مسلسل سعاده كاذبه الجزء الاخير روايات ليبية بواسطة هايدي عبد الله آخر تحديث يناير 23, 2024 مسلسل سعاده كاذبه الحلقه 100 ( الاخيره ) وجا اليوم اللي روحنا فيه من البحر نا ؛؛ هلكنا هلكنا مراد ؛؛ تو اتخشي انديرو حمامات وانرقدو خلاص حتي هو اسبوع ونحن بره نا ؛؛ نزلنا من السياره وخشينا للجنان وفتح مراد باب الحوش و القينا الحوش كله امزين وطاوله عليها توتره كبيره وحلويات وموالح وشموع وعصائر وتباسي وشكوكات ومندايل التفت وبحتت في مراد مراد ؛؛ نزل نور وقعد يبحت ومبتسم كل سنه وانتي حبيبتي وفي حضني نا ؛؛ بدون ما انحس بروحي القيت روحي امظبته ونبكي انحبك انحبك انحبك مراد ؛؛ انموت فيك موت يا اجمل انسانه في الدنيا نا ؛؛ قعدت نبكي من الفرحه مراد ؛؛ حبيبي هو عيد ميلاد مش ابكاء نا ؛؛ بحتت فيه وباسته علي خده وبحتت في العويل والقيتهم بدين يلعبو با النبولات واحمد قاعد في الكروسه مراد ؛؛ شفتي الفرحه في عيونهم وفي عيونك انا مستعد اندير المستحيل بيش ديمه انشوفكم هكي نا نفداكم بروحي بيش انتو اتكونو هكي واحسن اخري انتو حياتي كلها نا بلاكم ولا حاجه نا ؛؛ وانت سندنا وبلاك ما نسو شيء انت سبب فرحتنا وحياتنا السمحه والله انحبك من كثر ما انحبك خايفه ننكسر ونا ماعاج عندي جهد خلاص اعلان انسحابي من هذه الحياه من بعدك مراد ؛؛ اضبطني زين حبيبي ما تقوليش هكي نا مستحيل انسيبك مستحيل انتي حبيبتي وحياتي وروحي انتي قلبي اللي ينبض فيا جوا انتي تمشي في اعروقي انتي الاكسجين اللي عايش به ماعمري خطرت عليا اني انحب وانعيش في قصة حب حلوه هكي انتي خليتني مجنون بيك انتي روحي انتي نا ؛؛ نجك ليا وربي يحفظك لنا ارحيمه ،؛ يا بيده هاتها هنا بيده ؛؛ ﻻﻻ نبي نلعب بها انا ارحيمه ؛؛ يا ماما نا ؛؛ بحتت فيهم وضحتك القيتهم ايتعاركو علي السيارات العبه مراد ؛؛ هيا خشي تعالي نا ؛ هو عيد ميلادي ولا ميلادهم مراد؛؛ ميلادك وميلادي لاني في وقت هذا جت حبيبتي انا عيد ميلادي هو يوم جيتك انتي علي هالدنيا وعيد ميلادهم هم لان عيد ميلاد امهم اللي بسببها هم في هالدنيا نا ؛؛ لعند امتي وانت تغرق فيا هكي مراد ؛؛ لعند ماانكون تحت التراب نا ؛؛ بعيد السوء ان شاءالله يومي قبل يومك مراد ؛؛ ﻻ هو تو ناخذك معي فيش عيش انتي علي هالدنيا بلاي نا ؛؛ انحبه حبك الاناني هذا مراد ؛؛ ونبيك اتحبني نفس الحب هذا نبيك انانيه وجنون يا ليا يا نقتلك نا ؛؛ هههههههه نجك ليا مراد ؛؛ هيا تعالي قسي تورتك نا ؛؛ اصبر انوتو اروحن قبل مراد ؛؛ كيف نا ؛؛ تعال اندير حمامات للعويل وبعدها نحن وبعدها انديرو عيد ميلاد مراد ؛؛ باهي هيا نا ؛؛ خديت نور ومشيت بها للحمام ودرتلها الحمام ولفيتها بالمنشف حبيبي هيا جيب بيده وارحيمه مراد ؛؛ هيا قدامي للحمام انتو وخش بيهم ودرلهم حمام ونا لابست نور ولفيت شعرها وحتني ارحيمه لابس ديشنبر نشفته ولابسته وجاني بيده ديشنبر نشفته ولابسته بيده ؛؛ ماما جعان نا نا ؛؛ هيا اندير حمام وانغير وبعدها ناكلو ولاه نعطيكم تاكلو تو ارحيمه ؛؛ ماما نبي نا نا ؛؛ باهي قعمزو تو انجيبلكم هنا مشيت درت تبسي موالح وسن توب ومشيت فرشتلهم في الدار المعيشه وحطيت سفره وبدو ياكلو خذيت احمد ومشيت به للحمام درتله دوش ولابسته وحطيته في القعاد وخشيت للدار النوم والقيت مراد امصبي علي المرايه ويمشط في شعره نا ؛ نعيما مراد ؛؛ الله ينعم عليك هيا خشي لان نا بروحي جعان نا ؛؛ اشويه اندير حمام وخشيت ومشيت شور الدولاب مراد ؛؛ مسكني ﻻﻻ حبيبي انتي امشي ديري بس تو انوتيلك انا نا ؛؛ شن مراد ؛؛ غمزلي خشي هيا نا ؛؛ حبيبي الاعيال واعين افطن باهي مراد ؛؛ هههههه امشي تو ديري دوش نا ؛؛ خشيت للحمام ولعت الدوش وجيت وقعدت تحته كانت الميه ساخنه كنت انحس في تعبي اينزل مع الميه من كثر ما منسجمه في الحمام وتحت الدوش مراد ؛؛ ويتي كنك طولتي دوش هو راه نا ؛؛ هيا هيا حبيبي مراد ؛؛ تي فيش اديري انتي نا ؛؛ تو نطلع حبيبي هيا لابست الديشنبر وطلعت وطول مشيت للدار والقيتها امسكره فتحتها ونلقي الونسات اموعهن وحطلي علي السرير قفطان اقصير وردي فاااتح فيه دوار بيض اصغار وفوق القفطان عطر وروج وردي مشيت قعموت علي كرسي الزينه وخذيت كريمه ودهنت جسمي كله ودرت بديل زيت للشعر ومشتطه وخليته مطلوق ودرت ميك اب خفيف رسمت عيني من فوق وقلم اخضر ومسكره ودرت روج اللي حاطه حبيبي علي القفطان ولابست القفطان وبحتت فيه القيته توب واقصير واجد بس عجبني درت منوكير وردي وطلعت طاقم فضه صغير وبسيط ولبست خلخل في كراعي بسيط فضه وطلعت سباط اصبع ابيض دايرته للفرش وحطيت عطر وخليت شعري علي الجنب وفتحت الباب والقيته مراد امصبي ومتكي علي الساس وحاط يد علي يد ومبتسم نا ؛؛ ها شن رايك مراد ؛؛ حلوه نا ؛؛ امتي شريته القفطان مراد ؛؛ رفع حاجبه ومبتسم نا ؛؛ حاوب من امتي مراد ؛؛ من قبل ما نمشو للبحر نا ؛؛ وين كنت حاطه مراد ؛: في السياره نا ؛؛ قربت ومسكت اخدوده هالحركه اللي ديمه ادير فيها مراد ؛؛ هههههه ايه كنك راني راجل غليظ نا ؛؛ ههههههههه انت شايبي نا بس ودرتله حركة اخشيمي مراد ؛ ﻻﻻ انتي الطيب ما يمشيش معاك وطبس وشالني وقلبني علي كتفه نا ؛؛ هييييي نزلني نزلني مراد ؛؛ اسسسس الاعيال راقدين نا ؛؛ باهي نزلني والله انحس في الدم كله جا في راسي مراد ؛؛ مشي بيا لعند طاولة الاكل ونزلني نا ؛؛ اهاااا دوختني مراد ؛؛ ههههه انحبك نا ؛؛ انموت فيك مراد ؛؛ طلع ولعه وولع الشماعي وطفي الضيء وقرب مني واضبطني من لاوره هيا طفي شمعت 24 نا ؛؛ حبيبي ماتقولش هكي مراد ؛؛ ليش مش شمعت 24 هذه نا ؛؛ باهي ماتقولش هكي انحي في روحي عجوز سنه اخر وانكون نص 50 عمري مراد ؛؛ ههههههههههههه شن انقول نا به اللي عمري 38 سنه نا ؛؛ هيييي قصدك سنتين واتكون 40 مراد ؛؛ اهاااا شفتني شايب صاح نا ؛؛ اجمل شايب وبعدين مش باين عليك بكل انا انحس فيك 28 سنه مراد ؛؛ اهاااا انتي اتصغري في روحك يعني تبي عمرك 14 نا ؛؛ انت اللي كبرتني وخششتني للعشرنيات مراد ؛؛ ههههه جيتني علي وشك جيتي عمرك 19 نا ؛؛ يعني تو لنا مع بعضنا 5 سنين مراد ؛؛ اهااا اجمل 5 سنين وانتمن باقي عمري كله كيف 5 سنين ماعاد سنه ونص ومانبيهنش نا ؛؛ مستحيل اتعاود هذاك السنه ونص مراد ؛؛ حبيبي نبي نطلعلك من جو الاتراك اشويه هيا ارحم بيك انفخي هالشمعه وفكينا راني جعت نا ؛ هههههههههههههه كيف صار حبيبي مراد ؛؛ جوعتني ساعه اتغيري للعويل و ساعه حمام وساعه اتغير وساعه تحكي خلاااص نا ؛؛ به حبيبي حاضر نزلت علي الشمعه ونفختها ورفعت زبحتت فيه مراد ؛؛ حبني علي راسي وبصوت واااااطي كل سنه وانتي حبيبتي وفي حضني نا ؛؛ وانت في حضني صبيت علي روس اصابعي وبسته علي ……. مراد ؛؛ كل يوم اتزيدي سماحه نا ؛؛ من حبك وبرمت ومسكت تبسي وحطيت موالح وعصير ومشينا قعمزنا علي الصالون نا ؛؛ نسالك حبيبي مراد ؛؛ نعم نا ؛؛ من اللي دار الجو هذا مراد ؛؛ مش عارف نا ؛؛ سمحه مش عارف مراد ؛؛ حاتم والهام وصيتهم نا ؛؛ ونا انقول ليش انت مسر ان انروحو اليوم مراد ؛؛ حتي علي خاط عيت احمد بكره طيرتهم خلاص نا ؛؛ خنقتني العبره نزلت راسي وتميت ناكل مراد ؛؛ عرف ان جوي تعكر والله احلي جو يسكنو في كندا نا ؛؛ غربه يا حبيبي مراد ؛؛ الانسان علشان يضمن مستقبله لروحه وللعياله ادير المستحيل واهو ايمان واحمد بيش يضمنو مستقبل اعيالهم ومستقبلهم مشو للكندا نا ؛؛ ربي يسعدهم ان شاءالله مراد ؛؛ قرب مني وخذني في حضنه انحبك يا عاقله نا ؛؛ ونا اكتر مراد ؛؛ حط يده وراء ظهري ويده التانيه تحتي ورفعني نا ؛؛ حبيبي خلني انلمو الاوكال قبل مراد ؛؛ حاضر بس ما طوليش مش تقعدي ساعه نا ؛؛ ما عليك بسرعه بسرعه نزلني مراد ومشيت بسرعه لميت الموالح وحطيت التباسي في الحوض بلا غسل وقصيت طرفين تورته وحطيتهن في تبسي وباقي حطيتها في الثلاجه وحطيت عصير وشلت السفره ومشيت للدارعلي مراد وسمعت احمد يبكي حطيت السفره و مشيت ابسرعه خذيته وخشيت للدار وفعمزت علي السرير مراد ؛؛ كنه نا ؛؛ ما رضعتش رقد من تعب المسكين وجيج البحر مراد ؛؛ قعد ايبحت فيا ومبتسم نا ؛؛ كملت مراد ؛؛ تو انشيله نا ؛؛ بيش تبرم علي العويل غطيهم مراد ؛؛ طلع وهو شايل احمد وحطه في السرير وجاني وصكر الباب نا ؛ شن راقدين مراد ؛؛ بالنوم تعبانين جاني في السرير وقعمز وكرني وحطني علي صدره فرحانه نا ؛؛ بكل ان شاءالله دوم مراد ؛؛ ان شاءالله نا ؛؛ حبيبي مدلي الحبوب مراد ؛؛ في الدورج نا ؛؛ اها مراد ؛؛ طلعلي الحبوب ومده لبا وصبلي العصير لعند امتي تبي تاخذيهن نا ؛؛ شن لعند امتي انت قالت احمد اخري واحد خلاص مراد ؛؛ وانهون عليك نا ؛؛ حبيبي مش رغب هيا خلاص نحن متافقين علي هكي عندنا 4 خير وبركه مراد؛ ؛ الحمدالله نا ؛؛ ماتزعلش حبيبي مراد ؛؛ ﻻ من حقك الشيء هذا امغير تعالي هنا بس وانتي زايده سماحه نا ؛؛ ههههههه هه نعم كنك مراد ؛؛ خلاص معش في حشم طول اتجي نا ؛؛ راجلي 5 سنين ومازالت انتحشم منه مراد ؛؛ خبره العبيطه نا ؛؛ مرااااااااااد مراد ؛؛ تو انوريك ……………………..……… رجاء ؛؛ الو صباح الخير وينك نا ؛؛ هيا هيا تو انجي رجاء ؛؛ راه كلنا في المطار بس ايمان مازالت ماجت نا ؛؛ مسافة الطريق بس رجاء ؛؛ بسرعه وجيبي الهديه نا ؛؛ تم اميره ؛؛ شن قالت رجاء؛؛ تو اتجي مسافة الطريق ان شاءالله اتجي ابسرعه بعدك الهديه معها نجاح ؛؛ ﻻ تو اتجي تعالن قعمزن اميره ؛؛ هيا نا ؛؛ الو وينكن رجاء ؛؛ تعالي هنا جو تو اتجي تو راه نا ؛؛ باهي مراد ؛؛ هنن تعالي نا ؛؛ صباح الخير نجاح ؛؛ جبتي الهديه نا ؛؛ اها اهي رجاء ؛؛ اهي اهي جت اميره ؛؛ هيا نمشولها طول مشينلها ايمان ؛؛ هيييييييييي شن جيبكن انتن نا ؛ طول جيتها واضبطتها ليش كنتي متوقعه انخلوك اوحدك في اخري دقيقه لكي في ليبيا ايمان؛ تمت تبكي وتضبط فيا زين قالتلكن ما تصعبنهش عليا ما من امس رجاء ؛؛ كرتها واضبطتها وتبكي هبله انتي ولا شنو انتي خيتنا الصغيره تي والله انحس في روحي رايفت عليك من توا اميره ؛؛ مش مصدقه معش انشوفك او تبيلنا ما شفناك ايمان ؛؛ حولت من رجاء وصبت قدام اميره اميرت وليد يا احلي اميره انتي اميره ؛؛ اضبطتها دلوعتنا طالعه من ليبيا ماشيه وامسيبتنا هكي ايمان ؛؛ خبطتها علي ظهرها خلاص خلاص ما تقهرنيش اخري خلاص احمد ؛؛ اميره خلاص نا ؛؛ احمد رد بالك منها في اعيونك حطها احمد ؛؛ اتوسي فيا تو ياايه انتن عارفات غلاها ايمان ؛؛ حولت من اميره وبحتت في نجاح لقتها تضبط في سجودي وتبكي جتها نجاح ؛؛ بحتت في ايمان ونزلت سجودي طول تمت تضبط فيها سامحيني ياختي كان قصرت معاك سامحيني يااخر عنقودنا سامحيني كان وجعتك سامحيني ايمان ؛؛ ماعمركن وجعتني انتن خواتي يعني روحي انتن رجاء ؛؛ اكيده اكتر وحده ناقمه عليها انا صاح ايمان ؛؛ التفت وبحتت في احمد وردت بحتت في رجاء ابدا نا انتمن الايام ايردن ايام وانتي تعزقي عليا في المنبه بيش نسكت ولا انوطي صوتي ولا اتهزبني بيش انطفي الضيء بيش ترقدي ولا ايام اللي اتهزبي فيا علي دوتي مع احمد في المدرسه ياريتهن كلهن ايعاودن وانشوفو ماما قدامنا ياريت الزمان ايعاود والله كان ايعاود مستحيل انسيبها ماما مستحيل انخليها دقيقه بلاي نا نادمه علي الوقت اللي ازوجت وسيبتها وقت اللي انشغلنا عليها ومشينا للمدارسنا وقت اللي انخشو للدار وانصكرو علي اروحنا وقت اللي نرقدو فيه والله نادمه علي دقيقه اللي مش جنب ماما اللع يرحمها بحتت فيا وجتني تمنيت لو انكون كيفك وما سيبتهش بكل لعند ايام فرحك وانتي ترقدي جنبها كنتي ادفي فينا وتهتمي بها كنتي الاول اللي تسعفها وتمشي تقعدي معها في المستشفي تمنيت درت ولو نص من اللي درتيه لها كان انخشو للدار ومش خاطره علينا تبي امشي واتسيبنا هكي مكسورات الخاطر نا ؛؛ ماما لو كان قاعده تو راهي فرحانه علشان انتي ماشيه تقري وتقدمي في حياتك كانت افرحت ان بنتها ممتازه وماشي تقرا بره خليكي هكي يا ايمان وخليهم ايقولو سلمها ربايه امشي واقري وربي يوفقك الله غالب هذه حال الدنيا رجاء ؛؛ الدنيا شينه خسرتنا اهم 2 في حياتنا اميره ؛؛ مش امغير شينه سوده من بعد طفت شمعنتا نور حياتنا نجاح ؛؛ نا الدنيا حرمتني منها وهي اتنفس ولما جيتها مازالت ماحولت اريافي منها خذتها مني وحسبي الله ونعم الوكيل في اللي كان سبب احمد ؛؛ هيا يا ايمان خلاص ايمان ؛؛ التفت وبحتت في احمد وردت بحتت فينا سامحني وادعلي ورد بالكن من اروحكن خليكن هكي دبمه ملتمات ماما هكي تبي راه ماتخلنش حاجه تخسركن بعضكنا اميره ؛؛ اكيده نحن ما لنا اﻻ بعضنا نا ؛؛ ردي بالك من روحك ومن بناتك ومن راجلك ومن اقرايتك هيا خلينا انرفعو روسنا بيك وانقول عندنا اخت عندها شهاده الدكتوراه ايمان؛ ؛ ان شاءالله نا ؛؛ طلعت علبه من شنطتي ومديتها لها ايمان ؛ شن هذه نا ؛؛ افتحي وشوفيها ايمان ؛؛ افتحت العلبه ولقت صوره فيها نحن كلنا معنا حتي ماما ايام فرحي من وينكن الصوره هذه نا ؛؛ حصلتها من خالتي فاطمه عندها شوفي تحتها شنو ايمان ؛؛ شافت ولقته 3 سلاسل ذهب واسوره كبيره شن هذين اميره ؛؛ هذه هديه منا البسي انتي وحده ولبسي بناتك حتي هن ذكره منا ما تحوليهش بكل رجاء ؛؛ الاسوره هذه اسورة ماما اكيده عرفتيها ايمان ؛؛ ونا نغفل علي حاجتها رجاء ؛؛ خليها ذكره منها احمد ؛؛ هيا ايمان وقت راه رجاء ؛؛ اضبطتها طول ونحن قعدنا اخري مراد ؛؛ بنات خلاص هيا احمد ؛؛ مع سلامه نحن ؛؛ كلمونا باهي احمد ؛؛ ان شاءالله هيا خلاص ايمان مشو قدمنا وايمان تمشي وتلتفت واتبحت فينا واعيونها ملينات ادموع رجاء ؛؛ تفرقنا نحن نا ؛؛ مكتبولنا الافارق والشوق والا رياف من نحن اصغار اميره ؛؛ في البدايه بابا وبعدها ماما نا ؛؛ وانتي صادقه نحن ديمه ناقصات زمان كان ناقصنا بابا ورضينا بالامر الواقغ وتحملنا وبعدها مشت نجاح ونحن ورايفنا عليها وبعدها مانا كسرتنا كسر وتو ايمان ليش هكي ليش مكتبولنا ديمه نقصات زمان اختنا الكبيره وتو اختنا الصغيره مراد ؛؛ كرني وق بني من حضنه اميره ؛؛ ديمه امرايفات نحن ديمه خاطرنا مكسور ديمه نقصات نجاح ؛؛ واللي ايشوفنا ايقول هذين اسعد وحدات رجاء ؛؛ مسحت دموعها واعيونها علي ايمان اللي اختفت وبصوت واااطي ومخنوق من كثره العبره خنقته ( سعادتنا ……… سعاده كاذبه نحن ) نا ؛؛ مش امغير مراد ؛؛ هيا بنلت امشن هيا من البي جاي معاكن اميره ؛؛ نا جايه مع نجاح بسيارتها رجاء ؛ حتي نا جايه بسيارتي ماشيه للعمل تو نا ؛؛ الاعيال وين رجاء ؛؛ في الحضانه حطيتهم وبعدها متغدينا عند هدي نحن تو ايحي طارق غادي علي الغداء وفي العشيه انروحو وانتي وين اعيالك نا ؛؛ مازالو راقدين تو نمشي تو اميره ؛؛ هيا نجاح نجاح ؛؛ هيا وطلعنا من المطار وركبنا في السيارات وكل وحده خاطرها مكسور ودمعتها علي خدها وفاقده ……………………..….. طارق ؛؛ هيا حبيبي روحي المغرب اقربب ياذن المغرب رجاء ؛؛ خلاص هيا هيا اني طالعه صكرت من رجاء طارق وبحتت في حمادي خلاص حمادي اطلع انت هيا هدي ؛؛ خليكي رجاء ؛؛ ﻻ والله وقت نا طارق ما يخليش فيا انسوق بعد المغرب لابست عبايتها ووشاح وطلعت حمادي قدامها وهي حاطه عيوشه في القعاد وشالتها هدي ؛؛ بيش اتعاوديها جياك هذه سمحه رجاء ؛؛ ان شاءالله خلاص خليكي طلعت رجاء للشارع ولقت سراج ماسك حمادي وايبوس فيه انصدمت حمادي تعال هيا سراج ؛؛ رفع راسه وشافها وهو ماسك يد حمادي وقرب منها شن اخبارك رجاء ؛ مابتش اتعبره تمت اتحط في القعاد لاوره في السياره واتحط في الشنطه وسكرت الباب سراج ؛ يراقب فيها وبصوت مخنوق احكي كنك ساكته شن اخبارك واخبار الذكريات ولا انسيتني نا رجاء ؛؛ خذت حمادي وركباته قدام ومشت قعمزت علي الكرسي حمادي ؛؛ نزل الزجاج سراج ؛؛ جا طول وحط يده علي الباب احكي كنك ساكته احكي قولي نسيتني احكي انسيتي سراج اللي حبك اللي تعبتي زمان منه سراج اللي كان دكتورك انسيتي ايامنا شفتي بيش تعرفي ان الشوق قتلني قتل شوفي قاعد في الحوش اللي تربيتي فيه قاعد في الدار اللي ياما حكيتلي فيه معي رجاء ؛؛ اذكرت حوشنا وبحتت فيه ولقته زي ماهو خنقتها العبره وتمت تبكي سراج ؛؛ سمعني صوتك بس قولي اتحبني ولاه انسيتني صاح اقدرتي اتعيشي رجاء ؛؛ بصوت مخنوق نكذب عليك لو قالت مازالت انحبك وفي نفس الوقت نكذب لو قالت انسيتك فيش حد ينسي ماضيه ماظنتيش في انسان يقدر ينسي انسان كان اغلي انسان عنده ولو حتي يوم مش نا سنه كامله علاقه وسنه كامله ادموع وقهاير كيف اتجي تو واتقولي انسيت ﻻ ما انسيتش يا سراج ما انسيتش بس معش في شعور اتجاهك معش في لانك انت كسرتني وخذلتني انت ماضي عندي مش حاضر انت الماضي اللي خلاص مفيش له اي شعور انت تجربه علمتني الحياه صاح علمتني اني انكون انانيه اكتر ونختار كرامتي وحياتي صاح انت اللي خلتني انتغير ونتعرف علي طارق اللي ايدوني اللي معيشني في احلي حياه انت ماضي خلاص انا حاضري ومستقبلي حبيبي راجلي اب اعيالي طارق اللي ايحبني صاح اللي حببني فيه خلني نعشقه عشق مش انحبه وبس عارف ليش يا سراج خلني نعشقه علشان هو اللي قوني وشجعني وساعدني من قبل ما يعرفني قعد سندي انسان اللي ما يتحملش زعلي الانسان اللي ايحبني صاح وحط فيا ثقه طارق هو قلبي وروحي وحياتي كلها اتصدق تو ليا نعرفه 4 سنين ماعمرش هزبني ولا عمره شتمني ولا شتم هلي برغم انه عصبي وواعر واجد بس عنده نا ووقف لما يزعل مني ولاه انعقدها له يطلع وايسيبني الشقه ايجافني بس ايخلي في احترام بينتنا جميع مواصفات اللي اتخلني انحبه فيه انا حبيته ياسراج وانموت فيه ونا نبيش نخسره انا عندي كان نخسر طارق تقريبا نقتل روحي بعدها لان انحب حب تقرببا مافيش انسان ايشيل الحب هذا نا تو نحكيلك بيش تعرف قيمته عندي وتبتعد سراج ؛؛ بصوت واطي ومخنوق عارفك من زمان اتحبيه عارفك اتموتي فيه لان فيش مراه ماتحكيش مع حبيبها زمان وماتعدلش معه الا وهي اتحب راجلها صاح وانتي خبيتي طارق من قبل حتي يخطبك رجاء ؛؛ لاني اول ما عرفت قعد سند ليا قعد صديقي وخويا وبابا وماما واختي و حبيبي وقعد الكل في الكل صديقي اللي صريحه معه خويا اللي لما انجي نشكيله ياخذ حقي بابا اللي لما نغلط ينصحني ماما الحضن الدافي وتعلمني الصح من الغلط اختي اللي اتحبني ومتحمله عيوبي قبل ميزاتي هو حبيبي وروحي وسندي وحياتي كلها انحبه ومانبيش نخسره ولا نبي انخونه وتقريبا الكلام هذا الري تبي تسمعه بيش انت اتكمل حياتك واتعيش سراج ؛؛ ماظنتيش رجاء ؛؛ سراج نبي نمشي سراج ؛ ربي يوقفك وخليكي هكي يا رجاء ديمه راه هكي انتي خلتني انحبك اكثر ونكره روحي اكثر لتني ماعرفتش نحافظ عليك رجاء ؛؛ ونا نشكرك لان بسببك تعرفت علي طارق لاني شافني مكسوره وجاني وجبرني من جديد وقوني اكتر من زمان ولولك راه ماعرفته ولا عايشه اجمل قصة حب معه سكرت الزجاج ومشت بالسياره بسرعه للحوش رجاء ؛؛ وينك جيت للحوش مالقيتكش طارق ،؛ اني نركب في الدروج رجاء ؛؛ صكرت بسرعه ومشت غيرت دبشها وخش عليها جاته بسرعه واضبطته طارق ؛؛ وينك يا بطه طولتي رجاء ؛ انا خشيت والمغرب اذن طارق ؛؛ تجري لانك رجاء ؛؛ ﻻ طارق ؛؛ شفتك لما جيتي تجري بالسياره شن قالت انا علي السرعه رجاء ؛؛ كان الشارع الفاضي طارق ؛؛ ﻻ مش فاضي شفتك عاد معش تجري حبيبي راه ناخضها منك السياره وانقولك فيش رجاء ؛؛ ﻻﻻﻻ اخري مره حبيبي طارق ؛؛ نجك ليا ياكذابه رحاء ؛؛ هيييي نكذبش انا طارق ؛؛ ايقلد في صوتها الشارع فاضي رجاء ؛؛ هههههههههههههه انحبك انحبك انحبك طارق؛ ؛ ونا انموت فيك ……………………..………….. وليد ؛؛ اميرتي كمل النهار وانتي تبكي اميره ؛؛ نقصنا يا حبيبي ليش ربي كتبلنا ان ما انكونش نحن الخمسه مع بعضنا ليش ليش ديمه 4 نحن ليش زمان نجاح وتو ايمان زمان فاقدين بابا ونجاح بس وتو فاقدين ماما وبابا وايمان يعني ربي كتبلنا نقعدو امرايفن علي تحت التراب واللي فوق التراب تعبت والله تعبت ديمه خطرنا مكسور حتي لما ازوجنا وعشنا حياتنا بمجرد ما نتلاقو ونحن نبكو من الارياف والفقد لا قعد عندنا حوش هل انتلاقو فيه ولا ام ادورنا كل وحجه قاعده في حوشها و راضيه الصبايا ثاني يوم العيد يمشن للهلنا ونحن نلتمو في حوش ايه مكسورات الخاطر وشمعتنا طافيه وناقصات اصدقت رجاء اللي اتقول سعادتنا سعاده كاذبه وليد ؛؛ كرها شوره واضبطها اهو نا حبيبك قاعد جتبك واعيالك معاك خلاص ارضي انتي المفروض فرحانه لان اختك طالعه تقرا بره و تو حامل ح اتجيبلنا بنوته سمحه انسموها عائشه اميره ؛؛ ان شاءالله خلاص تو نا في شهر السادس والدكتوره قالت بنت وليد ؛؛ مبروك ان شاءالله حبيبي بس نا نبيها كيفك هكي اميره ؛؛ عارف لو تطلع بنت صاح نبي انوقف خلاص لان خير الذريه عيلين وبنت وليد؛؛ ان شاءالله شن دعاء وافقت علي الزواج اميره ؛؛ اها وافقت بس راه مش مقتنعه به واجد وليد ؛؛ والله الشاب اكويس جارن عاد نعرفه اميره ؛؛ هو يبيها ولبد ؛؛ هو قالي انشوف فيها تطلع واتخش عجبتني ونبيها اميره ؛؛ ان شاءالله ربي ايتمم عليهم هو الفرح تو راه وليد ؛؛ اها هو قالي كنت ساكت مانبيش شوشره دار شقه ووته روحه وطول جا خطب اميره ؛؛ دعاء تستاهل كل خير ……………………..…….. مجدي ؛؛ مازالتي امسكره راسك معش تبي اتعالجي نجاح ؛؛ لا خلاص حبيبي تعبت مرتين ونا نزرع وماصارش خلاص ربي كتبلي اتكون عندي بنت بس خلاص الحمدالله علي كل حال ما نبيش انكون طماعه راضيع باللي جابه ليا ربي مجدي ؛؛ ربي يحفظك يا قنوعه انتي نجاح ؛؛ الحمدالله ……………………..………………….. ( ومرت سنين ) نجاح ؛؛ ظلمت خواتها زمان بتفكيرها الاناني اختارت حبها عن هلها مشت واتغربت وانحرمت من الاهل ولما روحت مازالت ما حولت اريافها افقدت امها وانحرمت من الحوش اخري عطها ربي بنت بس حرمها من اعيال وهي راضيه واتقول الحمدالله دارت شقه فوق من عربها واستقرت فيها تخدم في المكتب وايخش عليها اجار الحوش اللي مشتركه فيه هي وخواتها &&&&&&&&&&&& اميره ؛؛ ادفعت غلط نجاح وانحرمت من القرايه انبحست في الحوش ومعش تطلع بس ربي خلي عندها صبر واصبرت لان مان في انسان امعيشها في اجمل قصة حب البي هو حب الطفوله حب البرائه وهصا كله وتعبت في قصة حبها اصبرت واجد اصبرت علي وليد واااجد تحملت الاوقات اللي ايكون فيهن امفلس ومايحكيش معها و تحملت الاعياد اللي ما يجيبلهش في الهدايا اصبرت لان متيمه ب وليد اتحبه موت هو حب طفولتها عمرها ماشافت غيره اتعبت معه واجد اتساعد فيه واتشجع فيه نين خلتها ايصبي علي كرعيه وايدير الشقه صاح كانت شقه اصغيره بكل بس كانت في اعيونها هي قصر حتي هي تخدم في المكتب وايخش عليها اجار الحوش &&&&&&&&&&&&&&& رجاء ؛؛ بنت اصليه انسانه متهوره بس شاطره عصبيه بس حنونه طايشه بس عاقله عاشت قصة حب حزينه بس قوتها وخلتها تكتشف الحب الحقيقي اللي شجعها وساعدها انها اتصبي في وجه عادل واتقوله نبي انكمل قرايتي فعلا اكتر وحده طايشه في الحوش بس اطلعت شاطره الوحيده اللي كملت قرايتها في حوش والوحيده اللي كانت تاخذ في حقها دارت فون قدام عادل وانخطبت بمزاجها وازوجت بمزاجها نظمت حياتها اكتر وحده اقعدت مع امها اجلت فرحها مراعاة شعور اختها وقالت ما نبيش انسيبها اوحدها وكانها كانت حاسه ان الرمضان هذا اخري رمضان ل امها ضمنت الشهاده وازوجت من حبيبها وعاشت معه اجمل اوقات اشتغلت في مصرف دارت سياره ايخش عليها اجار الحوش واتسافر عندها اجمل عيلين حمادي وعيوشه &&&&&&&&&&& ايمان ؛؛ البنت الهاديه الغيوره انطوايه اشويه انانيه شيء ما اتحب حياتها وقصتها مع احمد اللي حبها حب حلال تحملت المسؤاليه من هي واصغيره انخطبت للشخصيه واعره بس الحب اللي كان بينتهم كان امخليها تصبر علي واعرته لان كان ايساعد فيها واجد في اقرايتها بفضله هو حاليا هي تقراء في كندا وعندها سجودي وعيوشه و محمد تحملت الغربه بس علشان ما تبيش اتروح واتشوف ليبيا بلا امها &&&&&&&&&&&&&&&&& امل ؛؛ بنت ابلاد صح صباي في وقت الشده اتحب الحياه واتحب الناس وحبيبها شاطره عجبها ولد خالتلها خذاته وخلته ايحبها بهبالها عاشت معه اجمل قصة حب صبت معه في وقت الشده في وقت افراقه امه اقعدت له مكان الراحه مجرد ما ايخش عليها وهي حاطته في اعيونها لاهته في الاعيال والخدمه واقعدت ابله وعندها صالح وعيوشه وابراهيم &&&&&&&&&&&&&&&& دعاء؛؛ طيبه طيبه طيبه حنونه تقعدي جنبها اتحسي روحك مع اختك تعرفت علي باسط من طرابلس وعاشت معه اجمل قصة حب بس علشان امها سيبته اختارت امها عن حبيبها اللي مازالت اتحبه لعند تو ازوجت جارهم وجابت اوليد وسماته باسط واكذبت اكبر كذبه وقالت انها احلمت بخالتها اتقوله عبد الباسط &&&&&&&&&&&&& هدي ؛؛ الطيبه الحنونه المحترمه صبايه في جميع الاوقات اتحب هلها عاشت قصة حب حزينه وانتهت بالفراق بعد ماكانت حب طفوله علشان هلها اعفست علي قلبها ومشت احضرت فرحه بيش ماتسيرش مشاكل عائليه تخرجت واقعدت في الحوش وبعد 3 سنين من التخرج تلقت هي والشخصيه اللي معجب بها من ايام اللي ايحبها من 8 سنين طول خطبها وخلي حبه حب حلال وعندها اعيال جبريل زياد رودينه شهد &&&&&&&&&&&&&&&&& هاجر ؛؛ الشعلوليه عايشه حياته طول وعرض حبت انسان وكانت عارفه ان حبها حب فاشل بسبب مشاكل اعيال عمه مع خوها بس اقعدت معه واصبرت وحبيبي صبر المشاكل وضرب من طارق وخذها خذها غصب عن الكل ازوجته واشتغلت في ضمان عندها 3 اعيال فتحي محمد حمزه &&&&&&&&&&&&&&&& سناء ؛؛ مغروره متكبره همها في الدنيا اتكون في العالي حبت انسان من الثانوي خشت قرت معه في جامعه تخرجت وازوجته وجابت عيالين لما وحمادي بس حياتها انقلبت للمشاكل بسبب عملها تمت اتعاند في راجلها وتبي روحها اشطر منها في العمل انشغلت بالعمل واجد وغارت من راجلها تغيرت معاملتها معه من كانت حياة حب اللي حياه مشاكل وانتهت بطلاق اسكنت فوق هلها واحتفظت باعيالها &&&&&&&&&&&&&& لمار و حمادي ؛؛ دفعو ثمن طلاق بوهم وامهم انحرمو من بوهم عاشو مع امهم وكانو محتاجين بوهم بس امهم حرمتهم هي منه بسبب غرورها ومشاكلها ايجو ل بوهم كل يوم جمعه يلعبو مع خوتهم احلي لعب بس تهنتي فرحتهم في الليل لما ايجي وقت ترويحتهم وردتهم للشقه وحدهم &&&&&&&&&&&&& انور افنان ؛؛ حبهم غريب حب في البدايه بدا باسم مستعار وكذب بس بعدها قعد حقيقي واسم حقيقي وصارت مشاكل لان طلع صاحب ولد عمها بس علشان انور حبها وحتي ولو عارفه كذبت عليه بس حبها ازوجها وخذها برضا ولد عمها اللي هو رفيق العمر وعندهم اعيال رغد طارق جوري &&&&&&&&&&&&& سراج ؛؛ عصبي شكاك امعاندي اكتر انسان مخلص بعصبيته وشكه خسر اقوي قصة حب حب انسانه طايشه ومتهوره وهو ماعرفش ايصلحها عيشها في حب كل اتحلف مش حاطه فيها ثقه نهائيا ماعرفش ايحافظ عليها وتعبها ولما شافها في يد غيره غار عليها وحبها اكتر لان شاف الاخلاص في اعيونها وعرف روحه غلط في حقها واحتفز بحبها في قلب وعاش في حوش اللي عاشت فيه هي ما ازوجش لان عارف روحه لو ازوج معناها ح يظلم انسانه ثالثه في المجتمع الاوله رجاء والثانيه طليقته اللي ياما قاللها يارجاء بدون وعيه اختار الوحده مع ذكريات حبه الوحيد والقوي من كتر ما حبها احترام رايها واختيارها ورضي بقسمه وايشوف في اعيالها وايبوس فيهم تحمل ان ايشوف حبيبته مع غيره وسعيده &&&&&&&&&&&& مراد ؛؛ مغرور حنون متكبر دافي عاقل مجنون في حبه اناني كريم واعر طيب رومانسي حب انسانه وازوجها وخابت ظنه طلقها اختار الوحده بس هله ماخلوش ايكون وحيدا خطبوله بنت اصغيره احليوه طيبه هاديه حساسه حبها بجميع صفاتها عشقها عشق من كتر عشقه كان مستعد يقتلها لما سيباته ردها غصبا عنها وعيشها في اجمل قصة حب عوضها وخلها جنبه محتفظه بها اوحده غير طبعه علشانها حبه حب جنوووووووووووووون لان اكبيدته هي ♥♡♥♡♥♡♥♡♥♡ ايه ؛؛ طيبه حنونه عبيطه شخصيتها ضعيفه حساسه بسرعه ما تنكسر كتومه شيالة هم صباره هاديه حلها في مشاكلها السكوت والانسحاب وترضي باللي كاتبها لها ربي دفعت ثمن غلطت اختها انحرمت من القرايه انفسخت خطبتها اخسرت سمعتها وتحملت ظلم خوتها وهذا كله وراضيه واتقول حمدالله فاقده بوها ورايفت علي اختها وخايفه من موت امها و انخطبت للرجل مطلق بعياله اكبر منها ب14 سنه واعر طيب عصبي حنون رضت به وازوجاته تحملت مسؤليته ومسؤلية اعياله و شافت قساوته وحباته تحملت عصبيته وغيرته وانانيته ووعارته لان حباته حب كبير ادمنت عطره ودخانه ادمنت رفعت حاجبه هزت اكراعه حباته لان الحضن الدافي لها لان سندها واب اعيالها تفارقو سنه ونص وتعبت وحباته اكتر من الارياف وانكسرت وفقدت امها نور اعيونها و كسرتها اكتر كسرت ظهرها وخاطرها وانقهرت وظلمت الدنيا في اعيونها عاشت في الحوش وحدها تحملت مسؤالية اعيالها اوحدها وفي لخظات حنون حبيبها ردها وعوضعا باللي فات كله عندها اجمل اعيال عبدالله( بيده ) عبدالرحمن ( ارحيمه ) نور احمد &&&&&&&&&&&&&&& باقي الشخصيات لا جديد عندهم هم زي ما هم &&&&&&&&&&&&&&&& كلهم اتعبو في حياتهم افقدو اخسرو انكسرو خاب ظنهم انقهرو اتعبو صاح عاشه حياتهم سعاده كاذبه بس بعدها عاشو حياتهم رضو بالمكتوب واستمرت حياتهم بالفقد والاراياف وشوق من اللي حياته سعاده كاذبه صاح ؟؟؟؟؟؟؟؟ . . . . . ( عمتي عيشه ) الانسان الطيبه الحنونه الدافيه ازوجت بدري للانسان طيب جابت اعيال بس فرحتها ما كملتش توفا راجلها وحملها مسؤالية 5 بنات و3 شباب مراه ضعيفه تحملت مسوليتهم تعبت شقت ربتهم كبرتهم وبنتها الكبيره خيبت ظنها وكسرتها وكسرت خواتها واعيالها قسو علي خواتهم وحبسهم في الحوش تعبت من المشاكل اتشوف في اعيالها ايتعاركو من كثر الهم قلبها وجعها ومرضت حياتها مستشفي حوش حوش مستشفي من كثر الهم من كثر الحزن زوجت بناتها بس همها ما كملش اطلقت احسن وحده في بناتها اطلقت اكبيدتها وجتها ب 3 اعيال كسرتها كسر قلبها شقي نين معش تحملت وانتهي مشورها في الحياه مشت وهي امعبي حزن وهم وشقي واراياف وشوق مشت وخاطرها مكسور من الدنيا مشت وهي مقهوره علي اكبيدتها اللي انكسرت قدامها مشت وهي اللي كانت سعادتها (& سعاده كاذبه &) ( بس حسافه الموووووت كان اقرب وارحم ) ……………………..…. ( فقدتك يااعز الناس فقدت الحب والطيبه ونا من ليا في هالدنيا سواك ان طالت الغيبه ) ……………………..……………………... ( تما بالحمدالله ) انتمن ان تنال اعجبكم القصه وايكونن الشخصيات عبره للكل شخص ان شاءالله اتكونو استفدتو من القصه درتها طويله لان الحق القصه عجبتني وماحبيتش اندير بسيطه قصه ومشت حبيت انطولها بيش اتاثر فيكم لان بصدق كل حرف كتبته طلع من قلبي واحساسي شخصيات من خيالي حبيتهم عشقتهم قعدو في خيالي اكتر من نص سنه وانا انفكر فيهم الفكره واقعيه يعني كل قصه في المسلسل في منها في الواقع بس التفاصيل وربط الاحداث والدمج وكلام واحساس كله من خيالي بس في حدود واقع لان في ناس اتحب صاح وادير المستحيل علي خاطر حبهم نشكر شكرا خاص جدا جدا جدا لزوجي اللي شجعني علي الكتابه واختي كوكا اللي ساعدتني في القصه واجد وشجعتني مع ان كان في ناس من الفانز يسالو فيها علي القصه بس مابتش تحكي علي خاطري شكرا لكم انتو اللي شجعتوني ومدحتوني وخلتوني نوصل للهنا واسفه كان زعلت حد او تاخرت علي حد في الرد تحياتي رتال الصفحات: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33
