رواية “أحمل قلبك .. أينما ذهبت”
الحلقة العشرون ~ ??
?《الأخـــيـــرة》?
((الجزء الأول))
اية.. اياد خيرك ! هدا مكان خطير ؟؟؟؟
وإياد سكت معاش عرف شن يرد عليها ؛
اية.. رد عليا !!
إياد.. هدا …. هدا ، وحس انه مفروض ميقولش قدام ريهام ، وخدي أية ف تركينه وقالها….. أية هدا اكبر تنظيم ارهابي ف الوطن العربي !!!! اختك نضمت لداعش
أية… ششششششن تقوووول مستحيييل انت !!!! ارهابي !!! كيف تنضم لحاجة زي هكي !!!! مش قادرة نصدق … اكيد في ششي غلط
إياد….. اكيد هي متعرفش ف شن دخلت روحها بس لازم نلحقو عليها ف اقرررب فرصة
أية.. به كيف بنعرفو مكانها !
إياد… مشعاررف توا .. مشعارف….
وتشكرو ريهام وحاولو ميخلوهاش تشك ف حاجة ،
وركبت للسيارة وهي تشوف فلدنيا كلها سوداء قدامها……
إياد.. هدا تنظيم ارهابي منشق من القاعدة .. بعد ما مات اسامة بن لادن اسسوه ، بس مزال يشتغلو فلخفاء ومحدش يعرف بيهم توا ……..
أية..وانت كيف تعرفهم ؟؟
إياد.. لان شغلي يا اية يتطلب اني نعرف كل كبيرة وصغيرة يا اية فلمواضيع هادي …. المهم اختك ف مكان خطر ، ولازم نلحقو عليها ………
أية بدت تبكي ع حظها وهي كل ماتلقى خيط وتجي تبعه تلقى نهايته مقطوعه ومش قادرة توصل لطرفه ? …… اياد تصرف ارجوك ، رجعلي اختي بالله عليك……. اني نبيها قلبي محروق
إياد…. شد ف ايدها وباسها ؛ واني وعدتك اني هانرجعها ❤ …. اسمعي ردي بالك تجيني سيرة للي فلحوش انها فلمكان هدا … خطر جداً ع حياتها اي حد ياخد علم ، حاولي تباني طبيعية ؛ وقوليلهم عرفنا مكان العيلة الي تبنتها ومشو مكان تاني ولما نرتاح اني واياد هانمشو نشوفوهم ،
أية.. مسحت دموعها ، اوكِ
إياد.. ترا قولي نحبك
أية.. هههههه منحبكش
إياد.. هههه دوري من يرجعلك اختك مالا
أية.. لاخلاص نحبك ☹
إياد.. مصالح عيني عينك ?❤
و ولع السيارة ورجع أية لحوش شاهين ،
وقالتلهم زي ماقالها اياد وحاولت تبان طبيعية وفرحانه وخشت ترتاح ، كان الليل جي
و اول ماحطت راسها عالسرير قعدت تبكي وقلبها ياكل فيها ع وخيتها ، ويزيد كرها ونقمها ع الي كان السبب في كل الهم و الألم الي هيا فيه …
وفتحت تليفونها ع صورة امها وبوها كانت محتفظة بيها ؛
… شفتو يابابا الي صار فيا من بعدكم ؟ وشفتي يا ماما سخرية القدر مني ، نعيش
25 سنه واني نحساب روحي بروحي ، وفجأة نلقى عندي اخت ?….ولما نعرف معاش نقدر نلقاها ، في اصعب من هكي ؟…. قولولي شن ندير ، و وين نلاقيها وكيف…. تعالولي فلحلم وشاورو عليا ، محتاجتكم هلبا????
ونهارت بلبكي بشكل هستيري ومحاولة تكتم صوتها باش محدش يسمعها…… بس الي جي وفتح الباب ؛ ميس بنت شاهين …. الي كانت حاسة ان الي قالاته قدامهم مكانش الحقيقة.. وطول خدتها ف حضنها وقعدت تهدي فيها…
ميس.. متخافيش باذن الله هاترجعلك.. صدقيني ،
أية…. ي..ا ..رب … يارب …..
وحطت راسها علمخدة ونامت ع جنبها و وراها ميس تمسحلها ع شعرها وتقرالها ف قرآن باش تهدى …. لحد ماخداها النوم وغفت ………..
اما إياد.. ف اتصل بمحمد وعطاه علم ب الي صار ، واتصلو برامز فلعراق….وكان كل واحد فيهم عنده معارف وكل واحد فيهم يدور بطريقته الخاصة كيف يوصل لمقر داعش السري في ليبيا ؛
وقعدو يومين تامات ميرقدوش فيه ال٣ ويحاولو و يدورو ويسألو ، اما الي قدر يفيدهم ف معلومة ، عن طريق رامز … قدر يوصل لمكانهم فلعراق ومنه تعرف ع شخص عن طريق واحد صاحبه مع المقاومة
(( المقاومة مجموعه سرية تبدا في كل مقر لداعش متخفية ضد كل الافكار المتطرفة والعدوانية الي يطبقو فيها ويحاولو يساعدو فلناس بدون علم كبار الدولة الاسلامية يعني متخفيين بينهم باش يقدرو يعرفو كل كارته يقومو بيها ويحاولو هما من وراهم يمنعوها من انها تصير او منع اي خسائر بشرية وينقذو فلابرياء منها ))
بعد ماعرف مكانهم وبلغ بيه اياد ، جي الوقت الي يحط بيه خطة محكمة تخليه يقدر يخش بينهم بدون مايحسو بيه
رامز ….اسمعني كويس ونفذ الي نقولك عليه بلحرف ، في واحد غادي اسمه فخر الدين …….. اول ماتوصل غادي ، هاتقوله انا من طرف القائد ابو طارق ، فخر الدين هايعرف طول من انت ، وهدا شخص ثقة هلبا بينهم واثقين فيه لأبعد الحدود…. وهدا من المقاومة ف ليبيا ، بس حسسسك عينك تقول الشي هدا قدام حد …. هدا هايساعدكم توصلو لملك ، ودار خطة باش يقدر يطلعها منها بدون شكوك منهم ولو مشت الامور زي ماحني مخططين… في غضون اسبوع هاتكونو كلكم هربتو منهم ،
إياد…هانمشي بروحي اني صح ؟
رامز.. لا لازم أية تكون معاك ،
إياد.. ششني ! .. مستحيل رامزز .. منقدرش نجازف بيها ف مخاطرة كبيرة زي هيا !!
رامز.. انت مش قلت ان الشبه بين ملك واية كبير ؟ .. للأسف ح نحتاجوها فلخطة متعنا والا مش ح نقدرو نحققو الشي هوا منغيرها … انت هاتاخدها ع اساس انها زوجتك ، و اول ماتوصلو غادي هايعطيكم فخر الدين جوازات مزورة … هايعطي كل واحد فيكم اسم جديد ، وهوية جديدة و أية هاتكون جنسيتها ايرانية ….
إياد.. هههه انت اكيد تبصر صح ؟
رامز.. يا اياد وقت بصارة هوا ! يهديك ربي افهمني لان اي ابسط غلطة منك هاتودينا كلنا فداهيية ؛
إياد.. اني خايف عليها يا رامز
رامز.. عارف وحاس بيك ، بس هدا الحل الوحيد الي قدامنا… شوف شن هاتدير وركز معاي ……. وباذن الله كل شي هايمشي تمام
مش ح نحكيلكم توا شن الخطة الي هايديروها ❤ تفرجو احسن ?
كانت أية ف دارها تقرا قرآن ، لحد ماخبطت سمية….
سمية.. بنيتي ❤ صباح الخير
أية.. صباح الفل خالتي
سمية.. اياد جي برا ويبيك ،
اية.. الله ! وينه ؟
سمية.. فلجنان برا
وناضت تجري برا ……
إياد.. اهلا يامصحلجية ❤
أية.. ههههه اهلا ، شنج
إياد.. تمام ..خيره عيونك منفخات هكي ؟ كنتي تبكي ؟
أية… لا بس مكنتش نرقد باهي ؛ وصلت لحاجة ؟
إياد.. تعالي ❤
أية.. شن في ؟
ولما قربت منها حضنها ❤ وقلبه كان كأنه يوجع فيه … خايف من الي بيديره ، وخايف يخسرها … وخايف حياته من غيرها…ومش عارف كيف قلبه هايطاوعه يدير فيها هكي ?… بس هوا مضطر ..و وعدها انها يرجعلها اختها…ويارب رجوع اختها ميكونش سبب خسارته ليها ?
اية.. عمو لو سمحت حد يشوفنا ?
إياد.. هههههه اسف ؛ وبعد عليها …
أية.. اي قولي ، لقيت حاجة ؟
إياد.. حك عيونه ، لقيته اي
أية.. خيرك تعبان ؟
إياد .. شوية .. المهم اسمعيني ، جهزي روحك بنسافرو فلليل ،
اية.. لوين !
إياد……….
حكالها اياد كل شي مبدئياً لكيف بيمشو والباقي هايحكيلها عليه فلسيارة لان مفيش وقت…. الليلة لازم يكونو في المكان المعهود …….
اية.. وشن بنقول لعمي شاهين ؟
اياد.. قوليله زي ماقتلك اول مرة.. بنمشو نشوفو العيله الي تبنتها واحتمال تغيبي اسبوع لان مش ف طرابلس
أية.. تمام ،
إياد.. نتلاقو فلليل ؟
أية.. اوك ❤
إياد.. ديري بالك ع روحك ❤ …
أية.. حتى انت ❤
وكيف بيمشي اياد ناداته اية ….
أية.. ايااد
اياد.. اه؟
أية.. اني نحبك ❤
إياد……… واني اكتر ❤
ومش هانطول عليكم الاحداث ، جهزت اية روحها وقتلهم ان طيارتهم فلليل ….
و اول ماطلعو من حدود طرابلس استقبلهم محمد ومعاه واحد ، و ساقو بيهم للمكان الي ماشيينله ……
و بعد يوم وليلة ، ولا الف ليلة وليلة ?…
اياد.. اية ؛ اية نوضي …. وصلنا …. هانباتو هني الليلة
اية..فتحت عيونها ببطئ ، وين حني ؟ وصلنا للمقر ؟
إياد.. لا بس هانباتو هني لحد الصبح… هايجي حد يعطينا هويات جديدة باش نخشو بيهم..ولازم ناخدو حاجات قبل ……
أية… به
محمد… متأكد متبيش نقعد معاكم ؟
إياد.. هههه لا مية مية اصلي ياعشيري.. منور زايدة معاك هلبا❤
محمد.. تي عيب ياراجل رانا خوت…. المهم رامز بعتلي واتس وقالي الشخص الي باعتهولكم فخر الدين ومعاه هوياتكم الجديدة هايكون هني غدوة الساعه 8 ..كونو جاهزين
إياد… تم مية ميةة…..
محمد.. هدا كوخ مأمن متخافش تقدرو تقعدو فيه للصبح … واشعل النار طول الليل ع خاطر التعابين بس ?
اية.. تعابين ??
محمد… ههههههههه نبصر نبصر شن صحراء هيا
اياد.. مبيخ عمك وقت بصارة هوا
محمد.. سوري قلت نلطف الجو بس هههههههه.. المهم …..خدي اياد وطبطو بعض.. ترجعو بالسلامة ياصاحبي ❤
اياد.. ان شاء الله ❤ .. وصحيت هلبا انت ورامز والله مكنتش عارف شن بندير منغيركم ❤
محمد.. ياودي هلخميسة المقطعه بالله اقلب وجهك الساعه ١ الصبح كان بتلحق ترقدلك سويعتين وخ نتوكل اني ع حالي واقعد انت هني يكشي ياكلك ديب ونخلص من مصايبك ومشاكلك
اياد.. الصديق الكلب ???
اية.. ?????????
ومحمد مشي يجري قبل لايشوطه ههههههههه
ولما مشي ، شبحو اياد واية لبعض وحست بلخوف والوحشة فلمكان … كان يشبح الصحراء بس في شوية نخل يظلل فيه….والكوخ كان تصميمه بسيط وغريب …وشبحت لاياد وهي ساكته
إياد…. اية ؛ واتقة فيا ؟
اية.. ههه شن تقول ، اكيد
إياد.. به خشي ارقدي انتي الداخل….واني هانفرش برا الباب ونتكى
اية.. بترقد برا ! مش صقع عليك ؟
اياد… لالا مش ح نرقد ، بنقعد نايض اصلا مش جايني نوم
اية.. مالا حتى اني بنقعد نايضة
اياد.. اية مش وقت عنادك
اية.. قصدك اني عنيدة !
اياد.. اي خشي ارقدي هي متكسريليش راسي
وأية تعفلقت منه وخشت الداخل وسكرت الباب وقعد هوا برا…وهواو قصداً نرفزها باش تسمع الكلام وتخش مع انه عارف ان مصالحتها مش هاتكون ساهله …… بس هوا ع قد حبه ليها ميقدرش يقعد ف مكان مسكر معاها وبروحهم ❤ وهي فلاخر امانه ف رقبته وعمها وثق فيه وخلاها ف امانته ?
هدا هوا الحب ❤ .. مش الي اول مايبدا عنده فرصة يستغلها ، الراجل الي يحب هايحطك بين عيونه..وهايشوف خواته بين عيونه والي ميرضاشي فيهم ميرضاشي فيك ❤.. اعرفو كيف تختارو صح ، مش كل من زيف كلام حلو معناها يحبك .. مش من كل يوم يجيبلك هدية يحبك…وكل من لمسك لمسة تغضب ربي منك يحبك ❤ .. الي يحبك هاتلقيها ف عيونه ومواقفه قبل كلامه..و بإنه ملتزم حدوده معاك حتى لو جت قدامه مليون فرصة ❤ .. مفيش حاجة اسمها الشيطان شاطر ، لا في نفس ضعيفة.. متخافش من ربي.. وايمانها ضئيل
نرجعو لروايتنا ، ومننسوش ان كل رواية فيها عبرة ….وعبر الرواية هادي بين السطور… و وسط الكلام ❤ وفسط الحروف ❤ … وفلمواقف … منبيكمش تقرو باش تعرفو احداث وبس لا.. استفيدو من الي يصير ليكم انتم ….ولحياتكم ❤ … لان الي يقرا فيها بكل جوارحه هايفهم من كل مشهد نكتبه العبرة الي فيه ❤مش شرط نكتبه ف نهاية الرواية زي كل مرة ❤
~~~~~~~~~~~~~~~~~~~~~~~~~~
جي النهار….وطلعت الشمس الشموسة ? ..
والجو سخن طلعت اية من الكوخ كانت الساعه 7 وربع والشمس حامية شوية…..
لقت اياد مقعمز شاد عصا ويلعب بيها علتراب….ولما شافها ،
اياد.. صباح الخير
مردتش عليه وهي ضاربة بوزها ?
وهوا ضحك بصوت واطي وناض خش للكوخ وسكر عليه باش يبدل ولما طلع ،
اية.. امتى بيجي الراجل ؟
اياد.. اكيد توا ع جية
اية….
اياد… زعلانه مني البرنسس اية ؟
ومردتش عليه وشوية و وصل الراجل الي يستنو فيه ….
……..اني من طرف فخر الدين ، ح نوصلكم لحد مقر الولاية
إياد.. تمام ، هيا اية
وركبو معاه فلسيارة وقالهم الراجل بعد ماشاف لأية فلمراية…… لازم تتخفو ،
اية.. كيف ؟
الراجل.. مستحيل يدخلوك هكي ، هايحسو بحاجة غلط..
لازم شكلك ولبسك يبدا زيهم باش ميشكوش فيك ……
أية.. يعني شن نلبس ؟ وشاح ؟
الراجل…. ههههه لا ..
إياد.. بتلبسي نقاب
أية.. بلحق ؟
إياد… اي
ودرس بيهم ع محل وشرت منه اية عباية وخمار …..
اياد… اية خودي عدسات ، ودكني لون بشرتك شوية
اية ..وعلاش ان شاء الله ؟
اياد.. مش كلهم يقولو انه شكلك نسخة من اختك ؟ معناها لو شافوك غادي هايتعرفو عليك طول…. خودي عدسات بنية وكريمة بشرة
اية .. به اوقفو بيا ع محل مكياج..
وبلفعل وهما فلطريق وقفت ع محل مكياج وخدت فاونديشن ادكن من بشرتها وعدسات سود ولبست العباية والخمار زي ماقالها….وشبحت لروحها فلمراية وحست بلخوف للحظة بس قالت عادي ، كله يهون باش نرجع لاختي ❤…….
و اياد خدي جلابية بيضاء قصيرة زي السنة ولحية صناعية وشناب مزيف ودار علامة الصلاة ع جبهته واية لما شافت منظره مقدرتش تشد روحها م الضحك ?
اياد… اضحكي اضحكي
أية.. ناقص تغني جاموسة راحت تقابل جاموسة ?
اياد.. مبرد وجهك ? رضيتي ?
اية.. لا برا ?
وكملو طريقهم وكانت رحلة طويلة وصلو قبل المغرب بشوية ؛
أية..وصلنا ؟
الراجل.. اي ….. توا خودو هويتكم الجديدة ؛ انت اسمك عبد الحق ؛ من الشام …. وزوجتك إيشا .. ايرانية ….وجايين من طرف ابو طارق بلعراق……والباقي القائد فخر الدين لما يشوفكم هايفهمكم عليه ……. انتم توا هاتنزلو هاتستقبلكم ام طلال المسؤولة عن الدار …. لان ابو طلال في مش موجود حاليا مشي لموقع عسكري كم يوم وراجع …وحني هانستغلو غيابه وهي هاتخلي فخر الدين يستقبلكم بالنيابة عنه ، فخر الدين زوجته اسمها ام سياف ….. وهادي حتى هي هاتساعدكم
إياد… تمام …….. ننزلو ؟
شبحتلهم اية وقلبها مقبوض من المكان وكان منظره بس يخليك تيبس ف ارضك من الخوف…… ملك هني ؟
الراجل..باذن الله ، وفخر الدين عاطي علم ل ام طلال انكم ع جية ..وقالها انك جهادي من الشام وزوجتك ايرانية دخلت الاسلام مؤخراً ..ومتتكلمش عربي
ونزلو وهوا مشي لحال سبيله ودارو زي ماقالهم ….
وخبطو علباب واية قلبها بيطيح منها …وقامت راسها للعلم وشبحت وقلبها زاد نغم
وفتحت الباب عاملة من عاملات التنظيف او كما يسموها هما بمصحلاتهم الرجعية “عبدة ؛ جارية ….. ”
ودخلتهم لدار الاستقبال لحد ماجت ام طلال …….
ام طلال.. السلام عليكم ورحمة الله وبركاته ،
رد اياد…وعليك السلام اختي ،
ام طلال..مدت ايدها لأية ، اهلا اختي ، كيف حالك
اكتفت بإنها تهز راسها وخلاص لين قال اياد….. مابتتحدث عربي ؛ هي ايرانية .. اسمها إيشا …..
ام طلال… اهااا شي جميل جداً ؛ مسلمة
إياد.. بالتأكيد ، فرضت عليها الاسلام مشان نتزوج…وهي وافقت
ام طلال … بسم الله ماشاء الله ربي يثبتك يا اختي وانت ف ميزان حسناتك لك اجر دخول شخص للإسلام
ام طلال.. الحمدلله ، الشيخ فخر الدين خبرني انكم جايين اليوم متأسفة اغلب الجواري نامو لان احنا عندنا نظام هنا .. والا كنا قدمنا لكم الواجب ، وحضرتك من الشام ؟ سوري ؟
اياد.. نعم ، اعتقد فخر الدين قلك شو بشتغل بلتحديد
هزت راسها باعجاب وامتنان.. قالي ياولدي قالي الله يكثر من امثالك……وشافت لاية “ايشا” ، شيلي الخمار بنتي… خلينا نشوفو حسنك ❤
وكيف بتقيملها الخمار اية شداته تاني..
اياد.. بعتذر هي بس خجولة شوي ،
ام طلال.. لا ولا يهمك ، للاسف زوجي طلع برحلة عسكرية والا كان بإستقبالكم معي …….
اياد.. لا مافي مشكلة
وقعدو ام طلال واياد يتبادلو ف اطراف الحديث واية مصدومة في ثقتة بنفسه وبرود اعصابه وقوة شخصيته ..وكان يتكلم بكل اريحية وعنده معلومات واسعه عليهم خلاته الي يسمعه وهوا يتكلم يصدق انه فعلاً منهم ؛
لحد ماخش فخر الدين ، كان شخص ف منتصف العمر .. فلاربعينات تقريباً ، جسمه ضخم البنية وعريض كأنه لاعب رياضي ……… اسمر شوية وشعره اسود وفي بعض الخصلات البيض ..
ام طلال.. اعرفك ، الشيخ القائد فخر الدين… اسم ع مسمى ❤ فخر الدولة الاسلامية ……
فخر الدين.. اهلا يابطل ❤….
اياد.. اهلا بيك خيي ..
وسلمو على بعض واستأذنت ام طلال باش تجيب الضيافة بنفسها……..
واول ماطلع….
طلع فخر الدين يتأكد انها مشت وسكر الباب ،
~~~~~~~~~~~~~~~~~~~~~~~~~~
أ.ن …… كييييف معاشش لقيتهم فهمني وين مششو ! انشقت الارض وبلعتهم !!!!
وليد…. والله الا مفيش ليهم اي اثر ، دورنا اني والرجالة ف كل مكان كأنهم اختفو من علوجود……. يمكن مشو امريكا تاني !
أ.ن…… اني الكلام هوا ميقنعيش…. اقلبو الدنيا فوقاني لوطاني عليهم جيبهملي من تحت الارض سمعتني !
وليد… بسس
أ.ن…….. الي عندي قلته
وطلع وليد وسكر الباب وراه وقعد هوا يدخن وبيطلع من عقله….. بالذات بعد ماعرف ان اية بنت الصادق فعلاً ، ويين مشو ال^&*؛ وين مشششو
~~~~~~~~~~~~~~~~~~~~~~
فخر الدين.. انت من طرف ابو طارق الي بلمقاومة فلعراق صح ؟
اياد.. مزبوط انا…وهادي اية ، اخت ملك
فخر.. اهلين بيك يابنتي ،
اية.. اهلين عمي ، وين اختي !!! نقدر نشوفها توا ؟
فخر.. هههه اهدي بشوية ؛ الموضوع مش بالسهولة هادي ….. اني وابو طارق درنالكم خطة باذن الله لوو مشت ع خير هاتطلعو من هني ب اسرع وقت وبدون اثارة اي شكوك…. توا مش مش هانقدرو نتكلمو براحتنا ….وشاف للباب خايف ام طلال تخش عليهم وتسمعهم ……. توا بتقولو انكم تعبانين وتبو ترتاحو ، وهي هاتركبكم لغرفكم …….
اياد.. تمام غدوة نحكو ،
فخر الدين…. تمام يابطل ،
اية.. به لو سمحت قولي ? اختي كويسة ؟ هي وين ؟!
فخر الدين… سكت شوية لانه عارف مكانها بس هايكون صعب عليها تعرف ? … لما تتكلمي مع زوجتي “ام سياف” هاتفهمي كل شي …. توا لازم ننصرف
اية.. به طمني عليها بس ؛ هيا كويسة ؟
فخر الدين….. الحمدلله ، عايشة بخير
اية.. الحمدلله ❤❤❤ مش قادرة نصبر لين نشوفها ……
فخر الدين … ربي يجمع بينكم ويهدي سركم وخيتي يارب
ع خشت ام طلال…… اعذورنا الجواري نامو زي ماقلتلكم… جبتلكم تمر وحليب تقيمو بيه نفسكم اكيد تعبانين من السفر
اياد.. مافي داعي اختي احنا كتير تعبانين وبدنا نرتاح بس
ام طلال.. ع راسي ، تفضلو معاي نوريكم حجرتكم …….
ومشت معاهم لحد الدور التالت في غرفة صغيرة زوجية بحمامها كانت مجهزتها ليهم …..
وخلتهم يرتاحو…وخلعت اية طول نقابها سخنت وبدت تهوي لروحها وخلعت العدسات لان مش متعودة عليهم مضايقينها…….
وشبحت هي واياد لبعض…. قصدك بنرقدو ف دار وحدة ؟
اياد.. مضطرين
اية .. به كيف بيصير هكي ؟
اياد… اني ح نرقد علارض …وانتي ارقدي علسرير… بنخش نبدل فلحمام وانتي خشي بدلي بعدي …
وبدل وطلع وهي كيف بتخش بعده……
اياد… اية ؛ متزعليش مني امس …. اني درت هكي لمصحلتك
اية.. قولي هدا لمصلحتك من امس مش تقولي متكسريش راسي….وسكرت ف وجهه الباب ……
ومش ح نطول عليكم الاحداث تاني يوم ، ناضت اية من ال7 تصلي وتقرا قرآن وتدعي تلقى اختها ويمشي كل شي بخير وبدون مشاكل….وكان اياد مش قاعد فلدار ف توقعت انه مشي ل فخر الدين …..
ومع ال8 وربع خش اياد و وجهه اسود ،
اية.. خيرك شن في ؟
اياد.. ملك
اية.. خيرها !!!!
اياد.. فلحجز
اية .. شششني !!!!!
اياد.. حاولت تهرب هي وبنت شدوهم وحطوهم فلحجز …….
وهما يتكلمو خبط الباب خبطتين……
اياد.. من !
… انا ام سياف ، زوجة فخر الدين
فتحلها الباب وسلمت عليهم ب ابتسامة واسعه ،
ام سياف هي نفسها المسؤولة عن شؤون المطبخ ونفسها الي ديما تهزب في سارة وسهيلة ههههههه ..وهي زوجة فخر الدين وعضوة فلمقاومة بدون علمهم وكان اسلوبها معاهم مجرد تغطية ليها باش محدش يشك فيهم ❤
ام سياف… الله يبارك نسخة من وخيتك ❤ كان عندهم حق لما قالولك تتخفي
اية..ههههه تعرفيها شخصيا اختي !
ام سياف …اين نعرفها ؛ متأكدة لو قلتيلها اكتر حد تكرهيه من هاتقولك ام سياف ههههههههه والله غصبا عني مضطرة نعاملهم بالشكل هدا باش محدش يشك “وقالت بصوت واطي ، ان اني من المقاومة ”
اية .. ربي ينصركم ويثبت خطاكم يارب
ام سياف شافت لإياد… بلغني فخر الدين انكم تلاقيتو الصبح وفهمك شن بتديرو وشن بتقولو لام طلال …..
اياد.. اي قالي
ام سياف.. تمام ؛ مش هاتبدو فلخطة طول يومين هكي وابدو تنفيذها ،
اية.. شن هي الخطة الي درتوها اياد ؟ علاش مزال مقتليش ،
ام سياف.. نخليكم مع بعض باش تحكو براحتكم… علعموم هدا فطوركم قلت نديرلكم حاجة تقيمو بيها قلبكم ❤
اية.. بارك الله فيك❤
وخلتهم ونزلت ……
اية… شن هي الخطة اياد ، احكيلي
واياد كان مش قادر حتى يحكيلها لان كانت مجازفة كبيرة لحياتها ومجرد مايتكلم علموضوع عارف روحه هايضعف وينهار قدامها…….
اية.. اياد ؛ نكلم فيك ؟
اياد..عطاها ضهره ؛ مش لازم تعرفي توا
اية.. اياد متتكلمشش معاي هكي تاني !!
وتلفت ولقي عيونها حمر وكانت على وشك تبكي ، جي مقابلها وعيونه ع رمشة منهم ويطيحو دموعه… لان الي بنديروه … هايكون في خطر ع حياتك
اية..وعادي شن فيها !!! هادي اختي لو مخاطرتش بحياتي ع خاطرها ع خاطر من بندير هكي !! مسمعتش شن قتلك اختي محتجزة والله اعلم شن يديرو فيها !!
قعمز علكرسي وحط ايده ع راسه وقالها ، واني خايف اني ندفع الثمن ونخسرك انتي
جت هيا جنبه وطبست.. مش هايصير شي ، نوعدك.. انت بس خليك جنبي ؛ وكل شي هايمشي تمام ❤
باس راسها وابتسملها خلاها نست كل شي للحظة وابتسمت حتى هي ❤ ..
ومع العصر ، نزل اياد لام طلال باش يحكي معاها…. طبعا هما مفهمينها ان ايشا “الي هي اية ” كانت حشاكم فتاة ليل في بلدها قبل لا توب …وتزوجت عبد الحق “الي هوا اياد ” باش تدخل الاسلام وتكفر عن ذنبها….. والطريقة الي كانت بتكفر بيها عن ذنبها ان زوجها اقنعها انها تنفذ عملية انتحارية في السفارة الامريكية ؛ واقنعها ان هيا لما تدير هكي هاتموت شهيدة ومسلمة وربي يغفرلها ويتوب عليها …. عملية زي غسيل مخ داروهولها زي الي يديرو فيه لأي شخص…… وام طلال كانت طايرة من الفرحة بلعملية هادي الي اول ما فخر الدين قالها انهم مبعوتين من الشام للسبب هدا…… والي هاينفذوها بعد يومين من وجودهم
ومرو يومين ثقال علي اية ومعاش فتحت موضوع الخطة الي بيديروها معاه لان حست انه خايف اكتر منها بس هيا واتقة فيه ومش هامها شن يصير مدام هاتحرر اختها من هني …..
ف يوم فلليل ، مع الساعه 5 الفجر… كانت أية مسلمة نفسها لإياد علأخر…….
جتهم ام سياف وفخر الدين……..
ام سياف.. جاهزين !
اية.. اي ،
فخر الدين…شوفي ، توا حني هانبدلو بينك وبين اختك فلزنزانة تمام ؟
اية .. تمام ، بس كيف ؟
ام سياف…. الدواء الي حطيتهولك ف سفرة العشي قاعد معاك زي ماقتلك ؟
اية.. اي
ام سياف…هدا الدواء هاتاخدي منه حبتين…… وهاتغيبي علوعي بعد ربع ساعه من اخده…. هدا الدواء هاينقص نبضات قلبك ويبطئ فيهم…يخلي الي يكشف عليك يحساب انك دخلتي ف حاله غيبوبة…. ولازم ينقلك علمستشفى……. طبعا الدواء هدا منقدروش نعطوه لملك لان سنها صغير وهايكون خطر ع حياتها…. هدا لاش قررنا نبدلو بينكم… انتي هاتخشي مكان ملك فلزنزانة…وهانطلعو ملك على انها انتي …وهاتقعد مع اياد وكلهم هايفهمو انها انتي..والشبه الي بينكم هايساعدكم ….
اياد.. والدواء هدا امتى يزيل مفعوله !
ام سياف… بعد حوالي ٥ ساعات
كان اياد حاكيله فخر الدين على وانه من اعراضه الجانيية الخطرة انه يسبب سكتة قلبية … وهدا كان سبب خوفه ع اية ?….
اية.. تمام اني موافقة
فخر الدين.. طيب بسرعة قبل لاحد يحس يينا… المفاتيح معاي واني مرتب كل شي… خودي الدواء من توا
وخشت اية خداته طول بدون تفكير واياد ايده ع قلبه….. وهي تشرب فلمية ورا الدواء قتله بهمس وهي مبتسمة … نحبك ❤
اياد..ههه مجنونة
ومشت معاهم وكان اياد لازم يقعد هوا فلدار باش يكون ف استقبال ملك لما يجيبوها …
ومشت أية مع فخر الدين وام سياف وتسللو بهدوء للزنزانة …وكان فخر الدين مرتب كل شي باش محدش يشوفهم ………
فتح الزنزانة الي فيها سهيلة وملك كانو راقدات …. واية قلبها بيوقف …اللحظة الي كانت تستنى فيها عمرها كله..بس ح تنهار.. لازم تتماسك ……..
ام سياف دخلت قبلهم ونادت…. سسارة .. سارة ، سارف فيقي !
ناضت مفزوعه هي وسهيلة….يحسابو تاني خاش يعذبهم ?
ام سياف… اهدددي اهدي اهدي ، هدا اني ام سياف..متخافيش…..
ملك.. ام سياف ! شن تبي ؟
ام سياف وعيونها مدمعات … هانطلعوك من هنايا ،
سارة… كيف !!!
وخشت أية وعيونها مبطلوش اول ماسمعت صوتها….وقالت بنبرة شبه صوتها مختفي.. ملك
وملك فتحت عيونها ع وسعهم… كانت قربت تنسى الاسم هوا ! كيف حد عرفها بيه وهي مفيش مخلوق هنايا يعرف اسمها الحقيقي !!!!
ملك… من انتي !!!!
جت اية ورفعت خمارها ……. وبدون اي مقدمات حضنتها وانهارت بلعياط………ومكانتش قادرة تتكلم من كتر ماتبكي …. حست كأن روحها رجعتلها…..مكانتش مصدقة نفسها….. ❤❤❤ اللحظة الي عاشت عمرها تستنى فيها.. تحضن حد من اهلها
وام سياف وزوجها مقدروش يمنعو دموعهم من ان هيا تنزل للمشهد المؤثر هدا ? ..
وملك وسهيلة مش فاهمين شي …..
ملك.. شافتلها وهي قاعدة مستغربة ، من انتي ؟
وأية شدت السلسلة الي ف رقبت ملك وطلعتها وهي تضحك وتبكي فنفس الوقت … وطلعت سنسلتها الي زيها وحطتهم جنب بعض …..وقتلها ، اني اختك ? اختك يا ملك …… اختك الي فرقتنا الدنيا غصب عني وعنك…
ملك.. شن ؛ شن تقولي انتي ؟ والسلسلة هادي؟؟ كيف… كيف جت عندك ! كيف عندك منها
أم سياف… اية لازم نطلعو بسرعة….
أية..باستعجال هانفهمكك كل شي فلوقت المناسب ! بس توا لازم انتي تطلعي …..واني نخش بدالك ، مفيشش وقت… امشي مع ام سياف وفخر الدين ، لازم تطلعي من هني !!
ملك………. قاعدة تحت اثر الصدمة ومشعارفة شن تنطق كأن لسانها شلت حركته……
ومشت زي الدمية يحركو فيها برا الزنزانة وسكرو ع أية بدالها ….
ملك.. شن في ؟ شن بديرو ؟ علاش سكرتو عليها ؟ هادي اختي بلحق !
ام سياف.. اي بنتي ، اختك الحقيقية .. اختك من امك وبوك..وهانطلعوك من هنايا وتمشي معاها ❤
وملك بدون اي مقدمات طاحت علأرض وصاخت…وركبوها هما بسرعة فوق لعند اياد وقالوله انها فقدت الوعي من الصدمة وتوا تفيق بعد شوي…. وكان لازم يتبخرو بعدها .. باش غدوة تبدا تنفيذ تاني خطوة من خطتهم……..
واول ماخلو ملك مع اياد طول دموعه نزلو ؛ وقعد يدعي ان اية مايصيرلها شي من الدواء وتفيق منه وتطلع من هني هي واختها بالسلامة…….
وقعد يدير صنة لملك باش تفيق….
وبدت ترجع لوعيها شوية شوية وقعدت تشوف حواليها ، كانت تحس كأنها ف حلم….. قعدت الرؤية توضح بالتدريج …
ولما شافت اياد ناضت مفزوعه ولقت روحها علسرير……..من انت !!!! شن تبي مني ،؟؟؟؟؟ شن دررررررررت فيا ! …. واني ششن جابني هني ؟!!
وكانت ف حالة هياج واياد يحاول يهدي فيها باش تسكت ومحدش يسمع صوتها……
اياد… اهددددددي اهدي ، نقصصي صوتك متخاافيش مادرررت شي… اني اييياد خطيب اية ،
ملك……… أية ؟
اياد.. ايي ، الي خشت بدالك الزنزانة
ونزلو.. بعدين رجعت تفكرت الي صار معاها دموعها وقعدت تبكي……بلحق الي خشت بدالي اختي !!
إياد… اي اختك..وجينا نطلعوك من هني ، درنا خطة باش تقدري تهربي من هني …..
وملك قعدت تبكي من ناحية مش مقصدقة انه طلع عندها اخت ومن ناحية خايفة ومن ناحية فرحانة وهلبا مشاعر اختلطت عليها
وجابلها اياد طاسة مية وبعد ١٠ دقايق هدت وحكالها كل شي وكيف بيطلعوهم من هنايا…..
ملك.. بس وسهيلة صاحبتي ! مستحيل نهرب من غيرها !!!
اياد.. هانكلم فخر الدين يطلعها بمعرفته ، بس انتي لازم تلتزمي بلخطة معانا باش نطلعو
ملك..شن يضمنلي انكم تحكو فلحق وان هادي اختي حق وانتم مش ح تاخدوني ع مكان تاني !
اياد.. من يعرف اسمك الحقيقي غيرها ؟ ومن عنده نفس التعليقة الي ف رقبتك غيرها ؟؟ مشفتيش الشبه الي بينكم ؟… والاهم من هدا كله لاش بتخاطر بحياتها باش تطلعك من هنايا ؟
ملك.. الدنيا ظلام مشفتش وجها
اياد.. صدقيني هادي اختك….وانتي اسمك ملك ، ملك الصادق بلخير
ردت ودمعه دافية ع خدها.. هدا اسمي بلحق !
اياد.. اي ❤ ….
وناضت من علسرير وهي تضحك وقتله……. وين امي وبوي !! وين باقي عيلتي !!! حتى هما جو يطلعوني ؟!؟!!! قصدك اني عندي عيله وعايشة ع وجه الدنيا! اني مش يتيميية !!! انييي مش يتيمة ! الحمممدلله ليك ياربي مش قادرة نصدق روحي ولا الفرحة الي اني فيها قلبي هايوقف نحسس ف روحي كأني ف حللللم اني كنت حاسة ان ربي هايجبر بخاطري ويفرحني ف يوم…..وكانت تتكلم ودموع الفرح مبطلتش ،
واياد كان قلبه يتقطع عليها ومطاوعاش يصدمها بلحقيقة المريرة ? ومحبش يفسد عليها فرحتها ….
ملك.. حني امتى هانطلعو من هني !!!!
اياد… هههه غدوة نبدو ف تاني خطوة … توا حاولي ترقدي ساعتين لان التسعة بنطلعو من هنايا
ملك..اسمها أية ؟
اياد.. ههههه اي ❤ ..
ورقدت ملك وهي غاطسة ف عالم احلامها الوردية ولما تهرب من هالسجن واخيرا وتتلاقى مع عيلتها ❤ ….
~~~~~~~~~~~~~~~~~~~
سهيلة .. بلحق انتي اخت سارة ؟
اية… اي …. ❤
سهيلة.. ههه يابختها ؛ ياريت عندي حد عايش من عيلتي حتى اني
اية.. امك وبوك ميتين ؟
سهيلة.. منعرفهمش من تربيت ف ملجأ
اية…… هاتطلعي من هني حتى انتي ❤
سهيلة.. بلحق؟
اية.. اي❤ وعد …..توا شوفي ؛ اني واخدة دواء هايخليني نغيب علوعي … اول مايغمى عليا بعد ساعتين نبيك تبدي تصيحي وتنادي وتقوليلهم ملك ، قصدي سارة اغمى عليها…..
سهيلة.. تمام ❤❤❤
وبالفعل اول ما الدواء خدي مفعوله .. نفذت سهيلة الي قتلها عليه…..وقعدت تصيح بعلو صوتها لين جوها الحراس وشافو اية “الي هي المفروض ملك ” غايبة من الوعي و واحد حط صبعه يتحسس نبضها لقاه لايكاد يذكر …… وركب طول خدي اذن من فخر الدين الي كان عنده علم ب الي هايصير وعطاهم الموافقة وقعد يدعي هوا وزوجته يمشي كل شي زي مامخططين ………..
واياد اول ماعرف أن اية نقلوها المستشفى جي دوره ….. ملك جهزي نفسك ،
وخدي حزام لبسهولها….
ملك.. هدا شن !!
اياد.. حزام ناسف بس اني فككته ومش هايشتغل….. كوني مطمنة…….
ملك…. به السفارة الي بنفجروها هادي بلكدب افرض فيها حد !
اياد.. متخافيش فخر الدين مرتب كل شي ، اتفق مع السفير وشرحله كل شي وقاله ان في مجموعه ارهابية تبي تفجر السفارة باش يخلو المكان وقت التفجير ، وكل الخسائر المالية هايعوضهالهم هوا ….
ملك… به هوا علاش يدير هكي ؟ وام سياف كانت تكرهني علاش تساعد فيا توا ؟
اياد.. هههههه ام سياف متكرهكش…. وبعد ماربطلها الحزام قام راسه وقالها.. هي كانت تساعد فيك بدون ماتحسي ، هي الي كانت تقنع ف ام طلال تأجل زواجك من عبد المنعم من يوم جيتي…ومنعت ان هما يرسلوك مع جارتك الي جيتي معاها بحجة انك صغيرة ، وهي كانت قريبة منها هلبا وتسمع منها…وزوجها عضو فلمقاومة
ملك..شن هي المقاومة ؟
اياد .. صعب نشرحلك كل شي توا بس اعرفي انهم يساعدو فينا لوجه الله ، يعني بدون مقابل ……
ملك……
اياد.. البسي خمارك وديري من الكريمة هادي والبسي العدسات هيا ؛
ونفدت ملك الي قاللها عليه ،
ونزل اياد معاها لعند ام طلال الي كانت تشرب في فنجال قهوتها ومش حاسة بشي مزال ……
اياد..انا رايح مشان نفذ المهمة للي قلتلك عليها ،
وكشفت ملك عن الحزام الناسف الي هي لابساته ورا عبايتها وابتسمت ام طلال
ام طلال..روح يابطل الله معاك ، شهداء في الفردوس الاعلى بإذن الله
وطلع اياد مع ملك و وصلهم احد رجالتهم لمقر السفارة بعد ما أخلو المكان زي ما اتفق معاهم فخر الدين..
واستناهم لين مشو وخشو الداخل…..
اياد .. اخلعي الحزام بسرعة ؛
ملك نفدت الي قالها عليه وطلعو بسرعه من المكان واتصل اياد عطي علم لفخر الدين انهم مشو بعيد عن السفارة ….وهوا فجرها عن بعد بجهاز تحكم ،
وهكي بالنسبة ليهم اياد والي يحسابوها زوجته … ماتو ! ..
توا جي دور أية ، باش تخلص ملك ❤
كان فخر الدين متفق مع طبيب كان يشتغل فلدولة الاسلامية ومن المقاومة معاهم بس بشكل متخفي زي باقي زملاءه ……
اول ما تلقى اية دار روحه كأنها دخلت ع حجرة العمليات لان صارتلها زعميتك سكتة قلبية …. ف حجرة العمليات بدل أية بجسم بجثة وحدة تانية ميته ،
وطلع وبلغ الحراس الي جابوها ، ان هيا توفت إثر سكتة قلبية فجائية ……………
وبلغو الحراس فخر الدين الي بدوره بعت ام سياف تحكي ل ام طلال …..
ام سياف ..خبطت علباب وهي تشرب ف قهوتها كان وقتها اياد وملك كيف طالعين ، ام طلال …….. صباح الخير
ام طلال.. صباح النور اختي ❤ تفضلي
ام سياف.. يزيد فضلك ، عندي خبر مؤسف
ام طلال حطت فنجانها…..، ان شاء الله خير ؟
ام سياف.. للأسف ؛ السجينة سارة … انتقلت الى رحمة الله
ام طلال ناضت واقفة وقتلها ؛ شني !!!!!!
ام سياف .. زي ماقتلك ، نضنا الصبح ع صوت زميلتها تصيح وتنادي علحراس …. ولقوها غايبة علوعي ونبضها لايكاد يذكر…خدو اذن من زوجي فخر الدين ونقلوها علمستشفى…وقالولنا انها صارتلها سكتة قلبية وماتت …….
قعدت ام طلال واقفة شوية ومصدومة وردت ، رحمها الله ام سياف.. من الواضح ان جسدها الضعيف متحملش التعذيب …علعموم حاليا هاتم اجراءات دفنها
ام طلال.. شوفيلي عروس غيروها صغيرة فلسن وتكون جميلة تليق ب ابو منعم ؛ وتكون من بنات الدار
ام سياف.. امرك ، وانصرفت ……..
كان خاطرها تقتل المرا هيا عديمة المشاعر والي تجردت من جميع معالم الانسانية ….. بس للاسف كانت مضطرة تسكت.. باش تساعد الناس الي زي اية وسهيلة وملك وغيرهم من البنات الي ملهمش غيرنا بعد ربي
ربي الي كل ماتيأس وتحساب انها تسكرت ف وجهك يرزقك ب أيادي خفية تساعدك في حياتك بدون دراية منك ❤.. وهادي كانت احد وظائفهم ، ❤
~~~~~~~~~~~~~~~~~~~~~
مشت ملك ركبت لسيارة كانت تستنى فيهم مع اياد ،
وانطلقو بعيداً عن ارض الخلافة وملك عيونها مبطلوش دموع من الفرحة… مصدقتش روحها واخيرا خلصت من السجن الي كانت فيه … ولقت اختها وعيلتها وبتبدا الدنيا تضحكلها ❤ …
وجي تليفون لأياد.. كان فخر الدين بلغه أنهم توا يحسابو ان سارة ماتت وبدلناها مع جثة تانية … وأية طلعوها بدون علمهم وحالياً جايبها احد رجال المقاومة ف سيارته لوين ما ماتفقين يتلاقو معاها…وهي مزال غايبة عن الوعي بس هاترجع لوعيها تدريجياً…. ولحد هني يكون دور فخر الدين وام سياف انتهى ❤
وتشكرهم إياد هلبا ع الي داروه معاهم… والي منغيرهم كانو مستحيل يقدرو يطلعو ملك واية من بينهم ……
ملك.. والنبي قوله يساعد سهيلة صاحبتي تهرب ???
رد عليا فخر الدين…. منغير ماتقولي يابنتي… هانساعدها اكيد
وتشكراته هلبا حتى هيا وكلمت ام سياف وتشكرتها ودموع الفرح مبطلوش ومزال مش مصدقة روحها ❤ …..
لحد ماطلعو من ارض الخلافة وتلاقو مع الشخص الي جايب اية ف سيارته ….ونزل اياد يجري ملهوف عليها وكذلك ملك ❤…. كان مزال ساعه على انتهاء مفعول الدواء ؛ وقاله السواق يسوق بشوية لحد ماتفيق
لان مش كويسة السرعه ليها يصيرها هبوط ف ضغط الدم …
وركبوها اياد وملك للسيارة من تالي واياد هوا يسوق وملك قاعدة التالي وع حجرها راس أية وتمسح ع شعرها وتبكي…. كانت فعلاً زي ماقالو … نسخة مصغرة من اية ❤ … ارتاح قلبها وخاطرها بعد تعب طويل ؛
وبعد ساعه اية بدت تفتح ف عيونها بشوية ومزال دايخة هلبا.. بس لما شبحت ملك قدامها ابتسمت ورجعت سكرت عيونها براحة…وايدها شادة ف ايد اختها ❤
صدق الله العظيم لما قال ، سنشد عضدك بأخيك ❤
رقدت أية طول الطريق وكذلك ملك مقدرتش تقاوم النعاس ورقدو الزوز شادات ف ايد بعض ؛
وإياد ارتاح واخيرا .. براحة حبيبته ارتاح ❤ وبوجودها جنبه وفرحانه.. هدا اكبر انتصار ليه فحياته❤…..
وبعد ساعتين ناضت اية من النوم دايخة وكانت ملك راقدة جنبها .. تحسست ايدها بهدوء وشبحت لإياد وضحكت وعيونها مليانة فرح ودموع…. إياد ! حني رجعنا اختي !!
اياد..هههههه خاطري نشوف رد فعل شاهين لما يشوفها ❤ …
أية.. هانعوضها ع كل لحظة عاشت فيها بروحها …كل لحظة الم عاشتها ف حياتها … مش ح نسيبها ف حياتي بكل ❤
وشبحلها اياد فلمراية وقال… هي تحساب ان امكم وبوكم مزال عايشين ، مقدرتش نقولها
اية…….وشن هانقولها توا؟
اياد.. من رأيي متحكيلهاش شي توا… اعطيها فترة ترتاح نفسيا فيها وقوليلها الحقيقة ….
اية..وتوا لو قتلي وين امي وبوي شن نقولها ؟
اياد….. مشعارف !
ومسافة الطريق ليلة نفس اليوم كانو ف طرابلس ………
وراجعين ع حوش شاهين ❤ …
وملك فاقت لما وقفت السيارة وعيونها بينطو من مكانهم من الفرحة ،
اول مانزلو من السيارة….. جرت ملك ع حضن اختها ❤ وقعدو الزوز يبكو ❤ … بس مش دموع حزن ، دموع فرح ❤ وحاجة فوق الفرح ❤ ..
ملك .. هدا حوشنا ؟
اية.. اي ❤
شرينو علجرس وهما شادات ف ايد بعضهم❤ …
واياد وراهم ❤
~~~~~~~~~~~~~~~~~~~~~~~~~
اعتبروها تصبيرة مني ههههههه … #يتبع فلجزء الاخير من الحلقة والي هاينزل غدوة كان سخر ربي ❤❤❤
#Mera