مسلسل سعاده كاذبه الجزء الاخير
مسلسل سعاده كاذبه
الحلقه 83
وجاء الصبح ووعت رجاء رنت علي مراد طول
مراد ؛؛ الو
رجاء ؛؛ صباح الخير
مراد ؛؛ صباح النور
رجاء ؛؛ مراد تبي اطلق ايه انت
مراد ؛؛ حاجه اتخصني هذه
رحاء ؛؛ يا مراد ايه اختي ووجعتني
مراد ؛؛ باهي
رجاء ؛؛ باهي ليش اتهزب فيها وتضرب فيها واتلز فيها مش مراتك هي وام اعيالك واتحبك ليش اتعذب فيها هكي ليش علشان هي هاديه انت واخذ راحتك معقوله هكي يا مراد
مراد ؛؛ يا رجاء ايه اغلطت في حقي واجد ونا صابر عليها وكل ما نقولها هي روحي معي ماتبش شن اندير انكرها بقوه قداكم ونحبسها في الحوش ولا شنو
رجاء ؛؛ به انت امس مفروض خشيت باركتلها مش اتهزب راه المراه نافس مفروضة راعيت شعورها واعره راه
مراد ؛؛ حتي لما اتحس طارطور قدام اللي الناس و يخدمو معاك انجي نمسك ونقرا في الاسماء نلقي اسم مراتي جايه وجايبه من وراي في الليل واعره راه يا رجاء
رجاء ؛؛ باهي كيف ايصير تبو تقعدو هكي انتو
مراد ؛؛ مش فاضي نا
رجاء ؛؛ عندي طلب باهي
مراد ؛؛ تفضلي
رجاء ؛؛ اخر موضوع الطلاق يا مراد علشان خاطر اعيالك بس اصبر ما تندريش علي الدنيا
مراد ؛؛ ان شاءالله خير سلام
وصكرت رجاء
رجاء ؛؛ ياعنجد غرورك صدق فيك طارق مغرور ومش بساهل يحكي تي شن اندير شن
ورن فونها
نعم حبيبي
طارق ؛؛ صباح الخير
رجاء ؛؛ صباح النور
طارق ؛؛ كنه صوتك هكي
رجاء ؛؛ كنت نحكي مع المغرور
طارق ؛؛ رجاااء فكينا خلااص خويا وعارفه مايحكيش
رجاء ؛؛ المشكله غالي عليا ماعنديش معه روح ماعرفتش نطلق اللساني تحشمت
طارق ؛؛ نهارك بعدها شن تطلقي اللسانك خويا الكبير تحشمي
رجاء ؛؛ طارق ما ترقيهش ليا انت الاخر
طارق ؛؛ رجاء احكي باسلوب ياعن..استغفر الله
رجاء ؛؛ سلام
طارق ؛؛ اتسكري نهارك
رجاء ؛؛ نعم ها
طارق ؛؛ شن حكيتي معه
رجاء ؛؛ شيء بس قالتله ماطلقهش تو
طارق ؛؛ لا مش ح يطلقها تو ماعليك ح انجل الموضوع امس حكيت مع حاتم وقالي تو نحكيله هو الانسان الوحيد يحكيله حاتم
رجاء ؛؛ تمت تبكي
وراس طارق وراس حبيبي ماتخليه ايطلقها تو علي الاقل خليهم بعد فرحنا بالكي ايحنو لبعضهم وايردو بعد الفرح
طارق ؛؛ حاضر تو نحكي خلاص
رحاء ؛؛ حبيبي
طارق ؛؛ نعم
رجاء ؛؛ في المدرسه انت
طارق ؛؛ ﻻﻻ روحت تو في السياره
رجاء ؛؛ باهي نبي انكلم احمد ايجني اليوم
طارق ؛؛ ايقريك
رجاء ؛؛ اها تو انكلمه وانشوف
طارق ؛؛ باهي فونك خليه مفتوح
رجاء ؛؛ حاضر تو انخليه بس انت ما ترنش عليا راه والله انتحشم من احمد
طارق ؛؛ باهي سلام
رجاء ؛؛ انحبك
طارق ؛؛ واضح
رجاء ؛؛ والله انحبك باهي وامشي اللي تبي اديره اديره
طارق ؛؛ معش اتكلمي مراد خلاص فوتيه
رحاء ؛؛؛ باهي لاني نا بروحي انقهرت اسملاه علي اختي اللي اتحبه ومراته حبيبي نسالك
اصبر اصبر بيده وارحيمه ايدقو
طارق ؛؛ امسكره عليهم
رجاء ؛؛ هذه وعيتي نا مازالت ما فتحت الدار بيش ايخشو يلعبو
وصبت رجاء وافتحت وخشو بيده وارحيمه يجارو ومعهم ايه
ايه ؛؛ رجاء تحكي مع عمو
رجاء ؛؛ اها تعالي احكي معه وقوليه خير
ايه ؛؛ خير عمو
طارق ؛؛ خير ويه
ارحيمه ؛؛ طالق
رجاء ؛؛ ههههههههه اها طالق
طارق ؛؛ ياعنجد طالق
رحاء ؛؛ ايهبلو تو ضروري يفتحو دولاب لان في شكولاطه
طارق ؛؛ خليهم ياخذو تو انجيبلهم
رجاء ؛؛ اصلا مش شوري هن شور ايه هي اللي اتحط فيهن عندي وهم كابسيهن كل صبح ياخذو
طارق ؛؛ ايه عندها افلوس
رجاء ؛؛ لا عندها تهناء مراد يعطي فيها احسن حاجه فيه ان كريم يصرف في صرف سمح
طارق ؛؛ باهي صكري وصلت للصاله
رجاء ؛؛ انحبك
ايه ؛؛ هيييييييييييي صايعه كيف ماما وبابا
طارق ؛؛ هههههههههههههه
رجاء ؛؛ تعالي احكي بابا وماما شن اديرو
ايه ؛؛ بابا ايبوس في ماما ديمه
طارق ؛؛ بلا سخافه يا رجاء
رجاء ؛؛؛البنت زارقه علي بوها وامها يستر الله
طارق ؛؛ وانتي اتفطني فيها
رجاء ؛؛ ههههه ﻻ والله بس مره شفت صورتك وانت اتبوس فيا انفجعت وقالت عيب
طارق ؛ رايفت علي بوسي لكي والله راه حرجت ايه هذه جت علي راسي نا كان تحملت نين طلعنا الفرح
رجاء ؛؛؛هههههههه سخيف هيا سلام
طارق ؛؛ سلام
رجاء ؛؛ سلام
وخشت نجاح ؛؛صباح الخير
رجاء ؛؛ صباح النور ايه وعت
نجاح ؛؛ اهااا قاعده جنب ماما
رجاء ؛؛ باهي
نجاح ؛؛ عدي افطري وخشي اقري بيش تمشي للمعهد في العشيه
رجاء ؛؛ خطرتي نبي انرن علي احمد
نجاح ؛؛ ايجي اقريك
رجاء ؛؛ اهااااا
اهلا احمد
احمد ؛؛ صباح النور شن تبتي انجيك
رجاء ؛؛ هههههه اهو عارف
احمد ؛؛ انجيك في الليل باهي اقري وارقدي وفي الليل تو انجي انقريك
رجاء ؛؛ باهي اساسا عندي معهد و جيب ايمان وسجودي
احمد ؛؛ تو انجيبهن في العشيه اكيده وفي اللي انجيك نا
رجاء ؛؛ باهي نرجا فيك
احمد ؛؛ سلام
رحاء ؛؛ ياخي عسل ايقطر هذا
نجاح ؛؛ احمد
رجاء ؛؛ اهاااا مع ان ايام الخطبه مانحبش واجد لان واعر مع ايمان واجد بس جوه ايجنن
نجاح ؛؛ انحس فيه واعر حتي تو
رجاء ؛؛ بس من مصالحتها يحبس فيها علي قرايتها وتربيت بنتها ايمان تغيرت واجد لما ازوجت احمد شبه ملتزم يقرا في القران وايخلي فيها تقرا وهذا عليش املبسها خمار وما ايخليش فيها تحكي مع الاقراب حتي قدام خوته بمحرمه وما تحكيش معهم الا ل ضروره
نجاح ؛؛ هههههه ونحن ما امدورينا بكل مره بحجاب ومرات لا
رجاء ؛؛ بس مستحيل ايبحت اعيونه لوطه حتي لما ايقرني اعيونه في الكتابه عارفه انصدمت لما عرفته يبي ايمان ايام المدرسه
نجاح ؛؛:ليش
رجاء ؛؛ لان هو ما يبحتش في البنات وفي حاله ماتوقعتش انه ايبحت ومركز في اختي بس حتي ايخاف ربي خطبها وقراءه فاتحتها قبل ما بحكي معها في الاول سالها لو هي موافقه بعدها خطبها
نجاح ؛؛ ما تنسيش ان ايمان هاديه وعاقله بذات قدام الناس
رجاء ؛؛ هههههه من ناحية هاديه هاديه
نجاح ؛؛ باهي تعالي هيا افطري
رجاء ؛؛ هي طلعي معاك الضنوه قبل
نجاح ؛؛ خليهم زايطن في دارك
وجتني نجاح ولقتني انرضع في نور
نجاح ؛؛ شن خاطرك في غداء
نا ؛؛ اي حاجه
ماما ؛؛ ديري كسكسو اتحبه
نجاح ؛؛ من اعيوني تو انكلم مجدي ايجي ايتغداء
ماما ؛؛ اها كلميه املاه اتخلي الراجل بلا غداء
نجاح ؛؛ هههههه حاضر
نا ؛؛؛نجاح صكري الباب راه ارحيمه يطلع
نجاح ؛؛ امسكرته قاعدين لاهين في دولاب رجاء
نا ؛؛ باهي
مشت نجاح ادير في الغداء ورجاء اطلعت برمت علي الحوش بعدها صكرت علي روحها وتمت تقرا وفي العشيه مشت للمعهد واميره وايمان جن وتمن ايهدرزن ايحاولنا انهن ايغيرلي جوي
ايمان ؛؛ ارجيوه هذا احمد اللي ايدق
رجاء ؛؛ هي تو نفتحله
وطلعت رجاء افتحت ل احمد
احمد ؛؛ في شن تاكلي
رجاء ؛؛ ما ليا شيء امروحه من المعهد جيعانه درت سندوش دحي تبي
احمد ؛؛ هههه ﻻﻻ صحه
رجاء ؛؛ خش للمربوعه تو انجيب اكتباتي
احمد ؛؛ هيا
وخش احمد للمربوعه وجاته سجودي ووراها ايمان
احمد ؛؛ تعالي يا بابا تعالي
ايمان ؛؛ عارفاتك قاعد اطلعت بسرعه
احمد ؛؛ حط سجودي علي اكراعه وجت ايمان جنبه
بنتي سمحه اسمح حتي من امها
ايمان ؛؛ ههههه والله يعني هي اسمح
احمد،؛؛اهااا
ايمان ؛؛ والله
جت وقعمزت علي اكراعه التانيه
ها هكي تمام
أحمد؛ ؛ قرب منها
انتي القلب انتي الروح انتي الحياه
ايمان ؛؛ تو اتلسن عليا
احمد ؛؛ كان اتفكيني من غيرتك هذه بس
ايمان ؛؛ ﻻﻻ حبيبي وراجلي وبات ابنيتي ما تبنيش انغير عليه
احمد ؛؛ تو اتخش علينا رجاء امشي اقعدي مع عمتي
ايمان ؛؛ باهي يا حمودي احسابك في الشقه
احمد ؛؛ هههههه خلاص نا وياك عليها
ايمان ؛؛ هازي عليا
احمد ،؛ هههههههه عدي يااعويناتي
ايمان ؛؛ اصبر انجيبلك نور قبل
وصبت
وخشت رجاء عليهم
رجاء ؛؛ احم احم
احمد ؛؛ ههههه تعالي هيا
وخشو وراء رجاء بيده وارحيمه وايه
سجودي ؛؛ بيده
احمد ؛؛ هههه
ايمان ؛؛ صاحبها بيده مش كيف ارحيمه
رجاء ؛؛ هههههههه يستر الله هيا خوذي الضنوه وعدي
ايمان ؛؛ هيا هيا كلكم قدامي هيا
ومشو قدامها العويل وقعمزت رجاء بدت تقرا
ودارن العشاء وتعشينا وهدرزنا وروحنا رجاء خشت تقرا وبعدها ارقدت والعويل ارقدو ونا صبيت خشيت لحمام واول ما خشيت تميت نبكي وكأني قنبله وانفجرت من الصبح ونا داسه ادموعي هذين ما نبيش ماما اتنكد مع ان عارفه ان نفسيتي صفر وانكابر
صبيت علي المرايه وحطيت شعري علي الجنب وتميت امصبيه علي الجنب بيش انشوف الشوفه علي ارقبتي ونذكر كيف كان ايحبها ويشدني شوره وايضبطني كيف لما انكون في حضنه وانشم في بنت دخانه وعطره كيف هانن عليك الايام هذين كيف بس كيف اتخوني ليش يامراد اتخوني واترد سناء ونا كم مره انقولك نا انانيه في حبك يا ابروحي يا بلاش بس ماحد ايشاركني فيك ماحد حتي ولو ام اعيالك
تميت نبكي بصوت عالي انخبط في وجي
ليش ليش ادير هكي ليش اتعب فيا ليش شن درت نا بيش اديرلي هكي
نجاح ؛؛ ويه ويه افتحي
نا ؛؛ انهرت وطحت لوطه وتميت نبكي
نجاح ؛؛ ويه افتحي راه ماما تفطلنا ماما مريضه يا ويه حرام عليك
نا ؛؛ صبيت وفتحت الباب طول طحت علي نجاح واضبطتها
باعني ليش ايبعني ونا انحبه والله انحبه
نجاح ؛؛ تمت تبكي واتمشي بيا وخششتني للغرفة الضيوف وسكرت علينا
نا ؛؛ قعمزت علي الارض
والله غلطي ماهو كبير نين ايجافني وايخلني هكي صح نعترف اني غلطت معه بس مش لدرجه هذه مش قادر انصدق مش قادره حبيبي ايجافني وايخون فيا عليش علشان حبيته وصنته وحطيته في عيوني ورضيت بعيوبه وتحملت يوم اللي ايزعلني به هو متعود ان ايجافني بس ايام بس مش شهور يحبسني في حوشه ما يخلنيش نحكي مع حد حتي التي في يحرم فيا منه بس ماعمره لزني ماعمري لزني هو لزني لان يبي ينهي حياتنا صاح يا نجاح هو معش يبني
نجاح ؛؛ تمت تضبط فيا واتهدي فيا
ويه امشي وابكي عند وجه خبطي قدامه ديري المستحيل قدامه بيش يعرف انك اتحبيه واجرحك ماتقعديش هنا تبكي وخلاص
نا ؛؛ عارفته وعارفه طبعه مش ح ايخلني نحكي هكي ح يضربني وح يقعد هو اللي ايخبط اهااا انخاف منه لان هو عصبي وواعر من حقي انخاف مراد لما ايتعقد ما يعرفش من قدامه يقعد ايخبط وخلاص شفتي انتي امس شن دار فيا بس لان عرفني طالعه من وراه
نجاح ؛؛ باهي تقعدي هكي اتخليها تاخذه منك
نا ؛؛ اساس هو لها من يومه من يومه ايحبها ومتعلق بها وهي ديمه اتقولي مراد يبرم يبرم وايردلي وفعلا اهو برم برم وردلها
نجاح ؛؛ ما تمديش وجك امشي
نا؛؛ نبكي ومنهاره وصوتي متقطع من العبره اللي تخنق قاعده
ساد ما دار فيا مانبيش يجرحني اكتر من هكي ما نبيش ايطيح من عيني نبيه مراد حبيبي اللي حبيته وماعمريش حبيت انسان غيره لو نمشي للحوشه ح ننهان اكتر من زمان وح يعرفني ما نقدرش نستغني عنه بس والله ح نعيش ح نعيش بلاه الحياه مش اموقفه عليه مع ان قلبي وقف عنده بس والله ح نقعد احسن ام ل احسن عويل وح اتشوفي هذوم عويل مستحيل انخلي خاطرهم مكسور ح انكون احسن من سناء اللي خذت عويلها منا ومسكتهم شوفي لما خذتهم ردلها شفتي
نجاح ؛؛ باهي يا ويه ديري اللي في بالك بس هدي روحك علشان خاطر اعيالك وماما راه الحياه ملينا مشاكل راه حتي نا ومجدي نتعاركو وما نحكوش مع بعضنا بايام بس بعدها انردو و نحكو لبعضنا
نا ؛؛ حكيتله حكيتله هو اللي طلعني ولزني حتي لما ايجي هنا مابش ايراضني بكل ايقولي هيا معي وخلاص به علي الاقل ادير حاجه ايراضني بيش نضمن روحي اني مش انتهزب او ننضرب اخري انا اعيالي تو يفطنو ويحكو كيف تبني قدوه لهم وهو يضرب فيا راضيت بعيبه هذا لان الحق كل ما له يصلح معش ايمد يده بس المره هزيبه وضرب ولزه وجافني وخاني واجد هكي واجد رجاء ديمه اتقولي خلي عندك شخصيه فعلا ح اندير شخصيه وانديرله حد خلاص مراد تعبت منه
نجاح ؛؛ يعني خذيتي قرارك
نا ؛؛ تميت نمسح في دموعي
من خشته امس عليا يهزب ويضرب خذيته قراري ان نا معش نقعد له خلاص
نجاح ؛؛ ربي يوفقك ويهنيك في حياتك
نا ؛؛ المشكله غالي غالي عرف ايغرقني في حبه عرف ينهني عرف
نجاح ؛؛ به انتاكدو من كلام الممرضات قبل
نا ؛؛ تاكدت
نجاح ؛؛ كيف
نا ؛؛ تاكدت اولا لان مراد زمان ما يحكيش معها بس لما شفتهم في جيبت اميره حكو عرفت ان الجو تمام بينتهم وحكن الممرضات وبعدين سمعت من وحده تحكي وبعدين مافيش دخان بلا نار لو ما ردش راه ما طلعن الاشعات هذين وبعدين راجل اللي قدر ايكون بلا مراته 7 شهور معناتها عند بديل لها صاح صاح احكي يا انجوحه صاح كلامي مقنع صاح
نجاح ؛؛ اضبطتني بقوه وتمت تبكي
نا ؛؛ عنديش حظ عنديش مهما اندير ماعنديش بس ح نسكت علشان خاطر وحده بس مانبيهش تنظلم معي
نجاح ؛؛ من
نا ؛؛ رجاء ح اندير مستحيل انخلي فرحها يطلع بعدها نطلب ورقتي برسمي لان نا عارفتها وكان اتجي ورقتي وهي مازالت مخطوبه مش ح ادير خير عارفتها هي امغير جيت حرجانه وهي متغيره مع طارق هذا عليش تقفل في فونها ماتبيش مشاكل معه
نجاح ؛؛ طول عمرك اتفكري في غيرك فكري في روحك
نا ؛؛ حتي نا فكرت بدليل اني ح اندير حد لمراد حبيبي وحياتي وعمري وقلبي ح انديرله حد غدرني ونا وفيته غدرني غدر وخلني نبكي هكي بس خلاص
نجاح ؛؛ باهي تعالي خشي ارقدي ماما تو تفطن ان نحن وعيات وبره
نا ؛؛ حاضر
نجاح ؛؛ حي حس نور تبكي هيا
نا ؛؛ هيا
ومشيت ومسكت نور وتميت انسكت فيها وحطيت راسي علي المخده مرات انحن ومرات نقسي وانقول خلاص يا مراد نبي اندير حد
ومشت حياتي ونا هكي مرات نقسي ومرات انحن ونبكي بس كل ما نبكي انحط في صورة اعيالي قدامي وانقول ح نقعد قويه علشانهم وعلشان ماما
……………………..
مراد؛؛وهو يحكي علي فون وطالع يفتح في باب حوش وخش حاتم
مراد ؛؛ اوكي يا سناء
سناء ؛؛ رد بالك من روحك
مراد ؛؛ ان شاءالله
وصكر مراد وبحت في حاتم
خش ياحاتم كنك امصبي
حاتم ؛؛ جبت العشاء وجاي انتعش معاك
مراد ؛؛ بعدك جيعان خش خش
وخشو مراد وحاتم للحوش جوا ومشي مراد جاب سفره وحطها وافتحو العشاء وبدو ايتعشو
حاتم ؛؛ شن اللي سمعتها نا صاح
مراد ؛؛ شن
حاتم ؛؛ تحكي مع سناء والابتسامه علي الوجه
مراد ؛؛ وكان
حاتم ؛؛ كيف وكان انت متزوج وعندك مراه حرجانه هذا بدال ما تردها قاعد تحكي مع طليقتك
مراد ؛؛ حاتم والله تعبت ومليت من هالمواضيع اللي يشوفني يحكيلي عليها شن نا مانبييهش يعني نبيها لكن شن اندير اذ جميع الاغلاط اللي يبعدني عليها ادير فيهن والله خليها ساكته
حاتم ؛؛ ام اعيالك
مراد ؛؛ قبل ما تكون ام اعيالي مراتي اللي حبيتها هي ويتي للي خشت في حياتي وقلبتها قلب كسبتني اعرفت كيف اتخلني انحبها وننسي سناء
حاتم ؛؛ باهي ردها
مراد ؛؛ بعد شنو بعد ما اغلطت في حقي قدام هلها وقدام الناس اخري نا ردت فعلي عاديه جدا ردت فعل اي راجل شرقي يحب ويغار علي مراته خبطت وهزبت وشلتها لهلها ردت فعلي طبيعيه بس هي اللي بعدين سكرت راسها وتطلع واتخش وكأنها ما وراها راجل بكل وجي طاح لما شفت اسمها في الورقه
حاتم ؛؛ باهي تحمل علي خاطر اعيالك ومشيها لها بدال انت تبيها
مراد ؛؛ مشيت لها جيت يوم العشاء وقالتلها هي تمت اتقول انت عايش حياتك وفايتني تي هي اللي فايتتني حتي فون ما امخليته مفتوح امسكرته لا اترن واتخلي فيا انرن عليها شن اندير اكتر من هكي خلاص
حاتم ؛؛ بس دخول لسناء لحياتك غلط يا مراد
مراد ،؛ والله ما خششتها لحياتي هي اللي اتكلم وتحكي واتهدرز هي الانسانه الوحيده اللي تحكي معي وما تحكيليش علي ايه المكان اللي نمشيله يحكيلي علي ايه تعبت من هالمكالمات كل مره حد ران ردها ردها تي كيف انردها وهي ماتبيش خلاص تعبت من هالمشاكل كرهت حوش هلي منها امي وباتي واكلين وجي بسببها
حاتم ؛؛ ايه ماتعوضش والله احسن منها ماتلقي
مراد ؛؛ عارف نا صابر علشان طارق مانبيش انخرب عليه بس وهو قالي ماديرش اي خطوه رسميه الا بعد فرحي
حاتم ؛؛ الحق نا جايك علشان هالموضوع
مراد ؛؛ مش قالتلك مافيش حد ايجي ويكلمني ولاه يسال علشاني كلهم علشان ايه مش عارف شن دارت فينا
حاتم ؛؛ اذكر روحك كيف كنت تشكر فيها واتحبها وتو تعرف بعدها
مراد ؛؛ مازالت نشكر فيها حتي ولو اغلطت مازالت في قلبي حبيبتي وعمري ودنيتي كلها هي اكبيدتي اللي تطعن فيها
حاتم ؛؛ ربي يهديكم بس حاول تبتعد من سناء فكنا منها حتي ولو في عقلك حاجه ديرها بعد ما تطلق ايه رسمي مش تو
مراد ؛؛ انا الصفحه اللي نطويها مانردهش يا حاتم وانت عارف
حاتم ؛؛ ياعنجدك وخلاص فكر في عويلك بس ولا تبي تزوج المرة الثالثه
مراد ؛؛ تحرم عليا مراه بعد ايه اخر انسانه انخششها في حياتي وفي قلبي هذا اصل اذ كان اطلعت من الاساس
……………………..
وفي يوم امقعمزه نا وايمان في دار المعيشه والعويل يلعبو بره ومعهم نجاح ومروه ايضمن في المطبخ الخارجي وماما طالعه مع خالتي فاطمه للعزاء
اتخش علينا رجاء
نا ؛؛ صح النوم
رجاء ؛؛ سلمك ياخيتي ماصدقت كملت الامتحانات نبي انتريح خلاص
ايمان ؛؛ خلاص وتي روحك لفرحك
رجاء ؛؛ معش عندي شيء نبي نشري دبش رسمي بس ونحجز في فيلو الا كوافير حجزت فيه اميره الكوافيره اللي جنبهم قالتلي اتجنننن اصلا نبيهش اندير لابيز واجد حاجه خفيفه
نا ؛؛ ليش
رجاء ؛؛ طارق ما يحبش البيز واجد ايحب ايشوفني بسيطه حتي الفيلو مانبيش ناخذه امبوج وكبير نبيه بسيط كيف الحوته ضابط كله ومن تحت واسع
نا ؛؛ اهااااا اصلا انتي اتحبي الضابط ديمه
رجاء ؛؛ ههههه اتصدقي حتي الارواب الغلبيه منه هو حتي امتع اول يوم منه قالي ما تحوليش تلبسي حاجه خاطي اللي جبته لكي
ايمان ؛؛ ياعيني عليه وخلاص صايع ارجيوه ضروري تسمني اشويه لان تو ايجي الرمضان ح تنقصي
رجاء ؛؛ ههههههه خليني كيف ما انا وين امل عدت
نا ؛؛ شفتها نازله امبدري
ايمان ؛؛ ماشيه لهلها
رجاء ؛؛ تقريبا حامل امل امغير مازالت ما تاكدت قالت انكمل امتحانات وانشوف روحي
نا ؛؛ ان شاءالله ربي يجبر بخاطرها
ايمان ؛؛ ان شاءالله
رجاء ؛؛ هي لما سكرت سنه قلقت علي خاطر خالد قالت اصحابه يسالو فيه واجد
ايمان ؛؛ ازي الناس هذوم ما يقدرو ولا ايخلوك في حالك حتي نا احمد تعقد منهم يسالو فيه كلو وجه
رجاء ؛؛ في اللي ايحب الاعيال نا طارق يبني نحمل من اول يوم كان يلقي اخر
نا ؛؛ ارجيوه شن صار في بنت عمه
رجاء ؛؛ افنان حامل تو
نا ؛؛ اكيده الاخبار عندك مرات انور عاد
رجاء ؛ ههههه اها انور ضرتي
ايمان ؛؛ هههههههههه كيف
رجاء ؛؛ والله ديمه مع طارق مايسيب فيه بكل ما تقولي عليه متزوج بكل مراته يعرفها في وقت اوكال والليل بس
خشت علينا نجاح ومعها لمار وحمادي
نا ؛؛ حمادي لمار
نجاح ؛؛ جايبهم مراد قاعد في المربوعه ويبي نور
نا ؛؛ خوذي شليها انتي
نجاح ؛؛ ﻻﻻ صبي شوفيه اوحدك خليكي قويه وشوفيه
لمار ؛؛ اعميمه هذه هديه من ماما
نا ؛؛؛خذيت الكيس وفتحته والقيت لابسه حلوه لنور
شكرا ياحبيبتي
نجاح ؛؛ تعالو العبو مع بعضكم بره هيا يا ويه امشي خشي شوفيه
ايمان ؛؛ صبي شوفيه
رجاء ؛؛ تو انديرلكم قهوه عدي
نا ؛؛ حاضر
صبيت وخذيت نور وطلعت والقيته امقعمز في المربوعه اوحده ولما شافني ونا خاشه صب وخذ مني نور
مراد ؛؛ بسم الله ماشاء الله تبارك الله
نا ؛؛ متعبه
مراد ؛؛ كنها
نا ؛؛ تبكي واجد وانحس فيها ما تشبعش مني
مراد ؛؛ تعطي فيها رضاعه
نا ؛؛ اهااااا
مراد ؛؛ وخر وقعمز علي الصالون وهو ماسك نور ورفع راسه وبحت فيا
شن اخبارك انتي
نا ؛؛ نزلت راسي
تمام الحمدالله
مراد ؛؛ مازالتي مريضه
نا ؛؛ ﻻﻻ الحمدلله
مراد ؛؛ فيش حاجه توجع فيك
نا ؛؛ ﻻﻻ
مراد ؛؛ نا جايك تو لاني ماشي امسافر
نا ؛؛ رفعت راسي و انصدمت
كنك عليش
مراد ؛؛ الحاج مريض نبي نطلع به للتونس نا وامي و هدي وطارق قاعد هنا علشان مش فاضي خلاص فرحه اقريب بعد رمضان طول
نا ؛؛ اتروحو بسلامه
مراد ؛؛ هو مازالت السفره تقريبا الاسبوع الجاي
نا ؛؛ اهاا شن العويل عندك
مراد ؛؛ سناء قالتلي شيلهم ايشوفو نور وخوتهم
نا ؛؛ اشويه انديرلك القهوه
صبيت بسرعه خفت ادموعي يكشفني وينزلن قدامه وخشيت المطبخ والقيت رجاء ادير في قهوه
رجاء ؛؛ ليش اتصبي ما قالتلك تو اندير
نا ؛؛ هاتي تو انشيلها
وخذيت السفر وطلعت ولحقتني رجاء
رجاء ؛؛ ويه خليكي قويه
نا ؛؛ ان شاءالله
وخشيت علي مراد
تفضل
مراد ؛؛ شكرا
نا ؛؛ عفوا
مراد ؛؛ نور تشبهلك واجد
نا ؛؛ اهااا اللي يشوفها ايقولها
مراد ؛؛ ناقصتك حاجه
نا ؛؛ ﻻﻻ الحمدلله عندي انت الفلوس اللي تعطي فيهن مبلغ كبير راه
مراد ؛؛ اشريلهم دبش ماتخليهمش هكي
نا ؛؛ نشري حتي نا عندهم عرم اميره وخالد يكرو في الدبش بستمرار
مراد ؛؛ من افلوسهم
نا ؛؛ ﻻﻻ نعطي فيهم نا بروحي مانحبش حد يصرف عليهم
وفجاء نور تمت تبكي
مراد ؛؛ خوذيها كنها تبكي
نا ؛؛ مش قالتلك متعبه تبكي واجد ومره وحده هكي مراد ؛؛ بالكي مريضه
نا ؛؛ ﻻﻻ تمام امغير تدلع بس
مراد ؛؛بحت فيا ورفع حاجبه
كيف امها
نا ؛؛ انحرجت وصبيت وخذيت نور وقعمزت وتميت انهز بيها
مراد ؛؛ رضعيها
نا ؛؛ بالاستغراب
نعم
مراد ؛؛ قعد ساكت وامرفع حاجبه
نا ؛؛ تو لما انصبي انديرلها رضاعه
مراد ؛؛ نزل راسه وتم ايهز فيه
باهي تمام
هذين افلوس اشري بيهم دبشهم للرمضان وحتي للفرح بالمره لان اكيده ح انطولو في تونس لان عنده غضروف في ظهره
نا ؛؛ من امتي مريض
مراد ؛؛ وين له ايام وتو معش قدر يمشي بكل
نا ؛؛ ان شاءالله لاباس عليه
مراد ؛؛ الله لا يوريك باس ايه اي حاجه كلمي طارق
نا ؛؛ حاضر
مراد ؛؛ سلام
نا ؛؛ ان شاءالله اتروحو طيبين
مراد ؛؛ ان شاءالله
وطلع مراد لجنان وطلعت نا وراه والقينا العويل يلعبو خذ معه حمادي ولمار وبيده وارحيمه قعدو يبكو
مراد ؛؛ تو ناخذهم نبرم بيهم وتو انجيبهم
نا ؛؛ باهي بس راه ايرقدو بدري
مراد ؛؛ مش ح انطول بيهم
نا ؛؛ به
وطلع مراد ونا خشيت والقيت رجاء وايمان امصبيات
نا ؛؛ كنكن
ايمان ؛؛ ما تيكتوهش
نا ؛؛ ﻻﻻ معش انتعاركو اطمني لان متفقين نحن خطرها كنك ما قالتي عمي مريض
رجاء ؛؛ اهاااا انسيت بكل
نا ؛؛ طارق مش امسافر
رجاء ؛؛ اهااا قاعد ماسك الحوش ومراد احسن واحد يمشي هو اللي دكتور ويعرف اكتر وباله واسع في السفر قالي طارق
نا ؛؛ اهاا ممكن
يعني ح ايصيمو غادي
رجاء ؛؛ اهااا خلاص راه رمضان عليه كم يوم بس كنك انتي وعمي قالو عمليه واكيده ح ايطولو
ايمان ؛؛ ربي يشفيه
نا ؛؛ بس كنتي اتقوليها ليا عيب عمتي تحسابني مانبيش انساولها عليه
رجاء ؛؛ والله نا بروحي ماليش كم يوم بس سمعتها ﻻن طارق قالي شد عليه مره وحده الاسبوع هذا
وخشت ماما وخالتي ونجاح و مروه
ايمان ؛؛ كنكن طولتن
خالتي فاطمه؛؛ القينا صبايا نعرفوهن قعدن انهدرزو
ماما ؛؛ كملتن يا نجاح
نجاح ؛؛ اها كملنا خلاص تو نبدو من بكره في الحوش بالمره علي رمضان والفرح
رجاء ؛؛ نا عروس ما نشتغلش راه
نجاح ؛؛ ياعيني وخلاص
ايمان ؛؛ واحلي عروس اخري
وكرتها واضبطتها وتمت تبكي
رجاء ؛؛ وهي تبكي
تي والله راه نبي نزوج مانبيش ننتحر
خالتي فاطمه؛؛ حتي هو طارق
نا ؛؛ لما فكرة ان رجاء خلاص ح تطلع بعد الرمضان ح تطلع واتسيبني انهرت وتميت نبكي لان اكتر وحده صبت معي ومش متخيله حوشنا بلاها هي عسل الحوش هي جو الحوش
رجاء ؛؛ بحتت فيا ولقتني نبكي جتني وتمت تضبط فيا
علي خشت امل ولقتنا نبكو تمت تبكي حتي هي واضبطت رجاء
امل ؛؛ قوليلي كيف ح نقعد بلاك يا نصي انتي
رجاء ؛؛ والله ما تصعبيها ليا ساد انك واخذ خالد
امل ؛؛ نجك ليا نجك ليا يا نصي انتي نجك ليا يا تؤام روحي انتي
خالد ؛؛ كنكم قالبيهن مناحه
نجاح ؛؛ عسل الحوش يبي يزوج ويطلع
خالد ؛؛ تي كيف صار يا رجاء مش ديمه اتقولي مش ح نبكي علي طلعتي وقالتي انولع اغنية ح اتزوج
رجاء ؛؛ هههههههه انولعها ل عادل
خالد ؛؛ ان شاءالله ديمه متهنيه وردي بالك من الهبل
رجاء ؛؛ خالد ما تحكيش هكي
خالد ؛؛؛ تم ايقلد فيها
خالد ما تحكيش هكي
نحن ؛؛ هههههههههههههه
رجاء ؛؛ خبطاته علي صدره بيدها
ياسامط
خالد ؛؛ ههههههه والله اصقع واحد في رجالات خواتي
امل ؛؛ ووليد خويا
خالد ؛؛ ههههههه
ايمان ؛؛ واحمد
خالد ؛؛ شكلي ازرطت فيكن نطلع خيرلي
رجاء ؛؛ ﻻﻻ اقعد تو اندافع عليك
خالد ؛؛ ههههه ﻻ نطلع خيرلي
وخش عادل علينا ومع ارحيمه وبيده وهو متعقد
عادل ؛؛ ان شاءالله هذا امتي يدرلنا حل خلاص يا ياخذها ولاه ايجب ورقتها مش لعبه هي ايخش ويطلع براحته خلاص كنا نرجو فيها اتجيب وجابت
خالد ؛؛ كنك يا عادل
عادل ؛؛ انا قالت يا ايطلقها يا ياخذها كلا انها تقعدلي هكي ﻻﻻ ما تحلمش
خالد ؛؛ وشن حم رزك تو
عادل ؛؛ لان لو تطلق ح ن…………….
يتبع