مسلسل سعاده كاذبه الجزء الاخير

مسلسل سعاده كاذبه

الحلقه 89

ومراد قاعد في الحوش طايح في الدار المعيشه ويرد في عقله اللي صاير كله

حاتم ؛ ايوه خالد شن صار
خالد ؛؛ في المستشفي بس راه منضرب ضربه شينه ليش هيثم شن قايل
حاتم ؛؛ خالد هيثم غالط غلطه كبير جاي للمراد وقايله طلقها ونبيها والكلام هذا
خالد ؛؛ شن
حاتم ؛؛ اها مراد ماضربش علي الفاضي المهم خليك انت اعرف الاخبار وياريت ماتذكرش اسم مراد نين انشوفو الحل
خالد ؛؛ ان محترم النسب والاعيال اللي بينتنا يا حاتم بس وح نسكت علشان خاطر العويل
حاتم ؛؛ بارك الله فيك
خالد ؛؛ صكر وهو متعقد وخش في المستشفي وكانو العائله كلها ملتمه واعيال عمي يتناقشو
وطلع الدكتور
دكتور ؛؛ كدمات في جسمه كله ويده خسرها تبي ابلتين
خو هيثم ؛؛ تي من هذا اللي زارد فيه هذا من
دكتور ؛ مافيش خوف عليه امغير يده بس
ومشي دكتور وطلع وراه خالد

خالد ؛؛؛دكتور دكتور قولي في حاجه بعيده ضروري نعرف ضروري
دكتور ؛؛ شكلك عارف اللي ضاربه
بس اطمن اللي ضاربه ضرب شاطر امسيب اللي تقتل وضاربه ومعلم عليه
خالد ؛؛ يعني اموره تمام
دكتور ؛؛ تمام بس ناصحيه خليه يمشي ايسلم روحه
خالد ؛؛ مانعرفش امغير نسال
دكتور ؛؛ ههههههه سلمني عليه

خالد ؛؛ ايوه حاتم راه اموره تمام امغير خسر يده ويبو ايركبو له ابلتين
حاتم ؛؛ من الدكتور اللي عنده بالكي يعرفه مراد
خالد ؛؛ حاتم نا ح نحكي مع هيثم لان غلط في اختي وادخل في حياتها ونا مش ح نسكت
حاتم ؛؛ خالد ماتوضحش نين انشوفه
خالد ؛ كون هاني

ومشي خالد لدكتور وطلب منه ايخش ضروري
دكتور ؛؛ موضوعك كبير انت
خالد ؛؛ ياريت اتخششني ضروري قبل مايسالوه
دكتور ؛؛ به خش معي نا

وخشو خالد والدكتور علي هيثم

خالد ؛؛ الحمدالله علي السلامه
هيثم ؛؛ بحت في خالد وسكت
خالد ؛؛ عارف روحك غالط صاح
هيثم ؛؛ لا مش غالط
خالد ؛؛ لما تدخل بين اثنين وتحكي كلام ماتبيش ايكسرك وياريت يا هيثم ماتجيبش اسمه لان لو اتحط اسمه ح تصير مشاكل بينتنا نحن اعيال عم لان انت طقيت في اختي بس مراد عرف ياخذ حقها

هيثم ؛؛ هذا دكتور النساء عنده حظ فيكم

خالد ؛؛ دكتور ولا مش دكتور هو معه حق انت غلطت والله لولا وضعك هذا نا اللي انكمل عليك

دكتور ؛؛ اشويه بس دكتور نساء واسمه مراد
خالد ؛؛ بحت في الدكتور بالاستغراب
دكتور ؛؛ تي مراد مااديرش هكي علي الفاضي نعرفه نا ونا من الاول قالتها ضربت شاطر

خالد ؛؛ هيثم اللي هو ماتجيبش اسمه لان ح تكبر المشكله بينتنا وانت عارفني يا هيثم سكت في الاولي بس في الثاني مش ح نسكت سادكم وانتو اتخربو عليهن
هيثم ؛؛ ما نا علشانها ح نسكت
خالد ؛؛ لا والله فيك الخير خربت عليها وتقول هكي

وطلع خالد بسرعه وهو غمتله ولقي حاتم قدامه
حاتم ؛؛ كيف صار
خالد ؛؛ كون هاني مش ح ايقول اسمه
حاتم ؛؛ اكيده
خالد ؛؛ اهااا
وركب خالد في السياره وتم يجري معش عارف الدنيا وين شايلته وايشوف قدامه في بيده وارحيمه ونور
من كثر التفكير لقي روحه متباعد من الحوش

……………………..………………..

حاتم ؛؛ روح يا منتصر خلاص
منتصر ؛؛ كيف صار
حاتم ؛؛ ماصار شيء خلاص انحل الموضوع
منتصر ؛؛ به خلينا احتياط
حاتم ؛؛ وينه مراد
منتصر ؛؛ في الحوش ما طلعش علينا بكل وخبط راه واجد في الحوش
حاتم ؛؛ منتصر روح انت بجماعتك نبي اناقش معه
منتصر ؛؛ تم
حاتم ؛؛ خش للحوش ولقي مراد امقعمز وادموعه في اعيونه وايدخن ودبشه متبهد اكتر وحوش متكسر فيه واجد

راضي به وضعك هذا

مراد ؛؛ رفع اعيونه وبحت فيه وسااااااكت

حاتم ؛؛خسر يده
مراد ؛؛ يحمد ربه
حاتم ؛؛ ايه انسها يا مراد تعبتها واجد المراه

مراد ؛؛والدموع ينزل من اعيونه

عارف روحي خسرتها خلاص خسارت اجمل حاجه في حياتي خسرتها بس والله انحبها والله منعمي من حبها نا ماعمريش قالت لحد بس هي حياتي هي روحي هي قلبي اللي تنبض جو فيا هي اللي امخلتني انعيش هي كنت مستعد نقتلها ونقتل روحي بس ماحد ياخذها ما حد ياخذها

حاتم ؛؛ شن الحب اللي ايخليك ادير هكي في اللي اتحبه
مراد :؛ حب الجنون سامع به حب الجنون يا ليا يا نقتلها ونقتل روحي
نا غلطت فيها واجد غلطت خلني انشك فيها مع اني عارفها اطهر وانظف انسانه والكلام اللي قالته كله بلا وعي شن اندير اذ هي اللي وصلتني للحاله هذه شن اندير غرقتني في حبها بعدها طلعت وسيبتني ما تبينش نقتلها

حاتم ؛؛ ﻻ اتحافظ عليها
مراد ؛؛ مسح وجه وخذا نفس قوي من الدخان

ما عرفتش نا هكي حبي اتقبلني كيف ما انا

حاتم ؛؛ تعبها يا مراد تعبها هي لعند اخر لحظه دافعت عليك ماخلتش خالد ايجيك ونا متاكد انك ضاربها وكان باين عليها باكيه نين خلاص

مراد ؛؛ عذبتها مش ضربتها وبس عذبتها نفسيا وجسديا وعذبتني معها نرجا فيها اتحن جيتها بالطيب ما بتش تطلع جيتها بالقسوه ما بتش شن اندير مش متحمل فكرة اتكون بعيده وياخذها غير هي ليا نا عارف ليا نا

حاتم ؛؛ العشاء اذن وانت بوضع هذا صبي هيا ادوش
مراد ؛؛ نبي نمشي انجيبها
حاتم ؛؛ مراااد كنك انت المراه تو تلقها نفسيتها تعبانه وانت تمشي اتكثر عليها
مراد ؛؛ الليله هذه ترقد جنبي تو نمشي انجيبها
حاتم ؛؛ ح اتكون اكبر هبل لو تمشي وح تخسارها اكتر
مراد؛؛ غير دبشه وطلع بسرعه
حاتم ؛؛ مراد ما تمشيش
مراد ؛؛ مراتي وماحد يدخل
حاتم ؛؛ قرب من مراد وضربه
مراد ؛؛ دف حاتم بقوه وطلع بسرعه وركب السياره وطول للحوش
……………………..……………

امل ؛؛ ويه افتحي هيا حبيبتي تعالي تعشي هيا علشان خاطر خالتي عيشه اللي تبكي
نا ؛؛ سمعت اسم ماما القيت روحي امصبيه فتحت الباب وبحتت في امل

امل ؛؛ خشي ادوشي حمام ساخن بيش جسمك ايتريح خشي علشان خاطر امك واعيالك بس ماتنكديش علي روحك خلاص لكي سنه بلاه خلاص هيا سلم خيتي هيا دايره مقليات علي خاطر العويل هيا ادوشي وايكون العشاء كامل

نا ؛؛ بدون ما نحكي خشيت وفتحت الدولاب وطلعت توته طويله وواسعه بيش ماما ماتشوفش علامات الضرب
خشيت وحولت دبشي وبحتت في جسمي وتميت نبكي وولعت ميه ساخنه وخشيت تحت الدش من كثر النار اللي راكبه فيا جوا ما حسيتش ان الميه ساخنه اللي عليا دوشت ولابست وطعت بدون حتي ما انلم شعري خشيت علي ماما في الدار وجيت رقدت علي كرعيها
ماما ؛؛؛ كنك ما لميتي شعرك
نا ؛ انحس في راسي
ماما ؛؛ امل مديلي مشطه هذه
امل ؛؛ حاضر
ومشت جابت المشطه ومدتلها لماما
ماما ؛؛ قعمزي تو انديرلك ليا زمان ما درتلك
نا ؛؛ قعمزت وعطيتها ظهري وبدت تمشطلي في شعري بشويه بشويه ونا كنت نتالم لان شعري انحس فيه تنتف
وجا ارحيمه وقعمز علي كرعيا
نا ؛؛ اهااااا بنه سمحه
ارحيمه؛؛ امتعت بابا
نا ؛؛ فاتح الشنطه انت
ارحيمه ؛؛ اهااا
نا ؛؛ نجك ليا
واضبطته وتميت انبوس فيه وايجني بيده يزقب عليا
اهااااى بيده بشويه
بيده ؛؛ ابيك
نا ؛؛ تبيني اديرلي هكي نا ماما

ونا مقعمزه والعيال قاعدين جنبي سمعنا الباب ايدق جيت نبي انصبي طلعت امل من الطبخ
امل ؛؛ تو نطلع نا نفتح تريحي
وحطت امل وشاح وطلعت وورها بيده وارحيمه و افتحت ولقاته مراد
مراد ؛؛ وينها
امل ؛؛ جو
مراد ؛ ؛ كلميها ليا تو
امل ؛؛ تفضل مراد خش تو اتفاهمو جو

مراد ؛؛ بصوت عالي
تو كلميها ليا تطلع عليا تو

خش ارحيمه يجري علينا
ارحيمه ؛؛؛ماما بابا جا
نا ؛؛ صبيت ابسرعه بدون ما نحس بروحي
ماما ؛؛ تو نطلعه نا
نا ؛؛ ﻻ خليكي هنا يا ماما تو انشوفه نا

وطلعت والقيت ماما وراي

نا ؛؛ قلبي ايدق خوف علي ارتباك مش عارف ماندير بس المهم عندي ماما ماتحضرش نقاشنا
ماما علشاني خشي نبي نحكي معه نا بروحي نبيش حد بينتنا

حاتم ؛؛ مراد تعال يا مراد
مراد ؛؛ امل ما تبحتيش فيا امشي كلميها ليا

نا ؛ طلعت وجت عيني في عينه
مراد ؛؛ ايه هيا معي
نا ؛؛ انبحت فيه وساكته مش امصدقه بعد اللي داره ليا جايني وايقولي هيا

حاتم ؛؛ معليش ايه
مراد ؛؛ قرب مني وجا مسكني يدي

هيا حبيبي هيا خوذي العويل وهيا

نا ؛؛ منصدمه حسيته مش مراد اللي جيني واعيوني ملينات ادموع

مراد ؛؛ هيا ويتي هيا نمشو لحوشنا

نا؛ ؛ نزلت دمعتي وبصوت مخنوق
اي حوش اللي هدمته اللي نهيته اي حوش اللي هنتني فيه ولاه اللي لزيتني منه ولاه الحوش اللي امبدري خذيتني فيه وضربتني فيه و عايرتني فيه علي اي حوش تحكي انت علي اي حوش حددلي بزبط حوش شنو اللي قواعده غلط في غلط او بالاصح كان صح بس انت خليته غلط

مراد ؛؛ بصوت عالي
ايه ما ترقيهش ليا هيا نا قالت

نا ؛ غمضت اعيوني وحركت ايدي بقوه وفكيته من بين اصبعه وخذيت نفس عميق وفتحت اعيوني وبحتت فيه

ايدي معش تلمسها ما انا الطاهره الشريفه اللي حكيت عليها امبدري

مراد ؛؛ اييييييه ما تعبنيش معك ساد خلاص
نا ؛؛ انت اللي تعبتني انت طول عمرك ماحاط فيا ثقه شك في شك في شك خلاص مليت انا مليت ملييييييييت عرف شنو معني مليت والله مليت لاني تعبت تعبت تعبت وانكسرت انكسرت خلاااص لعند هنا وساد انت طقيت في شرفي وانت اكتر واحد عارفني
نزلت اعيوني وتميت نبكي
انت راجلي وحبيبي وسندي وقالت عليا هكي
رفعت راسي وبحتت فيه
شن خليت للغريب شن خليت ل اعيال عمي اللي يحكو علينا من زمان شن خليت يا حبيبي شن خليت

مراد ؛ هيا معي نحكو غادي
نا ؛؛ اسفه مش ح نمشي
مراد ؛؛ بصوت عالي تي كيف ما تمشيش نا راجلك وتسمعي كلمتي
ومسكني من يدي بقوه
نا ؛؛ حول اطلقني اطلقني

حاتم ؛؛ جا ومسكني
مراد خلاص براحتها
مراد ؛؛ خليتها براحتها واجد خلاص سادها اتروح لحوشها شن تبي قاعد هنا ولا تبي اطلعي اجنوني هنا عليك

نا ؛ شن مازال في جنون اخري في شوف عويلك كيف ايبحتو فيك ومنصدمين ويبكو شوف هه من وصلهم لحاله هذه مني نا ولاه منك انت من ولا تبيهم يقعدو هكي طولو عمرهم ايعانون في جنونك وشك في امهم اللي حباتك ودراتك انت حياتها كلها

مراد ؛؛ ايه عليا الطلاق ما تطلعي تو معي اعتبر روحك امطلقه

نا ؛؛ حسيت وكأنه حاجه خشت في قلبي وطعنته طعنه قوووووويه وقفتني وقفت قلبي من النبض وقعدت ساكته

مراد ؛؛ ما تبيش تطلعي صاح

نا ؛؛ سكتت ما بيتش انرد عقلي يبي طلاق والقعده في حوش هلي بكرامتي وقلبي يبيه هو شن نختار عقلي ولا قلبي اعيون شلال دموع وساكته وانبحت فيه وساكته

مراد ؛؛ ما تبيش صاح ورقتك ح اتجي
برم وجه و طلع

نا ؛؛ انبحت فيه ومنصدمه ونبكي

حاتم ؛؛ ايه كان تبيه امشي معه

نا ؛؛ التفت وبحتت فيه ونا ساكته وبحتت في مراد والقيته عطني ظهره صوت فيا جوا ايعيط خلاااااااااااااااااااااااااااااااااااص انتهينا صاح انتهينا انتهي اكبر قصة حب لكي ل ايه انتهت بالفراق يا ايه انتهي بطلاق حبك اللي جرحك عدي والمشكله اللي اكبر ان انتي راضيه بخروجه من حياتك لان هو دار اي حاجه اتفرقنا جميع الحاجات اللي يوصلنا للفراق دارهن

حاتم ؛؛ ربي يوفقك ويهنيك
طلع حاتم وراء مراد وسكر الباب

نا ؛؛ اعيوني علي الباب ونبكي

امل ؛؛ مسكت يدي وتمت تبي اتخششني جوا
هيا ويه هيا حبيبتي

نا ،؛ بحتت في العويل والقيتهم ايبحتو فيا خذيتهم وخشيت والقيت ماما امصبيه واتبحت فينا يعني اسمعت كلامنا كله ما بيتش نعطي اي ردة فعل قدامها نبي انكون قويه قدامها مانبيش حاجه تكسرني بيش ما تنكسرش
خشيت للدار وبدون ما نحس بروحي بكيت بكيت بكيت بكيت نين ماعاد قعد عندي حيل للبكاء ورقدت وماعاد حسيت بحاجه الا ضيء طالع فتحت اعيوني القيت امل راقده لوطه وامفرشه معها بيده وارحيمه راقد جنبي ونور في سريرها
صبيت وخشيت للحمام وولعت الشيشمه وتميت نغسل في وجي بستمرار
مانبيش نذكر حاجه خلاص ماضي ماضي ماضي خلاص معش نبي نبكي اساسا نا نبي الطلاق من زمان خلاص مراد مش محترمني زمان كنت في كلام بسيط وضرب بسيط ورضيت لاني في الاول كنت خايفه من هلي ومن كلام الناس اهاا خايفه عروس اتروح تاني يوم فرحها حرجانه ومع العلم طالع عليها كلام مش تمام زمان هي وخوتها شنو تبو الناس تحكي عليا في اولا رضيت من الخوف و بعدها رضيت لاني انحبه لان هو حبيبي رضيت عيبه طيب حنون ودافي وسري وسند ليا بس عنده عيبه هذا تحملت ودرت منه اعيال لان هو يبي ونا نبي و السبب الاول لان ربي كتبلنا ربي يبي هكي يبي ايكون ليا اعيال من مراد
بس عيبه كبر كبر وزاد فوق من حده كلام قعد اقوي وصل لشرفي اللي هو اكتر انسان عارف
ضربه ليا قوي هاني لزني مارضنيش بطريقه اكويس اللي اتخلني انردله تقريبا لعند هنا وبس قصة مراد تنتهي في حياتي مع ان مستحيل تنتهي لان
اولا ، حبيبي .. ثانيا ، جارحني .. ثالثا ؛ راجلي .. رابعا والاهم ، اب اعيالي و………..

سمعت الباب ايدق عليا ونا مازالت نغسل في وجي ومانبيش انبحت في روحي في المرايه بيش مانشوفش دموعي توضيت وطلعت وفتحت والقيتها ماما
نا ؛؛ ابتسامه من فوق النيه
صباح الخير

ماما ؛؛ صباح النور كنك طولتي في الحمام
نا ؛؛ لا شيء بس نسالك امل كنها راقده هنا
ماما؛ اقعدت مع العويل امس
نا ؛؛ اها خشي لحمام
مشيت توضيت ونا ساجده دعيت لربي يصبرني ويوفقني وايفرجها عليا ما رفعت راسي من السجده الا والدموع نزلات علي الصلايه
نهيت صلاتي وصبيت حطيت الشاهي علي النار وبديت انوتي في الفطور لماما وفطرت وبرمت علي الحوش
ووعيت نور غسلتها ورضعتها وحطيتها في القعاد في دار ماما وخذيت ارحيمه حتي هو درتله دوش ونا انلبس فيه ايجني بيده لابست ارحيمه وخذيت بيده درتله دوش ولابسته وقعمزت فطرتهم و صبيت للمطبخ اندير في الغداء كنت نهرب من ماما مانبيهش اتحقني فاضيه بيش ماتحكيش معي لان نا نبيش نحكي خلاص موضوع وانتهي مع ان جسمي تعبان بكل وماعنديش جهد اندير اي حاجه بس انقاوم علي خاطر ماما والعويل والهروب

خشت عليا امل ونا اندير في الغداء
امل ؛؛ صباح الخير
نا ؛؛ صباح النور
امل ؛؛ نشاط
نا ؛ امس راقده بدري نا غريبه بتي هنا
امل ؛؛ قربت من الغاز وولعت علي الشاهي وبحتت فيا
هيثم في المستشفي مراد ضاربه ضربه شينه
نا ؛؛ التفت عليه
كيف
امل ؛؛ خالد امس حكالي وقالي ماتقوليش لحد لان هيثم مايبيش ايقول ان مراد اللي اضربه وقالي حتي عادل وعلي مش عارفين ويده خسرها الا بالبتين بس ايصير منها ههههههههه والله مراد هذا يقدر

نا ؛؛ مابيتش انرد عليها لاني هم الاثنين نبيش نسمع كلاهم عليهم

ومشت حياتي هكي حوش وعويل وحوسه كل ماانحس حاجه غمت عليا ناخذ القران ونقراء و و و و و و و
اطلقت
اطلقت عادي لاني اول وحده ولا اخري وحده تطلق صاح يوم طلاقي ياما صار فيا
والحوش تعبا كلهم يحسابو اروحهم ينقصو في الهم عليا بس لا بالعكس حسيتهم ايزيدو فيا اخري نا مانحبش الاهتمام امتعت راكي انتي مكسوره وجايه نبي نجبر بخاطرك

ومشن الايام و خالتي فاطمه اكتر انسانه تمت تبكي لان حست روحها هي المذنبه بس نا قالتها هذا نصيب وربي كتبلي اني نزوج وانجيب اعيال ونطلق

……………………..……………

ماما ؛؛ من اللي جاينا في الصبح
نا؛ تو انشوف هيا بيده قدامي بيش تفتح الباب
ماما؛ ؛ حرام عليك افتحي انتي
نا ؛؛ نحكي بصوت بيبي
ماما نا راجل نفتح نا الباب
ماما ؛؛ ربي ايخليهم لكي
نا ؛؛ تو اتشوفيهم كيف يقعدو رجاله وسند لنا واتقولي ايه قالت

طلع بيده بسرعه ونا حطيت وشاح وطلعت وراه وفتح بيده الباب ولقي قدامه رجاء
بيده ؛؛ هييييي اجا
رجاء ؛؛ طبست عليه واضبطته وتمت تبكي

نا ؛؛ نجك ليا امتي جيتي
وجيتها بسرعه ونزلت بيده واضبطتني بقوه وتمت تبكي
رجاء ؛؛ سامحيني ياخيتي سامحيني ماكنت جنبك سامحيني والله ماعرفتها الا تو سامحيني
نا ؛؛ رايفت عليكي ياشينه رايفت عليكي من فرحك ما شفتك لكي اقريب شهرين ما شفتك رايفت عليك وعلي هرجتك امراااايفه امراااايفه
رجاء ؛؛ والله حتي نا رايفت عليكم رايفت ياخيتي ياعبيطتي رايفت رايفت
نا ؛؛ وينك والله كنت عارفه ماحد ايهون عليا الا انتي انتهيت يا رجاء انتهيت انا خلاص
رجاء ؛؛ نا اللي غالط ماشيه وامصيبتك
ماما؛ ؛ اطلعت وشافت رجاء
رجاااااااااء
رجاء ؛؛ جتها بسرعه وتمت تضبط فيها وتبكي
نا ؛؛ تميت نمسح في دموعي وبحتت في طارق وهو كان امرفع بيده
الحمد الله على سلامتكم
طارق ؛؛ الله يسلمك شن اخبارك
نا ؛؛ الحمدالله هيا تفضل ما تقولش مستعجل
ماما ؛؛ خير ياطارق الحمد الله على السلامه
طارق ؛؛ الله يسلمك
وكلنا خشينا للدار المعيشه وقعمزنا

رجاء ؛؛ حطت راسها علي صدر ماما وتبكي
امرايفه عليك وعلي بنتك هذه اهااااا نجك ليا
نا ؛؛ تعباتك يا طارق
طارق ؛؛ بكاااايه طلعت راه
رجاء ؛؛ طاااارق كنك
طارق ؛؛ ايقلد في صوت رجاء
امرايفه علي ماما والحوش والبنات وبيده وارحيمه
نا ؛؛ هههههههههههه نجك ليا
طارق اكيده قهوه صاح

طارق ؛؛ تو كنا عند هلي وشربنا هذه جيتنا جينا في هالصبح

رجاء ؛؛ جينا في الصبح وماقالنش حد علي طيارتنا امتي بيش ماحد يرجنا قالنا مفجاء اندروها خذنا انور من مطار للحوش عيت عمي قالنا انتغدو وانجو هنا في العشيه بس لما حكتلي هدي ماقدرتش نمسك روحي جيت طول
ماما؛؛ رجاء انتي مادخلكش هم هذا نصيبهم وهذوم عيت عمك مهما ايصير
رجاء ؛؛ عارفه ياماما بس ليش استعجلتو هكي ليش في حاجه صارت
نا ؛؛ ﻻ عادي اساسا كنا نرجو في فرحكم ومابينش انقولها لكم بيش ماتزعلوش وانتو في مصر

طارق ؛؛ ايه نبي نحكي معاك
نا ؛؛ طارق كان تبي تحكي علي نفس الموضوع انقولك نا راه سكرته خلاص ومعش نبي نحكي فيه

طارق ؛؛ به براحتك خلاص نا امروح انشوف انور
نا ؛؛ خليك غداء
طارق ؛؛ ﻻﻻ صحه انتو خلني نمشي انكسد بدال هذه هنا
رجاء ؛؛ به
وصبت ولاحقته وطلعت معه للجنان وهو يلبس في الكندره
انحبك
طارق؛؛ انموت فيك وردي بالك من روحك
رجاء ؛؛ ان شاءالله تعالي في الليل باهي
طارق ؛؛ به
وقرب منها وباسها علي خدها
اول مره انسيبك من زوجنا
رجاء ؛؛ لنا موعد في الليل
طارق ؛؛ بالكي اتحني عليا ليا كم يوم جفاف راه
رجاء ؛؛ هههههه تحمل مش انت تبي هكي
طارق ؛؛ تو اتشوفي يلا سلام
رجاء ؛؛ حبيبي بعدين لما تبي اتجي تاخذني جيب معاك شنطة هدايا هلي
طارق ؛؛ حاضر
خشي حولي دبشك خلاص
رجاء ؛؛ قربت منه وباسته علي الحيه وخشت للحوش وحولت الجاكه واقعدت بطرف خريفي وجينز وجتنا
نا ؛؛ ماشاءالله تبارك الله رايحه سامنه
رجاء؛؛ هههه اها عارفه اوكال ونوم ياحنه لعند العصر
ماما ؛؛ شن اخبارك
رجاء ؛؛ قعمزت جنب ماما
تمام الحمدالله
نا ؛؛ طولتو فوق من شهر في المصر
رجاء ؛؛ ياحنه نا مرضت غادي وطارق ما بش ايروح بيا الا لما بريت اشويه
نا؛؛ لاباس كنك
رجاء ؛؛ تمت اترفعي في حواجبها وتغمزلي
نا ؛؛ كذااااااااااااابه
رجاء ؛؛ ههههههههه
نا ؛؛ قربت منها واضبطتها
نجك ليااااااا والله كبرتي يافرخه
رجاء ؛؛ اها شفتني
ماما؛ ؛ ماشاءالله تبارك الله حامل
رجاء ؛؛ اها
نا ؛؛ شهر كم
رجاء ؛؛ خاشه في الثاني
نا ؛؛ امتي اخر مره مرضتي
رجاء ؛؛ من قبل الفرح باسبوع
ماما؛؛ ماشاءالله تبارك الله
نا ؛؛ نبي اندير الغداء شن خاطرك انتي
رجاء ؛؛ كسكسو
نا ؛؛ اعويناتي
وصبيت ولحقتني رجاء وقعمزت علي الكرسي وحطت بيده و ارحيمه علي الطاوله وتمت اتلعب فيهم
رجاء ؛؛ انتي اللي ميته باقيه
نا ؛؛ ههه الرضاعه ياحنه متعبه تو اترضعي حتي انتي واتشوفي
رجاء ؛؛ ههههه انساعدك اندير الحلو وانكلمو البنات ايجن في العشيه
نا ؛؛ به بعدك اول امس كانن هنا وامرايفات عليك بذات ايمان منهاره ابكاء خطرها فرح هدي الاسبوع هذا خلاص
رجاء ؛؛ اهاا خلاص اصلا اللي خلني انزر علي طارق وانروح الفرح قالتله عيب يحسابوني بلعني الا هو قبل يبني انسكر3 شهور وبعدها انروحو علشان الطياره مش اكويسه علي الجنين عارفه ندمني اني حملت طول من كثر ماهو خايف عليا
نا ؛؛ كيف عرفتي روحك حامل
رجاء ؛؛ طولت ياحنه وتميت انرجع كل صبح وصداع قوي اتصدقي نا مش فاطنه طارق هو اللي فطن شالني درت تحاليل واقريب طار من الفرحه اتقول لنا سنين متزوجين
نا ؛؛ هههههه الرجاله يبو اعيال
رجاء ؛؛ نا هذا ليش اجلت فرحي علشان عارف ان طارق يبي اعيال دار فيا اللي مايندر اي منشط طبيعي يعطي فيه ليا عسل مكسرات حوت بيش نحمل طول

امل ؛؛ خشت علينا
ناقالتها قالت صوت تؤام روحي
رجاء ؛؛ نجك ليا يا بطه
وصبت وتمت تضبط فيها وتبكي وين يابطه علي البطن
امل ؛؛ شفتي ولد خوك امخلني دبه كيف
رجاء ؛؛ اوليد
امل ؛؛ اهااا اوليد
رجاء ؛؛ ان شاءالله حتي نا
امل ؛؛ حامل
رجاء ؛؛ اهاااااا
امل ؛؛ نجك ليا ياخيتي حتي لما انجيبو انجيبو وراء بعضنا تي والله انتي تؤام روحي بالرسمي

ودرنا الغداء ورنين علي البنات وجن بعد الغداء كلهن وقعدنا انهدرزو لعند الليل طبعا ماحد عارف قصة مراد خذاني للحوش وتعاركنا بكل الا خالد وامل وماما بس ونا قالتلهم ماتقولوش لحد لاني نبيش مشاكل نبيش مراد ايطيح من عينهم لان في نهايه هو اب اعيالي و …….؟!؟!؟!

وجا طارق وجاب الشنطه و رجاء عطت كل وحده فينا هديتها طبعا رجاء مجنونة دبش كلنا جبتلنا دبش حتي الاطفال جبتهم حتي ولد خالد اللي مازال في الطريق جبتله
نا ؛؛ رجاء هيا طارق بره

رجاء ؛؛ هيا هيا
صبت رجاء بعد ماكملت توزيع الهدايا وطلعت وطلعت معها نا
دبش بيده وارحيمه ذوق طارق راه جو شباب دبشهم

نا ؛؛ انعنه مايغيب وردي بالك من روحك
رجاء ؛؛ ان شاءالله سلام
ركبت رجاء مع طارق في السياره
طارق ؛؛ مسك يدها وباسها
رايفت عليكي ياشينه
رجاء ؛؛ والله حتي نا اول مره انطولو هكي صاح
طارق ؛؛ اكيد
رجاء؛؛ شفت خوتك
طارق ؛؛ تسالي علي مراد انتي
رجاء ؛؛ اها
طارق ؛؛ مراد امسافر
رجاء ؛؛ وين
طارق ؛؛ طرابلس
رجاء ؛؛ كنه
طارق ؛؛ اهو قالو عمل حتي فرح هدي مش حاضره
رجاء ؛؛ مش عمل هروب هذا
طارق ؛؛ وعليش يهرب عادي
رجاء ؛؛ حتي ايه اتهرب كل مانسالها شن صار ماتبش اتقولي قالت جاني وتفاهمنا وطلقني ونا مش مصدقه

طارق ؛؛ هيا انزلي وصلنا
رجاء ؛؛ هيا
ركبت رجاء لشقتها ومن تعب السفر طول ارقدت وتاني يوم وعت ونزلت لان خلاص فرح بدا برسمي

وهلي مشو يوم الصاله كلهم ماعاد نا طبعا مسكت العويل مشو علي خاطر النسب والاعيال اللي بينتنا وعلي خاطر هدي لان تمت اترن علي البنات وحتي انهم مايبوش جو حسس بيش رجاء ماتاثرش علاقتها بعربها
وهدي وجعتها بكل لان فرحها طلع ونا ومراد متفارقين ووجعتها لا هو حضر ولا ناحضرت ولا حتي العويل
و هذا 2 فرح مانحضرش لعيت عمي في الاول فرح هاجر وتو فرح هدي وفرح طارق لولاه ما كان واخذ رجاء راه ماحضرتش
مش مكتوبلي نفرح عندهم بكل

وروحت ماما في الليل وكانت جيبتلي عشاء كامل حتي الحلويات علي اساس قرعتي وقرعة العويل
وتاتي يوم كان كبيرة العيد

الهام ؛؛ هيا ياعمتي صبينا الشاهي
عمتي ؛؛ حاتم مراد مايبيش ايعيد هنا
حاتم ؛؛ مش عارف لعند امبدري حكيت معه ماقاليش جاي اولا
عمي ؛؛ نا شريت حولي للعويل لو ما جش تو ايشيله طارق لهم
طارق ؛؛ ان شاءالله

وخش مراد عليهم في الصاله وجت عينه في عين رجاء وكلهم تمو ايراقبو في ردة فعل رجاء ومراد
مراد ؛؛ السلام عليكم
كلهم ؛؛ وعليكم السلام
طارق ؛؛ صب وسلم عليه
كيف حالك
مراد ؛؛ الحمدالله
عمتي ؛؛ صبت بسرعه واضبطته
وينك يا وليدي
مراد ؛؛ قاعد الحمدالله
واعيونه في اعيون رجاء اللي ملينات ادموع
سلم مراد علي خوته وعمي
رجاء ؛؛ صبت وسلمت عليه وخنقتها العبره
مراد ؛؛ عرف رجاء ان العبره خنقتها نزل اعيونه طول
الحمدالله علي السلامه
رجاء ؛؛ لاحظت ان مراد معش طلق يدها بصوت مخنوق
الله يسلمك
مراد ؛؛ حول يده وابتسم ابتسامه صفره ل رجاء وغمزلها وطلع

رجاء ؛؛ طلعت وراه ولقت امقعمز في الجنان
جت وقعمزت جنبه والعبره خنقتها
مراد ؛؛ شن اخبارها
رجاء ؛؛ نكذب كان قالتلك تمام اتشوفها ماتعرفها
يوم الطلاق داخت وشالوها للمستشفي وركبولها تغذيه هي ما حكتش بس امل حكتلي قالت ما نحسبوها الا ح تموت
مش عارف ليش بس استعجلتو
امسحت دمعتها وبحتت فيه
عندك معلومه ان عطر اللي اتحط فيه للعويل

مراد ؛؛ هز راسه معناها عاااارف بصوت واطي
عطري اللي اتحبه

رجاء ؛؛ لما جيت ومسكتهم وشميت بنتهم موس خش فيا نا يا بال هي واعره صاح واعره عارفه اكيده انت عارف ايه قديش هي هاديه تو هااااااديه بكل شيل هم كبير بكل لما تشوفها ماتقولش بنت في بداية العشيرنات بكل
مراد ؛؛ طلع دخانه وتم ايدخن
رجاء ؛؛ اسفه كان قلبت عليك وذكرتك
مراد ؛؛ ليش نا نسيتها نين نرجاك اتذكريني
حاتم ؛؛ جاهم وقعمز وعرف ان مراد متزرط وخاف مراد يحكي لرجاء اللي صاير
شن اخبار العمل
رجاء ؛؛ اعرفت ان حاتم ايغير في الموضوع صبت وخشت بسرعه ولقت طارق امصبي
طارق ؛؛ حبيبي تعالي للشقه فوق
رجاء ؛؛ انهارت ابكاء لما شافت طارق واضبطته وتمت تبكي
طارق ؛؛ اضبطها
ﻻﻻﻻ حبيبي عليش متفقين نحن
رجاء ؛؛ كسرين قلوب بعضهم ليش هكي
طارق ؛؛ نصيبهم ياحبيبي هيا فوق هيا
وركبت رجاء فوق وتمت اتبحت في مراد من عندي الروشن وهو من سبسبي لسبسي يدخن بالاستمرار ومتغير رايح ارقيق حتي هو

طارق ؛؛ سكري الروشن وتعالي
رجاء ؛؛ عارف مراد ايحب ايه الحب في اعيونه حتي لما لحقت طول سالني عليها طول ليش هكي يكسرو في قلوب بعضهم ليش
طارق ؛؛ ارجيوه خلي معاملتك زي ماهي ماتغيرهش معه خويا راه
رجاء ؛؛ عندي نا قبل ما يكون خوك حبيب اختي وغالي عليا ونحترم فيه من قبل ما نعرفك يا بال تو خوك مراد برغم اللي داره بس غالي عليا وعلي اختي
طارق ؛؛ عارفك عاقله تعالي جنبي هيا

ورقدت رجاء ودمعتها علي خدها لان كان موقف واعر
وجاء العيد وفي الصبح جا طارق خذ العويل ايعيد معهم
عادل ؛؛ ياريت ياخذهم بكل نا صابر بس علشان عدتك تكمل
نا ؛؛ نا اعيالي مستحيل انتنازال عليهم
عادل ؛؛ ﻻ تو اتنازلي عليهم ماتقعديش قاعده هنا في الحوش واتربي في عويله وهو يمشي يزوج اخري
وبحت في خالتي فاطمه
خالي ؛؛ عادل اسكت عيد مش وقت كلام
نا ؛؛ ديري اللي تبيه اعيالي مستحيل انتنازال عليهم

صبيت وخشيت للدار وعزقت روحي علي السرير وتميت نبكي علي كلام عادل وعلي بختي اللي عيدت بلا اعيالي وراجلي وقاعده هم علي قلب عادل مابيتش نطلع من الدار بكل الا في الليل لما جن البنات وجوني اعيالي وكان مراد داز معهم دبش وشكولاطات وافلوس وسيقطت الحم كلها حتي الكبده دزها انصدمت لما شفت الحم والفلوس ودبش وألاكثر الكبده صدمتني خنقتني العبره وبكيت بس جو في داخلي ودموع الداخليه اوعرر بواااااجد من دموع الخارجيه

عيدنا البنات وروحنا و3 يوم العيد كلمتهن ماما وكلمنا خوتي وخالاتي ودرنا عصبان كان طلب هذا من ماما لمتهم كلهم والحوش انقلب ضحك وهدرزه كيف زمان وكان طول الوقت ماما تضحك واتهدرز معنا ومابتش ترقد بكل نين روحنا البنات كلهن برمت علي الحوش وخشيت رقدت تاني يوم وعيت درت فطور وقعمزت نفطر معها
ماما ؛؛ ويه سامحيني
نا ؛؛ عليش ياماما
ماما ؛؛ اللي انتي فيه نا سببه
نا ؛؛ هذا نصيب يا ماما عرفتي هذا نصيب وبعدين تو اتشوفيهم كيف يكبرو ويقعدو رجاله وسند ليا ولك تو اتحقيهم
ماما ؛؛ ان شاءالله
طلعت صندوق امتعه فيه ذهبها الخفيف
هذا لكي انتي
نا ؛؛ ماما كنك عندي نا ذهب ذهبي كله قاعد وعندي افلوس والحمدالله مراد حتي لما طلقني ادزيلي في مبالغ وراه نا مانصرفش الفلوس قاعدات

ماما ؛؛ هذين هديه مني نا لكي انتي عارفتك مش مستحقه بالعكس ذهبك احسن من ذهبي بس هذين نبيهن عندك انتي لان انتي اقرب وحده ليا ما سيبتنيش بكل وديمه معي وماعمرك في يوم زعلتني منك بالعكس نا اللي زعلتك واللي انت فيه نا سببه
نا ؛؛ ماما نبيش نسمع كلام هذا خلاص هذا نصيبي انجيب اجمل اعيال نصيبي انكون ام

ماما ؛؛ ايه خليكي ديمه هكي بقلب الطيب هذا ما تخليش الدنيا اتغيرك مهما ايصير كوني الحضن الدافي للعيالك وخواتك راه ماتاخذي الا نصيبك في الدنيا هذه
نا ؛؛ ماما كنك تحكي هكي
ماما ؛؛ نحكي هكي لاني نبي نطمن عليك ماتخليش حد ايزرك علي حاجه ماتبيهش يعني في الاول زرينا عليك علي مراد بس ماتخليش حد ايزرك علي هيثم

نا ؛؛ مستحيل ننزف لحد تاني نا مستحيل ولو ايحطوني تحت التراب مستحيل ننزف نا ازوجت مراد وغيره مستحيل
ماما ؛؛ بعيد السوء
وكرتني واضبطتني وبكت
خلاص صبي ابرمي علي العويل وشيلي سفرة الفطور وخلني انصلي الضحي
نا ؛؛ حاااااااضر

صبيت وشلت السفره ومشيت برمت علي الحوش وغيرت للعويل وخليتهم يلعبو وشفت ماما القيتها راقده في سريرها استغربت رقدتها توا
قربت منها
نا ؛؛ ماما ماما ماما
…………………..

يتبع