رواية “أحمل قلبك .. أينما ذهبت”
![](https://zoomroda.com/wp-content/uploads/2019/08/IMG_20190815_190316.jpg)
الحلقة الثانية ~ ??
ومشالها وقعمز ع نفس الطاولة متاعتها مقابلها
ومابين ماهي كانت مركزة فلقراية لدرجة ملاحظتش وجوده ?
إياد.. اححم
اية …….شافتله بطرف عينها وهي شادة الكتاب مع قيمة حاجب …
اياد.. well it’s not a nice way to say hello
” حسناً تلك ليست طريقة لطيفة لقول مرحباً ”
اية منغير ماتقيم عينها من علكتاب.. hello “مرحباً”
إياد.. that’s better ? … nice book
“هكذا أفضل ? ..كتاب جميل ”
أية .. ردت عليه بإنزعاج .. i’ve just started reading it .
“لقد بدأت للتو في قراءته ”
إياد.. i read it once but i didn’t finish it .
“قراءته مرة ولكني لم أكمله ”
أية.. why was it bad ?
“لماذا أكان سيئ” ؟
إياد.. no at all , but i like other types of books , so it’s not my favorate .
“لا أبداً ، ولكني أفضل أنواع أخرى من الكتب ، ولهذا فهو ليس المفضل عندي ”
واكتفت بإنها تهز راسها ورجعت تقرا بدون ماتعطيه أي اهتمام
بينما إياد قعد ساكت ويشوف لتعابير وجهها وهي تقرا ومستمتعه كأنها تقرا في رسالة غرامية مكتوبة ليها او ان الشعر انكتب خصيصاً ليها هيا ❤
إياد.. what other types of books do you like ?
“ما هي الأنواع الأخرى للكتب التي تفضلينها ؟ ”
أية.. alot ……”الكثير”
إياد.. like ? ……”مثل ؟ ”
وأية بدي يرقالها ?و حطت الكتاب وسكراته وقالت بتعفليق .. درهتلي ام كبدي يابنادم ???
إياد.. كان قلتي هكي من الصبح ره سيبناك ?
واية فتحت عيونها على اخرهم وكأن من صب عليها قردل مية مصقعه ???
أية… ل..لي..ليبي !
إياد.. ان شاء الله اي ?
أية … احلف !
إياد… ههههههههههههههههه تي شن بنحلف يابنت الناس ندويلك بالعبري اني ؟
أية……سكتت من الصدمة ??
إياد.. ههههههههه والله من اول ماريتك قلت البنت هيا لينا مشعارف علاش ?
أية.. وكيف ان شاء الله؟؟
إياد.. قرنه الحواجب والتفنيصة ?
أية.. هههه
إياد.. خيرك وجهك اصفر ؟
أية ردت متلبكة.. لا شي غير لازم نمشي… نبي نطمن على صاحبتي..
وقامت شنطتها وجت بتنوض
إياد.. لو سمحتي..
اية.. تفضل
إياد.. ممكن نعطيك رقم تليفوني ؟
أية..مفيش داعي …..ومشت طول من غير حتى ماتستنى رده
اما اياد ف قعد حاير من ناحية حس روحه زودها شوي ومن ناحية اول مرة ميقدرش يتحكم في تصرفاته بالشكل هوا
ناض حتى هوا بعد مامشت وخدي الكتاب من فم ساكت وطلع ……….
اما أية ف اول ماوصلت لدارها خشت بدلت وقعمزت علسرير وطلعت كيس بطاطا وقعدت تاكل ?
أية.. كلكم زي بعض ، ونزلت دمعة دافية على خدها
وناضت فتحت دولابها وطلعت منه ساعه … ولبستها في ايدها وقعدت تتحسس فيها .. لعل وعسى تلقى فيها ريحة بوها ..
أية ….. بصوت واطي اقرب للهمس .. انت مفيش منك ، انت الراجل الوحيد الي عرفته في حياتي .. وماعمري ماهنلقى حد زيك متزعلش من بنتك يابابا لانها هاتقعد طول عمرها هكي.. وهاتقعد طول عمرها قوية وشجاعه ومش محتاجة لحد في حياتها ومش معتمدة على حد
وسكتت شوية وطبست راسها وباست الساعه…… علاش قتلوك ?? علاش خدوكم مني ،،،، ونهارت بلبكي
ولما سمعت صوت الباب نفتح عرفت سمر جت وخشت للحمام فيسع تغسل وجهها……
ولما طلعت …
اية.. سمورتي روحتي ❤
سمر.. لاء لسة علطريق ?
اية.. ههههه باردة ؛ شن حالك توا؟
سمر.. منيحة الحمدلله …شو بكِ؟
اية.. شني؟
سمر.. كِنتي عم تبكي شي ؟
اية.. لالا .. نبكي شن هههههه خشت حاجة ف عيني بس
سمر.. ههههههه حسستيني مابعرفك .. تعي لهون … وخدتها في حضنها كانت هي اكتر وحدة عارفة اية وحاسة بوجعها واليوم زادت لما حست روحها حتى هيا بتخسر اهلها وعرفاته قداش شعور صعب ?
وأية معتبرتها الأخت الي نحرمت منها … ?
سمر… ابكي وارتاحي ياعمري ابكي
اية .. لالا ، خلاص
سمر.. صِرتي منيحة ؟
اية .. الحمدلله
سمر.. خلاص تعالي نصلي مع بعض ونقرا شوية قرءان ورح تروقي انا متأكدة …..
اية.. ماشي ..
وقعدت سمر حاطة ايدها ع راس أية وهي راقدة علسرير وتقرا عليها ف قرءان لان كان صوتها جميل جدا وناعم ومريح فلتلاوة وكل البنات يحبو يسمعو صوتها حتى جمانه الي مش من ديانتهم ? ..
واية هدت وارتاحت وقعدت تفكر بينها وبين نفسها ؛ ياترى هل هايجي يوم نعرف فيه تفسير الي صار مع اهلي ؟ ? .. لحد مانعسها النوم
بعد مرور يومين >>>
إياد.. يارااجججل كيف تخليه يمششي بس يهديك ربي !!
محمد.. وراسك الا زيني زيك منندريش عليه لين اتصل وقالي اني فلمطار وبنسافر لإيران ومنها برِّي للعراق ويوصل لاهله ف بغداد مع تاني يوم
إياد.. زمرررر عاد
محمد.. خلاص ياراجل اهدى رامز مش صغير ويعرف روحه شن يدير
إياد.. الززفت وكان يصيرله حاجة ! عالاقلل كان يستناني اني لما نمشي ونسافرو مع بعض !!
محمد.. الراجل خايف على عيلته مش هاتقدر توقفه
وقعمز إياد علكرسي وطبس راسه ، كان عنده صداع نصفي وقعد شاده من الألم .. كان متضايق لان رامز صاحبهم قرر يمشي العراق من كتر ماقالق علي اهله ومعطاش لحد فيهم علم لانه عارفهم بيرفضو ويمنعوه .. بالذات إياد لانهم كانو مقربين من بعض هلبا من وهما صغار
محمد.. اهوا يتصل …”ورد”
رامز.. الو
محمد.. اه رامز ..ركبت الطيارة ؟
رامز.. فاتتني ، وينكم انتم اني فلجامعه
محمد.. ااااه ، وشاور لإياد بإيده… فيها خيره معليشي…. خلاص اني وإياد مقعمزين فلمدخل علدروج
رامز.. ماشي هي جايكم …وسكر
محمد.. ارتاح اهو فاتاته الطيارة
وإياد دارله بايده متع مش مهم
~~~~~~~~~~~
أية .. هي نتلاقو بعد المحاضرة <span class=”_5mfr”><span class=”_6qdm”>?</span></span>
سمر.. طيب بعد ماتخلصو بنفس الكافي بتلاقونا انا وجمانه
نورهان.. اوكي <span class=”_5mfr”><span class=”_6qdm”>❤</span></span><span class=”_5mfr”><span class=”_6qdm”>❤</span></span>
وبعد مامشو أية ونورهان وجو بيخشو للقاعه متع محاضرتهم سمعت صوت عركة خلاها تتلفت ……….
ولما شافت شكون ….. قالت لنورهان خشي انتي وتوا نلحقك …. و وقفت تتفرج
إياد.. كييييف تمشي بروحككك منغير ماتقول لحد فهمني ااه ! متقولش في حمير يقلقو عليا ؟؟؟ مخطرش ف بالك اني ومحمد ننشغلو عليك !!
محمد.. إياد اهدى الناس تتفرج علينا !
اياد… مشش هادي يامحمد مش هادي !
رامز.. مفيش حد فيكم قادر يحس بيا اني مش قادر نقرا ولا نرقد من خوفي علي عيلتي مش مهم نموت غادي المهم نكون وسط اهلي
ومشي اياد وحط ايديه الزوز على اكتافه …..
اياد.. صدقني اهلك هما اهلي وهما اهل محمد.. هانمشي معاك بس فلوقت المناسب اوعدني ليومها متتهورش وتدير حاجة من ورانا … ماشي رامز ! معاش تدير شي من راسك
رامز………..مردش عليه ومشي
ومحمد مشي يلحقه ….
اما اياد ف قعمز علدروج ورجع شد راسه من الألم ……..
وأية شافت كل شي من بعيد ودمعتها كانت على وشك تهرب من بين جفونها لما سمعت اكتر ٣ كلمات يهزو فيها من الداخل عيلة ، خوف .. وموت <span class=”_5mfr”><span class=”_6qdm”>?</span></span>
بس هي معاهدة روحها انها متبكيش قدام حد مهما يكون ……
وكانت بتمشي بس وقفتها حاجة ، ورجعت شافت لإياد حساته يتألم وفي حاجة مش مزبوطة…. قعدت تشاور في روحها تمشي ولا لا…. بس خافت يفهمها غلط .. وتلفتت باش تمشي … ورجعت شبحتله من بعيد …..
اية .. شيت <span class=”_5mfr”><span class=”_6qdm”>?</span></span> ……ورجعت مشتله
اية… hey
وإياد كان مطبس وقام راسه وكانو عيونه حمر <span class=”_5mfr”><span class=”_6qdm”>?</span></span>
أياد.. hi
أية.. سكتت شوية بعدين قالت بتردد… do u need any help ? ” محتاج اي مساعدة ؟ ”
إياد.. لالا اني كويس..شوية صداع بس
أية.. عندي مسكن كويس استنى ..وفتحت شنطها ومدتهوله… نستعمل فيه لما يجيني صداع من القراية وهكي
إياد.. ههه شكرا
اية.. العفو ؛ وان شاء الله لاباس عليك …وتلفتت بتمشي
إياد.. لو سمحتي
أية.. تفضل
إياد.. نعتذر منك ع المرة الي فاتت ، اني ضايقتك مكانش مفروض نتصرف هكي….اني اسف
أية…….
إياد.. مد إيده باش يسلم عليها.. اسمي إياد
وهيا مدت ايدها… أية …
مش مارك صار هههه
إياد.. هههههه No
أية.. هههه أوكي استاد إياد ، تشرفنا .. نستأذن منك
إياد.. اوك .. شكراً علمسكن…. وتقدري تعتبريني زي خوك لو احتجتي اي حاجة
وهني هوا لمس الوتر الحساس في قلبها من غير مايعرف <span class=”_5mfr”><span class=”_6qdm”>?</span></span>
ابتسمت وقتله ان شاء الله..وخشت تجري للقاعه قبل لا يغلبوها دموعها <span class=”_5mfr”><span class=”_6qdm”>?</span></span>
وهي تجري طاحت منها حاجة من غير ماتنتبه ؛
وناض اياد قامها ونادى عليها بس مسمعتاش ….كانت مذكرة صغيرة ومنقوش عليها أول حرف من اسمها بلانجليزي
واول ماخشت وقعمزت علدسك متاعها طلعت كلينكس وبدت تمسح في الكحل الي ساح بسبب دموعها …وغمضت عيونها ، وجت قدامها صورة خوها طول وهوا غارق ف دمه وفتحت عينها وبدت تنفض ف راسها كأنها تحاول تطرد فالصورة المؤلمة هيا من راسها…وتحاول تصفي بالها للامتحان .. <span class=”_5mfr”><span class=”_6qdm”>?</span></span> ..
وكملت امتحانها ومجاوبتش .. وطلعت مطرمة شلاقمها وتسب وتلعن فلدكتور ههههههه <span class=”_5mfr”><span class=”_6qdm”>?</span></span>
ومر اليوم بشكل عادي بدون أي جديد ،
إياد ينادي على محمد من الدار.. محممد .. محمدد
محمد.. ايوا نتكلم ف التليفون لحظة بسس ،
ok honey see u tomorrow after work .. bye <span class=”_5mfr”><span class=”_6qdm”>?</span></span>
“حسناً عزيزتي اراك غداً بعد العمل .. وداعاً ”
… خيرك شن في؟
إياد .. متقوليش قاعد تكلم فلهبلة هاديك ؟
محمد.. هههه مبردك والله الا طيبة هي
إياد .. اي اي .. به تعالالي ياطيب هني في فايل كنت مخزنه في اللاب توب ب اسم “الحرب الأهلية اليمنية (1994) ” وينه ؟
محمد.. والله مانعرف اسأل رامز هوا اخر واحد فتح جهازك كان يبي يشوف رحلات الطيران علنت امس
إياد.. قاعد مش مطلع الموضوع من راسه ؟
محمد.. ههههه ابداً، صاحبك و انت عارفه راسه اكسح منك ..
إياد.. اني لازم نسافر العراق ، توا نمشي معاه بس قبلها لازم نمشي سوريا نغطي الاحداث وبعدين لليبيا نشوف اهلي ومنها للعراق ونرجع امريكا
محمد.. ماشاء الله بتدير جولة حول العالم <span class=”_5mfr”><span class=”_6qdm”>?</span></span> وشن بيرجعك هني تاني ان شاء الله شن عندك انت حتى شغلك تبعت فيه للوكالة بالنت ؟
و إياد سكت متجاهل سؤاله ولما مردش عليه سيبه محمد وطلع يدخن برا .. اما إياد قعمز علطاولة وحط راسه عليها ومُخيلته مش راسمة غير صورة لشخص واحد قدامه .. ?
معقولة مشفتهاش غير مرتين ٣ ومانعرف عليها شي وتفكيري كله فيها لدرجة بنرجع امريكا تاني باش نعرف قصتها ؟ وضحك زي الاهبل بروحه هههههه ؛ زعما هدا الي يقولو عليه حب ؟ ولا مجرد انجذاب لشخصية حد غامض ف حياتك وعندك حب فضول تعرف عليه كل شي؟
وقام عيونه فوق متع يفكر وشاربه علجنب بعدين ناض ضبح .. محمممد ?
محمد.. تي ها النهار المبارك ? شن في
إياد.. انطمر هنايا
محمد.. انطمرت ?
إياد.. قولي ، كيف شفت “إيما” لأول مرة بشن حسيت؟
محمد.. الحقيقة شن نقولك ، اول ماشفتها شدتني براءتها وعفويتها وكيف انها مش متصنعة زي البنات الي هنايا .. حسيت كأنها حاجة مكملتني اول ماريتها ، كأنها هي نصي التاني الي ندور عليه من سنين ?
إياد.. كيف عرفت روحك تحبها؟
محمد.. اول ماخدمنا مع بعض لقيت روحي نتحجج بأي سبلة باش نشوفها ? .. ديما كاسر ودني علي كلامها ونحب صوت ضحكتها .. نتمنى اليوم ميتمش باش نقعد فلمكتب طول اليوم مقابلها ونتفرج عليها من بعيد ❤
إبتسم إياد لا ارادياً لما سمع كلامه … وبعدين تفكر حاجة وسأله .. زعما اهلك بيوافقو عليها؟
محمد.. مستحيل يوافقو طبعاً ؛ بس اني هانقعد وراهم لين نقنعهم …
إياد.. توا اني متلاً نعرفها وشايفها وعارفها بنت محترمة وطيبة ، بس موضوع ديانتها هايصعب عليك الموضوع .. خصوصاً انهم معندهمش فكرة على البنت نفسها
محمد.. هدا لاش فكرت نرفعها معاي ليبيا نعرفهم عليها ، مستحيل ناخد وحدة غيرها ياصاحبي ..
إياد .. هاتخليها تخش الإسلام لما تتزوجوا ؟
سكت محمد ….. بعدين خدي نفس و رد بكل هدوء ، اني عن نفسي مش هانفرض عليها اي شي .. انت عارف انه ديننا دين يسر وليس عسر.. وعارف انه الاسلام مؤمن بجميع الكتب السماوية الي انزلت ومؤمن بكل الديانات .. والرسول -ص- قال لكم دينكم ولي دين.. لو كان الموضوع غلط مكانش ربي حلل انك تقدر تتجوز وحدة من غير ديانتك… ومكانش عليه الصلاة والسلام تزوج مارية القبطية وهي نصرانية ، نتمنى يجي اليوم الي يتنحى فيه الفكر المتعصب هدا بخصوص الإسلام.. وهي مسيحية يعني مؤمنه بالله مش كافرة .. ربي هوا الي بيحاسب مش حني وهوا أدرى بعباده.. لو هيا قررت في يوم انها تسلم فهدا هايكون قرارها هيا وخاص بيها اني مش هانفرض عليها الشي هوا .. وبصراحة هيا طيبة وقلبها زي الطفلة … ومرات تكون هالطفلة ماشية في طريق طويلة مضلمة ومحتاجه بس شمعه تنورلها هلطريق وهي تختار مسارها بعدين … منبيهاش تخش الإسلام بالغصب ولمجرد انها ارتبطت بمسلم نبيها تخشه عن حب واقتناع .. نبيها تحس بحلاوة الايمان مش بالتعصب والجهل الفكري والتهجم لبعض الاشخاص الي نشوفو فيهم شوهو صورة الاسلام ، هكي هاتكرهه مش تحبه .. وهاتحسه فرض ونفرض عليه وبتقبله على مضض باش متخسرنيش.. بس لو متلا تطلقنا هي هاترجع لديانتها مرة تانية عكس لما تكون خاشاته عن اقتناع تام وكلي ، واني متأكد لو إيما حست بنشوة الإيمان هي بروحها هاتسلم منغير ماحد يفرض عليها الشي هوا ….
و إياد ابتسم ابتسامة واسعه وصفق ب ايده ، الله عليك ياصاحبي ، لو تعرف قداش ماكلامك هوا حسسني اني صح لما اخترتك تكون رفيقي فلدنيا ? .. وفعلاً كلامك مزبوط .. لو العالم كله يفكر بالطريقة الي تفكر فيها ره نقص سفك الدماء والحروب والحقد والكراهية الي حني عايشين فيه والإرهاب والي يدمرو في الارض ويقتلوا ف خلق الله بحجة الدين 《(10) وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ (11) أَلَا إِنَّهُمْ هُمُ الْمُفْسِدُونَ وَلَٰكِن لَّا يَشْعُرُونَ (12)》.. صدق الله العظيم
محمد… ربي يهديهم ياصاحبي
~~~~~~~~~~~~~~
أية وهي تطبطب ع سمر .. اهدي ياروحي باذن الله مش هايصير الا..
وقاطعتها سمر وهي تبكي بهستيرية .. ماتقوليييييلي اهدي انا رح مووت م الخوف يا اية اسكتتتتتي مشان الله اسسكتي ، …… وقعدت تتصل بأهلها وتعاود والخط مباش يعلق ……..
سمر.. لالاء انا مافيني اتحمل ، هلأ بدي روح ع سوريا !!!
أية … ششن هبببلتتتتي!!!!!!
يتبع …..>>>>>
#Mera ?
زي ماتفقنا هادي حلقة اليوم وزي ماتفقنا ان التنزيل يوم بعد يوم ?ولو كملت الحلقة بكري وقبل وقتها مش هانبخل عليكم والله ??
ان شاء الله تكون عجبتكم ? واني مزال مبديتش ? ……متنسوش تديرو لايك ?✨
تصبحو???
#تعديل.. شني التفاعل معجبتكمش ?? ؟