رواية “أحمل قلبك .. أينما ذهبت”
صحة شربتكم ❤ 12:00 نزلتها ف موعدها قيمو القدر وتفاعلو هي ??
#تعديل ? سامحووني والله النت دارها فيا ليا ساعه الا نحاول انزل فيها ? وانا زعميتك فرحانه بنزلها ف موعدها ??♀️
قبل لاتقرو في شوية مشاهد باللغة الإنجليزية الترجمة متعهم تلقوها بين علامات تنصيص بعد كل سكريبت ❤ ، متابعه ممتعة و ان شاء الله تعجبكم ❤
~~~~~~~~~~~~~~~~~~~~~~~~~~
الحلقة الآولى ~ ??
ناضت أية على صوت المنبه زي كل يوم علساعة 7 الصبح ❤⏰
كان عندها إمتحان وسهرت طول الليل ف ناضت مرهقة وتعبانه ….
تلفتت لقت سمر صحبتها قاعدة راقدة ف سابع نومة ??
مبتش تزعجها وخشت الحمام دارت دوش علسريع وطلعت توضت وصلت ….
ناضت سمر من النوم على حسها ، ?
سمر.. صباح الخير ❤
أية.. صباح الفل ❤ .. أرقدي شن منوضك بكري ?
سمر..لا مابدي ضليت نايمة كتير مبارح ?..لسة مارِحتي على إمتحانك ؟
اية..اي شوية تاني ونمشي ان شاء الله
سمر.. أيوش ؛ إذا مافيها ثِقل فيكي تعمليلي فنجال قهوة معك ?
اية.. هههههه اي بتؤبريني ?
سمر.. ههههههههههه دخيلو الي صار يحكي سوري انا ?
أية.. هههههههههه اكيد لغة البيست فريند كيف منتعلمهاش ?
سمر.. ههههههه يلا قومي هلأ بدك تتاخري.. قِلك شي قومي انتي جهزي حالك وانا بحضرلك فطار علسريع..اتفقنا ؟
أية.. امممم اتفقنا ??
سمر تكون صاحبة أية وشريكتها فالسكن ، اختارو يكونو الزوز مع بعض لأنها
صاحبتها العربية الوحيدة فلجامعه ولانهم الزوز مرتاحين لبعض ❤ بحكم انها مسلمة زيها وملتزمة أخلاقياً ومتحفظة رغم كونها متغربة زي أية ?
سورية وعمرها 23 سنه و جت تقرا ف أمريكا بمنحة تفوق ومع أية فنفس الجامعه بس كل وحدة وتخصص هي كانت طب نفسي و أية زي ماتعرفوا اخر سنه قانون .. بنت طيبة هلبا وبشوشة ويحكو لبعض ف كل شي هي وأية وتعرف بقصتها ❤❤
وعيلتها قاعدين في سوريا ،
وعندهم زوز صحبات تانيات وحدة من مصر اسمها ” نورهان ” وبنت مغربية “جمانه” وكانو شلة مع بعضهم ? بس فدار تانية بروحهم ??♀️
نورهان كانت مع أية في نفس التخصص وجمانه مع سمر
جمانه 22 سنه طويلة وبيضاء ونقشها علأسود وعيونها كبار وشعرها اسود قصير ..وسمر 23 ، ملامحها رقيقة وهادية ومريحة للنظر قصيرونه شوية وبشرتها قمحية ومتحجبة ?
نورهان 24 سنه كانت متوسطة فلطول وبيوضه وجهها مدور وعندها شدوق ?? ونمش خفيف ع خشمها و عيونها زرق وشعرها بني لحد كتفها وقصة حفاري?
والزوز كانوا نفس أية وسمر ونفس الوضع .. ومحترمات وخلوقات جداً ?
ويحبو هلبا ف الأعياد الاسلامية يتلمو ال4 مع بعضهم ويديرو جو لروحهم وفرمضان يفطرو كل يوم مع بعض ❤
وجمانه كانت مسيحية ، بس بنت محترمة جداً وخلوقة وتحترم في دينهم وكل عاداتهم
وتحب تسايرهم فلأعياد كانت تستمتع بلجو الي يديرو فيه ?
وفلمقابل كل وحدة فيهم محترمة ديانتها ومخلوش الشي هدا يأثر ع صحبتهم ?
زي ماقلتلكم ع قد ما أية كانت بعيدة كل البعد عن ليبيا وعاشت عمرها كله ف أمريكا عمرها مافرطت في عاداتهم الاسلامية الي غرسهم بوها ف قلبها زي البذرة الطيبة الي قعدت تكبر كل يوم معاها من وهي صغيرة زي ماقالو العلم فلصغر كالنقش ع الحجر ❤ والي قعدت راسخة زي الجبل الشامخ في قلبها ..ولسانها ديما رطب بذكر الله وكانت ذكية وعمره ماحد قدر يغريها ولا ضحك عليها ولا يغيرلها فكرها ✨
~~~~~~~~~~~~~~~~~
أية وهي تربط في سبيدروها ، وخرت علكرسي وحطت ايدها ع راسها .. حسيت روحي نسيت كل شي ?
سمر..هههههههه تعوذي م الشيطان إنتي كِل مرة بتقولي هيك و بتجيني الفل مارك ? بتعرفي نورهان شو قالتلي عليكي ! هي نبهتني مشان مااحكيلك بس انا مابتتبل بتمي فولة مِتل مابتعرفي ?
أية.. ههههههه what ?
سمر..انو دكتوركم ييلي شو أسمو هداك نسيت ! الاصلع تبع امتحان اليوم !
أية.. د.ستيفن ؟
سمر.. اييييوا الله ينور عليكي قال لنورهان أنو أية من افضل الطالبات بلمجموعة عندو وأنه وكتير معجب بذكائك الفزز و بدو يعزمك علعشى ????
اية.. are you kidding me ? ? “تبصري معاي ؟ ”
سمر..no at all ??♀️? “ابدا”
اية.. هدا ماناقص اني والشمبانزي هوا
سمر..???????????قطيعة بتاخدهم كلهم متل بعض يختي ??♀️ .. شو هذيك الكلمة الي دايمًا بتقوليها ؟ سعد وقع ، لاء لاء شووو .. سعدك مطييوح ! ?
اية.. ههههههههههههههههههه طيح سعده ??? تعلمت نص لغتكم وانتي مش قادرة تحفظي كلمتين ليبيات ?
سمر.. انتي ماشاءالله عليكي بتكفي وتوفي .. دخليني بهادول القروبات الليبية الي خبرتيني عليهم بلفيس وبتعلم حاضر ?
أية وهي تلبس ف شالها وجاكيتها.. ههههههههههههه هي خلاص انتي بضيعيلي وقتي.. ادعيييلي نجاوب بايي ?♀️
سمر.. الله معك ?موفقة يارب
~~~~~~~~~~~~~~~~~
نورهان.. كترر خيرك جيتي ! تأخرتي كدة ليه الامتحان قرب يبتدي
أية .. اسسفة تعرفي قعدت نراجع فلكافي محسيتش بلوقت ?
نورهان.. طيب أدخلي بسرعه فاضل ٥ دقايق .. خضيتيني ياشيخة منك لله ده انا قلت البت داس عليها قطر وهي جاية ولا حاجة?
أية.. ههههه sorry again?
ومشت تجري خشت الامتحان هي ونورهان وبعد ساعة وشوية طلعت نورهان.. وخشت المكتبة تستنى فيها تكمل ..ولما طلعت أية مشتلها
نورهان.. عملتي اي ؟
اية.. اسكتي تعرفي ع خاطر مرقدتش باهي حسيت الدنيا كلها خشت ف بعضها عندي
نورهان.. هههههه معليشي.. المرة الجاية إبقي خوديلك ربعايه كدة عشان تصحصحي ?
أية.. ان شاء الله ؛ هي نمشو الكافي اكيد سمر وجمانه يستنو فينا غادي
نورهان.. يلا عشان انا على لحم بطني من الصبح ??
أية..وانتي من امتى مكنتيش على لحم بطنك يلا يختي ??
نورهان ..اسبقيني وانا هاحصلك ? هاعمل فون ضروري ??
اية.. هههههههههههههههه خلاصصص هانت كلها سنه وتروحو تديرو العرس ??
نورهان.. ختيبي مش قادر يصبر يختي اعملو اي ??♀️
أية.. هههههههههه باهي متعطليش
ومشت سبقتها أية وطلعت تليفونها تتصل بسمر تشوفها مشت للكافي هي وجمانه ولالا ❤
وهي تدور في التليفون خبطت في واحد من غير ماتنتبه ،
اية..i’m sooooooo sorry i didn’t mean it !!!!
“أنا اسفة جداً مكانش قصدي ”
الولد.. it’s fine , just be careful , are you okay ?
“ولايهمك ،ديري بالك بس ..انتي كويسة ؟”
أية..yes i am , sorry again ….
“أيه كويسة ، اسفة مرة تانية ”
وطبس يقيم معاها بس هي تحشمت وطبست راسها تقيم كتبها ومشت تجري مشافتش حتى لملامحه
وهوا وقف استغرب خجلها بالطريقة هادي لان متعود علوجوه الي هني صحيحة وميعرفوش الحشم ?
وبينما هوا سارح جي صوت من وراه و إيد خبطاته ع كتفه
… اوووو برو ، طيب فيك الي جيت قلنا معاش بنشوفوك لين نمشو نحاربوا باش نلمحو وجهك ???
إياد.. ههههههههههههههه قررد ، شن الجو
محمد..والله عاال العال ، تي امتى وصلت ! خيرك مقتليش نجي ناخدك من المطار
إياد..امس بس وصلت حبيت نديرهالك مفاجئة هههه
محمد.. ههههههههههه والله ليك وحشة ياقدر.. تعالى نشربو قهوة قبل لاتبدا محاضرتي
إياد.. هي ..وين رامز ؟
محمد.. رامز لاهي ف همه بالله ؛ بكل الولد هوا تعرف كان مش شاده ره تلقاه توا عند عيلته فلعراق
إياد.. عنده حق ? .. الله يصبره .. عندي شغل غادي بعد شهرين اني
محمد.. خاطري نعرف مابين كل الخدمات الي فلدنيا كلها ملقيتش غير الخدمه الهم هيا ؟ ياراجل مستغني علي حياتك انت !
إياد.. لا بس مفكرتش فيها زيك ؛ اني يتهيألك اني ندير ف حاجة بس اني ولا شي.. مجرد نوصل صورة ونوري الحقيقة للعالم والوجه التاني للدنيا باش يعرفوا شن صاير ف غيرهم .. ومش كل الناس عايشة مرتاحة.. في ناس تنظلم..وناس حقها يمشي هدر..وناس محطوط السيف على رقبتها باش تسكت على كلمه الحق ومتتكلمش..ومنهم رامز عاجبك حاله هكي وهوا مشعارف اماليه عايشين حتى ولا ميتين ؟!
محمد.. عندك حق ، هي نمشو جعت … نكلموه يجي معانا ؟
إياد.. اي كلمه يحصلنا متخليشي يقعد بروحه غادي
محمد.. مية مية
رامز يكون صاحب محمد وإياد عمره 35 سنه عراقي الجنسية .. يحضر ماستر في طب النفس والفترة الاخيرة بدي الوضع الأمني متلخبط غادي وهوا قلقان هلبا على عيلته ويبي يسافر يطمن عليهم بس مش قادر لان مسكرين الطيران في العراق ..وهوا ومحمد مع بعض نفس المجال ..
وإياد ليبي عمره 32 سنه ويسافر كل مرة مكان بسبب خدمته و توا تتعرفوا عليه اكتر بعدين وتعرفو شن هي خدمته ❤
ومحمد صاحبه 26 سنه .. علاقتهم ببعض من زمان بكل كانو ولاد شارع من لما كانو في ليبيا.. وحتى رامز كان عايش في ليبيا هوا وعيلته من صغره بس لما سافر لامريكا اهله مشو العراق
خشو الشباب مع بعض للكافي وخدو طاولة وقعمزوا ،
واتصل محمد برامز وقاله توا يلحقه………
~~~~~~~~~~~~
أية.. جعاااانه جعانه جعانه لدرررجة متتخيلوهااش ?
نورهان..وانا كمان ?
سمر.. هلأ طلبنا انا وجمانه بس شوي وبيوصل الأكل
اية..شن طلبتوا ؟
سمر .. هيك من كل شي …فطار كوكتيل يعني وانتو اختارو الي بدكن ياه ?
أية..هههههههه تمام ، جيجي ممكن تعطيني قلم من عندك نبي نكتب حاجة
جمانه.. تفضلي ? ((طبعا شوفو بما اني منعرفش ندوي مغربي ف جمانه تدوي ليبي باش يفهمومها صحباتها ولان اني منعرفش ندوي مغربي اصلا ف متحشمونيش ومشوها باهي ??))
وبينما هما يهدرزو مع بعض ،،
اية سمعت صوت حد يتكلم عربي خلاها تتتلفت وتشوف الصوت لمن ……
محمد… ماشي تمام نستنو فيك ، تلقانا اني وإياد علطاولة الي فلزاوية … مية مية هي
وتلفتت اية لصحباتها .. هههههههه شوفوو في واحد ليبي ورانا ، الله قداش ليا مشفتش حد من العيله لين قريب نسيت شكلهم ?
نورهان.. ااه صحيييحح ؛ الواد شكلو أمور و حليوة كدة ارمي حبالك عليه ☻?
سمر..ههههههههههههه اسكتي ياهبله
جمانه.. اي خلاص متشوفولاش لا يحسبكم ميتين عليه ?
اية..????
ورجعو يهدرزو ،،
ورجع إياد للطاولة الي فيها محمد وقعمز كان ماشي يطلب ف الأكل
إياد.. تي خيره عطل هدا
محمد..وين نندري عليه.. قال كولو وفوتوني بيجي يهدرز بس
إياد.. زمر عاد …..
محمد.. ههههه اسمع تشوف فلطاولة الي مقابلتنا من غادي
إياد..وين ؟
محمد.. ال٤ بنات الي مقعمزين غادي
إياد.. اي خيرهم
محمد..لا شي غير سمعتهم يدوو عربي وفيهم وحدة متحجبة ☻ نحس ف روحي شابحها قبل ?
إياد.. ههههه ايا ..وتلفت شبحلهم وتهيأله شاف البنت الي خبطها مبكري مم لبستها بس كانت عاطياته بالضهر مكانش متاكد هيا ولا لا ….وقال ف سره معقولة ليبية؟ بس مش باين عليها بكل …
وتفكر كيف تحشمت لما خبطت فيه و وجهها تلون هلبا الوان وضحك ضحكة هادية ع جنب ❤
إياد.. المهم ، خلي ناكلو ونمشو بسرعه لان وراي مشاوير لازم نديرها ونمشي مش طايق القعدة هني ..مدابيا نسافر في اسرع وقت ..
محمد.. اي به ، ترا جيب ريموت التلفزيون من الراجل متع المحل نشوفو الاخبار فلعراق بكشي نلقو حاجة تهدي رامز شوية
إياد.. هاك .. وقعدو يقلبو فلمحطات لين جت محطة إخبارية عربية هما حاطينها ف التلفزيون بما انهم زباين فلمحل وهكي ?ف خلو عليها .. وبدت تعلن فلاخبار منهم العراق الي كان الوضع مش مستقر فيها أبدا وصاير قصف جوي علمساكن متع المدنيين ، وبدو يعرضوا في صور لجرحى ومصابين
ع خشت رامز صاحبهم وقف يشوف ….
أية.. يابنات شفتو الاخبار ؟
نورهان… لا حول ولا قوة الا بالله ، ربنا يفرج عليهم ويفك عليهم كربهم …..
الأخبار ……. (( ننطلق الآن للأزمه في سوريا ))
نورهان شهقت.. سسسسمر بصصي !
الاخبار …… إندلعت مساء الامس مظاهرات احتجاجية مطالبة بإسقاط النظام في سوريا ، حيث سقط العديد من الجرحى والمصابين خلال هذه الاشتباكات بين عناصر الأمن والمحتجين….. وكما بلغنا من شهود عياد سقوط عدة شهداء أيضاً إثر هذه المظاهرات التي تطالب بلحرية رافضة للظلم والفساد والاستبداد الذي يعاني منه الشعب السوري أملتاً تحسين الوضع بسوريا وقمع الظلم والنظم والاسس الدكتاتورية .
وسمر اول ماشافت الخبر وجها بدي اصفر وخافت علي اهلها لايكون صاير لحد فيهم حاجة ….وناضت تجري باش تتصل بيهم وتتطمن عليهم
وناضت معاها أية …… خلاص هدي روحك بإذن الله هايكونو بخير …
سمر بدت تبكي.. ماحدا عم بيرد .. يا الله دخيلك…بترجاك تحميلي اهلي وتبعد عليهم الأذى يارب ??
أية .. باذن الله خير متخافيش هدي روحك بس .. تعالي اشربي مية وهدي اعصابك وتوا نتصلوا بيهم…. اهدي ……..
وخشت للمقهى تاني وهي حاسة الدنيا تدور بيها ، وقعمزت جنب البنات تبكي وهما يحاولوا يهدو فيها ويطمنوها…وجمانه تحاول تتصل بأهل سمر
محمد.. لا إله الا الله ؛ شكله عدوى جت للوطن العربي كله ههههه
إياد.. احسن خلي ينوضوا.. قداش بيسكتوا علظلم ، خلي يطالبو بحقوقهم مفيش رئيس يقعد بلغصب عن شعبه … مش هاينحكموا بلسيف هما !
رامز…. عندك حق ، الساكت عن الحق شيطان أخرس… إذا الشعب يوماً اراد الحياة.. فلا بد أن يستجيب القدر ،
(( طبعا رامز يدوي ليبي عادي لانه كان عايش فيها ))
إياد..شكله بنخطم ع سوريا واني مروح ??
محمد.. زمر ?
إياد.. ?? زي الي طاولت البنات الي قدامنا الوضع فيها ملخبط شوي ،
محمد.. حسيت حتى اني.. من لما جابو خبر سوريا.. مش قتلك شكلهم عرب ؟ ..
إياد……
وكملوا ماكلتهم وجو طالعين…. إياد خلى محمد ورامز يحاسبو وهوا وقف ع الطاولة الي فيها أية وصحباتها
طبعا هوا مشي لان الفضول بياكله يبي يعرف هادي نفس البنت الي خبطها ولا لا وهل هي ليبية فعلا او لا ☻? .. بس مكانش يبيها هي تعرف انه ليبي …..
إياد.. excuse me ? Is there anything wrong here ? Your friend is sick or something ? do u want me te get help ?
“عفواً ، في أي حاجة صايرة ؟ صاحبتك مريضة ولا حاجة ؟ .. تبي نطلب مساعدة ؟ ”
أية…. Noo she’s just worried about her family because of the news .. in souria .
“لا هيا بس قلقانه على أهلها بسبب الاخبار..في سوريا ”
طبعاً أية معرفاتاش مني لانه لما خبطت فيه مشافتش لوجهه ، ف كانت اول مرة تشوفه بالنسبة ليها
إياد.. oh i’ve heared about it yes.. sorry for that , i hope ur family is doing fine , they will be safe , may the god protect them .
“سمعت بيها اي.. خبر مؤسف ؛ ان شاء الله تكون عيلتها كويسة وبأمان … ربي يحميهم ”
أية..thank u sir ………”شكرا سيدي ”
إياد.. hhhh mark , my name is mark , if you need any thing i will be ,,,
” هههه مارك ، اسمي مارك ….لو احتجتي اي شي هانكون…..”
أية قاطعاته وردت عليه بحدة
..we don’t need any thing ! Thanx for asking .
“مش محتاجين ولا حاجة ! شكرا علسؤال”
إياد.. استغرب كيف تكلم فيه وحس بروحه زودها… ok sorry , bye…ومشي
نورهان.. مالك يابت هبيتي فلراجل كدة ليه ? كان عايز يساعدنا مش اكتر
أية..والنبي يمشي يروح يطلعولك كلهم الشهامه توا..معنديش فيهم تقة جنس ادم
نورهان .. ههههه احب اطمنك ، انتي علحال ده هاتعنسي
اية.. نعنس عادي ، مفيش حد زي بابا الله يرحمه ، كلهم وحوش بشرية بالذات الشباب هني ، خاطري في حد يخاف عليا زي بابا ماكان يخاف على ماما.. يحسسني انه ظهر ليا..وسند…واحد اول ماشافني جي من الباب طول لانه شاف فيا شريكة حياته وشافني من داخل قبل من برا مش واحد مجرد انجذب لشكلي جي كلمني ولا طلب موعد مني !
نورهان.. طلبك مش موجود هنا للأسف ??♀️ هنا عشان يحصل الي انتي عايزاه لازم اقل حاجة يقابلك مرة ولا تنين في موعد غرامي ويتعرف عليكي وبعد كدة……….. قاطعتها اية >>
اية.. مستحيل نرضى ؛ نموت عندي اهون من اني ندير هكي ، هايجي في يوم اني متاكدة نلقى فيه الي يستاهلني …. ومنغير مانخش معاه في اي شي يغضب ربي مني ، نبي الحب الحلال زي حب ماما لبابا .. حب طاهر وقوي ويعيش العمر كله وميتغيرش .. مابني على باطل فهوا باطل
جمانه.. سسسمر ، ردو ردو خودي
سمر… الو !!! امي …ونهارت بلبكي…انتم مناح كلكم مافيكم شي !؟ طمنيني عليكم انتو كويسين !!! …….
امها.. اي بنتي احنا مناح ماتخافي علينا ياعمري ،
والبنات فرحو اول ماسمعو هكي ❤❤❤
سمر.. وأخي حيدر والبنات وابي كلكم مناح !
امها… إي إي خواتك قاعدين جنبي عم يدرسو إذا بدك تحكي معهم …
سمر.. سلميلي عليهم كتير وبوسيلي راس ابي وديرو بالكم ع حالكم اي ! وقولي لحيدر ماينفخ خالو ويضلو بغرفتو مايطلع نبهي عليه مايطلع وحتى انتم ماحدا فيكم يطلع إيي !! ……. الله معك وانا رح اتصل بيكم كل يوم ماشي ؟ ……….سلام
ونورهان قعدت تحمد ربي وتشكره وكذلك جمانه صلت باش ربي يحميلها اهلها ويحفظهم…
أية.. هههههه شفتي قتلك مافيهم شي
سمر.. الحمدلله
أية .. وان شاء الله هايهدا الوضع عن قريب ويرجع كل شي زي ماكان
البنات كلهم ..اميين يارب
~~~~~~~~~~~~~
محمد.. علاش تاخرت ؟
إياد.. شي كنت نشوف ف حاجة
محمد.. حاجة عندك هاديك الطاولة ?
إياد… ههههه اي شفتهم لو محتاجين مساعدة او شي
محمد.. خيرهم كانو يتباكو وحني طالعين ؟
إياد.. ريت البنت الي متحجبة
محمد.. اي خيرها
إياد.. سورية ولما شبحت الخبر قلقت ع اهلها
محمد.. ااه ، ربي يكون ف عونها مسكينه.. اكيد خايفة عليهم
إياد.. مااشاء الله علاستنتاجات ?
محمد…نعجبك يابرو ?
~~~~~~~~~~
نورهان.. يلا نقوم عشان اتأخرنا ؟
سمر.. اوكي
أية ..امشو انتم اني بنمشي المكتبة نشوف كتاب جديد نقراه توا نلحقكم
سمر.. طيب ماتتأخري وديري بالك ع حالك ..
أية.. ههه ماشي وانتم ديرو بالكم ع سمورتي متخلوهاش بروحها ?
نورهان.. يختي علحنية .. يلا ياضنايا لحسن هاعيط ?
ومشت اية طلبت تاكسي ورفعها عند المكتبة مكانتش بعيدة عليهم هلبا…
وخشت سلمت على امينة المكتبة كانت تعزها هلبا ?
مرا كبيرة فلسن شوية بداية الخمسينات ومثقفة جداً وحافظة كل ركن وكل كتاب فلمكتبة ظهراً عن قلب.. رقيقة وقصيرة وشعرها اسود قصير فسطه شوية خصلات بيض ❤
إسمها ايفا ،،
” إيفا بلانجليزي عندهم يعني حواء ”
وهدرزت عليها أية شوية وسألتها علاش مجتش الفترة الي فاتت كلها ف اعتذرت منها اية وقتلها انها انشغلت في قرايتها ومعاش حصلت وقت تجي … وقتلها انه المكتبة كلها تحت امرك ف اي وقت ❤
كانت تعرف بقصة أية وتعرفها ليبية وتعرف حكاية عمتها كيف خلتها وموت امها وبوها.. وكانت متعاطفة معاها جداً ..
ومشت اية لركن الأدب كانت تحب الشعر هلبا ?
وقعدت تتصفح فلكتب وكانت إيفا تحب تراقبها من بعيد مع كل كتاب تتصفح فيه كانت تعرف من تعابير وجها عجبها ولا لا هههههه
ف شدت كتاب اية كتاب وتحسساته بايدها ونفضت من عليه الغبرة كان قديم والباين محدش كان يقرا فيه….
فتحاته وقرت جزء منه
” i carry your heart with me , i carry it in my heart ..i am never without it , anywhere i go… you go , my dear ..and whatever is done by only me is your doing , my darling ”
( I carry your heart with me )
“أحمل قلبك معي ، أحمله في قلبي .. أنا لا أخل به أبدًا ، في أي مكان أذهب إليه … تذهب معي … يا عزيزي .. وأيًا كان ما يحدث …. ”
وسكرت الكتاب وقرت اسم الكاتب
E.e. cumings
وعجبتها ورددت العبارة ف سرها.. أحمل قلبك معي اينما ذهبت ❤
عجبها وحست الكتاب لامس مكان قريب من قلبها ? وتحسست السلسلة الي لابستها الي شرتها هي وامها وهيا صغيرة قاعدة محتفظة بيها لتوا ?
ف قررت تقرا منه شوية وقعمزت
وبدت تقرا فيه ومحستش بلوقت لين عدت ساعه
~~~~~~~~~~~~~~
إياد.. ماشي هي نتلاقو
محمد.. لما تطلع كلمني
إياد.. مية مية
وخش إياد للمكتبة كان متعود ديما يمشيلها كل مايمشي غادي.. وسلم ع ايفا ومشي طول لركن الكتب التاريخية كان حشيشته ومهووس بالتاريخ ..
وقعد ماشي فلممر يدور بين الكتب لحد ماوصل لاخره ولمح حد مقعمز فلطاولة الي مقابلاته وابتسم اول ماشافها مني….?
كانت تقرا فلكتاب بشغف وكأنها بروحها فلكورة الارضية ومش حاسة باللي حواليها … فكر يمشي يكلمها بس خاف يزعجها وتحسه يتطفل عليها او يلحق فيها …..كان حاس انه البنت هادي وراء قناع القوة الي لابساته شخصية لبنت هشة وضعيفة تحاول تخبي فيها..و وراها قصة كبيرة
ف جبد كتاب ومشي لايفا باش يستعيره وعينه مش قادر يشيلها من عليها ..
لحد مافجئاته ايفا وقتله..
Britty girl , isn’t she ..
“فتاة جميلة ، أليس كذلك ؟ ”
ورد عليها إياد بعد مالاحظ روحه وتحشم .. hh i guess so
“على ما اعتقد ذلك ”
Eva.. poor little girl .. she had a difficult childhood , i love her , a strong independant woman ! she’s like you by the way , from libya .
“يالها من فتاة مسكينه ،…لقد عانت من طفولة قاسية ، أنا أحبها ، فهي إمرأة قوية ! هي مثلك بلمناسبة ، من ليبيا ”
وإياد ضحك ورجع شافلها لانه كان حاسس من اول ماشافها فيها شي مختلف .. وخلى الكتاب ع الطاولة وقالها توا نرجع
ومشالها وقعمز ع نفس الطاولة متاعتها مقابلها
وبين ماهي كانت منهمكة فلقراية لدرجة ملاحظتش وجوده ?
إياد.. اححم
اية …….
يتبع……….>>>>>
#mera ?
بنقولكم حاجة تانية دوتي هلبا عارفة تحملوني ?
أول حلقات مش هايكون فيهم هاديكا الاحداث يعني الرواية هاتبدا مشوقة و تسخن وتدريجياً لان مينفعش نخش فلاحداث طول لازم تمهيد ليهم قبل يعني الي بيمل يوسع معاي باله شوية لان منبيش نجري فلقصة ولا نختصر فيها ونعطيها حقها وباش تعيشو مع الشخصيات وتحبوهم زي كل مرة انتو خلو بس عندكم ثقة فيا زي كل مرة ❤ وانا نوعدكم بأحداث ناار ومتخطرش ع بال حد فيكم ??
وانا وعد مني هانفجر كل مواهبي الكتابية فلرواية هادي بالذات? باش تجي بلمستوى الي تستاهلوه يا أحلى قراء فلدنيا ❤? ناخد فيكم بللسان ههههههههههه
المهم استنوني .. ? ،
ولسنا الوحيدون ولكننا متميزون ?✨