي بينها وبين ملك خلاها ترتاح كأنها تشوف فيها قدامها❤
وجابتلهم الشغالة الي معاها سفرة الشاهي
خيرية.. سمعت صوتك برا ، هدا الي خلاني نطلع وناديك
إياد.. قتلك صوتك عالي ?
أية……
خيرية.. معليش هادي وخيتها عندها حق ،
اية.. انتي تعرفي ملك اختي ؟
خيرية.. هههه عز المعرفة ، كانت الخالق الناطق… نسخة منك ? ودمعت عيونها
أية.. هههه واني نسخة من ماما
خيرية..واضح ان بوكم حب أمكم بشكل لايوصف ، باش تبدو انتم الزوز نسخة منها ❤
أية.. ممكن تحكيلي عليها ؟ هي علاش هربت ؟ كانت قريبة منك هلبا ؟ تقربي للعيلة الي تبنتها ؟
خيرية… ههههه لا ، اني جارتهم بس ….وسارة كانت قريبة هلبا مني اي ❤.. كانت بنتي الي مجبتهاش… كانت ديما تجيني توسع خاطرها عندي ، من بعد مامشت معاش حد جي يطل عليا ولا يعبرني .. محدش كان مونسني غيرها ? .. كانت اطيب قلب نشوفه ف حياتي… تعبت هلبا وتعذبت ف حياتها.. مشافتش يوم حلو فيها ??? …..
أية.. شن دارولها باش هربت؟
خيرية.. الي داروه وخلاص المرا ربي عطاها جزاتها وربي يتوب عليها
اية.. به بما انك القريبة عليها ? متعرفيش وين تكون ممكن مشت ؟
خيرية.. لا يابنتي والله مانعرف ؛ اليوم الي مشت فيه خلتلي رسالة تودعني فيها ?..
أية ودمعتها ف عينها .. ممكن نشوفها
خيرية… اكيد ? لحظة نجيبهالك..
وناضت للدار متعها جابتها وجت… واية لما فتحت الرسالة طول دموعها بدو يقطرو ويذوبو فلحروف لدرجة مقدرتش تقراها ومدتها لإياد
واياد قراها بصوت عالي باش تسمع المكتوب فيها …..ولما كمل اياد اية قعدت ساكتة وخلاص ?
خيرية.. كيف ضاعت منكم ؟ وين امك وبوك ؟ علاش مدروتوهاش قبل ؟
إياد… قصة طويلة بكل ….أية كيف عرفت من يومين بس انها عايشة ، صارت حادثة فقدت فيها امها وبوها وخوها وماتو ف نفس اليوم ، وامها كانت حامل ف ملك ، واية كان عمرها 7 سنين وقتها…ومعرفتش ان اختها نولدت وعايشة لحد توا ..وكانت عايشة ف امريكا من صغرها
خيرية.. يامينتي عليكم تشحورتو الزوز يابنيتاتي .. ربي يجمعكم ببعض ويهدي سركم ….استاحشت شوفتها والله قطعه من قلبي كانت ….
وقعدو ساكتين شوية وإياد قري الرسالة مرة تانية وقالها… من ريهام هادي ؟
خيرية.. اه ؟ ريهام… هادي صاحبة سارة ؛ كانت معاها فلميتم وهما صغار ..ومتعرفش حد غيرها…..
اياد….وشن كان مكتوب فلرسالة الي بعتتهالها ؟
خيرية.. مشعارفة مفتحتهاش … بس اكيد بتودعها زي ماودعتني.. لانهم كانو ديما يتراسلو بالسر من ورا اهل سارة واني نوصلهم ف خطاباتهم لبعض
اية…متقوليش اهل سارة !!! هادم مش اهلها..وهادي مش سسارة اسمها ملككككك.. مللك الصصادق بلخير !
إياد.. يا اية اهدي مش هكي
خيرية.. لا ياولدي خليها عندها حق ، اني حاسة بيها ? راهي نار شاعله ف قلبها توا……
أية.. به وين ريهام هادي ؟
خيرية.. قاعدة فلميتم
أية.. عايشة !!
خيرية.. اي عايشة ..
اية.. به وين الميتم ؟؟؟ ممكن تعطيني عنوانه !
خيرية.. اكيد من غير طلب ….وبدت توصف لاياد فلمكان
أية.. ايااد هيا نوض ، بالك تعرف عليها اي حاجة..
اياد.. تمام هي… صحيتي هلبا خالتي ربي يفتحها عليك دنيا واخرة
خيرية.. ح ندعيلكم من وسط قلبي تلقوها او تعرفو.. هدا رقمي عليها اي حاجة وراس وخيتك لو عرفتي اي شي عليها كلميني راني قلبي واكلني عليها ?
اية.. حاضر خالتي ،❤ وحضنتها اية بلقوية وهي تبكي…وقتلها ادعيلي ياخالتي ادعيلي
وسلمت عليهم وانطلقو طول…..وسكرت خيرية الباب وناضت تصلي وتدعي انهم يلقوها?
رجعو الفندق خدو حاجتهم ودارو تشك اوت باش يرجعو لطرابلس لان الميتم فيه …..
ومسافة الطريق اول ماوصلو اتجهو لغادي طول ،
وطلبو من المشرفة يقابلو بنت اسمها ريهام ،
ولما خشت اية ومعاها اياد …..
ريهام.. تفضلي ، حضرتك تعرفيني؟
اية… انتي ريهام صحبة سارة ؟؟
ريهام.. سارة ؟ من سارة ؟
اية.. ملك ، ؟؟؟
ريهام.. ملك ! اي نعرفها ؛ بس شن سارة هادي ؟ نعرفها طول عمري ملك اني….
اية… ههههه هي ملك غير لما تبنوها غيرولها اسمها ?
ريهام.. غبارة حتى من اسمها غيروه ! عليك بششر حسبي الله فيهم ، انت من تعرفيها ؟
اية.. اني اختها? مكنتش نعرف انها عايشة لتوا ??
ريهام.. تبصري ! انتي اخت ملك !!
اية.. اي …
ريهام..مسستحيل نصدق… مالا ووين كنتي السنين هادي كلها كانك اختها حق !
اية.. صدقيني غصب عني ? .. ونبي نعرف الرسالة الي بعتتهالك شن مكتوب فيها ?وتعرفي هي وين ولا لا !
وسكتت ريهام وقعدت تشوفلها كأنها مش مصدقة انها فعلا اختها…
اية تنرفزت وطلعت سلسلة متعها وقتلها…. ..ملك عندها وحدة زي هادي ! صح ؟؟؟؟؟
وشدتها ريهام وعيونها توسعو من الدهشة ….انتي اختها بلحق !
أية..اي وربي الا اختها… انتي تعرفي مكانها ؟؟؟؟؟
وريهام توترت وحس إياد انها تعرف حاجة …..
إياد… ياوخيتي قوليلنا بالله عليك ، اية وملك تفرقو غصب عنهم بسبب الظروف … قوليلنا هي وين بالك تكون ف خطر البنت صغيرة وطايشة ومتعرفش حاجة فلدنيا وسهل اي حد يضحك عليها ؛
ريهام هزت راسها وحست فعلا انها ممكن تكون ف مكان خطر عليها ، مع انها متعرفش المكان الي مشتله عبارة عن شني بس من حق اختها تعرف ❤…….
ريهام… هي بعتتلي رسالة ، وقتلي فيه ان هيا…. انضمت لمكان مشعارفة نسيت اسمه استني … بس هي نبهت عليا ف الرسالة اني منجيبش سيرة لولا مخلوق باش امها وبوها بلتبني ميوصلولهاش ?
اية ..وين الرسالة الي بعتتهالك به !
ريهام.. حرقتها ؛ و نقصت صوتها … خفت تشوفها المشرفة …
اية..وكان شافتها؟ ..
خافت ريهام وقعدت تشوف يمينها ويسارها وقالت… اني متأكدة ان اي مكان تكون فيه ملك خير من هني ?..
وحست اية ان في قصة طويلة ورا الميتم هدا بس تفكيرها ف ملك معطاهاش اي فرصة وطول قتلها…… به النبي حبيبتي قوليلي وين المكان هدا؟
وقعدت ريهام تحك ف راسها وتفكر فيه… وقالت ، ايييوا تفكرته… قتلي انضمت لدولة اسلامية ما اسلامية حاجة زي هكي ، تنظيم حاجة اسلامي ،
واياد فتح عيونه ع وسعهم كأنه مش مصدق……. تنظيم الدولة الاسلامية !!!!!!!!
ريهام.. ايوااا
اية.. هدا تنظيم شن اياد ؟
ريهام.. شن في خيرك ?
وإياد خبط ع راسه بلقوية و ضرب الحيط ب اييده
اية.. اياد خيرك ! هدا مكان خطير ؟؟؟؟!!! رد عليا !!!
يتبع………….>>>>>>>>
#Mera ✨
لو التعليقات نفس القصة هانزلكم بوست تعلقو فيه بدل هني لان مش عدل انتو تقرو واني منقراش تعليقاتكم كأني مادرت شي هكي ☹?
واستعدو للحلقة الجاية والأخيرة لروايتنا… ❤❤❤❤❤