مسلسل سعاده كاذبه الجزء الاخير
مسلسل سعاده كاذبه
الحلقه 81
طارق؛ ؛ انتي ليش ماتبيش الفرح تو ليش اقنعني بس عطني سبب مقنع بتاتك واتي قرايتك اتكوني امكمله خلاص ليش بس كنك انتي خلتني نرجاك سنتين وبعدين تقولي مانبيش الفرح تو احكي اقنعني
رجاء ؛؛ والعبره خنقتها
حبيبي نا نبيه اليوم مش بكره بس ظروف الحوش مايسمحنش بكل اني انطلع الفرح والله ماما مريضه اميره موعدها اقريب ايه والهم حرجانه واحتمال كبير تطلق من خوك كيف تبني انطلع
طارق ؛؛ نحن مادخلنش بحد ومن زمان قالتلك مهما ايصير بين ايه ومراد مادخلنش ولا دخل هلي المشاكل بينتهم هما
رجاء ؛؛ بصوت مخنوق
حبيبي كل ما نطلع نشري حاجه انحس في فرحتي ناقصه لاني انروح وانشوف ايه كيف خاطرها مكسور ودمعتها في عينها توجعني نا نفرح ونضحك وهي تبكي وخاطرها مكسور وجعتني
طارق ؛؛ باهي معاك بس لعند امتي المفروض نحن انديرو حل وانربطو العائله اخري بيش ايحنو وايردو مش انوخرو في الموعد
رجاء ؛؛ حبيبي عندي راي انجلو فرحنا بعد رمضان لان اميره وايه ايكونن جيبات وردتهن صحتهن ومرات اتكون ايه راده للمراد خلاص راه اميره هذا شهرها وايه بعدها بشهرين بعدها امتحاناتي وانتريح وبعدها شهر رمضان وانصيم الشهر هذا هنا عند ماما هذا اخري شهر انصيمه معها نا نبي نقعد بس علشان خاطر ماما وايه والله ايه راه خاطرها مكسور
طارق ؛؛ وبه كان مراد طلق ايه بعد الولاده شن ايصير
رجاء ؛؛ مستحيل انخيله ايطلقها قبل فرحي نبيها اتكون متريحه اشويه مش امنكده في فرحي
طارق ؛؛ رجاء نا بكره ح نمشي للصاله وانحجز في موعد بعد رمضان طول وهذا اخر موعد للفرح نا شقتي كامله واي حاجه للفرح شيرتها وانتي كذلك ليش انجلو اكتر من هكي مش اكويس راه
رجاء ؛؛ حاضر حبيبي انحبك
طارق ؛؛ كذابه
رجاء ؛؛ انحبك والله انحبك والله انحبك
طارق ؛؛ نبي انشوفك
رجاء ؛؛ كيف
طارق ؛؛ شوفي من امتي ما شافتك وحتي لما انشوفك انشوفك من بعيد ليا زمان علي حاجات
رجاء ؛؛ هههه بعد رمضان تاخذ راحتك
طارق ؛؛ بحتي ساعه كم تو
رجاء ؛؛ ساعه 2 وربع كنك
طارق ؛؛ الحوش كله راقد صاح
رجاء ؛؛ شن قصدك
طارق ؛؛ صقع صاح اوكي اوكي سلام
وصكر في وجها
رجاء ؛؛ حي عليا هذا شن يبي ايدير
طلعت رجاء من دارها ولقتني شايله بيده وقاعده به في الصاله
كنك واعيه
نا ؛؛ بيده مريض كل ما انحطه علي الارض يبكي يبني نمسك
رجاء ؛؛ لاباس ياحبيبي خالتو انت
نا ؛؛ اليوم فتيه وخشيتي بدري للدارك
رجاء ؛؛ نحكي نا وطارق في موعد هالفرح
نا ؛؛ ماشاءالله امتي
رجاء ؛؛ بعد رمضان
نا ؛ ليش زمان ايقولك اسبوع بعد امتحاناتك
رجاء ؛؛ ﻻﻻ فكرت بعد الامتحانات لتكونن انتي واميره جيبات واتعانن ونا نبيكن اتكونن نشطات في فرحي واعيالكن ناشطين اشويه نا ماعندي غيركن ونبي انصيم مع ماما اخر رمضان هذا ونا معها
نا ؛؛ كريتها واضبطتها وتمت تبكي اخري
يامتعت طارق ما تحبيه انتي واتموت فيه وكل حاجه اتشري فيه علي ذوقه وهو عندك اهم حاجه
رجاء ؛؛ انحبه وخاطري انكون معه بس حسيتها صعبه نطلع وانسيب ماما انسيب الحوش اللي اتربيت فيه اللي عشت فيه اجمل ايام حياتي اللي ضحكت فيه اول ضحكه واول بكيه واول عيطه واول مشيه والاهم اللي فيه عشت مع احلي خوات بكينا وضحكنا ورقدنا وتعاركنا وقعدنا نسحبو منه وحده وراء وحده
نا ؛؛ والله ع قعد ما تو تبكي علشان طالعه منه علي قد ما ايعز عليك الحوش التاني اللي فيه حبيبك وحياتك واستقرارك والله ما اتحسي روحك استقيرتي صح الا لما اتكوني مسؤال علي حوش وراجل واوليدك و ح اتحبي الحوش هذاك شوفني نا انتمن اني انرده حوشي كياني مملكتي حياتي الخاصه والله خاطري انرده وانكون فيه
رجاء ؛؛ وليش ما ترديه
نا ؛؛ لاني حصلت الهانه والتزيت منه وانكرهت كيف تبني انرد للشخص شاك فيا ومش معطني فرصه اندافع علي روحي هاني ضربني لزني حتي لما ايجي يبي ايردني انحس فيها مش من قلبه الرده بس يبي ايردني لان اكتشف اني مش ح نطلق تو الا لما انجيب يعني شهور يمشن عليه ونا علي ذمته ومش جنبه وصعبه علي مراد مراه علي ذمته ومش جنبه عنده ايطلقها ولا اتكون علي ذمته و حرجانه
رجاء ؛؛ به افتحي فونك بالكي ايرن
نا ؛؛ قعد شهور ومارن يبي ايرن تو وبعدين نا نبيش نفتح لاني خايفه منه الحق خايفه
رجاء ؛؛ مراد طيب وحنون
نا ؛؛ وعصبي
رجاء ؛؛ طارق ايرن
نا ؛؛ عدي ردي
رجاء ؛ به خشي انتي ارقدي صقع هنا
نا ؛؛ تو انخش امغير بيده ايخش في نوم عميق بس
رجاء؛؛ به
وخشت رجاء للدار وردت عليه
نعم حبيبي
طارق ؛؛ تعالي للباب الكبير وافتحي الشارع فاضي
رجاء ؛؛ هيييييييييي من جدك انت
طارق ؛؛ راه نزقب افتحي احسن الشارع فاضي
رجاء ؛ ﻻﻻﻻﻻ ما نيش طالعه انت تبي اديرلي جنايه
طارق ؛؛ اتخافي منه انا اطلعي طفي ضيء الجنان قبل واطلعي
رجاء ؛؛ وكان ماسكنا حد
طارق ؛؛ مستحيل نا اموقف السياره في شارع تاني وليا كم في شارعكم والناس امرقده
رجاء ؛؛ هييييييي ان شاءالله بره انت تي مطر ياهبل
طارق ؛؛ خلاص راه تعبيت تعالي افتحي
رجاء ؛؛ والله هبل باهي
وطلعت رجاء من الدار وطفت ضيء الجنان وفتحت الباب المطبخ بشويه بشويه وطلعت وهي تمشي علي اعصابها وافتحت الباب ولقتها قدامها طارق وامعبي ميه
طارق ؛؛ خش بسرعه وسكر الباب بشويه واضبطها
امرايف عليك ياحبيبي امرايف
رجاء ؛؛ بصوت واطي وخايفه
حبيبي تو يطلع علينا عاجل ولاه خالد
طارق ؛؛ التفت ولقي باب المخزن وباب المطبخ الخارجي في الجنان
تعالي هنا وكرها وحا شور المخزن وافتحه بشويه وخش وايكر في رجاء وراه خشو وصمر الباب
رجاء ؛؛ تمت تبكي وترعش
تو يمسكنو
طارق ؛؛ ﻻﻻ امغير اسكتي بس والله امرايف عليك ياشينه شوفي من امتي ما شفتك هكي اقريبه مني
وكرها بقوه واضبطها ونزل عليها وباسها علي خدها
رجاء ؛؛ اضعفت بين ايديه وتمت ترعش علشان دبشها تعب ميع م طارق وصقعت
طارق؛؛ شن الشيانه هذه كم حاجه انتي لابسه
رجاء ؛؛ ههههه عرم امصقعه نا
طارق ؛؛ تو كان نفتح السوس هذه مانلقي شيء
رجاء ؛ حول غادي تفتح عينك
ودفاته بقوه
طارق ؛؛ دفها علي الساس بقوه وجا قدامها
تو من شن خايفه مانك متعوده اتكوني جنبي
رجاء ؛؛ لان المكان ما يطمنش
طارق ؛؛ مابش ايعدل عليها ونزل عليها وتما ايبوس فيها وايشد فيها بقوه بين ايديه
رجاء ؛؛ معش اقدرت اتقاوم طارق اضعفت ولان كانت هي بروحها امرايفه عليه
طارق ؛؛ مسكها واضبطها بقوه ومش قعمز علي الكرسي وحطها علي كرعيه وحول مساكت شعرها
رجاء ؛؛ مانعرفش انقولك لا
طارق ؛؛ لانك اتحبني وعارفتني انحبك اكتر منك
رحاء ؛؛ رايح سامن
طارق ؛؛ هههههه من الراحه حبيبي ليا واقريب ايكون في شقتي وياما اندير فيه بعدها
رجاء ؛؛ حطت راسها علي كتفه بدرجة وجها جا عند ارقبت طارق
طارق ؛؛ احسن حاجه عندي اتكوني هكي اقرببه مني
رجاء ؛؛ والله حتي نا عندي نقعد هنا في حضنك بدنيا ومافيها
طارق ؛؛ اها واضح بدرجة اجلتي الفرح لبعد رمضان
رجاء ؛؛ رفعت راسها وحباته علي لحيته
بيش انطولو ونحن مع بعضنا ونطلعو انسافرو بس كان انطلعو قبل رمضان مش ح نطولو يالله شهر وايجي رمضان بس نبيه بعد رمضان بيش انسافرو وانطولو ونحن عرسان
طارق ؛؛ حبها علي اخشيمها
نجيها اللي تعرف كيف اتهدني واتسكتني واتخلني نرضي تو انقلب الكلام
رجاء ؛ ههههههه راه نبي انسافر مادخلنيش
طارق ؛؛ وين
رجاء ؛؛ تركيا
طارق ؛؛ ﻻﻻﻻ في الشتاء نمشولها احسن
رجاء ؛؛ به وين
طارق ؛؛ اختاري
رجاء ؛؛ شرم الشيخ
طارق :؛ اووووو غادي اجانب نلقهن علي الشط احسن جو به تمام
رجاء ؛؛ ضربته علي صدره بيدها
ياسامط راه خيرلك نهارك بعدها
طارق ؛ باهي ها وين
رجاء ؛؛ صومال ههههههههههه
طارق ؛؛ هههههههههه تي ان شاءالله نمشي للوين ما حد مل عيني الاانتي ياهبله باعمري ياحياتي والله ماعرف يملك قلبي كيفك يا فرختي
رجاء ؛؛ هههههه خلاص اطلع وقت
طارق ؛؛ باهي بس …..
ورفع حاجبه وبحت فيها
رجاء ؛؛ اضبطته وباسته علي الحيه وعلي …..
اكيده صقعت حبيبي
طارق ؛؛ هنا في حضنك ماحسيتش بالعكس انحس في روحي ساخن
رجاء ؛؛ تي الزكمه شكلها جايتك في الطريق
طارق ؛؛ يييييي ماانحبها بكل يالله خلاص خلني انروح انغير دبشي
رجاء ؛ هيا
طارق ؛؛ مسكها بقوه ورفعها وصب ونزلها ونزل وباسها علي راسها
هيا امشي خشي جو قبل
رجاء ؛؛ سكر المخزن راه يفطنو
طارق ؛؛ ماعليك مهما ايصير خليكي جو في دارك
رجاء ؛؛ حاضر
طارق ؛؛ نجك ليا ياغلاي
رجاء ؛؛ برمت جوها ومشت
طارق ؛؛ مشي ورها وكرها من لاوره شوره
رجاء ؛؛ ههههه ياهبل
طارق ؛؛ بيش تعرفي اني امرايف عليك وانتي تحرمي فيا منك
رجاء؛؛ والله بعد رمضان نقعد هكي وجي في وجك نين اتمل مني
طارق ؛؛ مستحيل
رجاء ؛؛ هيا اطلقني
طارق ؛ امشي بشويه راه يفطنك حد
رجاء ؛؛ باهي
وطلعت رجاء من المخزن ومشت بشويه شور باب المطبخ وخشت ولقتني امصبيه
بسم الله الرحمن الرحيم فجعتني
نا ؛؛ من جدك انتي
رجاء ؛؛ فكيني من جو ماما
نا ؛؛ تو تخيلي حد امسكك
رجاء ؛؛ شفت الجو قبل ما نطلع وبعدين كان يبي يعطني حاحه بس
نا ؛؛ رجاء فكك من مواضيع هذين راه مش كل مره تسلم الجره
رجاء ؛؛ عارفه بس شن اندير اذ هو هكي مجنون وامجنني وراه
نا ؛؛ تو ايجيب اخرتك ياهبله
رجاء ؛؛ هههه ماعليك ياعمري
وخشت وخطمت من جنبي
نا ؛؛ طول شميت بنت دخان غمضت اعيوني والعبره خنقتني
رجاء ؛؛ نبي انغير دبشي تعبي ميه من المطر
نا ؛؛ وبنت دخانه فضحتك
رجاء ؛؛ التفت عليا ولقت دمعه نازله
نا ؛؛ طول خشيت للدار وتميت نبكي
رجاء ؛؛ خشت للدارها غيرت دبشها وحطت عطر وشالت دبشها للحمام وجتني ولقتني نبكي وعاطيه العويل بظهري جتني وخشت فيا
نا ؛؛ كنك
رجاء ؛؛ نبي نرقد جنبك ولاه مش من حقي
نا ؛؛ اكيده من حقك
رجاء ؛؛ ويه ما تبكيش خلاص لعند امتي وانتي هكي
نا ؛؛ ………
رجاء ؛؛ عارفه قالي طارق مراد متغير بكل بس هو مغرور ومكتبر ومش بساهل يتنازال
نا ؛؛ ما هذه مشكلته هو عنده غرور حاجه غريبه ماعمريش شفت انسان مغرور كيفه
رجاء ؛؛ من حقه انسان ناجح في حياته وعنده اعيال ايجنونووووووو مراه عسل اتهبل كيفك ماتبيش ايكون مغرور
نا ؛؛ اهو يبي يخسرها المراه
رجاء ؛؛ والله يا ويه الحياه ماشيه سواء به ولا من دونه ما اهو كملنا حياتنا بلا بابا ونجاح عدت واقعدت كم سنه بلانا وردت وعاشت معنا ما كأنش مشت يوم الحياه هكي بيش اتجيك امشي معها والله عندي دعاء اكتر حتي وحده كل ما تشوف معاملتي مع طارق تستغرب اتقولي كيف كنتي وكيف قعدتي كيف كنت مع سراج وكيف تعذبت سنه كامله كنت امسكره راسي اني نحكي معه او نحكي مع غيره واهو جا طارق جنني جنون في خبه وكل يوم نحمد في ربي اني تعرفت عليها طارق ايخبني وايخاف عليا ومحترمني وواعر وغيور كل شيء عنده له احدود ماعاد صياعه هههههههههههه
نا ؛؛ هههههههه هابا منكم شن درتو
رجاء ؛؛ هههه ايوه هكي ورينا ضحكتك اللي اتجننن بس اتصدقي والله حتي في صياعته عنده حدود وايخاف عليا احلي حاجه ان ايخاف عليا وحاطه فيه ثقة بدرجه غريبه نا بروحي مستغربه كيف خش خياتي وقلبها قلب
نا ؛؛ شكلهم عيت … مهمتهم ايغرقونا في حبهم
رجاء ؛؛ اني اغرق اغرق اغرق
نا ؛؛ هههههههههه هبله
ماما ؛؛ ان شاءالله ديمه تضحكي
نا ؛؛ هييييي ماما واعيه
ماما ؛؛ اهااا تو
رجاء ؛؛ ماما سمعتني
ماما ؛؛ هههههههه تغرقي
نا ؛؛ صبيت وجيتها في سريرها وجت وراي ورجاء وقعدن انهدرزو
رجاء ؛؛ ماما تو انجي
ماما ؛؛ عدي ارقدي بالمره خلاص تو يوعو العويل
رجاء ؛؛ به تصبحن علي الخير
ماما ؛ حتي انتي صبي خشي ارقدي
نا ؛؛ حبيت علي راسها
ماما انتي راضي عليا
ماما ؛؛ وكاني مانرضي فيش حاجه درتيها تغضبني
نا ؛؛ جبتلك عيلين وجيتك وحملتك مسواليه اخري
ماما ؛؛ المهم عندي اتكوني متريحه ومعززه ومكرمه وين ماتبي تقعدي نا راضيه ماتخليش حد اياثر في قرارك وفي نفس الوقت بحتي في روحك وفي اعيالك وشوفي وين ماتريحي اقعدي ونا معاك
نا ؛؛ نجك ليا يااحلي ماما انتي
رجاء ؛؛ ههههههه انزكمت
طارق ؛؛ فداك خذيت بنادول تو يمسي جو
رجاء ؛؛ ياعيني حساس مرضت طول
طارق ؛؛ هههه لا من امس ونا حاس في مرضه تبي اتجيني واليوم تاكدت
رجاء ؛ خلني نرقد
طارق ؛؛ نوم العوافي
رجاء ؛؛ ياعيون اولفي
طارق ؛؛ انحبك
رجاء ؛؛ خطرها اول مره اتجي ماناخذش منك افلوس
طارق ؛؛ خااص وانتي كل ماتشوفني اتكري مني في افلوس اتقول داير موعد مع وحده……
رجاء ؛؛ هههههههههههههه يا سامط
طارق؛ ؛ هههههه شن انديرلك عاد طالع نص الليل من وينلي افلوس مع ان راه في السياره في ليش انتي ناقصتك حاجه
رجاء ؛؛ ﻻ والله بس هكي استغربت ماخذيتش
طارق ؛؛ انجيبلك بكره
رجاء ؛؛ والله عندي نا من اول ما خطبتني نا معش خذيت افلوس من هلي بكل
طارق ؛؛ احسن هيا صكري
رجاء ؛؛ انحبك يا مجنون وهذه اخري ليله اديرلي هكي راه
طارق ؛؛ سلام سلام
وصكرت رجاء ورقدت
نا وعيت كالعاده فطرت ماما و بديت في الحوش نبرم عليه وصكرته وانولع الدافيات و انوعي العويل وغيرتلهم وفطرتهم وانخليهم يلعبو في الحوش ونبدا في الغداء
ونا اندير في الغداء ايرن فون ماما طلعت طول وشفته والقيته وليد
نا ؛ صباح الخير
وليد ؛؛ صباح النور
نا ؛؛ بشر
وليد ؛؛ ههههه فهمتيها
نا؛؛ وقتها اصلا
وليد ؛؛ عمليه راه خشوشها اليوم في الصبح
نا ؛؛ صاااااح من معها
وليد ؛؛ اني مشت معها
نا ؛؛ باهي وينك انت
وليد ؛؛ في سياره
نا ؛؛ اتجني … ﻻﻻ تو انرن علي خالد
وليد ؛؛ هههههه بنت اصول
نا ؛؛ مبروك مقدما رن علي نجاح
وليد ؛؛ رنيت عليها
نا ؛ سلام
نا ؛؛ خالودي
خالد؛؛ ها شن طلبك
نا ؛؛ اميره عندها عمليه اتجي اتشيلني لها
خالد ؛ صااااح باهي وتي روحك شوفي امل
نا ؛؛ به تو انشوفها نرجاك
صكرت وطول مسيت لرجاء
رحاء رجاء اميره قي حالة وضع صبي
رجاء ؛؛ نطت بسرعه
والله تحكي جد سبحان الله امس حكيت عليها عند طارق فالتله هذا شهرها
نا ؛؛ اهاااا به نا راه ماشيه ردي بالك من العويل وراه درت طاجين وحطيته في الكوشه خلني نمشيلها
رجاء ؛؛ باهي
نا ؛؛ رني علي ايمان
رجاء ؛؛ في جامعه تو اندزلها رساله
نا ؛؛ به
وركبت فوق طول ل امل وطلعت عليا وهي لابسه روب وكيف واعيه
نا ؛؛ امخمجه
امل ؛؛ هههه امس سهرت علي القرايه
نا ؛؛ كانت متاكده انها مش ساهره علي القرايه بس قالت هكي مراعات لشعوري بس عادي
ههههههههه عقبالك راه اميره في حالة وضع
امل ؛؛
لووووووووووووووووووووووووو
نا ؛؛ هههههه راه نا ماشيه تمشي ولاه تنزلي لوطه تقعدي مع رجاء
امل ؛ ﻻ تو نمشي للحوشنا نبرمو عليه اميره اموصنتي واموتيه كل حاجه
نا ؛ عمليه راه
امل ؛ اهاا عارفه حكتلي من زمان بس ماتبيش اتقولها لكم بيش ماتخافوش
نا ؛ باه نقاني خفت عليها خلاص خلني ننزل انوني جايني تو خالد
امل ؛؛ تو ندوش وننزل لوطه انتغدو ونمشي نا وخالتي ورجاء غادي للحوشنا
نا ؛؛ باهي راه تنسو دواء ماما
امل ؛؛ ماعليك
نا ؛؛ سلام
نزلت لوطه غيرت دبشي ولابست جينز اسود ابلوزة حوامل سوده وفوقها طرف شتوي مفتوح امخطط احمر واسود وسكري وحطيت وشاح ورجيت خالد نين حا وبيب وطلعت مشينا للمستشفي طول وخشينا مع بعضنا ونا ماسكه يد خالد
والقيت نجاح وخالتي يبكنا
نا ؛؛ شن جو
نجاح ؛ اهاااا
نا ؛؛ من الدكتور
نجاح ؛؛ عمليات مراد خشش دكتوره مابش ايخش هو
نا ؛؛ مراد قاعد
نجاح ؛؛ اها
خالد ؛؛ وين وليد
خالتي سالمه؛ حطنا وعدا تم يبرم في السياره مرتبك
خالد ؛؛ ههههههه خواف
وابتعد منا اشويه
نجاح؛؛ ههههه وكان نا راه اندير فيه يوم اسود ايحطني وايعدي
نا ؛؛ هههههه احسن حاجه ايخش معي نا بيش يعرف الم
وحسيت في حد امصبي وايبحت شورنا التفت والقيته مراد طول ارتبكت ونزلت راسي وهو جا وقرب منا
مراد ؛؛ مبروك اوليد جابت
نجاح ؛؛ لووووووووووووووووووووووووو
خالتي سالمه؛؛ الحمدالله ياربي الحمدلله
نا ؛؛ الله يبارك فيك شن وين هي
مراد ؛؛ تحت تاثير البنج
نجاح ؛؛ عقبالك ياويه
نا ؛؛ بحتت في مراد وحسيتها نجاح قالتها بالعني نزلت راسي ما بيتش انقول حاجه
مراد ؛؛ تعالي نبيك
نا ؛ رفعت راسي وبحتت فيه بالاستغراب
مراد ؛؛ تعالي
ورفع حاجبه
نجاح ؛؛ دفتني بيدها
نا ؛؛ انحرجت نزلت راسي ومشيت وراه ونا نمشي بشويه بشويه
مراد ؛؛ متعبك الحمل شكله
نا؛ ؛ لا عادي
مراد ؛؛ مش عارفه الجنس
نا ؛؛ ﻻﻻﻻ ماسالتش
مراد ؛؛ ارجيني هنا
نا ؛؛ حاضر
قعمزت علي الكرسي اللي قدام غرفته
سناء ؛؛ خير ياايه
نا ؛ رفعت راسي والقيته سناء
اهلا خيرات
سناء ؛؛ الحمدالله علي سلامة اختك
نا ؛؛ الله يسلمك
سناء ؛؛ عقبالك بس راه تقعدي خوافه كيف اختك
نا ؛؛ ابتسامه خفيفه
ههه انتي اللي كنتي معها
سناء ؛؛ اها كلمني مراد عليها مع ان العمليات اغلبيتهن شوره بس نا عارفته ما يحبش ايجي شور الاقارب
نا ؛؛ اهاا
طلع علينا مراد
مراد ؛؛ ايه تعالي
سناء ؛؛ اطمن علي البيبي
مراد ؛؛ اهاا ان شاءالله
نا ؛ حطيت يد علي الكرسي وانسدت وصبيت
سناء ؛؛ مسكت يدي وساعدتني
نا ؛؛ شكرا
سناء ؛؛ عفوا
وخشيت للغرفه والقيت مراد اوحده في الغرفه وسكرها بالمفتاح
مراد ؛؛ ارقدي علي السرير
نا ؛؛ بالاستغراب
تبي تكشف
مراد ؛؛ نطمن علي البيبي ولاه ما تبيش انتي
نا ؛؛ لا تمام نا عارفه
مراد ؛؛ ارقدي و اطمني
وقرب مني وساعدني ورقدني علي السرير ونزل عليا ورفعلي البلوزه وهو اديري بشويه وكأنه يسبل علي قربه ليا ونا مستمتعه وانشم في بنته وبدا ايحط الجهاز علي بطني وادير مره بشويه ومره بقوه وكأنه ايحسس فيا
نا ؛؛ اهاااا ما تزرش
مراد ؛؛ شن وجعاتك
نا ؛؛ غمضت اعيوني والتفت علي الجنب
مراد ؛؛ اموره تمام بس الجنين واضح شن الجنس شن انتي تبي تعرفي
نا ؛؛ صوت مخنوق
بنت
مراد ؛؛ عارفه
نا ؛؛ عندي احساس انها بنت
مراد ؛؛ اها صح
حول الجهاز وخذ منديل وتم يمسحلي بشويه كانت لمسة حنونه ويراقب في اعيوني
نا ؛؛ كان الخجل باين في وجي وانحاول نشغل في اعيوني في اي حاجه
مراد ؛؛ مسك يدي ورفعني وساعدني علي قعميزه
ونا صبيت وتميت انسقم في دبشي
نا ؛؛ خلاص
مراد ؛؛ عدي
نا ؛؛ شكرا
برمت وجي ونمشي ونتمن يقولي حاجه ايوقفني ولاه يمسكني ذبحني بسكوته وطلعت ومشيت للنجاح وقعدنا مع اميره واول ما وعت اميره من البنج تمت تبكي واتحس روحت نا للحوشنا لان اميره بكره خروجها مش اليوم
تاني يوم مشينا للحوش خالتي من الصبح وكلنا التمينا نجاح باتت مع اميره واقعدت معها واتساعد فيها وكانها امنا التاني وووو واخير جتنا اختي الكبيره اللي تهتم بينا واتشجعنا وتنصحنا ياريتك من زمان يا نجاح جايه ياريتك مامشيتي بكل
وليد من كتر ماايحب اميره سمه اولده امير
وليد عاااااااااااااااشق
وليد ؛؛ انحبك انتي واخيري قعدتي شاده اوليدي اميري يا اميرتي
اميره ؛؛ نجك واخيرا شفت كبرت وقعدت ام وليد ام اميرك راك تزوج عليا
وليد ؛؛ تي يييييي نا محكوم عليا بحبك من صغيري ماعمري شفت غيرك ولا فكرت حتي تفكير انتي امسيطره عليا من صغري
اميره ؛؛ عارف خاطري اوليدي قصدي اميرك ههههه ادير علاقه حلوه كيفنا هكي والله انساعده علي الضياع بعدها جميع اللي كان خاطري انديره انخلي ايدره
وليد ؛؛ تو يا مصلحجيه بوه حرمتيه زمان وهو تبي اتعيشه ليش ما عيشتني نا من زمان ولاه ضروري فاتحه وفرح بيش انحصل
اميره ؛؛ امشي غادي كان ما درت جو هذا راه ماخذيتني وبعدين خليت علاقتنا نظيفه بيش ربي ايوفقنا
وليد ؛؛ وهذا اللي عجبني فيك يا ام اميري
اميره ؛؛ ههههههه هيا اطلع نبي انرضعه
وليد ؛؛ﻻﻻﻻﻻ تو رضعيه قدامي مش برني نا
اميره ؛؛ وليد اطلع
وليد ؛؛ والله ماني طالع عادي اعتبرني راجلك ورضعيه نبي انشوفك تي ما صدقت حصلت فرصه فيك
اميره ؛؛ ههههههه سخيفه نعتبرك كيف مش راجلي انت
وليد ؛؛ امغير هيا حبيبي يبكي
اميره ؛؛ به بحت غادي
وليد ؛؛ تي كنك متحشمه
اميره ؛؛ انحس في روحي مراه كبيره لما انرضع وخاصة انت قدامي
وليد ؛؛ تبي تحرمني من شوفت حبيبت عمري و روحي وقلبي واميرتي وهي اترضع في اميري
اميره ؛؛ حاضر حبيبي
ومسكت امير وقربته منها وبدت اترضع فيه
وليد ؛؛ اميرتي مش اليوم اسبوع ليش ماتبيش انطهرو
اميره ؛؛ ماعنده الصفره
وليد ؛؛ كيف اتحول
اميره ؛؛ خالتي مش امقصره معه نا مانشوف فيه بكل من خالاتي وماما اتصدق حتي خالي امكبد فيه كل ما ايجي ايخش عليا
وليد ؛؛ مدلي افلوس مبلغ قالي للعشاء
اميره ؛؛ اهاااا عاد انت قرعته من زمان
رجاء ؛؛ ادق علي الباب
يا عيت امير انتو افتحو
اميره ؛؛ حطت بطنيه علي روحها وغطت ووليد امبتعد منها اشويه
خشي ارجيوه
رحاء ؛؛ افتحت الباب وخشت
يا عيت ملوك
وليد ؛؛ هههههه يا جالطه وانتي الواحد ما يتريح منك بكل حتي في دار نومه ما يفتك منك شن تبي
رجاء ؛؛ انت ولد خالتي و راجل اختي ماتبيش انكون جالطه ياعليك قصه صبي اطلع شوف خالاي في نواقص عدي جيبهن
كذا ورينا اميرك هذا كيف صار فيه اسمح ولاه مازال شين
وليد ؛؛ ضربها بالمخده علي راسها
احترمي اميري راه خيرلك
رجاء ؛؛ ردت اعزقت فيه المخده
اميره ؛؛ رجاء وليد كنكم انتو اهبال ولاه شنو
رجاء ؛؛ راجلك اللي هبل امكملها اميرتي اميري
وليد ؛؛ منقهره انتي يا اطروقه وووووو ما طوله الاسم اطروقه يكمل الكرت وانتي مازالتي اتناديله يا اطروقه
اميره ؛؛ ههههههههههههه
رجاء ؛؛ بس نا مانقولش اطروقه انقول يا حبيبي ياعمري يامجنوني ياللي عرفت قيمتي
وليد ؛؛ صب ودفها بقوه نين طاحت علي السرير
تحشمي يا فرخه راه خيرلك
رجاء ؛؛ وانت يااميرتي ماتحشمش فيها
وليد ؛؛ ملكي ملك خاص شن دخلك
رجاء ؛؛ حتي حبيبي ملكي ملك خاص المهم بيش تعزمه اتسيبه نهارك بعدها وقوله حيب معاك صاحبك انور
وليد ؛؛ بصفه
رجاء ؛؛ عديلك يا همي الاسود
وليد ؛؛ عطني رقمه
رجاء ؛؛ 092……..
وليد ؛؛ طول قالتي حافظتيه عن ظهر القلب
رجاء؛ ؛ وكني ما حبيبي وراجلي
وليد ؛؛ ههههه لا حشم لاشيء
نا طالع تبي حاجه اميرتي
اميره ؛؛ شوف ماما وخالتي ونجاح بتلنسبه ليا سلامتك
وليد ؛؛ سلام
وطلع وليد وطلعت وراه رجاء
ودرن في الليل عشاء وجو حتي اعربي حتي هاجر جت لان هاجر وهدي علاقتهن قويه ب اميره
هدي ؛؛ عمتي مبروكه مازالت ما تطلعش لمناسبات
اميره ؛؛اهااا شن مازال فرحك
هدي ؛؛ مازال وتحشمت نسال محمد قالت خليه براحته نا ما وراي حاجه في الصبح عمل معه وانروح حوسه ونوم وفي الليل سهر معه
اميره ؛؛ ياعوينك حصلتي في مصرف اخري
هدي ؛؛ ماتخصصي اداره حصلي هو معه في المصرف
رجاء ؛؛ اكيده اطياح معه في المصرف
هدي ؛؛ لا والله ما نحكي معه بكل هو جادي واجد في العمل وهو في دور ونا في دور مش شور بعضنا بكل انشوفو في بعضنا من بعيد بس
رجاء ؛؛ تخيلي نا وطارق نشتغلو مع بعضنا تي والله ايكمل اليوم وهو يتعارك
هاجر ؛؛ ههههههههه مش امغير تي متعقد بكل لان باتي امحصله عمل في مدرسه وهو ما يحبش التدريس بكل
رجاء ؛؛ عارفه جاب الله ان يخدم في مدرسة شباب كان بنات راه نهاره
هاجر ؛؛ رحمه من ربي ايه مازالت امسكره راسها
رجاء ؛؛ حتي خوك
هدي ؛؛ مراد دار مئة عركه مع هلي علي هالموضوع
اميره ؛؛ ماببيش ايردها قصده
هدي ؛؛ ايقول حاجه اتخصني ومايبيش يحكي بكل اصلا اكتر متعقد منها ان الناس كلها اعرفت
اميره ؛؛ مراد هو اللي طلعها ماتبينش انقول كنك جايه ومعاك شناطي
هاجر ؛؛ خلاص جت فكنا اسسس
نا ؛؛ شن جوكن
هدي ؛؛امرايفين عليك
نا ؛؛ والله حتي نا
هدي ؛؛ قالت لطارق طول ما تجينا بيش انهدرزو لما ايروحو العرب
رجاء ؛؛ احسن
هاجر ؛؛ شن وين العويل
نا ؛؛ بره مع خالد
رجاء ؛؛ اعيونهم امل وخالد يركبولهم فوق في شقتهم
هدي ؛؛ نجيهم ياربي ايجنننو والله هذاك اليوم لما جابهم مراد حسينهم كابرين وايقولو ايه
نا ؛ ههههه بجو مره ماما ومره ايه كان هزبتهم ايقولو ايه كلها من رجاء اتعلم فيهم
هدي ؛؛ انتي عاد مدرسة ضياع
رجاء ؛؛ بشهادة شرف هههههههههه
وجت ايمان وقعمزت وفي يدها سجودي
هاجر ؛؛ عاني يا مرات احمد
ايمان ؛؛ ههههه مش امغير وين اوليدك
هاجر ؛؛ سيبته عند عيت عمي عند صبياتي يمسكن فيه هن ديمه
ايمان ؛؛ نا مستحيل انخلي سجودي الا عند احمد وقت المحاضر بس او عند ايه حتي رجاء وامن عندها
رجاء،؛ هييييييي يامسخه فيش اتحقي فيا
هدي ؛؛ شهادة شرف ههههههههههههه
نحن ؛؛ ههههههههههخههه
رجاء ؛؛ ناعليا ياطاهرات يا شريفات يلي ماهمركن درتن علاقه
هاجر ؛؛ انقولها وراسي فوق اسامه هذا ماحصلته الا بعلاقه ما من عركه دارها مع طارق سبحان الاه كيف تو يحكو بعد هذاكين العرايك
رجاء ؛؛ هههههه نجيه ياربي عارفته جنتل ايهبل
ايمان ؛؛ مش امغير
هدي ؛؛ بنات كلمن نجاح خاطري انتعرف عليها محمد غاليه عليه وقالي زمان صديقتي
رجاء ؛؛ اهاااا صديق الضياع امتعها
نجاح نجااااح نجاااااااااااااااح
ايه ؛؛ ماما في المطبخ يارجاء
رجاء ؛؛ باهي احترمني وقولي اخويله كيف الاخرات
هدي ؛؛ هههههههههههه حتي الطفله هازيه عليك
ايه ؛؛ انتي ارجيوه مش اخويله
رحاء ؛؛ اخري ادلعي
نا ؛؛ خاطي البنت تعالي يا ويه تعالي
هاجر ؛؛ حلوووه الحق
هدي ؛؛ محمد ميت فيها فالي كل ما تجي ايكرها وياخذها
رجاء ؛؛ حي علينا راه ادير لبنت شيء حاجه
هدي ؛؛ ههههههههههه تحشمي يافرخه
ايمان ؛؛ خزي وانتي ديمه عقلك امسوس
رجاء ؛؛ ياعيني ازوجتن وتغيرتن انتن
هاجر ؛؛ لا والله نا مناضله معاك
رجاء ؛؛ نجك ليا انتي ياقرعتي
عمتي ؛؛ بنات هيا راه طارق رن
اميره ؛؛ هاجر امروحه علي هلك
هاجر ؛؛ عاطيه ل اسامه تصريح قالتله نبي انهدرز وتو انروح مع هلي بيش انت امتي ما تكمل سهرتك تعالي
اميره ؛؛ باهي اقعدي هنا وخليه ايجيك هنا
هاجر ؛؛ مش عارفه حوشك مره تانيه انجيك انهدرز
اميره؛؛ الحوش حوشك في اي وقت
وصبيت وطلعت مع عمتي والبنات وعطيتهن عشاء لعمي والقيت طارق ماسك العويل ولما شافني خش وسلم عليا وروحو
وروحنا نحن كلنا وقعدنا انجو في العشيه مره مره
ومشن الايام ونحن زي ما نحن كل ماليا انتحشم من هلي انحس بروحي وكأني دايره فضيحه جايتهم حامل وبطني قدامي وراجلي يبي يطلقني كل يوم نتاكد ان مراد خلاص قرر ان ح يطلقني معقوله بعد هذاك الحب ينسني وايفوتني هكي معش عرفته عقاب ولاه فراق
ياكثر ماشلت في قلبي عليك
ياكثر ماقلت ماسامح خطاك
من اشوفك ترجف اضلوعي تبيك …. واثر هذا كله من حرة هواك
اخلق الاعذار من لمسة ايديك والمس جروحي واداريها دواك
قوتي ضعفي وضعفي اني ابيك …. وانت عارف اني ما اعشق سواك.
ابتليت بحب جعله يبتليك …. وياعساك تذوق حراتي معاك
اذكر انك ماتنام الا اجيك …. صرت انا الحين ما اغفي بلاك
ماابيك اليوم وباشر احتريك …. واللي بعده واللي بعده ياملاك
حسبي الله علي الهواء وحسبي عليك … الله ياخذني الا انه خذاك
وكل يوم يقرب موعد ولادتي ونا انخاف ونحزن اكتر لان يقرب موعد انتهاء علاقتي بمراد نهائيا اتمنيت ان فترة الحمل سنتين مش 9 شهور يعني ليا عند هلي 7 اشهور ووووو واجد يا مراد واجد يا حبيبي 7 شهور ونا بعيده عليك وووواجد رايفت عليك وعلي حوشي وعلي دبشي وعلي داري وعلي نومتي في حضنك رايفت علي بنت دخانك رايفت علي اسم ويتي رايفت علي بوسك ليا علي الكبيده رايفت علي دورتي قهوه لك رايفت علي ايامنا رايفت علي دلعك ليا رايفت علي دورتي غداء لك رايفت علي مسكت يدك رايفت رايفت رايفت وشن الحاجه اللي ما رايفت فيها معاك 7شهور بلا ويتك يا مرادي واجد علي وبتك علي حبيبتك علي اكبيدتك علي قلبك يارايتك اتنازال واتردني واتكون افضل من الاول اتردني نا ايه حبيبتك مش اترد ام اعيالك اللي حامل منك ردني علشاني نا
نحساب روحي انعاقب فيك طلعت انعاقب في روحي نحرق في روحي حرق نكوي في روحي كوي يييييييييييي ويش اللي دواءك ياجرح
ياريت الولاف ايجوني وايداو الجرح اللي فيا
ويشقي بالي في مكنوني اهااااااا في مكنوني
ونا ما نبي منهم شيء
ياربت اتجني باريت
قرب موعدي ومرضت مرضه شينه جا وخذاني علي عنده في الشقه يبني انغير جوي شويه وحتي رجاء بيش تاخذ راحتها اكتر في القرايه
نا ؛؛ ياربي ياربي ارحمني ياربي ساعدني ياربي ماعندي غيرك
مروه ؛؛ تحملي هذه هي ليت البنت اتجي واتعدي
نا ؛ ياناعليا ليا بومين ونا بالوضع هذا خلاص تعبت والله حتي جهج ما فيت
مروه ؛ تو انكلم علي ايجيك ايشيلك خلاص اكيده
نا ؛ اها كلمي خلاص نبي انموت انا
مروه ؛؛ ادعي بس تو ربي ايساعدك
ايوه علي تعال هلاص
علي ؛؛ خلاص ولاه انشيلها واندو انروحو
مروه ؛؛ والله شكلها برسمي خلاص المراه لها يومين بالوضع هذا
علي؛؛ باهي تو انجي وتن اروحكن بس
مروه ؛؛ تكي علي نجاح جيبها بيش تمشي معها ونا نقعد مع العويل
علي ؛ باهي وتن اروحكن وتو انرن علي نجاح
مروه ؛؛به سلام
ويه انكلمو مراد بيش ايشوفك
نا ؛؛ ﻻﻻ مش معي فوني
مروه ؛؛ باهي انرن عليه انا
نا ؛؛ تو اكيده في الحوش راقد خلاااص
مروه ؛؛ مازال بدري ساعه 1 ونص
نا ؛؛ مروه نا مانرنش انقول تعال شيلني هو لو ناانهمه راه كلمني دورني جاني لان عارف تو موعدي
مروه ؛؛ والله انتو مش طبيعين اللي جاتكم جاتكم بسم الله
خليني انرن علي نجاح انشوفها وين
ايوه نجاح وينك
نجاح ؛؛ نرجا في علي قالي وتي روحك
مروه ؛؛ جيبي ايه تو نمسكها نا هنا
نجاح ؛؛ هيا هيا كلمتو هلي
مروه ؛؛ ﻻﻻ ماتقوليش لحد خليها اتجيب وانكلمو بعدها تو ليل
نجاح ؛؛ باهي هيا سلام
نا ؛؛ نا عليا نبي انموت خلااااااص ووووووو عليا شعفه توبه اخر مره انديرها
مروه ؛؛ وسعي بالك تو اتجيبي وتنسي
ومشت مروه بسرعه اتوتي في دبشي ولابستني عبايتي ووشاحي واتشرب فيا في ميه وحطت في يدي حنه عادات عاد بيش اتسهل عليا ونا مانندري علي دنيا انعيط ولاهيه في ها الليه
وجا علي ومعه نجاح سالوني للمستشفي وطول خشيت للغرفة الانتظار ونا انعيط مافيش اي تعبير تمنيت ولو ايجي مراد وايخش عليا ويسهل عليا كيف المره الاول
و……………….
يتبع