رواية “أحمل قلبك .. أينما ذهبت”

الحلقة العشرون ~ ??

?《الأخـــيـــرة》?

((الجزء الثالث ))

إياد.. زي ان متلا اسمك أية…واني اياد…. يبدا بنفس الحروف ?
أية.. ههههههههههههه والله
إياد.. والله الله هي ? ..
أية… شن جو العراق !؟ رامز كيف حاله ؟
إياد……..
أية.. خيرك شن في ؟ وبنسألك مبكري مبيتش قدام البنات غيره عيونك غارقات هكي وضاعف شني مكنتش تاكل ولا كيف هههههه
إياد…. عادي تغيري الموضوع؟
أية.. خيرك حبيبي ؟ رامز صارتله حاجة
إياد..هاك مفتاحي ، جيبي لابتوبي من السيارة ….
أية.. به …

ومشت اية جاباته وعطاته لإياد….وفتح اللاب وخش ع فايل مسميه العراق ، وخش علصور والمقاطع الي صورها ف اخر سفرة ليه……

وقعدت اية تمشي فلصور ومصدومة.. كانت تخلي القلب ينخلع من مكانه ?… جرحى ومصابين وشهداء …….. وقعدت تمشي ودموعها يصبو لين لقت فيديو شبحت لإياد قالها افتحيه عادي

فتحاته…. كانت جنازة ، وحاطين صورة رامز وفاتحين النشيد الوطني للعراق ?….

مَوطني ……. الشبابُ لن يكلَّ همُّهُ أن تستقـلَّ ……. أو يبيد …….. نستقي من الرّدى ولن نكون للعـدى كالعبيد لا نُريد ذُلّنا المؤبّدا .. ..وعيشنا المُنكّدا …..لا نُريد بل نُعيد مجدنا التّليد 

وتفكرت أية كلمات جد سمر لما كانو ف سوريا ،

” الشباب رح يموتو…ورح يظلو يموتو .. مشان حريتهم…. ومشان يشوفو بلدهم…. من احسن الدول بلعالم… ”

“الحرية تمنها كتير غالي يابنتي …. كم روح رح تدفع ثمنها…وكم ام رح تبكي ع ضناها… لو بس بيعرفو شعور الفقد قديش بيوجع ، ماكان حدا اذى بلدو ولا كان خربها ”

“نحنا اغبياء … نحنا عم نتقاتل فيما بينا ؛ والعدو عم ينهش ظهورنا ”

” الأرض الي نسقت بدم ولادها ره تضل تعطيهم من خيرها ، بس مايجي غيرهم ويغير معنى الحرية ويخرب بلادو مشان المصاري والمكاسب ”

“ماحدا مستفيد من وضعنا غيرهم هما … هما بدهم نظل هيك عم نتخانق ”

وسكرت أية اللاب توب مصدومة وعيونها مدمعات….. انت الي كنت تصور ؟

هز إياد راسه…….. اول ماسافرت مشيت ندور فيه لقيت الجنازة ف حوشهم… نال الشهادة 
اية.. علاش مقتليش ؟
إياد… مكنتش حاب نكد عليك
اية.. مصحك ؛ انت كنت ديما معاي ف اوقات ضيقتي …. كيف ماتخلينيش نكون معاك ف وقت انت محتاجني فيه زي هدا ؟

إياد… هههههه حط ايده ع كتفها وباس راسها ؛ اني كويس متخافيش ……

وفتحت الباب توب تاني وقعدت تتفرج علصور وخشت ع صور فلسطين وسوريا وليبيا ودموعها مبطلوش ?…. كانت تشوف فلوجه التاني للعالم الي محدش يعرفه…والي الكل ساكت عليه?

اياد.. خلاص سادك تحلمي بكوابيس بعدين ههههه

وأية قعدت ساكتة وتفكر ؛ وبعد ماتم اليوم روحت وفتحت فيسها ونظمنت Event ودارت الدعوة عامة لكافة العرب ف امريكيا… نظمت مظاهرة احتجاجية سلمية باش يوصل صوتهم للعالم كله …..

سمتها ….we just want fair .. love .. and peace 

لانريد سوا العدل ؛ الحب..والسلام 

خشلها اياد علخاص بعد ما قري الايفنت وقالها… شن بديري يامجنونة !!!….

اية.. حاجة اخيرة قبل لا نسيب امريكا ومعاش نرجعلها………….

و بسرعه البرق انتشر الايفنت لعديد من الناس من عشرات لمئات لألوف ….

وصحباتها عجبوها الفكرة هلبا وخدو تصريح من الحرم الجامعي وهاتكون تجمع سلمي بدون اي عنف او شغف ……….

ويوم الوقفة مشت أية وصحباتها وقعدو شوية يستنو….. وبدو الناس يوصلو …. فلأول اية لما لقت العدد شوية زعلت …..بس بدت تتفاجئ لما زادو …..وبدو يزيدو اكتر واكتر…

وصلو ناس من مختلف الجنسيات…ومختلف الأديان…ومختلف الألوان 

بس الي كان يجمعهم كلهم انهم عرب …..

جو من جميع بلدان العرب فلعالم…. تونس المغرب العراق ليبيا مصر الاردن السعودية سوريا السودان لبنان الجزائر ……….

مكانش في اي تفرقة بينهم … كل واحد شاد يافطة مكتوب عليها ….. جنسيته وديانته… اختلفو من شخص لشخص بس الي كانو كلهم كاتبينه … عرب

أية فرحت هلبا وبدو طلبة الجامعه واقفين يتفرجو عليهم ولما جي إياد وشاف عدد الحضور متوقعش انه يكون بلعدد المهول هوا ……

إياد.. هههههههههه والله الا وصار منك ياطشة .. متوقعتش كلهم يجو…..

وقفت أية علمنصة وخدت المايك………

اني جمعتكم اليوم باش نتكلمو ع موضوع يخصنا كلنا ك عرب… مهما كانت جنسيتنا ..وديانتنا..ولون بشرتنا……. بس فلأخر الي يجمعنا كلنا ان حني عرب 

وضع البلدان العربية كل يوم من سيئ لأسوء … وكلهم يتعاركو مع بعض … المصري مع الليبي مع التونسي مع الجزائري…. علاش بدت في بينا عنصرية وتفرقة بالشكل الكبير هوا ! … ع خاطر سياسة ! … ع خاطر مناصب ومكاسب حني مش مستفيدين منها شي ! … خواتنا يموتو كل يوم وحني بكل دم بارد نتعاركو ع حاجات حني مليناش اي دخل بيها…خلو رؤسائكم يتعاركو بروحهم.. ياكلو بعض …. يقتلو بعض يخبطو ف بعض لين يتمو طز….. لاكن متخلوش الشي هدا يولي عليكم ! هما يتعاركو ع رزق دنيا زايل …… وحني الي نتعاركو بينا وفلأخر من مستفيد !.. شن بنستفيدو من الكره والحقد الي زرعوه فينا ع خاطر مصالحهم الشخصية هما ! .. شن بنستفيدو لما نكرهو بعض !!….. علاش تشوف حد من غير جنسيتك تنفر منه وتعامله معاملة سيئة لاسباب سياسية لاهوا دخله فيها ولا انت دخلك فيها ! العنصرية بينا وصلت لدرجة أنه حتى لو من نفس البلاد ومن مناطق مختلفة يبدو يتعاركو !….. خيرنا ! شن صارلنا !!! …… علاش بدت قلوبنا متحجرة ع بعض هكي ! علاش لما نشوفو الي صاير ف خوتنا العرب ف اي دولة تانية مفيش شعرة فينا تتحرك…… حني مانبو شي غير الحب يقعد بينا والاحترام….ويبدا فيه عدل فلمعاملة …..والسلام ف كل دولنا..

صدقوني لو خليتو اصحاب المناصب يتعاركو بروحهم من غير ماحني نولو ع بعض هانبدو احسن …. حني دم واحد فلأخر…. حني خوات ! … حني العرب ! ولازم نبدو ديما ايد وحدة !!

اني صحباتي مش من نفس جنسيتي…

ولا من نفس ديانتي …. بس وقفنا جنب بعض وعاملنا بعض بكل احترام و ود … احترمنا جنسيات بعض…واحترمنا ديانات بعض ؛ الرسول قال لكم دين ولي دين مقالش تعاركو مع حد لمجرد انه غير ديانتك فلاخير ربي هوا الي هايحاسب مش حني ! …

we just want fair… love , and peace !

وناضو كلهم يصفقو ويهتفو وراها بلجملة بصوت واحد… وكل واحد فيهم شاد شمعه دليل ع السلام 

وجو مصوريين قعدو يصورو ف الحدث الكبير هدا ومنهم اياد كان يصور ودموعه ينزلو وفخور بيها  .. مش مصدق ان الي واققة هادي بكل قوة شخصية تتكلم هي أية حبيبته وخطييته الي كانت ف يوم محطمة ومكسورة  واليوم واقفة قدام الكل بكل شجاعة

ونزلت اية من المنصة وحضنت صحباتها وشدت كل وحدة فيهم علم بلادها وتصورو …..

وانتشر الفيديو علفيس وع كل مواقع التواصل الاجتماعي وبعد ربع ساعه وصلتها مسج علواتس من اختها تسجيل صوت فتحاته…. كان العم شاهين ” الي خلف مامتش يابنتي…. ربي يرحم وبيك  ”

بعد مرور اسبوعين >>>

رجعت أية لليبيا  وبعدها بكم يوم رجع اياد ….. وايما ومحمد كذلك  ….

قبل عرس اسبوع أية باسبوع … 

كانت مقعمزة علدرجيحة وشادة تليفونها ….. ونزلت دمعه من عينها جي اياد ….

اياد.. خيرك ؟
أية.. بعت لعمتي ف امريكيا… قلتلها اني بنتزوج ، كان خاطري ترد عليا حتى وتقولي مبروك… ولا تفاجئني وتجي تحضر عرسي يبدا علاقل حد من عيلتي يكون معاي قدام اهلك ….

خدي منها اياد التليفون…. من اليوم اني كل عيلتك .. انتي درتي الي عليك وحاولتي توديها ع خاطر صلة الرحم.. انتي هكي بريتي ذمتك قدام ربي.. خلاص معاش تبكي …..

وجت ملك.. في عروسة تبكي وعرسها قريب?..وحتى اني زي اياد بنقولك ؛ اني كل عيلتك 

أية… ربي يخليكم ليا انتم الزوز ومايحرمني منكم  ..

إياد.. وصلاته مسج ع تليفونها ؛ اححم ، هوا انتي مش هاتبدي بروحك فلعرس ع فكرة
اية.. شن قصدك !

وخبط الباب ومشت أية تفتح……..

البنات….. يوروروروورررررروروروروورورريييييييي

أية.. انتم اكيد تبصرو صح ?
سمر… يخربيتك جايين لهون مشان نمزح يلا صبايا بينا??

أية.. ههههههههههههههههه لالااااا خشششو .. استاحششتكممم  ، خيركم مقلتولييشش جايين ?

نورهان… هههههههههه حجزنا بعدك وجينا ازاي فرح صحبتنا منحضروش ?.. ده احنا مستنيين الفرح ده اكتر منكك?? وسسسعي كدة ؛ وخشت شدت خدود ملك….. يختتتتتتي عاالحلاوة والجمممال ???? انتي ملك صح !

ملك.. ههههههه اي انا ❤ …
سمر.. دخييييلككككك بتطيري العقلل الله يحمييكي نسخة مصغره من اختك ???? حبيبتي انتي كتيير انبسطنا وقت الي عرفنا برجعتك علبيت ❤❤❤❤❤❤

جمانه.. بس الحق احلى منك يا أية ?

اية… هههههههههه وهادم ياستي قروبي… قروب الشر ? خششو خشو ❤❤❤

وخشو ومش ح نطول عليكم الاحداث ❤….. محمد وايما كتبو كتباهم ف نفس يوم اياد وأية ❤

ودارت أية عرس مطنطن بلزمزامات ? واهل اياد مقصروش معاها بكل ودارولها حتى محضر ❤…. وصحباتها وقفو معاها زي خواتها واكتر وجابولها تورتة عرسها هدية ❤ … وملك كانت طايرة بيها وشاهين كذلك كان يودع فيها كانه يودع ف بنته وقطعه منه ❤❤❤ ومابخلش عليها بشي زي بنته وأكتر ❤ وخش بيها للصالة وزفها ❤❤❤

بعد ماتم العرس ❤ وجي إياد روح ب اية ف حوشهم الي كان حوشها وهي صغيرة ❤ وع قولة اياد زي ماكان الحوش هدا معبي بحب بوها لامها.. هايبدا معبي بحب اياد لأية ❤

إياد.. خشي برجلك اليمين ياعروسة? ..

خشت أية وكانت طالعة زي الاميرات ف عرسها ❤ قفطان سمبل بسيط ونازل طول واحد وشعرها لاماته كودة ومحطتش هلبا مكياج لان هي مش محتاجة ….❤

إياد.. تتفكري يوم الي سألتك صغارنا تبيهم يشبهولي ولا يشبهوك ؟
اية.. هههههه اي ،
إياد.. اني نبيهم كلهم يشبهولك ❤ بنات و ولاد ❤ .. نبي برنتر ماشين كلهم ايات ايات ايات ايات
أية.. هههههههههههههه
إياد.. نحبك يابنت الصادق ❤
أية.. ❤❤❤

بعد مرور 3 سنوات >>>>>>> ❤❤❤

جاته وهوا يكتب بخطواتها الصغيرونه الي قاعدة مش متزنة وشعرها الدهبي ملموم زعرورة صغيرونه ?❤

…… بااابا … ❤

إياد….. هههههههه حبيبت بابا انتي ❤ مزال مرقدتيش ؟ مش كانت ماما ترقد فيك ؟
رنو…. لا ماما ننت ؛
إياد.. ههههههههه ياشريرة خليتيها هي ترقد وجيتي .. هي متعبة ماما ؟
رنو..???
إياد.. ههههههه تعالي اقعدي ع حجري واني نشتغل خلي ماما ترقد ❤

جابو أية إياد اول بنوتة ليهم ❤ عمرها سنه ونص ❤ وسموها رانيا ❤

وجت اية ناضت مفزوعه لما ملقتش رنو جنبها مشت لإياد…

أية وهي تحك ف عيونها ؛ انتي هني ياشطانه.. رقدتيني وسرحتي ?
رنو..???
أية.. ههههههه تعالي خلي بابا يخدم
إياد.. لالا خليها عادي خشي انتي ارتاحي ليك كم يوم مترقديش باهي ❤
أية.. مبه ? .. باي ?…. حققا حبيبي ؛ متسهرش هلبا باش غدوة الصبح نمشو لحوش عمي شاهين وبعدها نطعمو رنو موعد تطعيمتها
إياد… لالا مش ناسي ❤ ..

ومشت اية كملت نومها ❤

وإياد كان يلعب مع رنو❤.. كان يموت فيها ومدلعها دلع مش عادي ❤ ..وهي كانت بنت بوها للأمانه ?❤ ..

تاني يوم الصبح ❤ … ناضت اية من النوم ملقتش اياد جنبها … مش لدار رنو لقاته راقد ع فراشها وهي ف غمره ❤….. باستهم الزوز وخشت تصلي الصبح وتقرا شوية قرآن …..

وشبحت لروحها فلمراية وقعدت تفكر.. بعدين خدت قرار وابتسمت ❤ …..

بدلت حوايجها وجهزت سفرة الفطور ومشت نوضت اياد باش يفطر ويطلعو شوية تاني …….

خشت للدار متعها طلعت وشاح ولبساته ❤ .. قررت تتحجب ❤.. بكامل ارادتها ❤وبكامل ايمانها ❤…..

وطلت براسها من الباب كان اياد يفطر…

اية.. اياد غمض عينك ?
إياد.. شن في ؟
اية.. غمض بس ?

غمض اياد عينه وفتحهم لقي اية قدامه ولابسة حجاب ❤

اية.. شن رايك ? وبكامل ارادتي ❤

إياد… هههههه طالع حلو هلبا عليك ❤ ؛ وخداها ف حضنه وباسلها راسها… ربي يخليك ليا ويباركلي فيك ❤ …….

ومشت اية لحوش عمها وقعدت معاهم شوية وخلت رنو مع تلعب مع ملك لان كانت مستاحشتها هلببا ❤❤❤ ….

رنو…به هدا لون سن خالتو ؟
ملك..هدا اصفر ..وهدا اخضر ..وهدا ابيض..وهدا ازرق ❤
رنو.. ☹☹
ملك.. متزعليش لما تكبري توا تحفضيهم ?❤.. وقعدت تدغدغ فيها وتضحك معاها كانت متعلقة ب رنو هلبببا ❤❤?

خشت أية للدار …. هادي توا معاش بتروح معاي ههههههههههههه
ملك.. خليها تبات ?
اية .. هههههههه اليوم صعب لان بنطعمها وتبدا عندها حرارة خلي بعد وقت خير
ملك.. اوكيين … من حبيبة خالتو !!
رنو..اني ??..

أية.. رنووشتي ❤هيا بنمشو ماما باش نجو تاني
رنو.. لا ابي اقعد ?
اية.. بنوولو تاني هيا
رنو.. به ☹وباست ملك ، باي كوكا ❤
ملك.. باي ياروحي ❤❤❤

ومشت طلعت اية وخدت معاها رنو …وبعد دقيقة خش إياد باش ياخد كندرة رانيا نسوها فلدار… خبط وقتله ملك خش ،

إياد… اسف غير نسينا كندرة رنو متعرفيش وينها؟
ملك.. ااه استنى ، هيا…ومدتها لإياد وداخت كانت بتطيح شدت فلحيط….

إياد نزل راسه وقال بحزن.. مزال ماتبيش اية تعرف ؟
ملك.. صدقني اياد هكي احسن? … اني هكي مرتاحة ومبسوطة…. منبيش نعكر عليها ونضايقها.. وهادي ارادة ربي وهادي حكمته.. وهدا نصيبي واللهم لا اعتراض ❤
إياد……..
ملك.. شكراً إياد انك مجبتلهاش سيرة
إياد……. العفو

وطلع وهوا زعلان وكانت حالة ملك كل يوم فلنازل …. هاتعرفو شن فيها بعد شوية❤ …

وطلع لأية وحاول يبين روحه طبيعي….

شاهين.. حبيبة جدو بتمشي تطعم ؟ مش هاتبكي ولا

وهزت رنو راسها وهي تضحك…وجابلها اياد الكندرة ومشو….. وهما فلسيارة ……

أية.. خيرك ساكت ؟
إياد.. لا شي ، راسي مصدع بس..
اية.. ناض عليك الصداع النصفي ،؟
إياد.. اي

ومشو لحد المستشفى وركب إياد ب رنو وأية وراهم تجيب ف ساكوها……… تلفت إياد ع الصوت

وهي راكبة ع دروج المستشفى…… جتها طلقة رصاص ف صدرها …. ?

خلت أية طيحت الدنيا كلها علأرض وطاحت معاها ?

واياد جري زي المجنون يصييح ويعيط وبنتهم كذلك شافت منظر الدم تهسترت وبدت تبكي وتنادي ع امها ??

إياد.. ايييييييةة…. يا ايييية نوضي افتحي عيينك ساعدوووووووونا حد يجيب الاسعاااف بسسسسرعه بالله علييييكم ساعدوووني………. وبسرعه جابو باريلا وقاموها الداخل بسرعه وخدو الناس الي حضرو الموقف رنو من اياد وقعدو يهدو فيه وهوا طايح علارض ويبكي زي العيل ??……. واتصل بشاهين وامه والي اول ماعرفو سيبو كل شي وجرو علمستشفى…

ودخلوها طول علعمليات وإياد ف حالة انهيار عصبي وبنته تبكي جنبه لحد ماوصلو شاهين وملك ومرته….وملك طوول خدت رنو ف غمرها وقعدت تسكت فيها وتبكي وكذلك شاهين قعد يطبط ف اياد ويحاول يهدي فيه وهوا احرف منه ?

وشوية وجو ام اياد وخواته لما عرفو وقعدو كلهم يستنتو معاهم باش يعرفو شن صار وكذلك ايما ومحمد لما عرفو جو طول ??

واستمرت العملية ٣ ساعات تامات ولما طلع الدكتور ………..وين زوجها ؟

إياد….اني زووجها ، شن صار !!!!!!

الدكتور .. تفضل معاي علمكتب ..

ومشي معاه واياد مايشوف ف شي قدامه ?…وقعمز وقاله وعيونه حمر….خير يادكتور ؛ طمني

الدكتور.. مش ح نكدب عليك…. الرصاصة جت ف مكان خطير جداً ؛ حني طلعناها حالياً …و وقفنا النزيف…. بس للأسف الطلقة تسببت ف انقطاع الشريان الرئيسي الي يغذي فلقلب…والقلب….. وسكت شوية ؛ معتقدش يستمر فلنبض …….

إياد………….

الدكتور.. حالياً بكل صراحة … هي عايشة علأجهزة …. هانعطو القلب فترة لو رجع يتجاوب مع العلاج الي درناه تمام…..ولو مستجابش ، هانضطرو نديرو عملية زراعه قلب

إياد….به علاش مديروش زراعه من توا !!!

الدكتور.. فصيلة دم المريضة نادرة جداً AB+ … ومحتاجين قلب يكون بنفس فصيلة الدم هادي باش الجسم ميحارباش….. ولازم ندورو ع قلب يكون مواصفات جيدة ويتناسب مع جسم اية وهلبا حاجات تانية بناخدوها ف عين الاعتبار….. منقدروش نديرو زراعه طول … ولان فصيلتها نادرة ف لازم ندورو قبل ، اول مانطلع من هني هانكلف حد ونعطيه ملف تحاليلها وكل الورق والكشوفات الي يحتاجها باش يدور قلب مناسب ليها … هدا في حالة مستجابتش للعلاج وفشلت العملية الي درناها توا ؛ وباذن الله تنجح حني بس هانعطو الجسم مهلة ونشوفو…..

وطلع إياد وهوا مكسور وقلبه يغلي غلي……..

وشاهين مقهمز ف تركينه ويبكي ، ومرته تهدي فيه وملك شادة رانيا هي ونجود…

واياد طبس علارض ونهار حتى هوا ?…. علاش الدنيا مش مخليتها ترتاح… علاش ديما جاية عليا وعليها ?… علاش ولاد الحرام ميخلوش الواحد ف حاله ?

~~~~~~~~~~~

… ايوا ياريس ، تمت العملية بنجاح..وهي توا بين الحياة والموت معتقدش تصبر ؛ يومين ونبلغك خبرها……

ا.ن.. عفارم عليك ياوليد ، وعلاوتك فلحفظ والصون …. وهاتاخدها لما تشوف بعينك تابوتها طالع من المستشفى ،

مر أسبوع ….ومفيش اي تجاوب من اية للعلاج ? ..خيم الحزن علأجواء وإياد محدش قادر يقربه حتى من رنو قاعدة هدا كله مع ملك ?…

وف مرة كان اياد فلمستشفى عند أية وشاد ف ايدها ويبكي … امتى تفتحي عيونك وترجعيلي ?.. استاحشتك… حتى رنو استاحشاتك … كل يوم تسأل عليك وتقول وين ماما ?….وشد ف ايدها ، ارجعيلي اني ولا شي منغيرك ? ….

وجت الممرضة تبلغه ب ان موعد الزيارة انتهى ……….وهوا كان يتردد عليها كل يوم ف موعد الزيارة…

اياد..وين الدكتور نبي نتكلم معاه ؟

ع خطمت الدكتور كيف خاش بيشوفها.. …للاسف ؛ مفيش اي استجابة

اياد.. والحل ؟ هاتديرو زراعه ،؟؟
الدكتور.. هدا الحل الي قدامنا توا ؛ بس للاسف لحد توا ملقيناش عضو متطابق معاها علاقل بنسبة 90% باش نقدرو نزرعوهولها….وفتح الباب ولبس الكمامة وبيخش ، ادعي ربي هوا ع كل شي قدير…..

وخش وقعد إياد يشوفلها من الروشن ودموعه ع خده…. هل الزمن بيعيد نفسه معاهم ، وهايفقد أية?..وهايجي ا.ن يتخلص منه وتعيش بنتهم حياة اليتم بروحها هدا كان خلاها عايشة هوا ?

وروح للحوش خدي رنو ف حضنه وقعد يتفرج علي عيونها الخضر الصغيرونين ❤ باش يشوف اية فيهم ، بالك يرتاح قلبه ويهفت شوية ?…..

وملك كانت في حالة متقلش عليه….وفكرو يبلغو على ا.ن بس من حزنهم علي أية معطاهمش اي فرصة يديرو اي حاجة ..

ملك.. اياد ؛ غدوة نبي نمشي معاك ونزور اية.. حتى رنو تبي تشوفها ديما تبكي ?
اياد.. باهي …

وروح بعدها للحوش بس مركبش ، وقعد راقد فلسيارة لتاني يوم…. مكانش طايق يخشله من غيرها ?

والصبح مشي خدي ملك ورانيا ورفعهم للمستشفى…وخلى ملك تخش بروحها قبل …..

واول ماشافتها قعدت تبكي وباست راسها وخدت المصحف وقعدت تقرا فيه في سورة الزمر لحد ماوصلت لأية 《إِنَّكَ مَيِّتٌ وَإِنَّهُمْ مَيِّتُونَ 》……ونزلت دمعتها وشدت سلسلتها وهي تشوفلها…..وسكرت المصحف

وطلعت خدت رنو من بوها باش تشوف امها شوية ..

ولما دخلتها…….

رنو.. ماما نني؟
ملك.. اي ماما تعبانه شوية وتبي ترتاح ..توا لما تنوض تجي تروح معانا ❤

وعوجت رنو فمها وقتلها … بس هي ننت هلبا? نوضيها خلاص

ونزلت دموع ملك وحضنتها…وقتلها لازم تنوض بروحها باش تكون ارتاحت..

ونزلو دموع رنو وقعدت تشد ف ايد امها….. ماما نودي أوحو “نوضي نروحو” …هيا نمسو من هني ننيتي هلبا……

وشبحت لملك وعيونها معبيات دموع….. كوكا اني نبي ماما

وشدتها ملك وقعدت تبكي….. وقتلها ؛ اني هانرجعلك ماما ياروحي…وعد ؛ بس انتي متبكيش باهي ؟
رنو.. بلحق !
ملك.. اي ؛ معاش تبكي انتي بس…. اني هانرجعلك ماما

ضحكت رنو وحضنت ملك وطلعو….

اياد.. لالا حبيبة بابا معاش تبكي ،

ملك…… اياد ؛ نبي نحكي معاك فموضوع،
اياد.. احكي
ملك.. اني اتخدت قرار ؛
اياد.. شن هوا ؟
ملك… هانتبرع لاية بقلبي
اياد.. شششن قلتي! هبلتي انتي !!!!
ملك… لا ، اياد خلاص مش ح نتحمل نقعد هكي اكتر من هكي….

اياد… انتي اكيد هبلتي تحسابي شاهين بيخلييك !
ملك.. مش ضروري حد فيهم يوافق اني مسؤولة عن نفسي وقراراتي….. اياد ، اني خلاص بنموت! اني فلحالتين بنموت … ف نموت توا ولا نموت بعدين مش فارقة….. اية ضحت بروحها من قبل على خاطري….وتوا جي دوري نردلها التضحية هادي…هادي وخيتي .. محدش هايقدر يرجعها غيري… اني وهيا واحد ، اني مش ح نتحمل اية تموت ورنو تعيش زي ماعشنا اني وياها وتبهدلنا……. مستحيل نسمح ب الشي هوا يصير … اني هانتبرعلها بقلبي والي يصير يصير ؛ اني هكي هكي ميته… نقعد نتفرج عليها وهي تموت قدامي وبعدها اني بكم شهر نحصلها ونموتو حني الزوز ؟…… ولا نساعدها وتعيش هي علاقل عندها سبب تعيش ع خاطره…. عندها انت ورنو … لازم تعيش ع خاطرهم … لازم تعيش وترجع لحياتها ….. اما اني ف معندي شي نخسره…… واني تعبت من الدنيا هادي ونبي نرتاح..ونبي نمشي لأمي وبوي ?……

ومخلتلاش فرصة يدوي ومشت خشت لمكتب الدكتور ……

ملك.. دكتور نبي نتكلم معاك ، اني اخت المريضة اية ……..
الدكتور.. تفضلي بشن نقدر نساعدك
ملك.. اني نبي نتبرع لاية

شبحلها الدكتور شوية بعدين ضحك وقال سامحيني اكيد فهمتك غلط ، تتبرعيلها بشن ؟ بدم؟

ملك…لا بقلبي ،
الدكتور.. هههههه يابنتي مينفعش لانه………..
ملك… دكتور اني عندي سرطان فلمخ وفي المراحل ا
لأخيرة ؛ عرفت من 6 شهور بس بعد فوات الآوان …. والدكاترة معاش عندهم حل ليا … ف اني هكي هكي بنموت ؛ سواء توا او بعدين

ونصدم الدكتور وحول نضارته…. بنتي ؛ استهدي بالله……. ولا تؤدوا بانفسكم الى التهلكة … الي ديري فيه يغضب ربي هدا اشبه ب انتحار
ملك… انتحاررر شن قتلك اني مرييضة اني هانموت ! دكتور افهمني..وناضت تبكي ؛ اني منقدرش نشوف اختي بلحالة هيا ومنساعدهاش…. اني لو متبرعتش بقلبي لأية هي هاتموت واني بعد كم شهر هانحصلها ونموتو حني الزوز ! وهي عندها زوج يحبها وعندها بنت صغيرة يادوب تمشي ومزال محتاجتها عندها حياة لازم ترجعلها اختي مينفعش تموت بالله عليك لازم توافق …حط نفسسك مكاني لو عد عزيز عليك ف موقف زي هدا مش هاتساعده !

الدكتور.. تنهد وقال ، هانساعده…. بس لازم تفهمي ان لازم نديرو تحاليل واختبارات واشعة باش نتاكدو من تشخيص مرضك ولو لقيناه فعلا زي ماتقولي … وقتها هانديرولك صور واشعه وتخطيط قلب نتأكدو ان قلبك سليم او لا ويتطابق ولالا وبناءاً علي الشي هوا نقررو……..

ملك.. دير الي تبيه ليا اني ليك…. من اليوم لو تحب ،
الدكتور… كم عمرك ؟
ملك..20 , اني فوق السن القانونية ونقدر نتخد قرارتي بنفسي واهلي كلهم ميتين معنديش حد واصي عليا
الدكتور……. ماشي ؛ من غدوة نديرولك دخول للمستشفى..ونديرو الي لازم يندار

ولما طلعت …..كان اياد واقف برا ، ملك مديريهاش ? .. أية محتاجاتك ..

ملك.. اياد ، اني هانموت فلحالتين…. وأية هاتزعل وتنسى هادي سنة الحياة…ولما تعيش وتجيبو صغار اكتر هاتحبهم وتلهى بيهم وينسوها هدا كله ….هيا نروحو ؛ اني ح نحكي لعمي شاهين كل شي……..

وروح إياد بيها وقعمزت مع شاهين واعترفتله بمرضها وان حالتها ميؤوس منها والموت مسيرها لا هروب منها ?…….

وشاهين قعد يبكي بعبرته وملك تحضن فيه …. هدا قضاء ربي ياعمي….متزعلش مني بالله عليك ؛ علاقل وحدة فينا تعيش تديرلك حس ف حياتك … يمكن ربي ابتلاني بلمرض هوا باش نكون اني سبب شفاء أية ورجعتها بالسلامة… اي محتاجة تعيش اكتر مني……واني اكتفيت من الدنيا خلاص…ونبي نرتاح جنب اهلي……..

ومردش عليها وقعد يعيط وقلبه كان يتقطع وبين نارين… يشوف بنات اغلى انسان ف حياته يموتو الزوز وحدة ورا التانية قدام عينه…. ولا ينقذ وحدة فيهم وعلى حساب التانية……….وخشت ملك لغرفتها ومعاش طلعت منها لحد تاني يوم……

لازم نتخدو قرارات ف حياتنا مصيرية ..تحدد مصير غيرنا وعلى حساب نفسنا… مش اي شخص يستاهل اضحي بنفسك على خاطره ❤مش اي شخص ❤

تاني يوم مشت ودارولها دخول ودارولها كل التحاليل والصور المطلوبة …..

بعد يومين من الاختبارات والتحاليل ، كانو ملك واياد وشاهين ف مكتب الدكتور

ملك.. طمني يادكتور ؟
الدكتور.. عندي خبر حلو وخبر مش حلو ؛

اياد.. المش حلو؟
الدكتور.. للاسف فعلاً ؛ الانسة تعاني من سرطان فلمخ وف حالة متقدمة جداً ؛ وحسب الاختبارات والاشعة الي درناها… مش هاتتحمل اكتر من شهرين ?
ملك.. عادي اصلا انا عارفة

وشاهين حط ايده ع عينه باش يغطي دموعه…?

الدكتور…والكويس ، ان القلب متاعك سليم ومتطابق مع اختك بنسبة 97% ومفيش اي مانع من تبرعك بيه ،

وضحكت ملك وفرحت….. شششفتو انا قلتلكم ! به دكتور امتى ح نديرو العملية ؟؟

الدكتور شبح لشاهين واياد وشافلها هي …بنتي زيدي فكري وخودي وقتك
ملك.. دكتور انا قررت خلاص ! … اني هكي ولا هكي بنموت… ف نموت واني متطمنة ع اختي وباختياري احسن من نموت فجأة

إياد… قال بإرهاق شديد وعيونه كانو معاش يبانو من كتر البكي والتعب النفسي والجسدي ، به لو فاقت اية ونجحت العملية وسألت عليك شن هانقولولها ؟

ملك.. هانسجلها فيديو لما تفيق تشوفه ❤ …

إياد.. ملك مش معنى انك مريضة انك تديري حاجة زي هادي.. ره حتى انتي وخيتي وغالية علينا كلنا وقرار زي هدا مش سهل علينا ? .. الاعمار بيد الله متندريش…….

ملك…. واني وربي يشهد عليا الا كنت اكتر من سعيدة وسطكم.. عشت بينكم احلى ايام حياتي ؛ كنت خايفة نموت ومحدش يبكي عليا لاني هانكون بروحي… بس توا اني هانموت مستريحة وسعيدة .. وبين اهلي وناسي …. ❤.. صدقوني اني فرحانه ومش زعلانه بكل… عمي شاهين انت الاب الي نحرمت منه وراسك متبكيش ? ..واياد انت كنت ونعم الأخ ، وكلكم ابلة سمية وميس كلكم ….

الدكتور …. لو سمحتي وقعي هني ، هدا اقرار شخصي منك انه انتي الي طلبتي تندار العملية وانك موافقة على كل الشروط ومتحملة نتيجة أي مضاعفات تصير … باش ماتصيرش أي مسائلة قانونية ويتمو كل
الاجراءات بشكل قانوني

ملك…. بابا ❤ ، اني مش ح نوقع الا لما تقولي اني راضي عليك ..منبيش نموت وانت زعلان مني…. انت راضي عليا ؟
شاهين……
ملك.. رد عمي شاهين ،

شاهين بصوت يحاول يخفي بكاء قلبه و وجدانه ? ، راضي عليك يابنتي…………

و وقفت ملك وهي ف قمة سعادتها ❤ …

واياد طلع من الدار طول وملك حضنت عمها شاهين …..

بعد مرور أسبوع >>>

كان موعد العملية لان ميقدروش يتأخرو بيها اكتر من هكي ع خاطر صحة أية ….

كانو كلهم ف المستشفى يودعو ف ملك ❤ …. والدموع مبطلتش كان موقف صعب عليهم كلهم بس هي كانت عكسهم ؛ سعيدة ومرتاحة ….و واثقة فلقرار الي هي بتاخده ….

ملك.. خدت رنو ف حضنها ❤ ..

رنو.. كوكا وين بتمسي ؟
ملك.. هههههه بنمسي عند امي وبوي ❤ وعند ربي ❤ بنعطيك هدية …حاجة حلوة باهي ؟
رنو…. هدية سن ؟

خلعت السنسلة متاعتها الي اية عندها منها….ولبستها ل رانيا ❤… هادي نبيك ديما لابستيها باهي ؟ ردي بالك تنحيها .. اني وماما عندنا منها … هادي كنا بفضلها اني وماما ديما مربوطين ببعض .. كأنك شايلة قلبها معاك..وهيا شايلة قلبك معاها ❤ .. وتوا بتاخديها انتي باش تبدي ديما مربوطة بماما ….ولما تنوض ؛ قوليلها قتلك خويلة ملك اني نحبك هلبا ❤

رنو.. محلاها? مس ح نحيها بكل بكل ❤❤❤وحتى اني وماما نحبوك هلبا كوكا ….

وباستها وقعدت حاضنتها شوية…. وبعدين جو الدكاترة والممرضين حقنولها المخدر فلوريد…….

قبل لاتغفى ؛ محدش يزعل مني …كلكم غاليين عليا والله …. واني صدقوني فرحانه ومرتاحة. مشتاقة لامي وبوي ❤ وميمة خيرية سلمولي عليها هلبا… وقولولها سارة تحبك ❤……… أشهد ان لا اله الا الله ؛ وأشهد ان محمد رسول الله ….وبدي مفعول المخدر يسري ف دمها ورقدت………

وطلعو كلهم يبكو وقلبهم يحرق فيهم عليها … بس مكانش بإيدهم حاجة.. هدا ربي ..وهادي حكمته…ومفيش قوة فلدنيا ولا رابط اقوى من الأخوة.. ومفيش حد يستاهل إنك تضحي بنفسك و عمرك غير خوتك من لحمك ودمك…… الي مقاطعين خوتهم يردوهم …ويكلموهم ويرجعولهم…. ره محدش يحس بنعمة الخوت الا لما يفقدهم ولا ربي يبتليه فيهم… مفيش حاجة فلدنيا تستاهل أنك تقاطع خوك او اختك …. الدنيا ومافيها يتعوض.. الصحاب يمشو ويجو.. لكن خوك خوك ، لين تموت ❤……

مش ح نكتر عليكم احداث… تمت العملية بنجاح نقلو قلب ملك لأية … طلعت ملك وهي مغطيين ع وجها …..وطلعت اية بعد نجاح عمليتها للعناية المركزة …

لما شاف إياد المشهد هدا تفكر بيت الشعر الي كانت تفضل فيه اية من لما كانو ف امريكيا ، i carry your heart with me … whenever i go….

كانت طول الوقت رسالة من ربي ليها… ان البيت هدا بالذات كان يلامس ف جزء كبير من قلبها كأنه يخصها …. وكانت رسالة القدر ليها ❤ ان هذا مصيرها ❤…. وكانت السلسلة الي رابطتهم ببعض بطريقة ما رسالة برضو لهدا كله

أحمل قلبك ، أينما ذهبت….. ❤

تاني يوم … كانو مطلعين تابوت ملك باش يرفعوها لمغسلة الموتى يغسلوها ويكفنوها……

وفللحظة هادي ، كان في شخص يراقب فيهم من بعيد……. وإياد ركز فيه ناض قال لعمه شاهين…….

إياد.. اني مشعارف كيف بيصير فيا ياعمي شاهين من غير أية ?? ولاعارف بنتنا شن هايكون مصيرها ???

وحضن عمه ودار روحه يبكي وقاله ف ودنه ، حني متراقبين ….. وعمه شاهين مشى معاه وقعد يترحم على أية ويبكي …لحد ماركبوها السيارة ومشو……وهما فلطريق….

إياد.. أني متأكد ان الي كان ورا هدا كله أ.ن …. هدا لاش قتلك تقول هكي…. هوا ميعرفش انه اية عندها اخت…وان اية مزال عايشة وملك هي الي ماتت… ف كان لازم نقول هكي باش ميعرفش أنها عايشة ويجيها تاني ?……….وهانستغلو انه ميعرفش بملك ونخلوه فاهم ان اية هي الي ماتت

شاهين.. عندك حق وتصرفك سليم وف محله….. غير تفيق أية بنتي والمرة هادي وديني مامخليه….. وربي مامخليه وهانحرق قلبه زي ماحرقلي قلبي ?

~~~~~~~~~~

…..اه ياريس ؛ نحب نطمنك.. الباقية ف حياتك

ا.ن.. ماتت!!!!

وليد … اي توا شفتهم قدام عيني طالعين بجثتها من المستشفى ….

أ.ن.. الف حمد وشكر ، هكي نقدر نرتاح واخيرا … خلصت من وجع الراس هوا ……

~~~~~~~~~~~~~~~~~

بعد حوالي 3 ايام ❤ …

اية تجاوزت مرحلة الخطر ونقلوها على غرفة عادية ❤….

أية …. اني وين ؟ شن هلمكان ! تفكرت هدا نفس المكان الي شافت فيه بوها اخر مرة ف الحلم ❤

قعدت تشبح حواليها لحد ماشبحت أمها وبوها بعيد عليها …كانو مبتسمين ويضحكولها ❤…. وبعدين فتحو
ايدهم … وكيف اية بتمشيلهم جت قدامها صورة ملك ،

أية..وين ماشية ؟
ملك…لمكاني ❤ وانتي مكانك غادي ، مش هني ❤.. ارجعي يا اية.. كلهم يستنو فيك ❤

كانت تضحك حتى هيا و وجها ناير ومشت تجري
وقفت بين امها وبوها… ودارو التلاته لأية باي ….وتلاشو من قدامها ❤

وبعد يومين تانيات بدت ترجع لوعيها…..واول كلمة نطقت بيها… ملك

واتصل الدكتور ب إياد وبلغه ان اية بدت تفيق وجي يجري هوا والعيلة وخشو كلهم فرحانين بيطيرو واكترهم إياد كان يبكي من كتر الفرحة…..

ونطقت اية بصعوبة وهي دايخة ؛ رانيا

وجابهالها اياد جنبها وشدت ايدها ❤ ….

رانيا .. ماما.. باح حير ? نودي عاد ننيتي هلبا

وضحكو كلهم ❤

وبعدين شافت بعيونها وملقتش ملك ؛ وبتسأل عليها بس كانت دايخة بكل مش قادرة تدوي … وقالهم الدكتور لازم ترتاح توا لازم يخلوها ولما تشد حيلها يقدرو يدوو معاها

تاني يوم اية فاقت وجاها إياد وبنته وشاهين

وأية خدت رنو طلت وحضنتها وقعدت تبوس فيها ❤❤❤❤ اسستاحشتك هلبا ياروح ماما انتي ❤… وهي تبوس فيها شافت السنسلة ف رقبتها وشدتها مستغربة… هادي متع ملك ؟

رنو.. اي كوكا عطتهالي ? وقتلي هي تحبك هلبا

أية…وين ملك ؟ وخيرها مجتش معاكم اليوم حتى هي ؟؟

وشبحو اياد وشاهين لبعض وخدو رانيا..ومدلها إياد تليفونه ؛ افتحي الفيديو هدا وهاتفهمي كل شي

خداته منه وايدها ترعش وطلع شاهين مع رانيا وقعد اياد شاد ف ايد أية….

وفتحت اية الفيديو ؛

“ايوشتي ❤.. وخيتي الغالية….. بما انك تشوفي فلفيديو هدا ف هدا معناه ان العملية نجحت ❤ واني هانكون طايرة من الفرحة ❤.. لان بدينا أني وياك شخص واحد ❤ …. اية.. اني كان عندي سرطان فلمخ
من 6 شهور ..والدكاترة قالو إني مش ح نعيش هلبا … اسفة اني خبيت عليك خبر زي هدا بس مكنتش نبي
نزعلك… واياد كان يعرف متزعليش منه اني قتله ميقولكش…. هدا الي ربي كاتبهولي ❤…. من يوم الي جيت علدنيا واني نقول علاش ربي خلقني.. باش نتعذب..ونتوجع… ونقهر ونموت بلبطئ ؛ بالذات بعد ماعرفت بمرضي… بس لما مرضتي انتي عرفت الاجابة… باش يجي اليوم الي ننقذك فيه من الموت ❤ ونرجعك لحضن عيلتك وبنتك وراجلك… اني تبرعتلك بقلبي… بس وراس وخيتي متبكيش…افرحي لان اني قلبي يدق بداخلك.. يعني اني عايشة بداخلك ، عرفتي بيت الشعر الي تحبيه وديما تقوليلي فيه ؟ احمل قلبك اينما ذهبت… هدا كان رسالة ليا وليك ❤ ..توا انتي معاك قلبي.. ف كل مكان…واي مكان..واني ديما معاك ، واني توا انتي وانتي اني ❤ .. انتي لازم تعيشي مكانش ينفع تموتي … ولازم تقعدي أية القوية الي مايهزها شي …. واني لو بإيدي نعطيك روحي كنت عطيتهالك….. شكراً لانك عوضتيني ع كل وجع عشته…..وخليتيني عشت اجمل سنين ف حياتي واني معاكم و وسطكم … اني توا هانكون مع ماما وبابا ❤ ..وهانقولهم قداش ما اختي قوية…ونقولهم كيف خلصتني من الموت….وضحت بنفسها لحياتي…

اخر حاجة.. ح نقولك بسر خطير ؛ اني الي قتلت بدر …. اني بديت …وانتي هاتكملي ، متخليش الحيوان هوا عايش بعد مافتحتي عيونك.. لازم تتخلصي منه باش تعيشي حياتك….اني بديت..وانتي هاتكملي ❤…. نحبك ❤ومتنسيش..انا وانتي توا شخص واحد ❤ الإن أنت تحملين قلبي ، اينما ذهبتِ ❤ ”

وطاح التليفون من أية وطول اياد خداها ف حضنه…….

اية …. لا … لا…. اكيد هدا حلم… اكيد اني نحلم .. اني نحلم اياد صح !!! قولي اني نححححلمممم قولي انتي ققاعدة راقدة ومنضتيشششش… قولي ملك عايشششة مامتتشششش قولي ان مصار شششي من هدا كله قوووللل ايييي شششي ايااااااااددد… تككككككلم

واياد يشبحلها ويبكي …..

أية.. لاااااا يارررررربييييي لا … علاشششش هكي ياربي اااااااااه ياوخخخخيتييي ااااه

وقعدت تعيط بهستيرية وشاهين يسمع فيها ويبكي مع كل صرخة وجع منها ?????.. وجي الممرضين بسرعه ضربولها ابرة مهدئ وكانت ف حالة هياج بالسيف قدرو يضربولها ورقدت طول……..

وطلع اياد منهار وجي شاهين قعد يطبطب عليه… شدة وتزول ياولدي شدة وتزول ??

ولما زال مفعول المهدئ قالهم الدكتور لازم تقعد اسبوع تاني تحت مراقبتهم لان الصدمة شديدة عليها ومرات تتأثر صحتها …وحاولو تغيرولها نفسيتها ب اي حاجة ??

وكانت كل ماتفيق تقعد ساكتة ومتدويش مع حد بكل وحتى إياد ..

ويجيبلها ف رانيا تتكلم معاها شاهين اي حد شي شي بدون استجابة…. وحتى الاكل رافضاته وعايشة علتغذية……

ف مرة …… جي اياد وفتح الباب ؛ وكان في حد معاهو? ..سمر اول ماعرفت ب الي صار حجزت ع اول طيارة وجتها …واية اول ماشافتها نزلو دموعها وجت سمر تجري حضنتها………وطلع اياد خلاهم براحتهم

أية.. اختي ياسمر اختي ??
سمر.. معليش ياعمري هاد قدر ومكتوب.. ماتزعلي حالك ? ….
اية.. بعد مالقيتها وفرحت ان ليا حد ف الدنيا اختفت وكل شي اختفي
سمر.. ما اختفى شي ياعمري انتي هلأ عندك كل شي.. مابيصير تعملي بحالك هيك وهي عملت عين العقل واي حدا مكانها رح يسوي هيك واكتر ..وهي عملت هيك إياد ورنوش .. وبنتك المسكينة الي عم تبكي كل يوم بدها امها… مابيصير تحملي ف حالك والي بتحبيهم هيك ! وانا وين رحت ؟ مانحنا رفقات علحلوة والمرة ؟ واياد الي قاتل حالو عليكي دخيلك
الزلمة صار نازل ١٠ كيلو في هاليومين ! .. انا من لما عرفت تركت بنتي جنى مع زوجي وجيت ع هون مشان كون جنبك واسندك…ورح ظل على طول معك انتي ماعد صرتي لحالك… ارجعي لاية القديمة والقوية مو مشان نفسك بس مشان رنوش ?? …

اية….ناديلي إياد..

سمر.. اي بتؤمريني

وطلعت نادت عليه وخشلها. ..

أية … تعال قرب مني …

إياد..خيرك ؟ تعبانه حاجة توجع فيك ؟
اية.. اني اسفة ? اسفة ف الي درته فيك… تعبتك هلبا معاي اني عارفة…

حط اياد ايده ع وجها …انتي شن تقولي ؟ اني حبيبك وزوجك .. كان موقفتش معاك انتي مع من بنوقف ؟ادللي وبهدليني زي ماتبي هههههه

اية.. ههههههه ؛ وحضناته ❤
إياد.. توا اني عندي سؤال محيرني
أية.. هههههه شني
إياد.. توا قاعدة تحسي ف روحك تحبيني ؟ ولا لما تغير القلب معاش تحسي ب شي ?
أية.. ههههه الحق نحسه ناقص شوية بديت نشوف فيك زي خوي مشعارفة علاش ?
إياد..?
أية.. هههههه مش قلبي بس الي كان يحبك ❤كل حاجة فيا تحبك ..❤ لو غيرولي ستين الف قلب فلدنيا
إياد.. ههههههه❤
أية.. اياد ، اني ح ندير حاجة…اوعدني من غير ماتعرفها متقولش لا…
إياد…اني معاك ف اي شي
أية…. ❤❤❤

تحسنت أية وصحتها بدت تستقر وبعد اسبوع تاني الدكتور كتبلها ع خروج ورجعت لحوشها … ولبسها اياد خمار وهي طالعه لان قالها ان ا.ن يحسابها ماتت مع انه عارفة مش هاتهني روحها ?…

بعد يومين ارتاحت ف حوشها وبدت تتحرك عادي… بس متبدلش ف مجهود زي ماقالها الدكتور ؛ بدت تفكر اغلب الوقت وسرحانه وتفتح ف كتب قرايتها وتدور ع حاجات ……

وطلعت فتحة البلكونه وقعدت تتفرج علشجرة متع بوها والريح يخبط ف شعرها ❤ .. ورجعت بذاكرتها لورا

اية ….. بابا بابا علاش ديما تقعد بحدا الشجرة هيا ؟
الصادق … هادي الشجرة تعرف كل اسراري هههههه
أية .. تحكي لاسرارك فلشجرة اكتر من ماما ? ..
الصادق.. مرات الواحد محتاج يدوي لحد من غير مايرد عليه…. مجرد يطلع الي ف قلبه وخلاص
أية.. يعني الشجرة هادي مش شجرة الحب بس !
الصادق.. هههههه ؛ أي … شجرة الحب ، والأسرار ❤

~~~~~~~~~~~

استاقضت أية كانها انتبهت لحاجة… وقالت ؛ معقولة ؟ …….وعلاش لا….

ونادت اياد …. ايياد …

اياد.. ايوا !
أية.. نبيك تحفرلي حوالين الشجرة هيا ..
اياد.. علاش ؟
اية.. غير احفر بس

وسمع اياد كلامها وبدي يحفر حواليها لحد ماخبط ف حاجة زي صندوق…. شبح لأية بعدين جبده ب ايده كانت شنطة جلد ….وجت تجري اية وفتحها اياد بعد مانفض عليها الغبرة…….

ولما فتحوها تفاجئو ……..وإياد شبحلها متع مش مصدق الي يشوف فيه لقاها مبتسمة ❤❤❤

وبعد مرور شهر ؛ ❤❤❤❤

كان أ.ن خاش لمكتبه بعد مقابلة احد تجار الممنوعات ف صفقة جديدة ،

وفتح صفحته علفيس لقي فيديو منشور على صفحته و ع
ليه حوالي ١٠٠ الف لايك ومشاركات بلهبل

وكان نازل ليه ساعه بس

ولما فتحه نصدم لما شاف أية قدامه !!!!

“رجل الاعمال الفاضل السيد…….. نحب نقولك ايه ، اني أية ..واني عايشة ؛ اني اية الصادق بلخير… الي قتلت بوها ..وامها ..خوها وعيلتها…. نحب ياسادة نقولكم وكل الي بيفتحو الفيديو هدا .. أن الشخص هدا من اوطى واحقر الشخصيات الي ممكن تقابلكم ف حياتكم….واني نتهم فيك اتهام مباشر قدام كل الشعب…. بمحاولة قتلي…وقتل عيلتي كلها…وبالتجارة فلممنوعات … وغرق الباخرة الي كانت مسافرة لايطاليا سنه 19**

واخيرا وليس اخراً ، تشوف ف هادم ؟ وقامت كمشة ورق ف ايدها “… هدا الورق الي هايوديك ورا عين الشمس ……. وتوا نتمنى تكون مش لابس حوايج حوش بس ههههههه لانك لما بيتم الفيديو…. هايكونو وصلو لحوشك وجايين يقبضو عليك …وبيني وبينك المحاكم ….. ”

وتم الفيديو وحس طرافه بردو وكيف بينوض ويطلع منه مكتبه ….

لقي وليد يوقف فيه ، وين ماشي ياريس ؟
ا.ن….. حول قدامي مششش وقتك

وليد .. ههههههههههه لا ، تحساب ديما بيمشي كل شي زي ماتبي ؟ متحسابش اني منعرفش انك قتلت سيف خوي لما فسدلك الصفقة الي كنت بتديرها عن قصد ع خاطر الناس للي بيموتو فيها……. ؟ انت واحد حرام يتنفس …

وسكر عليه الباب بلمفتاح لين وصلو القوات المسلحة وقبضو عليه ……….

وحبسوه لحد يوم المحكمة….وكان بعد الفيديو سيرته ع كل لسان……. وتصدرت عنواين الخبر في كل الصحف

محامية شابة في اول قضية لها ضد اكبر رجال الاعمال” والسياسيين ”

أية… سيادة القاضي ؛ بعد الاطلاع على كل الاوراق والمستندات الي امام حضراتكم … يتضح ان المدعى عليه أ.ن ، السياسي المعروف … من اكبر تجار الممنوعات….. وايضا التسجيل الصوتي الي سمعتوه حضرتكم يفيد بذلك بإعتراف المتهم و اتفاقه مع احد المجرمين في صفقة لبيع المخدرات بالملايين …. وهادي الصفقة… الي لما عرف بيها الصحفي الصادق بلخير وحاول يتصرف قبل ما تصير فاجعه غرق الباخرة وموت 1500 شخص من المسافرين الي كانو ع متنها…وقُتل الصحفي بعد محاولته للإبلاغ عنه هوا وكامل عيلته.. الحادثة الي تكتمو عليها محاوليين نسيانها.. بس الي كان ليه حد عليها ومات بسببها مستحيل ينساها …. ولا مستحيل ينسى حد عزيز عليه مات ظلم ومحدش رجعله حقه….وقام برشوة هيئة القضاة ليخرج من القضية…واخر اتهام ليا حضراتكم … أنه حاول قتلي ؛ بعد ماكان يحساب ان الصادق بلخير وجميع عيلته تم ابادتهم … ومكانش يتوقع اني مزال عايشة ع وجه الدنيا ..والي كان يحسابني متت لما قتلني بس الي ميعرفاش ؛ ان اختي هي الي ماتت ? … لانه مكانش يعرف اصلا انه عندي اخت وعايشة ……

سيادة القاضي ،

وخلعت الكاب متعها والبالطو ولوحتها…….. اني مش ح نتكلم معاك كمحامية……… اني هانتكلم ك طفلة ، فقدت امها وبوها وخوها ف ليلة وحدة…وتشردت وتبهدلت فلغربة لوحدها …. عاشت عمرها وحيدة ويتيمة…لا اهل ربوها ولا حد حن عليها….زيها زي اختها الي معرفتش انها عايشة الا من كم سنة ..وتربت ف ملجأ وضاعت وهربت..ولما لقيتها…وفلأخر فقدتها ?….وكله بسبب شكون !

وشبحت ل أ.ن فلزنزانه… بسبب الوحشش هوا ! الي مفيش ف قلبه ذرة رحمة ! ولا انسانية….. وبدت تبكي…. اني حياتي تدمرت بسبب الشخص هوا ياسيادة القاضي ? … اني عيلتي….. عيلتي نقتلو قدامي…واني عمري 7 سنين بسس ?

وحست بروحها فقدت توازنها ومعاش قدرت تكمل…والقاضي شبح لمحامي الدفاع متع أ.ن وقاله ؛ شن ردك ع كل الاتهامات هادي؟

ومحامي الدفاع سكت ومكانش عنده اي رد بعد الي سمعه لانه مكانش يعرب بهدا كله….

القاضي.. عندك شهود ؟
أية.. اكيد

ونادت عمها شاهين شهد معاها فلمحكمة….وشهد ضده اخر شخص كان أ.ن ممكن يتوقع ، وليد ……..

القاضي ..الحكم بعد المزاولة

وبعد شوية طلع …… بعد الاطلاع على الاوراق والمستندات… والسماع لكل من الطرفين… قررت المحكمة حضورياً بإحالة اوراق المتهم الى فضيلة المفتي….. رفعت الجلسة ……وناض

وأية وقفت الدموع يصبو منها ومش مصدقة روحها وقعدت دموعها تنزل من الفرحة وتعالت اصوات الزغاريت من وراها لان كمية الحضور كانت رهيبة …..

وجي اياد حضنها ……

اية.. اني درررررتها يا اايااد دررررتها……
اياد.. اني كنت واثق انك قدها ❤ لو عمي الصادق عايش.. كان ح يبدا فخور بيك ❤

خطمت جنب ا.ن وهو فلزنزانة ، زي ماقالك بوي…. لكل ظالم يومه ❤ ؛ قولي توا …..هاتقدر ترشي ربي ؟ ههههههه

وطلعت أية من المحكمة والناس كانت بشكل خيالي واقفين برا وكلهم يزغرتو والمحطات الاذاعية تصور وتبي تدير معاها لقاءات ❤❤❤

بس اية مشت بسرعه واختفت وركبت للسيارة وطارت………

~~~~~~~~~~~~~~~~~~~

وقفت جنب قبر بوها..وحطت وردة عليه ❤

أية.. رجعتلك حقك يابابا ❤ .. توا تقدر ترتاح ❤

وقرت الفاتحة على روح عيلتها هي واياد ❤

إياد.. هيا ؟
أية .. هي❤ ..

ورجعت لحوشها ورجعت حياتها الطبيعية زي ماكانت بعد مابدت من اشهر المحاميات بعد القضية هادي ❤…

~~~~~~~~~~~~~~~~~~~~~~

….. به ماما بعديين كملي ??

اية.. هههههه بس ياستي حبسوه وهوا ف طريقه للحبس ملحقش مسكين واغتالوه ههههه

ياسين … احسسسن يستاهل ؛ يارب كل الي زيه هكي يموتو
رانيا.. ماما هادي احلى قصة سمعتها ف حياتي ? .. مش متفكرة امتى خالتي ملك عطتني السنسلة واني صغيرة بس كنت نتفكر اني نحبها هلبا ….

أية.. عطتهالك وانتي عمرك حوالي سنتين ❤ وتوا ماشاء الله بديتي عروسة وعمرك 10 سنين ههههههه

رانيا..قصدك بتخليني نتزوج توا ?
أية.. ??

ياسين…. اني نبي نولي صحفي لما نكبر زي جديدة? ..باش نشد المجرمين الي زي ا.ن ونفضحهم ?

جي إياد يشرب ف مية….انت يافصعون غير سكر ال6 سنين بعدين تكلم ….

ياسين.. خيرك يابابا بديت كبير اني ? .. به قولي امتى ترفعونا انت وماما لحوش جديدة شاهين كسدت ☹..

إياد.. غدوة نمشو ان شاء الله غير خش ارقد الوقت تأخر سادك عندك مدرسة غدوة

وااككك هف ??.. ياسين

وخش متعفلق باش يرقد ههههه

رانيا.. به بابا
اياد.. عيون بابا
رانيا.. قاعد تحب ماما زي زمان ?

شبحو إياد وأية لبعضهم لوهلة ❤ وقال…. لا ،لان كل مايزيد الوقت.. كل مانحبها اكتر ❤

وابتسمت اية ❤ وخشت رانيا تجري وتضحك لدارها ❤

وجي اياد جنب أية وحط ايده ع كتفها ، قداش خدت منك ساعه وانتي تحكيلهم ف قصة حياتنا هههههههههه… موسع بالك ?
أية.. ههههههه اياد ❤
اياد.. هاه
أية.. انت احلى حاجة صارتلي ف حياتي كلها ❤ مش مصدقة ان لينا 13 سنه متزوجين توا …
اياد.. ههههههه صدقي صدقي ❤

وحطت راسها على صدره ورقدت ❤ …

وارتاحت أية ف حياتها واخيراً ❤ ولكل قصة نهاية ❤ ولكل نهاية بداية جديدة ❤ .. وقصتنا هادي تمت ❤… بس الحياة متمش ❤ ..وديما تقعد مخبيتلنا حاجات عمره ماكنا نتوقعوها ❤

مشهد الوداع >>❤

كانت نايضة إيما بعد ما حست نفسها مش جايها نوم
وجايها ارق ،

لفت ع صغارها ال٣ لقتهم راقدين ومبتش تنوض محمد لانه شغله تاعبه……..

طلعت من البلكونة وقعدت تفكر لحد ما آذن اذان الفجر……ولقت روحها لا إرادياً كأن قلبها الي نطق بروحه

“أشهد أن لا اله الا الله ؛ وأشهد ان محمداً … رسول الله ”

?《النـهـايـة》?

#Mera ✨

error: