رواية “أحمل قلبك .. أينما ذهبت”
الحلقة السابعة عشر ~ ??
قعد يتابع في رجال الامن وهما يبعدو في البنت الغريبة هادي عن بوابة حوشه …وقعد يفكر من هادي وشن تبي منه ؟……و دار ايقاف للكاميرا ودار تكبير على صورة البنت هادي ……… وكمية الشبه الرهيب الي بينها وبين امها….. مصعبش عليه موضوع انه يتعرف عليها طول مني !!… بس قعد لوهله مركز فلصورة ويكدب في عينه…..
وطفى الدخان ولوح فنجال القهوة بتعصيب…. معقولة !!!!!!!!!!
وناض يضبح بعلو صوته …. وليييد.. ياوليددد “المساعد الشخصي متاعه”
جي يجري ع حسه……
وليد… تفضل ياريس !!
أ.ن… ” لوح الريموت وقعد يلف حوالين الطاولة وايديه ع راسه ، وقاله…… تعالا جاي
ودار زوم على رقم لوحة سيارة إياد وقاله……….
تاخد تسجل رقم طارقة السيارة هادي …..وتجيبلي كل المعلومات الي تخص صاحبها فهمتني ! كلل شششي نبيك تتحرى عليه تقولي شن اسمه ولقبه ومنين والناس الي يشوف فيهم والبنت الي معاه كل شي يخصهم فهمتني !!!
وليد.. اعتبره تم ، وصور الرقم من الشاشة بتليفونه وبدأ تنفيذ في الي قاله عليه….
رجع أ.ن قعمز علمكتب متاعه وشاد راسه وقال لنفسه ……. اهدى … اهدى ؛ اكيد مجرد شبه مش اكتر … يخلق من الشبه اربعين…. اني نسفت عيلة الصادق كلها من ع الوجود ، مستحيل يكون حد منهم عايش ، اهدى……….
وفتح درجه وطلع منه حاجة بيضاء وبدي يستنشقها ،
نرجعوا وين ماكنا عند أية >>>>
زي ماقلتلكم جو اهل اياد باش يخطبو اية ❤ ..واتفقو ع يوم يجي فيه اياد مع خوته الزوز يطلبوها رسمي من عمها شاهين ❤❤❤
ولما مشو النساوين …… خشت سمية لأية فلمطبخ تزغرط ع علو حسها ………
سمية..يولوولوولولللللليييي
ميس.. نادت ع صغارها ، ايووووووش بتولي عروسة يامفااعيص انتو ههههههههههه قولو لخويلة مبرووووك ❤❤❤….وبدو سمية وميس يباركلوها ويحضنو فيها بس هي مكانتش ترد ب ولا حرف لان الفرحة الي كانت تحس بيها فاقت كل الكلام الي كان ممكن تقوله ❤…ولما روحو خشت تجري لدارها طلعت تليفونها وبعتت لصاحبتها ع قروب الواتس ،
في مفاجئة ح نقولكم علييييها افتحووووو “??????❤❤❤❤❤❤ وعارفتهم مش هايفتحو توا لانهم مش فاضيات كل وحدة بهمها ?
وسكرت تاني وقعدت علسرير مش متخيلة انها كان ممكن قلبها يدق وتحب ❤ وبدي السلام يرجع لقلبها تاني ❤
واتصلت بيه طول ،
اية.. ههههههههه انت شن درت يامجنوون !
اياد.. هههههه درت الي كان لازم يندار من اول لحظة شفتك فيها ❤
أية ناضت تتبرد وقتله ? … به علاش مسألتنيش قبل مش كان ممكن نكون مش موافقة ؟
اياد….. والله ؟ علاش انتي كان عندك رأي تاني انسة أية ؟
أية.. طبعاً ??♀️
إياد….وشن هوا ؟
أية.. هههههههههههههه نبي وقت نفكر
إياد.. تبي طيح سعدك حبيبتي المش عزيزة ❤
وأية سمعت كلمة حبيبتي تلبكت وسكرت ف وجهه وقعدت تضحك ?
بعد يومين >>>>>
جي إياد ومعاه خوته الولاد الزوز… خوه الكبير مهيمن والصغير عبد البارئ وقعدو مع شاهين وطلبوها رسمي منه ❤ وقرو الفاتحة ❤❤❤
واية كانت عايشة اسعد فترة في حياتها ❤ ..
ف نفس اليوم الي خطبها فيه رسمي كلمها ؛
إياد.. اسمعي شن رأيك نتغدو برا ؟ عازمك ع مطعم ❤
أية.. هههه مشعارفة نشاور عمي شاهين قبل ولو وافق نرد عليك ❤
أياد.. حاضر ياست الهانم ،
أية.. ياست ال إييه ؟
أياد.. هانم ?
اية.. من هنا ورايح اسمي البرنسس أية ???♀️
إياد… اهو بدينا في عبرج النسون اهو …
أية.. بتدلل على ختشيبي فيها حاجة دي ؟
إياد.. ههههههه خاتشيبك ؟
أية.. اي ياتشم ?
إياد.. ??????بالله كيف كنتي عايشة ف امريكيا انتي ؟
اية.. بلبركة يابرو ??♀️
إياد… نهار ازقح مزقح … شكلي نغشيت فلشكل الكيوت ولا ايه !
أية…. هههههههههه باش تعرف بس ان كلكم تنجذبو للمظهر بس ??♀️
إياد.. ههههههههه به ياتشمة بري شوفي عمك وردي عليا ..
أية… تمممم هي?♀️ .. بس تخليها غدوة خير ؟
إياد.. تم عادي
وسكرت ومشي تجري لشاهين وهوا يتفرج علتلفزيون….
اية… عموووو عمووو ،
شاهين..هههه عيون عمك انتي.. تدللي
أية.. قتلك يعني لو مكانش عندك مانع اكيد ؛ غدوة إياد عازمني على مطعم … ممكن نمشي بعد اذنك ؟ وهانرجع قبل ال9 وعد
شاهين…ههههههه يابنتي انتي راشدة وبالغه تستشيري فيا اني باش نعطيك الإذن ولالا ؟ انتي حرة حبيبتي اني واثق فيك وعارف بوك مربيك صح وعشتي عمر بروحك مسؤولة عن نفسك وتصرفاتك والغربة مغيرتش الحاجة هادي فيك وخلاتك بنفس فطرتك النقية الي تربيتي عليها
دمعت عين أية لما جاب سيرة بوها وقالت… عمي شاهين لو تسمحلي ، اني نبي نقولك بابا ❤… لان بابا اكتر حاجة دارها صح في حياته انه اتخدك صديق ليه… بجديات بعد مالقيتك انت حسيت زي الي ايد نمدتلي انتشلتني من الضياع الي كنت فيه… انت عارف ؛ وبدت تبكي
…..اني طول عمري متوقعه انه يوم الي هانتزوج هانكون بروحي.. مفيش حد ينطلب ايدي منه…ويكون ولي امري بعد
بوي …محدش هايفرحلي ويزغرطلي ويغنيلي …..وبالذات بعد ماتخلت عليا عمتي وبديت زي الي مقطوعه من شجرة…….. شكراً هلبا انك رجعتلي روحي وهلبا احاسيس كانت ضايعة مني بعد مافقدت اهلي …. شكرا انك منحتني الشعور هدا…
وناضت حبت ع راسه وهوا دموعه يصبو….والله يابنيتي لو تعرفي غلاوة بوك عندي ماكنتي قلتي الكلام هدا… اني وصادق واحد ❤ ..واني لو كنت مكانه وصار الي صار ليا اني كان هوا هايدير نفس الشي واكتر مع صغاري
اية.. هههههههه به اني توا استاحشت شعور نحس ان حد مسؤول عليا ف اني بنعاود م الاول تمام ؟؟ نبي نقولك اني بنطلع مع اياد وانت تصيح عليا فلاول وتقولي لا واني نقنعك وبعدين تقولي متقعديش برا لوقت متأخر ولو جيتي متأخرة نص ساعه هانقتلك والدوة هيا اوك ؟ ??
شاهين.. هههههههههههههه مجنونه وربي
أية … ههههههههههههه باي بابا ❤
شاهين.. باي ياعيون وبيك ❤ ديري بالك ع روحك
ولما مشت…….
شاهين.. الله يرحمك ياصادق…. ياريتك عايش وتشوف بنتك وهي عروسة وتفرح بيها زي ماكانت تتمنى ❤
وخشت دارها وتاني يوم طلعت أية تجري واتصلت ب اياد خطم عليها ومشو ❤❤❤
إياد..وين تبي نتغدو ؟
أية.. منعرفش اماكن معينه الحق ف ليبيا.. وين مايعجبك عادي ..
إياد .. ههههه مخاطريش ف مطعم تصوري
أية.. مالا ف شن خاطرك ?
إياد.. امي مطيبة عصبان تحبيه ؟??
أية.. عصبان ؟ وعوجت فمها متع اول مرة تسمع بلإسم هوا ?
إياد… هههههههه متعرفيش العصبان ؟ مسكينه انتي
أية.. بس مش قلّت ذوق تلقاني امك طبيت عليها فجأة زن طب هكي هههههه
إياد.. هههههههه هدا ف بلاد الغرب هكي ، ف بلادنا حني لا ❤ الضيوف ار اولويز فيري ويلكم ?
أية…… تمام ❤
ورفعها إياد لحوشهم وفتحتلها ميار الباب..
ميار… اووووه خطيبة خونا هنيي ?? زارنا النبي اهلا اهلا .. خششي ❤
أية.. ههههههههه سلمك حبيبتي .. كيف حالك ميورة
ميار.. سكرت الباب ، انا بخيير وانتي شنجوك ❤
أية.. الحمدلله❤
إياد.. اححم واني مفيش كيف حالك ياوخي الغالي ولا كيف ؟☻☻
ميار.. في قهرتك زي الجن مايصيرلك شي خش خش ?
إياد.. ههههههههه كلبة
وطلعت ع حسهم امهم ، استقبلتهم وفرحت ب أية هلبا ❤❤ ومشي اياد لداره يبدل ويلبس حاجة مريحة استعداداً للعصبان ??♀️??♀️ .. وأية خشت مع امه وخواته المطبخ تساعدهم في تحضير السفرة
أية.. سامحيني خالتي طبيت عليكم بدون سابق انذار ههههههه بس اياد اصر قالي مطيبة حاجة ضروري ندوق منها ? .. قالي اسسمها ، “وسكتت شوية نست الاسم “??.. صبعان ؟ صيعان … صص.. شني ؟
نجود.. هههههههههههههه عصبان ????? ياوخيتي عليها هادي حتى العصبان متعرفاش…..
واية ضحكت وتحشمت وقتلهم.. اول مرة نسمع بيه الحق…..ممكن كنا نديرو فيه زمان بس كنت صغيرة ومنتذكرش
امواج.. ههههههههه توا بما انك بتولي كنتنا لازم تتعلمي كل التطيب الليبي فروم A تو Z ??
واية حمرو خدودها وابتسمتلهم ??❤… نرفع حاجة معاكم؟
امهم…. هههههههه خلو البنت ف حالها وانتم كان تعلقو علواحد معاش ترخوه… هاكها بنتي ارفعي الصواني للطاولة مع ميار مابين ماكملت تسخين ❤❤
وحطت اية مع ميار ونجود الاكل علطاولة وكان في انسجام لطيف بينهم خلى اية تحس بلألفة والأُنس ❤…
وحطو كل شي وقعمزو يتغدو … وجي اياد ينشف ف راسه بمنشنف كان يدوش ولوح المنشف علجلسة لما شاف الغدي نحط وجي يجري ?
اياد.. ياكبددي ااااه مصاريني مرايفة علييك ياعصبان ??❤❤❤
امه.. شبحت للفوطة وقتله ، راك تبطل خصلتك الزفته هيا ??
اياد وهوا ياكل وفمه معبي.. يام توا عمري كله ندير فيها ولا ؟
امه.. اي?
اياد.. خلاص هدا الطبيعي من شن زعلانه ☻
نجود لأية.. هايهبلك هدا اكبر فوضوي فلتاريخ ره ???
أية.. هههههههه شكلي مش اني بروحي الي نغشيت فلشكل الجنتل هوا ?
إياد.. ابدا ?
اية.. هدا العصبان ؟
نجود.. اي دوقيه هايعجبك ?
وخدت أية نتشة منه وعجبها وقالت.. محلااه ، من شن يتكون ؟
ميار.. مصارين الخروف ^^
اية.. ??????
ورداته مكانه بكل لطف وبدون تعليق وماتو بالضحك كلهم ع منظرها ????????
وإياد ناض يتبرد وقالها.. هذا بالذات نبيه كل خميس وجمعه ف حوشنا ?♂️?♂️
واية خاطرها تمسح بيه بس سكتت ع خاطر امه ??
امه.. عادي قولي مافي خاطرك معاش برانية اني ??
امواج.. هزبيه عادي كلنا نهزبو فيه اصلا?????
اية.. هههههههههههه
وقعدو يهدرزو وهما ياكلو وصوت ضحكهم جايب لأخر الدنيا وامهم تحكي ف مواقف وفلايط اياد امتى كان صغير واية ميته بلضحك عليه ??
وبعد ماكملو ماكلة ؛ ناضو واحد ورا التاني يغسلو ايدهم… وقعدو إياد وأية ونجود مزال…..
غمز اياد لأية متع نوضي نبيك ❤ وهي فنصت فيه متع عيب مش قدام اختك ? لين اخته نفسها غمزلتها باش تنوض ??
وناضت أية ورا إياد غسلو ايدهم فلمطبخ وخش بيها للصالون ،
أية.. خيرك شن في ؟
إياد.. حني نخطبنا توا ولا ؟
أية.. يتهيألي اي هههههه
إياد.. بس ناقص حاجة وحدة ❤
أية.. شن هي ؟
وجثي اياد ع ركبته وطلع من ايده باكو صغير ❤ ….
إياد.. في حاجة كان خاطري نقولهالك من لما شفتك ❤ .. تتفكري مرة خبطتي في حد وانتي ماشية ف الجامعه ب امريكيا وكنتي مستعجلة….. مستعجلة لدرجة لميتي حاجاتك بسرعه البرق واتبخرتي فجأة بدون ماحتى تشوفي ملامح الي خبطك ؟ ….. هالشخص كان اني ❤
تفكرت الموقف بلفعل بس هيا فعلا معرفتش ان هوا الي خبطت فيه وقتها ❤
إياد.. لما خبطتي فيا سرقتي مني حاجة… سرقتيني من نفسي ❤.. كنت نسمع بلحب من اول نظرة وديما نقول كلام فاضي … ومتصورتش انه اني ف يوم ممكن نقع فيه ، بس انتي وبدون قصد منك خطفتيني ❤ …ماكنتش نعرف عليك شي … بس كنت كل مانشوفك نحسك حاجة مني ؛ كأنك انتي اني.. شفت نفسي فيك وف عيونك الخضر الي لما نشوفلهم نحس روحي كأني نشوف لنافذة تطل ع الجنة ….اني محبيتكش لحظتها بس … بس حسيتك مسؤولة مني.. حاجة اني منخلقتش الا لاني نكون معاها .. ونحميها..ونسندها..ونقويها❤
واية كانت تسمع ف كلامه ودموعها يصبو ❤
ولبسها الخاتم وضحكلها… وهي بدون مقدمات حضناته ❤ وقتله ، وانت كل حاجة كانت ناقصتني فحياتي ولقيتها ❤
ومسحلها دموعها و قالها خلاص… كمية الدموع الي تعيطي بيها تدير نهر ميسيسبي بحاله ?
اية..ضرباته ع كتفه ???? مبردك …
نمشو لمكان تاني شوية ❤ …. عند إيما ومحمد لينا هلبا مشفناش شن صاير فيهم ، تعالو نمشولهم نطبو عليهم ونفطرو عندهم ??♀️?
طبعا من لما ام محمد وافقت ان إيما تقعد معاها ؛ فلأول مكانتش تتعامل معاها ولا تكلم فيها بكل.. بس إيما ميأستش ❤..وقعدت تحاول كل مرة بطريقة جديدة تكسب ودها ومحبتها…. وبدت تتعلم ف اللهجة شوية شوية كليمات وهكي ههههههههه ..
ف يوم >> ..
ناضت إيما بكري مع ال8 لقت روحها مش جايها نوم ،ووام محمد واخته مزال راقدين
قالت تديرلهم فطور قنين❤ .. لبست قفطان عنابي طويل بليسيه ❤ ..وربطت شعرها ديل حصان ❤.. وطلعت لشجرة الجنان لقطت منه كم برتقاله قنينة ? ..
وخشت لبست مريلة المطبخ ودارت عصير برتقال فريش و كريب وبانكيك وفطيرة بلتفاح وكونتامينتال وعسل ❤…وحطتهم علطاولة ودارت القهوة لامه كيف ماتحبها ❤…
ناضت ام محمد من النوم علريحة ، وشافت صونية الفطور مشي ف بالها بنتها دارتها ، صلت وقعمزت تفطر ونادت ع بنتها مردتش ناضت تشوفها لقتها قاعدة راقدة ، عرفت ان ايما دارت الفطور مبتش تاكل قعمزت خدت القهوة وفتحت التلفزيون…..
جتها ايما مبتسمة …..
ايما… سباح الحير ❤ “صباح الخير ? ”
قتلها صباح النور بدون حتى ماتلتفتلها ؛
ايما شافت الفطور زي ماهو .. لماذا لم تتناولي الافطار ؟
امه.. شبعانه
وهزت ايما راسها ومشت من فم ساكت تقيم الفطور وتدخله المطبخ ،
وامه تشبحلها وساكته وقالت ف خاطرها ، هادي امتى تفد بروحها وتحل عن سماي ، خيرها معششة هكي ……
وناضت وراها للمطبخ تدورلها اي سبلة تعاركها عليها ……..
وهي نايضة رجلها التوت لوية قوية وطاحت علارض ؛ وجت ايما تجري ع حسها …….وناضت حتى بنتها وقامتها معاها بسرعه وساعدتها تقعمز علكنبة ومشت لدارها طلعت من شنطها صندوق اسعافات اولية وبدت تديرلهم فيها…..
وبعد شوية جو ١٠ دقايق هدت رجلها…….
ايما.. اتشعرين بتحسن ؟
امه..وهي شادة رجليها ، اي احسن …
ايما.. انه التواء بسيط سيختفي الألم حالاً
امه..وشن دراك انتي بالك صايرتلي اي مصيبة ولازم نعاين
ايما..لقد اخذت دورة اسعافات اولية واستطيع تمييز الاصابات من الجروح..ولقد التوت قدمك فقط ودليل على ذلك اختفاء الالم تدريجيا لو كنتي تعانين من كسر لن يهدأ الالم قط بل سيتزايد …..
وبدي ام محمد قلبها يرق ليها ❤ .. فلاخر هي ام ..والام قلبها يحن لأي حد يعاملها بحنية …ويهتم بيها…وهي فلاخر بشر زيهم….وتحس …علاش منعطيهاش فرصة حقيقية…مش باش نرضي ولدي ونطلع فيها علل باش نرفض زواجه منها بدون مايناقشني……. وقررت المرة هادي تعطيها فرصة من قلبها…وتحاول تتقبلها مع انها مشافتش منها الا كل خير ❤
امه.. عزيزتي ، حدثيني عن اهلك
وايما طول جاوبت عليها متع ماصدقت انها بدت تدوي معاها ❤ .. وقتلها انه بوها طبيب وامها مدرسة تاريخ …. ❤
وام محمد نصدمت متقوقعتش يكونو اهلها متعلمين ويتشغلو أشغال مرموقة …
وبدت تتكلم معاها وتحكيلها ع حياتهم في امريكيا وان امها وبوها عاطيينها حريتها في حياتها الشخصية بس بحدود وهي مسؤولة عن قرارتها وهدا باش معترضوش على علاقتها بمحمد…..
وبعد شوية مع الظهر جي محمد وجت امل اخته عازمتهم امهم علغدي بما انه جمعه وهكي ❤❤❤ …
وتغدو وايما تحشمت تقعد مع محمد بروحها قدام العيله مع انها مستاحشاته بس احترمت انه عيب ف مجتمعهم ومبتش تديرها❤ ..
وهي تلم فلسفرة متع الغدي اذن العصر ناضو كلهم باش يصلو جماعه وقعدت ايما تغسل فلماعين …وطلعت تجيب حاجة من دارها وهي طالعة شافت محمد وعيلته يصلو جماعه فلمربوعه…والي خلاها توقف وتتفرج عليهم منظر الاطفال الصغيرين الي زعماتك يقلدو فيهم وهما يصلو بحركات لطيفة ومضحكة خلت ايما ابتسمت لجمال منظرهم ❤❤
ولما كملو جاها محمد ، وقالها خيرك تنتحتي?
سألاته إيما.. هل صلاتكم مفروضة ايضاً على الاطفال ؟
ضحك محمد بصوت عالي وقام ولد امل الصغير الي عمره ٣ سنين ع ذراعه…وقالها لا ، بس الاطفال بفطرتهم يحبو يقلدو الكبار ف كل شي يديروه حتى منغير مايفهمو معناه ❤ ..ويحبو الاسلام بلفطرة وكل مازيديو فلعمر يفهموه اكتر ويحبوه اكتر بس عن فهم وقناعة ❤
ايما…. wow , it’s very beautiful thing… they looked so cute ! ❤
“واو ، أنه شئ جميل جداً .. لقد بدو لطيفين للغاية ❤ ”
عند سارة >>>>
كانت سهيلة شبه كل يوم تنق عليها باش يهربو… بس سارة كانت خايفة من هروبها للمرة التانية شن هاتكون عواقبه ! وتخاف تكون وخيمة ومش قدها ……
لما كانت راكبة هي وسهيلة لغرفهم بعد ما كملو تطييب سمعو صوت صياح قوي جاي من الجناح الغربي للدار.. خلاهم غيرو اتجاهم ومشو باش يشوفو شن في !!
سهيلة… مش هادي ام براء التونسية !!!!
كانو في زوز رجال مسلحين يشدو في بنت صغيرة معاهم وهي تصيح وتبكي وتنادي ع امها…
وامها تشد في دراع بنتها وهي تعيط……..
امها.. اررجوووكم عاقبووووني انا بنتي مالييييهاااش ذنب…. انا الي رسسمتها الرسمة عيشش خووي ربي يخليييك خووودني انا متعاقبش بنتي
دفها راجل بسلاحه وطيحها علارض…… الي يغلط ف ارض الخلافة يتعاقب سواء كبييير او صغير !!!!! خودوها ……
امها.. ياششيخ هذي طفلللة طفلة الله يخليك خودني اني وخليها هي الله يررببحككك
البنت وهي تعيط.. ماماااااااا
وخدو البنت من امها في منظر يقطع القلب ومشو سارة وسهيلة يقيموها من علارض ويواسوها وهما مش فاهمين شي
ودخلوها لغرفتها وكيف بيسألوها شن صاير جتهم ام طلال …..
سارة.. اممم طلال باهي الي جيييتي في بنت صغير بكككل خدوها من امها وراسك تصرفي ….
وام البنت تبكي ومقالتش حتى حرف ….وناضت وعيونها حمر وقالت بصياح..حسسسسسبي الله فييييكم انتم ماتعرفووووش ربي تفففوه عليكم الله ياخدكم وهايجي يوم نخلص فيه من سجننننكم وعذاابكم …
وام طلال تجاهلتها بكل برود وشبحت لسارة وسهيلة وقتلهم ؛ انتو شن ديرو هني
سارة.. سمعنا صوت ال…..
وقاطعتها….. على غرفكم حالاً ،
سارة .. بسسس
ام طلال.. حالاً !!!!!
ومشو سهيلة وسارة وهما مش فاهمين شي وقتلها فلطريق…..
سهيلة.. شفتي الي صار !! قتلك حني مش ف مكان طبيعي لازم نهربو سارة … شفتي كيف قعدت تقولها هانهرب منكم ومن سجنكم !
سارة.. بس علاشششش خدو البنت الصغيرة حرام طفففلة شن دارت باش يعاقبوها في حد يعاقب طفلة !!
سهيلة.. متسمعيش فيها تقولها اني الي رسمتها الرسمة…….والرسم سكعت من ام سياف انه ممنوع في ارض الخلافة ،
سارة ….اني لازم نفهم كل شي من ام براء.. مستحيل يكونو شدوها لهدا السبب !!
سهيلة..ولو طلع هوا ! هانهربو ؟؟؟
سارة.. منعرفش نشوفو قبل ،
ومرو يومين وخلو لين الوضع هدي شوية ..وتسللو لدار ام براء بدون علم حد
وخبطو علباب متع غرفتها ولما فتحت ، لقوها في حالة يرثى لها عيونها معاش يبانو من كتر البكي …..
سارة.. تسمحيلنا ندخلو اختي؟
و وسعتلهم بدون اي حرف وخشو… ولقو رسومات مطروحة علارض
سارة.. حني شفنا الي صار يومها? قلبنا عندك
ام براء.. سلمك عيش اختي ؛ ام طلال عندها علم انكم هنايا ؟
سهيلة.. لا حني تسللنا ، كنا نبو نعرفو شن صاير ممكن تحكيلنا !
ام براء.. انتم قداش عمركم ؟
شبحو سهيلة وسارة لبعض بعدين قالت سارة.. حني الزوز 18
وغمضت ام براء عيونها في أسى تألمت لسنهم الصغير ?….وشن جابكم هنايا !
سارة.. موضوع طويل … ممكن تحكيلنا علاش خدوها بنتك ؟
ام براء دمعت عيونها وردت…لان اكتشفو انها ترسم ? كانت راسمة صورة ليها هي ومعاها ام واب ? والرسم ممنوع ف ارض الخلافة
سارة.. مستحييل سبب زي هدا يخليهم يعتقلو طفلة !!!!
ام براء.. هادووم مايعرفوش ربي كان يوم اسود يوم الي خطيت هني ياريتني متت ولاعشت هليوم ياريتني متت ولا خطيت هلمكان
خافو سارة وسهيلة وشبحو لبعض….
سارة.. علاش تقولي هكي ؟ مش هادي ارض الخلافة الي مبنيه علسنه والاسلام ومنهج السلفية ! ..
شبحتلهم ام براء بتوتر وعرفت انهم ماعندهمش اي فكرة علموضوع اساسا…وجت تعترفلهم بعدين خافت ….
سهيلة.. ممكن تحكيلنا قصتك ؟ و وين بو براءة ؟
ام براء… ابو براءة ، وضحكت بحسرة…منعرفاش مني?
سارة.. ارجوك احكيلنا قصتك… حني خايفات …. حسينا الوضع مش تمام هني خايفين يديرو فينا حاجة ?? …..
ام براء.. انتم شكلكم صغيرات ومشعارفين شي ، اني هانحكيلكم قصتي …….. ارض الخلافة… مش زي مانتم فاهمينها ..ولا زي مافهموكم ??
سارة .. شن قصدك ؟؟
ام براء… داعش اكبر تنظيم ارهابي مسلح فلوطن العربي?
سارة وسهيلة… شششششنو !!!!!!!!!
ام براء… زي ماقلتلكم … قصتي كلآتي ?
ح نرجعولهم ونحكيلكم قصتها شني ام براء هادي ❤
خ نمشو لمكان تاني قبل ? للثنائي الي كلكم تحبوهم ?❤
كانت اية تتفرج ع مسرحية العيال كبرت مع عمها شاهين ومرته وصغارهم واحفادهم والجو حلو وقنين ❤ ..
شرين تليفون أية وكان اياد ❤… ف ناضت ترد….
إياد.. الو حبيبتي ❤
اية.. يا اهلا ، خير ? قطعت عليا المسرحية لييه
إياد…. اوكين باي
اية .. لا اقعد نبصر ?
إياد.. لا ?
اية… ع خاطري ?
اياد.. استني نفكر ……….. برضو لا ?? ..
اية .. مبرد وجهك
اياد.. ههههه استاحشتك ؛ يومين متلاقيناش
اية.. هما يومين مش سنتين بلا جو زايد ?
اياد… ??..
اية.. تعالا عندنا نتفرجو ع مسرحية والجو قنين ههههههه
اياد.. ههههه لا اني بنقولك انه عيد ميلاد امي قريب ؛ وكنت نبي ناخدلها حاجة ونبيك تجي معاي ناخد بذوقك …..
اية.. بعيد ؟
اياد..لالا مش هلبا ،
اية.. به اوكي..
اياد…نجيك توا عادي
اية.. نسأل عمي شاهين قبل ??
اياد.. ??به بري فيسع ساعه تانية ونكون عندك
اية.. هههههههه تمام
ومشت اية قالت لشاهين وبلفعل بعد ساعه خطم عليها اياد ومشو لمحلات الذهب خدي هدية لامه تعليقة وخاتم…وطبعا ماصدق خدي فرصة يقعد مع اية بروحهم و قعد يلود بيها فلبلاد وخدو جيلاطي وقعدو يهدرزو ??❤
وخدت سيلفي هي وياه وبعتتاته لصحباتها الي لما عرفو بخبر خطوبتها هي وياه طارو من الفرح ❤ ونورهان لدرجة بعتتلها فويس بزغروطة مصرية ترن رنان وقتلها واخيييرا ياموكووسة ده انتي شيبتي اهالينا يخربيتك ?????
وهما يلودو بلسيارة اية لمحت جهة مألوفة ليها
اية..ايييياد ، اياد استنى ولي ……
اياد.. خيرك شن في !
اية.. غير ولي بس !
وسمع اياد كلامها ورجع وقعدت تقوله خش من هني ومن هني … لحد ماوصلت لزنقة ..ونزلت من السيارة كأنها مش مصدقة روحها ،
وتلفتت لأياد وعيونها معبيات دموع..
أية…….اياد ، هادي زنقة حوشنا ! ?..
وخشتلها وقعدت ماشية على رجليها واياد وراها ولما خشت الشارع بدت صور احداث الي صار ليلتها تتعاود قدامها …..
بس كل البيوت رجعت جديدة زي ماكانت…وتغير هلبا الشارع على قبل…وزادو عدد الحياش فيه اكتر .. الا بيت واحد مهجور ، الي كان في اخر الشارع من بعيد بكل …… قاعد حطام وركام كأنه بيت للأشباح…..
مشت بدون صوت لعنده ع رجليها وكأنه بيغمى عليها….. واياد ماشي وراها ومش قادر يقولها حاجة بس كان خايف عليها…
وأية اول ما وصلت لقدام حوشهم….. نادى عليها ولد صغير يلعب هوا وصغار الشارع….
…..هيييي انتي ! وين بتخشي عند بيت الاشباح !! ?
وشبحتله اية…. هدا مش بيت اشباح
رد ولد تاني.. لا هدا بيت اشباح ومسكون ماما ديما تقولنا محدش يخشله يخوف ☹ متخشيش انتي لاتاكلك الغولة…..
وكملت طريقها لحد باب الحوش….وفتحت الباب الي كان اول ماشداته طاح ع طوله ، وطلعت الغبرة
إياد.. اية شن بديري ؟
اية مردتش عليه ودخلت الحوش…مش مصدقة ان هدا حوشهم… هدا الي كان اجمل بيوت الشارع ، بدي فعلا… بيت أشباح ??
حست بروحها فقدت توازنها وبدون اي مقدمات……… غابت عن الوعي !!!
واياد مشي يجري قعد يفيق فيها وينوض فيها مبتش خاف لايكون صارلها حاجة ناض قامها بسرعه وحطها فلسيارة ومشي بيها ع اقرب مستشفى……….
هانختصر عليكم الاحداث….رفعها اياد لاقرب مستشفى وقالولة الدكاترة ان صارلها اغماء بسيط نتيجة ضغط علاعصاب ….
وبعد شوي استعادت وعيها كان اياد برا الدار يكلم في شاهين ويعطي فيه علم ب الي صار …… لقت اية في ايدها رقم تليفون…..ومكتوب عليه… اول ماتفيقي كلميني ضروري !!
طبعا شن قصة هالرقم…وشن الي صار لما أية كانت فاقدة وعيها ❤.. هدا كله هانعرفوه بسس ، فلحلقة الجاية ❤❤❤
يتبع ……….>>>>>>
#mera ❤
وان شاء الله تكون طويلة كفاية باش تعوضكم والاهم من هدا كله تكون عجبتكم ?
#تعديل ??♀️ مش مسامحة كل من يقرا بلا لايك .. تفاعلو لا نكتئب تاني ?