مسلسل سعاده كاذبه الجزء الاخير
مسلسل سعاده كاذبه
الحلقه 76
المريضه ؛؛ السلام عليكم
مراد ؛؛ وعليكم السلام
ورفع راسه وقعد امركز في المريضه ومستغرب واااااااجد
تفضلي قعمزي
المريضه ؛؛ شكرا
مراد ؛؛ من الربكه نزل راسه وكر الملف وقراء الاسم اخري وانصدم لما لقه
نجاح صالح
رفع راسه وبحت فيها بالاستغراب وايبحت فيها وحسها من الاول انها تشبهلن وااااااجد ولما قرا الاسم تاكد ان هي
الممرضه ؛؛ حست مراد مش تمام
تفضلي ياابله
نجاح ؛؛ استغربت سكوت الدكتور
دكتور نا ليا 4 سنين اندور في حمل ماحصلتش من بعد بنتي هذه مع العلم بنتي جبتها بالعمليه حاجتي مش منضمه خذيت كم حبوب تنضيم وماصارش وهذين تحاليلات امتعاتي
مراد ؛؛؛ عرف ان نجاح جايه ومش عارفته خذ التحاليل وتما يقرا وبحت في البنيه
شن اسمك يا حلوه
البنيه ؛؛ ايه
مراد ؛؛ انصدم واستغرب وبحت في نجاح
حلوه اسمها من اختره
نجاح ؛؛ اسم اختي تميت نحلم بها ونا حامل وسميتها عليها
مراد ؛؛ اوراقك كلهن من طرابلس
نجاح ؛؛ اها نا من هنا بس متزوجه في طرابلس بس المده هذه صارلي ظرف وجيت قعدت هنا وكلهم قالولي عليك
مراد ؛؛ اها هيا تعالي علي السرير
نجاح ؛؛ صبت وحطت بنتها في مكانها
ومشت لسرير
مراد ؛؛؛ جا ل ايه وباسها
ربي يحفظها
نجاح ؛؛ ما يغركش المنظر راهي هرجتها واجده
مراد ؛؛ بالكي كيف خالتها
نجاح ؛؛ ياريتها الا جايه ليا وخالتها الصغيره
مراد ؛؛ ههه باه
وكشف مراد علي نجاح ورد قعمز علي كرسيه وايبحت في التحاليل
كيف مش دايره صورة زيت
نجاح ؛؛ ماحد طلبها مني
مراد ؛؛ اوكي نا اللي واضح عندي ان محتاجه صورة زيت ضروري وبعدين نا نبدا معاك لو انتي مش امروحه لطرابلس
نجاح ؛ ان شاءالله المده هذه هنا نا وتقريبا ح نستقر هنا
ايه ؛؛ اقربت من مراد وامسكت فونه اللي علي طاوله
نجاح ؛؛ بطلي عيب
مراد ؛؛ هههههه خليها عندي بنتي كيفها
نجاح ؛؛ اهاااا
مراد ؛؛ ركز في نجاح وحسها جو حلو وبشوشه واجتماعيه كيف ما نحكيله نا عليها
بس جاني تشويق انشوف ايه الكبيره نا
الممرضه ؛؛ بحتت في مراد بالاستغراب لان اول مره ايطول هدزر مع مريضه هكي ويسال فيها واجد
نجاح ؛؛ ازوجت خالتها خلاص
مراد ؛؛ مسك ايه وحطها علي اكراعه
وعارفه من زوجها
نجاح ؛؛ استغربت سؤال واسكتت وانحرجت لان ماعندهش اي معلومه خاطي ان انا ازوجت وخلاص
مراد ؛؛ بحت في الممرضه
كم مريضه مازال
الممرضه ؛ خلاص وحده بس
مراد ؛؛ باهي ممكن اتجيبلي قهوه
الممرضه ؛؛ حاضر دكتور
وطلعت الممرضه ونجاح اتبحت في مراد ومستغربه
نجاح ؛؛ ها شن دكتور شن تعطيني
مراد ؛؛ نبي صورة زيت وراه انا اندير فيها هنا نبي تحاليل ايعاودن اخر لان هذين لهن فتره وان شاء الله ح نبدو
بس ممكن سؤال
نجاح ؛؛ تفضل
مراد ؛؛ انتي ليش جايه هنا وياريت اتجاوبي
نجاح ؛؛ غربب سؤالك بس حاضر ح انجاوب
عمي توفا وجيت انا وراجلي هنا في العزاء وهو ماعندش الا اثنين الاخري متزوج وطالع وتاني راجلي قالنا انردو ونقعدو مع عمتي هنا لان بناتها متزوجات وعندها امغير بنتين مازالن في الحوش
مراد ؛؛ اهااا هنا احسن اتكوني اقريبه من هلك
نجاح ؛؛ تنهدت تنهيده طويييييييله والعبره خنقتها ونزلت راسها
مراد ؛؛ اكيده خواتك امرايفت عليكي
نجاح ؛؛ نزلت دمعتها
نا بروحي امرايفه عليهن وميته موت عليهن الله لا ايسامح اللي كان سبب خلني نتفارق نا وهلي ظلمني وظلم خواتي
مراد ؛؛ مد ميه لنجاح
نجاح ؛؛ اسفه بس مش عارفه ليش انت سالت ونبشت واجد علي ماضي ونا مجرد حد ايجبلي سيرت هلي نقعد هكي
مراد ؛؛ عادي خوذي راحتك نحن اهل
نجاح ؛؛ استغربت كلمة نحن اهله اسكتت وشربت ميه وجتها بنتها ايه واضبطتها
مراد ؛؛ من اللي قالك عليا
نجاح ؛؛ هالصبايا يسالن كنك ماعاد درتي عيل اخر ونا نقول فيش نصيب يحكيلي عليك وقالن من احسن دكاتره عندنا
مراد ؛؛ اهااا يعني تعرفني كا دكتور مراد وبس
نجاح ؛؛ ان شاءالله
مراد ؛؛ نزل راسه وايبحت في طاوله وفي فونه
اميره ازوجت وخذت وليد وايمان خذها استاذها اسمه احمد ورجاء مخطوبه لشاب اسمه طارق
ورفع راسها وبحت فيها
نجاح ؛؛ استغربت وبحتت فيه واعيونها ملينات ادموع
كيف انت تعرف هلي
مراد ؛؛ مازالتي ما عرفتي راجل ايه
نجاح ؛؛ انت راجلها
مراد ؛؛ مدلها فونه وفيها صورتي ونا وبيده وارحيمه
نجاح ؛؛ خذت الفون وشافتني وانهارت بكاء حست وكانها حاجه خشت في قلبها
ايه هذه انت راجلها صاح
مراد ؛؛ اهااا ايه مراتي ونا اول ماخشيت شبهتك بامك وخواتك واجد ولما قريت اسمك عرفتك طول وهذا ليش سالتك ليش جيتني هنا
نجاح ؛؛ وووووو ماصغرها الدنيا معقوله نبرم نبرم وانجي لراجل اختي ونعالج عنده
مراد ؛؛ نصيب انك اتجيني
وخشت الممرضه وشافت نجاح تبكي وماسكه فون مراد
مراد ؛؛ معليش خلني القهوه هنا وعطيني الدار اشويه
الممرضه ؛؛ حاضر دكتور
وطلعت الممرضه ونجاح تبكي وماسكه فونه
مراد ؛؛ تبي اتشوفي هلك
نجاح ؛؛ عادل ح ايلزني
مراد ؛؛ لالا تقريبا عندي في الحوش
نجاح ؛؛ من امتي متزوج ايه وعندي معلومه انك مطلق صاح
مراد ؛؛ ليا سنتين ومعها متزوجه وصح مطلق انا ورجاء اتكون خطيبت خويا طارق وفرحها في الصيف ان شاءالله
نجاح ؛؛ تمت تبكي اكتر وتضبط في بنتها
مراد ؛؛ تبي اتشوفيهم ايه ديمه تحكيلي عليك وديمه اتقولي امرايفه
نجاح ؛؛ خايفه من خوتي نا كم مره حاولت انجي بس خوتي رفضو
مراد ؛؛ مد يده وخذ فونه ورن عليا وفتح السبيكر
نا ؛؛ ايوه حبيبي
نجاح ؛؛ سمعت صوتي وكان في حاجه خشت فيها وتمت تبكي
مراد ؛؛ ويتي حس هرجه
نا ؛؛ اها هلي كلهم هنا حتي خالاتي اطلعو كلهم امكسدين
مراد ؛؛ عمتي فاطمه قاعده
نا ؛؛ اهاااا حبيبي ييييييي عليا بيده ايكر في فون يبك
مراد ؛؛ هههههههه باهي ناقصه حاجه
نا ؛؛ سلامتك
مراد ؛؛ به سلام
نا ؛؛ به حبيبي انحبك
مراد ؛؛ بحت في نجاح وانحرج ونجاح تبكي واتبحت في الفون
بيده ؛؛ بابا
مراد ؛؛ نعم
نا ؛؛ خلاص فوته يبي فون هو متعارك هو ورجاء
مراد ؛؛ ايمان عندك
نا ؛؛ اهااا كلهم
رجاء ؛؛ مراااااد تعال امسك ضنوتك يبو فوني
مراد ؛؛ ههههههه خليهم ياخذوه
رجاء ؛؛ ايكسروه
نا ؛؛ هههههههه سلم عمهم تو ايجبلك واحد تاني
رجاء ؛ طارق مش علي بنك روما
مراد ؛؛ هههههه باهي سلام ويتي
نا ؛؛ انحبك سلام
نجاح ؛؛ مازالت هرجتهن واجده هكي
مراد ؛؛ اجمل حاجه في هلك جوهم هكي مهما دارت فيهم الدنيا
خلاص تمشي لحوش اهو حتي خالاتك عندي وصدقني مستحيل حد ايجي شورك خشي سلمي علي امك وخواتك راه هن بروحهن امرايفات عليك وخاطرهم يعرف حتي خبر عليك وانتي لعند امتي تقعدي خايفه وهاربه
نجاح ؛ حاضر تو نسال مجدي
مراد ؛؛ خلاص تو خوذي اوراقك هذين وارجني بره انكمل شغلي ونطلع
نجاح ؛؛ حاضر
وخذت نجاح اوراقها وبنتها واطلعت بره
نجاح ؛؛ مجودي
مجدي ؛؛ كملتي راه بره
نجاح ؛؛ اهااا به حبيبي
مجدي ؛؛ كنه صوتك هكي
نجاح ؛؛ لا شيء تو انجيك
وطلعت نجاح ولقت امصبي
مجدي ؛؛ كنك تبكي شن قالك الدكتور
نجاح ؛؛ الدكتور اللي خشيت عليه طلع راجل ايه اختي وعرفني وقالي هلك قاعدين عندنا وقالي لو تبي اتشوفيهم حاضر
مجدي ؛؛ كيف وكيف عرف
نجاح ؛؛ تمت تبكي
قالي الشبه واضح وقراء اسمي وتاكد شفت يا مجدي بعد هالسنين انرد انشوفهم
مجدي ؛؛ باهي حبيبي خلاص ابكاء
نجاح ؛؛ حبيبي نبي نمشي لحوشه راه
مجدي ؛؛:متاكده منه انتي
نجاح ؛؛ اها وراني حتي صورة ايه عندها تؤام وخوه خطيب رجاء شفت خواتي اكبرن وازوجن واقعدن امهات
مجدي ؛؛ باهي هدي حبيبي وهيا انخشو و انشوفه
نجاح ؛؛ هيا وراسي حبيبي خلينا نمشو معه
مجدي ؛؛ باهي بشويه راه البنت منفجعه شكلها
نجاح ؛؛ سمعت صوتها يا مجدي سمعت صوتها وصوت ولدها وصوت رجاء سمعت هرجتهن امرايفه عليهن وعلي هرجتهن
مجدي ؛؛ مسك يدها وقربها
خلاص حبيبي خلينا انخشو ونحكو معه
نجاح ؛؛ باهي هيا
مجدي ؛؛ امسحي ادموعك حبيبي
نجاح ؛؛ مش قادره اول ما عرفني وحكالي ونا نبكي مجدي ؛؛ باهي هيا
وخشت نجاح ومجدي وقعمزو قدام الغرفه نجاح ترعش وتبكي ومجدي امقعمز ايه علي اكراعه وايهدي في نجاح
وطلعت المريضه
الممرضه ؛؛ خلاص كملنا دكتور
مراد ؛؛ به خلاص طفي الجهاز بس
ولما مراد حاجاته ولابس جاكته وطلع ولقهم صبت نجاح طول وصب معها مجدي
مراد ؛؛ السلام عليكم
مجدي ؛؛ وعليكم السلام نا مجدي
مراد ؛؛ شن الاخبار
مجدي ؛؛ الحمدالله
مراد ؛؛ خلاص هيا تمشو معي
مجدي ؛؛ دكتور مانبيش خوتها يلمسوها
مراد ؛؛ عمتي عيشه وخالتي سالمه وفاطمه والبنات بس عندي في الحوش
نجاح ؛؛ ووووو خالتي فاطمه قاعده
مراد ؛؛ هيا
وطلعو كلهم مجدي مشي شور السياره اللي اماجره
مراد ؛؛ لاحظ ان سياره مش سيارتهم لان كان في حد ايسوق
مجدي هيا معي اركبو
مجدي ؛؛ لالا تو نلحقوك
مراد ؛؛ هيا يامجدي معي احسن
نجاح ؛؛ خلينا نركبو معه احسن
مجدي ؛؛ باهي هيا
مراد ؛؛ وهذا الحوش
نجاح ؛؛ ماشاءالله تبارك الله هنا تسكن ايه
مراد ؛؛ اهااا هنا نسكنو
مجدي ؛؛ ماشاءالله
وخش مراد هو الاول ونجاح كل مالها تبكي اكتر وقلبها ايدق بسرعه خايفه علي ارتباك علي الارياف مرتكبه ومش عارفه ماادير ومش عارفه كيف اتواجه امها بعد هالسنين وكيف اتواجهن
مراد ؛؛ نجاح مجدي خليكم هنا في المربوعه وانتي ياحلوه تعالي نبيك
نجاح ؛؛ تبي تحكيلهن قبل
مراد ؛؛ نبيهن ايشوفن ايه قبل
نجاح ؛؛ به
وطلع مراد من المربوعه وشايل ايه
بيده وارحيمه ؛؛ بابا
نا ؛؛ مراد جا شكله
وطلعت من دار معيشه والقيت مراد شايل ابنيه
نا ؛؛ ياخي اتهبل من هذه
مراد ؛؛ عمتي جو
نا ؛؛ اها اهي
وخش مراد وسلم عليهم كلهم
امل ؛؛ من العسل هذا
مراد ؛؛ شن رايكن سمحه صاح
ماما وخالتي فاطمه ؛؛ ايبحتن ومنصدمات في البنت
خالتي سالمه؛؛ وجها مار عليا وااااجد
ماما ؛؛ تمت اتحس في قلبها ينبض بسرعه
اميره ؛؛ شن اسمك ياسموحه
ايه ؛؛ بحتت في مراد وقربت منه
ايه
كلنا استغربن وتمينا انبحتو
ايمان ؛؛ ايه اسمك
ماما ؛؛ مره وحده انهرت بكاء
خالتي فاطمه؛؛ شن جيبها هذه عندك
كلنا بحتنا في خالتي فاطمه واستغربن كلمتها
مراد ؛؛ عرفتيها
ماما ؛؛ كرت ايه وتمت اتضبط فيها وتبكي
مراد ؛؛ حفيدتك ياعمتي
ماما ؛؛ عرفتها نرجا فيها زمان
ايمان ؛؛ شن من
نجاح ؛؛ تمت تسمع فينا
نبي انخش واللي اتصير نبي انشوفهن
مجدي ؛؛ به حبيبي هدي بس
وصبت نجاح وطلعت من المربوعه وسمعت هرجتنا في الدار
نا ؛؛ شفت ماما تبكي وحسيت بحاجه غمت علي قلبي
وفجاء اتخش نجاح ومجدي وراها
كلنا انصدمنا وتمينا انبحتو
اميره؛؛ نجاااااااااااااح
صبت بسرعه واضبطتها وتمت تبكي
وينك وينك ياخيتي وينك رايفت عليك
نجاح ؛؛ وهي تبكي بصوت عالي
الله لا يسامحه الله لا يسامحه
كلنا قعدنا انبحتو ونبكو ونا صارتلي صدمه وقعدت انبحت وادموعي ينزلنا
وكلهم اقعدو يضبطو فيها
نين العويل تمو يبكو ونا تميت امصبيه وانبحت
واتخش رجاء علينا تجري انصدمت وتمت اتبحت فيها
ايمان ؛؛ رجاء نجاح رجاء نجاح جت
نجاح ؛؛ ارجيوه كبرتي
رجاء ؛؛ بدون ما تحس بروحها اقعدت تبكي وتبتعد منها
نا ؛؛ لما شفت موقف رجاء خذيت العويل وخشيت بيهم للدار وتميت نبكي
رجاء ؛؛ اطلعت تجري بره وتمت تبكي في الجنان
اميره ؛؛ خليهن يا نجاح منصدمات
نجاح ؛؛ ايه ماحكتش معي بكل
اميره ؛؛ تعالي قعمزي مضايقه بس
وخش عليا مراد
مراد ؛؛ ويه كنك خشيتي
نا ؛ كيف شفتها وكيف اتجيبها هنا شن تبيني نسقبلها بكل رحب وسرور
مراد ؛؛ وليش ما تستقبليها مش اختك وعارفتيها مظلومه
نا ؛؛ بس في غصه ديرتها في قلبي يا مراد
مراد ؛؛ تطلعي عليها وسلمي اختك هي بروحها مظلومه
وفجاء سمعنا الباب ايدق
نجاح ؛؛ ويه افتحي نبيك اشويه
مراد ؛؛ خلاص خلينا نفتحو
نا ؛؛ نبيش نستقبلها نا نبيش ساد ان خششتها للحوشي بدون اذني
مراد ؛؛ اييييه اختك
نا ؛؛ تميت نبكي وانعلي في صوتي
لو سمحت يا مراد هذا حاجه اتخصني نبيش انشوفها
مراد ؛؛ مش انتي امرايفه عليها
نا ؛؛ بس نبيش انشوفها نبيش هي انانيه وما نبيش انشوفها
واتخش رجاء تجري للصاله
رجاء ؛؛ وهي تبكي
انتي هي من قالك اتجينا من
نجاح ؛؛ كيف ماتبنيش ولاه شنو
طلع مراد وفتح الباب وقعدن نسمعو
رجاء :؛ للاسف يااختي الكبيره يا قدوه لنا يا انانيه للاسف نبيش انشوفك
خالتي فاطمه؛؛ رجاء اسسسس
رجاء ؛؛ لا نبيش نسكت لنا كم سنه ساكتين لنا كم سنه ندفعو في ثمن مش دايرن نحن كم سنه ونحن مظلمات واندرو في اروحنا من كلام الناس كم سنه ونحن نقنعو ونكذبو علي اروحنا وانقولو نحن تمام واختنا شريفه
مجدي ؛؛ رجااااااء اختك اشرف من الشرف ومادرتش غلط
رجاء؛ ؛ لا دارت لما عدت وسيبتنا خافت علي روحها تنضرب لكن ما خافتش علينا وعلي سمعتنا والسمعه الشينه اللي سيبته لنا انا ح انرن علي خالد ايروح بينا احسن مايشرفنيش نقعد معك يا انجوحه ياخيتي الكبيره
مراد ؛؛ رجاااء ماترنيش علي خالد
نجاح جيتني في الحوشي واحترميها
رجاء ؛؛يعني تبي اتركب الغلط فيا نا انت كيف اتخششها للحوشنا كيف وانا متاكده ان ايه اكتر وحده فينا شايله منها لان هي اكتر وحده ادفعت الثمن يامراد
مراد ؛؛ مجدي تعال وخليهن هن ايتفاهمن
مجدي ؛؛ بحت فينا وطلع
وخشو في المربوعه
نجاح ؛؛ انهرت وقعمزت علي الكرسي وتبكي بصوت عالي واتخبط في وجها وفي كرعيها
كلنا طالعنا وتمينا انبحتو فيها وهي تبكي وساكتين وكأنه نرجو فيها
نجاح ؛؛ والله نا دفعت الثمن والله والله ما شفت خير والله يوميا نبكي والله من يوم ما مشيت منكم ما شفت خير مشيت لاحوش صاحبه وشفت المعامله الشينه من امه ولما طلع مجدي من المستشفي ومشينا لهله ومابوش يستقبلوني وسموعني كلام تعبني بكل اطرينا نمشو للطرابلس بيش نهنو موضوع المشاكل هذا وقالنا اكيده تو ايرقو وانرد عليهم والله بدرجه مجدي مابش يدخل عليا من اول الايام علي الامل ان انردو والله ماشفت خير سكنت في شقة اجار وناكلو ونشربو براتب واحد اطريت نخدم كوافير تحملت الظلم والهانه والذل وسكتت والله الحاجه الوحيده اللي كانت سمحه في حياتي هي ان مجدي متفاهم وايهون عليا والله معيشتي سود وما شفت يوم انخبر به والله حتي بنتي هذه جبتها ومش فرحانه بها وجعتني نحمل وانجيب لا ماما ولا وحده من خواتي معي وطول ما نا حامل ونا نحلم بيك انتي يا ايه نحلم بيك نا معاك فكرت في روحي وطلعت بس والله لحظة غضب وخوف من خوتك اللي يبو يقتلوني قتل في جامعه
والله عارفه روحي خربت عليك وانهيت علاقتك بشخص اتحبيه والله كل دمعه نزلتيها نا انزلتها قبلك ومعاك وبعدك
نا ؛؛ نبكي ومنهاره
بس نا اللي دفعت التمن نا يا نجاح خسرتني شهادتي و خطيبي وكرامتي انتي ركبتي فيا السمعه الشينه والتشويه نا بسببك رضيت نزوج واحد اكبر مني ب14 سنه ومطلق حتي نا في بدايه حياتي كانت متعبه نا تاني يوم صباحيتي بسببك اوعيت علي ضربه بسببك كنت عروس ومش عروس نخدم لعيال راجلي وساكته راجلي اللي ما حبنيش اللي استكردني
لا خليتني نفرح بحياتي بشبابي ولا بحبيبي ولا بخطيبي ولا بشهادتي ولا بزواجي
طمستني في حوش انحوس كيف خدامه انحوس ومش عارفه مستقبلي وانحوس وساكته وراضيه وخليتي ماما مريضه وحالتها حاله
ونهايتي راضيت براجل مطلق البنات يزوجنا ودمع اللي علي خدهن دمعه فرح ونا دمعه حزن وخايفه من مستقبلي وقاعده نرجا في يوم اللي ايطلقني فيه ما تاخذيش علينا جيتنا والقيتنا ريقات اشويه بس كلنا تعبنا نضحكو علي اروحن وانعيشو في اروحن في وهم في سعاده كاذبه ساكتات وراضيات بس علشان خاطر ماما رضين بالهانه والذل وراضينا بمستقبل ما حلمنش به
عادل علي طلعه وخشه يضرب فينا انحبسنا في الحوش وكأنه خدامات عند عادل حتي لما انخطبت ما شفت راجلي الا بعد الفاتحه مش حرام عليك مش واجد عليا بنت عمرها 19 سنه تحملت غلط مش ديرته تحملت وراضت تزوج وتخدم اعيال راجلها كبرتني يا نجاح ياخيتي قبل وقتي كبرتني وحرمتني من الفرحه كبرتني وطمستني في الحياه عاشيه ومش عايشه نقرا وعارفه روحي مش ح ناخذ الشهاده انتي خفتي علي روحك لكن ما خفتيش علينا يانجاح ماخفتيش ما فكرتيش لا فيا ولا في اميره ولا في رجاء ولا في ايمان راه تعبان من بعدك تعبان انتي قلبتي حياتنا وطلعتي ورنيني بنت عمرها 19 سنه رضت تاخذ مطلق وبعياله انا انذليت في بداية زواجي وسكتت بس علشان مانروحش لحوش هلي وعادل يضربني بنت عمرها 19 سنه تحملت مسؤليه اطفال مش اطفالها
اميره ؛؛ ووووووووووووووووووو ماما ماما
ايمان ؛؛ حي عليا ماما مامااااااااااااااااااااا ماااااماااا
وخش مراد يجري
رحاء ؛ شيلها يا مرااااااد شيلها
هيا
وكرت وشاحه وحطاته
وانقلب الحوش كله ابكاء وشال مراد ماما
نا ؛؛ ايمان انتي اقعدي مع العويل
ايمان ؛؛ عدي ماعليك
نا ؛؛ لابست عبايتي ووشاح وطلعت
ومجدي طلع يجري وجاب سياره وركبت معها نجاح خالتي سالمه وفاطمه
وامل رنت علي خالد ومشت هي ودعاء واميره
وطول طريق نا ورجاء نبكو ومراد مابش ايبحت فيا بكل
واول ما وصلنا خشو لماما طول للعنايه
مراد ؛؛ وين دكتور سراج
الريسبشن؛؛ مش قاعد
مراد ؛؛ كلمه بسرعه هذه مريضته
الريسبشن؛؛ من انقوله
مراد ؛؛ عطني رقمه
ورن مراد علي سراج وبعد نص ساعه خش سراج يجري وشافان نبكو
نجاح منطمره منا ماتبيش عينها اتجي في عينا
مجدي : نجاح هي خوتك تو ايجو وايشوفوك
نجاح ؛؛ خلاص خلي اللي ايجي ايجي بطلت ونا نهرب منهم خلاص معش انخاف من حد يامجدي تعبت ونا نهرب وامعيشه روحي في خوف وامعيشه خواتي معهن
رجاء ؛؛ اقلبي وجك من هنا خيرلك ياانانيه ياحقيره
مراد ؛؛ رجااااااء
رجاء ؛؛ تمت ادف في نجاح واتلز فيها
مجدي ؛ رجاااء لو سمحتي
وطلع سراج وتما ايبحت فينا
رجاء ؛؛ لعند امتي تبي اتخربي حياتنا لعند امتي يا انانيه تعبنا ونحن نكذبو علي اروحنا
خالتي فاطمه ؛؛ دكتور شن صار
سراج ؛؛ ايبحت في رجاء ومنصدم
حالتها خطيره
نا ؛؛ لااااااااا ما تقولهش وقعدت انخبط في وجي ونبكي
وايخش خالد ومعه امل ودعاء واميره ولقني نبكي ونندب
اميره ؛؛ ويه وينها يا ويه وينها
خالد ؛؛ امتي جيتي ياحقيره انتي
مجدي ؛؛ نجاح هيا البنت خايفه
نجاح ؛؛ خلي اللي ايصير ايصير اللي جوا ماما ونبي نطمن عليها
رجاء ؛ تو عرفتيها امك يا ابله تو عرفتيها بعد شنو عرفتيها بعد شنو
مراد ؛؛ مسك رجاء من يدها وطلع بها بره
انتي ما تبيش تسكتي ولاه شنو راكي في مكان عام خلاص اسسسسس
رجاء ؛ كلها منك انت ليش اتجيب فيها ليش
مراد ؛؛ رجاااااء اسكتي خلاااااص
ايوه طارق
طارق ؛؛ نعم
مراد ؛؛ تعال في المستشفي عمتي مريضه
طارق ؛؛ شن ورجاء معك
مراد ؛؛ اها تعال
طارق ؛ تمام
سراج ؛؛ ايشوف فينا ورد خش جوا
خالد ؛؛ نحكي نا شن جيبك هنا
امل ؛؛ حبيبي خلاص خليها امها ومن حقها اتجي
خالد ؛؛ امي بسببك جوا صاح
نجاح :؛ لالا بسببكم انتو انتو فكرتو في كلام الناس وصدقتوه ونا اختكم مافكرتوش فيا وكذبتوني خليتو الناس تحكي عليا
خالد ؛؛ حا يبي ايمد يده
مجدي ؛؛ يدك ماتمدهش ياخالد
خالد ؛؛ انت مازال عندك وجه وتحكي واتجينا
خالتي فاطمه ؛؛ الله ايربحك يا خالد خلاص خلاص ماتكثرش علينا
خالتي سالمه؛؛ ويه وسعي بالك
نا ؛ ماما يا خالتي ماما سندنا ظهرنا يا خالتي ضيءحوشنا ياخالتي من عندنا بعدها من عندنا بعدها
رجاء ؛ حول يا مراد يا نا ياهي في المستشفي هذه هالحقيره
مراد ؛؛ نا نبيش نغلط فيك خلاص وطي حسك
رجاء ؛؛ انهرت وطحت علي الارض وتمت تبكي
مراد ؛؛ معش عرف يقعد معي اللي نندب جوا ولا معي رجاء اللي بره
خالتي فاطمه؛؛ اميره انتي حامل بشويه علي روحك
اميره ؛؛ المهم عندي تو ماما لا نفكر في روحي ولا في الجنين نا نبي ماما بس
مراد ؛؛ صبي تعالي خشي
رجاء ؛؛ مانبيش انخش يا نا يا هي
مراد ؛؛ اقعدي هنا نلقي صوتك طالع والله ماندير خير
وخش مراد جو للمستشفي وقعد ايبحت فيا ونا مقعمزه علي الكرسي ونبكي ومشي شور مجدي و نجاح
مراد ؛؛ مجدي خوذ نجاح وروحو تو خوتها ايجو هنا
مجدي ؛ هيا نجاح
نجاح ؛؛ مانيش امروحه وكان انت خايف علي بنتك خوذه وعدي يامجدي ونا مستحيل انوخر خلاص ليا كم نرجا فيه اللقاء هذا
مراد ؛؛ نجاح خط قعدتك هنا
نجاح ؛؛ خط من الاول طلعتي من هنا
خالتي سالمه؛؛:فاطمه كلمتي علي ولاه عادل
خالتي فاطمه؛؛ لالا فكينا خلي نجاح اتروح قبل ساد خالد ماحوتنا مسكنه
امل :؛ حبيبي اختك مش غالطه وانت عارف خلاص ماتكثرش عليها
خالد ؛؛ هذه من امتي هنا وشن جيبها
امل ؛ كيف شن جيبها اختك تبي اترد خلاص لعند امتي ونحن ظالمينها
خالد ؛؛ انتي اسكتي وسكري فمك خير
دعاء ؛؛ اميره اهي ميه اشربي
اميره ؛؛ ماعنديش نيه نا نبي نعرف شن صار في ماما بس
دعاء ؛؛ ادعيلها بس
طارق ؛؛ رجاء
رجاء ؛؛ اول ما شفاته طول مشتله وتمت تبكي
طارق ؛؛ وسعي بالك حبيبي
رجاء ؛؛ ماما ياطارق ماما حي عليا تبي اتعدي واتسيبني
طارق ؛ لالا اطمني اكيده اكويسه تعالي انخشو انشوفوها
رجاء ؛ خالد جوا
طارق ؛؛ وكان هيا
وخشو مع بعضهم للمستشفي
شيرلها مراد ومشاله
مراد ؛؛ طارق امسك مراتك وفكنا من المشاكل
طارق ؛؛ كنها شن صار
مراد ؛ اسالها هي مادرتش خير امسكها وماتخليهش تمشي لاختها
طارق ؛؛ من
مراد ؛؛ شيرله شور نجاح
طارق ؛؛ قصدك هذه اختهم الكبيره جت
مراد ؛؛ اها المهم امسكها
طارق :: ماعليك
وسلم طارق علينا وقعد امصبي جنب خالد
وطلع سراج من العنايه
وكلنا هجوم عليه
سراج ؛؛ تعبانه ادعولها
نا ؛؛ حي عليا حي نا حي عليا
مراد ؛؛ اسسس كنك وسعي بالك وادعي
وقعدن نبكو بصوت عالي وخالد طلع يجري بره
رجاء ؛؛ كلها منك ياحقيره كلها منك
مجدي ؛؛ هيا نجاح اطلعي
رجاء ؛؛ مهمتكم انتو اديرو الغلط وتهربو
مجدي ؛؛ رجاء نبيش نغلط خلاص ساكتلك امبدري
طارق ؛؛ لا بالكي اتجرب وتغلط
مراد ؛؛ طااارق مش شورك امسك رجاء انت
مجدي ؛؛ كر نجاح وايه وطلعو من المستشفي
مراد ؛؛ سراج سامحنا تعبنك
سراج ؛؛ لا تعبك راحه بس شكلها صاريلتها مشكله كبيره
مراد ؛؛ ربك يستر
ورن فونه رقم غريب
مراد ؛؛ ايوه
احمد ؛؛ معاك احمد يامراد
مراد ؛؛ اها اهلا احمد
احمد ؛؛ شن صار عندكم
مراد ؛؛ في العنايه قاعده
احمد ؛؛ فيش اي حاجه
مراد ؛؛ ان شاءالله خير
احمد ؛؛ به راه نحن في حوشك مع العويل
مراد ؛؛ خوذ راحتك
احمد ؛؛ سلام
صكر مراد وجا وقعمز جنبي ونا نبكي
قعد وضعنا هذا لعند ساعه 12 ليل وجو خوتي وجا وليد ومابينش انقول ان نجاح ردت
عادل ؛؛ هيا روحنا خلاص قعدتكن هنا
وليد ؛؛ هيا اميرتي انتي تعبانه وحامل
خالتي فاطمه؛ هيا هيا كلكن روحنا مانبوش وحده قاعده هنا
نا ؛؛ ﻻﻻ نا قاعده هنا مع ماما
خالتي فاطمه ؛؛ واعيالك هيا روحي انتي بذات اتروحي تو
رجاء ؛؛ عدي ايه نا ح نقعد
مراد ؛؛ هيا ايه تو انجو بكره في الصبح
عادل ؛؛ هيا كلنكن خلو رجاء بس وهيا
وطلعنا كلنا حتي طارق دار روحه روح معنا ونا روحت للحوش والقيت قدامي ايمان وامرقده العويل وبارمه علي الحوش
ايمان ؛؛ شن صار
نا ؛ في العنايه
ايمان ؛ اضبطتني وتمت تبكي
نا ؛؛ كلها منها خربت علينا زمان ومرضت ماما وتو ردت تبي اتخرب اخري حسبي الله ونعم الوكيل
ايمان ؛؛ تو نمشي انخطم علي ماما تو
نا ؛؛ به وشكرا تعبتك
ايمان ؛؛ لالا عادي والعيال حطيهم عندي خلينا انتبادلو
نا ؛؛ تعالي لحوش هلي غادي
ايمان ؛؛ به خلاص خلني نمشي لماما
نا ؛ به سلام
ولفت ايمان سجودي في البطنيه وطلعت ونا خشيت للدار انغير والقيت مراد متعقد وايدخن
مراد ؛؛ ايه شن الكلام اللي سمعته امبدري
نا ؛؛ شن
مراد ؛؛ انتي كيف تحملتي اتعاشري انسان ماحبيبتش لا واخري تكذبي عليه واتقولي انحبك وحبيبي وانتي مازال اماثر فيك حبيبك الاول لدرجه هذه مش مالي عينك
نا ؛ قعدت ساكته ومنصدمه
مراد ؛؛ بسببك اخسرت شهادتي و خطيبي وكرامتي وراضيت ناخذ واحد اكبر مني ب14 سنه ومطلق وبعياله
نا ؛؛ قعدت انبحت ومنصدمه وساكته
مراد ؛؛ شفتي كيف سامع الكلام وساكت
نا ؛؛ انت افهمني قبل
مراد ؛؛ ايه الليله لليل تو تاخذي ادبشك وتطلعي بره ولمي دبشك هنا معش نبي انشوفك ومعش تلزمني ياكذابه صار سعادتك سعاده كاذبه صار
نا ؛؛ مراد ماتسمعش الكلام الغلط وتاخذه
مراد ؛؛ صب وجاني وكانه مجنون ومسكني من عند شعري
تي شن تبني نفهم مراتي قاعده في حوشي وتذكر في ماضيها ومتحسفه لان اقعدت شريفه وازوجت بلا علاقه مراتي قاعده في حوشي واتقول مش راضيه عليا وتكذب عليا وسعادتها سعاده كاذبه
وعزقني علي السرير بقوه
تي شن تبني اندير فيك يا حقيره يا كذابه شن اندير يا خاينه متحسفه صاح متحسفه ياشريفه يا طاهره
نا ؛ تميت نبكي وانوخر وخايفه منه
مراد ؛؛ تو اتصبي اتلمي دبشك ومعش نبي انشوف خلقتك ياحقيره وبكره من الصبح انطلعك معش نبيك هنا
وقرب مني وشدني من يدي وطلعني من الدار وسكر الباب بالقوه
ونا خشيت لدار العويل وتميت انلم في دبشهم ونبكي
وطلع مراد عليا
مراد ؛؛ شن عاجبك هكي مش هذا اللي تبيه ياخاينه قاعده في حوشي وتذكري في ماضيك ياحقيره
نا ؛؛ م……
مراد ؛؛ معش نبي نسمع صوتك يا حقيره وانتي معش تلزمني معش تلزميني سنتين وانتي تكذبي عليا يا كذابه انحبك وانموت فيك وكله كذب
وخش وخبط الباب بالقوه
وطول الليل قعدت نبكي انفكر في ماما وانفكر في كلام مراد معش عرفت روحي نا اللي غالطه ولاه هو وانفكر في كلام نجاح
ووعيت الصبح علي يد ……………..
يتبع