مسلسل سعاده كاذبه الجزء الاخير

مسلسل سعاده كاذبه

الحلقه 75

طارق ؛؛ تي اطلعي ناحد قاعد 
رجاء ؛؛ وعادل وعلي
طارق ؛؛ والله عدو تي تعالي عطينا تصبيره وعدي اكيده امل واميره عيشات لحظتهن ونحن انمصو في اليم
رجاء ؛؛ بطل سخافه
طارق ؛؛ عليا الطلاق تطلعي تو من عند باب المطبخ هيا بسرعه
رجاء ؛؛ ليش تحلف تو
طارق ؛؛ اطلعي وانتي ساكته

وطلعت رجاء وهي خايفه
طارق ؛ حي عليك سماحه ياربي
رجاء ؛؛ شفتني خلاص عدي
طارق ؛؛ بوي ماني طالقك

ومسكه بقوه واضبطها
وايخش عليهم هيثم
وقعد امصبي وايبحت فيهم

طارق ؛؛ مش فاطن هيثم بكل امصبي قدام رجاء وامغطي عليها

انحبك يا فرختي

رجاء ؛؛ حبيبي خلني انخش تو ايجي عادل
طارق ؛؛ عادل والله شفته تو ركب هله وطلع

هيثم؛؛ اعيال عمها قاعدين

طارق ؛؛ انصدم وبرم وجه وشاف هيثم
خشي يا رجاء جوا
رجاء ؛؛ اقعدت امصبيه وراء طارق ومداريه بيه ماتبيش هيثم ايشوفها بالقفطان
وقعدت ماسكه في يده من لاوره

طارق ؛؛ تفضل شن تبي
هيثم ؛؛ انت شن تبي هنا خاش
طارق :؛ خاش نحكي مع مراتي شن عندك مانع
هيثم ؛؛ هي خطيبتك مش مراتك
طارق ؛؛ ﻻ وانت صادق قاري فاتحتي مراتي كذا ابرم خلقتك من هنا
هيثم ؛؛ رجاء خشي جوا
رجاء ؛؛ اقعدت لاصقه في طارق من لاوره وخايفه
طارق ؛؛ مادخلكش بها لما ايكون ماورهش راجل احكي انت انطق بعدها وهيا ابرم خلقتك مانبيش انمد يدي راه
هيثم ؛؛ شكلها ماشيه في دمكن الغلط وقلة الادب
طارق ؛؛ برم وجه وبحت في رجاء

رجاء ؛؛ انتو شكلها ماشيه في دمكم الكذب وتشويه السمعه حتي علي اللي لكم شن خسرتون اختنا وتو راد تبي اتخرب عليا مثلا عينك

طارق ؛؛ رجاء اس
رجاء ؛؛ عليش جاي انت كيف جاك وجه انت وهلك اتخشو للحوشنا كيف بس خسرتون اختنا وخربتو علينا شن جاي انت بيش اتكمل علينا ولا شنو ماتفرحش يا هيثم نا مش نجاح ولاه ايه اللي تسكت نا رجاء كانك مش عارف انجددك المعلومه نا رجاء اللي ناخذ حقي وهذا راجلي انقولها وراسي مرفوع فوق هذا راجلي ومانحسش في حد واللي تبي اديره اديره عدي اكذب كيف خوك وشوه سمعت بنت عمك باهي

طارق ؛؛ اعجبه كلام رجاء لان شخصيتها قويه وحكت اللي عندها وراه

هيثم ؛؛ انحرج وسكت عرف روحه غلط

طارق ؛؛برم وجها علي رجاء
خشي انتي
رجاء ؛؛ ﻻﻻﻻ حبيبي فوته
طارق ؛؛ تي خشييييييييي
وغطي عليها و مسكها من عند يدها وخلها اتخش جو للصاله

رجاء ؛؛ امسكت يده عند الباب
حبيبي فوته والله اتفوته مانبيش مشاكل

طارق ؛؛ سكر علي رجاء ومشي شور هيثم
نعم شن قالت انت
هيثم ؛؛ كيف اتخش علي بنت من وراء هلها واتلصق عليها
طارق ؛؛ بحت في يده
اتصدق نا ما نحبش كثرت كلام انمد يدي طول ف شن تختار تطلع وانت امسكر فمك ولا انذوقك

وايخش مراد
مراد ؛؛ كنكم
طارق ؛؛ هذا شكله ايحك فيه جسمه
هيثم ؛؛ راه محترمك علي خاطر الشباب بس
طارق ؛؛ ماتحترمش خوذ راحتك
وقرب منه يبي يضربه

مراد ؛؛ جا بينهم وبعدهم عن بعضهم

هيثم انت شن تبي خاش هنا

هيثم ؛؛ خشيت وراه لاني شفته خلي الناس كلها اتروح وخش والقيته مع رجاء

طارق ؛: صكر فمك انت
مراد ؛؛ وبه طارق راجلها انت شن دخلك

هيثم ؛؛ دخلني ان هو غافل خوتها ونا ولد عمها

مراد ؛؛ كيف عرفتهن بنات عمك بعد سنين

هيثم ؛؛ حاجه اتخصني
مراد ؛؛ لا تخصك لا شيء ريح روحك لا ولد عمهن لاشيء بنات عمك عندهن رجاله ومش مستحقتلك ولا انت تبي اتعاود التاريخ واتكبر الموضوع

هيثم ؛؛ مراد انا مش حقير وعارف ان زمان ظلمنهن بس مش كان خطيبها ياخذ راحته واجد شينه في حقنا

مراد ؛؛ اوكي هيا ياطارق اطلع
طارق ؛؛ مانبيش قاعد هنا نا
هيثم ؛؛ قعد ايبحت في طارق وساكت
مراد ؛؛ طااااارق تي فكنا من مشاكل واطلع
هيثم ؛؛ خبط طاوله بكراعه وطلع بسرعه وقعد في السياره ولقي هله راكبين وطلع

مراد ؛؛ غلط راه خشتك
طارق ؛؛ باهي اطلع انكلمها انطمنها
مراد ؛؛ خش جو ماحد في في الصاله
طارق ؛؛ كيف
مراد ؛؛ نا وايه بس خلاص روحو كلهم كملنا النقل

طارق ؛؛ به

وخشش طارق راسه ولقي بنات الصاله اينضمن و رجاء امقعمزه علي الكرسي وتبكي

ونا امقعمزه جنبها ولابسه عبايتي
نا ؛؛ ارجيوه خلاص
رجاء ؛؛ خايفه عليه
نا ؛؛ لا ماتخافيش خلاص البسي وخلينا نطلعو مراد قالي كملن نقل كل حاجه

رجاء ؛؛ باهي عدي شوفيهم
نا ؛؛ تي كان صار حاجه راه سمعنا كل حاجه بس مافي شيء وبعدين كنك تبي مراد ايتعقد مني

طارق ؛؛ امصبي عند الباب وايبحت فيها ومبتسم
حبيبي
رجاء ؛؛ التفت عليه طول وشافته ومشتله بسرعه
حبيبي شن صار
طارق ؛؛ عليش تبكي
رجاء ؛؛ خفت عليك
طارق ؛؛ اطمني ادخل مراد وهدا الامور
رجاء ؛؛ بس تو ايقولها لعادل
طارق ؛؛ لا ما ظنتيش وكان ايقولها نهاره بعدها
خلاص حبيبي عدي البسي وروحي

رجاء ؛ حاضر
وقربت منه وافتحت دار وخشت وخششاته معها
وحبته علي خده
طارق ؛؛ اضبطها زين
طلعه سمحه يافرخه
رجاء ؛؛ اهم راي عندي رايك
طارق ؛؛ مش قالتي درتي حنه علي ظهرك
رجاء ؛؛ ههههههه اها
طارق ؛: وريني
رجاء ؛ برمت وعطته ظهرها وهي كانت دايره نقرشه حنه علي ظهرها تحت ارقبتها
طارق؛ كرها شوره وقعد امضبطها من لاوره وايبوس فيها
رجاء ؛؛ حبيبي
طارق : نعم
رجاء ؛ خلاص راه اتضعف فيا انت
طارق ؛؛ تو مش حرام عليك اتخلني هكي تو مش كان خليتنا انطلعو الفرح خير

نا ؛؛ رجاااء رجااااااااء

رجاء ؛ هييييي ايه اتنادي
طارق ؛؛ عدي البسي عبايتك وحطي خمارك
رجاء ؛: الخمار هذا مش مقتنعه به بكل

طارق ؛؛ به ها اتخلي الرجاله اتشوف زينتك لما تقعدي مش حاطه ميك اب تقعدي بلاه

رجاء ؛؛ حاضر باهي نطلب طلب
طارق؛؛ امري
رجاء ؛؛ كلمني اليوم لعند الصبح ليا مده عليك
طارق ؛؛ هههههه حاضر شن تبي اخري
رجاء ؛؛ شيلني
طارق ؛؛ طول نزل عليها وشالها
رجاء ؛؛ انحبك انحبك
طارق ؛؛ ليش اتحبي انشيلك
رجاء ؛؛ هكي عليش خاش للصاله واتشيل الحديد ونا ماتشيلنيش
طارق ؛؛ طبس عليها وتما ايبوس فيها

مراد ؛؛ وينهم
نا ؛؛ في الغرفه حقيتهم
مراد ؛؛ تي معقوله تو سالني امتع الصاله عليه علشان خش
نا ؛؛ تو يطلع وين العويل
مراد ؛؛ حطيتهم في السياره راقدين

رجاء ؛؛ خلاااااص وانت ما اتصدق
طارق ؛؛ هههههههه شن اندير نعرفش انوقف
رجاء ؛ خليني نطلع خلاص
طارق ؛؛ به سقمي منظرك قبل ما تطلعي
رجاء ؛؛ والله سامط باهي
طارق :؛ علي اساس انتي ماتبيش
رجاء ؛؛ ههه سخيف ونزلت راسها وطلعت ولابست عبايتها ولقتني نرجاء فيها عند الريسبشن

نا ؛؛ كنك طولتي
رجاء ؛؛ برمت علي المطبخ القيتهم امطلعين كل حاجه خلاص
نا ؛؛ مراد طلع راه هيا
ونزلنا الخمارات وطلعن والقينا مراد وطارق بره

رجاء ؛؛ نجيهم راقدين كيف نركب نا تو
مراد ؛؛ خوذي واحد فيهم ورقديه عندك
رجاء ؛؛ حاضر
خذت بيده ورفعته وقعمزت وحطته علي كرعيها
وطارق ايبحت فيها

ومشينا و وصلنا للحوش ونزلنا وخشينا للحوش
وخش وراي مراد و شايل ارحيمه

مراد ؛؛ ماتغيرش دبشك
نا ؛؛ حبيبي
مراد ؛؛ خلي العويل هنا وهيا انروحو
نا ؛؛؛من جدك انت
مراد ؛؛ هيا حبيبي راه حتي نحن عرسان اقريب انسكرو سنتين
نا ؛؛ هههههه نجك حاضر تو انشوف جو الحوش ونطمن علي العويل وانجي
مراد ؛؛ ماتغيرش
نا؛؛ حاضر
هاته وعدي اركب سياره ارجني

مراد ؛؛ حاضر

خشيت الحوش والقيتهن امقعمزات وايهدرزن

نا ؛؛ما تبنش اتلمن الحوس
خالتي فاطمه؛؛؛ فيش حاجه واعره واجد بكره ان شاءالله نوعو من الصبح عليهن تو كرعينا امكسرات

ماما ؛؛؛هاتيه هنا ارحيمه
نا؛؛ بيده خشت به رجاء
ماما ؛؛ اكيده تو اترقده معها
نا ؛؛؛باه ماما ردي بالك منهم نا ماشي للحوش تو بكره انجي من الصبح
خالتي فاطمه؛؛ ههههههه عدي يا هبله وماعليكم فيهم نا ؛؛ من الصبح ان شاءالله هنا
ماما ؛؛ عدي مربوحه
نا ؛؛ سلام
وطلعت بسرعه وركبت في السياره
مراد ؛؛ واخيره
نا ؛؛ ههههههههههههه هيا

ومشينا للحوشنا واول ما خشيت ونا انحول في عبايتي
مراد ؛؛ اضبطني وشالني
نا ؛؛ هههههههه حبيبي
مراد ؛؛ والله حرام عليك اتشوق فيا واتعدي الليله هذه انتعبك مش تبي تحملي انتي
نا ؛؛ ههههههه براحتك
وخش بيا للدار وحطني علي سرير ونزل عليا وباسني وحول ولع الوناسه وطفي الضيء وولع منضومه
مراد ؛؛ هيا تعالي نرقصو
نا ؛؛ حاضر
وصبيت وتميت نرقص معه علي اغنيتنا المفضله

احضني نفسي اضمك نفسي اكمل عمري جنبك

مراد ؛؛ وامنزل راسها عليا
حتي وانتي بالكعب اقصيره

نا،؛ ههه مش للدرجه هذه
مراد ؛؛بصوت واطي
ويتي
نا ؛؛ نعم
مراد ؛؛ نزل علي وذني وهمسلي
انحبك انحبك
نا ؛؛ حبيتها علي اللحيه
ونا انموت فيك
مراد ؛؛ اعيوناتك هذين انحبهن موت وانحب نظرتهن
نا ؛؛؛ همستله
انحبك ا ن ح ب ك انحبك

مراد ؛؛ تما ايبوس فيا علي ارقبتي وايشد فيا
نا ؛؛ اهااااا حبيبي
مراد ؛؛ يااعيونه
وفتحلي السوسه و……………

مراد ؛؛ كل يوم اجمل من اليوم اللي قبله ليا سنتين معاك ماعمريش يوم مليت منك ولاه كرهتك ولاه حاجه شدتني في غيرك عارف ويتي اجمل حاجه فيك انك عرفتي اتخلني انحبك وانموت فيك

نا ؛؛ قربت منه وخشيت في حضنه وكاني بيبي
مراد ؛؛ بحت فيا وابتسملي ولف يديه الاثنين عليا
اتحسي فيا شايب نا

نا ؛؛ شايبي نا بس
مراد ؛؛ هههههه يعني مقتنعه ان نا شايب
نا ؛؛ ههه نسالك
مراد ؛؛ رفع حاجبه وبحت فيا بالابتسامه خفيفه
نعم
نا ؛؛ ماعمركش فكرت العمر اللي بينتنا
مراد ؛؛ هههههه كيف تو تبي اتردي في كلامك وحسيتي ان نا شايب ولاه شنو
نا ؛؛ هههه لا مش هكي بس انت ماعمركش قالتلي او ذكرتلي ان اللي بينتنا عمر و14 سنه يعني واجد
مراد ؛؛ نبيش انكبر روحي بس
نا ؛؛ عارف نا ما كنتش نحسابك هكي بكل اول ما حكتلي خالتي تخيلتك كبير ومش حلو بس لما شفتك عرفتك احلي حتي مني

مراد ؛؛ ههههههه الجمال للصبايا
نا ؛؛ ﻻﻻ حتي الرجاله عندهم الجمال اهو شوف اجمل وحدين في حوشكم انت وطارق بس انت اجمل وبذات عندي

مراد ؛؛ ههههههههه تحشمي
نا ؛؛ اتصدق نا كنت عارفه طارق احليو هكي بس لما خطب وانشوف في حركاته واصوره عند رجاء ما كانش طارق سلفي بكل اللي عرفته اول يوم زواجنا
مراد ؛؛ امبدري قبل صارت مشكله بينه وبين هيثم رجاء وطارق مفروض ايخفو وهم ماهم امهلبين مناسبه كان هذا ايطلعو العرس وينهنو هالموضوع

نا ؛؛ اها عارفه حكتلي رجاء حرام هم متزوجين تو وايحبو بعضهم ورجاء ماتبيش اطلع الفرح بلا شهاده وفي نفس الوقت رجاء تبيش اتكتر علي ماما مع ان راه طارق قايلها تعالي بشنطة دبشك بس تشري والحق طارق يعطي فيه ديمه تو اللي شريته كله منه هو كل ما يشوفها يعطيها هي تبي جو بتات وصناديق وعارف ظروف معش يسمحن تما طارق يعطي فيها

مراد ؛؛ والله ايبض في الوجه طارق هذا
تو نحن مالنا ومالهم خلينا في حالنا نا مازالت نبيك

وقلبني وجا فوقي و………….

طارق ؛؛؛ اتشوقي فيا راه انجي ونزقب
رجاء ؛؛ ههههه اتجي
طارق ؛؛ راه ما اندريش خير
رجاء ؛؛ ههههه عادي
طارق ؛؛ يافرخه راه انديرها
رجاء ؛؛ مش انت تبي اتشوفني بالتوته خلاص تعال
طارق ؛؛ يافرخه راه تربشي علي روحك
رجاء ؛؛ ههههههههه صدقتها
طارق ؛؛ صدقتها ونص اخر
رجاء ؛؛ حبيبي خلني نرقد خيرلي معش انهني روحي نا

طارق ؛؛ هههههههههه عارفه روحك

رجاء ؛؛ انت اللي امطمعني
طارق ؛ هههههه به تصبحي علي الخير
رجاء ؛؛ وانت من اهله
طارق ؛؛ هيا هاتي
رجاء ؛؛ طارق جو المراهقين هذا نحبش
طارق ؛؛ تي عارفك اتحبي الدق القوي طول علي طبيعه
رجاء ؛؛ والله نا اللي سامطه اللي انخلي فيك تاخذ راحتك
طارق ؛؛؛ تي بعدها ايصير فيها كلام تاني
رجاء ؛؛ هههه سلام
طارق ؛؛ انحبك
رجاء ؛؛ ونا اكتر

وصبت رجاء وخشت للحمام وطلعت ولقت ايمان اترضع في بنتها جتها وتمت اتبوس فيها

ايمان ؛؛ خليها ترضع فكيني منها
رجاء ؛؛ نجيها سجودي السمحه
ايمان ؛؛ عارفه فيها حاجه ماحد شافها الا ماما واحمد
رجاء ؛؛ شن
ايمان ؛؛ برمتها وحولت دبشها من فوق
رجاء ؛؛ هيييييي شوفة ايه
ايمان ؛؛ شفتي حتي نا وماما انصدمنا
رجاء ؛؛ شكلك اتبحتي في شوفتها
ايمان ؛؛ اتجنننننن الشوفه حتي احمد عجباته
رجاء ؛؛؛ووووو عليك دنيا نحسابو ايه بس جت فيها ومستحيل نلقو وحده تانيه فيها

ايمان ؛؛ ههههههه شن كنتي تحكي انتي وطارق صايعين راكم
رجاء ؛؛؛ههههههه حاجه اتخصني انسيتي روحك ياامتعت خميس ولا انذكرك
ايمان ؛؛ ههههههههه ذكرتني سبحان الله كيف كان ايبحت فيا وامركز فيا في المدرسه ونا معحبه به وساكته ماكنتش نحسابه جدي وح ياخذني واهو خلني ام ابنيته بس اوعر ايام ايام قبل الفرح تعبت واجد

رجاء ؛؛ هههههه ماننساهن كشفتي بيا
دعاء ؛؛ رفعت الفوطه واطلعت وكان اعيونها ملينات ادموع
رجاء ؛؛ كنك
دعاء ؛؛ لاحظتنش ان اليوم اول مره انبات عندكم والبيته مافيهش جو بكل كل وحده فينا لاهت في فونها من قبل ما ننهدرزو ونضحكو ونتعاركو

رجاء ؛؛ كنا 6 اهو تو 3 بس كل وحده عدت في حالها وازوجت اهو كان ايمان ماهي جايبه راه حتي هي عند احمد

وتمت تبكي نين البنات بكن معها

دعاء؛؛ هذه اول ليله نرقد بلا امل
رجاء ؛؛ قربت منها واضبطتها
والله حتي قهرتني طلعتهن اميره اقعدت ادور فينا
ايمان ؛؛ احكلي بالتفاصيل علي الفرح
رجاء ؛؛ تو ساعه 4
ايمان ؛؛ باهي علشان خاطري والله كسدت ابروحي قعد معي احمد وقعد امكسد علي البنت نين بديتو اتجو مشي وقعد اينقل معكم

رجاء ؛؛ خطرها صبايا خوتك اليوم مش بينات بكل في الفرح
ايمان؛ ؛ تي ما سمعتيش
رجاء ؛؛ شن
ايمان ؛؛ البارده حامل والاخري تجري علي الحمل اخري
رجاء ؛؛ قصدك البقره نعيمه حامل
ايمان ؛؛ اهاااا
رجاء ؛؛ هابا
دعاء ؛؛ هييييييييي ايرن فون امل
رجاء ؛ شن
دعاء ؛؛ والله ايرن
امل ؛؛ بصوت واطي
ايوه
دعاء ؛؛ هههههه واعيه
رجاء ؛؛ هاتيه هاتيه
خير ياعمري شن صار عندك
امل ؛؛ بحتت في خالد ولقته راقد
ناعليا ياارجيوه ايهبل خوك
رجاء ؛؛ هههههههههه علي اساس اول مره تعرفيه
امل ؛؛ يامسخه نحكي جدا انا
رجاء ؛؛ اختصري شن صار
امل ؛؛ اكيده صار احلي حاجه

خالد ؛؛ فتح اعيونه وكر الفون منها وسكر علي رجاء وكرهها شوره

امل ؛؛ حبيبي نحكي
خالد ؛؛ في شن تحكي
امل ؛؛ شيء
خالد ؛؛ اضبطها من لاوره
ياهبلتي معش تحكي اللي بينتنا حرام راه
امل ؛؛ ما حكيتش نا
خالد ؛؛ معش اتلمحي حتي تلميح لا ايهبل لاشيء
امل ؛ههههه كنت تسمع فيا
خالد ؛؛ وعتني الرنه
امل ؛؛ اسفه مفروض قفلته
خالد ؛؛ لا عادي حبيبي

دعاء ؛؛ انشوف اميره
رجاء ؛؛ اميره مقفل اكيده تي اميره بيش تحكي مع وليد اتسكر علي روحها يا بال تو قاعده جنبه
دعاء ؛؛ انجربو
هيييييييييييييي مقفل
رجاء ؛؛ هههههههه قالتها نا من الاول اميره هكي

ايمان ؛؛ خلاص ياسمطات تحشمن والله شوقتني انروح ل احمد
دعاء ؛؛ هههههههههه ازي صايعه ايه شوفي ايه حتي هي روحت وهابا منها

رجاء ؛ لالا ايه لا مراد ايتعقد مايحبش الحركات هذين
ايمان ؛؛ حتي احمد مايحبهنش الاجواء هذين
دعاء ؛؛ معقد مراد صاح
رجاء ؛؛ ناعليا منه ايهبل وطيوب بكل اتصدقي ايه واعره في العويل اكتر منه هو تخيلي ايه الهاديه واعره في اعيالها

ايمان ؛؛ هههههههههه مره رنيت عليها والقيتها فاصله عليهم وخشو عليهم مراد اقعدو يبكو اخري
رجاء ؛؛ قدامي الموقف صار اتعلي صوتك اشويه يبكو ولما ايشوفو مراد ماعاد يسكتو بكل

دعاء ؛؛ ايهبلو صااااااح
رجاء ؛؛ نا قرعيتي بيده ايهبل ارحيمه اجرام اتحسيه
ايمان؛ خلاص رقدن خلن سجودي ترقد
رجاء ؛؛ نجيها ياربي خلاص حتي بيده راقد
ايمان ؛؛ وارحيمه
رجاء ؛؛ عند ماما راقد
خلاص رقدن دعاء وين ابسيطه
دعاء ؛؛ خالتك خلت فيها ابسيطه تعبتلي نفسيتي
رجاء ؛؛ ساهله تو نحكو مع خالتي فاطمه
دعاء ؛؛ لا لا خلاص نا وباسط انتهت حتي هله عارضو تو ا ونا قالتله خلاص كل حد ايشوف نصيبه
رحاء ؛؛ وتقدري يادعاء علي فراقه
دعاء ؛؛ الله غالب تي امغير امل اللي ازوجت اقريب وخذها خالد ماما ياما اتعبت يا بال نا انعدي لطرابلس ﻻﻻﻻ معها الحق ليش انتفارقو ونحن 3 واحدين بس
ايمان ؛؛ ربي يجبر بخاطرك ان شاءالله بولد حلال
دعاء ؛؛ ان شاءالله
……..
نا ؛؛ حبيبي خلاص ساعه 10 تو شيلني العويل اكيده يبكو
مراد ؛؛ حبيبي نا متاكد انهم راقدين
نا ؛؛ لالا عرفتهم واعين لان امس ارقدو بدري
مراد ؛؛ حبيبي عطني نص ساعه ونوعا
نا ؛؛ حبيبي
مراد ؛؛ ويتي عيب عليك والله مارقدت الا ساعه 5
نا ؛؛ من انت اتسهر فينا
مراد ؛؛ فتح اعيونه وشافني وكرني وحط عليا مخده نا ؛؛ شعري مبلول تو ايعبيك
مراد ؛؛ تي اسسسسس خلاص

وبعد ساعه وعينا ومشينا لهلي وقعدنا انحوسو وانردو في المواعين وعند المغرب جن اميره وامل لابسات عربي وحطينا عشاء وتعشينا

نا ؛؛ ايهبل عليك العربي
اميره ؛؛ صاح انتي ما لبستيش بكل صاح
نا ؛؛ اهاااا ما لبستش بكل به شن اخبارك مع وليد
اميره ؛؛ ايهبل كل ماليا انحبه الراجل هذا انحبه انحبه
رجاء ؛؛ باهي احكي شن صار
اميره ؛؛ تحشمي علي الاساس مش عارفه يامتعت طارق في المربوعه
رجاء ؛؛ هههههههه خلاص باهي تحشمي عديتو صورتو بالعربي

اميره ؛؛ اهااااااا
امل ؛؛ امس ياما بكيت وانتي يا اميره
اميره ؛؛ الحق ما بكيتش الا في البدايه وقالي وليد نلقي دمعه نازله نزعل منك ليا كم نبيك اتجني تبكي بعدها
سكتت وقعدت معه

امل ؛؛ حي انا قهرت خالد بالبكاء وكاني اول مره نعرفه مش حبيبي بكل

رجاء ؛؛ انتي عاد امتعت دار وخافت شن انقولو اللي ماتعرفه بكل ومشتله
وشيرت شوري

نا ؛؛ دخلكش بيا انتي
رجاء ؛؛ هههههه عارفه مراد اينهي

ايمان ؛؛ ويتي تعالي شوفي سجودي
نا ؛؛ اتهبل
ايمان ؛؛ ﻻﻻ في حاجه نبي انوريها لكي
نا ؛؛ هيييييي نجيها حبيبت خالتو
اميره ؛؛ اتجنننننن
نا ؛؛ والله انوريها ل مراد هاتيه
ايمان ؛؛ هي هي راه ايحبها عليها ساد انتي اكيده ايحب فيك عليها

نا ؛؛ ههههه سخيفه
وخذيت سجودي ومشيت عند المربوعه وكلمته وطلعلي
مراد ؛؛ كنك تبي اتروحي
نا ؛؛ ﻻﻻ بحت في سجودي
مراد ؛؛ اوووووووو اكبيده كيفك

نا ؛؛ اتجننننن صاح
مراد ؛؛ اهاااا ربي يحفظها
نا ؛؛ هذه كنتنا راه
مراد ؛؛ ههههههههههه
نا ؛؛ مش تقعد انت واوليدك نفس الجو
مراد ؛؛ باهي خشي هيا ولما ايروحو العرسان نطلعو
نا ؛؛ حااااضر
مراد ؛؛ عادل حكالي علي فون رجاء وراه اقنعته
نا ؛؛ اعرفه لرجاء
مراد ؛؛ اها وقالتله خلاص قاري فاتحتها ويبيها خليهم ايتعرفو وهو تحشم ورضي بس وجعته ان جابه من وراه وقالتله طارق تو ايجي ويعتذر منك
قالي مسكت يدي عليها علشان قاري فاتحتها ومانبيكش تزعل انت يامراد مني

نا ؛ نجك ليا حبيبي
مراد ؛؛ خشي هيا
وطلع علينا احمد

احمد ؛؛ نا سمعت صوت نعرفه
نا ؛؛ ههههه سجودي
احمد ؛؛ قولي ل ايمان هيا
نا ؛؛ به حاضر

وخشيت وقالت ل ايمان هيا وروحت ايمان وروحو العرسان وروحنا كلنا
وقعد حوش هلي هااااااااااااادي بعد ما كان ملينا صوتنا وضحكنا ودمعتنا وهرجتنا وعاريكن ونفسنا بعد ما كان اجمل مكان لخالتي فاطمه تو اشين مكان لها لان تفارقنا خلاص كل وحده عدت في حالها ولاهت في روحها
طلعت خالد واميره مع بعضهم سبب فراغ كبييييييييير في الحوش حتي ولو خالد صاح يسكن فوق هلي بس سيب فراغ
ماما ورجاء اقعدن ايتغدن اوحدهن والاغلبيه اتجي امل اتغداء معهن
فضت دار خالد وقعدت دار لبتات رجاء خلاص سنه ويطلع فرحها
الحوش بعد ما كان ضيق ودافي تو قعد واااااسع وبااااااااارد
ماما علي قد مافرحت انها زوجتنا وتريحت علينا علي قد ما زعلنا لان الحوش فضي عليها واهي رجاء فرحها اقريب
رجاء اللي كانت هرجه اقعدت هاديه في الحوش يا اتضم يا راقده يا تهدرز مع طارق علي الفون

واخييييييييييييييييرا وحده فينا قعد عندها فون علاني وهي مازالت ما ازوجت
طارق جا وحكي مع عادل واعتذرله واقنعه علي الفون
عادل تغير من كان الراجل المتهور اللي ايهزب للانسان هادي لان عرف ان الدنيا اتفرق مش ديمه ملتمينا في حوش واحد خلاص سيورنا انتفارقو وانسيبو امغير ذكريات بس ليش انسيبو في مواجع لبعضنا
الدنيا فراقه راه
وجاب فون لماما بيش انكلموها

ومشن الايام بدون اي احداث وجا الرمضان وجا يوم عيد ميلاد العويل ودرنا عيد ميلاد كبير والتمت العائلتنا كالعاده عيت عمي وهلي
بس معش اقعدت الهدرزه كيف زمان تخطيط للمصايب وضحك
لا اقعدت اولدي دار بنتي دارت قعدن انكررو في الاطفال ونحكو عليهن وخلاص

وجت اميره وقالتنا ان هي حامل فرحنا بكل

ورجاء وطارق كل مره في تركينه قاعدين

وعيدنا وكلنا التمينا تاني يوم العيد عند هلي
وردنيا الضحكه والهرجه زمان بس اكبرت الهرجه واقعدو ارحيمه و بيده يجارو يبو يطلعو للشارع
بس الفرحه ماطولش يالله كم ساعه وتنتهي وايرد الحوش بارد اخري

طلع فرح انور وافنان ومشينا حضرنا كلنا حتي رجاء حضرته علي خاطر طارق رفيق عمره ازوج

وبدت القرايه وخشت ايمان للجامعه
وبدن امل و رجاء في المعهد يقرن
ورجاء فرحنا لان خلاص فرحها في الصيف

مراد ؛؛ حبيبي تبي حاجه ماشي للعياده
نا ؛؛ ﻻﻻ شكرا حبيبي
مراد ؛؛ حبيبي مش تبي تحملي انتي
نا ؛؛ حبيبي خلينا شهر هذا وبعدها انشوفو
مراد ؛؛ باهي تبي حاجه
نا ؛؛ سلامتك تو بالكي انرن علي خالد وانقوله جيب امل ورجاء وماما وانكلم اميره وايمان ليا مده عليهن
مراد ؛؛ كنك كاره الطلعو
نا ؛؛ من ارحيمه وبيده نبطل ونا انجيب فيهم من الشارع هنا نحبسهم خير

مراد ؛؛ في حاجه ناقصه
نا ؛؛ لا تمام ما انت امس جبت المصروف
مراد ؛؛ به سلام
وطلع مراد ومشي للعياده
الممرضه ؛؛ عندك زحمه اليوم
مراد ؛؛ يومينا زحمه هي ابدي نادي
الممرضه ؛؛ انجيبلك قهوه
مراد ؛؛ ﻻﻻ شارب تو هي ابدي
الممرضه ؛؛ به
وبدت الممرضه اتنادي وايخشن الصبايا
نين الممرضه نادت علي وحده
مراد ؛؛ ملف جديد
الممرضه ؛؛ اها اول مره اتجي المريضه هذه
وخشت المريضه وكانت ماسكه بنت في يدها تمشي جنبها

المريضه ؛؛ السلام عليكم
مراد ؛؛ وعليكم السلام
ورفع راسه وقعد امركز في المريضه ومستغرب واااااااجد
تفضلي قعمزي

المريضه ؛؛ شكرا

مراد ؛؛ من الربكه نزل راسه وكر الملف وقراء الاسم اخري وانصدم لما لقه ……………………

يتبع

error: