مسلسل سعاده كاذبه الجزء الاخير
مسلسل سعاده كاذبه
الحلقه 78
نعرفه زييييييييييييين انحبه وانموت فيه موت انحبه وانحب بنته المكان الوحيد اللي انحس فيه في الامان وقفت ومابيتش انتحرك لان عجبني وضعي هكي انحبه برغم اي شيء انحبه
ورفعت راسي وجت عيني في عينه
مراد ؛؛ شن جيبك هنا
نا ؛؛ نزلت راسي بصوت دوبه طالع
انشوف في ماما
مراد ؛؛ طول خذيتي راحتك وطلعتي
نا ؛؛ مسحت دمعتي وقعدت امصبيه
مراد ؛؛ امشي اطلعي وفكيني من الدوه الزايده
حول من قدامي وخلني مساحه بسيطه
نا؛؛ هزيت راسي ومشيت بشويه
وطلعت وقعمزت علي كرسي
تميت نبكي ونمسح في دموعي ومشي الوقت ونا قاعده مقعمزه علي الكرسي جا عادل وخالد شافو ماما وروحو وجا خالي وروح ونا قعدت مقعمزه ومره مره انخش انشوف ماما ونقرا القران لعند ما اذن المغرب
ورنيت علي اميره
نا ؛؛ اهلا
اميره ؛؛ ايوه
نا ؛؛ هييييي راقده
اميره ؛؛ اهااا تو كيفي خشيت روحن صبايا وخشيت جيتني علي النوم حتي وليد متعقد مني
نا ؛؛ وين العويل
اميره ؛؛ قاعدين امسكرين الحوش وخالاتي مقعمزات في صاله بيش ايراقبن وناس طالعه وخاشه
نا ؛؛ وكلتيهم
اميره ؛؛ ايمان ودعاء مهتمات بيهم الحق
نا ؛؛ اميره ردي بالك منهم
اميره ؛؛ ماعليك والله يلعبو وحياتهم سمحه انتي عارفه ايمان غالي عليها الاطفال
نا ؛؛ رجاء وين
اميره ؛؛ كالعاده راقده شن في اخبار علي ماما
نا ؛؛ مش عارفه بس قالي الدكتور حالها تمام احسن من امس
اميره ؛؛ باهي امتي امروحه
نا ؛؛ اكيده خالد بعد صلاة العشاء ايجيب رجاء ونا تو انروح
اميره ؛؛ مش عارفه ليش مسكرات روسكم نا نبي نقعد معها ماما
نا؛؛ ﻻﻻ انتي حامل وانتي تعرفي تصرفي في الحوش احسن منا امغير ردي بالك من العويل
اميره ؛؛ باهي سلام
نا ؛؛ سلام
وصكرت فوني وحطيته في شنطتي وصبيت شفت ماما اخري ورديت قعمزت و فتحت فوني وانبحت في الشاشه لان حاطه في الخلفيه صورة مراد وهو راقد علي السرير وفوقه بيده وارحيمه ودمعتي نزلت
مراد ؛؛ امتي امروحه
نا ؛؛ التفت والقيته وراي امصبي ومتعصب
اكيده خالد اقريب ايجي
مراد ؛؛ ماتفكريش انك اتباتي هنا
نا ؛؛ ان شاءالله وين كنت انت
مراد ؛؛ مايخصكش الموضوع هذا
نا ؛؛ نزلت راسي وخنقتني العبره
اسفه ادخلت
مراد ؛؛ مشي لاوره وقعمز علي كرسي بعيد عني
نا ؛؛ التفت وشفته وهو حاط ايده في اجيوبه وايهز في اكراعه بقوه وايبحت فيا برمت وجي وبحتت في الفون
رجاء؛ ؛ ياخسارة ماني اموصيه ماحد ايوعني
امل ؛؛ صبي ياهمي خالد جا يبي ايشيلك للمستشفي
رجاء ؛؛ ساعه كم
امل ؛؛ المغرب اذن وانتي متمرقده
رجاء ؛؛ مرقد باتي ان شاءالله
امل ؛؛ بعيد السوء كنك
رجاء ؛؛ ياريت والله نطلع من هالغم والنكد
امل ؛؛ فونك ايرن
رجاء ؛ بحتت علي جنب لقته طارق ايرن
اموله اطلعي وصكري الدار
امل ؛؛ خالد يرجا
رجاء ؛؛ تو انصبي امغير عدي الاهيه اشويه
امل ؛؛ باهي
وطلعت امل ورجاء مسكت الفون
مجنوني
يتصل بك
رجاء ؛؛ حبيبي
طارق ؛؛ راقده مازالتي
رجاء ؛؛ ان شاءالله
طارق ؛؛ تي نبي نعرف كيف ماتشبعيش من النوم ولاه شنو نا اللي راجل واعي من امبدري
رجاء ؛؛ خميرة نوم تمام
طارق ؛؛ سامطه شن الاخبار عندكم
رجاء ؛؛ علمي علمك كنت راقده ومش عارفه حاجه
طارق ؛؛ نا علمي ان امك وعت ووضعها تمام احسن من امس
رجاء ؛؛ تحكي جدا انت
طارق ؛؛ اها نحكي جد امتي جايه
رجاء ؛ تو انصلي وانغير وانجي
طارق ؛؛ رجاء نلقي خرا علي وجك نهارك
رجاء ؛ تو وقت ميك اب فاضي والله
طارق ؛؛ البسي الجاكه الرصاصي ووشاح هادي
رجاء ؛ ليش
طارق ؛؛ لانها طويله وواسعه عليك
رجاء ؛؛ ربي ايصبرني عليك
طارق ؛؛ انا اللي ربي ايصبرني عليك والبسي وانتي ساكته
رجاء ؛؛ طارق ما تامرنيش هكي عارفه مانحبش الجو هذا
طارق ؛؛ هيا صكري
رجاء ؛؛ والله سامط باهي
طارق ؛؛ اتحبيه غصبن عنك
رجاء ؛؛ هذه المشكله
خالد ؛ رجاااااااااااء
رجاء ؛؛ خالد اينادي سلام
طارق ؛؛ نجك ليا سلام
رجاء ؛؛ اني جيت هيا
وخشت لحمام ابسرعه توضت واطلعت والبست وصلت وطلعت
خالتي ؛؛ كولي حاجه
رجاء ؛؛ تو ناكل غادي
خالد ؛؛ معاك افلوس
رجاء ؛ معي
اميره ؛؛ ارجيوه هذا دبش دازه عليه ايه لماما
رجاء ؛؛ اكويسه
اميره ؛؛ اها قالت تمام
ونا امقعمزه شفت خالد جاي ومعه رجاء
رجاء ؛؛ وعت
نا ؛؛ اها فتحت اعيونها بس….
رجاء ؛؛ كنها
وخشت ابسرعه ولقتها اتبحت وفمها ماشي علي جنب
وقربت منها وتمت تبكي
ماما كنك حي عليا نا
نا ؛؛ خلاص ماتكثريش عليها
رجاء ؛؛ من امتي وهي هكي
نا ؛؛ امبدري في العشيه كيف صحت
رجاء ؛؛ شافها الدكتور
نا ؛؛ دكتور سراج قال تو انخطم عليها توا
رحاء ؛؛ وينه باهي
نا ؛؛ بشويه هدي خلاص
وايخش علينا سراج بحت فينا ولقنا نبكو ورجاء اكتر مني
سراج ؛؛ السلام عليكم
نا ؛؛ عليك السلام
وبحتت في رجاء لاني تمنيتها ماهي قاعده من كثر النظره الواعره اللي في سراج
رجاء ؛؛ قصدك ماما ح تقعد هكي
سراج ؛؛ بشويه كنك انتي وبعدين الكلام هذا ما تقوليش قدامها
رجاء ؛ باهي شوفها هيا
سراج ؛؛ ها ياحاجه شن امورك
ماما ؛؛ بحتت فينا وبحتت فوق
نا ؛؛ لما شفتها صعب عليها الكلام وجعتني وطلعت بسرعه وتميت نبكي والقيت خالد ومراد امصبين بره
خالد ؛؛ كنها شن في
نا ؛؛ مش قادره تحكي تبي اتقول الحمدالله ماعرفتش تنطقها
خالد؛ بحت فينا ووجعته ونزل راسه لوطه
نا ؛؛ قعدت منسنده علي الساس ونزلت لوطه ونبكي وحطيت ايديا علي وجي
مراد ؛؛ ايبحت فيا وكان خاطره ايجني وايضبطتي وايسكتني بس الكلام كان مازال في وذنه ووجعه
خالد ؛؛ لعند امتي باهي لعند امتي
مراد ؛؛ ان شاءالله ربي ايقومها بسلامه وبعدين هذه الجلطه اكيده تو تبي علاج طبيعي بيش تشفا
نا ؛؛ تي ما كانت اكويس ماكانت اكويسه كلها منها جت واهي خربت علينا اخري
وبحتت في مراد
وهذا كله تبيني نسقبلها كيف نستقبل انسانه كل مالها اتخرب حياتي وحياة خواتي واتمرض في ماما كيف بس قولي كيف حتي ولو مظلومه دارت غلط
مراد ؛؛ تعقد وطلع بسرعه
ونا قعدت امقعمزه ونبكي ونحكي بصوت مخنوق
نا ؛ماما ياخالد ماما المسكينه ماما اللي كل ماتفرح بينا اتصيرلها حاجه ماتمشي عليه سنه الا ماتمرض مرضه شينه واتنكد علينا واتحمل وتسكت
ازوجت بدري وجابت اعيال وترملت بدري اقعدت اتربي في اطفال اصغار كبرتهم ومشاكلهم اكبرت معهم مايمشي عليه عام الا وهي متغصصه منه نين اتقول يانا
وهي اتحمل وتسكت نين وجعت قلبها
استغفرالله استغفرالله ياربي احميها ياربي ياربي احميها
خالد ؛؛ خلاص ياويه اهدي وادعيلها
سراج ؛؛ وهو متعقد
خلاص وانتي تبكي نبي انشوف عملي
رجاء ؛؛ بحتت فيه واستغربت
سراج ؛؛ الافضل تطلعي بره
رجاء ؛؛ برمت وجها وطلعت
سراج ؛؛ شاف ماما وطلع علينا بره
خالد ؛؛ نبي انخش عليها
سراج ؛؛ خش تفضل
نا ؛؛ شن اخبارها
سراج ؛؛ المده هذه ضروري تقعد هنا في المستشفي وبعدين ح تبدا في العلاج الطبيعي
نا ؛ واترد اكويسه
سراج ؛؛ ان شاءالله حسب تجاوبها مع العلاج بس اكيده اللسانها ح ايكون تقيل يعني ماترجو منها تو تحكي بشويه عليها
رجاء ؛؛ به امتي
سراج ؛؛ خلوها اتريح حاليا
وطلع خالد واعيونه ملينات ادوموع ويمسح فيهن وامنزل راسه
خالد ؛؛ هيا ياايه
نا ؛؛ به هيا
ومشين نا وخالد ونحن ساكتين ونمسحو في ادومعنا
سراج ؛؛ مبروك
رجاء ؛؛ بحتت فيها ومشت
سراج ؛؛ اعرفتي اتغيري تو
رجاء ؛؛ مابتش اتعدل عليها ومشت وطلعت لجنينه وتمت تبكي
طارق ؛؛ حبيبي
رجاء ؛؛ رفعت راسها جيت حبيبي
طارق ؛؛ خليت خالد يطلع وجيت
وقعمز جنبها
رجاء ؛؛ مسكت يده وتمت تبكي
ماما معش تحكي وفمها ماشي علي الجنب
طارق ؛؛ ربي يشفيها ان شاءالله وسعي بالك
رجاء ؛؛ تعبت والله تعبت لعند امتي ونحن انتحملو هكي والله مازالنا اصغار علي فقد ساد بابا اللي فاقدينه حتي كلمة بابا مافرحنا فيها كيف الناس تعبت والله تعبت
طارق ؛؛ مسك يدها من بين ايده
حبيبي عرفتني مانحبش انشوفك تبكي
رجاء ؛ نبي نقعد جنبها جوا
طارق ؛؛ هيا تو انخش معاك
رحاء ؛؛ مرات مايخلوكش
طارق ؛؛ مش في غرفه اوحدها
رجاء ؛؛ ايخلوك تطلع واتخش بس ماتقعدش جوا
طارق ؛ باهي تعالي انجربو
وخشت رجاء علي ماما جو ومعها طارق وهو ماسك ايديها
رجاء ؛؛ نجاح اترن
طارق ؛؛ اطلعي ردي
ماما ؛؛ اقعدت تبي تلتفت نظر رجاء شورها
رجاء ؛؛ بحتت في ماما وكانها فرحانه
تبي انقولها اتجيك هنا
ماما ؛؛ رفعت راسها فوق
رجاء ؛؛ ردت وافتحت السيبكر
نعم
نجاح ؛؛ كنك ماترديش
رجاء ؛؛ كنت راقده نبي انعاود عليك مافضيتش
نجاح ؛؛ شن اخبار ماما
رجاء ؛؛ وعت وراهي فاطنه تو
نجاح ؛؛ تحكي جد
رجاء ؛؛ وشكلها تبيك اخري
نجاح ؛؛ جايه تو مسافة طريق بس
رجاء ؛؛ نرجا فيك
الممرضه ؛؛ ياابله غلط قعدتك هنا واتردي علي الفون اخري
رجاء ؛؛ اسفه
وطلعت رجاء ومعها طارق وبعد نص ساعه وجت نجاح فرحانه ودمعتها علي خدها ومعها مجدي وايه بنتها وخشت علي ماما طول
وخشو وراها رجاء و مجدي
نجاح ؛؛ تمت اتبوس في ماما علي راسها وفي ايديها الاثنين ودموعها كيف الشلال علي ماما
سامحيني ياماما سامحيني والله ماكان قصدي سامحيني ياماما سامحيني عارفه روحي اغلطت سامحيني والله مرن علي اصعب سنين بلاكم سامحيني مرايفه عليك ياماما امرايفه خلاص صبي خلني انشوفك ماما زمان هيا ياماما والله واعره عليا انجيك ونلقك هكي واعره بعد هالسنين وانجيك وانشوفك هكي واااعره ياماما واعره
ماما ؛؛ تمت تمسك في يد نجاح وكانها اتوصلها في اريافها
علي خشت علي خويا مروه
وشافو نجاح كيف تبكي واتبوس في ماما
رجاء ؛؛ التفت وشافت علي وهو خاش وجاته تجري ومسكته من يده
علي علي خاطر ماما بس علي خاطر ماما
نجاح؛ ؛ التفت وشافت علي وهو امصبي واعيونه ملينات ادموع وغضب
جاته تجري واضبطته
علي ؛؛ معش عرف يمسك روحه اضبطها وضربها علي ظهرها من لاوره بيده والعبره خنقته
نجاح ؛؛ سامحني سامحني يااعليوه سامحني
مروه ؛؛ تمت تبكي وتمسك في يد علي
ايه ؛؛ تمت اتبحت في امها وتبكي وامسكت في اكراع مجدي
مجدي ؛؛ نزل عليها وشالها وتم ايهدي فيها
نجاح ؛؛ رايفت عليك ياخويا
علي ؛؛ تو جيتي ليش مش من زمان ليش
نجاح ؛؛ ابتعدت منه وبحتت فيه
جيت وانتو اتلزو فيا
علي ؛؛ ماجيتنيش نا ماجيتيش للشقتي
نجاح ؛؛ اضبطته وتمت تبكي اخري
رجاء ؛؛ علي علي شوف ايه بنتها اتهبل صاح
علي ؛؛ بحت في ايه ومجدي وقرب منه
مجدي ؛؛ خير ياعلي
علي ؛؛ مابش ايعبره وخذ ايه منه
مجدي؛؛ انحرج ونزل راسه
مروه ؛؛ اضبطت نجاح وتمت تبكي
وينك وينك رايفت عليكي وعلي ايام الجامعه رايفت عليكي يااحسن صديقه عندي رايفت علي ايامنا
نجاح ؛؛ وووو يامروه يااقرب صديقه عندي
رجاء ؛؛ علي نجاح مروه تعالو بره خلو ماما اتريح
وطلعو كلهم بره وقعدو يحكو كلهم
وطارق ايراقب فيهم من بعيد
مروه ؛؛ انجوحه روحي باتي معنا والله رايفت عليكي
نجاح ؛؛ التفت وبحتت في مجدي
علي ؛؛ ماتبحتيش فيه اتروحي معنا معناها اتروحي معنا له كم سنه واخذك
مجدي ؛؛ مايهمك شيء يا علي بس اهم حاجه اتجني كيف ما خذيتها
علي ؛؛ شن اتخاف عليها اكتر مني
مجدي ؛؛ انت عارف
علي ؛؛ مازالت زي ماانت
مجدي ؛؛ انت اكثر حد عارفني
مروه ؛؛ تحكي بصوت واطي
مازال ايحبك
نجاح ؛؛ زاد اخر
مروه ؛؛ الناس كلها كانت تحسد في حبكم اجمل واكبر قصة حب انشوفها
نجاح ؛؛ الحمدالله هو اللي امصبرني
مروه ؛؛ علي عطينا البنيه اشويه وانت امضبطها
علي ؛؛ باهي هيا خلاص العويل راقدين في السياره
مروه ؛؛ هيا انجوحه
مجدي ؛؛ باهي ودبشك
مروه ؛؛ ماعليك عندي لها دبش مع ان ارق مني ماتسمنيش بكل يافرخه
نجاح ؛؛ ههههههه انتي اللي سامنه مازالتي تاكلي واجد
علي ؛؛ يييييي بكل زادت اخري
نجاح ؛؛ تذكري ايام الكافتيره تاخذي في عرم شكولاطات
مروه ؛؛ كلهن علي حساب خوك
علي ؛؛ قطنتي عندنا في الحوش نين طيحتني
نجاح ؛؛ صح لها حتي هي صاحبتي
رحاء؛؛ والله ماننسي ايام وانتي اتسيبي في رساله تحت افراش
علي ؛؛ تحشمي يافرخه
رجاء؛ ههههههههه ياعيني ولاه شرطان كاظم الساهر
مروه ؛؛؛استر مافي الارض يستركم مافي السماء
نجاح ؛؛ والله ايام ايهبلن ياريتهن ايردن
رجاء ؛؛ والله ونا نقعد طفله
مروه ؛؛ انتي اس يامتعت………
علي ؛؛ صبي وطلع وشايل ايه ومشي وراه مجدي
رجاء ؛؛ كملي
مروه ؛؛ يااطروقه انتي شفته بره
رجاء ؛؛ علي شافه
مروه ؛؛ ﻻﻻﻻ اطمني هيا تو علي ادير شطحه
نجاح ؛؛ هيا
وطلعن نجاح ومروه وتقبلن هن وطارق
مروه ؛؛ اخبطت جنب نجاح وشيرت عليه
نجاح ؛؛ هههههه
طارق شن اخبارك
طارق ؛؛ تمام الحمدالله
ومشي بسرعه
مروه ؛؛ عرفتيه طول
نجاح ؛؛ اهاااا شفت امس بس طرف
مروه ؛؛ كان اتشوفي خوه مراد حاجه اوحدها هو
نجاح ؛؛ اهااااا ماشاءالله شخصية اتجننننننننن
مروه ؛؛ هيييييييييي نجاح فطنتي لحاجه
نجاح ؛؛ شن
مروه ؛؛ مازالنا انبحتو في الرجاله ونحكو عليهم وكأن مش متزوجات
نجاح ؛؛ هههههههههههههههههه هذين نحن ماتبنش بكل
علي ؛؛ اركبن هيا وانتن تضحكن
نجاح ؛؛ مجدي هيا معنا
مجدي ؛؛ ﻻﻻﻻ عدي وخلي بينتنا فون واي حاجه كلميني
نجاح ؛؛ بكره تاخذني
مجدي ؛؛ خوذي راحتك
نجاح ؛؛ سلام
وركبت نجاح ومشت مع عيت علي للشقه واسهرن هي مروه ويذكرن في ايامتهن مروه كانت اقرب شخصيه لنجاح كانت صحبتها موت وماتحركش منا في الحوش نين دارت علاقه مع علي وخذها
……………………..
خالتي فاطمه؛؛ حي عليا نا حي عليا يا طيحت السعد جيتني هنا وماده وجك
اميره ؛؛ خالتي افتحي حرام عليك تعبانه هي واعيالها يبكو
خالتي فاطمه؛؛ جيتني هنا وماده وجك راجلك وبات اعيالك تطلعي واتسيبه ياهبله بدال ما اتحلي الموضوع لمه دبشك وجايه تبي تقتلي امك انتي ولا شنو
نا ؛ ونا امقعمزه في تركينه ونبكي
هو اللي لزني مش نا طلعت من راسي
خالتي فاطمه؛؛ تمشي وتقعدي في الحوش انتي عندك عيلين والحوش من حقك تمشي وتقعمزي قدام وجه ولو هو مايبيكش يطلع من الحوش مش انتي ياهبله تبي تقتلي امك لما دبشك وجايه هنا عدي اقعدي قدام وجه نين يرضي وايرضيك
نا ؛ والله هو اللي طلعني وقالي وتي دبشك تبيني نقعد في الحوش مش بارده نا
خالتي فاطمه ؛؛ وانتي عاد سميعه مطيعه ياهبله بدال ماتهدي النفوس لا لميتي وطلعتي واخري ماشيه للمستشفي وكانك مش مرات راجل طالعه اتهزي في راسك
نا ؛؛ شافني وقعد ايراقب فيا نين تاكد اني روحت
خالتي فاطمه؛؛ ايحبك ايحبك ياهبله وكان ما ايحبكش راه مازعلش منك و ما قعدش ايراقب فيك ياهبله ديمه هكي انتي هبله ودوريشه
اميره ؛؛ ياخالتي العويل يبكو افتحي خليهم ايشوفو امهم يسمعو في حسا انفجعو المساكين
خالتي فاطمه؛؛ تي والله كان مانك مرات راجل وعندك اعيال راه ضربتك ياهبله ياغبيه راجلك ماتنزليش عليه انسيتي شن دار علشان خاطرك امعيشك في احلي معيشه امرفع راسك فوق
دايرلك شان وكان
والحوش اللي قاعده فيه ماملي متمنيته ايكرلك في الدبش والذهب اعيالك يلبسو في احسن لبس حوشك امعبي تعبي خير
ماعمرش بخل عليك سواء من حب ولاه حنيه ولاه فلوس وانتي تذكري في ماضيك يامعفنه نا امغير سكتت لاني مانبيش مشاكل قدام الناس قالت
تو لما روحو العرب ونتفاهم معها
نا ؛؛ نا ماغلطتش
خالتي فاطمه؛؛ لا غلطتي لما تقعدي اتفكري في غير راجلك هذا اكبر غلط
نا ؛؛ تميت انخبط في وجي ونبكي
والله ما انفكر في غيره والله مانفكر في غيره والله نا قهرتني نجاح بكلامها تبي ادير روحها ان هي الوحيده اللي انظلمت حتي نحن انظلمنا راه هي علي الاقل عاشت مع انسان ايحبها ومعززه ومكرمه معه وخذت شهادتها ومشت وعاشت في طرابلس تطلع واتخش براحتها
مش نحن عشنا محبوسات في الحوش و عيشات مع عادل بذل والهانه وانتي اكتر وحده شاهده علي حياتنا كيف كانت بلا كرامه وذل واهانه وقهاير ومعيشه سوده
خالتي فاطمه ؛؛ باهي كنتي دافعي علي روحك وماتطلعيش من الحوش انتي عارفتيه حنون كنتي تقعدي قدام وجه نين ترضو كنتي اتقولي انت اللي اطلع هذا حوش اعيالي ومن حقك مش اتلمي دبشك واتجي ياهبله تو تو رني عليه وروحي
نا ؛؛ ﻻﻻﻻﻻ مانبيش انرن عارفته مش ح ايرد
خالتي فاطمه؛؛ تي رني يا معفنه
نا ؛؛ تي عارفته مش ح ايرد
خالتي فاطمه؛؛ ماتفكريش انتي وياه انكم تطلقو ماسكتلكم الا واجد امك قاعده مريضه بدال ماتهدو وادرو علي خاطره لا اديرو في مشكال بيش تجلطوها اخري واتجيبو نهايتها
امل ؛؛ خالتي خالتي افتحي حس عادل جا
خالتي فاطمه؛؛ فيش اطلعو اقعدي هنا نلقك طالعه بره حوش نهارك يا ايه معش في خالتي فاطمه اللي هاديه واحنينه هذا ما ناقصني اتجيني امطلقه تبو اتجيبو اخرت امك انتي
افتحت الباب وطلعت وخشت اميره وامل والاعيال يجارو عليا وهم كانو يبكو اضبطتهم وتميت نبكي
اميره ؛؛ تبي اترني عليه
نا ؛؛ ﻻﻻﻻ
اميره ؛؛ ليش كنك
نا ؛؛ هو لزني هو اللي طلعني وكان يبني ايجني وامبدري شافني نبكي ما بش يحكي معي ايراقب فيا من بعيد بعدها روح
امل ؛؛ بس ايحبك ياويه كان مايحبكش راه مازعلش منك راه ماجش وقعد يراقب فيك تي ايحبك ياهمي السود
نا ؛؛ ونا انموت فيه موت بس شن اندير اذ كان هو اللي طلعني مش نا طلعت اوحدي
امل ؛؛ خالد امبدري حكلي وقالي شكلها ايه زعلانه
اميره ؛؛ ونا اللي قالتها لخالتي فاطمه قالت بالكي اتكلمه
نا ؛؛ مستحيل مراد ايخليها تتدخل مراد مايبحش حد يدخل في حياته
امل ؛؛ ايمان روحت صاح
اميره ؛؛ اهااا روحت قالتلها روحي اقري وامشي لجامعتك ماما وكان تطلع وتلقن كيف مانحن تزعل
امل ؛؛ وليد وينه
اميره ؛؛ ما هو اللي روح بخالتي ودعاء
و تو ايجي ايبات هنا
نا ؛؛ انحس في راسي صداع وتعبانه انغير للعويل ونبي نرقد
اميره ؛؛ ويه كولي حاجه
نا ؛؛ ماعنديش نيه في حاجه نبي نرقد بس
وصبيت وغيرت للعويل ودرتلهم امحلبيه ونا اوكل فيهم اتخش عليا خالتي فاطمه
خالتي فاطمه؛؛ نلقاك بكره طالعه نهارك انتي مرات راجل وماتطلعيش مع غيره وامك ساهله تو نمشيلها نا مادريهش سبله انا قالت ياايه ماتطلعيش وماتزيدش الطين بله
اميره ؛؛ ﻻﻻ مش ح تطلع ماعليك
خالتي فاطمه؛؛ تصبحن علي الخير
نا و اميره ؛؛ وانتي من اهله
وطلعت خالتي وامل ركبت لشقتها وفضي الحوش عليا نا واميره
نا ؛ اميره فرشي لكي انتي و وليد مع بعضكم وفكيني من الجو الشين راجلك هذا
اميره ؛؛ وانتي
نا ؛ عارفه راسي امصدع بكل فاتحه اعيوني بالغصب علي خاطرهم وتو انخش نرقد طول امغير هم ايحبو يلعبو بشعري قبل مايرقدو
اميره ؛؛ نجيهم
وكلتهم وكملت ومشيت فرشت وسكرت الدار وخليتهم يلعبو جنبي وطلعت فوني وتميت انتفرج علي فوني جاني ارحيمه وبحت في فوني
ارحيمه ؛؛ بابا
نا ؛؛ نجك ليا اهاااا بابا يااعيوني انت
واضبطتهم ونبكي ونمسح في ادموعي نين دخت ورقدت
اوعيت تاني يوم علي صوت اميره
اميره ؛؛ كنك طولتي غريبه
نا ؛؛ ساعه كم
اميره ؛؛ 12 ونص تو
نا ؛؛ وووو طولت
ونطيت وفتحت اعيوني وينهم
اميره ؛؛ قاعدين علي تي في ماعليك فطرتهم وغيرتلهم
نا ؛؛ وليد وين
اميره ؛؛ وليد في عمله من الصبح عدي حتي هو فطرته وعودت رقدت بعدين اوعيت علي صوت بيده جيته وخذيته هو وارحيمه وانتي ما فطنتيله بكل
نا ؛؛ عارفه انحس في جسمي متكسر بكل وامصدعه وراسي يبرم وماعنديش نيه في حاجه خاطي النوم
اميره؛ ؛ باهي تريحي اكيده من تعب الامس
وطلعت اميره واقعدت مع العويل وانزلت عليها امل
اميره ؛؛ نوم
امل ؛؛ اها انطول في الصبح نوعي علي قصاد الغداء انديره وايجي خالد ومرات ننزل لوطه لاني في الليل نقرا نا
اميره ؛؛ خطرها تمشي اليوم للمعهد
امل ؛؛ والله ماعندي نيه وخالد مش فاضي انقوله شيلني وجيبني
اميره ؛؛ ﻻﻻ يااملوه اقري خلاص شدي حيلك السنه بيش اتنجحي وتفتكي واتحطي راسك
امل ؛؛ ان شاءالله خير بالكي بكره نمشي الا اليوم ماحتي حتي رجاء
اميره ؛؛ اهااااا اكيده اقريب اتخش هي
امل ؛؛ اهااااا شن دايره الغداء
اميره ؛؛ القيت لحم درت رز امبوخ
امل ؛؛ اندير السلاطه
اميره ؛؛ ﻻﻻ ماعليك امغير ابرميلي علي الحوش لان جسمي متكسر يالله قعدت علي العويل بس
امل ؛؛ باااهي
اميره نسالك الحمل واعر
اميره ؛؛ بس حلو
امل ؛؛ عقبالي
اميره ؛؛ ان شاءالله مادرتي شيء
امل ؛؛ لا الايام اللي فاتن لما مرضت مشيت للدكتوره قالتلي مافيكي شيء مسالت وقت بس وعامل نفسي وقالتلي مازالتي عروس ليش مستعجله
اميره ؛؛ خالد يبي
امل ؛؛ اهاااا اكيده في راجل مايبيش بس هو صابر وساكت قالي احسن لكي بيش اتخرجي واتقعمزي عليهم خير ماتمشي للمعهد وبطنك قدامك وتتعبي واتعبيهم
اميره ؛؛ عسي ان تكرهو شيء وهو خير لكم
امل ؛؛ الحمدالله علي كل حال
ومشت امل وتمت اتحوس وتبرم علي الحوش واميره علي الغداء والعويل ونا راقده ومانندري علي الدنيا تعب نفسي علي جسدي هو اللي خلني نرقد بدون مانحس بالوقت
جت ساعه 2 وجا وقت الغداء وروحت رجاء ولقتني مازالت راقده
غيرت دبشها وتوضت وصلت وطلعت وخشت علي اميره وامل وهن ايحطن في الغداء
رحاء ؛؛ ايه كنها راقده
اميره ؛؛ بايته هنا ايه
رجاء ؛؛ سمحه هذه ومراد
اميره ؛؛ متعاركين
رحاء ؛؛ ليش
اميره ؛؛ ……….
رحاء ؛؛ ﻻﻻﻻﻻ ان شاءالله ايردو المشكله مراد مايحبش حد يدخل في حياته بس تو انكلم طارق ايشوفه
اميره ؛؛ تو ايجيها مراد ايحبها وما يستغنش عنها عارفته من زمان يا بال تو داير منها اعيال
رجاء ؛؛ ان شاءالله خير
هي حطي الغداء نبي نرقد بيش في الليل نقرا
اميره ؛؛ ماتبيش تمشي لماما
رجاء ؛؛ في الليل نجاح عندها قالت نا ماعندي شيء
حي حي امس ماعرفتيش شن صار ياحنه علي جا وشافها و ………
اميره ؛؛ الحمدالله باهي تمام مازال عادل
رجاء ؛؛ علي قال تو نحكيله واتخشي الحوش غصبن عنه هي تو قاعده مع ماما وايه بنتها عند مروه
اميره ؛؛ الحمدالله هيا هيا الغداء خلاص امشي وعي ايه
امل ؛؛ تو نمشي انوعيها نا
ويه ويه هيا حبيبتي سادك نوم
نا؛؛ امل وطفي الضيء واطلعي وصكري الدار راسي اقريب ايتفجر
امل ؛؛ معقوله صبي كولي حاجه
نا ؛؛ امل وراسي تطلعي خلاص مش متحمله الضيء نا
امل ؛ باهي براحتك
ومديت يدي وخذيت فوني وشفت الساعه والقيتها 2 ونص استغربت نومتي ورديت حطيت البطنيه وعدوت رقدت
خشو عليا العويل بيش يرقدو جنبي
وخشت رجاء للدار ولقتني راقده حكت مع طارق اشويه وقالتله علي موضوعنا
طارق؛؛ ان شاءالله خير خطرها امي جيتكم اليوم
رجاء ؛؛ وتو اتقول فيها
طارق ؛؛ تي تو لما روحت تغديت وقالتها ليا
رجاء ؛؛ به حبيبي خلي جيتهم بعد المغرب بيش انكون نا راقده وشابعه نوم
طارق ؛؛ باهي خلاص
رجاء ؛؛ انحبك
طارق ؛؛ والله نا اللي انحبك اكتر
رجاء ؛؛ سلام
وصكرت رجاء وتنهدت تنهيده طويييييييله وحبت الفون وحطته جنبها ورقدت
وعلي المغرب جت عمتي وهدي والهام هدرزت وحكيت معهن وكأن ما في شيء مع ان كان باين عليا النكد في وجي
وكانن حتي خالاتي قاعدات
وروحن وتاني يوم نفس الروتين نا راقده طول الوقت وماناكلش واجد يا نبكي ياراقده تنكدت من كل تركينه من جهة ماما ومن جهة مراد ومن جهة نجاح
وفي العشيه يمشن رجاء وامل للمعهد وايمان اتجينا في العشيه لان في الصبح جامعه وفي الليل تقرا ولان احمد مايحبش اطلعو واجد ولان بنتها اصغيره والجو امصقع
اميره في الليل اتروح واتجي من الصبح تقعدي معنا وامل تنزل علينا
وفي القيله يمشن البنات يبرمن علي ماما
ماعاد نا مانمشيش لان خالتي فاطمه احلفت عليا يالله اقدرت نمشي مره وحده ولان حتي اني مريضه
وقعدن روتينا هكي 5 ايام نفس الجو نجاح هي اللي قعدت مع ماما في المستشفي وعادل معش با يمشي للمستشفي بيش مايشوفهش وعلي وخالد وخالي يحكو ويقنعو فيه
ماما وضعها قعد في تحسن بس يدها انشلت وفمها ماشي علي الجنب ودوبها اطلع الكلمه
والحمدلله علي كل حال
وعلي المغرب ونا امقعمزه في دار معيشه ومعي العويل
اميره؛؛ ويه ويه مراد بره راه
نا ؛؛ حسيت وكانه في حاجه رفعت قلبي من مكانه
صاااح
ارحيمه وبيده اعرفو اسم مراد واطلعو بسرعه
نا ؛؛ تعالو هنا صقع
وجت عيني في عينه وخنقتني العبره لاني كنت امرايفه عليه واااااااجد بس ما قدرتش انرن عليه لاني عارفه لو انرن مش ح ايرد
مراد ؛؛ بحت فيا ورفعهم وشالهم
نا ؛؛ تفضل خش
مراد ؛؛ خش ومابش يحكي معي وقعمز وحط العويل علي كرعيه
نا ؛؛ مشيت درت قهوه وجبتها وجيت قعمزت
مراد ؛؛ كنه وجك هكي
نا ؛؛ كنه
مراد ؛؛ مريضه
نا ؛؛ لا عادي بالعكس نرقد واجد
مراد ؛؛ نا مش قالت ماتحكيش لحد مشاكلنا
نا ؛؛ ما قالتش هلي هم اللي اعرفو لان استغربو جيتي بالشناطي ليش في حد امكلمك
مراد ؛؛ يعني انتي مش عارفه
نا ؛؛ نزلت راسي و نمسح في دمعتي
مراد ؛؛ نا جاي نبي نطمن علي العويل وانشوف شن اللي ناقصتهم
نا ؛؛ وكأن موس خش في قلبي واطعنه
نحكي بصوت مخنوق ومتقطع من العبره المخنوقه وامنزله راسي
ﻻﻻ اكويسين الحمدالله
مراد ؛؛ به انتي عندك افلوس
نا ؛؛ اهاااا عندي الحمد الله
مراد ؛؛ مد يده وخذا الفنجال وشرب القهوه
وجك مش عاجبني راه وناقصه
نا ؛؛ ﻻ عادي امغير منشغله علي ماما وعقلي عندها
مراد ؛؛ كنك معش اتجي للمستشفي
نا ؛؛ خالتي مابتش اتخلني
مراد ؛؛ ليش
نا ؛؛؛ ما انت
مراد ؛؛ كني نا
نا ؛؛ قالتلي فيش اطلعو بلا راجلك
مراد ؛؛ ما قالتلكش احترامي راجلك وصونيه
نا ؛؛ خنقتني العبره وسكتت
مراد ؛؛ اهن افلوس مرات تحتاجي حاجه وجايب حاجات للحوش وللعويل في السياره
نا ؛؛ شكرا عندي نا
مراد ؛؛ للعويل هذين
نا ؛؛ حاضر
ومدهن ليا ونا خذيتهن
وخشت علينا رجاء
رجاء ؛ اهلا مراد شن اخبارك
مراد ؛؛ تمام الحمدالله شن جوك
رجاء ؛؛اكويسه الحمدالله
مراد ؛؛ هذه تروحيتك من المعهد
رجاء ؛؛ اهااااااا شفت التعب
نستاذنكم
مراد ؛؛ ميه يا رجاء
نا ؛؛ تو انجيب
وصبيت بسرعه وجبتله ميه وعطيته
مراد ؛؛ ايبحت فيا وخذ ميه وحط يده التانيه علي وسطي
نا ؛؛ بحتت فيه مستغربه
مراد ؛؛ ناقصه واااجد
نا ؛؛ وخرت منه مع ان كان خاطري نقعد اقريبه منه
مراد ؛؛ شرب ميه
وحط الطاسه وصبا ومسك فيه ارحيمه رفعه فوق وباسه
وبحت فيا
تعالي خوذي الحاجات
نا ؛؛ حاضر
نزل ارحيمه وطلع وطلعنا كلنا وراه وتما ايخشش في الاكياس
مراد ؛؛ اي حاجه تنقصك كلمي
نا ؛؛ شكرا
مراد ؛؛ طلع و كر الباب وسكره وراه
ونا تميت انشيل في الاكياس جتني رجاء واميره تمن ايساعدن فيا
كان جايب خضره ولحم ومصروف الفطور وحليب وعصير وبشكوط وكيكات وقطن للعويل وحليب وزبادي وخشينا
اميره ؛؛ ماقالك شيء
نا ؛؛ لا عطني افلوس وقالي اللي اي حاجه تنقصك كلميني
اميره ؛؛ يعني مايبيكش اتردي
نا ؛ خنقتني العبره واعيوني دمعن
ﻻﻻ ماقاليش نا قالتها من الاول هو شكله عابي عليها خلاص
رجاء ؛؛ ويه شوفي شن جايب
نا ؛؛ بحتت فيها بالاستغراب
شن
رجاء ؛؛ كبده هذه مليون بالمئه لكي عارفك مدمنة كبده
نا ؛؛ انقهرت وخشيت ابسرعه للدار وتميت نبكي
شن يعني يبي ايوصلي ان هو مازال مهتم بيا تي كان مهتم بيا راه قالي هيا معي روحي مش ايخلني نا والعيال ابعاد عنه
وجعتني روحي اللي فقدت راجلي وحوشي وجوعني اعيالي اللي فقدو حوشهم واستقرارهم وبوهم
خشت عليا رجاء واميره
رجاء ؛ والله ايحبك باهي
نا ؛؛ ليش ماقالي هيا
رجاء ؛؛ اصبري عليه خليه براحته تو
نا ؛؛ به بس مش علي مزاجه
اميره؛؛ لا علي مزاجعه لانك زعلتيه وتحملي زعلاه هذا راجلك وحبيبك واب اعيالك اصبري عليه راه زعلان
واتخش امل
امل ؛؛ من اللي جايب هذا كله
رجاء ؛؛ مراد
وغمزتلهن رجاء واطلعن وخلني ونا قعدت نبكي بالعبره
حسيت بالدوخه ورقدت
وعينا تاني يوم علي هرجة جيت خالي وخالتي فاطمه وعلي ومروه جيبن ماما من المستشفي جايه وجايه معها نجاح
طلعنا نجارو نسلمو علي ماما ونبكو ونا جت عيني في عين نجاح معش عرفت مانصرف اجمدت والدموع من عيني ينزلن
وفجاء جتني واضبطتني بدون مانحس بروحي القيت روحي نضبط فيها زين ونبكي
نجاح ؛؛ نجك لياااااااااااا نجك ليااااااااا نجك لياااااااااااا رايفت عليك رايفت كبرتي يااكبيده اكبرتي يااكبيدتي اكبرتي ياويه يااكبيدة الغالي اكبرتي والله نحلم بيك كل يوم ماخليتني في حالي من اريافي عليك
نا ؛؛ نبكي ومنهاره ونضبط فيها زيييييييييين بدون مانحس بروحي ماعرفتش نمسك روحي عليها امرايفه امرايفه عليها برغم اي شيء دارته انحبها وامرايفه عليها
اميره ؛؛ خلاص ويه نجاح خلاص ارحمن اروحكن
وفكتن من بعضنا وحبتني نجاح علي خدي ونا طول اضبطتها اخري وتميت نبكي ومنهاره وكاني انفش غلي كله بتضبيط لها وبكي
وايخش علينا عادل ويلقي نجاح تبكي وتضبط فينا وبنتها ماسكه فيها
عادل ؛؛ ………….
يتبع