رواية “أحمل قلبك .. أينما ذهبت”

الحلقة التاسعة ~ ??

ام سمر….يا جمماعه يلااا الفطور جاااهززز

ومشت تجري أية ونفسها مفتوحة هلبا علأكل ??

اما اياد ف كان شاد ورقة ف ايده ……. الورقة هادي لما رفع الساعه للصايغ باش يغير البطارية كان لازم يفك الغطاء متعها……. و اول مافكه طاح منه ورقة مطبقة بشكل صغييير جداً جداً ؛ … طبعا الصايغ معطاهاش اي رد فعل ومدها لإياد وكمل شغله ….. بس لما إياد فتح الورقة استغرب من الي فيها……..

كان مكتوب رقم تليفون من ليبيا وخط كأنه كان مستعجل ، والي زاد خلاه يستغرب ان لما فتح الساعه كان مكان البطارية فاضي اصلا ومفيش حتى بطارية قديمة باش يبدلها بوحدة جديدة !..

يعني الي حط الورقة كان قاصد ان الساعه تبدا واقفة باش الي يلبسها يضطر يحطلها بطارية ويفتحها ويشوف الرقم ، وبما أن الساعه هادي كانت لبو أية ؛ فحسب ماحكتله اكيد في قصة …..واكيد بوها كان يبيها تعرف حاجة معينه ، واكيد الي يبيها تعرفه ليه علاقة بسبب موته….

قعد يفكر كيف يفاتحها فلموضوع وهي بمجرد ماتسمع سيرة اهلها بس تتأثر وتنوض تبكي ، وقعد يخمم زعما يكون لمن الرقم هدا ؟ ………

أية.. إيااد هيا الفطور
إياد.. هيا جاي ، ومشالهم لصونية الفطور طبعا معرفتكمش الحلقة الي فاتت بعيلة سمر ?

سمر أمها وبوها الزوز عايشين امها اسمها مريم وبوها مُهاب….

وعايش معاهم جدهم في نفس الحوش ابو امهم ، اسمه حكيم

عندها أربعه خوت وهيا خامسهم ،

خوها الكبير حيدر عمره 26 سنه مش متزوج

وهي بعده فلترتيب……. وبعدها سماهر عمرها 18 سنه….

وبعدهم خوتها الصغيرين فهد 13 سنه وسندس 10 سنين

يعني زوز ولاد (فهد وحيدر ) ..و3 بنات (سمر وسماهر وسندس )

باش متريحوش ?

بوهم “مهاب” لإياد…… اقعد يا ابني كلك لقمة مشان ترم عضمك ، لازم تعوضو المجهود الي بذلتوه فلسفر

أمهم “مريم”… اي معو حق ?? .. شوف هادول اكلات عندنا بسورية بنعملهم لازم تدوق منهم كككلهم … هاي مناقيش بالزعتر وهادول فطاير بلجبن عملتهم خصيصاً مشانك انت وأية …. ❤❤❤

إياد… ههههه ايي حاضر ماشاء الله هوا الريحة بس تخليك تجوع ؛ ولا يهمكم اعطوني ربع ساعه ونمسحلكم السفرة مسح ??

وضحكو كلهم ???? …..

حيدر.. ايي صحة يابطل ؛ اي احكيلنا ، شو موضوع شغلك هاذ ؟

وبدي يحكيلهم إياد عن طبيعة شغله وكيف يتنقل من مكان لمكان ويبعت للوكالة الشغل بلإيميل…..

جدهم “حكيم ” .. يعطيك العافية يا ابني ، قليلين بيشتغلو بهيك مجال … منغير انك بتأدي وظيفتك إلك اجر كبيير عن الله ، و واضح انك زلمة وشهم وقدا وقدود

إياد… هههه تسلم جدي هدا من دوق حضرتك …

حيدر …بس شو خلاك تشتغل بوكالة امريكية ،؟
إياد.. لان نسبة القراء والمتابعين ليهم كبيرة هلبا ومش من امريكيا بس .. يعني توصل لعدد كبير من السكان فلعالم ، واني ميهمنيش هي من اما بلاد بس نسبة الوصول عالية هلبا عندهم واني نبي الي ننقله يوصل لاكبر عدد ممكن واكبر تغطية للناس ،

اية.. هههه بابا كان كاتب صحفي حتى هوا.. الله يرحمه ❤
إياد ..بالحق ،؟؟
أية…اي ..❤

وكمل ماكلته وجي يستأذن ؛ وقال يكلم اية ع جنب ويحكيلها الي صار وبعدين يتوكل …….

إياد… اية ممكن كلمة ع انفراد ؟ وشبحت أية للكل وتحشمت شوية ؛ وغمزتلها سمر متع نوضي مش وقت تناحتك?

أية.. لحظة هي جاية … ومسحت فمها وإستاذنت منهم ولحقاته ….

ام سمر لسمر بصوت واطي… هوا في شي بينهم ؟ مخطوبين مرتبطين شي ؟
سمر… لا بس رح يكون في عن قريب ?? إياد معجب بأية وبدو يصارحها عن قريب ويخطبها … بس ماتقولليييي اني خبرتك

طبعا سمر وامها كانو قريبات هلبا لبعض ويحكو لبعض ف كل شي تقول خوات ?? ….

ام سمر.. الله يحميهم ويكونو من نصيب بعض… شو لابقين لبعض واياد مبين زلمة كتير منيح ومهذب ? …

وأياد واية وقفو بعيد عليهم شوية ف مكان مداري

أية..خيرك شن في ؟

إياد.. نبي نحكي معاك ف موضوع قبل لانمشي ؛ الساعه …..

أية ..خيرها

اياد.. الساعه مكانش فيها بطارية من الاساس ؛ ومكان البطارية لقيت الورقة هادي ” وطلعهالها” مكتوب فيها رقم تليفون من ليبيا منعرفش متع مني …..بس قلت نقولك اكيد المرحوم قاصد يدير حركة زي هادي باش اي حد ياخد الساعه يغيرلها البطارية ويفتحها يلقاها…. واكيد متأكد انه الي بيفتحها انتي ولا ، وسكت شوية باش ميجرحهاش ؛ خوك … بما انه عطاهالكم قبل لايموت ……

واية سكتت وخدت منه الورقة وعلامات الاستفهام فوق راسها ونزلت دموع من عينها لما شدتها ؛ وقعمزت علكرسي وغطت وجها وبدت تبكي

إياد طبس وحط ايده علي كتفها….لاااا أية بالله عليك الله يربحك متبكيش ? .. متخافيش اني معاك ، معاش تبكي وخليك قوية باش نقدرو نفهمو شن قصة الرقم هدا… بس لازم تتحكمي ف اعصابك وتقوي قلبك باش نقدرو نتصرفو

أية وهي تبكي… اني … حلمت ببابا… حلمت بيه يقولي رجعيلي حقي ??

إياد.. تعرفي لما تحلمي ب حد ميت يقولك هكي شن معناها؟

أية … شني

إياد.. يعني هوا مش مرتاح ف قبره…ومقتول ظلم ، ويبيك انتي ترجعيله حقه

أية.. بسس اني كيف هانرجعوله ! شن بايدي نديره !! منقدرش ندير حاجة اني عاجزة ومعنديش حد ننسد عليه ومعنديش حد يكون معاي باش يساعدني …..!

إياد….. اني معاك
أية……..
إياد.. اني معاك ف كل شي ؛ و أي شي ….وباذن الله لو بوك مات ظلم اني وياك هانرجعوله حقه ..ومش هانخلي شي يوصل فيك … وهانقويك لين نعرفو كل حاجة ، والرقم هدا بداية الخيط الي هايوصلنا للي نبوه ،
أية… انت ماشي توا كيف هاتساعدني
إياد.. هانمشي ونرجع المرة هادي مش هانتأخر؛ وعد … بس توا خلينا نتصلو بالرقم هدا ونشوفوه متع مني .. تمام؟
أية.. مسحت دموعها وابتسمت زي الطفلة ؛ تمام ??
إياد.. معاش تبكي ، باهي ؟
أية.. هههههه عندك علم عمري مابكيت قدام حد …. دموعي بروحهم مينزلوش ؛ اول مرة ينزلو بروحهم هكي قدام حد
إياد… ههههههه well it’s a good sign ?
قالها هادي علامة كويسة ? “”

~~~~~~~~~~~~~~~~~~

لما خدت حنان العنوان من مشرفة الملجأ وقفت تاكسي وجرت بيه عالمكان الي قالتهولها طول …..

و اول ماوصلت قلبها قعد يدق فيسع وكأنه بيطلع من مكانه… قعدت تشوف للحوش من برا وتدعي ربي تلقا الي تبيه فيه <span class=”_5mfr”><span class=”_6qdm”>?</span></span>…… خبطت علباب ، وقعدت تخبط تخبط محدش فتح ….. صارلها يأس وإحباط شديد وكيف تلفتت بتمشي فتح الباب ……..

فتحلها راجل … تفضلي ياحاجة
حنان وهي ترجف وخايفة… لو سمحت ، عيلة ال***
راجل… لالا غالطة
حنان… نصدمت وشبحت للورقة تأكدت …. كييف بس هدا العنوان الي عطتهولي ……
الراجل..وريني ترا ؟…… ااه بالك هادم الناس الي كانو ساكنين قبلنا هني ، حني جينا من كم سنة هني وفي قبلنا كانو عيلة تانيين بس حولو وطلعو برا طرابلس

حنان… أحبطت ونقطعت اخر ذرة امل ليها…. شن بيطلعها برا طرابلس توا وهي خطوتين مش قادرة تمشيهم <span class=”_5mfr”><span class=”_6qdm”>?</span></span><span class=”_5mfr”><span class=”_6qdm”>?</span></span>….. وقالت ف اخر محاولة يائسة ليها…. به متعرفش عنوانهم بلتحديد وين ؟
الراجل.. اسف والله معنديش اي فكرة
حنان.. تمام شكرا
الراجل.. العفو ، وخش وسكر الباب….. اما هيا رجعت لسيارة التاكسي ورجعت لحوشها بعد محاولة فاشلة منها …..

بس ياترى الي تدور فيه شن علاقته بروايتنا ؟ ومن تكون المرا هادي ؟ …..هاتعرفو مع الاحداث <span class=”_5mfr”><span class=”_6qdm”>?</span></span>

نمشو لمكان تاني >><span class=”_5mfr”><span class=”_6qdm”>?</span></span>

عند إيما……. كانت راقدة لحد ماجت نوضتها امل اخت محمد بعد ماسقدت صغارها من المدرسة الساعه ٩ الصبح ………..

أيما… صباح الخير <span class=”_5mfr”><span class=”_6qdm”>?</span></span> اعتذر اعتقد انني نمت زيادة عن اللزوم …..

أمل.. ليس عليك ، استيقظي علينا الذهاب الى مكان ما …
إيما.. الي اين ؟ …
امل….. سنذهب الي طبيبة نسائية ؟
إيما.. لماذا ؟ هل انتي مريضة ؟ اتريدين ان اجلب لكِ دواء ؟
أمل.. لا انا بخير فقط تعالي معي ،

.طبعا الحوار بلانجليزي وانا ترجمتهولكم طول <span class=”_5mfr”><span class=”_6qdm”>?</span></span> وناضت بدلت ايما وهي مش فاهمة شي بس مشت معاها……..

ولما وصلو غادي اتصلت ب أمها…. ايوا ماما اهو حني فلعيادة توا
أمه.. اي ديري زي ماقتلك وبلغيني ب الي صار ؛ باش نفتك من هلجيبة الشومة هيا قال من عيلة محافظة قال…. توا نوريه المحافظة شن شكلها !

امل.. تمام ماما دورنا جي نكلمك بعدين توا ؟

إيما بكل براءة وهي مش فاهمة شي برضو <span class=”_5mfr”><span class=”_6qdm”>?</span></span> … هل والدتك مريضة وبالداخل ؟
أمل.. لا .. دعينا ندخل وستفهمين كل شيئ

ورجعت سكتت تاني ومش عارفة شن يبو يديرو

وقعمزت إيما وامل علكرسي ورحبت بيهم الدكتورة…….

الدكتورة.. تفضلي لاباس ،
امل.. لو سمحتي نبيك تديريلي كشف علأنسة ..
الدكتورة.. كشف شن بالتحديد ؟
أمل…سكتت شوية وقتلها بصوت واطي……..

الدكتورة.. تمام ؛ تفضلي معاي
امل.. متدويش عربي
الدكتورة….come with me please ?

إيما.. ماذا يحدث ؟ ماذا ستفعلون بي ؟
أمل… فقط اذهبي معها ……

ولما فهمت ايما شن يبو يديرو فيها نزلت دمعة على خدها و وجعتها روحها وحست بلأهانه ? وخشت معاها مغصوبة ع امرها …..

وبعد ماطلعو من الكشف ساوت ايما حوايجها والدموع يصبو منها زي النهر بدون اي صوت بعد مانجرحت كرامتها ….. وقعمزت جنب امل منغير حتى ماتشوفلها……..

امل.. شني يادكتورة ؟
الدكتورة…………

وبعد ماطلعو من العيادة وايما طول الوقت ساكته ومقهورة ع روحها…..ومش عارفة تقول لمحمد ولا تسكت

وفلسيارة اتصلت ب امها….

امل.. بصوت حزن ، ايوا ماما
امها.. ها طمنيني ؟
امل.. للاسف ، البنت طلعت نظيفة
امها.. يعني بنية ؟!
امل.. اي ؛ هدا كلام الدكتورة ……..
امها.. زمرر عادد كيف بنخلصو منها هادي

وايما متلفته للروشن وتبكي منغير صوت ؛ وقالت ف خاطرها لو اهلها عرفو بللشي هوا مستحيل كانو يوافقو على علاقتها بمحمد ? وقررت متقوللهمش …..

ولما روحو للحوش خشت ايما لدارها من غير اي صوت وبدت تبكي لحد ماهدت ، ورن عليها محمد…….

محمد …. الو حبييتي ? كيف حالك
إيما.. حاولت تبين صوتها طبيعي ، انا بخير ? كيف حالك انتِ ؟
محمد.. بخير حال … كيف كان يومك
إيما.. كلعادة لا جديد ،
محمد.. مابه صوتك ، هل كنتي تبكين؟
إيما.. لا انا بخير ، ماذا تفعل
محمد.. لا تغيري الموضوع ؛ مابكِ ؟
إيما … سكتت شوية وبدت تبكي ،

وحاول يعرف منها خيرها قتله مفيش حاجة غير مضايقة شوية بس ؛ وهوا طبعا مصدقش كلامها …وحس في حاجة سايرها وقالها باهي …واول ماسكر خدي مفاتيحه ومشالها ،

~~~~~~~~~~~~~~~

إياد.. هي اتصلي
أية .. خايفة
إياد بإيتسامة حنونه منه.. متخافيش ? اني معاك

واتصلت بالرقم ورد عليها……

أية.. الو ؛ السلام عليكم

ورد عليها راجل واضح من صوته انه كبير شوية فلسن

الراجل..وعليكم السلام ؛ من معاي ؟
أية … توترت ومعرفتش شن تقول ؛

إياد بصوت واطي ، أساليه عن اسمه ….

اية.. ممكن نعرف اسم حضرتك ؟
الراجل.. يابنتي انتي الي طالبة من تبي ؟

واية شبحت لإياد معرفتش شن تقول …. قالها قوليله لو يعرف بوك !

أية …. به لو سمحت بنسألك ، تعرف حد بإسم الصادق بلخير ؟

والراجل سكت شوية لما سمع الاسم ورد بحدة.. من انتي !!

أية… انا …… انا بنته ؛ ممكن نعرف لو حضرتك تعرفه ؟ لان اني….

وقبل ماتكمل كلامها رد عليها بصوت واحد مش مصدق روحه ……..انتي بنته !!!! انتي بنت صادق !!! قاعدة عايشششة !!!!!!!!

أية.. بدت تبكي وردت عليه ، انت تعرف بابا !

الراجل بصوت متأثر… شن اسمك يابنتي وكيف قاعدة عايشة ! انا عمك شاهين صاحب بوك يابنتي ….

اية بصدمة.. عمي شاهيييين !!!!!

كان شاهين صديق عمر بوها وكان ديما يجيهم وهما صغيرين ، وبوها يعتبر فيه خوه ….. لانه معنداش خوت ولاد وكانو هلبا قراب من بعض

واية ناضت تضحك وتبكي ف نفس الوقت وتشوف لإياد كأنها لقت كنز كبييييير ف حياتها…… وكأنها لقت طوق النجاة الي هاتتشعلق بيه فلدنيا ❤

أية وهي تبكي وتقول حرف وترجع تبكي… عمي شاهيين اني أية لو تتفكر فييا … اني لقيت رقمك في ساعة بابا الله يرحممه …مشش مصدقة اني نكلم فيييييك والله ….اني … قعدت بروحي وتبهدلت فلغربة ياعممي ياريتني عرفت نجيك يومها ره مصارش فيييا هدا كله

شاهين.. حققك عليا يابنييييتي اني دورت عليكم كلكم ونحسابكم كلكم ميتين ؛ والله اني الي لو نعرف انك عايشة ره طول خديتك تعيشي معاي ومخليتيش سو يمسك يا غالية يا بنت الغاالي … انتي وين توا طمنيني عليك مع من عايشة وكيف عايشة !

أية.. هههههه اني توا في سوريا ياعمي ؛ وكنت ف امريكيا مشيت لعمتي غادي واحد ساعدني باش سافرت وقعدت غادي منها..وجيت سوريا مع صاحبتي من يومين ………

شاهين بصوت واضح انه يبكي.. سامحيني يابنتي كان لازم نبدل جهد وندور عليكم اكتر .. في هلبا حاجات لازم تعرفيها على بوك ……. اني متأكد ان هدا السبب الي خلاه يحط رقمي فلساعه ؛ لانه متأكد هايدور الزمان وتوصلي فيا مكانش يندري ان الموضوع بيتأخر كل السنين هادي لين فقدت الامل اني نلقى حد فيكم عايش…. لقيت جثة بوك وخوك….ودفنتهم….. اما امك وانتي فص ملح وداب …….وبدي يبكي فلتليفون لما تفكر الي صار مع صاحبه ؛ لانه كان أكتر من حتى أخ ليه ??

أية … عمو شاهين انت وين ! قولي شن صار مع بابا اني تعبت كل السنين هادي ومحتاجة إجابة لكل الأسئلة الي في راسي …….. ارجوك ريحني وقولي شن صااار ،

شاهين… مش هاينفع علتليفون لازم نشوفك ونحكي معاك وجها لوجه….. حاولي تجيني

اية..نجي ليبيا !!

وكيف بتقول مش هانقدر سكتها اياد وقالها وافقي…….

أية.. تمام عمي ، هانحاول نجي بإذن الله

شاهين.. الله يفتح عليك يابنتي ، بجد مش متصورة قداش مكالمتك فرحتني وردت فيا الروح… في هلبا حاجات لازم تعرفيها ومن حقك تعرفي سبب الي صار معاك وتفسير كل شي.. بوك انقتل ظلم يابنتي ……….انقتل باش يسكتوه علحق ،

يتبع…….>>>>>>>>>>>

#mera ✨?

طبعا اول شي محدش يقولي قصيرة لان الانسة اختي زلبحتني باش نكتبها ومدارتش المطبخ وانا هدا الي لحقت نكتبه للأمانه باش منخليكمش تستنو ههههه وبعد ماتعطو رأيكم فلحلقة وتقولولي شن متوقعين للاحداث هزبوها شوية فلتعليقات ?❤❤

وتوا خ نمشي نقرا قرآن ونتلاقو في موعدنا ((بعد غدوة ))? باش تجيكم طويلة وهكي ??‍♀️

واهو جبرت بخاطركم اجبرو بخاطري حتى انتم وتفاعلوا ???