رواية “أحمل قلبك .. أينما ذهبت”

هاااي ?? صحة فطوركم ??

الحلقة العاشرة ~ ??

أية.. تمام عمي ، هانحاول نجي بإذن الله
شاهين.. الله يفتح عليك يابنتي ، بجد مش متصورة قداش مكالمتك فرحتني و ردت فيا الروح… في هلبا حاجات لازم تعرفيها ومن حقك تعرفي سبب الي صار معاك وتفسير كل شي.. بوك انقتل ظلم يابنتي ……….انقتل باش يسكتوه علحق

أية… سكتت وبدو الدموع يصبو منها منغير اي صوت وسرحانه …..

واياد يخض فيها .. اية خيرك ؟…. وين مشيتي ! ….. أية !!!!!!!!!

طاحت اية علأرض وفقدت الوعي ……. ونادى إياد علعيله كلهم وجو قاموها للدار الداخل …….

وإياد مقدرش يخبي خوفه عليها قدام العيله ? ..وبدي يتصرف بشكل عفوي ويجري بيها ويشمم فيها في برفان قوي ويديرلها ف الاسعافات أولية ……..وسمر كذلك تساعد فيه…..و اول مارجعت لوعيها اول واحد جت عليه عينها لما فتحتها اياد…. بعدين غمضت عينها تاني …..

سمر.. أية حبيبتي انتي منيحة !
اية.. هزت راسها بتعب وقالت اي..وشاورت ع راسها بانها حاسة بصداع رهيب
أم سمر… جبلك الدكتور شي بنتي !
اية بصوت منهك….لا انا كويسة خالتي ، بس نبي نرتاح شوية حاسة راسي بينفجر
ام سمر .. طيب حبيبتي بنخليك ترتاحي

وطلعو كلهم من الدار باش يخلوها ترتاح وقعدو سمر واياد…

سمر..ايوش بدك شي قبل ماروح ؟
اية.. شكراً حبيبتي ?

وطلعت …. اما اياد كان ساكت وتبادلو النظرات هوا وياها.. كانت نظراتهم تقول في حاجات عمره ماتنقال بالكلام ❤

وكيف بيطلع شدت ايده أية…… وبصوت واهن وضعيف ، اياد … خليك جنبي

ورجع جنبها وطبس عليها… انا ديما جنبك ❤

مش ضروري يعترفوا لبعض بحبهم.. لان الحب اكبر من مجرد كلمة تنقال وخلاص ، هي شعور … حاجة بداخلك متقدرش تعبر عليها بكلامك ، وهاتطلع لا إرادياً في أفعالك ?…… وأية اخر حاجة كانت تتوقعها انها يجي يوم وتحب ?..وكيف متحباش وهوا من لما عرفاته مكانش الا سند وظهر ليها ? … ومكانش يشوف فيها من برا زي باقي الناس واكتشف الجانب الهش والضعيف الي فيها وحبها بيه .. لقت فيه حنية الأب الي فقداته ولقت ف عيونه العطف والحب والإنتماء الي محتاجاته ف حياتها ❤…كل هدا كان ف عيونهم وبس…..

متستغربوش اي … في عيونهم ..وبس ?

وكانو كلهم برا يهدرزو وكل واحد يحكي ف حاجة و حكايات سمر لأمها متمش ❤ ……

وطلع إياد بعدهم بشوية……

سمر.. نامت ؟
اياد .. اي خليتها ترتاح …… انا نستأذن منكم ونشكركم ع حسن ضيفاتكم معاي مقصرتوش والله بارك الله فيكم ❤……بعد العصر اليوم هانمشي

جدهم.. وين رح تروح يا ابني ؟
إياد.. معليشي ياجدي لازم نمشي شغلي…بس هانرجع بعد يومين نسلم عليكم ❤ ونمشي نحجز ف هوتيل

وأية تسمع فيهم وعيونها مغمضات مش قادرة تفتحهم ودموع ينزلو منها … فكرة انه هايبعد عليها مخلية قلبها يرجع لشعور الخوف الي يحس بيه والوحدة تاني ?… بس هيا كانت واتقة ومتاكدة انه هايرجعلها ؛ لانه وعدها ❤

جدهم… ابداً يا ابني .. انت رح تخلص شغلك وترجع لهون مرة تانية.. كيف بتضل بهوتيل ونحنا هون ؟ بيتنا لمين مفتوح لكان ؟!

بوهم… حماي معو حق ، انت خلص شغلك وارجع لهون انت ضيفنا وع راسنا من فوق ….

أياد.. انا مقدر والله شكراً ليكم بجديات بس اني منبيش نكون تقيل على حد وشغلي هايكون في اوقات متفرقة وهانزعجكم بلمشي والجي

جدهم.. خلص الحكي مافي نقاش …. ره تضل هون يعني ره تضل هون …..ونادى ع حفيدته ، سندس… تعي دخليني علأوضة عشان وقت الدواء تبعي….

وجت سندس دخلاته بلكرسي المتحرك متاعه للدار

ورد ابو سمر وقال .. ههههههه الكبير قرر ؛ مافيك ترفض !

ابتسم اياد بخجل ورد حاضر ، الي تحبوه ❤

ومن جهة تانية كانت في وحدة هبلة تتبسم لما سمعت حوارهم وقالت ف خاطرها “لو اني قادرة نتحرك ره نضت وبستك ياعمي حكيم هههههه ”

ومع العصر مشي اياد دار حاجات بسيطة وروح باش ميتأخرش ويشوف اية…. اما اية لما طلع حكت لسمر كل حاجة صارت….بخصوص موضوع شاهين وبوها…….

لما رجع إياد …… خش ع سمر واية وهما الدار يتكلموا … خبط علباب وأستاذن ….

اية .. تفضل…..
إياد.. شن تحسي توا ؟
اية.. احسن الحمدلله ..
سمر.. طيب بخليكم تحكو براحتكم …
اية.. لالا مفيش داعي سمر خليك ، اياد انا حكيتلها كل شي

إياد.. تمام ، انا اول مانخلص شغل هني ناخدك معاي ليبيا … سمر بتجي معانا ؟

وشبحت سمر شوية لإياد وأية مستنيين اجابتها… بعدين قالت لا ؛ بدي ظل مع عيلتي هون لابين ماتخلص الاجازة

“مابتش تمشي معاهم باش تعطيهم وقت اكبر يكونو فيه بروحهم يتقربو من بعض ” ❤

إياد.. تمام براحتك
أية.. تعبو عيونها دموع ؛ يعني مش هاتجي معاي ؟
سمر.. ياريت بقدر بس مافيني حبيبتي ، سامحيني ?

وطلعو برا شوية يهدرزو على عيلة سمر .. كانو كلهم هدرازين سلامتهم من كبيرهم لصغيرهم ? وجوهم حلو والصغار حبو إياد هلبا ولعبو معاه كورة هههههه

توا نخلوهم شوية ونمشي بيكم لمكان تاني ونعرفكم على شخصية جديدة في روايتنا ? ….

قبل سنه ؛ وفي مكان ما في ليبيا ومش في طرابلس ?.. >>>>>

《سارة》

….. سارة ؛ ياسارة !

“سارة متردش ”

….هادي وين مشت البلوة !! تي زووودي خوتك يبو الغدي ياهمي الاغبر انتي ويييين

وبرضو مفيش رد…….

مشت لدارها وهي تزفر ف غيظها وفتحت الدار متعها… لقتها فاضية !

هادي وين مششت !؟ وطلعت للجنان دورتها ملقتهاش …….

ومشت تجري لراجلها …..عبد الحمييييد .. زود ياعبد الحمييد سارة مهنااش ….

عبد الحميد….تي وين مشت هلزفته قسماً بالله كان نعلق علي عمها لما نشنقهاا شنققق…

سميرة ” الأم” … تي غير شوف البلي وينها بعدين ساهل … مابين ماحطيت اني للولاد الغدي كبدي درهت منها ومن دلعها

وطلعو دورو عليها ملقوهاش …….

سميرة.. قولتك مشت لجارتنا ام يحيى تاني !
عبد الحميد.. كان دارتها حق غير شن بيشدني عليها بسس….ومشو طقطقو ع حوش ام يحيى ،

وفتحتلهم شغالتها الباب……

سميرة .. مساء الخير ؛ الحاجة موجودة ؟
الشغالة… اي موجودة مدام تفضلي
سميرة.. وخشت للحاجة ام يحيى وكان اسمها “خيرية”

كانت مرا كبيرة عايشة بروحها فلحوش بعد مازوجت بناتها كلهم و وابنها تزوج وسيبها وسافر ……….وخلالها شغالة تقعد مقيمة معاها باش تخدمها…….

و اول ماسمعت خيرية صوتها طلعتلها برا وهي منهارة…… اطططلللعي برا بيتي ؛ منبييييششش نشوف وجهككك ياحييية منك لييه.. يا ناس متعرفششش ربي … يللي معندككممممش ذرة رحمة في قلووووبكم … حسسسبي الله ونعم الوكييل فييييكم .. حسسسبي الله ونعم الوكيييل فيكم هايقعد ذنب هليييتييمة ف رقبببتكم ليييوم الدييين …..

وقعدت سميرة تشوف لراجلها ومش فاهمين شي الزوز…….

عبد الحميد..ياحاجة اهدي الانفعال مش كويس لصحتك ، وينها سارة ؟ اني متأكد ان هيا مفهماتك غلط …. صدقيني حني ما……

ويجي كف منها يخليه من الصدمة معاش قدر حتى يرمشش..

مريم.. انت بالذات يانجسس لسانك مايخاطبش لساني .. فهمتني ولا ! ….. سارة هرررربت… سارة هربت منكم ومن ظللمكم..ومن قهرركم ليها… صبييية ف عمر الورد طلعت بروحها للدنيا … بنية كانت تنحط ع الجرح يبرا اقسم بالله الا خسارة فيكم بنت زي هادي.. مدامكم مش قادرين تعوضوها ع حنان الأهل الي نحررمت منه لاش تبنيتوها منك ليييها .. باش تعذبوها ! وتقهروها! وترقدوها كل يوم دمعتها على خدها !! …تعررفو شن معنى بنت فللعمررر هدا تهرب منكم لدرجة انها تشوف تعيش متشرردة فالشوووارع اهون من انها تعيش بييينكم ييا كمششة شياطين …
ولوحتلهم ورقة علي وجوهم”.. ششد” هااك اقرا يا واطي انت وهيا …اقرووو وحسو ببشاعه الي درتوه..وشوفو نتيجة ظلمكم انت وياها لبنت يتيمة الدمعة منها تخلي الملائكة تلعنكم ليوم الدين لعنة الله منكك ليها .. لعنة الله عليكممم

وطاحت ع ركابها وبدت تخبط في راسها وتبكي……وينك يابنتي شن صاير فيك….. علاش مشيتي وخليتيني ياضنايا علاش.. ياريتني خديتك تعيشي معاي هني وقت الي كنتي تشكيلي منهم.. من الي هايصبرني على الوحدة الي اني فيها توا … من الي هايقعد يسمع لهداريزي وحكايتي يا اخر حاجة قعدتلي فلدنيا ربي هداهالي باش تونسني ف اخر اياماتي ياربي ااااه …….

عارفتكم تلخبطوا وبدت الأحداث تهرب عليكم … ?

اني هانشرحلكم……..

سارة بنت يتيمة ؛ تبونها سميرة وعبد الحميد من الملجأ وهي صغيرة ….

تبنوها لانهم خاطرهم في بنت …وسميرة مكانتش تجيب الا فلولاد ….

فلاول عاملوها بما يرضي الله لحد ماسميرة ربي رزقها ببنت …….وبدت تكبر سارة ؛ وبدي جمالها يزيد ، وتحولت تتدريجياً من ابنه ليهم لشغالة ليها و لولادها…. حرموها من انها تكمل تعليمها…اللبس كانت اخت سميرة الي يصغر ع بناتها تلوحوهولها كمشة حوايج مقطعه ومبهدلة … ???

كانت تنذل كل ماتتطلب منهم طلب حتى الاحتياجات الاساسية كانو ميوفروش فيها ليها ?

عاشت وسط ضرب واهانه وذل ظلم .. ومحاولات تحرش من الي مفروض خوتها الولاد ! وحتى من الي مفروض يكون بوها مسلمتش منه…….

كرهت حياتها وكرهت كل شي ؛

اما الحاجة خيرية.. ف كانت هيا المتنفس الوحيد ليها فلحياة…. كانت كل يوم وهي مروحة بقضية الحوش تخطم عليها تهدرز عليها وتبكيلها وتشكيلها وتوسع خاطرها…..

وتساعدها خيرية بشوية مصاريف بدون علم اهلها ، وتخليها تشري مستلزماتها الاساسية الي تحتاجها اي بنت … عاشت معاناة لو نحكيلكم من هني للصبح مش هانقدر نوصلكم حجمها ?……

وخيرية كانت تعامل فيها أكتر من بنت ليها وهي الي مصبرتها عالدنيا وتود فيها وتحن عليها اكتر من بناتها الي معاش يسألو عليها وفلمقابل هي الي مصبرة سارة ع الهم الي هيا فيه……. بالذات بعد ماخلوها صغارها ومكانش في من يحن عليها غير سارة

وتوا مشت الوردة الي كانت كل يوم تطل بعبيرها عليها…

وخلتهم يقرو رسالة سارة وهي بدت ساكتة وتتخيل فيها قدامها …. بعيونها الخضر الي يشبهو الجنه ? ..وبشعرها الذهبي الطويل الناعم .. والي كان جمالها احد اسباب كره امها ليها …وكره كل بنات العيله ليها ونقمهم عليها ….

لدرجة كانو بنات خالتها يقولو لأمهم :

“عقاب لقيطة مش عارفين اصلها من فصلها تبدا هي الي اجمل منا والجيران يتهافتو عليها باش يخطبوها ؟ ”

وتوا شن بيصير في بنت بعمرها وجمالها لو بدت بروحها فلشارع …وكيف هاتحمي نفسها من بطش الدنيا وهمها ?..

كانت سارة قبل لاتهرب مخلية ظرف في زوز رسائل .. رسالة بإسمها… والتانية بإسم “ريهام ” ((صديقتها تربت معاها فلملجأ وكانت اقرب وحدة ليها))

تتأسفلها فيها ع الي هي بديره ”

سارة .. مفيش حد فلدنيا يستاهل اني نقوله ماما غيرك ، سامحيني يا امي خيرية… ياريتني قدرت نقعد معاك بس مقدرتش.. مش قادرة نتحمل اكتر من هكي وراسك وغلاوتي عندك متبكيش…. اني نحبك هلبا ودمعتك غالية.. سامحيني ياماما خيرية.. وحياة حبيبك النبي تسامحيني … اني بنهرب ، ومش هايعرفلي حد فيهم طريق لاني تعبت من العيشة هادي .. تعبت وقرفت ونبي نرتاح…. ونبيك تقولي للي ميتسموش حتى ام و اب … حسبي الله ونعم الوكيل فيكم ??? اني فحياتي معرفتش ام واب غيركم…. بس اني متأكدة انه انهم متجردين من كل صفات الامومة والأبوة … مش هانقدر نقولك مكاني وين باش محدش يجيبني منه لان معاش نبي نشوف وجوهم تاني..اني خلاص.. فاض بيا …وانتي سامحيني والله غصبا عني يامي خيرية .. وياريت رسالة ريهام توصليهالها يد بيد ومحدش يقراها غيرها …… وزي كل مرة ……وهاتكون أخر مرة تبعتي حد فيها يوصل رسائلي ليها

بنتك سارة ❤

وبعد ماكملو الرسالة قاعدة ملامح الصدمة على وجوهم ردت عليهم خيرية وقالت……..

هادي كان ممكن تكون مفتاح ليكم للجنة… الرسول قال انا وكافل اليتيم كهاتين !.. شن كنتو خسرتو لو حنيتو عليها …شن خسرتو لو ربيتوها كأنها بنيتكم مش جارية ليكم ولرغباتكم “وشبحت لعبد الحميد باستحقار ” …تكبر وتكبرو ومكنتوش هاتلقو غيرها… مش هاتعرفو قيمتها الا لما يفضى الحوش عليكم توا … والله اعلم هيا وينها بس دنبها ف رقبتكم ليوم الدين…. وانت “لعبد الحميد ” مش متحشم من نفسك ومن ربك وانت معاك وحدة زي بنتك وتديرلها في الحركات الحقيرة النذلة متاعك هادي ! بنتك تقدر تدير فيها هكي ! اني مش هانقول بنتكم لان هيا اشرف واطهر من ان تكون بنتك انت وياها ..

وشبحت سميرة لعبد الحميد طول… حركات شن الي تدوي عليهم !

وقالت بصوت داهش… راجلك الي ميخافش ربي كان يضايق فيها ، و ، سكتت .. اطلعو برا ، اطلعو الزوز من حوشي

ولزتهم برا حوشها وسكرت ع روحها الدار وبدت تبكي ?…..

وقعدت تتفكر في اخر زيارة ليها اول امس

سارة…… يابطةة ؛ افتحيلي الباب ، وبدت تدربك علباب ?
مريم…. ههههههه خشي يامجنونة خشي .. راك تعقلي
سارة..وحشتيني اعمل ايه ? …
مريم… ههههه يعطيهالك ، ف الهم الي انتي فيه هدا وعندك حيل تبصري
سارة… هههههه مالا بنقتل روحي من الهم ياميمة خيرية بالله خليني نضحك شوية وننسى الي اني فيه.. اسمعي بنخش نديرلك طويسة شاهي خضرا تستاهل فمكك ? قبل لايروحو امي وبوي وبعدين نقعدو نهدرزو عندي هلبا دوة نبي نحكيهالك ?

وكل ماتتفكر جملة ليها تنهار بلبكي وقعدت تصلي وتدعي ربي يحفظها ويبعد عليها ولاد الحرام …….

عارفة لكتر المشاهد والشخصيات بدت تتلخبط عليكم بس الصورة هاتوضح وتعرفو شن علاقة القصص هادي كلها بلرواية مع الوقت ?

~~~~~~~~~~~~~~~~~~~~~~

في سوريا >>

بعد ماتحسنت أية إقترحت ام سمر عليهم يطلعو أية واياد برا يغيرو جو شوية ومعاهم حيدر وسمر وخوتهم الصغيرين وبلمرة يتعرفو ع سوريا وعلى حاجات بسيطة منها ?…….بس ميمشوش بعيد على خاطر الحرب وهكي ❤

وطلعوهم مشو كلو اكل في مطعم شامي وشربو شاي على قهوة بسيطة سورية علحارة وكان في جو لطيف وجديد ع اية حباته هلببا وخلاها تسترجع نشاطها ?

وكانو كلهم مبسوطين…..وحيدر وإياد مبطلوش هدرزة وقعدو يلعبو طاولة وسمر وأية يتفرجو عليهم ويضحكو ع اياد ميعرفش يلعب وحيدر يعلم فيه?

إياد.. لا هككي هلبا عااد ??
حيدر.. مش لاعب ؟ ?
إياد.. زيد شوط تاني زيد والله لما نهرسك ….
حيدر… هههههههههههه متل مابدكك

سندس… سمررررر شوفي بتاع الكنافة ???? بدي وحدة مششان الله ????
حيدر.. اي بتؤمري ياست الحسن….. هلأ ره دوقكم الكنافة السورية على أصولهها

أياد … ههههههه وانا خاطري ف حلو هي

وشرو كنافة وقعدو ياكلو لين نتفخت بطونهم ?

أية.. الله تعرفي من زمان مكليتش بشراهة هكي
إياد..هههههههههه اية تقول عمرها ماشافت كنافة ف حياتها
اية.. هوا فعلا عمري ماشفتها وديما نسمع بيها وخاطري ندوقها هلبا ☹وتوا عجبتني وسمر كان متبيش تكملي حصتك اعطيني ????
سمر… ههههههههه اي صحتين ع قلبك ،

وكلو وناضو يتمشو في شوارع سوريا وفلسوق الشعبي وحيدر وسمر يعرفو فيهم بكل حاجة عندهم …لحد ماخطمو جنب فرقة شعبية تعزف والصغار ملمومين عليها ويرقصو ?

اية.. الله سسسمر هدا شن !
سمر.. هههههههه هاي فرق شعبية بتظل تلف بشوارع المدينه وتعزف هيك بدون شي.. مجرد تنشر البهجة والسعادة للناس ?اكيد في ظل الحرب الي احنا فيها محتاجين نروح عن نفسيتنا ولو شوي ? .. بتعرفي ترقصي علدبكة السورييية !!
أية.. هههههه لا مجربتش الحق…

سمر.. ههههههههههه طيب تعالي … تعالو كلكم ?

وشبحت أية لإياد وقتله يجي معاهم وقالها لا نتحشم ?…..

ومشت أية مع سمر……

سمر.. معلللم اعطينا دبكة سورية ع اصولها لو سمحت ?

…. اي بتؤمرري خيتي… يلا شششباب

وبدو يعزفو …….

سمر … اية امسسكي هلمنديل ورح علمك..وبدت تعلم فيها الخطوات واية شوية شوية بدت تنطلق ??

وكل ماتغلط يضحكو عليها الصغار الصغيرين و يرجعو يوروها كيف لحد مابدت قريب تطير حتى الطيران ههههههه وكانت سعيدة بشكل عمرها ماكانت بلفرحة هادي في حياتها ❤

وبدت ترجع الألوان لحياتها وترجع تضحك من قلبها وكل هذا بفضل شخص واحد بس ❤….

الي كان مقعمز يتفرج عليها ومش قادر يخبي نظراته الي معبية حب ليها ❤

لحد مانخصه حيدر….. ايي معلم ؛ عيونك فاضحينك انتبه ع حالك ?

إياد.. ههههههههههههههههه طيب

وشوية وجو اية وسمر كروهم باش يرقصو معاهم ?

نخلوهم شوية مع لحظاتهم السعيدة ونمشو لمكان تالت ? دوختكم عارفة ?

~~~~~~~~~~~~~~~

كان محمد كيف وصل لحوش أخته امل باش يشوف ايما….وامل خافت تكون ايما قالتله حاجة ……

امل.. خيرك وخي جاي في حاجة ؟
محمد.. لاشي غير حسيت ايما صوتها متغير فلتليفون.. شن في ؟ امي كلمتها ولا عرفت انها هني ولا حاجة ؟
امل.. توترت وسكتت شوية ،، لالا بس…… هي قالت انها مستاحشة اهلها شوية بس
محمد…به اني بنخش نشوفها ، وبعدها من طريقه وخشلها الداخل

واول مافتح الدار لقي ايما مقعمزة علسرير وعيونها مفخات من البكي

محمد.. خيييرك !!!!
ايما …………

يتبع……>>>>>>>>

#Mera ?

قدرتو تربطو الاحداث ببعضها شوية وتتضح الصورة عندكم ولا مزال ?