مسلسل سعاده كاذبه الجزء الاخير
مسلسل سعاده كاذبه
الحلقه 93
خالد ؛ ويه اي قرار نا معاك ماتخافيش
نا ؛؛ ربي مايحرمني منك
خالد ؛؛ نركب انغير تو ننزل نا صالوحي وامل اكيده حتي هي دايره غداء
نا ؛؛ تم نرجا فيكم
خالد ؛؛ طلع وفونه ايرن ورد بصوت عالي
الو ايوه كنك شن في بشوي احكي شن في
نا ؛ سمعت صوت خالد استغربت طالعت نجري
من شن في
خالد ؛؛ وهو متعقد وبصوت عالي
تي بشوي خلني نفهم احكي بشوي
نعم شن
مروه ؛؛ وهي تبكي ومنهاره
في حد رن عليا من رقم علي وايقول صاحب الفون داير حادث
خالد ،؛ باهي باهي تو انرت سلام
نا ؛؛ شن في
خالد ؛؛ علي داير حادث
نا ؛؛ هييييييييييي شنو
خالد ؛؛ طلع بسرعه
نا ؛؛ خالد خالد نمشي معاك
خالد ؛؛ ﻻﻻ نمشي وانشوفه ماتقوليش لحد
طلع وركب في السياره
امل ؛ نزلت وفي يدها الغداء
ويه شن في
نا ؛؛ علي داير حادث
امل ؛؛ هييييييييي
نا ؛؛ خشي تو انرن علي مروه
امل ؛؛ خوذي الغداء نمشي انزل صالح وانجي
نا ؛؛ هاتي
خذيت منها الغداء والقيت نور اتنتش في شعر ارحيمه وارحيمه يبكي وبيده يضحك حطيت الغداء وجيت نجري وفكيت شعر ارحيمه قعد يبكي واضبطني
خلاص يا ماما خلاص خيتك هذه
ارحيمه؛؛ كبه
نا ؛؛ ﻻﻻﻻ ماتقولش هكي حرام خيتك اصغيره
بيده ؛؛ هههه بابته يا ماما
نا ؛؛ وكنك ما حزيت عليه وانت تضحك
نور ؛ اقعدت اتنط من المشي تبني ناخذها
مااامااا
ارحيمه ؛؛ ماتاخذيهش يا اماما كبه
نا ؛؛ هههههه خلاص تعال
رفعت ارحيمه وشلته وبيده لحقني ونور بالمشي تلحق فيا خشيت للدار وطلعت فوني وفتحت وجتني
رساله من مراد
انحبك
طول رنيت علي مروه وخشت امل عليا
نا ؛؛ ايوه مروه
مروه ؛؛ ناعليا يا ويه الحقني الحقني علي في العنايه
نا ؛؛ هيييييي شن
وجاني انتظار بحتت في الفون والقيته مراد
وينك انتي وين قاعده
مروه ؛؛ في المستشفي جابني خويا وخالد وعادل قاعدين هنا وخششو علي حي يا ويه حي عليا
نا ؛ باهي اوكي
قعدت نبكي وانشوف في مراد ايرن
امل ؛ كنك شن في
نا ؛؛ علي في العنايه خششوه
امل ؛؛ هيييييييييييييييي حي علينا
نا ؛؛ مروره تبكي وحس خوتها ايسكتو فيها ضروري نمشيلها
امل ؛؛ رني علي وليد ايجي ايشيلك ونا تو نقعد مع العويل
نا ؛؛ قعدت نبكي خفت علي علي ووجعتني مروه كيف تبكي واتعيط مراد مازال ايرن
تو انكلم طارق هو اللي نركب معه خوذي العويل واطلعي نبي انغير دبشي وانرن علي طارق
امل ؛ عرفت اني انطلع فيها علشان نبي انرد علي مراد خذت العويل وطلعت
نا ؛ بحتت القيت مراد اموقف رن رنيت علي طارق طول
طارق ؛ اهلا
نا ؛ وين قاعد
طارق ؛؛ امروح للحوش
نا ؛؛ تعال هنا ماتمشيش وماتحكيش ل رجاء
طارق ؛ كنك شن في
نا ؛؛ علي خويا داير حادث
طارق ؛؛ ﻻﻻﻻﻻﻻ
نا ؛؛ المهم نرجا فيك راه
طارق ؛؛ تم
نا ؛؛ طارق ماتقولش لمراد اني جايه للمستشفي
طارق ؛؛ مراد اكيده امروح
نا ؛ باهي تعال بدال امروح
طارق ؛؛ باهي وانتو كيف القطوس والفار
نا ؛؛ نرجا فيك سلام
سكرت وطول قفلت الفون
سكر طارق و رن علي رجاء
رجاء ؛؛ نعم حبيبي
طارق ؛؛ حبيبي نا ح انطول علي الغداء كانك جعانه كولي
رجاء ؛؛ غدانا لوطه عند اعميمه
طارق ؛؛ باهي تغدنا وعقبلي صارلي شغل وح نطول كولي حبيبي ما ترجنيش باهي
رجاء ؛؛ باهي حبيبي
طارق ؛؛ انحبك ردي بالك من روحك
رجاء ؛؛ تم
طارق ؛ هههههه امي جنبك
رجاء ؛ اها
طارق ؛؛ انحبك انحبك انحبك سلام
رجاء ؛ هههه سلام
وصكر وجاني طوووول للحوش ونزل ايدق
نا ؛؛ لابست جينز وجاكه طويله ووشاح واسبيدرو زحاف امتعات رجاء من ايام المعهد
وطلعت
هيا هيا امل امسكيهم
بيده ؛؛ ابي امشي
نا ؛؛ ﻻﻻ بيده خش جوا فيش مشي
طلعت وفتحت والقيت طارق
طارق ؛ كنه يبكي
نا ؛؛ يبي يمشي
طارق ؛؛ طالعيه خليه يمشي
نا ؛؛ ﻻﻻﻻ هيا
ركبت مع طارق
طارق ؛؛ بحت فيا واستغرب استايلي متغير
شن قالو
نا ؛ مانعرفش قالو في العنايه
طارق ؛؛ يستر الله في حد عرفها
نا ؛؛ ﻻﻻ ماقالنش لحد
طارق ؛ ان شاءالله رجاء ماتعرف
ومشينا للمستشفي طول نزلنا وخشينا والقينا خوتي ومروه تبكي ومنهاره ومعها خواتها
نا ؛؛ جيت لمروه طول واضبطتها
مروه ؛؛ حي عليا يا ويه حي عليا
نا ؛؛ وسعي بالك
مروه ؛ حي عليا بات اعيالي يا ويه حي سندي من زمان حي عليا نا
نا ؛؛ تميت نبكي ونضبط فيها وانسكت فيها
جتها اختها وخذتها وتمت اتهدي فيها وقعمزتها علي الكرسي ونا تميت امصبيه جنبها ونبكي
عادل ؛ قرب مني وكلمني
نا ؛؛ نعم
عادل ؛ شن طلعلك انتي
نا ؛؛ خويا ايقوليلي داير حادث في عنايه وتبني انقعمز انحط اكراع علي اكراع وساكته
عادل ؛؛ مد يده ومسك يدي بقوه وايفنص فيا
نا ؛؛ عادل اطلق يدي وفوتني
عادل ؛ من اللي مغيرك وامخليك هكي
نا ؛؛ الزمان خلني هكي حول والهي في خوك اللي في العنايه وانت مانك قادر الا عليا
عادل ؛؛ ماشاءالله تبارك الله
خالد ؛؛ قرب وكرني
عادل مش وقت كلام تو خلاص خوك في العنايه
قعدنا مقعمزين ويطلع علينا الدكتور
دكتور ؛ هو دايخ حاليا لان امحصل ضربه في راسه و كسر في اكراعه ويده بس راه حاجة ساهله ماعليش خوف
مروه ؛ ﻻﻻﻻﻻﻻﻻﻻ حي عليا دايخ معناتها حاجه واعره
تمت اتخبط واتعيط
نا ؛؛ قعمزت علي الارض وتميت نبكي معقوله حوشنا يبي ينتهي هكي واحد وراء واحد معقوله ﻻﻻﻻ ياربي ﻻﻻﻻ
طارق ؛؛ شافني كيف منهاره ونبكي قرب مني ومسكني ورفعني
نا ؛ معقوله هكي يا طارق معقوله تو خويا الكبير ايصيرله هكي معقوله ليش مكتبولنا الشقي نحن ليش
طارق ؛؛ قرب منه وطلعني من المستشفي وقعمزني علي الكرسي في الجنينه
نا ؛؛ ليش كل ما لنا ننكسرو ليش نقصنا نحن كسر هكي نقصنا
طارق ؛؛ تو يطلع طيب نا متاكد وسعي بالك بس
هيثم ؛ ايخش ويلقني امقعمزه مع طارق ونبكي جانا طول
ويه شن صار
نا ؛؛ انصدمت لما سمعت كلمة ويه رفعت راسي وبحتت فيه بالاستغراب
طارق؛ بحت فيا ومستغرب
نا سمعت صح ولا غلط
هيثم ؛؛ تعالي اشويه نبيك ويه
طارق ؛ وهو ايبحت فيا
لا وحق ربي سمعت صاح نا
بحت في هيثم وصبا
انت يا استاذ فيش تخرط
هيثم ؛؛ وانت من جا شورك
طارق ؛؛ تي ويه شن من انت
هيثم ؛ خطيبها
طارق ؛؛ ههههههه في احلامك لما خويا ايطلقها ب3 في هذاكي ساعه قولها
نا ؛؛ طارق تعال جو فوت
هيثم ؛؛ اها انت تحكي علي دكتور النساء صاح
طارق ؛ تو انوريك دكتور نساء شن شكله
وطووووووول ضربه علي وجه
نا ؛؛ طارق ﻻﻻﻻ يا طارق فوته فوته خلاص
طارق ؛؛ما بش ايعبرني ويتضارب هو و هيثم
نا ؛؛ خشيت نجري وكلمت خالد
خالد ؛ ﻻﻻ يا طارق ﻻﻻ
وقعد يمسك في طارق
عادل ؛؛ مسك هيثم
كنكم انتو
هيثم ؛؛ يدخل
طارق ؛؛ احترم نفسك وايه ماتفكرش اتجي شورها
خالد ؛ شن قايل اخري يا هيثم تبني انكسرك هنا انكمل عليك ولا شنو
هيثم ؛؛ ايوه انت ديمه امصبي معهم
خالد ؛؛ تي اختي يا عن………
و بدا فيه ضرب
عادل ؛؛ ايفك فيهم علي بعضهم
هيثم روح انت
هيثم ؛؛ كيف صار يا عادل
خالد ؛ ماعندش خوات للخطبه هيا وجك
طارق ؛؛ وحسابك بعدين يا ……..
عادل ؛؛ طارق خالد خلاص كنكم انتو خلاص يا هيثم خلاص موضوعك امس انساه
طارق ؛؛ كيف كيف موضوع شنو
هيثم ؛ خطبت ايه
طارق ؛ مشي يجري شور هيثم
خالد ؛ لحقه ومسكه وماخلش ايطق فيك
طارق ؛؛ ماتقعدش بعدها مرات مراد كان خذيتها
خالد ؛؛ طارق خلاص وماتنسش مراد طلقها
طارق ؛ ﻻﻻ ايه ل مراد ومراد يبي ايردها وبعدين هو مش امطلقها ب3 نين يخطبها هذا
عادل ؛؛ ايجي ايسقد روحه ساد لها سنه ونص
خالد ؛ عادل انت ماتاخذش قرار القرار عند ايه وماحد يدخل فيه
وخش خالد للمستشفي ولقني امقعمزه جنب مروه
خالد ؛؛ خلاص روحنا مافيش داعي للقعدتكن هنا
مروه ؛؛ ﻻﻻ نبي انشوف علي قبل
خالد ؛؛ مش ح ايخشوك راه
عادل ؛؛ روحنا خلاص
مروه ؛ انشوفه قبل
عادل ،؛ ايه روحي خلاص
طارق ؛ تو انروح بها نا ايه خليها
تعالي ايه نبيك
عادل ؛؛ التفت علي طارق واستغرب
طارق ؛؛ غمزلي ومشي
نا ؛؛ صبيت
عادل ؛؛ واخذه راحتك واجد
نا ؛؛ راجل اختي وعم اعيالي
مشيت وفته
خالد ؛؛ انت اللي توصل في روحك للمواصيل هذين
عادل ؛؛ وانت اتكبر في خشمهن
خالد ؛؛ لان يستاهلن كل خير
عادل ؛؛ اختك قعدتها في الحوش خطا في خطا وراها وراها نين ادير حل لروحها
خالد ؛؛ خليها تاخذ راحتها والراجل يعرف قيمتها ماتكثرش انت عليها
طارق ؛؛ ويه نا نبي انروح وانتي ضروري اتروحي فكينا من المشاكل وهيا
نا ؛؛ اسفه
طارق ؛؛ ماتاسفيش عادي روحي والجي هنا فكينا منه انتي عندك اعيال اقعدي معهم في الحوش
نا ؛؛ حاضر هيا
طارق ؛؛ خشي قولي لخوتك قبل
نا ؛؛ حاضر
مشيت وخشيت جوا
نا ؛؛ خالد نا امروحه
خالد ؛ به تمام اسمعي فكينا ماتقوليهش لخواتك ايكبرن الشطحه وهو مافيه شيء تمام كسور بس
نا ؛؛ البنات يسمعن منا نحن احسن من بره وين مروه
خالد ؛؛ خشت جوه عليه خلاص روحي انتي
نا ؛ به انخش عليه
خالد ؛؛ به خشي
نا ؛؛ مشيت وخشيت ولقيت مروه تبكي وتدعي وجعتني واجد بدرجة اكتر مايوجعني علي ممكن لان علي مايدورش فينا وايطول ما يدورنا ممكن هو اللي خلي في قلبي جفاف هكي علي اول ما عشت في الدنيا هو يشتغل ويجري علي روحه وعلي مروه ايحبها وهي اتحبه بدرجه شغلته علينا
شن اكويس
مروه ؛؛ وين اكويس شوفي اكراعه المنكسره
نا ؛؛ قضاء خير من قضاء وسعي بالك
مروه ؛ الحمدالله علي كل حال
نا ؛؛ قربت منه وشفته كيف راقد وجعني وخنقتني العبره برمت وطلعت بسرعه والقيت عادل امصبي مشيت بدون مانحكي معه
طارق ؛؛ هيا
نا ؛ هيا
ركبت في السياره
طارق ؛؛ ويه ماتفكريش اتردي لمراد
نا ؛؛ نا ومراد في حاجه انكسرت بينتنا ما ظنتيش اترد خلاص
طارق ؛ تصلح
نا ؛؛ ما ظنتيش لان مراد عاب فيا واجد وخلي الناس تشمت فيا
طارق ؛؛ بس ايحبك
نا ؛؛ شن شكله الحب اللي ايخليك اتهين حبيبك بالله عليك ياطارق فوت الموضوع
حطني طارق في الحوش ومشي وطلع فونه ورن علي مراد
مراد ؛؛ نعم
طارق ؛؛ ماظنتيش ايصير منها الطلعه
مراد ؛؛ عليش
طارق ؛؛ علي داير حادث في المستشفي قاعد
مراد ؛؛ ﻻﻻﻻ اوكي اوكي مادخلنيش دير موضوعك نا نبي انشوفها بكره دبر خلاص
طارق ؛؛ ان شاءالله خير
مراد ؛؛ ماتقولهش ل ايه انت ركب عليها وحطها تحت الأمر الواقع
طارق ؛؛ ان شاءالله
……………………..
امل ؛؛ شن صار
نا ؛؛ كسور عنده مافيش حاجه بعيده
امل ؛ باهي الحمدلله
نا ؛ العويل تغدو
امل ؛؛ تو كيف شلت السفره مروه شن دايره
نا ؛؛ تبكي بيش اترني علي البنات
امل ؛؛ باهي
نا ؛ خشيت للدار غيرت دبشي وبحتت في جسمي وحسيت روحي ميته بكل للدرجه هذه لابست دبش رجاء زمان وووووو يا دنيا زمان رجاء ارق مني وماحد يغلبها في الرق وتو نا
طلعت والقيت امل اتحط
امل ؛ بس هو دبش رجاء
نا ؛ هذا اللي القيته قدامي وايجي عليا
امل ؛؛ تعالي انتغدو بعدها انرنو علي البنات
نا ؛ نيتي مسدوده
امل ؛؛ تي تعالي هيا راه جعانه نا
نا ؛؛ خذيت الميه وقعمزت وجاني ارحيمه وقعمز عليا طول
بيده مدلي جهاز انغير انحطلك علي طيور الجنة
بيده ؛؛ ﻻﻻ ابي هذه
امل ؛ جابت السفره وقعمزت
تغدينا وشالنا السفره ولمينها وبرمنا علي الحوش وجا خالد وتغداء وركب للشقه
نا ؛ امل اذن العصر خلاص كلمي وخبري البنات
امل ؛؛ حاضر انرن علي وليد قبل
اهلا وليد
وليد ؛؛ اهلا شن الجو
امل ؛ وعيتك اسفه
وليد ؛؛ هذا وقت وعيتي
امل ؛؛ وين اميره
وليد ؛؛ قاعده
امل ؛؛ علي داير حادث واكويس بس عنده كسور بس
وليد ؛؛ وين وامتي
امل ؛؛ امبدري وقالو قبل خش فيه واحد بس علي تفاده وخش في الساس
وليد ؛؛ ﻻﻻﻻ
امل ؛؛ هذا اللي صار
وليد ؛؛ باهي سلام
صكرت امل من وليد رنت علي ايمان
ايمان ؛؛ متاكده ان هو تمام
امل ؛؛ والله تمام ماتخافيش
ايمان ؛؛ باهي تو انشوف احمد
امل ؛؛ ايمان كانك مش فاضيه ماتجيش راه مافيش شيء عدي شوفيه في المستشفي وروحي منك غادي
ايمان ؛؛ تو اتشوف سلام
امل ؛ انرن علي رجاء
نا ؛؛ تي ما طارق عارف
امل ؛؛ مازالت نجاح
نا ؛؛ اها رني عليها
امل ؛؛ نعيمه امبدري انزلت شافتني وردت اركبت
نا ؛؛ فوتيها هالسميه
امل ؛ ربي يصبرنا عليها المده الاخيره نسمع فيها اتعيط علي شريت شقه بره
نا ؛؛ اهاا عارفتها الحقيره
امل ؛؛ تبينا انبيعو الحوش
نا ؛؛ هيييييييي شن
امل ؛؛ اها حتي ان عادل حاكي للخالد وخالد تعقد ومعش حكي معه
نا ؛ همهم الفلوس بس هم
امل ؛؛ حسبي الله ونعم الوكيل
خلني انرم علي نجاح احسنلي
……………………..
طارق ؛؛ حبيبي بطتي
رجاء ؛؛ اشويه حبيبي انكمل القهوه
طارق ؛؛ خش عليها للمطبخ ولقها ادير في القهوه
نجك ليا نا امكلملك نبيك اطلعلي سوريه
رجاء؛؛ انت ماتعرفش اطلع دبش بكل
طارق ؛؛ ما كان انطلع اتقولي انتي حوست الدولاب
رجاء ؛؛ بيبي انعني فيه يا ربي بيبي
طارق ؛؛ قرب منها واضبطها من لاوره وحط ايديه علي بطنها
انحبك
رجاء ؛؛ اهي قهوتك
طارق ؛؛ وانتي
رجاء؛؛ نبي عصير نا
طارق ؛؛ فيش حلويات
رجاء ؛؛ اهو تو انطلعلك
طارق ؛؛ قعمز علي الكرسي وحطه قهوته قدامه وولع دخانه
رجاء ؛؛ جابتله حلويات وصبت لروحها عصير وقعمزت
نعطش واااااااجد
طارق ؛؛ ههههههه صحه
رجاء ؛؛ هاجر رنت وقالت جايه هنا
طارق ؛؛ وانتي تبي تنزلي
رجاء ؛؛ اها لما اتجي
طارق ؛؛ ﻻ تو نمشو للهلك علي خوك داير حادث
رجاء ؛؛ هييييييييييي شن
طارق ؛؛ امبدري كنت عنده نا وايه
رجاء ؛؛ وليش ماقالتلي
طارق ؛ لان اكويس وماعليش خوف عنده كسور بس
رجاء ؛؛ متاكد حبيبي
طارق ؛؛ والله متاكد تو كان في حاجه انخش نا نرقد ومانقولهش لكي
رجاء ؛؛ باهي هيا اتشيلني
طارق ؛؛ باهي هيا
رجاء ؛؛ شربت عصيرها وصبت غيرت دبشها ولابست قفطان حوامل كحلي وفوقه طرف مفتوح جاكه بيج ووشاح وطلعت
طارق؛؛ انحبك لما انشوفك هكي لابسه
رجاء ؛؛ ليش
طارق ؛ مدام وحلوه وستايل وحامل
رجاء ؛؛ هههههه نجك ليا
طارق ؛؛ مسك يدها وباسها
ربي يحفظك ليا
رجاء ؛؛ حبيبي شارع خلاص
طارق ؛؛ عنديش روح معاك شن درتي فيا بس
رجاء ؛؛ انت اللي شن درت فيا
طارق ؛؛ هههههههه خليتك حامل
رجاء ؛؛ ههههههه ديمه عقلك ماشي للبعيده هيا هيا امشي للمستشفي
طارق ؛؛ حبيبي نبو نمشو للزرده
رجاء ؛؛ هذا وقتها
طارق ؛؛ من الاخير مراد يبني انطلع ايه ويبي يحكي معها يبي ايردها
رجاء ؛؛ والله نا انتمنها اترد اليوم قبل بكره
طارق ؛؛ خلاص تو انطلعو بكره
رجاء ؛؛ تم بس مش ح نقولو ل ايه لان لو انقوللها زرده ح ترفض
طاااااااااارق
طارق ؛؛ التفت عليها بالاستغراب
كنك
رجاء ؛؛ نمشو للبحر احسن
طارق ؛؛ من جدك هذا وقته
رجاء ؛؛ ايه اتحب البحر وااااااجد وايه رومانسيه والبحر رومانسي وبعدين ايه ديمه اتقول البحر عندها معه ذكره حلوه مع مراد شوف نحن عندنا البحر اجمل مكان لان اول ايام مع بعضنا في البحر
طارق ؛؛ ناعليا اجمل ايام
رجاء ؛؛ خلاص تو نمشو للبحر احسن
طارق ؛؛ هيا انزلي وصلنا
رجاء ؛؛ نزلت وصبت وجاها طارق ومسك يدها وخشو للمستشفي ولقو خالد قاعد
خالد ؛؛ رجاء ماتخشيش معه اصحابه
طارق ؛؛ خلاص اقعدي هنا تو انخش نا
رجاء ؛؛ باهي
مشت رجاء وقعمزت في الجنينه وترجا في طارق
طارق ؛؛ هيا يا ارجيوه
رجاء ؛؛ مفروض خشيت
طارق ؛؛ تمام راه امجبسين يده واكراعه مافيش خوف في يومين يطلع
رجاء ؛؛ باهي تمام نمشو لحوشنا
طارق ؛؛ حوش هلك مش حوشنا
رجاء ؛؛ اللي هو هيا
……………………..
ايمان ؛؛ مانمشيش نا للمستشفي
امل ؛؛ كنك
ايمان؛؛ قاعد في قسم رجال ما نحصلش نمشي
اميره ؛؛ حتي نا مامشيت
امل ؛؛ باهي ماتبنش تمشن للشقة علي
نا ؛؛ مروه مشت لهلها
اميره ؛؛ مفروض جت هنا نحن خواته وهذا حوش هله
ايمان ؛؛ فوتي ما نجاح قاعده عندها خلاص الباب ايدق
نا ؛؛ تو نطلع نفتح اكيده البطه
طلعت وفتحت والقيتها رجاء
هههههههههه بطه
رجاء ؛؛ هههه دهشنا شن مروه مازالت عند هلها
نا ؛؛ اها خشي هيا
رجاء ؛؛ خلاص حبيبي تو انرن عليك
طارق ؛؛ تم سكرن الباب
رجاء ؛؛ خشت للحوش وسلمت وقعمزنا
اميره ؛؛ شفتيه ارجيوه
رجاء ؛؛ ﻻ القيت خالد غادي قدامي قالي الغرفه امعبيه خش طارق بس
ايمان ؛؛ اها حتي نا احمد حطني هنا ومشي
رجاء ؛؛ امجبسينه بس شنو تبن نمشو ل مروه
اميره ؛؛ بنات بعد المغرب خلينا نمشو مع بعضنا عيب قدام هلها ايقولو ما لحقوها
نا ؛؛ امشن انتن نا تلقيت معها في المستشفي
رجاء ؛؛ علي سلبي معنا ماوجعنش واجد بس وكان خالد راه صايره فينا يوم اسود بعيد السوء
ايملن ؛؛ انا وعيت في الدنيا علي في شقته مش امدورنا بس خالد عاش معنا وحنون فينا حتي لما ازوجنا وجعته لان طلعنا من الحوش الا علي وعادل افروح للزواجنا
اميره ؛؛ جافي علي معنا لا جا بخير ولا جا بشر في حاله
نا ؛؛ جافي خير ما ايكون بالشر جاي
اميره ؛؛ نعيمه وينها
امل ؛؛ شقتها
وقعدنا انهدرزو لعند المغرب ومشن البنات للمروه عند هلها
سكرت الحوش وبرمت عليه وخشيت للسرير وخليت صوت التي في عالي وفتحت الفون طول جتني رساله
انحبك
قلبي دق بقوه خاطري انهدرز معه خاطري انكون جنبه ونبكي في صدره من كثر الهم اللي فيا خاطري ايجني وايواسني علي فراق ماما ووووو يادنيا رايفت عليه اقريب انموت من افارقه واجد عليا افرق حبيبي وماما واجد والله واجد
حبيبي
يتصل بيك
نا ؛؛ طول رديت بدون ماانتردد بصوت واطي ومخنوق
ايوه
مراد ؛؛ انحبك انحبك انحبك ورايفت عليك وبالي عندك لعند امتي ونحن هكي
نا ؛؛ انت اللي اخترت حياتنا اتكون هكي
مراد ؛؛ ﻻ مش نا
نا ؛؛ لا انت
مراد ؛؛ انحبك ونبيك في موضوع ضروري انقابلك ضروري
نا ؛؛ هههه انسيت ان انت امطلقني
مراد ؛؛ اتحبني
نا ؛؛ ………
مراد ؛؛ انحبك امرايف عليك حبيبي
نا ؛؛ نعم
مراد ؛؛ عارفه روحك حبيبي
نا ؛؛ نا حبيبتك اللي جرحتها اللي طعنتها اللي بكيتها اللي خليتها ليالي دموع
تميت نبكي ومنهاره وبصوت عالي
شن انت يا مراد شن كسرتني كسر راك كسرتني هديتني هد
طوووووووول سكرت وقفلت الفون معش قدرت انتحمل قلبي وجعني
بيده ؛؛ ماما كنك تبكي
نا ؛؛ تعال حبيبي
بيده ؛؛ اشويه انجيبلك عطر
نا ؛؛ نجك ليا عارف الروتين
بيده ؛؛ صبا وطلع العطر وجابه وحطيتله العطر هو وارحيمه واضبطتهم ورقدت
وعيت تاني يوم نفس الروتين وفي العشيه ايجني عادل
عادل ؛ ايه
نا ؛؛ نعم
عادل ؛؛ نبو انبيعو الحوش
نا ؛؛ قلبي وقف مره وحده وانصدمت
عادل ؛؛ شن كنك مستغربه
نا ؛؛ كيف كني مستغربه انت فاطن روحك شن اتقول
عادل ؛؛ ليش تبي تقعدي فيه اوحدك وياريت حتي اوحدك لا الا اتربي في اعيال مراد معاك
نا ؛؛ عادل اسمهم اعيالي هذوم
عادل ؛؛ قرب مني وضربني كف
وبصوت عالي
احترمي نفسك لما تحكي معي ونا قالتلك كان ما ترويحش للراجلك اعيالك انسيهم والحوش يبي ينباع تبي او ماتبيش حوش كبير ماتقعديش ابروحك اعيالنا نحن قاعدين في الشقق متزرطين واعيال مراد زايطين في حلالنا هذا ماقالش ربي انتي كان تعرفي ربك حرام حتي عليك الصلاه في حوش ورثه ماتخلنيش انمد يدي عليك اخري يا ايه يا اتردي لمراد يا تنسي الاعيال
نا ؛؛ كلام نعيمه هذا
عادل ؛؛ هذا كلام الواقعي
نا ؛؛ ما تزرنيش ساد المره الاوله وماتنسش روحك اللي نا فيه انت سبب انت اللي زرتني علي مراد زمان
عادل ؛؛ شن خطرلك تو في تطليقه خلاص انتي ام اعيال وتحملي علي خاطرهم ساد يا ايه قعدتي الا واجد هنا المراه مالها الا حوش راجلها وكان ما تبيش في غير مراد قاعد يبيك
نا ؛؛ اتحطني تحت التراب والحيط ولا انوافق علي هيثم
عادل ؛؛ وطي حسك يا كلبه
نا ؛؛ نا نحكي عادي
عادل ؛؛ احكي بادب معي يا اتردي يا انسي الاعيال وح تزوجي غيره يا اتقوليله ايامنلك شقه
نا ؛؛ كيف راضي تعطي اختك لواحد بايعها زمان وياما حط عليها من كلام كيف راضي اتخليه ايخش هنا لا واخري تبني نزوج كيف بس يا عادل لو انا حمل علي قلبلك مستعده نطلع منه الحوش
عادل ؛؛ انتي وكانك شاطره راكي في شقه متريحه انتي بعيالك ومراد من حقه ايامنك بيت انتي ام اعياله خطا قعدتك هنا خطا في خطا ونا قالت وفكري خوتك محتاجين للحوش اشققنا اصغار وخواتك يبينا مساعده كان انتي حالة راجلك متريحه خلاص فكري في خواتك وخوتك يا ايه
نا ؛؛ طلعت انا اللي وقفه حياتكم
عادل ؛؛ ديري حل لروحك الحوش انسيه خلااااااااص اخري كلام هذا
وطلع وسيبني ونا قعدت نبكي حسيت كلامه واعر وجعتني يا خويا منك وجعتني لعند امتي ونا انتحمل في الصدمات لعند امتي
ورن الجرس وطلعت فتحت والقيتها رجاء
رجاء ؛؛ ويه من عندك
نا ؛ ماحد
رجاء ؛؛ هيا معي طالعه نبي انتمشي اشويه وطارق قالي خوذي معاك ايه
نا ؛؛ تو من جدك انتي
رجاء ؛؛ تكسيدت عشيه ماعندنا حاجه هيا هيا خلني نطلعو
نا ؛؛ وين باهي
رجاء ؛؛ انتمشو لابسي الاعيال وهيا خلي العويل يدهور علي الاقل
نا ؛؛ باهي
خسيت غيرت دبش العويل وساعدتني رجاء وغيرت دبشي ولابست لبست رجاء نفسها وطلعنا
نا ؛؛ تي وين ماشين انتو
رجاء ؛؛ للمكان غالي عليا نبي انفس فيه
نا ؛؛ هذا بحر
رجاء ؛؛ اها هيا انزلي
نا ؛؛ صقع علي العويل
رجاء ؛ لابسين العويل خلينا انقعمزو علي الشط اشويه جايبه معي العصريه
طارق ؛؛ هيا ويه خلاص
نا ؛ امري لله
نزلت ونا ماسك نور ولفتها في بطنيه ونزلو العويل يجارو ومشينا وقعمزنا وبدينا انهدرزو وصبا طارق
طارق؛؛ نعم
مراد ؛؛ وينكم
طارق ؛؛ علي الشط راه
مراد ؛؛ باهي انت تباعد وبعدها شير ل رجاء اتجيك اهو شفتك تو
طارق ؛؛ تم
مراد ؛؛ صكر وتم يقرب منا ويسمع فينا
رجاء ؛؛ كنك متنكده
نا ؛؛ ليا سنه ونص متنكده مش جديد عليا النكد
رجاء ؛؛ في حاجه صايره
نا ؛؛ عادل يبي ايبع الحوش وقالي ردي ولاه انسي العويل ولاه خليه اديرلك شقه
رجاء ؛؛ من جده هو
نا ؛ عادل ايفكر في افلوس بس قصدي نعيمه
رحاء ؛؛ وشن تبي اديري
نا ؛؛ انقول للمراد اديرلي شقه فعلا من حقي ايكون عندي شقه عندي اعيال منه
رجاء ؛؛ وليش ماترديله
نا ؛؛ بحتت في ارحيمه القيته ماشي شور البحر صبيت نجري ومسكته وبرمت وجي وشفت مراد
انصدمت وقلبي وقف واعيوني ملينات ادموع مش امصدقه انشوف في حبيبي قدامي من بعد 4 شهور
مراد ؛؛ يمشي بشويه بشويه ومنصدمه لاني متغيره بكل ارقيقه بكل وامغيره استايلي واعيونه ملينات ادموع وقرب مني وصبا قدامي وبصوت مخنوق
4 شهور ماشفتك
نا ؛؛ سكتت ونزلت اعيوني ونزلت دمعتي
مراد ؛؛ قرب مني ورفع راسي
نا ؛؛رفعت اعيوني وبحتت فيه وخنقتني العبره
وخرت ونزلت ارحيمه لوطه
رجاء ؛؛ ارحيمه تعال تعال
قربت مني وخذت العويل ومشت بعيد هي وطارق
مراد ؛؛ ليش اتصكري عليا
نا ؛ غمضت اعيوني انحس في الرعشه في جسمي كله
مراد ؛؛ قرب مني ومسكلي يدي
نا ؛؛ بحتت فيه وساكت مش امصدقه انه قدامي ومسكلي يدي امرايفه عليه وعلي بنته امرايفه
مراد ؛؛ كرني وقربني زيني
كنك ساكته
نا ؛؛ امنزله راسي ونرعش وانشم في بنته
مراد ؛؛ 4 شهور ما شفتكش 4 شهور اتخلني هكي ليش
نا ؛؛ تميت نبكي
مراد ؛؛ كرني شوره واضبطني
نا ؛ فجاء دفيته ووخرت منه
ما تلمسنيش
مراد ؛؛ ليش مش حبيبك نا
نا ؛ مش حلالي
مراد ؛؛ ليش ما جيتي وقالتي انك سامعه ان سناء كاذبه
نا ؛؛ لا مش كاذبه
مراد ؛؛ والله ما رديتلها والله انحبك انتي ونبيك انتي والله ماصارت بينا حاجه ما ننكرش انها تمت تحكي معي واجد بس والله والله ماحكيت معها علي اساس حاجه تانيه
نا ؛؛ والمكالمات اللي بينتكم
مراد ؛؛ والله والله ما حكيت معها علي اساس حاجه تانيه والله انتي اللي في قلبي والله انتي اللي في قلبي
نا ؛؛ يعني الممرضات وغاده وسناء كلهم يكذبو وانت الصادق
مراد ؛؛ والله ما نكذب ياويتي يا حبيبي والله انتي اللي قلبي وروحي ودنيتي والله مانعرف مراد غيرك ولا انشوف في مراه غيرك والله انتي صعبتي عليا الحياه انتي قتلتني قتل من ارايفي عليك
نا ؛ به ليش جاني تو جاي بس تبي اتقولي ان سناء تكذب
مراد ؛؛ اسف
نا ؛؛ علي شنو بالزبط
مراد ؛؛ عارف روحي امكتر بس جاي نتاسف وانردك
نا ؛؛ اعيوني ملينات ادموع ونحكي بصوت مخنوق
اسف علي شنو علي شكك ولاه علي ضربتك ولاه علي هزيبتك ولاه علي لزتك ولاه علي الاهانه ولاه علي خلتني انموت في مئة موت كل يوم ولاه علي الدموع اللي ينزلن مني شلال ولاه علي الكسره اللي كسرتها ليا علي شنو بالزبط علي شنو حدد راك امكتر امكتر كسرتني وهديتني هد وقلبي ياما صار فيه منك حياتي انقلبت قلب منك نا اصعب ايام عندي يوم افارقك واللي اصعب افراق ماما اللي ما شفتكش جنبي ما جيتش هونت عليا البنات ايروحن وراجلتهن ايصبرو فيهن ونا راجلي امطلقني وعازقني ومش امدورني لا صاح شاطر بس ادزلي في افلوس تحساب قلب ينجبر بالفلوس
انت كسرتني راه كسرتني
مراد ؛؛ يمسح في اعيونه من الدموع
انعوضك انتي ارضي بس والله انحبك وعارف روحي غالط وامكتر ونادم والله نادم علي اي حاجه درتها والله بروحي تعبت حياتي شينه بلاك
نا ؛؛ مراد كيف ما عشت سنه ونص بلاي ح اتكمل حياتك بلاي انت هنتني تي انت طقيت في شرفي عارف شنو شرفي عارف
مراد ؛؛ نزل راسه وهزه معناها اهااااا
نا ؛؛ انت من كثر ماتطعن فيا وتجرح فيا نين خلتني نقسي علي روحي ونقسي علي الحياه راه نا تغيرت مش ايه زمان بكل راه تغيرت تو نا ايه الانانيه اللي اتفكر في روحها وفي اعيالها خلاص انتهي الوقت اللي انفكر فيه غيري
مراد ؛؛ انحبك
نا ؛؛ شن فايدته الحب هذا مافيش احترام ليا انا تو ام اعيالك يعني مفروض تحترمني اكتر من زمان مش اتزيد تطعني اخري واتهيني
مراد ؛؛ شن اللي يراضيك
نا ؛؛ نبي شقه ليا ولعيالك
مراد ؛ وتقعدي فيها اوحدك
نا ؛؛ سلم اعيالي
مراد ؛؛ ردي للحوشك
نا ؛؛ بصفة من
مراد ؛؛ مراتي
نا ؛؛ ﻻ ما تحلمش يا مراد نحن خلاص انتهينا وديمه اذكر انك انت اللي نهيتها حياتنا خلاص راه والله تعبت
مراد ؛؛ كيف ما نهيتها نبي انرد نبدها من جديد
نا ؛؛ فات الوقت بعد ما كسرتني وتخليت عليا انسي
مراد ؛؛؛ نا قالت اسف وانديرلك اللي تبيها
نا ؛؛ اسف شن نبي انحط ولا انحط عليها راه انطعتن منك واجد واجد واجد
مراد ؛ ايه انتي اتحبني وانا انحبك وبينا اعيال ليش انتعبو في بعضنا
نا ؛؛ من قالها
مراد ؛؛ اعيونك اللي ايقولن
نا ؛ نزلت اعيوني طول
مراد ؛؛ خلينا انردو خلاص تعبنا واجد يا ايه تعبنا واجد ونا عرفت غلطي ومستعد انحلفلك علي اي شيء تبيه خلينا انردو نحن خشو بينتنا الناس وخربو علينا خلاص ما تخليش حد تاني ايخش خلاص
نا ؛؛ اسفه يا حبيبي اسفه يا جرحني اسفه اللي كسرني اسفه يا بايعني اسفه يا هديتني هد اسفه يا سبب ادموعي اسفه يا جرحي الكبير اسفه قلبي معش متحمل مواجع اخري خلاص وياريت يا مراد اديرلي حل من ناحية الشقه
ومشيت وسيبته
مرلد ؛؛ بصوت عالي
ايه انتي ليا ما تفكريش انك ح تاخذي غيري انتي ليا انا بس عارفه ليا نا والله نقتلك كان مش ليا
نا ؛؛ وقفت وبرمت وجي
شفت روحك لعند اخري لحظه اتفكر في روحك في حبك لكن ما تفكرش فيا انا خلاص يا مراد في حاجه انكسرت بينتنا ما ظنتيش اترد خلاص
غمضت اعيوني والعبره خنقتني ونمشي وانشوف في رجاء وطارق قاعدين في السياره
مراد ؛؛ حول الجاكه وعزقها وحول السوريه والساعه وطلع دزدانه ودخان وولعته وحطهن علي الجاك وجاااااااااااني
نا ؛؛ نمشي وخاطري مكسور كسر نمشي ومانبيش نمشي خاطري انكون معه وفي حضنه بس اللي صار بيني وبينه هو اللي خلني نعفس علي قلبي ونمشي
وفجاء ………………..
يتبع