مسلسل سعاده كاذبه الجزء الاخير
مسلسل سعاده كاذبه
الحلقه 72
احمد ؛؛ به كنك احكي
ايمان ؛؛ باهي حبيبي بشويه
لما اعرفن ان نا مريضه سالني كم سؤال ونا جاوبت وهن اضحكن وبعدها ايه طلع عنده اختبار في الشنطه شاريته لان هي شاكه في روحها حامل فشرت اختبار واما حكيت نا عطتني الاختبار
احمد؛ كنه كلامك مفترش احكي اكويس عليش مرتبكه
ايمان ؛؛ باهي حبيبي انا المده الاخيره معش نضمت في الحبوب اكويس
احمد ؛؛ حامل انتي
ايمان ؛؛ نزلت راسها وتمت تبكي
احمد ؛ احكي جاوبي
ايمان ؛؛ اها طلعت حامل
احمد ؛؛ بحت فيها بالاستغراب ورفع راسها
وبه انتي ليش تبكي
ايمان ؛؛ ماانت ماتبيش حبيبي تو
احمد ؛؛ انتي امسيبه الحبوب صاح
ايمان ؛؛؛هزت راسها معناها ﻻﻻﻻ
احمد ؛؛ مسحلها ادموعه واضبطها
مبروك حبيبي
ايمان ؛؛؛ تمت تبكي اخر وتضبط فيه
احمد ؛؛ اعويناتي بلا ابكاء خلاص
ايمان ؛؛ يعني فرحان انت
احمد ؛؛ نعمه من ربي مانقدرش نرفضه وبعدين نا بروحي نبي وخاصة بعد الزواج تميت نبي اكتر بس قالت انتي اصغيره ووراك اقريه ومانبيش نظلمك نبيك تقري صاح فرحنا طلع بسرعه بس مازالت نبيكي تقري نبي ام اعيالي اتكون بشهادتها واتكون قدوه لهم
ايمان ؛؛ اقعدت امقعمزه علي كرعيا وحاطه راسها علي كتفه
احمد ؛؛ شدها زين وصب بيها وهو شايله
وقعمز وحطها علي كرعيه كيف البيبي ومقربها منه
وباسها
انحبك انحبك
ايمان ؛؛ والله نا انموت فيك والله حبيبي فرحانه نا مش امصدق ان خلاص حامل منك وح نكون ام اوليدك
احمد ؛؛ انطلعلك حاجه
ايمان ؛؛ شن
احمد؛؛ عارفه شنطتي اللي فيها اوراقي اللي قي دولاب
ايمان؛؛ اها كنها
احمد ؛؛ عدي جيبها ليا
ايمان ؛؛ حاضر
وصبت ايمان وافتحت الدولاب وطلعته شنطته وجت جنبه
احمد ؛؛ فتح الشنطه وطلع منها شريط مانع الحمل ومسك في يده وبحت فيها
ايمان ؛؛ هييييييييي شن يبي هذا عندك
احمد ؛؛ عارفه هذا من رمضان لاحظته ان معش نقص قالت ناخذه اندسه بيش انتاكد من انك تاخذي فيه او لا لاني شكيت فيك وقالت كان تسال عليه معناها تاخذ فيه
ايمان ؛؛ قصدك انت عارف اني اموقفه عليهن
احمد ؛؛ اهاااا عارف بس مابيتش نحكي معاك قالت خليها هي تحكي اوحدها لان نا بروحي نبي بس قالت خليها اتجي منها هي
ايمان ؛؛ نجك ليا حبيبي واضبطته
اسفه حبيبي دسيت عليك
احمد ؛؛ قعد ماسكها كيف البيبي بين ايديه
اخر مره ادسي عليا المره هذه مشيتها لكي لان نا بروحي نبي وعارف ان الناس اكيد تسال فيك كيف ما يسالو فيا بس مره تانيه كوني واضحه معي واحكيلي ونعمه كيف مانرفضهش نا
ايمان ؛؛ حاضر حبيبي
احمد ؛؛ شيلي الشنطه وتعالي
ايمان ؛؛ حاضر
وصبت وشالت الشنطه
وخشت تحت البطنيه جنب احمد
احمد ؛؛ اضبطها
فرختي دايره بيبي تو
ايمان ؛؛ خلاص فرختك كبرت تو
احمد ؛؛ ربي يحفظك انتي والبيبي
ايمان ؛؛ صايم بكره صاح
احمد ؛؛ اها ان شاءالله ح نفطرو عند هلي اعويناتي اكيده تبي اديري تحليل علشان تعرفي في شهر كم واتابعي دكتوره
ايمان ؛؛ تو انكلم مراد مش ح نلقي احسن منه
احمد ؛؛ ﻻﻻ دوري دكتوره تابعي معها ماتمشيش لمراد
ايمان ؛؛ حبيبي لو نمشي لمراد ح ايساعدني واجد وهو شاطر زمان ايه اتجي اخر وحده وايخشش فيها طول عليها مايتعبش فيها بكل في الانتظار
احمد ؛؛ ﻻﻻ دوري دكتوره اكويسه امشيلها ولو تبي مراد يشرف عليك من فوق لفوق باهي لكن انك اتخشي عليه وايشوفك لا
ايمان ؛؛ باهي انكلم ايه
احمد ؛؛ تو قصدك
ايمان ؛؛ اهااا عادي ايه تسهر
احمد ؛؛ ﻻﻻﻻ تعالي تو نبي قبل
وكرها وجا فوقها
ايمان ؛؛ ﻻﻻﻻ حبيبي قالتلي ايه ﻻ تاكدي قبل وشوفي نسبة الجنين قبل
احمد ؛؛ يعني لا تو
ايمان ؛؛؛حبيبي علي خاطري نشوفو الجنين قبل وبعدها ساهل
احمد ؛؛ امحفظتك ايه
ايمان؛ ؛ احملت مرتين وراجلها دكتور من طبيعي اتكون تعرف وشاطره
خليني انكلمها
احمد ؛؛ خوذي هيا
ايمان ؛؛ ماتردش
احمد ؛؛ خلاص صكري المراه مع راجلها
نا ؛؛ حبيبي ايمان اترن
مراد ؛؛ اكيده حكت
نا ؛؛ خلني نطلع وانرد
مراد ؛؛ باهي
ايمان ؛ اسسسس
ايوه ويه
نا ؛؛ اهلا
ايمان ؛ كنك ماتردي
احمد ؛؛ خبطها وفنص فيها
نا ؛؛ هههههههه مانبيش نحكي معاك قدام العويل يوعو
ايمان؛ ؛ اهاااا نسالك من الدكتوره اللي نمشيلها اسمعي راه نبي مراد يشرف علي حالتي مانبيش نقعد الدكتوره بس ونبي نعرف التحليل
نا ؛؛ حكيتيله شن قالك
ايمان ؛؛ فرح هيا اسالي مراد بسرعه
نا ؛؛ هههههه به اصبر
مراد حبيبي تعال
ايمان ؛؛ صبيله ياتنباله
نا ؛؛ هههه اهو جا
مراد ؛؛ عارفك ح اتكلمي
نا ؛؛ هههههه علي دكتور والتحاليل
مراد ؛؛ تحاليل عادي امتع حمل لاي مختبر تمشي اديرهن
نا ؛؛ تسمعي فيه
ايمان ؛؛؛اهاااا به
نا ؛؛ اصبري نفتح السبيكر
ايمان ؛؛ باهي
وافتحت حتي ايمان السبيكر
خيرات مراد
مراد ؛؛ اهلا مبروك
ايمان ؛؛ يبارك فيك كل سنه وانت طيب
مراد ؛؛ وانتي طيبه ايمان تو اندزلك تو رساله فيه ادويه خوذيهن من بكره وبعد العيد ديري تحليل لان تو مفيش مختبر فاتح علي العيد وجيبيه ليا وبعدها تو نبدالك مع دكتوره نعرفها شاطره
ايمان ؛؛ باهي شكرا مراد
مراد ؛؛ عفوا ومبروك ان شاءالله
ايمان؛ ؛ يبارك فيك
نا ؛؛ ها تمام هكي
ايمان ؛؛ شكرا ياويه
نا ؛؛ ريحي روحك ماتخدميش واجد
ايمان؛ ؛ باهي تصبحي علي خير
نا ؛؛ وانتي من اهله سلميلي علي احمد
ايمان ؛؛ سلام
ها حبيبي تمام هكي
احمد ؛؛ تمام تي والله من الفرحه مش قادر نصبر
وكرها
ايمان ؛؛ ههههههه باهي باهي
………………
مراد ؛؛ اوووو كنه حاتم
نا ؛؛ ساعه كم تو
مراد ؛؛ ساعه 6 صبح غريبه
نا ؛؛ هييييييييي الهام جابت
مراد ؛؛ ايوه
حاتم ؛؛ مراد الهام لها فوق من 3 ساعات في المستشفي مانندريش عليها
مراد ؛؛ معقوله
حاتم ؛؛ لها كم يوم مريضه تعال شوفها
مراد ؛؛ باهي تو انجي
نا ؛؛ الهام
مراد ؛؛ اها لها فوق من 3 ساعات
نا ؛؛ معقوله
مراد ؛؛ اكيده فيتنها
وصب مراد وغير دبشه وطلع ابسرعه ونا رديت رقدت
حاتم ؛؛ خش شوفها
مراد ؛؛ من معها
حاتم ؛ ماحد هي ماتبيش حد يعرف شوفها حتي اللي نساله عليها مايعرفهش
مراد ؛؛ تهنا تو انشوفها
وخش مراد بسرعه ولقي الهام في غرفة الانتظار وتبكي واتعيط
مراد ؛؛ من شافك
الهام ؛؛ هالممرضات تعبني
مراد ؛؛ باهي تعالي معي
وخش مراد للغرفه الولاده وخشت معه الهام
مراد ؛ دكتور شوفي هذه
دكتوره ؛؛ خوافه وماتبيش ومازال وقتها
مراد ؛؛ ﻻﻻ خلاص لها كم يوم وهذا موعدها
ورقدها مراد علي السرير وحكي مع دكتوره بعيد وبعدين جتها الدكتوره شافتها
الهام ؛ تمت تمسك في يد مراد واتعيط
مراد ؛؛ صب علي كرسي وحط ايده الاثنين علي بطنها من فوق ونزل عليها بجهده كله
الهام ؛ ووووووو عليا وووووووو
دكتوره ؛؛ ماشاءالله تبارك الله
مبروك اوليد
مراد ؛ باهي الحمدالله هيا ديرلها موضوعها
وطلع بسرعه مراد وهو منحرج
مبروك اوليد
حاتم ؛ شن صار كنهم طولو
مراد ؛؛ اتصير من الخوف يرقا العيل والدكتوره اصغيره خافت منها
حاتم ؛؛ شكرا يامراد صحيت
مراد ؛؛ ﻻ عادي كيف مش قايله لهلها
حاتم ؛؛ هي رافضه سيبنا العويل راقدين وطلعنا
مراد ؛؛ اها خلاص كلم امي اتجيها اكيده وعت
حاتم ؛؛ حاضر
وقعد مراد امع حاتم
حاتم ؛؛ ايوه امي مبروك الحفيد
عمتي ؛ لووووليا جابت امتي
حاتم ؛؛ تو جابت جيبها مراد
عمتي؛ تعال واحد فيكم ايجني هنا باتك وطارق راقدين
حاتم ؛؛ تو انجيك وتي روحك
مراد ؛؛ تو نمشيلها نا نبرم علي الهام بس
حاتم ؛؛ باهي
وخش مراد وبرم علي الهام ولقها امطلعينها للقسم باركلها وطلع
ومشي جاب عمتي وروحو للحوش
سمعته خش وسكر الباب وخش للحمام توضي وصلي وجا خش جنبي
نا ؛؛ نحكي وامغمضه اعيوني من النوم
ها شن صار
مراد ؛؛ جابت اوليد
نا ؛؛ وكنها طولت
مراد ؛؛ الدكتوره خوافه وامسيبتها والهام حالتها تبي شجاعه وجهد لان العيل راكب فوق
نا ؛؛ فتحت اعيوني وقعمزت
هيييييييي قصدك بحتت فيها
مراد ؛؛ ههههه من جدك انتي قالت للدكتورة اتبحت فيها واديرلها لقطه معينه ونا زريت علي بطنها بس وجابت
نا ؛ وهي شن دارت
مراد ؛؛ اتعيط شن ادير يعني
ونا ؛؛ هههههه كيفي
مراد ؛؛ ﻻﻻﻻﻻﻻ انتي موضوعك اوحدك انتي قعدتي اتهزبي واتنتشي واتعيطي
وتم ايقلد في صوتي
وشن درت في روحي نا شن درت
نا ؛ ههههههههههه باهي ياصايع ما منك انت
مراد ؛؛ هابا عليكن تقعدن ادورن ولما اتجيبنا اتعيطن وتندبنا
نا ؛؛ هههههه سامط
مراد ؛؛ خلاص ارقدي بيش تمشي بعدين للهام تو امي معها
نا ؛؛ باهي
وخشيت في صدره ورقدت
وعيت علي 10 درت حمامات ورضعتهم ورقدت جنبهم ماوعيت الا ساعه 1 ونص علي فون هدي
نا ؛ نعم
هدي ؛؛ الهام جابت
نا ؛؛ هههههههه قديمه
هدي ؛ ههههه سامطه وامتي جايه انتي
نا ؛؛ تو انجي اشويه اخري نحن طولنا ما رقدنا ومراد كان عند الهام اساسا
هدي ؛؛ باهي ماطوليش لان امي كلمتني وقالتلي كلمي صبايا خوتك وديرن فطور لان الهام ح تطلع هنا عندنا وانتي عارفه اكيده غاده ح ماشيه لهلها واعيال حاتم جوني
نا ؛ باهي تو انجيك عطيني نص ساعه بس
هدي ؛؛ باهي هيا
وصكرت منها وصبيت برمت علي روحي و وتيت العويل ووعيت مراد
نا ؛؛ حبيبي هيا وقت عليا
مراد؛ ايه نبي نرقد خطيني
نا ؛؛ حبيبي ساعه 2 خلاص هيا نبي نمشي للحوش هلك الهام طالعه غادي
مراد ؛؛ ايه اطلعي نبي نرقد لعند الصبح واعي نا راه
نا ؛؛ مراااااااااد كنك هيا خلاص
وماننحس بالحاجه الا المخده جيتني
هييييييييييي به تو اتشوف
وطلعت
مراد ؛؛ ايييييييييييييييه
نا ؛؛ نعم
مراد ؛؛ طفي الضيء
نا ؛؛ ونا نحسابك اتقولي هيا
مراد ؛؛ ياعن شكلك
نا ؛؛ طفيت الضيء وسكرت الدار وطلعت ورنيت علي هدي
نا ؛؛ هدي نا وتيت روحي بس مراد مابش يوعا
هدي ؛ عليك بخت انحس في روحي ارتبكت اندزلك طارق ايجيك
نا ؛؛ واعي هو
هدي ؛؛ اهااا
نا ؛؛ دزيه باهي
وخشيت وخذيت وشاحي وطلعت وقعدت امقعمزه ونرجا في طارق واموتيه العويل وبعد ثلث ساعه ايرن طارق
طارق ؛ اطلعي
نا ؛ تعال خوذ العويل
طارق ؛؛ باهي
خذيت شنطه وطلعت وفتحت الباب لطارق وخذ مني الشنطه وحطها في السياره وشال معي العويل ومشينا للحوش
هدي ؛؛ طيب فيا
نا ؛؛ اسفه والله سيبته راقد
هدي ؛؛ وكيف قالتيله
نا ؛؛ اتصدقي غمتلي منه حتي حكي ما حكيتله
هدي ؛؛ هيييييييي حي عليك
نا ؛ ماتخوفنيش خلاص
هيا انديرو بدال العويل راقدين
وبدينا انديرو نا وهدي بسرعه بسرعه وبعد ساعتين اتخش عمتي ومعها الهام وامها
هدي ؛؛ لووووووووووووووووووووووووو
مبروك مبروك
الهام ؛؛ يبارك فيك ان شاءالله عقبالك
هدي ؛ ان شاءالله تفضلي خشي وتيتلك افراش في الدار معيشه
وسلمت عليهن وخشن جوا وعمتي خشت علينا في المطبخ
عمتي ؛ شن درتن
هدي ؛؛ رز بالخلطه وشربه ومحشي وبطاطه امبطنه وبيتزا
عمتي ؛؛ باهي تمام انساعدكن في حاجه
نا ؛؛ ﻻﻻ عمتي ماعليك امغير خليك علي العويل بس
عمتي ؛؛ باهي
وخشت عمتي وقعمزت جنب الهام وامها وقعدت علي العويل
نا ؛؛ هدي شيلي عصير وشكولاطه للهام
هدي ؛ باهي هيا
وصبت هدي العصير وحطت شكولاطه وطلعت
ونا امصبيه ونقلي وحسيت مره وحده يد شاده علي مرفقي زين
نا ؛ اهااااا
برمت وجي والقيته مراد والغضب طالع من اعيونه
حبيبي يدي
مراد؛ كرني بقوه وخششني للمربوعه وسكرا عليا وعزقني علي الصالون
نا ؛ اهاااا حبيبي
مراد ؛؛ اهااا صار اهاااا حسيتها تو كيف تطلعي من وري كيف
نا ؛؛ خفت منه واعيوني تعبن ادموع
مراد ؛؛ انطقي كيف تطلعي من وراي كيف
وقرب مني ورفع يده
نا ؛؛ خقت منه وكشيت وخشيت في روحي
مراد ؛؛ شافني كيف كشيت ونبكي وقف
عاجبك هكي اتخلي فيا انتعصب عليك
نا ؛؛ نبكي ومنهاره
مراد ؛؛ تي احكي ياعن شكلك احكي
نا ؛؛ نحكي بصوت بيبي ونبكي
انت اللي لزيتني وهدي اقعدت تبيني انجيها وهي قالتلي طارق طالع تو قالتلها خلي ايجي ياخذني وامتي مايوعي مراد ايجي
مراد ؛؛ به ليش ما حكيتي
نا ؛ لان انت لزيتني اولا وثانيا نا متعوده نركب مع طارق مش اول مره
مراد ؛؛ بصوت عالي
بعلمي تركبي مش من وراي وانتي عارفه جنوني يطلعن لما انشوفك طالعه من وراي
وخشت عمتي علينا
عمتي ؛ مراااد كنك وطي صوتك ام الهام قاعده
مراد ؛؛ امي نحكي مع مراتي نا
عمتي؛ ؛ باهي بشويه ايه مش غالطه نا اللي دزيت عليها ونا اللي قالت لطارق جيبها شن عندك مانع
مراد ؛؛ باهي تبيها اتجيك باهي بس اتقولي مش تطلع هكي
عمتي ؛ انت راقد نا قالتلها خليه راقد تو نحكي معه نا
مراد ؛؛ بحت فيا وهو امفنص هو عارف ان عمتي تكذب عليه بيش يهدي ويسكت
احسابك بعدين انتي
عمتي ؛ والله يا مراد اتجي شورها لا اولدي ولا نعرفك الستر هي جيتني نا اتساعد فيا وانت غمتلك كيف ماتبيهش اتساعدني ولا شنو
مراد ؛؛ باهي يا امي تمام
وطلع وخبط الباب بالقوه
عمتي ؛؛ خلاص ويه صبي اغسلي وجك واطلعي
نا ؛؛ حاضر
وصبيت ونا متحشمه وغسلت وجي وخشيت علي هدي
هدي ؛؛ خلاص فوتيه تو يهدي نا اللي قالت لماما الموضوع وخليتها اتخش عليكم
نا ؛ نا اللي غالطه
هدي ؛؛ عادي فوتي خلاص
وكملنا الفطور وحطينا وفطرنا وصبيت نا وهدي وضمينا المطبخ وايخش علينا طارق
طارق ؛؛ هدي نبي اندير حمام عدي جيبلي دبش من داري
هدي ؛؛ باهي
وطلعت هدي ونا قعدت انشف في المطبخ وطارق طلع وقعد في الصاله
وفونه رن
طارق ؛؛ صحه صحه
رجاء ؛؛ سلمك وينك
طارق ؛؛ روحت من السوق جيت فطرت تو نبي اندير حمام ونطلع
رجاء ؛؛ ويه عندكم
طارق ؛؛ اها رايفت عليك كنك مارنيتي عليا خلاص تو حلالك
رجاء ؛؛ ههههه عارفتك صايع فتك وبعدين وعيت متاخر خشيت للمطبخ مع اميره وجن صبايا خوتي وعيت خالي عيسي
هدي ؛؛ اهو طارق دبشك
طارق ؛ شكرا
رجاء؛ كنها هدي
طارق ؛؛ الهام جابت اوليد عقبالك
رجاء ؛؛ صااااح مبروك ياعمو
طارق ؛ عقبالنا خلاص هي قاعده في دار معيشه ونا تحشمت انخطم عليها وهي راقده قالت لهدي اتجيبلي دبش بيش اندير حمام هنا في حمام المربوعه
رجاء ؛؛ اهااااا انحبك
طارق ؛؛ واجد
رجاء ؛ اهاا
طارق ؛ واجد واجد
رجاء ؛ هلبه هلبه
طارق ؛؛ خشيتي علي خط الغرباوي من وراي
رجاء ؛؛ ههههه دعاء سحنت كبدي ب باسط امتعها
طارق ؛؛ هههههه
رجاء ؛؛ ابسيطه علي قولتها
طارق ؛؛ باهي به خلاص ساد ادلعي في الراجل اخري خلاص سادك
رجاء ؛؛ يا نقصي
طارق ؛؛ نبي اندير حمام
رجاء ؛ باهي انحبك
طارق ؛ انموت فيك وامرايف عليك
رجاء ؛؛ هههههه نا كل ما انرايف نفتح الفون نلقاك في الخلفيه وانخش علي فيديوات ونسمعك وانشوفك
طارق ؛؛ هههه مشكلتي نا مانحبش التصوير في فوني بس شفتي روحك كيف راقده علي صدري
رجاء ؛؛ ايهبل الفيديو هذاك يوم اللي كنت مريضه فيه نا راقده وما نندري وانت زايط
طارق ؛؛ وين زايط حرام عليك امرقدك علي صدري بس
رجاء ؛؛ خلاص هيا نبي انسكر بيش انتفرج عليه رايفت عليك اصلا
طارق ؛؛ هههه حبيبي افطني لفونك راه ينسرق
رجاء ؛ حبيبي نا دايرته رمز وبعدها اساسا مانطلعش فيه لحد
طارق ؛؛ باهي حبيبي تو شيء يوم انجيبلك لاب توب وافلاش واتحطيهن فيه
رجاء ؛ لاب توب جديد راه ليا
طارق ؛؛ حااااضر من اعيوني
رجاء ؛؛ نجك نجك والله انحبك
طارق ؛؛؛باهي هاتي وحده بيش انسكر
رجاء ؛؛ طارق انت عارف مانحبش الجو هذا علي الفون
طارق ؛ علي طبيعه اتحبيه صاح عادي انجيك راه
رجاء ؛ عارف انت قمه في صياعه ونبي انسكر
طارق ؛؛ هههه سلام
رجاء ؛؛ سلام
وخذا طارق دبشه وخش للحمام
نا ؛؛ خلاص حبيبي اني جيت
عمتي ؛؛ ارحيمه لما يبكي ماعاد يسكت
نا ؛ بكل قهرني
الهام ؛؛ نجيه ياربي
نا ؛؛ ولما نبدا انرضع يقعد بقوه ايفش في غله فيا
عمتي ؛؛ ههههه سبحان الله مراد مراد
هدي ،؛؛ اسمعي حتي لمار هكي كانت متعبه وهي اصغيره اكتر من حمادي
نا ؛؛ ايهبل حمادي هادي
عمتي ؛ ههههه مراد قالي نبي انجيبهم بعدين في الليل
نا ؛؛ اهاااا ما بيتن هنا نحن اليوم
هدي ؛؛ احسن بيش نصبحو مع بعضنا
نا ؛؛ نا علي خاطر هذوم هم ايطولو وهم راقدين في الصبح قالت انجي انبات بيش هم يرقدو في الصبح ونا انكون معكم
عمتي ؛؛ حتي نا زمان اندير هكي انخلي فيهم راقدين ونقعد انحوس وانكملو حوستنا بعدها يوعو
مراد ؛؛ ايه يا ايه
نا ؛؛ هيا تو انجي
وحولت ارحيمه وطلعت وتميت انسكر في ابلوزتي والقيت امصبي
نا ؛؛ بصوت بيبي وزعلانه
نعم
مراد ؛؛ اهو القطن اللي تبيه
نا ؛؛ شكرا
وقربت ومديت يدي وهو بلدني ووخر يده لاوره
نا ؛؛ هاته كنك
مراد ؛ ليش تطلعي من وراي
نا ؛؛ مش وقت نقاش هنا
مراد ؛؛ اوكي بجوك
وعزق عليا القطن وطلع ونا خشيت وقعمزت وجن خوات الهام ودرنا جونا وهدرزنا وروحو اهل الهام كلهم حتي امها
هدي ؛؛ حس الحواله جن هيا انشوفوهن
نا ؛؛ هيا تعالي
وطلعنا والقينا حاتم ايسكر عليهن في الجنان الخلفي
هدي ؛؛ وين حولينا
حاتم ؛؛ ههه اهو يا طفله وانتي اشر من رتاج
هدي ؛؛ هههههه
وخش مراد ومعه لمار وحمادي
لمار ؛؛ اعميمه اعميمه
نا ؛؛ خير يااعيون اعميمه انتي
وطبست عليها واضبطتها وبستها
وحمادي جا جنبها وايبحت فيا
حمادي ؛؛ ايه
نا ؛؛ نجك ليا ايقول في الاسم صاح واضبطته ورفعته فوق وقعدت شايلته
لمار ؛؛ عمو وين حولينا
حاتم ؛؛ اهو ياعمو
نا ؛؛ برمت وجي وبحتت في مراد والقيته امصبي ومتعقد
هدي ؛؛ رن فونها حطته علي صامت وبحتت فيا
نا ؛؛ عرفته محمد اللي ايرن
هيا ياهدي انخشو
مراد ؛؛ خيلي حمادي نبيه
نا ؛ به
ونزلت حمادي وخشيت نا وهدي ولمار وقعدت لمار تلعب مع رتاج
وفرشت في دار معيشه مع الهام
وخشيت للحمام غيرت دبشي ولابست توته والقيت بيده يبكي مسكته وقعدت انسكت وطلعت للصاله واسمعه مراد في المربوعه
مراد ؛؛ جيبه هنا
ومشيت وخشيت للمربوعه والقيته راقد علي الصالون وايلعب في حمادي
هاتي هنا
نا ؛؛ ماغيرتش دبشك
وقربت منه ونزلت عليه وعطيته بيده
مراد ؛؛ عدي جيبلي دبش وفرشيلي
نا ؛؛ باهي بس سكته هذا
مراد ؛؛ كنه يبكي هكي
نا ؛؛ شيء
مراد ؛؛ حد جاي شوره
نا ؛ لا عادي
مراد ؛؛ به عدي فرشي
ومشيت وتميت انفرشله وانشوف في بيده ساكت عند مراد وحمادي ايحب فيه
نا ؛؛ هييييي حس لمار زايطه في ارحيمه
ومشيت بسرعه والقيت هدي اتهزب في لمار
نا ؛؛ خلاص خليها
هدي ؛؛ راقد وهي اتنابش فيه
لمار ؛؛ امشي يا بارده
وطلعت تجري تبكي ومشت لمراد
عمتي ؛؛ ههههه باقيه جالطه اخري
هدي ؛؛ ههههه هبله
عمتي ؛؛ خلاص يا هدي وايه خلن الهام راقده
هدي ؛ باهي
ومشت عمتي وخشت للدارها
هدي ؛؛ ويه تو انجي نرقد هنا امغير نحكي مع محمد وانجي
نا ؛؛ خوذي راحتك تو نمشي لمراد انشيله دبشه
هدي ؛ هههه وراضيه
نا؛ ان شاءالله
وخذيت دبش مراد ومشيتله لمربوعه وفي يدي ارحيمه
مراد ؛؛ اوووو ارحيمه
نا ؛؛ اهو دبشك غير
وعطيته وقعمزت جنبه
وبديت انرضع في ارحيمه ومراد ايبحت فيا ومبتسم
وخش لحمام وغير وجاني مازالت مقعمزه
مراد ؛؛ كنك
نا ؛؛ انتحشم من الهام وهي راقده تو انرقدهم قبل بعدها انشيلهم اهو حمادي راقد في مكانك
مراد ؛؛ لمار بابا عدي خشي ارقدي
لمار ؛؛ به بابا
ومشت لمار
وقعمز جنبي مراد
نا ؛؛ كنك اتبحت فيا هكي
مراد ؛؛ انحب انشوفك وانت هكي اترضعي
نا ؛؛ اهاااا
مراد ؛؛ قرب مني وباسني علي الشوفه
نا ؛ قعدت امنزله راسي وماعدلتش
مراد ؛؛ زاد اخر وتم ايبوس فيا وهمسلي في وذني
حبيبي زعلان
نا ؛ بحتت فيه بنظرت زعل كيف بيبي
مراد ؛؛ معش تطلعي من وراي
نا ؛؛ حاضر
مراد ؛؛ وكان درتيها اخري
نا ؛؛ ……
مراد ؛؛ نحكي نا
نا ؛؛ والله هدي كلمتني وانحرجت ونا عارفتك عادي نركب مع طارق هذا عليش مادورتش واجد
مراد ؛؛ باهي حبيبي عادي تطلعي مع طارق بس مره تانيه قوليلي قبل
نا ؛؛ حاضر
مراد ؛؛ انحبك
وقرب مني وباسني علي. ..
نا؛؛حول حس صوت طارق
مراد ؛؛ ههههه امشي خشي
نا ؛؛ باهي
مراد ؛؛ زمان كنا انخوفو في طارق وتو انخافو منه
طارق ؛؛ نسمع نسمع
مراد ؛؛ وين قاعد
طارق ؛ تعال كول معي
مراد ؛؛مايشبعش هذا
وصب مراد وخش معه المطبخ ونا كملت ارحيمه وشلته للدار ورديت القيتهم امصبين وياكلو
نا ؛؛ بشويه كنكم
طارق ؛؛ مستعجل نا
نا ؛؛ هههه بشويه
ورن فون طارق علي طاوله ونا بحتتت والقيته مجنونتي
طارق؛ بحت فيا
مراد ؛؛ احم احم
طارق،؛ ردي كان تبي
نا ؛؛ ليش
طارق ؛؛ اهي سكرت
وغسل ايده وخش للداره ونا شالت بيده للدار ورديت علي حمادي
مراد ؛؛ خليه نبيه يرقد معي
نا ؛؛ به تصبح علي الخير
مراد ؛؛ وانتي من اهله
وطلعت ومشيت للدار ورقدت وعينا تاني يوم في الصبح طبعا العويل راقدين طلعنا بره وجو عيت عمهم والرجاله روحو من الصلاه عيدنا علي بعضنا وبدو الرجاله يذبحو الحواله ونا انبحت في مراد
نا ؛؛ صبي هيا اذبح
مراد ؛؛ عليك قصه
نا ؛؛ هيا بيش انصورك
مراد ؛؛ اسف مانصورش انا
نا ؛؛ ياعيني والله
عمتي ؛؛ ويه تعالي
مراد ؛؛ عدي اغسلي دوره نعطيك50 جنيه
نا ؛؛ ﻻﻻ تعطيني 100
مراد ؛؛ تغسلي قدام اعيوني
نا ؛؛ ونا نعطيك 200 لو تذبح
مراد ؛؛ ﻻﻻ شكرا هيا امشي اغسلي
هدي ؛؛ هيا يا ويه اغسلي وخليه يدفع
طارق ؛ هيا ياايه خليه يدفع
نا ؛؛ بحتت في مراد والقيته حاط اكراع علي اكراع ويضحك هازي عليا
حاتم ؛؛ هيا يا ايه
مراد ؛؛ تغسليها نعطيك 150
عمتي ؛؛ سكرلها علي 200
مراد ؛؛ ههههههه مش اخسار فيها بس ابشرط دورتين يعني الدوره بمئه
افنان ؛؛ هيا يا ويه خليه يدفع
مراد ؛؛ حتي انتي يا افنان امصبيه ضدي
نا ؛؛ هههههه به حاضر تو نغسل
ومشيت وقعمزت علي الكرسي وبنت الكرشه فاحت
اععععععع بكل
طارق ؛؛ ايه الجينز مش ماشي مع الدواره صبي البسي قفطات من امي واربطيه في النص واربطي راسك
مراد ؛؛ ههههه عارفها مش ح اديرها
هدي ؛؛ معقوله هازيه عليها
مراد ؛؛ عارفها
وغمزلي
مرات عمهم ؛؛ ايه والله ماهي صعبه امغير شدي عزمك
مراد ؛؛ مستحيل
نا ؛؛ به يا مراد تو اتشوف
هدي ؛؛ ههههه تو انصورك
نا ؛؛ ﻻﻻﻻ
هدي ؛؛ هههههه ﻻﻻ نبي انصور
نا ؛؛ بحتت في مرات عمهم وهي امقعمزه امصادرتني
مرات عمهم ؛؛ هيا ايه افتحي من هنا
مراد ؛؛ عمتي ماتغشيهش
مرات عمهم ؛؛ ﻻﻻ حرام انقوللها بس وهي ادير
نا ؛ بلا مكر ووتي افلوسك
مراد ؛؛ هههه مش ح انوتيهن لان مش ح اديرهن
نا ؛؛ باهي تو اتشوف
وطبست علي الكرشه ومسكتها
اعععععع بكل
مراد ؛؛ هههههههه
عمتي ؛؛ افتحيها يا ويه
نا ؛؛ بنتها
عمتي ؛؛ شدي عزمك عدا الله عملت ارحيمه ولا بيده
هدي ؛؛ ههههههههههه ونعمه المثل
نا ؛؛ وفتحت الكرشه وغمضت اعيوني وكبدي بدت ونا نمسك في روحي بالغصب
مراد ؛؛ هههههههههههه مستحيل
عمتي ؛؛ هيا هيا شدي عزمك
هدي ؛؛ هههههه عليك منظر يا ويه
نا ؛؛ اععععع خلاص كبدي
وصبيت نجري للحمام وتميت انرجع
وكلهم اقعدو يضحكو
مراد ؛؛ هههههههه عارفه مش ح اديرها
وطلعت عليهم
طارق ؛؛ هابا اخسارته الرهان
نا ؛ نبي اندير امغير هكي بس
مراد ؛؛ امغير شنو احكي
عمتي ؛؛ خلاص ياويه
نا ؛؛ ﻻﻻ نبي ال 200 نا
ورديت قعمزت علي الكرسي وحطيت الوشاح علي خشمي وفمي
وبديت انساعد في مرات عمهم علي الغسل
مراد ؛؛ ايه نا قالت اوحدك
مرات عمهم ؛؛ امغير وتي افلوسك اهي صار منها
مراد ؛؛ غش هذا
عمتي ؛؛ لا مش غش امغير ريح روحك
نا ؛؛ بحتت فيها ورقصت حاجبي
مراد ؛؛ هههههه تو تشوفي مازالت نا مش ح نعطي نين تغسلي كلها
نا انسجمت اشويه اشويه علي الغسل وهم كملو الذبح وبدو يشو
طارق ؛؛ رتاااااااج
رتاج ؛؛ نعم
طارق ؛؛ فوني اجري جيبه
نا ؛؛ هدي صورتي طارق
هدي ؛؛ العائله كلها كنك
نا ؛؛ هههه رجاء تبي الصور
هدي ؛؛ تو انصورلها وهو ياكل ومتوحش
وتمت اتصور فيه هدي وكملنا الشويه وخشو الحوش
وجتني لمار تجري
لمار ؛؛ اعميمه بيبي يبكي
نا ؛؛ به تو انشوفه
عمتي ؛؛ خوذي معاك اشويا اخر للهام
نا ؛؛ باهي
وخذيت اشويات وخشيت علي الهام
نا ؛؛ صدعو راسك
الهام ؛؛ ﻻ واعيه نا
نا ؛؛ اهو شويات
وقعمزت والقيت ارحيمه يبكي ومسكته
الهام ؛؛ جابتلي هدي ليش اخري
نا ؛؛ نافس ضروري اتغذي
الهام ؛؛ حاتم وين
نا ؛؛ خش امبدري للحوش
الهام ؛؛ عارفه كان هنا عندي بس نبيه بس
نا ؛؛ فرحان صاح
الهام ؛؛ ههه بكل
نا ؛؛ شن تبو اتسموه
الهام ؛؛ ليث
نا ؛؛ حلو ليث من امسميه
الهام ؛ نا خلاص رتاج ومحمد امسميهم حاتم
نا ؛ محمد علي عمي
الهام ؛؛ اهاااا
وغيرت ارحيمه ورضعته وغيرت بيده ورضعته وخليتهم في الدار وطلعت وقعدت معهن انحوس
وطلع طارق علينا
طارق ؛ ايه عطك مراد افلوس
نا ؛ ﻻ مازال
طارق ؛ معقوله يامراد
مراد ؛؛ لما انروحو تو مش معي
هدي ؛؛ ايه راه يضحك عليك اكيده معه مستحيل مراد ايكون بلا افلوس
نا ؛؛ هيا يامراد طلع
مراد ؛؛ هههههه عنديش
حاتم ؛؛ كيف تبي اترد في كلامك
مراد ؛؛ جيت معها
حاتم ؛؛ مع الحق نا
مراد ؛؛ والله تو نعطيها في الحوش
طارق ؛؛ ايه راه يضحك عليك
مراد ؛؛ عيب ياراجل تو نعطيها
نا ؛؛ ﻻﻻ عرفته طيب ويعطني
حاتم ؛ هههههه اتلسن
ودارت عمتي الغداء وتغدينا وقعدنا لعند المغرب وروحنا وحطينا لمار وحمادي في الحوش ومشينا للهلي
رجاء ؛؛ اهلا اهلا بحبايب خالتو
ماما ؛؛ باهي اللي شفنك طالعه من الدار
نا ؛؛ ان شاءالله ماعيدتش معاكم
اميره ؛؛ كالعاده راقده وعت علي الشويات
نا ؛؛ وراك زواج لعند امتي تقعدي هكي
رجاء ؛ ساهله
شن جوك يامراد
مراد ؛؛ تمام
وقعمزت رجاء وخذت بيده
وخشت ايمان واحمد
وسلمو وقعمزو وصبت اميره ودارت قهوه
ايمان ؛ مازالت ماقالت لحد
نا ؛؛ ليش
ايمان ؛؛ تحشمت انقولها
نا ؛؛ هههه فرحي ماما تبي تسمعها من زمان
ايمان ؛؛ به احكيلها انتي
نا ؛؛ به
رجاء ؛؛ صورتي طارق
نا ؛ اها نقلتهن الصور اهو فون دزيهن لروحك
رجاء ؛؛ نجيه ياربي الناشط
اليوم انصدم لما عرفني راقده وماانعيدش معكم
نا ،؛ غيره طبعك هذا
رجاء ؛؛ تعب ياخيتي ماعنديش له راس وصبايا خوتك ايجن ومانحبش نفاقهن لان كان نقعد معهن انتعارك معهن
نا ؛ به وطي صوتك راه مراد يسمع
رجاء ؛؛ من اخر فم في الغداء عدنا لهلهن
ايمان ؛؛ افتكيتن منهن
نا ؛؛ خالتي فاطمه امتي روحت
رجاء ؛؛ بعد العصر
نا ؛؛ اهاا
وقعدنا انهدرزو
مراد ؛؛ هيا ايه
نا ؛؛ هيا
وخذا مراد العويل وطلع وطلع وراه احمد
ايمان ؛؛ خبطتني في جنبي
وغمزتلي
نا ؛؛ ماما سمعتي يبي ايجيك حفيد
ماما ؛؛ ماشاءالله انتي
نا ؛؛ ههههه كني نا ايمان حامل يا ماما
اميره ؛؛ لووووووووووووووووووووووووو
لووووووووووووووووووووووووو
رجاء ؛ يافرخه تبي تقعدي ام انتي
ايمان ؛ اها
ماما ؛ تعالي هنا
وجتها ايمان واضبطتها
مبروك مبروك
ايمان ؛؛ يبارك فيك
نا ؛؛ متحشمه اتقولها
اميره ؛؛ وليش الحشم مبروك يافرخه
ايمان؛؛ يبارك فيك عقبالك
اميره ؛؛ ان شاءالله يارب
نا ؛؛ خلاص هيا الرجاله يرجو
ايمان ؛ هيا
وطلعنا نا وايمان وكل وحده اركبت سيارتها ومشينا روحنا
ومشن الايام وخشينا في الشتاء ويا مااحلي الشتاء حياتنا ماشيه عاديه جدا مافيش احداث واجد عاديه جدا
وفي يوم من الايام ونا قاعده في الحوش وحاطه ارحيمه وبيده في المشيه
مراد ؛؛ حبيبي فونك ايرن
نا ؛ ييييي علي الشحن في الدار
مراد ؛ صبي ياتنباله
نا ؛ افطن راه ارحيمه ايكر المفرش
وصبيت وخشيت للدار والقيتها اميره اترن
نا ؛؛ ايوه
اميره ؛ وهي تبكي
خيرات ويه
نا ؛؛ خير ياعمري كنك تبكي
اميره ؛؛ ……….
يتبع