مسلسل سعاده كاذبه الجزء الاخير
مسلسل سعاده كاذبه
الحلقه 97
بخرنا الحوش وبدنا ايجن الصبايا والحوش ايتعب
رجاء ؛؛ ويه ويه
نا ؛؛ نعم
رجاء ؛؛ تعالي شوفي محمد شن دار
نا ؛؛ ههههههه عادي ترجيعه بسيطه
رجاء ؛؛ عبا دبشه كله
نا ؛؛ هههههه عادي
قعمزت وبديت انغيرله وفجاء اتخش علينا غاده وهي شايله كيس كبير
غاده ؛؛ السلام عليكم
نا ورجاء ؛؛ التفتنا وبحتنا فيها
غاده ؛؛ قربت منا بصوت واطي
مبروك ماجد عليك
رجاء ؛؛ ماصح وجك جايه انتي بكل وجه بارد
نا ؛؛ رجااااء اس خلاص الحوش امعبي عيب ناس
غاده ؛؛ نا جايه نعتذر عارفه روحي غلطت بس والله يا ايه كانت عميتني الغيره والله وسناء اترن عليا واتزيد عليا اخري
رجاء ؛؛ وليش جايه تو
غاده ؛؛ علشان منتصر قالي لو عيت مراد تقبلو اعتذارك ح تركبي لشقتك وتقعدي قالي انتي خربتي بيت وتحملي العواقب
رجاء ؛؛ يعني معترفه بخطك
نا ؛؛ كملت لابست محمد وصبيت نبي نطلع
غاده؛ ؛ مسكتني
ايه انتي اكتر انسان ح اتحس بيا انتي عارفه كيف المراه اتكون حرجانه في حوش هلها ونا هلي بروحهم ايعاقبو فيا علي اللي صار بس والله والله كانت الغيره عميتني والله انتي حطي روحك في مكاني وحده علاقه سنين وخطبة سنتين ونا نحلم بليلة عمري مع منتصر وياما رسمنا وياما قالنا بس فجاء اكتشفت ان في عروس ح ادعكني في المسرح لا واخري بنت اصغيره واحليوه واخري الفرح المشترك يعني انخش نلقها قدامي علي المسرح يعني وكأن ليلتها وانا جايه ضيفه بس
ولما صار الفرح شفت علاقتك بعربي علاقه حلوه مع ان في البدايه تعبتي بس تو قعدتي احسن كنه عندهم يعني نا ياما درت بس ماعرفتش نكسب قلبهم كيف ما كسبتيه انتي وخواتك وهلك نا حتي اني غرت لما عرفت ان طارق يبي رجاء
رجاء ؛؛ كنك ياحنه كنتي ترسمي علي طارق ولا شنو
غاده؛ ؛ مش هكي بس غرت قالت كنت في ايه اتجيني رجاء اخري غرت لاني شفت حتي العلاقات قوت واجد اهو اقرب مثلا ميتت بابا اللي يعروفه من سنين طويله حضروها اعربي بس ماحسيتهمش ازعلو ولا حاسو كيف عزا عمتي عيشه اللي مالهم شيء يعروفها بس كلهم بكو عليها يعني غرت من جميع النواحي منكن
رجاء ؛؛ وانتي جايه تو دايره جو المسكينه
نا ؛؛ بس يا غاده انا وانتي فيش اي وجه مقارنه بيني وبينك انتي كانت ليلتك مع حبيبك ورسمتيلها معه بس نا كنت بالنسبه لمراد الزوجه التانيه كنت عروس ماليا شيء نعرف راجلي شهر بس حتي كلام ماحكيت معه ولا خططت ولا رسمت كيفك حتي ان بتاتك فيش وجه مقارنه بيني وبينك انا والله ماعمري اعتبرتك سلفه والله خشيت للحوش وقعدت علي طبيعتي ماعرفتش نصنع ممكن هكي حببهم فيا نا امقدره انك انتي ياما درتي مثلا انتي يوم الصباحيه جيتي ومعك هدايه لحوش عمي ونا ماجبتش وماغرتش منك لاني كنت معترفه اني ظروفي ما يسمحش اني انخش علي اعربي بالذهب كيف ما درتي
غاده ؛؛ شن فايده الذهب والفلوس انتي قعدتي احسن وحده منهم ونا الحق غرت منك وانتي قدري الجو هذا
نا ؛؛ ديمه ايقولو فيها لنا ربي حرمان من حاجات واجده بس ربي حط فينا طيبة ومحبه بدرجه اللي يعرفنا يحبنا وهذه نعمه من ربي يعني ممكن انا عندي الشيء هذا الحلو فيا ليش اتغاري مني زي مانا فيا حاجات حلوه راه حتي انتي فيك حاجات حلوه ماتغريش ونحن نبو كملو حياتنا مع بعضنا اعيالنا يبو يلعبو مع بعضنا يعني خلينا كيف الخوات ما نطلبش منك اتحبيني بس احترمني وراه مافيش اي وجه مقارنا بينتنا انتي فكري ان اللي قدامك حبيبك وتبي اتربي اعيالك وتبي اتقدمي من روحك وكوني علي طبيعتك مع الناس والله ح اتهني بعدها
غاده ؛؛ يعني انتي مسامحتني
نا ؛؛ والله كان نحساب حرجتك اموقفه عليا راه ماخليتكش تطلعي من اساس لاني عرفت واعرت الوحده اتكون بعيده علي حبيبها وهي اتحبه
غاده ؛؛ اضبطتني طول
شكرا يا ايه
نا ؛؛ بس اوعدني وعد
غاده ؛؛ تفضلي
نا ؛؛ انك معش اتغيري مني لاني والله ماندير في حاجه علشان اتغيري
غاده ؛؛ حاضر شكرا واسفه علي الكلام يا رجاء بس عقدتيها ليا لانك سمعتني كلام واعر
رجاء ؛ والله يا حنه تحملي غضبي نا مانسكتش كيف ايه
نا ؛؛ رجاء ياسامطه انتن تو اقرب لبعضكن اشققكن اصدار بعضهن
رجاء ؛؛ هذه اللي تقهر
غاده ؛؛ ههههههه بالنسبه ليا نا خلاص كان شيء انتي اديري مشاكل نا منتصر حلف بطلاق عليا لو صارت مشكله تانيه
نا ؛؛ ﻻﻻ ان شاءالله خير راه حتي رجاء طيبه بس ماتعرفش تسكت يعني اللي داير فيها تلقيه طول لو عاملتيها طيب ح اتكون اطيب وحده
رجاء ؛؛ شن انتي تخدمي علي الوتر الحساس يا ويه
نا ؛؛ هذا طبعنا يا ارجيوه ماما امعلمتنا هكي نحن بابا وماما الله يرحمهم ويسامحهم معروفين بالطيابه ونحن واخذين الشيء هذا
رجاء ؛؛ الله يرحمهم
ايمان ؛؛ اهاااا يا ظهري ارجيوه تعالي في مجموعة صبايا جن راه
غاده ؛؛ ماشاءالله حامل
ايمان ؛؛ خيرات غاده
اها يا حنه انكركر قاعده
غاده ؛؛ هذه ابنيتك اتهبل
ايمان ؛؛ ابنيت الشيخ احمد حتي هي
رجاء ؛؛ ختم القران
ايمان ؛ اها اختمه خلاص
نا ؛؛ ماشاءالله تبارك الله يا اعوينه
ايمان ؛؛ حتي نبي نختمه ويبي ايساعدني
نا ؛؛ ياعوينكم ربي عطاكم
بحتت قي غاده واعيوني ملينلت ادموع
شفتي يا غاده نحن لو نبو انغارو انغارو من الناس اللي اخرتهم حلوه كيف هذوم مش اللي حياتهم حلوه في الدنيا
غاده ؛؛ معاك الحق ربي عطاكم
ايمان ؛؛ هيا يا ارجيوه الصبايا
رجاء ؛؛ هيا
طلعنا للحوش وسلمنا علي الصبايا وقعدنا حايسن في العشاء طبعا طارق تعبنا كان عازم ناس وااااااجده وكان عشاء كبير بكل حتي هو عشاء محمد ولد طارق عند عمي وعمتي طارق اكبيدتهم
بيده ؛؛ ههههههههه تقدرش عليا
طارق ؛؛ انجيبك من وين
بيده ؛ خش وراء عمتي
هههههههه امي قوليله
عمتي ؛؛ سيب العيل كنك معه
طارق ؛ انقوله جيب الميه وايكب فيها علي الشباب
رجاء ؛؛ ههههههههه نجك ليا
ارحيمه ؛؛ طارق راه عمو يبيك
طارق ؛؛ ونا مش عمو ولا شنو
رجاء ،؛ ههههههه مستحيل حتي البنات ايقولهن اخويله ماعاد نا ايقولي يا رجاء
نا ،؛ ههههههههه لانكم تلعبو معهم
رجاء ؛؛ نا شاكه في حمادي ايقولي يا ماما
نا؛؛ ردي بالك افطني
رجاء ؛؛ هههههه براحته
بيده ؛؛ نسي طارق وطلع من وراء عمتي وجا شور حمادي
طارق ؛ جاه بسرعه وامسكه من دبشه عند ارقبته من لاوره ورفعه كيف القطوس
كلنا ؛؛ هههههههههه قعدنا نضحكو علي منظر بيده وهو املعق
طارق ؛؛ شن انديرلك تو
عمتي ؛ سيب العيل حرام عليك فجعته
بيده ؛؛ انبابي ولدك
طارق ؛؛ هههههههههههه اتهدد فيا
رجاء ؛؛ نجك ليا امعاندي
الهام ؛؛ حرام عليك نزله
طارق ؛؛ انطلعك هكي علي الشباب
بيده ؛؛ روحو
نا ؛؛ ههههههههههههههههههههه ماتقدرش عليه هذا اللسانه طويل
رجاء؛؛ ههههههههههه هكي احسن
طارق ؛؛ اقلب علي ظهر وقعد شاد من دبش من وراء ظهره وكأنه كيس وطلع به
عمتي ؛؛ والله تو ايخرب العويل بالعنف امتعه
نا ؛؛ بيده متعود علي طارق اكتر من ارحيمه
عنتي ؛؛ تو ايطرشقهم
مراد ؛؛ خش للجنا ومعه ارحيمه ولقي طارق قالب بيده علي ظهره
كنك يا طارق
طارق ؛ عقاب
مراد ؛؛ نزله ياراجل
بيده؛ ؛ يا بابا قوله
طارق ؛؛ مافيش يبي يضرب اولدي
منتصر ؛؛ تي كنك يا راجل
طارق ؛؛ ماحد يدخل اولدي هذا
بيده ؛؛ ﻻﻻ نا ولد بابا وماما
مراد ؛؛ هههههههههههه ارحيمه عدي كلم ماما في المطبخ اتجيني
ارحيمه ؛؛ حاضر بابا
وخش ارحيمه يجري
ماما مانا يبيك بابا في المطبخ
عمتي ؛؛ فجعني نحسابه حتي هو يجري في جرته طارق
نا ؛؛ هههههه ﻻﻻ ارحيمه متخصص بمراد
صبيت وخشيت والقيت مراد يشرب في الميه
صحه حبيبي
مراد ؛؛ سلمك من اللي جوا
نا ؛؛ نحن بس
مراد ؛؛ حبيبي كملتو
نا ؛؛ اها خلاص نفذت طاقتنا
مراد ؛؛ وليد روح ونبي نحكي معه
نا ؛؛ ﻻﻻ حكي معه حاتم راه وبكره متافقين قالها ليا امبدري كلمني
مراد ؛؛ يعني اتفقتو
نا ؛؛ اهاااا تعال خش جو كنك هنا
مراد ؛؛ ويتي يبيك منتصر
نا ؛؛ كنه
مراد ؛؛ قالي نبيها علي هالموضوع
نا ؛؛ والله ياعمري انتو كبرتو الموضوع خلاص ايام مشت في حالها
مراد ؛؛ حتي نا قالتله قالي ضروري نحكي معها قال نبيش جو حسس في عائله ونحن خوت
نا ؛؛ حكينا معها غاده وجونا سمححتي ان اركبت للشقتها
مراد ؛؛ خلاص احكيله هو بيش يقتنع هيا تعالي
نا ؛؛ به
طلعنا للجنان والقينا منتصر امقعمز
نا ؛؛ خير منتصر
منتصر ؛؛ شن الاخبار
نا ؛؛ تمام الحمدالله
منتصر ؛؛ حكيتي مع غاده
نا ؛؛ اها حكينا وخلاص يامنتصر ايصيرن المواقف هذين وحتي انها تو فوق في الشقه وياريت اتسكرو الموضوع
منتصر ؛؛ والله انحرجت راه
مراد ؛؛ خلاص يا منتصر صارت والانسان ايتعلم من اخطاء
منتصر ؛؛ صحيتو و رجاء
نا ؛؛ ﻻﻻ رجاء فوتها لو تحكي معها ح يكبر الموضوع خليها راه والله طيبه
منتصر ؛؛ تم خلاص تبو حاجه
مراد ؛؛ رد بالك من رفيقتك بس
منتصر ؛؛ ان شاءالله خير تصبحو علي خير
مراد ؛؛ وانت من اهله
ركب منتصر للشقته
نا ؛؛ حبيبي تعال جو شوف حمادي
مراد ؛؛ هيا
حاتم ؛؛ يا مراد بيده ايمرطز فيه طارق
مراد ؛؛ شن انديرله هو يبي هكي
خشينا جو والقينا رجاء والهام وعمتي امقعمزات ايهدرزنا
حاتم ؛؛ امي قاعده مع ولي العهد
عمتي ؛ وين باتكم
مراد ؛؛ بره مع الشياب
نا ؛؛ بحتت في مراد وابتسمت
مراد ؛؛ غمزلي ونزل راسه ولقي نور شاده في سرواله رفعها
ويتي هيا
نا ؛؛ بصوت واطي
به ياشايبي
الهام ؛؛ هيا يا حاتم خوذ العويل معاك
حاتم ؛؛ تبي حاجه ياامي
عمتي ؛؛ سلامتك
حاتم ؛؛ بكره انتلاقو يا مراد
مراد ؛؛ بدري بس قبل العياده
حاتم ؛ تم خلاص
طلعو عيت حاتم
نا ؛؛ ارجيوه خلاص تبي حاجه
رجاء ؛؛ تبو تتسافرو ماه الايام الجايه
نا ؛؛ اها تو بيده ايكون معاك
رجاء ؛؛ ماعليك فيه وارحيمه
نا ؛؛ ارحيمه تبيه اميره هو ونور بس انتي خلي عندك بيده لان هرجته واجده ولان حتي منسجم معاكم انتو اكتر
رجاء ؛؛ خلاص كوني هانيه
نا ؛؛ خشيت ولابست عبايه ووشاح وخذيت شنطتي وطلعت
اعميمه تصبحي علي الخير
عمتي ؛؛ وانتي من اهله
مراد ؛؛ سلام
طلعنا بره للسياره والقينا بيده قاعد مع طارق وانور
مراد ؛؛ بيده هيا
بيده ؛؛ بحت في طارق
مراد يبني
انور ؛؛ هههههههههههه ياعنجد مراد يبني
طارق ؛ هههه امقنط هذا انت مش عارفه
مراد ؛؛ سمعتك سمعتك تعال تو انوريك مراد من
نا ؛ ركبت سياره
هههههههه قال مراد
مراد ؛؛ اها سمعته
بيده ؛؛ نزل من علي اكراع طارق
قصه مراد هذا
انور ؛؛ حي علي امك حي ههههههههه
مراد ؛ نزل علي الروشن وبحت فيا
العيل يحسابني صاحبه شوفيه كيف جاي متنرفز وهو جاي
نا ؛؛ ركبه وماتضربه
مراد ؛؛ مانعرفش نضربه دمه خفيف وحانط
بيده ؛؛ جا وفتح الباب وركب بدون مايحكي كلمه
مراد ؛؛ امرفع حاجبه وايبحت فيه وماسكه ضحكته
ارحيمه اركب حتي انت هيا
ارحيمه ؛؛ ابي ثوق
بيده ؛؛ ﻻﻻﻻ نا بابا
نا ؛؛ ركب وسكر الباب
ﻻ انت ولا هو نور هي اللي اتسوق
بيده ؛؛ بابا
مراد ؛؛ ماتحكيش معي
بيده ؛؛ هييييي عليش
مراد ؛؛ نا شن اسمي
بيده ؛؛ بابا
مراد ؛؛ مش تو سمعت مراد نا
بيده ؛؛ طارق قالها
نا ؛؛ ههههههههههههه
مراد ،؛ عيني عينك هكي يا بيده حرام الكذب
نا ؛؛ خلاص حبيبي خليه
مراد ؛؛ حرام راه اتقول لبابا ولا ماما باسماهم
ارحيمه ؛؛ بابا اسمه دكتور مراد
مراد ؛؛ حي علي الاخري
نا ؛؛ ههههه شفته احسن
مراد ؛ ماارحيمه دبمه معي ويسمع في دكتور
هيا انزلو
نزلنا وخشينا للحوش طول غيرتهلم وطاحو علي تي في ورقدو
نا ؛؛ خشيت للحمام ودرت دوش وطلعت بالديشنبر وقعمزت علي الكرسي وبديت ندهن في جسمي
امتي الطياره
مراد ؛؛ بعد بكره
نا ؛؛ معقوله
مراد ؛؛ اهاا هذا احسن وقت للاجازه
نا ؛؛ كم ح نقعدو
مراد ؛؛ اسبوع مانقدرش انطول اكتر من هكي
نا ؛؛ طلعت روب ولابسته وجيت وقربت منه
ماعمريش اركبت طياره
مراد ؛؛ اتخافي
نا ؛ لما انكون جنبك اكيده لا
مراد ؛؛ انحبك
نا ؛؛ انموت فيك حبيبي انت تعرفها تركيا
مراد ؛؛ اها نعرفها زمان ماشيلها كم مره وقبل فرح هدي كنت فيها
نا ؛؛ هييييييي شنو
مراد ؛؛ اووو اللسان زرق
نا ؛؛ احكي احكي
مراد ؛؛ ههههههه مشيت ونا في طرابلس وماحد عرفها
نا ؛؛ ليش
مراد ؛؛ كنت نبي نطلع وخلاص مشيت للتونس بعدها القيت روحي حاجز في طياره للتركيا
نا ؛ انفكر كيف ح نقعد بلا اعيال اسبوع
مراد ؛؛ حبيبي خلينا انعيشو كم يوم هكي حلوات وبعدين انتي ماشي عمل مش ماشيه علي الفاضي والوقت ضيق
نا ؛؛ حاضر
مراد ؛؛ كرني وحطني في حضنه
هيا ماتبيش تحملي انتي
نا ؛؛ حبيبييييييي
مراد ؛؛ ههههههه انبصر كنك انتي
نا ؛؛ راه مش ح ناخذ حاجه
مراد ؛؛ تم تو اتشوفي يا مكاره
نا ؛؛ مش مكر بس ياحبيبي خلينا تو مالنا شيء ردين وبعدين نور مازال اصغيره
مراد ؛؛ اخري بطن نطلبها
نا ؛؛ حاضر بس اصبر عليا مش تو علي الاقل انديرو المكتب وانكبروه وينشهر وبعدها ساهله
مراد ؛؛ حاضر حبيبي
……………………..
طارق ؛؛ خش في الدار ولقي رجاء لابسه كت واترضع في حمادي
خش وسكر الباب
رجاء ؛؛ رفعت راسها
تعال
طارق ؛؛ قرب منها ورقد جنبها وقعد يبحت فيها
شن تعبتي اليوم
رجاء ؛؛ اهااا متعب اليوم شن جا تمام العشاء
طارق ؛؛ ماشاءالله تبارك الله وين امي
رجاء ؛؛ خشت ارقدت
طارق ؛؛ امبدري ونا بره تحشمت انخش عليك قدامها
رجاء ؛؛ تبينا نركبو فوق
طارق ؛؛ والله الواحد ياخذ راحته اكثر في الشقه
رجاء ؛؛ باهي امغير خلينا كم يوم نين نبرا وراه عمتي امساعدتني واجد في حمادي
طارق ؛؛ تم حبيبي
رجاء ؛؛ نطلب طلب
طارق ؛؛ اعيونه
رجاء ؛؛ جيبلي توته اكويسه من فوق
طارق ؛؛ بس
رجاء ؛؛ اها
طارق ؛؛ مازالتي مريضه اتحسي
رجاء ،؛ الحمد لله
طارق ؛؛ يحكي بصوت رجاء
انا اللي هبله ودرويشه
رجاء ؛؛ هههههههه باهي اتقلد
طارق ؛؛ ماننساه يوم كامل تعبتني معتك كرهت روحي بكل
رجاء ؛؛ ليش
طارق ؛؛ هكي قالت بسببي مازالت اصغيره وماتعرفش ومازالت عروس مفروض عطيتك راحه كم شهر مش طول حمل
رجاء ؛؛ قول الحمدالله هذه نعمه
طارق ؛؛ ريي يحفظك ليا
رجاء ؛؛ تسلم حبيبي هيا امشي جيبلي توتهة
طارق ؛؛ تو تبي تلبسيها ليله
رجاء ؛؛ ﻻﻻ بكره في الصبح
طارق ؛؛ خلاص معناتها تو انجيبها بكره
رجاء ؛؛ تنبال
طارق ؛؛ امرايف عليك نبيك اشويه
رجاء ؛؛ اتصدق حتي نا
كملت حمادي وحطته علي كرعيها وتمت اتلم في شعرها
طارق ؛؛ حول مسكتها
رجاء ؛؛ حبيبي انا انلم وانت تطلق
طارق ؛؛ ليا مده ماشفتك هكي خليكي
رجاء ؛؛ قربت من طارق وباسته علي خده
طارق ؛؛ شن بنت حمادي فيك تو
رجاء ؛؛ شن حلوه
طارق ؛؛ بنت اوليدي اللي من حبيبتي ماتبيش ابكون سمحه
رجاء ؛؛ انت اجمل حاجه في حياتي والله نا بلاك مش عارفه كيف انكون حبيتني حبيت رجاء بشخصيتها تحملت ميزاتي علي عيوبي وممكن عيوبي اكتر وهذا اللي عجبني فيك لانك حبيتني كيف مانا وخلتني انحبك انموت فيك موت
طارق ؛؛ نجك ليا نا عارف الناس كلها تنظرلك مشاغبه واجويلطه وعصبيه واللي علي قلبك علي اللسانك وامعانديه وصعبه بس ماحد عارف حبيبي نا ان في رومانسي قمه انا حبيبتك لان طبعك كيف طبعي وعارفك وعجبتني كيف ماانتي ولانك الوحيده اللي خلتني انفكر في الزواج وماخلتنيش انفكر بيك كعلاقه بس
رجاء ؛؛ حبيبي نبي عمل راه
طارق ؛؛ بعد رمضان تبدي باهي
رجاء ؛؛ في المصرف
طارق ؛؛ اها محمد قالي مكانها قاعد بس راه عندي اشروط في البس
رجاء ؛؛ كيف ايام المعهد
طارق ؛؛ ايوه وميك اب ﻻ نهائيا هذا مكان عمل وفي رجاله واجد
رجاء ؛؛ حاضر
طارق ؛؛ نجيها اللي تسمع كلامي
وحمادي شن انديروله
رجاء ؛؛ ساهله ربك ايسهل ياما مازال علي رمضان
طارق ؛؛ ديرله روتين انتي ان ايطول في الصبح وهو راقد
رجاء ؛؛ ان شاءالله خير
……………………..
اميره ؛؛ ايجنننننن المكان صاح ياويه
نا ؛؛ اهاااا بكل حلو كبير وواسع وراقي
اميره ؛؛ المكتب انديروه هنا والطرمات انحطوهن هنا
وليد ؛؛ تبن لاب توب انتن
نا ؛ نا تو نشري
وليد ؛؛ كان هذا خوذن الاب توبي
نا ؛ ﻻﻻ نبي نشريه نا واحد هنا للمكتب
مراد ؛؛ ها ويتي تمام
نا ؛؛ حلو بكل حبيبي
اميره ؛؛ والاجار يا مراد
مراد ؛؛ شوري نا انتن اشرن الادوات بس
اميره ؛؛ معناتها يا ويع تو نعطيك الفلوس اشري الحاجات انتي من غادي نا نبي كل حاجه من تركيا مانبيش حاجه ليبيه بكل
نا ؛؛ تم بكره في الصيح طيارتي راه
اميره ؛؛ خلاص واتي الفلوس حتي نجاح جبتلي افلوسها
نا ؛؛ تم
وليد ؛؛ بس يبي ازواق المكتب
اميره ؛ وليد نبي حتي جو الجبس ونبي لون موض فاااااتح المكتب
نا ؛؛ اهاا احسن
اميره ؛؛ والله عجبني
مراد ؛؛ هيا وقت عليا عندي عياده انحطك في الحوش بيش اتوتي روحك
نا ؛؛ به هيا
اميره ؛؛ خلاص تنظيم المكتب شوري بدال ماانتي جيتي
نا ؛؛ اشري مكتب وصالون بيش اللي اتجي تلقه منظم واتقعمز اتفرج علي الديكورات والجانب التاني انخلوه الكروت والبونبونايره وحاجات زينه للفرح
وليد ؛؛ تو انديرلكن حو طرمات بيش اتحطن عليهن
نا ؛؛ اها تمام
مراد ؛؛ خلاص هيا
نا ؛ سلام
اميره ؛؛ سلام
نا ؛؛ روحت حطني مراد في الحوش نزلت وتيت شناطينا وشناطي الاعيال ودمعتي علي خدي مش امصدقه اني ح نقعد بلا الاعيال اسبوع كامل تي هم ماعمرهم غابو عليا يوم كامل كيف انتحمل افارقهم اسبوع كامل كيف بس
كملت الشناطي برمت علي الحوش ودرت عشاء وحا مراد تعشينا ولميت السفره
نا ؛؛ حبيبي اليوم خلينا نرقدو هنا جنب الاعيال
مراد ؛؛ باهي
نا ؛؛ حبيبي نبي نشري دار نوم كبيره لبيده وارحيمه
مراد ؛؛ تم حبيبي ديري منبه
نا ؛؛ كم طيارتنا
مراد ؛؛ ساعه 11 بس راه ساعه 9 انكونو في المطار
نا ؛؛ حاضر معناتها نوعي ساعه 7 بيش انوتي الاعيال
مراد ؛؛ هو في امكان معينه تو نمشولهن نعرفهن وحتي خشيت في النت وعرفت امكان
نا ؛؛ انت عندك لغه
مراد ؛؛ ههههههه اكيده انجليزي بس هم لغتهم بروحهم ويعرفو انجليزي
نا ؛؛ به تمام
كريت نور واضبطتها وتميت نبكي
مراد ؛؛ نا راحت عليا
نا ؛؛ انت معي بكره بس هم لا
مراد ؛؛ كنك اتحسسي فيا مشين مش رادين
نا ؛؛ ونا نبكي
اول مره ح انسيبهم
مراد ؛؛ حبيبي بلا اهبال خلاص تو تفجعي العويل
نا ؛؛ انت مش حاسس بيا
ارحيمه ؛؛ قرب مني واضبطني وباسني
نا ؛؛ نحك ليا يلي ديمه اتبوس
بيده ؛؛ خش يجري ومنفجع
بابا بابا
نا ؛؛ نطيت بسرعه وانحبت فيه
مراد ؛ كنك
بيده ؛؛ قطوسه قطوسه
مراد ؛؛ ههههه خواف وينها
بيده ؛؛ بره
نا ؛؛ فجعتني يا بيده من جدك هكي
مراد ؛؛ طلع للجنان ولز القطوس وخش وسكر
بيده ؛ ارحيمه اتخاف انت
ارحيمه ؛؛ ﻻﻻ
مراد ؛؛ لزيتها يا بابا خلاص
بيده ؛؛ نبي حمام
نا ؛؛ هيا تعال حتي انت يا ارحيمه بيش ترقد
خششتهم للحمام وطلعت ورقدو بس نا مرقدتش بكل طول الليل ونا انبحت فيهم وصورتهم كلهم وهم راقدين جنب مراد كان منظرهم ايجننو يالله طقيت رقدت 3 ساعات ووعيت وتيت الفطور وعيتهم درتلهم حمامات ولابستهم
مراد ؛؛ هيا حبيبي راه طلعت الشناطي كلهن
نا ؛؛ سيارتك وين تبي اتحطها
مراد ؛؛ تو انشيلو العويل عند اميره بعدها نمشو لهلي طارق غادي يرجا فينا تو انحط السياره عند هلي ونحن ايشيلنا طارق للمطار
نا ؛؛ به هيا نلابس بس تاكدات من الجوازات
مراد ؛؛ اها في شنطتي انا هيا بس
نا ؛؛ هيا هيا
لابست وشاحي وجاكه ومسكت نور وطلعت وسكر مراد الحوش وركبنا السياره
نا ؛؛ شوفو العويل نعسانين
مراد ؛؛ رني علي اميره تطلع بيش تاخذهم
نا ؛؛ صباح النور
اميره ؛؛ صباح الخيرات وينك جايه
نا ؛؛ اها افتحي الباب
اميره ؛؛ تم هيا
نا ؛؛ نزلت ونا ماسكه نور واضبطتها زين
اميره ؛؛ افتحت الباب وشافتني
نا ؛؛ خشيت ودمعتي علي خدي
اميره ردي بالك منها
اميره ؛؛ في اعيوني هذوم ياهبله بلا ابكاء بس
نا ؛؛ اسمعي راه نور اتنتش في الشعر افطني ل ارحيمه وامير
اميره ؛؛ جدبده يعني عليا كنك انتي راه نا اميره
نا ؛؛ عارفتك حبيبتي قدها
مديتلها نور ونزلت وحبيت ارحيمه
اميره ؛؛ خوذي الفلوس هذين
نا ؛؛ عقبتي حق المكتب والصالون والطرمات
اميره ؛؛ اها تو انديرهن وليد في الاسبوع هذا قالت اللي انديروها انديروها قبل ماايخش موسم الافراح
نا ؛؛ باهي تم سلام
طلعت بسرعه وركبت والقيت بيده مع مراد قدام
زقب عليك طول
مراد ؛؛ طول ما بش ينزل
نا ؛؛ عارفته بيده عنده طارف ورجاء احسن هذا عليش نبي انخليه عندهم ماحد يقدر عليه الا طارق
مراد ؛؛ باهي هاتي الفلوس اندسهن
نا ؛؛ حاضر خوذ
مشينا للحوش والقينا طارق يرجا فينا قدام الحوش نزلت وركبت لاوره ومراد ركب في مكاني وطارق ركب هو اللي يسوق ومعه بيده
نا ؛؛ راقدين اللي في الحوش
طارق ؛؛ اهاا كلهم الا الحاج في المدرسه
نا ؛؛ طارق رد بالك منه
طارق ؛؛ ماعليك معي
نا ؛؛ ما تخليش ايتعب رجاء حرام مريضه
طارق ؛؛ ﻻﻻ تو انخليه معي في الصاله انخشه علي الحديد
مراد ؛؛ ههههههه ايوه خربه ليا
طارق ؛؛ بيده بابا شن اسمه
بيده ؛؛ مراد
مراد ؛؛ شن
بيده ؛؛ دكتور مراد جدي
نا ؛؛ هههههههههههه سمحه جدي هذه
مراد ؛؛ تو مش عارف اسم جدك
طارق ؛؛ ﻻﻻ قوله شن اسمك
مراد ؛؛ شن اسمك
بيده ؛؛ بيده الفلان
مراد ؛؛ وووووو علمته حتي اللقب فيش عبدالله مراد بكل
طارق ؛؛ ﻻﻻ هذا اسمه بيده ولد طارق
بيده ؛؛ ﻻﻻ نا ولد مراد
مراد ؛؛ تي احترمني ياعن بوك
طارق ؛؛ بحت فيه ورفع حاجبه
تشتم في روحك شيء
مراد ؛؛ ها شن اندير ما منكم انتو
طارق ؛؛ ههههههه بيده صاحبك شن اسمه
بيده ؛؛ انور
مراد ؛ ههههه كيف صار
طارق ؛؛ غمزله وبحت في بيده
شن اسم الكبيده امتاعك
بيده ؛؛ رغودي
مراد ؛؛ قصده رغد بنت انور
طارق ؛؛ اهاااا العيل امكبد من تو
نا ؛؛ ههههههههه
مراد ؛؛ عجبتك انتي عاد
نا ؛؛ ههههههه مستقبل حلو ان شاءالله
طارق ؛؛ انور تنغمله لما يقولها بيده
مراد ؛؛ من حقه بنته
طارق ؛؛ توصلو بسلامه
مراد ؛؛ سلمك
نا ؛؛ عينك منه
طارق ؛؛ ماعليك
نزلنا وخذينا شناطين ومشينا درنا اوراقنا وقعمزنا نرجو في الطياره
مراد ؛ كنك حبيبي
نا ؛؛ خايفه
مراد ؛؛ ما واعره راه عادي
نا ؛؛ تو تخيل اطيح بينا الطياره
مراد ؛؛ ههههههه عليك خوف
نا ؛؛ مسكت يده وقعدت انبحت فيه ومبتسمه نين جا وقت ركبو الطياره صبيت وتميت نمشي وفي رعش مراد ؛؛ قعمزي من عند الروشن
نا ؛؛ قعمزت وقعمز جنبي مراد وسكرلي السير
مراد ؛؛ اقري المعوذات وهذا دعاء السفر اقريه
نا ؛؛ حاضر
تميت نقرا في المعوذات ودعاء السفر وامغمضه اعيوني
مراد ؛؛ مسكلي يدي
هههه نجيها الخوافه
نا ؛؛ فتحت اعيوني واضبطت يده بايديا الاثنين وحطيت راسي علي كتفه وغمضت
مراد ؛؛ خلاص حبيبي افتحي اعيونك وشوفي السحاب
نا ؛؛ نحن في السماء تو
مراد ؛؛ مانحسبكش خوافه للدرجه هذه خلاص في ناس اتبحت فينا
نا ؛؛ سقمت قعميزتي وقعدت ماسكه في يد مراد وطلعت فوني وتمينا انتفرجو علي الصور والفيديوات امتعات العويل
مراد ؛؛ هرجتهم واجده
نا ؛؛ اها ربي يحفظهم
مراد ؛؛ بذات بيده متعب ان شاءالله
نا ؛؛ هههههه ارحيمه حنون انحس فيه طبعك انت حتي في الشبه انت انت
مراد ؛؛ اهااا رايفت علي لمار
نا ؛؛ حتي نا
مراد ؛؛ سامطه اتجينا يوم جمعه بس
نا ؛؛ ما سناء تبي هكي
مراد ؛؛ اهااا
نا ؛؛ لمار غالي عليها ارحيمه اتلعب فيه في لعب سمح مش كيف بيده وحمادي يقلبو الدنيا لما ايتلاقو سبحان اكبرت اعقلت لمار
قعدنا ساعتين وربع ونحن في الطياره ونحكو علي العويل ولاول مره نكتشف ان سناء حرمت مراد من الاعيال زمان كنت نحسابه لاهي في العويل وانشغل عليهم بس طلع فقدهم حتي هم اعياله وخاصة لمار البكريه عاد
نزلنا طول مشينا للفندق
مراد ؛؛ جعتي صاح
نا ؛؛ اها بكل غداء الطياره شيييين
مراد ؛؛ به تو نطلب وبعدها انتريحو اشويه وفي العشيه نطلعو
نا ؛؛ به
غيرت دبشي وجانا الغداء تغدينا ونا حطيت راسي علي المخده طول رقدت
مراد ؛؛ حبيبي هيا خلاص ساعه 5
نا ؛؛ طولت صاح
مراد ؛؛ هيا صلي وهيا ننزلو نكلمو ليبيا
نا ؛؛ هيا صبيت توضيت وصليت ولابست ونزلنا
حبيبي تعرف اماكن
مراد ؛؛ في شارع اسمه الفاتح هذا امتع عرائس من غادي تو نمشوله تو
نا ؛؛ به شن اخري
مراد ؛؛ في عرم اماكن نمشولهن اطمني مش ح اتروحي نين اتكوني امكمله حاجاتك بس راه نطلعو صبح عشيه
نا ؛؛ باهي
طلعنا ادهورنا وشرينا حاجات واجده وتعشينا وروحنا من التعب علي طول نوم مشن الايام هكي من الصبح نوعو نطلعو انتغدو انروحو نوم طول وفي العشيه انردو نطلعو اخري كانن احلي الايام صاح انرايف علي العويل بس كانن أيام حلوه لان طول الوقت مع حبيبي
……………………..
طارق ؛ الحمدالله علي السلام
مراد ؛؛ الله يسلمك
نا ؛؛ وين بيده ليش مش معاك
طارق ؛؛ سيبته راقد مع رجاء
نا ؛؛ باهي هيا امرايفه عليهم تكي علي اميره ناخذو العويل قبل
طارق ؛؛ باهي هيا شن عندكم
مراد ؛؛ شحن تو ايجن
طارق ؛؛ املاه حاجات واجده
مراد ؛؛ اهاااا واجد بكل
ركبنا السياره طول خذينا العويل ومشينا للعيت عمي
مراد؛ ؛ خلاص ابكاء خلاص لكي ساعه وانتي تبكي
نا ؛؛ امرايفه عليهم
عمتي :؛ هذه الام يا مراد شفتها
مراد ؛ غادي كل ماتشوف حد امدادهم واو دبش عليهم تقعد تبكي وكله كوم وفي الليل كوم تاني
رجاء ؛؛ هههههه بيش تشعفي مره تانيه ماتمشيش بلاهم
نا ؛؛ ﻻﻻﻻ مستحيل انحط اكراعي بره بلاهم اللي بيا بيهم
رجاء ؛؛ شريتو كل حاجه
نا ؛؛ عارفه القيت فيلوات ارخاص مش كيف هنا شريت كم فيلو قالت انحطهم وانجارهم او انبيعهم والله فيهن مكسب وااااجد
رجاء ؛؛ صااااح
نا ؛؛ شريت عرم دبش وحاجات للمكتب
رجاء ؛؛ ونا شيرتلي حاجه
طارق ؛؛ رجااااء.
نا ؛؛ ههههه خليها
شريتلك دبش ياحنه لكي ولل حمادي
رجاء ؛؛ ايوه هكي اختي صاح
طارق ؛؛ ههههههه مصلحجيه
نا ؛؛ مازالتي هنا ما ركبتوش
عمتي ؛؛ ﻻﻻ نبيهم هنا نا ديرلي جو هنا نا قالت لطارق نزل دارك واقعدو هنا استقرو
نا ؛؛ استغربت كلام عمتي بحتت في رجاء
رجاء ؛؛ فنصت فيا ومسكت ضحكتها
طارق ؛؛ ههههههه ان شاءالله خير
رجاء ؛؛ والله نا يااعميمه عادي عندي بالعكس الا والله ساعدتني في حمادي
طارق ؛؛ قعد ايفنص في رجاء بيش تسكت
رجاء ؛؛ نزلت راسها وتمت تضحك
عمتي ؛؛ اندير الغداء
رجاء ؛؛ خليك تو انديره نا
عمتي ؛؛ ﻻﻻ ياحنه عمك طالب مني بازين وانتي ماتعرفيش اديره
رجاء ؛؛ اهاااا
نا ؛؛ غريبه كنه عمي
عمتي ؛؛ عازم صاحبه وهو اللي طالب بازين
نا ؛؛ اهاااااا
صبعت عمتي وخشت للمطبخ ونا صبيت للحمام ورجاء تمت تبرم علي الحوش وبعدها قعمزنا
نا؛؛ كيف صار
رجاء ؛؛ ياحنه طارق مايبيش يقعد هنا يبي الشقه
نا ؛ ليش
رجاء ؛؛ ايتحشم من عمتي في الليل ماايخش عليا في الدار اﻻ لما يرن عليا ويتاكد ان عمتي خشت للدارها وفي قيود طبعا امغير هو ساكت تو علشان مريضه بس
نا ؛؛ كيف اديري
رجاء ؛؛ بينه وبين امه نا مش امعدله واجد لان الحق نا مش كاره القعده لان عمي مايقعدش نين ايقيد ولاه عمتي اتهبل عسل بس طارق غمتله قالي هكي انقيدو خوتي في الحوش
نا ؛؛ اهااا صاح بس انتي ما تحكيش خليها اتجي من طارق راه عمتي تزعل
رجاء ؛؛ عارفه ونا بروحي خايفه من عمتي تزعل
حطينا الغداء وتغدينا لمينا الحوسه طول بعدها روحنا للحوش نا ومراد والعويل واطيااااااااااااااااااح نوووووووم كلنا
ومش يوم وراء يوم فتحنا المكتب ودرنا مساحه بسيطه للتاجير الفيلوات نفتحو ساعه 9 ونص لعند ساعه 2 وبعد العصر يفتح اخري لعند ساعه 9 في الصبح اميره تفتح فيه وفي العشيه نجاح ومجدي يقعدو فيه ونا نمشي مره مره انمر عليه ونشرف
طبعا درنا اعلان عليه في الراديو والجريده وافتحت اميره صفحه في الفيس باسم المكتب واقعدت متواصله حتي علي النت لان في عرائس واجدايبحتن في الديكورات والحاجات قبل مااتجينا وتحجز
اكتر وحده انحسوها تخدم بضمير هي نجاح كانت امصبيه للمكتب تصبيه حلوه هي ومجدي
نا ؛ السلام عليكم
نجاح ؛؛ وعليكم السلام خير خير ياشباب
نا ؛؛ ههههه شفتيها رايحه شباب نور خلاص صكرت سنه
نجاح ؛؛ ربي يحفظها ان شاءالله
نا ؛؛ شن اخبار العمل
نجاح؛؛ عندي اشوية زحمه
نا ؛؛ صاح باهي الحمدالله
نجاح ؛؛ نبو اكروت راه واكسورات للمناديل والبنوبونايره
نا ؛ اها اهو جبت معي طلبيه درتها اوحدي كسدت عليها
نجاح ؛؛ باهي والله تفضي ادير في الحوش
نا ؛؛ اهااا الاعيال انخلي فيهم يلعبو وانقعمز في العشيه واندير
نجاح ؛؛ باهي تمام تعالي شوفي
شاب ؛ السلام عليكم
نجاح ؛؛ وعليكم السلام تفضل
شاب ؛؛ حجز ديكور
نجاح ؛؛ زفتك ان شاءالله
شاب ؛؛ ان شاءالله
نجاح ؛؛ عندك ديكور معين تبيه
شاب ؛؛ اها في ديكور شايفه في صفحتكم نبيه
نجاح ؛؛ وينها
شاب ؛؛ تفضلي شوفيه
نجاح ؛؛ تم تو انشوف
اهاااااا راه غالي اشويه الديكور هذا
شاب ؛؛ بس اديروه هكي كيف اللي في الصوره
نجاح ؛؛ اكيده يااستاذ
شاب ؛؛ يعني حتي حوض الصغير ديروه علي كل طاوله كيف هذا
نا ؛؛ ديكور السمائي امتع البحر واخذه
نجاح ؛؛ اهااا
نا ؛؛ اهاا مش علي كل طاوله انديرو حوض الميه السمائي طاوله عليها ورد وطاوله عليه حوض سمائي وفيه شموع
شاب ؛؛ تمام هو اللي نبيه
نجاح ؛؛ تمام تبيه يوم شنو
شاب ؛؛ يوم 24 7
نجاح ؛؛ تمام تدفع العربون تو وراه انديرو حتي في مناديل وانغيرو في مفارش الطاوله وانلبسو الكراسي
شاب ؛؛ وكم
نجاح ؛؛ علي حسب ماتدفع انت لو تبي ديكور مسرح بس باهي لو تبي ديكور للصاله كله انغيرو كل حاجه تمام
شاب ؛؛ لا نا نبيه كيف اللي في الصوره تمام
نجاح ؛؛ تم يعني الصاله كله
نا ؛؛ تو ناخذ المناديل تو انديرهن من تو
نجاح ؛؛ قول لعروستك ذوقك حلو وراه في عندنا فيلوات
شاب ؛؛ ان شاءالله جايتكم هنا تبي تختار الفيلو
نجاح ؛؛ مبروك وهذا الوصل تعال قبل الموعد بيوم او حتي باسبوع اتكمل المبلغ واتاكد بيش نحن انجو يوم الفرح وانزينو الصاله
شاب ؛؛ تمام شكرا
نجاح ؛؛ عفوا وراه في حتي بونبونايره تمشي مع الديكور
شاب ؛؛ ان شاءالله ح انعاود
نجاح ؛؛ تم
نا ؛؛ حلوه فكرة الصفحه درتها اميره هي امساعده واجد المكتب
نجاح ؛؛ اهاا اسمعي نبو حاجات
نا؛؛ مانقدرش انسافر امشي انتي
نجاح ؛؛ ليش
نا ؛؛ حامل
نجاح ؛؛ تحكي جد ماشاءالله تبارك
نا ؛؛ امشي انتي منها اتغيري جو انتي ومجدي تو نعطيك اسماء الاماكن تمشيلهم
نجاح ؛؛ به تم
نا ؛؛ فيش اخبار علي خوتك وعلي الحوش
نجاح ؛؛ كيف ماسمعتيش شن صاير
نا ؛؛ ﻻ شن في
نجاح ؛؛ خنقتها العبره ونزلت راسها وبصوت مخنوق
…………
يتبع