رواية “أحمل قلبك .. أينما ذهبت”
الحلقة العشرون ~ ??
?《الأخـــيـــرة》?
((الجزء الثاني))
اول مانزلو من السيارة….. جرت ملك ع حضن اختها ❤ وقعدو الزوز يبكو ❤ … بس مش دموع حزن ، دموع فرح ❤ وحاجة فوق الفرح ❤ ..
ملك .. هدا حوشنا ؟
اية.. اي ❤
شرينو علجرس وهما شادات ف ايد بعضهم❤ …
واياد وراهم ❤
واول من فتح الباب كانت ميس ؛ شبحت أية واياد ومعاهم ملك قعدت تنقز زي العيل الصغير وتنادي ع امها وبوها……..❤❤
وجي شاهين يجري كأنه طفل ودبت فيه الروح وخدي ملك بلحضن ودموعه مبطلوش نزول……..
شاهين…. واخيييرا لقيييناك يابنيتي…… واخيرا ربي فرحني بشوفتكم مع بعض يابنات الصادق… اخيرا ربي كتبلي عمر نعيش فيه لليوم الي نشوف فيه بنات اغلى انسان ف حياتي ??
وقعدو الكل يسلمو عليها بحرارة وهي ماتعرفش حد فيهم بس كانت تبكي وفرحانه ان في ناس تحبها هكي من غير حتى ماتشوفها وتعرفها ❤❤❤❤❤
وخشو وسمية وميس يزغرطو وراهم …….❤
شاهين لسمية… كلمي ولدك غدوة يجيب خروف يدبحه ويصدق بيه علناس ❤❤❤
واعزمي كل الناس والجيران واعزمي كل العيله نبي غدوة الشارع كله يعرف بنات الصادق رجعو ❤❤❤❤ …. هانديرو حفلة على شرف هلأميرات الزوز ❤❤❤
وملك وأية يشبحو لبعض وفرحانات ……
شاهين…. قعممزو قعمزو .. ارتاحو اكيد تعبانين … اني بنمشي نصلي.. بنصلي ركعتين شكر…. ونحمد ربي ع رجوعهم ليا الزوز بالسلامة ❤❤❤❤ هدا حوشك يابنيتي خودي راحتك
وخش وهوا يمسح ع راسه ومش مصدق نفسه من السعادة الي هوا فيها حاس نفسه كأنه بينشل…. صلى ركعتين شكر ودعي للصادق وعيلته بلرحمة……. بناتك رجعو والتم شملهم ياصاحبي ❤ واني نوعدك هانعوضهم ع كل حنانك الي فقدوه ❤ الله يرحمك ويوسع عليك دنيا وآخرة
وخشو ميس وامها يجيبو لملك حاجة تشربها…..واياد مشي يتكلم فلتليفون باش يطمن عيلته ومحمد ❤
ملك قالت بصوت واطي لأية ؛ من هدا ؟ مش بابا ؟
أية.. هههه لا ؛ مش بابا ❤ .. بس هدا عمك شاهين صاحب بونا الروح بالروح…وكانو الزوز زي الخوات واكتر…..
ملك.. به حني علاش مروحناش لحوشنا ؟
شدت أية ف ايدها بحنية وقتلها… نوعدك اول ماترتاحي نحكيلك كل شي❤ .. بس هدا اعتبريه حوشك ❤ وعمي شاهين اعتبريه بوك ❤ .. لانه اكتر من هدا كله بالنسبة لينا ❤
ملك هزت راسها وقعدت وقعدت تشبح للحوش بعيونها زي طفل يستكشف ف مكان اول مرة جديد عليه… وقالت لأية ؛ اني وياك نشبهو هلبا لبعض ههههههههه
اية.. هههههههه اي ❤ بس انتي مزال احلى مني ياروحي ❤
وقامت ملك ايدها الي كانت كلها متقشفة من غسل الماعين والتطيب وقتلها…. ايدي زي الفلبينيات بالله هههههه اما جمال هدا ….
أية..وتوا هاتعيشي زي الاميرات ❤ وهاتنسي هدا كله
ضحكت ملك وكشفت عن جمال ابتسامتها الي كانت قريب تنساها وتنسى شكلها ❤
ملك.. اني وياك لمن نشبهو ؟! ماما ولا بابا !
وردت عليها سمية وهي جايبة سفرة العصير…. تشبهو لميمتكم ❤
ملك.. بلحق ! ماما حلوة ؟
سمية… هههههه امك كانت ملكة جمال ❤ نفس العيون الخضر ..ولون الشعر.. والبيوضة ..وهلخشيم الصغيرون المقنش هوا ❤❤❤❤
وهني خش اياد وقال.. نعرف وحدة صدقت ف كلمة قالتها ? .. شكله من كتر ماعمي صادق حب مرته جو بناته الزوز نسخة مصغرة منها ههه❤❤
وأية شبحت لاياد وخطر ف بالهم نفس الشي ? وقعمز جنبها و وشوش ، زعما صغارنا هايبدو نسخة مني ولا منك ؟
واية ضرباته بحشم متع اسكت مش قدامهم?❤
ملك.. ههههه بس انتم علاش تتكلمو بصيغة الماضي عن ماما وبابا ؟
شبحت سمية لاية ودارتلها ب عينها شبحة متع تسكت… ف فهمت سمية انها متبيهاش تتكلم
سمية.. ههه اشربي عصير حبيبتي اكيد ريقك يابس ❤ ….
وشربت عصير وجي شاهين جنبهم والتمت كل العيلة بحداهم وشاهين يملي ف عيونه منهم الزوز وهما يهدرزو ويضحكو …❤❤
وملك متتكلمش هلبا بس كانت حاسة نفسها كأنها ف حلم ❤ .. وخايفة تفيق منه وترجع للواقع ?
ومر الوقت وتأخر و استأذن اياد باش يروح ، وكذلك ميس روحت لصغارها و ولاد شاهين روحو
أية… حتى اني تعبانة نحس ف روح
سمية.. متبيش تتعشو ؟
اية.. عن نفسي لا ؛ ملك ؟
ملك.. لالا شبعانه حتى اني ❤
سمية.. خلاص مالا خشو بنياتي ارتاحو ف دار ميس بنتي اكيد تعبانات
اية.. هيا ؟
ملك.. هي ❤
وناضو الزوز مع بعض للدار ❤ ،
اية.. استني نعطيك حاجة تلبسيها من عندي ❤
ملك.. اوك ، كنت نبي ندوش بس تعبانه جسمي مكسر
اية.. خلي غدوة عادي ، …
وعطتها اية بيجامة من عندها ، وكيف ملك بتبدل مقدرتش حست بوجع
اية.. خيرك ؟
ملك… لا شي غير ضهري يوجع فيا شوية
اية.. خيره طحتي عليه ؟
ملك…….
جت أية قامتلها التيشرت من تالي وشهقت ع علو حسها… هدا شششششن !!!!! خيره ضهرك هكي ؟؟؟؟؟ من ضربك عليه !!!!
ملك.. خلاص اية لو سمحتي مش حابة نفتح الموضوع
أية.. شن نسسكت تي ضهرك شوارع كله جررووح وملتهبات لازم تمشي لدكتور يعالجهملك !!
ملك..توا يمشو بروحهم عادي….
ورجعت لبست ولا كأن واية تبكي ومصدومة
متوقعتش انهم يكونو معذبينها حتى التعذيب ?…. والبرود الي فيه ملك غير طبيعي ? .. معقولة متتألمش ، وهي شافت المنظر بس حستها فسط قلبها ? …
ملك… ماخلاص بقى ? ، قالي اياد فلسيارة انك عياطة هلبا
اية.. هههه هوا قالك هكي ؟
ملك.. اي
اية.. شن دارو فيك غادي ؟ احكيلي حياتك كلها شن صار فيها … شن صار معاك كل ليلة ?
وجت ملك حطت راسها علي اختها… شفت حاجات مش حلوة ? .. بس تعرفي.. اني فرحانة توا ، ومنبيش نتكلم فلحاجات هادي تاني باش منضايقش ،
اية.. اوك ? .. تعرفي واني فرحانه اكتر منك ? .. كنت نستنى فيك بللحظة والدقيقة لما امي كانت حامل فيك
قامت ملك عيونها وشبحتلها والهالات السوداء الي كانت محيطة بخضار عيونها الهادي ?….وين ماما اية؟ علاش متبيش تجاوبيني؟
اية.. مش قلتي انك فرحانه توا وماتبيش تحكي ف حاجات تضايقك ؟ حتى اني زيك
ملك.. به اوعديني تحكيلي كل شي
اية..وانتي اوعديني تجي معاي للدكتور غدوة يعالجلك جروحك ويطهرها
ملك.. ههههه تم ؛ يا اختي ❤
اية.. باستلها راسها، تصبحي ع خير كوكتي❤
ملك…. هههه وانتي بخير أوشتي❤
ورقدو الزوز جنب بعض وايديهم ف ايدين بعض بعد يوم طويل ومرهق بس نهايته كانت أكتر من جميلة ❤ ..
وتاني يوم خدتها أية علدكتور كشف عليها ودارلها تشك ع صحتها وداوالها جروح ضهرها وقالها تغير عليهم كل يوم لان الجرح ملتهب ويبي عناية ……
ومر اسبوع هادي وهاني على اية ارتاحت فيه نفسياً وكذلك ملك الي كانت مقضية اغلب وقتها فلنوم كأنها مرقدتش فحياتها بكل من الارهاق والتعب ❤…..
وكلمت اية صحباتها وحكتلهم ع كل شي وكانو فرحانين اكتر منها ونورهان قعدت تزغرطلها فلتليفون ❤ ….
ولما كانو ملك وأية فلجنان يهدرزو ويضحكو ؛ اتصل بيها اياد ❤ ..
وقالها تبلغ ملك انهم قدرو يهربو سهيلة وهي حاليا ف مصر تبناها راجل طيب ومرته واول مايبدا عندها تليفون ونت هاتتصل ب ملك ❤..
إياد… شنو يامصلحجية ، خلاص من شاف احبابه نسي صحابه ?
اية.. ههههههههههههه اي بصراحة ..
إياد.. به انتي مستاهليش بس عندي ليك مفاجئة
اية.. شن هيا !
اياد.. لازم تمشي معاي باش تشوفيها?
اية.. غييير هييا مبردك والنبي شن هيا
اياد.. ههههههه اني كلمت عمي شاهين وقتله اني جاي نرفعك ؛ وتي روحك
اية.. ياعيني انا صاحبة الشأن وأخر من يعلم ?
اياد.. هههههه وتي روحك ١٠ دقايق ونخش زنقتكم اهو ،
اية.. ههههههههه تمام هي ؛
وسكرت ،
ملك.. امتى بيجيك ?
اية.. ههههههههههه ودنك ماشاء الله
ملك.. ههههههه شكله يحبك هلبا ❤
اية ..وانت ياجميل معملتش جوو قبل كدة ? ..
ملك.. نكرهم الرجالة ، نخاف منهم
اية.. هههههه فكرتيني بوحدة كنت نعرفها ?
ملك.. من ?
ومكملوش كلمتهم الباب خبط ، فتحت لقاته اياد ? .. شبحت للتليفون وقتله.. من امتى ال10 دقايث يتمو ف دقيقة ؟.
اياد.. ههههههه احني ف عصر السرعه ? هيا فيسع بنتأخرو….
اية.. اوووك ، كوكا قولي لعمي شاهين اني مششيت بااااي ❤❤
ملك… باي ❤❤❤
ومشت اية وخشت ملك الداخل تهدرز ع سمية ، بدت ترتاح وتحس انهم كأنها عيلتها حق ❤ … بس مش عارفة علاش اية ماتبيش لحد توا تحكيلها وين اهلهم الحقيقين?
أية.. وين بترفعني !
اياد..صبرا صبرا
اية .. مطعم ؟
اياد.. لا
اية.. به ويييين ?
اياد.. ضمي فمك لانردك الحوش ،
اية ..واااكك منك اهو سكتت
وقعد يسوق ويهدرزو لحد ماوصل لنقطة معينه قالها …هاكها اربطي هادي ع عينك ؟
اية.. علاش ؟
اياد.. يييي علينا ?♂️
اية.. اها ربطته …
وكمل اياد سواقه لحد ماوصل للمكان ونزلها ع رجليها وقعد يمشي فيها والفروخ متع الشارع يضحكو عليها ? ..
كان في صوت دق وتخبيط وناس
اية… صوت شن هدا ؟؟
اياد نحالها الرباط وخلاها تشوف ❤
واية فتخت عيونها ع وسعهم مش مصدقة الي تشوف فيه…
اية.. هدا حوشششنا !!!!!!
إياد… ههههههههه لا حوش بوي ،
جابها لحوشهم القديم الي كانت عايشة فيه وهي صغيرة مع اهلها ❤ ..وكان جايب فيه عمال يعيدو ترميمه ويعاودو يصلحوه ويرجعوه كأنه بيت جديد ❤
وأية خشت تجري واياد قعد واقف برا وقعدت تتفرج علعمال ف كل مكان وهما يشتغلو ويزوقو ويكسرو ويبنو وكل واحد يدير حاجة ❤…….
طلعت لأياد تجري وطبطاته وهي عيونها مدمعات من الضحك……❤❤❤
اية.. اني نحبك والله نحبك ❤
إياد.. هههههههه هدا بيكون حوشنا لما نتزوجو ؛ شن رايك ؟
اية.. شن رايي ! تبصر معاي انت !!!! مش مصدقة روحي بجديات… هانررررجعه زي ماكان زمان وهانرجع الورد زي ماكنا حاطينه انا وماما زمان وقولهم شجرة بابا محدشش يقربها والنبي ماتخليهمش يقطوعها…….
اياد.. قلتلهم من قبل ماتقولي هدا كان شرط عمك شاهين باش يوافق ❤
اية.. هههههههه قصدك يعرف !
اياد.. اكيد هوا الي خديت منه الإذن باش ندير هكي ❤ … وزي ماكان حوشكم زمان معبي بحب امك لبوك هايكون بعده معبي بحبي ليك ❤
اية.. ههههه قاعدة مش مصدقة روحي ، تعالا ….
وخداته من ايده ولفت بيه للجنان من تالي ؛ كل الغرس مات بس الشجرة الكبيرة الي كان بوها مهتم بيها كانت قاعدة عايشة بمية ربي والمطر ❤…. كانت شجرة صنوبر كبيرة وعتيقة ومدايرة ريحة حلوة فلمكان ❤
اية.. هادي شجرة بابا ❤.. كان يحبها هلبا …..وحني صغيرين كتبو ماما وبابا اسمهم علشجرة وقالولنا حتى انتم لما تكبرو وتتزوجو هاتكتبو اسمكم واسم الي تحبوه علشجرة ❤❤
اياد…اعتقد لازم نكتبو حني شن رايك ?
وجبدت أية توكة من شعرها ونحتت اسمها هي وإياد علشجرة ❤
إياد…. شجرة الحب ❤
اية.. ههههههه اكزاكتلي ❤.. هي نرجعو منبيش ملك تقعد بروحها قاعدة مش متعودة عليهم هلبا
إياد.. تمام …
وركبو للسيارة وهما راجعين وجوهم حلو ويهدرزو ….
وفجأة ،،،،،،، قصت عليهم سيارة بلعكس خلت إياد يوقف ….هدا خير دعوته هوا !
ونزلو زوز من السيارة ملتمين وفتحو سيارة إياد وشدو أية ……………
اياد… ببببعد ايييييييدك عليها يااااكلب ويييين واخديييييننهااااا………
وهي تبكي وتصيح…. ايييييياااااد …..حولوووو خلوووونننني شششن تببوو مني
وهوا يضرب ف واحد منهم جي التاني ضربه ع راسه بلقوية خلاه فقد الوعي….
أية… اييييييياااااااددددددد….
وهي قاعدة تعافر فيهم باش يطلقوها شمموها منديل اغمى عليها وركبوها للسيارة ومشو ……
ناض إياد بعد ١٠ دقايق من الخبطة وراسه ينزف ومش فاهم شي من الي صار غير ان اية اختفت ?? ….وقعد يشوف فلسيارة برجله وعروقه بيطربقو وقعمز علارض ف نص الشارع يعيط… حس روحه ضعيف ومتكتف ومهزوم ومقدرش يدير حاجة ?خدوها منه قدام عينه …….. بس من الي هايكون خدااها ، من الي ليه مصلحة ف خطف أية غيره ?? …. ا. ن
ولع سيارته وطلع يجري لحد حوش شاهين وخبط الباب بلقوية قريب كسره…… فتحتله ملك ونخلعت لما شافت منظره..اييياد خيرك !!! أية وين ؟؟؟؟؟ مش مششت معاك !!!
وجي شاهين ع حسهم والدهشة على وجهه وقبل مايتكلم قاله إياد…أية خطفوها ياعمي ????خطفوها مني وقدام عيني
وناض شاهين يخبط ف راسه وسمية تلطم وملك زي الجماد واقفة لين نهارت بلبكي حتى هيا….واياد طاح ع ركابه ??
وبعد عشر دقايق لما فاقو من الصدمة كلهم…….
إياد…. اني ح نمششي نبلغ الشرطة
شاهين… اسستنى انت عارف من خاطفها !
إياد.. مفيش غيره ! أ.ن
ملك….. من أ.ن !!
شاهين……….
إياد.. اني ح نبلغ اي حد يجي يطلعها
شاهين.. به انت عارف هي وين !!!!!
إياد.. لا ??
وقعمزت ملك علأرض تبكي… بعد مافرحت بوخيتها وتجي ترتاح تنحرم منها مرة تانية ?? ..
وطلع اياد م الحوش زي التور الهايج مش عارف وين ماشي وشن يدير بس كان لازم يتصرف ??…. ملقاش روحه الا ويتصل بمحمد يبلغ فيه الي اول ماعرف سيب الي ف ايده وجي طول………
ملك.. عمي شاهين من هوا ا.ن ! وعلاش بيخطف اية اختي !!!!
شاهين.. في حاجات انتي مزال متعرفيهاش يابنتي ? .. مكانش لازم تعرفيها بلطريقة هادي
ملك..بالله عليك عمي قولي … به وين امي وبوي ! علاش ميساعدوش اية !!
شاهين…امك وبوك… ميتين يابنتي ?
ملك..ش ..شني ! ميتين ؟
شاهين… أ.ن هوا الي قتل امك وبوك ….وأية كانت عايشة ف امريكا برا وميعرفش انها عايشة ؛ وشكله توا عرف ?
ملك…علاشششش قتلهم ! شن يبي فيهم ؟؟؟؟؟ وعلاش خطف اية توا ؟؟؟؟ شن بيدير فيها ؟؟؟؟؟
وشاهين مكانش قادر يتكلم وخش لداره وسكر ع روحه قعد يبكي وقلبه محروق… بينما سمية حكت لملك كل حاجة ………
وملك اول ماعرفت عيونها بدو حمر ? ومعاش بدت تشوف ف شي قدامها….. ?? ….
سمية ..وراس بنيتي ماتزعلي انتي هني بنتي وبنت عمك شاهين وهوا ربي ياخد الحق فيه…ربك يستر ومايطلع هوا الي خاطف اختك?
ملك…واية شن دارت لما عرفت ؟؟
سمية.. مادارت شي لان حلفها عمها تبعد عليه وتنسى وتبدا حياة جديدة…. بس هوا الله ياخده عرفها عايشة مش هايخليها???
وقالت ملك ف خاطرها… قال ل اية .. مش اني ……………..حست بحاجات فيها تتغير من داخل طول الفترة الي قعدتها مع داعش ، حست قلبها يتحجر تدريجيا ويموت مع الوقت … كان عندها كمية غضب تمنت يكون عندها اي سلاح تضرب بيه وتطلع كل غيظها فيه ومتشوفش ف غير حد واحد قدامه… غير أ.ن !
~~~~~~~~~~~~~~~~~~~~~
فتحت أية عيونها بشوية لقت روحها ف مكان شبه مهجور ودار فاضية…..وشخص قاعد قدامها رجل ع رجل ويدخن …. كان شاب صغير فلعمر استبعدت انه يكون ا.ن ….. بس معرفتاش مني … ولاقدرت تتكلم لان كان مسكرلها فمها بطرف قماش ومكتفها فلكرسي…….قعدت تشبحله وتستنى فيه ينطق ولا يقول اي كلمة……….
لحد ماناض من ع كرسيه ولوح دخانه علأرض وقرب من وجها لدرجة المسافة بدت شعرة مابينهم ……..وقال ، اية الصادق بلخير…………
ومشي يلود فلغرفة وكمل….. ابنة الكاتب الصحفي الصادق بلخير…. ههههههه ، وقدم منها وقالها.. لكن تعرفي شن المشكلة يا اية؟
ان محدش قالي انك بلجمال هدا ❤ …. خسارة بوي زعلان منك شوية بس… كان هدا ره خليتك شوية تسلينا اني وياك ❤….
وأية قعدت تعيط وتضرب برجلها فلارض وتحاول تفك روحها …..
بدر… “ولد ا.ن” اشش اش اش … حرام هلعوينات يضايقو…. استني ، خ نساويلك هالشعيرات القنينيين .. في حد مهم هاتشوفي عيب يشوفك مريشة هكي ولا ؟ … تعرفي اني مني باهي ؟ اني بدر ، تعرفي ولد من ؟ ولد أ.ن
وقعدت أية تبكي ونحالها الواحد من ع فمها………… انيييي هانقققتلكككك انت والوسسخ بوووك … اقسسم بالله لما نخليكم تتمنو المموت… هانححححرق قلبكم زي ماحررقتو قلبي ع عيلتي .. حسسسبي الله ونعمم الوكككيييل فيكم…
بدر.. تؤتؤتؤؤ… مش لائق الكلام الي نسمع فيه علجمال هوا ؛ وكيف بيحط ايده ع خدها دفلت عليه …………..
بدر………………. مدلها كف يشرين تشرين…..وشدها من شعرها…. بتقعدي زي الكلبة هني لين يجي بوي ويشوفله صرفة معاك….ورماها من ايده وطلع وقربع الباب وراه ……..
~~~~~~~~~~~~~~~~~~~
واياد اول ماطلع من حوش شاهين مشي تلاقى مع محمد……….
محمد… به متعرفشش وين يشتغل !!!
اياد.. منعرفش يا محمد منعرفش.. نعرف مكان حوشه بس لان مرة مشيت جبت اية من عنده بس مستحيل يكون خداها غادي !!
وسكتو يفكرو لين قال محمد…. اسسستنى لقيتها ! .. أية عندها GPS ف نقالها !
اياد.. صح ! وهي متسكرش فيه بككل …
محمد.. تليفونها معاها ولا !
اياد.. اي كان ف جيبها اكيد معاها …
وطلع تليفونه بسرعه وفتحي يشوف الموقع متع أية وين ب الGPS الي مفتوح ف تليفونها…….وابتسم طول……..
اياد..لقيييته.. هيا نوض ، …
محمد… اسستنى ، مش هانمشو طول هكي ! … نعرف واحد يشتغل ف كتيبة لازم يكون معانا دعم …… مش هانمشو هكي !
اياد.. مشش قادر نصبر يامحمد خايف يديرو فيها حاجة !!
محمد…. صدقني يا اياد لازم نكلموهم
اياد…. به اني هانمشي نبلغ شاهين
محمد.. تمام ساعه تانية ونخطم عليك غادي …….
ومشي اياد لشاهين بسرعه …وخش وقالهم ان عرف مكان أية وبيمشي هوا ومحمد يهدو عليهم ومعاهم دعم مشي محمد يجيبه …..ملك وين ؟
شاهين.. ف دارها من لما عرفت حابسة روحها وتبكي ?…..
اياد.. حكيتولها قصدكم؟
شاهين.. اي عرفت كل شي
اياد… مسح راسه ، استغفر الله العظيم ….. اني بنمشي عمي تبي شي ؟
شاهين.. رجعلي بنيتي ?
اياد.. مش حانرجع منغيرها وعد ?..
~~~~~~~~~~~~~~~~
ملك اول ماسمعت صوت اياد لبست عبايتها وخمارها ونقزت من الروشن…. واستغلت انه يدوي مع شاهين ولبدت فلكوفينو متع السيارة ، …….. مكانتش قادرة تخلي اختها فلوقت هدا ? … ومقدرتش تقعد دقيقة فلحوش واختها بين ايدين سفاح ميعرفش الرحمة ?…
ولما ركب اياد ومشي بالسيارة محسش بيها…واتصل بمحمد…….. ايوا ؛ وينك ؟
محمد.. فلطريق اهو كلمت الجماعه …. بس اسمع ؛ لازم نديرو تمويه …..
اياد.. كيف ؟
محمد… هانلبسك لما نتلاقو جهاز تتبع ومسجل صوت صغير … لانه اكيد بيتوقع ان حني ندورو عليها ف لما تخش عليه انت هايشدك..وتدير تمويه لينا باش نقدرو نخشو حني
اياد.. تمام
ومشي اياد تلاقى مع محمد ودار زي ماقاله ، وسبقه ع غادي ودار دوشة بلقصد ، خلاهم يشدوه………….
بدر.. انت كيف جييت هني يافالح اه ؟ كيف عرفت مكانا ؟ تتفلح علينا تحساب روحك بتاخدها بالساهل !؟ متوقعتش في ناس غبية بلشكل هدا ! … معناها حتى انت هاتونسنا هني شوية هههههههه لين يجي البرنس تمام ؟ .. وشاور ب ايده للي معاه وطلع….
وكلمهم قعدو يضربو فيه وهوا خش للمكتب متاعه ……..
لوح مسدسه علطاولة وجي تلوح علكنبة وغمض عينه ،
وحس ب حاجة ع جبهته فتح عينه لقي وحدة لابسة خمار مصوبة مسدسه على جبهته……وين اية !
بدر…خاف يدير اي حاجة غلط تقتله وقال… اهددي اهدي أية بخير صدقيني مش ح نديرولها شي بس لوحي الي ف ايدك وخلينا نتفاهمو…….
قامت خمارها عن وجها وقتله…. زي ماحرقت قلبي ع عيلتي… اني مش ح نخليك تطلع من هني الا بدمك
بدر….. لالالاااا مش اني الي قتلتههم هدا بوي صدقيني اني مدخلنيشش ………وهوا الي قالي نجيب أية هني باش ……
ملك….هههههه عيل ، بعت بوك ف لحظة ؟ …. اوكِ ؛ وبعدت المسدس عليه و وبعدت عليه بخطوات ….وقتله ، كان خاطري نخليك عايش الحق باش تقول لبوك ان الصادق بلخير ، عنده زوز بنات……. الاولى امريكية …….والتانية “وضربت طلقة ع دماغه ” .. داعشية ……….
ولوحت المسدس علأرض وطلعت تجري قبل ماحد يشوفها…….وشافت محمد جاي من بعيد ومعاه ناس مسلحين وهي لبدت فسط الكوفينو زي ماكانت… كان خاطرها تعتر ف ا.ن بنفسه مش بولده ? وكانت هاتعذبه قبل لاتقتله ……وتخليه يتمنى الموت……
وكيف هدو القوات الي جايبهم محمد وجي واحد منهم بسرعه باش يبلغ بدر ان صارت عملية اقتحام لقوه ميت ، !!!!
بدي كل واحد فيهم ينفذ بجلده مدام كبيرهم مات ………… وكل واحد فيهم يخاف ينحبس ف قضية هكي كبرها…..
ف خش محمد والي معاه بسهوله طلعو أية من وين ماكانت ……..
محمد يفك ف اية ومستغرب فيهم كيف نسحبو كلهم ……
أية ….وين اياد ! جي معاكم
محمد…. جي اي توا بنمشوله برا جنب سياراتهم شادينه …..
اية…..ششدوه !
محمد… اي هادي خطة مدايرينها … بريله انتي كلهم هربو انتي واني بنمشي نشوف من الداخل الراس الكبيرة متعهم ……
وفكها ومشتله تجري شبحت إياد علارض ملوح تاعب من الضرب ومغمينله راسه…
مشت قعمزت جنبه وهي تبكي…. نحتله الكيس الي ملبسينهوله وهوا مغمض عينه وينزف…..و
اية…… ايييادد… اياد نوض تسمع فيا ؟؟ اياد نوض ? حبيبي …… وطبست عليه باش تشوفه يتنفس ولا لا
رد عليها وهوا مغمض عينه….اعطيني قبلة الحياة باش نوض بسرعه
وأية رفعت حاجبها وناضت ومدتله كف ……?… اني دمي يبسسس ف عروقي وانت تبصصصصر !
اياد.. مصح وجهك بدل ماتقولي ياحبيبي وشكرا انك جيت تنقذني ياسوبر ماني تمديلي كف … خزي ع وجهك
وأية قعدت تبكي …..اني خففت عليك معاش دير هكي !
اياد.. ههههه خفتي عليا حق ؟
أية.. اي ?.. استنى نساعدك تنوض
وساعداته ينوض ومشت حطاته فلسيارة وقتله نشوف محمد ونجي
ومحمد لما مشي اول ماخش للمكتب ولقي بدر ميت استغرب ونخلع لان مكانش حد فيهم مزال وصله !…..
خدي البطاقة الشخصية متاعه من جيبه وقري إسمه…..وردها مكانه وطلع….
لقي اية كيف بتجيه وقتله خديت اياد..
مشالهم واياد شاد كتف م الوجع.. شن صار ؟
محمد… لقيت واحد اسمه بدر ا.ن ….
اياد..ولده ! وينه به ؟ هرب !!
محمد… لا ، لقيته مقتول
أية.. شني !!!! من قتله !!
محمد.. مشعارفة مستحيل يكون حد من القوات لان ملحقوش عليه اصلا.. هيا خ نمشو من هني بسرعه كلب ومات عقبال بوه
وشبحو اية واياد لبعض مستغربين … بس ناضو ومشو روحو …….وخطمو قبلها اياد علمستشفى دارو اسعافات لجروحه وبعدين مشو لحوش شاهين…. نزل شوية اياد ومحمد باش يدخلو اية لان محمد بيستنى اياد باش يروح بيه ….
ونزلت ملك بعد مانزلو بسرعه وخشت لفت تاني ونقزت للدار من الروشن…وطلعت لأية من الباب وطول طبطتها … ?
ملك وهي تبكي… معاشش تخليني تاني وتطلعي معاش فيي ليك طلوع …
اية.. ههه حاضر ❤
وقعدو شوية وروح محمد ب اياد لانه كان تعبان هلبا ……
بينما أ.ن عرف ب الي صار ، وعرف بمقتل ولده……….. جن جنونه .. بس مكانش قادر يتصرف فلوقت الحالي باش ميثيرش اي شكوك.. مدام عرفو اسم ولده وعرفوه يدور ع أية اول حاجة بيديروها بيبلغو عليه …. وقرر يسافر برا لين يهدى الوضع باش حتى لو دوروه ميلقوشي
وهوا قاعد ع مكتبه ويبكي ع خسارته لولده… وراس ولدي بدر لما ندفعك الثمن غالي يا أية.. اصبري عليا بسس ……
وبالفعل بعد مرور اسبوع بلغو أية واياد ع ا.ن ومشو يهدو عليه ف حوشه لقوه فاضي ومفيشي حد…
وعرفو انه هرب واية تدمرت لان كان خاطرها يشدوه وتخلص منه ف حياتها ….
ملك… علاش محكيتيليش ع الي قتل بابا ؟
اية.. كنت نبيك ترتاحي شوية بعدين نحكيلك….
ملك ناضت تبكي ، ياريتك قلتيلي من الاول … مكنتش نحلم هلبا ونتأمل واني امي وبوي ميتين ?
اية.. شدت ايدها ، اني اسفة.. بجديات اني اسفة…. خلاص خلينا حني ننسو ماضينا ❤ونوعدك معاش هايبدا في وجع ف حياتنا اني وياك من اليوم ورايح ❤ خلينا نقرو الفاتحة علي روحهم ❤
ملك.. حاضر ❤
بعد مرور شهر >>> ❤
الاحداث الي صارت فيه باختصار ❤ … ملك تتعالج عند طبيب نفسي باش ترجع طبيعية زي قبل وتقدر تتخطى الي مرت بيه ، .. وإياد قاعد يكمل بني ف الحوش ❤ … وشاهين دار لملك ورق رسمي وطلعلها شهادة ميلاد واثبات هوية ❤ … وهي طارت بيهم حست روحها بدت بني أدمة واخيرا ❤ …ورفعوها هي و اياد لخيرية لان كانت بتموت وتشوفها لما عرفت انها رجعت ومعطوش علم للجارتها لان ملك كانت مستحيل تقدر تسامحها بعد الي داراته قيها…….
واية تمت عطلتها وكان لازم تسافر باش تكمل اخر سمستر ليها فلكلية ❤ .. وترجع بعدها تدير عرسها هي وإياد ❤ ….
~~~~~~~~~~~~~~~~~~
نمشو المرة هادي نشوفو شن صار ف ايما ❤
كانت مقعمزة ام محمد تشرب فلشاهي وخش عليها محمد كان يوم جمعه وكيف مروح من الصلاة ❤
ام محمد.. روحت وليدي
محمد… اي يام ، كنت نبي نتكلم معاك…. العطلة متاعي قربت تنتهي مضطر نرجع امريكا نكمل اخر سنه ليا ونرجع هني مرة وحدة …..
امه… وإيما ،
سكت محمد شوية لان امه معاش ردت عليه بخصوص موضوع زواجهم وقال …. بناخدها معاي حتى هي ، بترجع لأهلها
امه..حطت فنجان القهوة ، باهي باش المرة الجاية يجو امها وبوها معاه ، باش نتمو اجرءات العرس
محمد… شني !
امه.. زي ماسمعت
محمد… قصصدك ، وافقتي!
امه…. اني تعلمت درس ❤ .. ان الانسان منحكموش عليه لشكله ولا لدينه ولا المكان الي هوا منه….. والحب ميعرفش هدا كله ….ميعرفش لاشكل لا لون ولا دين ولا جنسية…وايما ، قلبها أبيض وطيبة وقدعه واسلوبها يحبب الكب فيها…. و للأمانه.. اخلاقها احسن من ١٠٠ مسلمة حتى.. فعلا صدق الي قال علي بعض العرب قد رأيت إسلام بدون مسلمين ? ومسلمين بدون اسلام…… ااه ربي يهدي العباد وخلاص……تزوجها ياولدي علاقل اجنبية ماعندهاش ف اللقني زي الليبيات وتنفخلك راسك ب عرس فلانه وقفطان علانه هههههههههه
محمد.. ههههههههههههه كنت عارف ان قلبك ابيض وبتوافقي ❤❤❤ وناض حب ع راسها… ربي يخليك ليا يا احلى ام فلدنيا ❤
امه.. بششرط ،
محمد.. ادللي
امه.. العرس نبيه ليبي من الطق للطق ، وتقدر تدير حفلة لعيلتها وصحباتها هي غادي … بس تكتبو كتابكم هني
محمد.. ههههههههه وهيا دي فيها كلام ❤❤❤
وطلع محمد وفرح إيما الي قعدت تنقز من الفرحة ❤❤❤❤ وخشت تحضن فيها وتبوسلها راسها
يوم السفر >>
كانت أية مسافرة مع محمد وإيما……
وإياد كان عنده شغل فلعراق ، بيديره ويولي ….. ولما يتلاقو يديرو العرس ❤
وملك قعدت مع عمها شاهين وبدت تتحسن تدريجياً ، وبالسيف خلت أية تمشي قعدت متبتة فيها زي العيل الصغير ? ..وجت معاها للمطار ودعتها وقعدو يبكو وهما يودعو ف بعضو?
اية.. هانرجعلك وعد ❤
ملك.. كلميني كل يوم متتأخريش عليا باهي؟.. ميس علمتني كيف نستعمل التليفون وحطتلي فيه برامج كلميني عليهم
اية.. هههههه من عيوني ❤ …
ومشو روحو ، ودخلت اية ومحمد وايما للمطار ….وسافرو لامريكيا تاني ❤.. وكل واحد فيهم عايش ف احلامه ❤
وبإختصار لما وصلت اية …. لقت التلاتي المرح يراجي فيها فلمطار ? سمر ونورهان وجمانه❤
اية.. بنااااااااتتتتت ?????
نورهان…. بلحضضن ياعططيات ???❤❤
وحضنو بعض الاربعه واية كانت مستاحشتهم علأخر ❤❤❤❤❤❤
سمر… وهي تبكي ، كتييير اشتقتلك مابتتصوري قديش كنت ضايجة بدونك ??….بسسس يابنت شووو هاد نحفاانه صايرة متل قشاية الغلية !!!
اية.. هههههه م الي ريته عندي هلبا حاجات نحكيهالكم
وشدت نورهان ايدها باش تشوف الدبلة..ورييييني كدة يختتتتتتتي علجمال يختي علحلاوة ????? مبروك يختي لقد هرمنا ههههههههه ده انتي شيبتينا ياشيخة ربنا ينتقم منك?
اية.. اهو جي بفايدة فلأخر ??
نورهان ..والنبي قلتلكم اييية ! اول ماشفت الواد الحليييوة ده حاجة قالتلي يابت نورهان الواد ده نصيب الموكوسة أية ??
وقعدو يضحكو وسمر حتى هي ورتها دبلتها نخطبت لولد عمها ودايرتهالها مفاجئة ❤❤❤
اية.. حيييييي نخطبتي ياكلببببة مبرووووووووك ?????
نورهان.. طب احنا لا مؤاخزة هانفضل واقفين هنا عشان نستقبل باقي المسافرين ولا ايه ؟
جمانه… باردا بالزاف ?
اية .. به هيا تحركو ??
وطلعو ومشو للكافي الي متعودين يقعدو فيه بس بنفسية متغيرة للكل ❤ بالذات اية حست كأنها نولدت من جديد ❤ ….
وحكو لبعض كل وحدة شن صار معاها طول العطلة واكثرهم حديثاً كانت أية وهي تحكي تقول تحكيلهم ف قصة فيلم اكشن ?
ومش ح نكتر عليكم احداث ❤❤❤ مرو ايامات القراية بسرعة ومرو الامتحانات واحد ورا التاني وكانت كل يوم تكلم ف اياد وملك وشاهين وتتطمن عليهم ❤
وجت لحظت التخرج ?❤
شافت أية لروحها فلمراية بكاب التخرج وكانت على وشك تستلم شهادتها وضحكت قالت….. بنتك بدت محامية يابابا ❤… المحامية أية الصادق بلخير ❤ ….. ياريت حد فيكم معاي❤ ..
وقعدت تصور ف سلفيات وتبعت فيهم لملك وعيلة شاهين باش يشوفوها بكاب التخرج ❤
وجي حد من وراها مغطي وجهه ب بوكيه ورد ❤
واية تلفتت وقالت مني ،؟ …..ونحى البوكيه وقال…….. يعني اني اخيرا بديت خطيب المحامية ؟ يعني كان درت اي جريمة هاتطلعيني منها زي الشعرة من العجينة ؟
أية.. ههههههههه ايييييياد ???? جيييت .. خيرك مقلتليششش
اياد.. هههههه بيكوز هيا مفاجئة ❤ ..كيف نخلي حبيبتي بروحها فيوم تخرجها؟
أية….. ههههههههه ❤
وحضر معاها هوا وصحباتها كانت نورهان تخرجت معاها وسمر وجمانه مزالهم سمستر تاني ❤
ومشو احتفلو عزمهم إياد على مطعم وغيرو جوهم ❤
وخلو البنات فلمطعم وطلعو هما يتمشو ❤
إياد.. شن شعورك توا وانتي بديتي محامية خلاص
أية.. ههههههه شعور غريب ؛ كل المجرمين مش ح يباتو ليلة برا ?
إياد.. اضرب يا?.. به توا كان اني درت عملة وقتلك تجي تطلعيني منها ، بتطلعيني ولا تخليني ننحبس ؟
أية ..وهوا هدا سؤال ؟ بنخليك تنحبس اكيد ?
وقف اياد يشبحلها وقال ؛ مه اخر خدمة الغز علقة ?
وهي كراته وقتله هيا نبصر نبصر ، ?
اياد …حط ايده ع كتفها ومشو ، هههههههههه به شن بديري
أية.. هانقولهم يعطوك حكم مخفف ??
إياد .. هههههه تعالي نقعمزو عييت ،
وقعمزو علعشب ،
إياد.. تعرفي ان اول ماتلاقينا في هلبا حاجات مشتركة بينا ؟
أية.. زي شني ؟
يتبع فلجزء التالت والأخير >>>>
جاهز وتوا حاينزل بعد هدا بشوية مابي ماعدلته ودرت صورة ❤❤❤
#mera ✨