مسلسل سعاده كاذبه الجزء الاخير
مسلسل سعاده كاذبه
الحلقه 80
حطني خالد قدام المستشفي وعدا مشيت ودرت تحاليل وفعلا طلعت حامل ومشيت سالت والقيت مراد قاعد في غرفته
مشيت لغرفته وصبيت قدامها وقلبي ينبض بسرعه معش عرفت انخش ولاه انروح خايف انشوفه قدامي ننهار وهو يكسفني
وبدون ما نحس بروحي القيت روحي اندق علي الباب
الممرضه ؛؛ تفضلي
نا ؛؛ نبي دكتور مراد
الممرضه ؛؛ الدكتور تو في الكافتيره يفطر وتو ايجي عدي قعمزي في الصاله واستني
نا ؛؛ حاضر شكرا بارك الله فيك
ومشيت وعديت قعمزت في صالة الانتظار وانقلب فوني وكان التوتر باين عليا واااجد انحس في عرشه في يدي وقلبي ايدق بسرعه معش عرفت ما اندير غير اني نرجا مراد ونحكيله
وفجاء سعمت صوت نعرفه رفعت راسي وجت عيني في عين مراد وهو يحكي ويضحك مع دكتوره بدون مانحس بروحي القيت روحي امصبيه ونرعش كراعيا مش شيلتني بس كانت الصدمه صعبه بكل وهي اللي خلتني نمشي وقربت منهم وهو يضحك ونا اعيوني ملينات ادموع
مراد ؛؛ وهو منصدم وايبحت فيا
ايييييه كنك
نا ؛؛ قعدت ساكته وانبحت فيه وحسيت كيف الدوخه حطيت يدي علي الساس انسندت عليه
مراد ؛؛؛قرب مني ومسكني
نا ؛ برمت جوي شور الساس ودمعتي انزلت دفيته بيدي بقوه وطلعت بسرعه
مراد ؛؛ لحقني ويمشي وراي بسرعه وسلح البالطو امتعه
ايه ايه اصبري
نا ؛؛ درت روحي مانسمعش فيه بكل طول وتميت انرن علي خالد ومشيت شور باركي السيارات
مراد ؛؛ قرب مني ومسكني من يدي وبرمني شوره
نا نحكي ليش اتعدي
نا ؛ بصوت عالي
شن تبي فيا خلاص حول
جتني قوه وخلتني اندفه بالقوه اخري
ونا نبكي وقهرني الموقف
ايوه خالد تعالي تو ابسرعه تو
خالد ؛؛ كنك عليش تبكي باهي
نا ؛؛ تو ياخالد بسرعه
خالد ؛؛ خلاص تو انجي عطيني 10 دقائق بس
صكرت منه وحطيته في شنطتي ومراد امصبي وايبحت فيا وايفنص
مراد ؛؛ عليش جايه هنا
نا ؛؛ مانحكيش بكل وكأني مانسمعش فيه
مراد ؛؛ مسك يدي بقوه
نا نحكي ردي
نا ؛؛ فكيت يدي منه بالقوه
مراد ؛؛ ايه ماتسكتيش احكي احكي كنك ساكته شن فهمتي انتي
نا ؛؛ حسيت اكراعي ترعش واجد مشيت وقعمزت علي ماده وقعدت نبكي
مراد ؛؛ قرب مني وقعد ايبحت فيا
وبعدها مسكني من يدي وايكر فيا
نا ؛؛ بصوت عالي ونا نبكي
حول حول خطاني خلاص خلاص مش تبي طلقني مش معش نلزمك عليش تمسك فيا خطاني
مراد ؛؛ ايبحت في الناس ولقي الانظار كلهن علينا
اركبي في سيارت
نا ؛؛ في احلامك
مراد ؛؛ كرني بقوه شور سيارته ونا اندف فيه
وجا بسرعه سراج وسعد
سراج ؛؛ مراد مراد خلاص الناس اتبحت
مراد ؛؛ ماحد دخله مراتي
نا ؛؛ لا دخلهم نا مش مراتك وانت تبي اطلقني
سعد ؛؛ قرب من مراد ومسكه
خلاص اهدي انت
مراد ؛؛ سعد ماتدخلش انت
سراج ؛؛ الناس يا مراد خلاص انت دكتور
نا ؛؛ شفت سيارة خالد جايه من بعيد بسرعه مشيت من قبل ما يوقف
خالد ؛ تم ايبيب لاني نمشي بسرعه ونبكي
ايه بشويه كنك انتي
نا ؛؛ طول مشيت وركبت في سيارة واعيوني شلال دموع
خالد ؛؛ كنك شن في
نا ؛؛ نبكي امشي امشي بسرعه
خالد :؛ تي احكي كنك شافك مراد
نا ؛؛ خالد ورقتي ونبيها خلاااص هذا قراري
خالد ؛؛ في حاجه صارت
نا ؛؛ ونا نبكي ومنهاره
شيلني لحوش وراسي
خالد سكت ونا قعدت نبكي ومنهاره نين جيت للحوش طول خشيت والقيت رجاء اتظم في المطبخ نا طول خشيت للدار وصكرت علي روحي وقعمزت علي الارض وتميت نبكي
ياربي شن درت نا في دنيتي نين ايصيرلي هكي ياربي
رجاء ؛؛جت وتمت ادق عليا
ويه كنك افتحي
خالد ؛؛ شوفيها ماتخليهش اوحدها
رجاء ؛؛ كنها شن في
خالد ؛؛ ما بتش اتقول شوفيها كنها
وفجاء سمعت باب ايدق طلع خالد يفتح
مراد ؛؛ وينها وينها
خالد ؛؛ انت يا مراد امزعلها صاح
مراد ؛؛ شن تبي جايه للمستشفي هي
رجاء ؛؛ طلعت عليهم
جايتك تبي تحكي معاك
خالد ؛ رجاء امشي خشي
مراد ؛؛ تو تطلع عليا وتمشي قدامي للحوش تو خطرلها اتجني في العمل ليش ما رنت
خالد ؛؛ ايه مش ح تطلع بلا ارداتها
مراد ؛؛ تو تطلع ياخالد
خالد ؛ لو هي اطلعت عليك باهي بس مش بغصب وبعدين هي مش جايتك شخصيا هي مريضه وجايه للمستشفي
مراد ؛؛ رجاء عدي كلميها
رجاء ؛؛ خشت تجري وتمت ادق عليا
ايه مراد يبيك اطلعي شوفيه
نا ؛؛ ﻻﻻﻻ نبيش نطلع نا معش نبيه خلاص
رجاء ؛؛ باهي افتحي خلني انشوفك وراسي وراس ماما افتحي طمنين عليك بس
نا ؛؛ صبيت بسرعه وفتحت ونلكي ونحكي بصوت عالي
رجاء نلقي حد ايقول لمراد اني حامل والله واقسم بذات الله ما عاد نحكي معه طول العمر
رجاء ؛ يعني ماتبيش تطلعي عليه
نا ؛ ﻻﻻ نبيش
وصكرت الباب بقوه وقعمزت علي الارض وتميت نبكي اخري وكاني شلال دموع من الصدمه والجرح ادموعي ماوقفنش بكل
مش مكتبولي فرح بكل مش مكتبولي استغفر الله العظيم
رجاء ؛؛ طلعت لجنان
مراد ماتبيش تطلع
مراد ؛؛ كيف
خالد ؛ مراد خليها براحتها تو لها كم يوم قاعده هنا وانت مادورتها بكل تو جاي تبيها تطلع بالغصب خليها تهدي وبراحتها
مراد ؛؛ برم وجه وطلع بسرعه ومشي بالسياره
تم ايرن عليا
نا ؛؛ شفت فوني ايرن القيته هو اللي يتصل درتله مشغول وقفلته بعدين سمعت صوت ارحيمه وبيده ايدقو بشويه علي الباب وينادولي ماما ماما
صبيت وفتحت وخششتهم عليا واضبطتهم
رجاء ؛؛ ويه عليش البكاء شن في
نا ؛؛ رجاء نبيش نحكي خلاص
رجاء ؛؛ باهي اهدي علي خاطر اعيالك بس ماتفجعيهمش حرام
نا ؛؛ اللي فيه هم من باتهم كله هو اللي ايدير فيه حتي كان غلطت تاسفت ودرت اللي عليا بس هو اللي طلعني ولزني وجافني ولما نمشي انشوفه ايهدرز وجوه سمح ونا انكمل طول الليل نبكي وانتمت في يوم اللي ايجني وايردني
رجاء ؛؛ قربت مني وتمت تظبط فيا وتبكي واتهدي فيا
نا ؛ وراس ارجيوه ما تقولي لمراد ان نا حامل
رجاء ؛؛ نا مش ح انقول بس راه خطا
نا ؛؛ ايخون فيا ياارجيوه ايخون فيا
واتخش ماما ودوبها تمشي
نا ؛؛ شفتها صبيتلها طول
ماما كنك
ماما ؛؛ عليش تبكي
نا ؛؛ ماادوريش عارفتني بكايه
وسندتها وخليتها اتقعمز علي السرير واضبطتني ونا قعدت نبكي
و انزلت امل وخشت علينا
رجاء ؛؛ خليكي معها انتي
امل ؛؛ باهي
طلعت رجاء وحكت مع خالد ونا قعدت نبكي واتهدي فيا ماما وامل
رجاء ؛؛ طارق وينك
طارق ؛؛ طالع
رجاء ؛؛ ايه كانت عند مراد في المستشفي وروحت منهاره شكلها صايرتلها مشكله وقالت ما تقولش انها حامل
طارق ؛؛ مشكله كبيره
رجاء ؛؛؛خالد قالي القيتها تجري وتبكي ومراد فاصل والناس ملتمه
طارق؛؛ معقوله باهي تو انشوف صاحبي في المستشفي يخدم وانكلمك
رجاء ؛؛ طارق راك اتقول انها حامل راهي احلفت ونا نبيش نخسارها ايه
طارق ؛؛ تي باهي تم
صكرت رجاء وجتني في الدار
رجاء ؛؛ شيرت ل امل
امل ؛؛ خذت العويل وطلعت
رجاء ؛؛ شن حكت
امل ؛؛ تبكي حسيتها داخت وارقدت خالتي اقعدت تبكي
رجاء ؛؛ ربك يستر ان شاءالله والله مراد هذا تعبها جا هنا قبل تعارك هو خالد
امل ؛؛ سمعت صوتهم وشفت من عند الروشن لابست ونزلت ابسرعه
رجاء :؛ تعالي انطلعو ماما
وخشنا رجاء وامل ولقن ماما حاطه راسي علي كراعيها ويدها في شعري
ماما تعالي هيا خليها ترقد
ماما ؛؛ غيرلها دبشها
رجاء ؛؛ ماعليك فيها ياماما
وخشت امل وساندت ماما وطلعتها ورجاء تمت اتحولي في جاكتي وغطتني
ورن فونها
رجاء ؛؛ لقاته طارق خذت الفون وطلعت
نعم حبيبي
طارق ؛؛ قصه كبيره راه قالي سعد تم يبي ايركبها معه للسياره وهي ما باتش نين جا خالد
رجاء ؛؛ باهي عليش شن صار هي اتقول ايخون فيا وتبكي
طارق ؛ رنيت علي مراد ما ردش عليا
رجاء ؛؛ قبل تعارك هو خالد شوفه وينه
طارق ؛؛ باهي صكري
مراد ؛؛ بصوت عالي
هااااااا كنك اترن
طارق :؛ وينك
مراد ؛؛ مش شورك
طارق ؛؛ شن في ايه مريضه راه
مراد ؛؛ كنها شن صار
طارق ؛؛ مراد ما تسرعش في قرارتك البنت مريضه وكانت جايتك تبي اتعالج وراه تبيك ومعترفه بغلطها
مراد ؛؛ هذا موضوع شخصي ماحد يدخل
طارق ؛؛ لا ندخل لانك انت مش عارف
مراد ؛؛ صكر في وجه طارق ومشي للحوش ونزل وتم ايفكر فيا وفي الموضوع من الاول لعند العصر وهو حاير وايفكر ليش جايه للمستشفي وكيف خليته يفصل قدام الناس وانعاند فيه قدام الناس ومانبيش نركب معه
رنت عليه عمتي
مراد ؛؛ نعم
عمتي ؛؛ تي شن داير انت قالو البنت في حاله قاعده
مراد ؛ تي مش داير شيء نا خلاص مانبيش حد يدخل
عمتي ؛؛ تعال شيلني البنت مريضه راه وانت املعقها
مراد ؛؛ لا معلقها لا شيء مراتي في مشكله بيني وبينها ماحد يدخل
عمتي ؛؛ ايوه قول هكي نين اتخرب بيتك كيف في الاوله مشيت طلقتها بدون ماتحكي مع حد
مراد ؛؛ امي والله ما وقتك خلاص
عمتي ؛؛ تعال شيلني ل ايه
مراد ؛؛ ما تمشيش ياامي المواضيع هذين شوري وماحد يدخل
عمتي ؛؛ لا ماشيه
مراد ؛؛ امي ما تمشيش ماحد يمشيلها نا قالت اتعاند فيا قدام الناس والله تندم عليه الحركه هذه
عمتي ؛؛ ام اعيالك
مراد ؛؛ بصوت عالي
تحترمني ياعن….. تحترمني مش اتخلني نفصل قدام الناس اتمعيل فيا ماتبيش تركب
وصكرت عمتي
عمتي ؛؛ شن دايره هي
طارق ؛؛ فاصلين هم الاثنين نا واحدعطي فرصه للتاني بس مراد ما يفكرش ان ايطلقها البنت اصغيره بعيالها ماعندها حد غيره
عمتي ؛؛ ربك يستر معه ها العصبيه امودرته
طارق ؛؛ تو نبرم عليها
امل ؛؛ مش ماشيه للمعهد
رجاء ؛؛ ﻻﻻ مانبيش انسيب ايه وحدها
امل ؛؛ مازالت راقده
رجاء :؛ اتقول فاقده الواعي
امل ؛؛ وجعتني ويه
رجاء ؛؛ ماتبيش تمشي للمعهد
امل ؛ ماعنديش نيه وخالد حسيته متعقد مابيتش انقوله شيلني
قعدن رجاء وامل يقرن مع بعضهن جنب ماما في دار معيشه ومعهن العويل لعند ما اذن المغرب ورن فونها
رجاء ؛؛ نعم
طارق ؛؛ نبي ايه
رجاء ؛؛ راقده
طارق ؛؛ وعيها نبيها نبي انتفاهم معها لعند امتي نقعدو هكي ساكتين نين ايهربو علي اروحهم
رجاء ؛؛ باهي تو انوعيها
طارق ؛؛ تعالي افتحيلي الباب قبل
رجاء ؛؛ حاضر
امل عدي وعيها طارق جايها
امل ؛؛ باهي
ويه ويه صبي حبيبتي طارق يبيك
نا؛ ؛ ونا واعيه وراسي اقريب ينفجر و نبكي تحت البطنيه
نبيش انشوف حد من طرفه خلاص
امل ؛؛ عيب يا ويه هذا سلفك وراجل اختك صبي مش علشانه علشان طارق وعلشان الاعيال
نا ؛؛ رفعت البطنيه وبحتت فيها واعيوني ملينات ادموع بصوت مخنوق
نا غالطه
امل ؛ لو طلعتي عليه وسمعتيه وسمعتي راجلك مش ح تكوني غالطه
نا ؛؛ بس شفته بعيني يضحك معها نا قاعده نحرق هنا ونرجا في رنته ونرجا في يوم اللي ايخش وايقولي هيا معي وهو يهدرز ويضحك اتصدقي جت كلمة سناء طول في وذني لما كانت اتقولي مراد لما يتعقد مني نلقه يحكي معي غيري شوفي يعني لما تعقد مني حكي مع غيري
امل ؛؛ هذا راجلك ياهبله مستحيل ايبدلك هيا صبي طارق خش للمربوعه
نا ؛؛ وين العيال
امل ؛؛ بره مع خالتي ورجاء صبي غيري دبشك واطلعي
نا ؛؛ به
صبيت القيت روحي مازالت بالجينز
غسلت وجي وتوضيت وصليت وغيرت ولابست توته وطلعت والقيت طارق في المربوعه
نا ؛؛ نمشي بشويه والهم والغم باين في وجي
خير طارق
طارق ؛؛ خير يامرات خويا
نا ؛؛ وين مرات خوك
طارق ؛؛ اها مرات خويا وليش جايك معناها نا جاي نبي ندير حل خلاص
نا ؛؛ الحل عنده هو مش عندي
طارق ؛؛ ايه ضروري مراد يعرف
نا ؛؛ بحتت فيه واستغربت وبحتت في رجاء
رجاء ؛ احم احم
طارق ؛؛ نا عارف ومش ح نقولها اطمني بس مراد من حقه يعرف وضﻻوﻻي انتي اللي اتقولي
نا ؛؛ اها صاح بيش ايردني صاح
طارق ؛؛ به انتي عندك عادي
نا ؛؛ ………
طارق ؛؛ احكي نا عارف كل حاجه
رجاء ؛؛ طااارق
طارق ؛؛ وكان شن فيها خويا ومرات خويا
نا ؛؛ والله يا طارق لو ايجني وايردني راضيه لاني نبيه نا بروحي ومانبيش انخلي اعيالي انعيشو بعاد عن بوهم وعلشان الحق نا غالطه وعارفه غلطي بس حتي هو ايتقبل عذري وايقدرني مش ايطلعني وايفوتني وبعدين انجيه ونلقه ايهدرز واعره راه والله واعر
طارق ؛؛ هو اليوم قاعد في الحوش هيا انشيلك امشي تناقشي انت وهو وخوذو راحتكم حليتو الموضوع باهي
نا ؛؛ مانخشش الحوش من وراه هو لو يبني انخش الحوش ايجني ياخذني من هنا
طارق ؛؛ والاعيال
نا ؛؛ لو هو ايفكر فيهم ايجي بس مايفكرش فيهم طلعني نا وياهم وحطنا وعد سيبنا وجافنا ولما جيته جرحني
طارق ؛؛ كنتي تركبي معه مش اتعانديه
نا ؛؛ يعني تبي اتحط الوم فيا تو
طارق ؛؛ مهما ايكون داير كنتي تركبي معه هو راجلك
نا ؛؛ جرحني يا طارق عادي عندك تركب مع شخص جارحك ونا عارفه متاكده اني لو ركبت راه شالني للحوش وقلب الموضوع عليا
طارق ؛؛ رن فونه وكان مراد اللي ايرن
ايوه
مراد ؛؛ اطلع ما فيش داعي تحكي معها
طارق ؛ وينك انت
مراد ؛؛ انشوف في سيارتم بره نا قالت اطلع وماحد يدخل بينا
طارق ؛؛ باهي اني طالع
وطلع طارق بسرعه
ولقي مراد قي السياره وحا شوره
طارق ؛؛ انزل احمي معها
مراد ؛ شن تبي جاي هنا
طارق ؛؛ البنت مريضه كنك انت
مراد ؛؛ مادخلكش انت صار نا انقولها تركب وماتبش وبعدها انقوله اطلعي وماتبيش وبعدها انرن وماتردش اتحمل غلطها وتقعد هكي امعلقه وتعرف مراد من بعدها
طارق ؛؛ المهم ماطلقهش امها مراه مريضه ماتحملش
مراد ؛؛ اطلع في سيارتك تو هيا
طارق ؛ هيا
ومشو مراد وطارق ونا قعدت في الحوش قافله فوني خايفه نفتح فوني ايكلمني نتعاركو واتصير مشكله اكبر اكتر من هكي قعدت نمرض اكتر ومشن الايام ونا كل مالي في الهم والبكاء والغم
واي حد يبي يدخل مراد ايصكرها في وجه ماحد قدر يقوله اني حامل لاني حلفتهم
وفي يوم عندنا اميره
اميره ؛؛ شن قالتلك الدكتوره اخر مره
نا ؛؛ تمام الحمدالله بس تو عندي موعد تاني وماليت وماعنديش نيه تحشمت من امل وخالد انحشم فيهم معي
ماما ؛؛ ضروري اتابعي علشان خاطري
نا ؛؛ والله انتحشم في كل مشيه
اميره ؛؛ انتي في شهر كم مانك عارفه
نا ؛؛ علي حسب ماعديت في بداية الرابع
اميره؛ ؛ منتفخه بطنك
نا ؛؛ لابسه ضابط بس وبعدين انتي عارفه بطني شهداره
اميره ؛؛ علشان حتي ناقصه واضحه قاعده
نا ؛؛ اهااا ممكن
وخش علينا عادل وهو متعصب ومعه علي
عادل ؛؛ صبي انتي ياحيونه
نا ؛؛ انصدمت وبحتت فيهم
عادل ؛؛ تبي تطلقي قصدك
علي ؛؛ خليها براحتها حوش بوها
عادل ؛؛ لو تبي تطلقي اذكري حاجه وحده ان اعيالك هذوم انسيهم واللي بطنك يطلع شوره طول مانيش مسؤال انا نقعد علي اعيال مراد
علي ؛؛ وانت شن دخلك بيهم قاعدين مع امهم وبوهم يصرف عليهم وبعدين هذا حوش بوها ماحد دخله بها
عادل ؛؛ ايوه خربهن انت الاخر ماساد خالك
ماما ؛؛ تحكي بشويه بس تعابير وجها ايدلن علي الغضب
عادل ايه كان تبي تقعد في الحوش هنا تقعد وراسها فوق ولا واول ولا اخر وحده اتفارق لو فارقت لا سمح الله واعيالها امعها ايكونو بدلل ونا حيه وهي تقعد براحتها
عادل ؛؛ ايوه خربوهن انتو
وهو طالع من الحوش تقابل هو نجاح في الجنان نشي ومابش ايعبرها
علي ؛؛ ويه ما تبكيش هذا حوشك بوك ماحد يقدر ايديرلك حاجه بس انتي فكري في اعيالك
نا ؛؛ ونا نبكي
زمان هو اللي يزر فيا علي بيش انوافق وزوجني له ورضيت ووافقت وتو يبني انردله بالغصب كيف تبوني انخش للحوشه بلاه كيف
اميره ؛؛ خلاص ويه والله ماواحد يغصبك في حاجه
علي ؛؛ ﻻﻻ اقعدي ومادوريش اللي اتريحك دريها وعادل مادخلش بك
نجاح ؛؛؛السلام عليكم
نحن ؛ وعليكم السلام
سلمت نجاح علينا وقعمزت
اميره ؛؛ ويه حبيبتي تعالي هنا
نجاح ؛؛ امل ورجاء قي المعهد
اميره ؛؛ اقريب ايجن
نجاح ؛؛ عارفات فيش خاطري جايه
اميره ؛؛ شن
نجاح ؛؛ في مثروده واهو جايبه معي لبن
علي ؛؛ ههههههههههه انعدي انجيب مروه اديرنها من وراها تزعل
نجاح ؛؛ عدي جيبها تو انرن علي ايمان بيش اتجي
اميره ؛؛ خلاص معناتها تو انصبي نعجن وانديروها عشاء احسن
علي ؛؛ مجدي وين
نجاح ؛؛ حطني وعدي امس شراء سياره
ماما ؛؛ ماشاءالله
نجاح ؛؛ مشي باع سيارة عمي وعمتي زادتله وشراء سياره اكويسه
اميره ؛؛ تو قاعده في دار معهم
نجاح ؛؛ اهاااا بس احسن حاجه افتكينا من الاجار كان كاسر ظهرنا
علي ؛؛ ماشي نا تبن حاجه
اميره ؛؛ تمر لان في اشويه
علي ؛؛ تم سلام
وطلع علي ولقي مراد كيف ايدق
علي ؛؛ اهلا تفضل
مراد ؛؛ شن الاخبار
علي ؛؛ تمام تفضل
مراد ؛؛ شكرا
وخش مراد للمربوعه
علي ؛؛ تبي ايه
مراد ؛؛ اهااا
علي ؛؛ خش جوا
ايه مراد يبيك
نا ؛؛ كنت راقده مره نطيت وقعمزت
نجاح ؛؛ بشويه كنك انتي
نا ؛؛ نبيش نطلع عليه اهو العويل طلعهم
ماما ؛؛ ويه الله ايربحك امشي اطلعي عليه راجلك
اميره ؛؛ ايه انتي ماعمﻻكش رديتي ماما صبي خشي
علي ؛؛ هيا بيده ارحيمه بابا في المربوعه
ومشو العويل للمربوعه وعلي طلع
نجاح ؛؛ صبي ويه اطلعي عيب
نا ؛؛ صبيت وكنت تعبانه وحطيت يدي علي ظهري ومشيت ونا عند الباب الوسطي اللي بين مربوعه والصال انفتح باب الجنان وخشت رجاء
رجاء ؛؛ نجك لبا انتي والببو امتعك اتهبلي يافرخه
نا ؛ انصدمت وبحتت فيها وفنصت وبحتت في المربوعه والقيت مراد حاط العويل علي كرعيه وايبحت فيا وساكت
رجاء ؛؛ التفتت وبحتت في مراد وانصدمت
اهاااااا اهلا مراد
مراد ؛؛ وهو امرفع حاجبه وغمتله
اهلا
نا ؛؛ بحتت في رجاء وعضيت فمي التحتني معناتها اسس ونزلت راسي وخشيت عليه
السلام عليكم
مراد ؛؛ ايبحت فيا زين وامركز في بطني
وعليكم السلام
نا ؛؛ قعمزت علي الصالون وخذيت مخده وحطيتها علي ظهري وانسندت عليها
مراد ؛؛ ايبحت في بطني وامركز
نا ؛؛ انحاول اندس فيها وامنوله راسي
مراد ؛؛ حامل انتي
نا ؛؛ نزلت راسي وخنقتني العبره
مراد ؛؛ ماتبيش اتردي
جا وقرب مني
نا؛ صبيت ابسرعه
مراد ؛؛ كنك صبيتي احكي
نا ؛؛ عليش جاي انتي
مراد ؛؛ بصوت عالي
تي نحكي نا انتي حامل
نا ؛؛ خفت منه ووخرت
اهاااا حامل
مراد ؛؛ قرب ومسكني من يدي
وماتبيش اتقوليها ليا
نا ؛؛ مراد نا مريضه راه
مراد ؛؛ كيف ما تقوليهش
نا ؛ عليش انقولها ما انت معش تبيني واللي فيا جو ليا نا
مراد ؛؛ خبط يده في الساس بقوه
كيف ادسيها عليا كيف وانتي جميع الاخطاء اديري فيهن تذكري في ماضيك ومش محترمتني وتطلعي واتخشي براحتك اتعاندي فيا قدام الناس وماتطلعيش عليا وماترديش عليا وتو نعرفك حامل بالصدفه كنك اديري جميع اللي ايكرهني فيك كيف
نا ؛ ساكته ونبكي وخايفه
مراد ؛؛ تي كنك انتي ليش ماتحكي من الاول حامل وماتبيش اتقوليها والباين ان العائله كلها عارفه ولا واحد قالها ليا
نا ؛ ماحد عارفه الا عائلتي بس هلك مش عارفين
مراد ؛؛ بس طارق عارف
نا ؛ ﻻﻻ
مراد ؛؛ ماتكذبيش عارف صاح
نا ؛ اهااا عارف بس نا حلفته وقالته ماتقولهش لمراد
مراد ؛؛ ليش
نا ؛ علشان انت لو تعرف اني حامل ح تردني ونا عرفتك بس نا مانبيش انرد علشان حامل نا نبي انرد علشان انت تبيني واتصدقني واتحط فيا ثقه اكبر مش هكي مجرد كلام ما كملتش اتجيني تضربني واتقوبي معش تلزميني وطلعتني من حوش ودمعتي علي خدي وحطيتني هنا وجافتني حتي رن ماترن وفي النهايه انجيك ونلقك اتهدرز وتبني نركب معاك بعدها كيف نركب مع شخص مش امصدقني ولا حاط فيا ثقه ومجافني وجرحني
مراد ؛؛ امشي البسي عبايتك
نا ؛؛ ﻻﻻ عليش انروح انت جاي تبي اتردني ولاه علشان تو عرفت حامل قالت انردها
مراد ؛؛ مادخلنيش تو انا قالت تمشي تلبسي وتطلعي قدامي
نا ؛؛ ﻻﻻ مانبيش يا مراد مش ح نمشي معاك لانك مش جايني تبي اتردني عارف ليش
لانك انت تو جايني تبي تعطني افلوس كيف كالعاده وامعبي سيارتك مصروف وتبي اتشوف اعيالك بس
مراد ؛ انعاقب فيك
نا ؛؛ ليش شن درت نين اتعاقبني شوف ليا كم عليك علي حوشي علي راجلي ليش العاقب هذا
مراد ؛؛ تحترمني
نا ؛؛ نا حاطتك فوق راسي وفي عيوني جوا بس انت شاك فيا مهم اندير شاك فيا مش حاط فيا ثقه
مراد ؛ يعني مانبيش تطلعي معي تو
نا ؛؛ ﻻﻻ نبيش لانك انت مش جاي تبي اتردني
مراد ؛؛ رجااااااء
رجاء ؛؛ نعم نعم وجاته تجري
مراد ؛؛ جيبلي عبايتها
نا ؛؛ ما تفكرش نمشي امشي عدي كمل عقاب عقابك واحكي وهدرز مع الدكاتره ونا جافيني هنا
وبحتت في رجاء
رجاء ماتجيبش لاني مش ح نطلع
مراد ؛؛ اتعاندي مازالتي
نا ؛؛ ………….
وخشت نجاح في يده اوراق ولقتنا امصبين ابتسمت وتمشي وراها ايه بنتها
نجاح ؛؛ اهلا مراد كيف حالك
مراد ؛؛ التفت شورها و تحشم ووخر
خير يا نجاح
نجاح ؛؛ قعمز كنك امصبي نبيك اشويه
ارجيوه ديري قهوه لمراد وخوذي العويل
رجاء ؛؛ حاضر
وخذت رجاء بيده وارحيمه وايه وطلعتهم وطلعت
نا ؛؛ جيت نبي نطلع
نجاح ؛؛ اقعدي نبيك
نا ؛؛ التفت شورها واستغربت
نجاح؛ ؛ قعمزي كنك مستعجله
نا ؛ بحتت في مراد والقيته ايهز في كراعه وايبحت فيا
وجيت قعمزت ونا ساكته
نجاح ؛ مراد شوف كذا هذين وقولي
ومدتله الاوراق
مراد ؛؛ شن هن
ومد يده وخذهن وبجا يقرا ولقنهن تحاليلي امتعت الحمل وملفي اللي انتابع به عند الدكتوره
مراد ؛؛ امتعات ايه هذين
نا ؛؛ رفعت راسي وانصدمت
نجاح ؛؛ اهااا جبتهن بيش اتشوفهن الدكتوره اصغيره انت احسن قالت
مراد ؛؛ سكرك نازل
نا ؛ مابيتش انرد
مراد ؛؛ جيبلي الداويه اللي عطتهن لكي
نا ؛؛ جيت نبي انصبي
نجاح ؛؛ خليكي تريحي تو انصبي انا
وصبت بسرعه وخلتنا اوحدنا وقفلت الباب ونا عرفتها انها اتفضي في الجو لنا
مراد ؛ يعني تمشي للعياده واتابعي وفايتني
نا ؛؛ نمشي بالغصب مع خالد وامل نا نبيش نمشي
مراد ؛؛ زيدي زيدي ديري اغلاط باهي رلمي تقعدي بلا اغلاط
نا ؛؛ وانت هدرز مع الدكاتره
مراد ؛؛ ايه نا محترم الحوش اللي فيه مانبيش نغلط انتي عارفه طبعي ماعنديش فيه جو المعيله امتع الفروخ راه شايب نا ومعاندتك ليا والله اتشوفي عليها نا نقعد نركب فيك وماتبيش تركبي
نجاح ؛؛ اهو مراد الداويه
مراد ؛ بحت فيهن
اهااا اوكي تمام امتي عندك موعد
نا ؛؛ في الايام هذين
نجاح ؛؛ تو اتابع معاك
مراد ؛؛ بحت فيا
نا ؛؛ سكتت
واتخش ايمان بسجودي ووراها مروه
نجاح ؛؛ اهلا جيتن
ايمان ؛؛ خيرات مراد سن اخبارك
مراد ؛؛ تمام شن اخبار البنوته
ايمان ؛؛ تمام حال العياط
وسلمت عليا ومشت خشت للدار جوا هي و مروه
نجاح ؛ مراد ديرن مثروده اقعد تعشاء معنا
مراد ؛؛ ﻻ صحتين واكل حاجه قبل مانجي
نجاح ؛؛ صاااح به صحه نستاذن نا
مراد؛؛ اذنك معاك
وطلعت نجاح ومراد طلع ظرف فيه افلوس ومدهن ليا
نا ؛؛ نبيش نا عندي راه مانصرفش واجد
مراد ؛؛اشري للعويل دبش شتاء
نا ؛؛ شريتلهم
مراد ؛؛ امنيلك الفلوس
نا ؛؛ نا مانصرفش في شيء هنا
مراد ؛؛ باهي خوذيهن دسهين
نا ؛؛ ﻻﻻ شكرا
مراد ؛؛اهن علي الطاوله .
وحطهن علي الطاوله وصبي
تعالي خوذي الحاجات
نا ؛؛ شفت هذا علي الدليل انك مش جاي تبي اتردني جاي علشان خاطر العويل
مراد ؛؛ طلع بسرعه
ونزل حاجات العويل ومصروف ومشي بسياره
خشيت للحوش ونا نفسيتي 00oo0o0oo
ماجتنيش نحكي مع حد يالله خشيت للدار تحت البطنيه
هلي دارو مثروده وتعشو ومشي جوهم عادي رجاء تشري في بتاته بشويه بشويه ماتبيش اتبين ان هي فرحانه واجد علشاني خصصت كل يوم خميس تطلع للسوق مره هي واميره ومره هي خالتي فاطمه واميره بدت تشري في حاجات البيبي
ماما تمت صحتها تمام كل مالها تسقم نجاح وقفت علي العلاج لان تحشمت تمشي لمراد و رضت باللي ربي عطها لها لان حتي ظروفها مايسمحنش انها اتعالج وادير عملية زرع لان مش ح تحمل الا بالزرع او تلقيح ايمان من جامعه لشقتها ايمان ديمه هاديه ومن حظها طحت في احمد هادي صاح واعر ومعقد اشويه بس هي بحكم انها هاديه فساكته وراضيه
امل قررت انها تبدا اتعالج واتشوف بعد ماتسكر سنه يعني اتخرج قبل
نا هي هي حوسه واعيال وماما ونوم فوني معش فتحته وكل يوم نرجا في مراد ايجني ايردني بس ننكسف وكل بعد فتره ايجي ايشوف العويل وايحط مصروفهم وايعدي معش عرفت هو ايحبني ولاه لا مع اني كل يوم نبكي علي فراقه اهاااااااا يا مﻻاد ياحبيبي انحبك وتجرح فيا
مراد ؛؛ انحبك بس انتي مش محترمتني كل ما نفكر انردك نذكر كلامك علي الماضي وتحسفك ونذكر اعاندك ليا قدام الناس وماتطلعيش عليا وماترديش عليا وفي النهايه قفلتي فونك ليش ياايه ليش حتي لما طلعتي حامل ما قالتيهش ليا عرفتها بالصدفه بس مستحيل اتفكري اني انطلقك تقعدي هكي عالقه مستحيل انخلي حد ياخذك
وهكي حياتنا مشت كل حد ايلوم في التاني في خياله او في حلمه
اعربي جوني وحكو معي بس قالت هو ايردني كيف ما طلعني ايجي ايردني واما يحكو مع مراد مراد ايصكر الموضوع
طارق؛ ؛ انتي ليش ماتبيش الفرح تو ليش اقنعني بس عطني سبب مقنع بتاتك واتي قرايتك اتكوني امكمله خلاص ليش بس كنك انتي خلتني نرجاك سنتين وبعدين تقولي مانبيش الفرح تو احكي اقنعني
رجاء ؛؛ ………..
يتبع