مسلسل سعاده كاذبه الجزء الاخير
مسلسل سعاده كاذبه
الحلقه 79
وفكتن من بعضنا وحبتني نجاح علي خدي ونا طول اضبطتها اخري وتميت نبكي ومنهاره وكاني انفش غلي كله بتضبيط لها وبكي
وايخش علينا عادل ويلقي نجاح تبكي وتضبط فينا وبنتها ماسكه فيها
عادل ؛؛ انتي ياحقيره شن جيبك هنا
كلنا التفتنا وشفنا عادل وهو جاي شور نجاح بهجوم وطول ضربها كف نين طاحت لوطه وطول ضربها بكراعه علي جنبها
خالي ؛؛ مشي بسرعه ودف عادل بقوه
تضربها قدامي تي خلاص كبيره مراه تو
عادل ؛؛ يامسخه امنزله روسنا لوطه ياحقيره مازال عندك وجه واتجينا هنا
نجاح ؛؛ والله مادرت غلط والله مادرت غلط
عادل ؛؛ تهربي مع ال….. واتقولي مش دايره غلط
خالي ؛؛ تي خلاص كنك انت
عادل ؛؛ مانيش ساكت انتو ادافعو عليها كيف بس
نجاح ؛؛ نا ماهربتش مع اي واحد نا هربت مع راجلي وطلعت خايفه منكم ياخوتي خايفه منكم اتصدقو في اكاذيب الناس واتكذبو فيا انا اللي اختكم وعارفين ومتاكدين مني وكذبتوني
عادل ؛؛ تو انوريك
ونزل طول عليها وكرها من عند شعرها للدار وصكر عليها
نحن ؛؛ ﻻﻻﻻ ياعادل ﻻﻻﻻﻻ
خالي ؛؛ افتح ياعادل افتح
عادل ؛؛ ما نيش فاتح ولا طالع الا لما نقتلها قتل الحقيره المسخه
نجاح ؛؛ وعليش ياعادل عليش هذا بدال ماادافع عليا وتحميني تضرب واتلز فيا واتخلي في الناس تكذب عليا
عادل ؛؛ ايفك في سيره من سرواله وبدا يضرب فيها
وكان يكذبو عليك راه جيتي وعينك قويه للحوش مش تهربي منك غادي
نجاح ؛؛ اهااااا يا عادل ارحمني والله مادرت غلط والله مادرت غلط انتو اللي ماخليتوش فرصه
نحن نسمعو في اعياطها وهزايب عادل ونبكو وخالي تم ايدق بعدها عتل الباب وخش عليه ودفه
خالي ؛؛ والله مانك محترم خاش عليها قدامي ومش محترمني بكل
عادل ؛؛ اصلا ما امخرب خواتي الا انت بدعلك انت خربتهن خليتهن يهربن
خالي؛؛ امشي اطلع بره وحسابك بعدين
عادل ؛؛ مانيش طالع الا لما نقتلها قتل الحقيره المسخه
نجاح ؛؛طايحه علي الارض وتبكي
عادل ؛؛ ومازالتي اطلعي في صوت
وقرب منها يبي يضربها
اتجي بنتها ايه بسرعه وتمت تضبط فيها وتبكي
ماما هيا ماما نمشو بابا هيا كلمي بابا ياماما
عادل ؛؛ وقف منصدم في ايه وهي تبكي واتقولها ياماما
نحن؛؛ قعدن انبحتو في الموقف ونبكو كان واااااعر بكل مشهد واااعر
ايه ؛؛ ماما هيا ماما بابا ما ايبيش فيك هيا خلني انروحو
اميره ومروه خشن ابسرعه عليها وتمن يمسكن فيها
عادل ؛؛ دايره بنت اخري
خالي ؛؛ عاجبك هكي اتبكي في طفله
عادل ؛؛ خبط السرير بكراعه بقوه
ايه ؛؛ تمت تمسك في يد نجاح واتكر فيها تبيها اتصبي
هيا ياماما هيا
اميره ؛؛ تعالي ياويه خلاص ماما اكويسه
وكرتها وتمت تضبط فيها
عادل ؛؛ انروح ما نلقكش هنا لاني كان انشوفك نقتلك ومش ح نرحمك المره هذه سيبتك علشان الطفله بس
خالي ؛؛ حوش هلها كيف ما حوش هلك
عادل ؛؛ اطلعت منه وهي اموطيه راسهم هلها ليش جايه تو
خالي ؛؛ عااادل اختك ما غلطتش
عادل ؛؛ برم وجه وطلع بسرعه ولقنا امصبيات في الصاله وماما ومقعمزه بحت فينا كلنا واعيونه اقريب يطلعن ياكلنا وقرب مني وهو امفنص
نا ؛؛ كشيت في روحي ووخرت علي الساس
عادل ؛؛ وانتي يافرخه روحي لحوش راجلك مانلقكش بايته هنا ماعندنش بنت تطلق ولو اطلقتي اعتبري حياتك جحيم واعيالك هذوم ماتشوفيهمش نهائيا
وفنص وقرب مني اكتر
اناقالت وانتن ماعاد كملتن ولا اكملن مشاكلكن
وطلع
نا ؛؛ بدون ما نحس بروحي طحت دخت
رجاء؛؛ ووو عليا حي عليا
وجتني بسرعه ومسكتني وبحتت في عادل
هذه مهتمك انت اتهزب وتضرب وخلاص تي عدي امسك مراتك قبل وربيها
اطلعت مروه واميره بسرعه ايبحتن فيا
عادل التفت وشاف رجاء وهو جايها جت خالتي فاطمه بسرعه واطبقت الباب في وجه وقعد عادل بره وخبط الباب
عادل ؛؛ افتحي افتحي
خالي ؛؛ طلع وراه
تي خلاص كنك انت
خالتي فاطمه؛؛ بصوت عالي
خواتك مش للضرب خلاص صبايا رجاله ماعندك عليش خاش
عادل ؛؛ ساهله يا رجاء خالتك مش ديمه قاعده
رجاء ؛؛ امل جيبي ميه بسرعه
امل ؛؛ تمت ترعش ومعش اعرفت تمشي
رجاء ؛؛ تي امشي
امل ؛؛ باهي باهي
ومشت بسرعه وجابت ميه وتمت اتبخ فيها علي وجي والعويل قاعدين جنبي
خالتي فاطمه؛ ؛ عطر عطر
رجاء ؛؛ ﻻﻻ اهي فتحت اعيونها
امل ؛؛ قعمزت جنب العويل وتمت تضبط فيهم واتسكت فيهم
نا ؛؛ فتحت اعيوني بحتت في ماما وشفتها كيف تبكي ومش قادره اتجينا وتضبطنا والعويل شادين فيا
رجاء؛؛ ويه ويه تمام انتي
نا ؛؛ هزيت راسي معناها اهااا
خالتي فاطمه؛؛ كنك يا ويه شن حسيتي
امل ؛؛ ما تاكلش بكل امكملتها امسكر علي روحها تطلع علشان العويل واتخش اخري
نا ؛؛ ﻻ تمام نا
وتميت نمسح في وجي
وبعد اشويه
نجاح ؛؛ صبت وماسكه بنتها ودوب تمشي واطلعت علينا
ماما ؛؛ دوبها تحكي
ويه ويه
نا ؛؛ حولت يدي من علي وجي وبحتت في ماما
ماما ؛؛ هزت راسها تبيني انجيها
ونا مشيت وجيتها وحطيت راسي علي كرعيها وتميت نبكي وجوني ارحيمه وبيده
امل؛؛ نجيهم ديمه عالقين فيها
اميره ؛؛ امهم ياحنه
مروه ؛؛ انجوحه اغسلي وجك وتعالي تريح هنا جنب عمتي
نجاح ؛؛ ﻻﻻ نبي انرن علي مجدي وانروح
خالتي فاطمه؛؛ ﻻﻻ خليكي هنا ماعليكي فيه اقعدي معنا
مروه ؛؛ مش ضرب هو خلاص تو انكلم علي ايجيه المشكله هو طلع من هنا وخش عادل من هنا
اميره ؛؛ من البخت خلاص انجوحه خشي ابرمي علي روحك وتعالي راه امرايفن عليكي اقعدي علشان خاطرنا
امل ؛ خلاص انجوحه تو حتي ماما ودعاء وايمان ايجن في العشيه
نجاح ؛؛ بحتت في ماما ولقتها اتبحت فيها
حاضر
وخشت نجاح واغسلت وجها وجتها رجاء
رجاء ؛؛ انجوحه غيري دبش راه في دبش ل اميره هنا
نجاح ؛؛ به
وغسلت وجها وغيرت دبشها واطلعت وجت قعمزت جنبنا وجت بنتها وقعمزت علي كرعيها
نجاح ؛؛ بحتت فيا
مازالتي دلوعة ماما
اميره ؛؛ مهما درنا ماعرفنش نوصلو لغلا ايه عند ماما
نجاح ؛؛ اكبيدة الغالي هذه
تعالو هنا وين بيده وين ارحيمه
رجاء ؛؛ حسب ماحكيتلك عليهم وين الشيطان
نجاح ؛؛ هههههه شكله هذا
وشيرت علي ارحيمه
رحاء ؛؛ ههههههه السم في اعيونه اهااا هذا ارحيمه
ايه ؛؛ ماما من هذوم
نحاح ؛؛ اعيال اخويليه
بيده ؛؛ قرب من ماما وباسها علي خدها
امي امي
خالتي فاطمه؛؛ ايه ردي للحوشك ماعندك عليش قاعده
نجاح ؛؛ عليش احرجتي
نا ؛؛ ……….
نجاح ؛؛ ماتبيش تحكي
رجاء ؛؛ تو نحكولك بعدين انجوحه
نا ؛؛ ماما نبي انخش لحمام ونبي انفطر العويل
ماما ؛؛ هزت راسها معناها به
وصبيت وخشيت للحمام توضيت وصليت وطلعت برمت علي العويل وقعمزت نبي انفطرهم
اميره ؛؛ ويه الغداء واتي راه خليهم ايتغدو
نا ؛؛ باهي نعطيهم زبادي بس تصبيره
اميره ؛؛ باهي
خالتي فاطمه ؛؛ كولي راه رايحه بكل انتي
نا ؛؛ عنديش نيه بكل النيه مسدوده
وفجاء اتخش ايمان ابسرعه تبكي وجت ابسرعه وتمت تضبط في ماما وتبكي
ايمان ؛؛ انستي الحوش انستي الحوش بلاك امظلم ياضيء الحوش ياضيء دنيتنا انتي
رجاء ؛؛ خش يااحمد خش
احمد ؛؛ السلام عليكم
نحن ؛؛ وعليكم السلام
رجاء ؛؛ هات سجودي هنا
احمد ؛؛ انزلت ابسرعه وسيبتلها ليا
رجاء ؛؛ عرفتها هبله
احمد ؛؛ خير ياعمتي الحمد الله على السلام
ماما؛ ؛ الله يسلمك
امل ؛؛ سجودي السمحه نجك
رجاء ؛؛ نجاح شفتيها
نجاح ؛؛ هاتيه
احمد ؛؛ استغرب نجاح وجاي يبي يطلع
ايمان ؛؛ احمد هذا نجاح اختي الكبيره
احمد ؛؛ اها اهلا
نجاح ؛؛ خيرات شن اخبارك
احمد ؛؛ الحمدالله
ايمان ؛؛ نجاح حتي نا عندي اكبيده راه
نجاح ؛؛ شن
رجاء ؛؛ ههههههههه اكبيده اصغيره شوفيها
وقلبت سجودي وشافتها نجاح
نجاح ؛؛ سبحان الله
احمد ؛؛ ارحيمه بيده تعالو
نا ؛؛ امشو لعمو
احمد ؛؛ شن اخبار مراد
نا ؛؛ تمام الحمدالله
احمد ؛؛ حايس في المستشفيات
نا ؛؛ نزلت راسي وخنقتني العبره
اهااا مش امغير
رجاء ؛؛ كنتي في جامعه ايمان
ايمان ؛؛ اها خليت سجودي مع احمد حضرت المحاضره وطلعت طول والقيت امل رانه رديت قالتي ماما طلعت دغري جيت هنا نبي انصبي انغير دبشي
رحاء ؛؛ هههه امل علقتي علي الجزيره
امل ؛؛ ههههههه من بعد نعيمه
نجاح ؛؛ وينها ماشفتهش بكل
رجاء ؛؛ انعنه ماتجي طريق الغالي هذاك
امل ؛؛ حددي اي من الغوالي
رجاء ؛؛ بحتت فيها ورفعت حاجبها
معروف الغالي اللي تحت التراب مافيش غالي غيره
اميره ؛؛ وووو وانتي ما اتسيبي كلمه
احمد ؛؛ خلاص تبو حاجه
خالتي فاطمه؛؛ﻻﻻ تغداء معنا
احمد ؛؛ ﻻﻻ وين ماشي عندي اشغال
اميره ؛؛ تو ظهر فيش اشغال تو ايجو تو وليد وخالد وعلي وخالي تغدو مع بعضكم
رجاء ؛؛ خلاص احمد اقعد بالكي اتقريني اشويه بعد الغداء
احمد ؛؛ تبي اتفجريلي راسي
رجاء ؛؛ خلاص تحمل السنه هذه
احمد ؛؛ به صبي ديري قهوه وبعد الغداء تعالي وماتجيبيش اي طفل معك
رجاء :؛؛ههههه بيده بس
احمد ؛؛ يقعد اينتش
رجاء ؛؛ هههه باهي هيا
وصبا احمد وخش للمربوعه ورجاء صيت ادير في القهوه
نجاح؛؛ وين ياايمان العريس الصقع هذا
ايمان ؛؛ شفتني صقع صاح
نجاح ؛؛ ههههههه بكل والله صار منك يافرخه
ايمان ؛؛ اهااا ياحنه بس هذا طببه العقل والرزانه
امل ؛؛ ههههههه ماضي اسود بعيد عنك مش عارفه كيف دارت عقل قدامه بيش خطبها
ايمان ؛؛ امشي ياحيوانه نا هاديه في المدرسه
رجاء ؛؛ اطلعت من المطبخ
مش امغير هاديه بكل اخري
ومشت شالت القهوه وجت
مروه ؛؛ اول وحده انخطبت ايمان راه
نجاح ؛؛ صاااح و ويه
نا ؛؛ بعدها بس فرحي قبلها نا خطبت شهر بس لانعرفه لايعرفني ولاحكيت حتي معه كله بعد الفرح
نجاح ؛؛ اكتر وحده نبي نعرف تفاصيل حياتها انتي
نا ؛؛ ههههههه شن تبي تعرفي
نجاح ؛؛ والله خاطري نعرف قصتك وقصة الطرف طارق
مروه ؛؛ الطروف اكثرو يانجاح لما اكبرنا
رجاء ؛؛ يامسخات سيبنا راجلي راه خيرلكن
امل ؛؛ ارجيوه ورينهن اصوره وهو في الصاله
نجاح ؛؛ صالة شن
رجاء ؛؛ هههه حديد وطلعت الفون من …. وافتحت علي الصور وورتهن
نجاح ؛؛ تي ايكسرك بين ايديه هذا حي عليك
رجاء ؛؛ هههههه انحبه عادي
مروه ؛؛ انتي مش عارفه شن دار في البيان وماعقب حاجه ومادارها
امل ؛؛ اتقولي هذوم علاقة اسنين
رجاء ؛؛ والله علاقة 4 اشهور بس ياحيوانات
مروه ؛؛ ودار الخبر هذا كله
رجاء ؛؛ شن اندير اذ كان هو صايع
وكلنا فنصن وبحتنا في ماما وضحكنا
خالتي فاطمه ؛؛ لا حشم لا شيء ازي
رجاء ؛؛ هابا منك انتي يامتعت الارواب
خالتي فاطمه؛؛ ههههههههه نشريكلن تبيكن اتدن الموضوع صح
امل ؛؛ وحياتك مانستحقولهن واجد بلاهن وتمين الموضوع
كلنا ؛؛ ههههههههههههههههههههه
رجاء :؛ ههههههههههههههه باااااااااااع خلااااااااااص واتقولن تحشمي
نجاح ؛؛ ههههههه تحشمي وخشي وتي الغداء
امل ؛؛ علي اساس ياعيني
نجاح ؛؛ تي هالجالطه كيف زفيتوها
رحاء ؛؛ ياناعليا ياما صار ياما دارت بيش طيحت خالد
نجاح ؛؛ بحتت في مروه
ههههههه اسملاه علي خوتي اللي اتجي اطيحهم وهم هبل يرضو
وخش خالد وسلم علينا كلنا وحمد ماما علي السلامه
خالد ؛؛ مراد جاي
نا ؛؛ ﻻﻻ
خالد ؛؛ تو انكلمه
خالتي فاطمه؛؛ اهاااا كلمه كلمه نحن عابين علي غداء واجد
خالد ؛؛ايوه مراد
مراد ؛؛ خير شن الاخبار
خالد ؛؛ اخباري نرجا فيك علي الغداء
مراد ؛؛ لا وين امروح للحوش
خالد ؛؛ مافيهش كيف تعال تغداء معنا الحوش كله هنا امي روحت
مراد ؛؛ باهي اهو جاي
خالد ؛؛ تم نرجا فيك
نا ؛؛ لما عرفته يبي ايجي حسيت قلبي طار من مكان من الفرحه
وجا وليد وعلي وخالي واقعدو الرجاله في المربوعه
وجا مراد وخش علي ماما جو في الدار بيش ايسلم ولقنا نا وخالتي ونجاح ورجاء امقعمزات
مراد ؛؛ السلام عليكم
نحن ؛؛ وعليكم السلام
صبيت وسلمت عليه
وسلم علي نجاح ورجاء
بيده وارحيمه طول مشوه يجارو ويضبطو فيه من عند كرعيه وايكرو فيه يبو يرفعهم فوق
مراد ؛؛ انسلم علي اجديده بس
الحمدلله على السلامه
ماما ؛؛ الله يسلمك
مراد ؛؛ قعمز علي سريرها جنبها وقعمزو العويل علي كرعيه
نا ؛؛ قعمرت علي الفراش وانبحت فيه
نجاح ؛؛ شن اخبارك يادكتور
مراد ؛؛ تمام الحمدالله
رجاء؛ وين ياماما راجلت بناتك كلهم جو حتي نا انكلم طارق ايجيك خير حتي هو يبي ايسلم عليك
نجاح ؛؛ هههههه
مراد ؛؛ ابتسم وبحت فيا ولقني امنزله راسي وابتسمتي خفيفه جاد وبلا نيه
امل ؛؛ شيرتلي من بره تبني
نا ؛؛ صبيت بسرعه نين حسيت حاجه امسكت في راسي فجاء وحطيت يدي علي الساس انسندت عليه
مراد ؛؛ فتح اعيونه زين واستغرب
نجاح ؛؛ بسم الله امشي بشويه
نا ؛؛ تمام بس تصبيتي جت سرعيه
خالتي فاطمه؛؛ بحتت في مراد
راكي ادوخيلنا اخري هنا
نا ؛؛ التفت في خالتي وفتحت اعيوني زين ومشيت
ها امل
امل ؛؛ حطينا الغداء خلاص قولي لمراد يمشي للمربوعه بيش ايتغداء
نا ؛؛ باهي
وبرمت وجي وصبيت علي باب الدار وحطيت يدي علي الساس وبصوت واطي وهادي
مراد
مراد ؛؛ التفت وبحت فيا
نعم
نا؛؛ تعال
مراد ؛؛ نزل العويل وصبا وجاني
نا ؛؛ نزلت راسي لوطه
الغداء حطوه تعال تغداء في المربوعه
مراد ؛؛ ايبحت فيا زييين وعرف اني نا مريضه لان كان واضح التعب والمرض في وجي
كنك انتي في شن اتحسي
نا ؛؛ ﻻ تمام امغير ارهاق بس
مراد ؛؛ ان شاءالله
ومشي للمربوعه وحطو الغداء وتغدينا وجيت نبي انصبي مع البنات نغسل
خالتي فاطمه؛؛ انتي قعمزي هنا نبي نسالك
نا ؛؛ نعم
خالتي ؛؛ امتي مرضتي
نا ؛؛ كيف
خالتي فاطمه؛؛ نسال نا امتي اخر مره مرضتي
نا ؛؛ طول سرحت واذكرت وعرفت روحي ليا فتره فوق من شهر وطول عرفت روحي حامل لاني لاناكل ولانشرب وراقده طول الوقت وكرهت الضيء
نجاح ؛؛ قصدك حامل
مروه ؛؛ ان شاءالله
نا ؛؛ بحتت فيهم واستغربت وبدون مانحس بروحي القيت روحي انقول
ﻻﻻﻻﻻ ما ليا شيء مريضه
خالتي فاطمه ؛؛ كم
نا ؛؛ مشيت بسرعه وخشيت للدار وصكرت علي روحي وتميت نبكي معش عرفت روحي نبكي عليش ادموع الفرحه ولاه ادموع الحزن
وقعدت انفكر في روحي وفي مستقبلي مع مراد وبعد نص ساعه
خشت عليا نجاح
نجاح ؛؛ ويه كنك تبكي كانك مرايفه عليه صبي وتي دبشك واطلعي معه ماتخليش حاجه اتخرب بينتكم والله شكله ايحبك تي الحب باين في اعيونكم انتو الاثتين صبي سلم خيتي قوليله شيلني للحوشي والله مش ح يرفض ايشيلك طول صبي سلم خيتي
نا ؛ تميت نبكي اخر وهزيت راسي ب لالا
هو لزني هو وعاني من الصبح وقالي وتي روحك ومعش تلزميني كيف تبني انقوله شيلني للحوش اللي لزيتني منه
نجاح ؛ انتي غالطه نا عارفه الموضوع بس درت جو عباطه نبيك تفتحيلي قلبك
نا ؛؛ نا معاك غالطه بس ماحد عطني فرصه نا كنت نبي انقولك اني بدايت حياتي صعبه بس بعدها تمام مراد طيب وحنون بس بعد ترقاله مايعرفش من قدامه يقعد ايخبط وخلاص الحق هو بعدها يتاسفلي بس لزم ما ايعلم فيا قبل
نجاح ؛؛ يضرب فيك
نا ؛؛ هزيت راسي معناها اهااا
نجاح ؛؛ بس انتي قالتي في بداية زواج وبعدها جبتي منه يعني راضيه عليه
نا ؛؛ لعند تو علشان انحبه واعيالي وحبه ليا راضيه وانتحمل عيبيه لان هذا العيب الوحيد فيه كيف مامعيشني في العز والراحه وحب مستعده انتحمل عيبه لان حوله عيبه ومعش ضربني بس قوي وعصبي معي
ومستعده نمشي معه بس ايقولي هيا وايراضني ونا تو حامل تو ايردني طول لو قالتله نا حامل بس نا نبيش انرد نا لاني حامل نا نبيه ايردني علشاني علشان ويته حبيبته
نجاح ؛؛ يعني حامل انتي
نا ؛؛ اهاااا شكلي ليا فوق من شهر
نجاح ؛؛؛وكيف ساكته
نا ؛؛ ماركزتش كنت عاطيه للروحي فرصه واندير تحاليل قالت بعد عيد الاضحي مشي العيد ونسيت بعدها صارن ظروف وانسيت وبعدها اهو صار الاحداث هذين
نجاح ؛؛ يعني متاكده انك حامل
نا ؛؛ شكلي
نجاح ؛؛ بس ضروري اتقوليله
نا ؛؛ ﻻﻻ نبيش تو
وخشت خالتي فاطمه؛؛ لووووووليا
نا ونجاح انصدمنا وبحتنا فيها
خالتي فاطمه؛؛ تي والله كنت عارفه
وجن باقي البنات يجارن
امبره ؛؛ شن في
خالتي فاطمه؛؛ ايه حامل
نا ؛؛ ﻻﻻ من قالهت
خالتي فاطمه؛؛ لكي فوق من شهر تحسبني ماسمعتكش تو انقولها لمراد
نا ؛؛ صبيت نجري ومسكتها من يدها
ﻻﻻﻻ ياخالتي ﻻ وراسي لالا نبيش ماحد ايقولها له غيري ونا عارفته لو يسمعني قالتها لغيره ح يزعل ومانبيش انقولها لاني نبيش ايردني لاني نا حامل نبيه ايردني نا شخصيا علشان نا ايه مش علشان نا حامل
نجاح ؛؛ خالتي خليها براحتها
خالتي فاطمه؛؛ بس يا ايه ليش ادسي عليه هذا راجلك وضروري يعرف
نا ؛؛ نا ح نقولها مانبيش غيري بس عطوني وقت نبي ايردني قبل لو ماردنيش واصر علي الطلاق ح نقولها ومش ح نردله
اميره ؛؛ غلط
نا ؛؛ وخرت لاوره وبكيت وبصوت عالي
ﻻﻻﻻ مش غلط هذه حاجه اتخصني وماحد يدخل بيا ونا قالت والله لو نعلم حد قايلها لمراد والله ماعاد نحكي معه واللهةوالله واني حلفت
مراد كان يبني ايردني ايردني وكان يبنيش ح ايطلقني بعد جيبتي
نجاح ؛؛ خلاص خلنها براحتها ومن حقها وفعلا لو مراد سمع من غيرها ح يزعل اكثر وبعدين مراد جيته علي الغداء هذا علي دليل ان هو ايحبها وايعاقب فيها بس
نا :؛ طلعت من الدار وخشيت لحمام نبكي و نغسل في وجي سمعتهن كلهن اطلعن من الدار
طلعت وخذيت بيده و ارحيمه ورقدتهم جنبي قعدت نبكي وانفكر ورقدت من تعب
رجاء ؛؛ حبيبي نبيك في موضوع ضروري
طارق ؛؛ ان شاءالله خير
رجاء؛ ؛ ايه حامل
طارق ؛ ماشاءالله به تمام تو ايردها معناتها
رجاء ؛؛ تي ماتبيش اتقولها واحلفت قالت لو حد وصلها لمراد ماعاد تحكي معه
طارق ؛؛ عليك قصه
رجاء ،؛ طارق دير جوك انت ابرم عليه من هنا وهنا ماتخليش ايطلقها والله اتحبه هي
طارق ؛؛ المشكله مراد غامض مايحبش حد يدخل فيه
رجاء ؛؛ تي وصلها له بطريقتك بجوك
طارق ؛؛ ما بعدها تعرفها ايه
رجاء ؛ اسمع انت قوله قالتلي رجاء ايه مريضه بكل بالكي هو ينشغل عليها وايجيها
طارق ؛؛ مانحبش جو توصيل كلام مانيش مراه نا
رجاء ؛؛ عارفتك راجل وسيد ارجال بس انت اتهون عليك ايه تطلق
طارق ؛؛ الحوش هنا كلهم حكو مع مراد وتعارك معهم ومعش تما ايجي
رجاء ؛؛ بس مراد ضروري يعرف لعند امتي هكي
طارق ؛؛ تو انقوله بطريقه غير مباشره بس حتي هي اترن عليه
رجاء ؛؛ اختي فصخه شاطره امغير في البكاء و النوم بس
طارق ؛؛ باهي انتي ماشيه للمعهد
رجاء ؛؛ ﻻﻻ اكيده حوشنا ح ايتعب تو خلني نطلع انهدرز مع نجاح مازالت عندنا
طارق ؛؛ باهي وانتي اتوزعي
رجاء ؛ ههههههه نجك ليا والله رايفت عليك
طارق ؛؛ واضح واضح من عند كلمة انحبك اللي قلتيها من اول مكالمه
رجاء ؛ ههههه والله نا قالت انخشله علي الموضوع طول قبل ما ننسي
طارق ؛؛ ههههه نجك ليا انحبك والله انحبك
رجاء ؛؛ مش كيفي
طارق؛ ؛ هيا خلني نرقد قبل مايرن انور
رجاء ؛؛ ماني عارفه انور هذا كنه اتقول ماهو عريس بكل ديمه معاك
طارق ؛؛ ههههههه خليته ياخذ راحته اسبوعين خلاص بعدها واجد هكي ياريته حتي احملت
رجاء ؛؛ طيح سعدك مازالو عرسان
طارق ؛؛ ههههههه لهم شهرين تو
رجاء ؛؛ تحسبله انت
طارق ؛؛ هههه هيا صكري اكيده اقريب يوعي وايرن رجاء ؛؛ باهي انحبك
طارق ؛ باهي تعالي هنا
رجاء ؛؛ وين
طارق ؛؛ في اصديري مش اتحبي بنته
رجاء ؛؛ ياصايع
طارق ؛؛ تي غمضي اعيونك واتخيلي وارقدي هيااااااا صكري
رجاء ؛؛؛هههههههههه ناعليا سلام
طارق ؛ شن شن ناعليا من شن
رجاء ؛؛ من حبك سلام
صكر
وصكرت رجاء واطلعت ولقت البنات ديرات دائره وايهدرزن وفي العشيه جنا الجارات والاقارب ولقو نجاح واستغربو وعادل ونعيمه ماجوش لان علي وخالي اركبو لعادل وحكو معه طبعا هو رفض ان يحكي او يسلم عليها نهائيا
وعيت نا علي المغرب والقيت راسي اقريب ينفجر وظهري يوجع فيا والحوش امعبي
وفي الليل روحو كلهم وروحت حتي نجاح قعدت نا وماما ورجاء بس في الحوش
جيت ورقدت في دار ماما وتميت انهدرز معها انغيرلها في جوها نين ارقدت ورقدت علي صورة مراد قدامي في الفون ونبكي
وتاني يوم اوعينا من ساعه 7 علي هرجه طلعنا بسرعه والقيت مجدي و عادل يتعاركو
مجدي ؛؛ ما تلمسهش يا عادل عندها راجل تحكي معه
عادل ؛ انت تعتبر في روحك راجل
مجدي ؛؛ قرب منه وضربه علي وجه
عادل ؛؛ ياعن ……… ياولد …….
مجدي ؛؛ بيش تعرف ان اللي قدامك راجل
وقعدو يضاربو ونا ورجاء انتعايطو
وينزل خالد ابسرعه وايجي محمد
وايفكهم من بعضهم
والشارع تعبا ناس
محمد ؛؛ وسع بالك يامجدي هذا خال بنتك
مجدي ؛ خل فيها خال هو يحترم نا قالت ما نلقش حد يلمسها كيف ايجي شورها كيف
محمد ؛ امسحها في وجي خلاص
عادل ؛؛ احمد ربك ما قتلتها لك هي وبنتها
خالد ؛؛ تي خلاص ياعادل اختك راه
مجدي ؛؛ والله ياعادل انردها في رفيقتك وفي اعيالك بعدها نا مانعرفش كيف اللي اديرها انديرها
خلاص 6 سنين وانت امخليها اوحدها مامليتش ماتحشمتش علي وجك حارم البنت من هلها
عادل ؛؛ من العار اللي دارته
مجدي ؛؛ اختك اشرف من الشرف ومادرتش العار العار اللي درته انت اللي صدقت ناس تكذب وكذبت اختك
خالد ؛؛ وهو ماسك عادل
فعلا ادير فيه انت اللي تو جاي اترد تحكي اخري ماتبيش الناس تنسي بكل راهي اختك انسيت ولاه شنو اختك
عادل ؛؛ دف خالد بقوه وخش للحوش جوا ولقانا في الجنان
خشنا يافرخات خشنا جو راه انجي انكمل عليكن
خشيتا نا ورجاء نجارو
رجاء ؛؛ امحصل ضربه سمحه شكله
نا ؛ لا حول ولا قوة الا بالله العلي العظيم
رجاء ؛ انسيتي شن دار في نجاح امس
نا ؛؛ اكيده لقي جسمها امعلم
رجاء ؛؛ امس غيرت قدامي امعلم بكل من السير امغير امس اتكابر قدام ماما ماتبيهش تزعل
نا ؛ خشي ارقدي خلاص خلينا انردو انرقدو
محمد ؛؛ مجدي تعال معي للحوش
مجدي ؛؛ ﻻﻻ شكرا
محمد ؛؛ تي تعال اهدي واشرب ميه
وخشو للحوش محمد وغسل مجدي وجه وقعمز في المربوعه وجاب محمد ميه وقهوه
مجدي ؛ خالد نا قالت نجاح ماحد يلمسها وعلي خبط صدره كيف ايخيله يلمسها
خالد ؛؛ ماكنش قاعدين نحن وحكينا معه امس
مجدي ؛؛ نجاح هذا حوش هلها اتجيه غصبن عنه خلاص ساد اسنين راحن هكي
محمد ؛؛ معاك الحق يا مجدي في نهايه نجاح مش دايره غلط الناس هي اللي اكذبت
مجدي ؛؛ لو اخته صاح راه صدقها وحطها فوق راسه لانها اشرف من الشرف
وجا علي ودق عليهم وطلع محمد فتحله
مجدي ؛ وين خبطت صدرك يا علي
علي ؛ امسحها في وجي خلاص حكيت معه وهو قال المهم ماتجيش قدامي ولا اتسلم عليا ولا اتخش عليا
مجدي ؛؛ ما تجيش هو
نا نبيها اتجي هنا لهلها لامها وخوتها
علي ؛؛ الحوش مفتوح لها
مجدي ؛؛ ان شاءالله ح المره يطلع كلام صح
وطلع مجدي وهو ايخبط
علي ؛؛ عادل منضرب علي وجه كنت عنده
محمد ؛؛ نقانهم كانو ايخبطو في بعضهم
خالد ؛؛ مجدي كل ماله ايزيد يكبر في عيني بعد هالسنين مازال ايدافع عليها عند خوتها اللي من لحمها ودمها
علي ؛؛ لان نجاح تستحق نحن ظلمنها
خالد ؛؛ نا ماشي لعملي خلاص انغير ونمشي
محمد ؛؛ مجدي جاي من الصبح ايخبط
علي ؛؛ ران علي عادل وقاله انزلي
محمد ؛؛ ربي ايهدي النفوس من امكلمك انت
علي ؛: رفيقت عادل قالت تعال بسرعه
خالد ؛؛ علي الاخبار قاعده تخدم
وطلعو خالد وعلي وروحو
وانزلت علينا امل وهي لابسه عبايه
نا ؛؛ كنك واعيه بدري
امل ؛؛ من الهرجه اللي صارت وعيت جيت انشوف فيكن وجيبتلك حاجه
نا ؛ شن
امل ؛؛ اختبار تاكدي ياويه قبل
نا ؛؛ صاح شكرا اموله
امل ؛ عفوا امشي عدي تاكدي
فرحت ومشيت بسرعه ودرته وتاكدت مع اني كنت متاكده
امل ؛؛ ها بشري
نا ؛؛ حامل
امل ؛؛ اضبطتني
نجك ليا مبروك ياعمري بس ضروري تمشي اتابعي عند مراد خلاص
نا ؛؛ فيش دكتور غيره
امل :؛ راجلك ياهبله خلاص هيا تعالي نرقدو
نا ؛: ترقدي جنبي
امل ؛؛ اهااا خالد مشي لعملها خلني جنبك نرقد
نا ؛؛ به تعالي
حولت امل عبايتها وكانت لابسه توت وارقدت جنبي ومشن الايام وجووعيت عمي سلمو علي ماما وماحكوش معي وبعد 6 ايام من الاراياف وتعب وبكاء طول الليل تميت نمرض واجد من الحمل معش اهتميت باحد يالله دوب روحي لا رنيت ولا هو رن عليا كل واحد فينا يرجا في التاني ايرن
وعيت في الصبح وقررت نمشي اندير تحاليل وانخش عليه في عمله
خالد؛؛ هيا انشيلك للمستشفي
نا ؛؛ هيا حطني وعدي اندير تحاليل وانخش علي دكتوره
خالد ؛؛ ايه خشي علي مراد راجلك راه
نا ؛؛ كان القيته هو اللي ماسك
خالد ؛؛ ان شاءالله هو
حطني خالد قدام المستشفي وعدا مشيت ودرت تحاليل وفعلا طلعت حامل ومشيت سالت والقيت مراد قاعد في غرفته
مشيت لغرفته وصبيت قدامها وقلبي ينبض بسرعه معش عرفت انخش ولاه انروح خايف انشوفه قدامي ننهار وهو يكسفني
وبدون ما نحس بروحي القيت روحي …………….
يتبع