مسلسل سعاده كاذبه الجزء الاخير
مسلسل سعاده كاذبه
الحلقه 84
وخش عادل علينا ومع ارحيمه وبيده وهو متعقد
عادل ؛؛ ان شاءالله هذا امتي يدرلنا حل خلاص يا ياخذها ولاه ايجب ورقتها مش لعبه هي ايخش ويطلع براحته خلاص كنا نرجو فيها اتجيب وجابت
خالد ؛؛ كنك يا عادل
عادل ؛؛ انا قالت يا ايطلقها يا ياخذها كلا انها تقعدلي هكي ﻻﻻ ما تحلمش
خالد ؛؛ وشن حم رزك تو
عادل ؛؛ لان لو تطلق ح نلز العويل لباتهم وهي اتشوف نصيبها
نا ؛؛ انصدمت ومشيت خذيت بيده وارحيمه وخشيت بيهم للدار
عادل ؛؛ لحقني شور الدار
ما تفرحيش بيهم نا قالت يا تمشي للحوش راجلك يا انسيهم
خالد؛؛ مشي وره بسرعه ودفه
انت ما عندكش دخله هم اعيالها وهي اللي اتربيهم وين ما تبي
عادل ؛؛ ايوه قويها اخري
خالد ؛؛ هذا حشو بوها وعندها حق فيه
عادل ؛؛ ماتقعدش اتربي في اعيال مراد وهو يمشي يزوج اخري وايعيش
نا ؛؛ ونا نبكي
يزوج ولاه ينحرق نا مادخلنيش به اعيالي مستحيل انتنازال عليهم هذوم اعيالي مش اعيال مراد بس
عادل ؛؛ قرب مني يبي بضربني
خالد ؛؛ جا بسرعه وصبا بينتنا
نا ؛؛ خشيت في زاويه وتميت انعيط بصوت عالي
خطاااااااااااني خطاااااااااني تعبت منكم تعبت خلااااص اعيالي مستحيل انتنازال عليهم
خالتي فاطمه؛؛؛عادل خلاص خليها براحتها الاعيال انفجعو حرام عليك
عادل ؛؛ ماهي كلها منك اترودي فيها وكبرتي خشمها
خالتي فاطمه؛؛ نا اللي غالطه تو
نجاح ؛؛ عادل خلاص ساد وانت اتخبط في الدنيا في بعضها خلاص سادك وانت تلعب في الدور البطل واتخوف في الصبايا
عادل ؛؛ عندك اللسان يا نجاح
نجاح ؛؛ اهااااا عندي اللسان وعندي ظهر ننسد عليه وانت عارفه
عادل ؛؛ اتهددي فيا بالفرخ امتعك
نجاح ؛؛ احسن منك علي اقل محترمني وداير لهله قدر وقيمه مش انت ما تخش الا بمشاكل وامك مريضه لا اتراعي فيها لا شيء
خالد ؛؛ طلع عادل بره بقوه
خلاص وانت اتلبز في دنبا على بعضها خواتك معش عندك فيها حكم كلهن براجلتهن وهي حره وين ماتبي تقعد تقعد انت مادخلكش وايه مشكلتها ح تنحل بعد فرح رجاء ولاه تبي اتخرب علي رجاء اخري انت
عادل ؛؛ تمام يا خي خواتك عندك لعند فرح الفرخه ما نلقش حل انحلها نا بطريقتي
وطلع عادل بسرعه
رجاء ؛؛ جتني بسرعه وتمت تضبط فيا
ايمان ؛؛؛هالسامط امغير فجع الاصغار وخلاص
ماما ؛؛ ايه اللي تبيه ديره ما دوري حد المكان اللي فيه راحتك اقعدي فيا واعيالك معاك
نا ؛؛ مستحيل اتنازال عليهم هذوم اعيالي هذوم كبدي كيف يبني نرقد وانتريح وهم ابعاد عليا نا ماعندي غيرهم هذوم ح يكونو سند ليا كيف ما انا تو سند لهم مستحيل انتنازال مستحيل
نجاح ؛؛ خلااص يا ويه والله مايقدر اديرلك حاجه كان علي مدت يد عندنا من ايمد اليد مش كان نحن صبايا اضعاف معناتها يتحكم فينا
رجاء ؛؛ وحق ربي كان نحصل رقم شيء عصابه انقوله اخطفوه وعذبوه بيش يعرف شن ادير فينا
ماما ؛؛ بحتت فينا وتحسفت كيف خوت ويحكو علي بعضهم هكي معقوله اعيال كبدها يقعدو هكي ايتعاركو ديمه ويكروه بعضهم طلعت وهي مخنوقه ونا قعدت في الدار مع اعيالي
بيده ؛؛ ماما شوفي بابا شن عطني
نا ؛؛ بحتت فيه والقيته مصحف اصغير
ارحيمه ؛؛حتي نا يا ماما
نا ؛؛ نجكم ليا اضبطتهم وتميت نبكي
انحبكم انتو وبوكم اللي قهرني بحبه انحبكم
ارحيمه ؛؛ بابا مسح يا ماما
نا ؛؛ اهااا سمح
قعدت امقعمزه وماسكه نور وارحيمه وبيده جنبي ايبحتو فيا ونا نقرا في القران ونبكي
واتخش عليا امل
امل ؛؛ ويه ما سمعتيش اخري اخبار
نا ؛؛ شن
امل ؛؛ نا حامل
نا ؛؛ صااااااح مبروك
امل ؛؛ يبارك فيك
نا ؛؛ امل نبي نشري سرير ل نور هنا في الدار بيش في الفرح ما تعبنيش نقعد انرقد فيها فيه
امل ؛؛ باهي تو انقول لخالد
نا ؛؛ راه عندي افلوس راه يمشي ايجيب من عنده
امل ؛؛ خليها شورنا
نا؛؛ ﻻﻻ نا نبيش حد يصرف عليهم غير بوهم واساسا مراد بروحه ح ايتعقد لو يعرف وانتو وراكم سؤيب وصرف
امل ؛؛ باهي براحتك تو بالكي بكره تطلعي تشري
نا ؛؛ ﻻﻻ جيبه انتي بذوقك تو انضم الدار هذه
امل ؛؛ حاضر باهي هيا تعالي تعشي
نا ؛؛ شن العشاء
امل ؛؛ نجاح دارت رز بالحليب علي خاطر العويل
نا ؛؛ هيا باهي
وطلعت للدار معيشه والقيت مقعمزين علي السفره قعمزت طول بيده مشي ل رجاء وقعمز علي كرعيها وبدت هي اتوكل فيه ونا ارحيمه علي قعمز عليا
نا ؛؛ ارحيمه افطن اختك كنك انت
ارحيمه ؛؛ حوليها يا ماما
امل ؛؛ تعال تو انوكلك نا
ارحيمه ؛ نبي ماما
نا ؛؛ باهي خلني انحول نور بس
خالتي فاطمه؛؛ هاتي هنا وامسكي ارحيمه
وبدينا انتعشو
نا ؛؛ ارجيوه خلينا انضمو دارك بيش بكره خالد ايجيبلي سرير لنور بيش انحطه عندي جا الرمضان نبيهم يرقدو في الدار جوا بيش ايطولو وهم راقدين في النهار
رجاء ؛؛ نا نحكي علي فون راه
امل ؛؛ خلاص تو رمضان مافيش داعي للمكالمات
رحاء ؛؛ ههههههه والله انسيتي روحك لعند قبل الزفه وانتي اتهدرزي معه
امل ؛؛ هههههههه ما ننساه
رجاء ؛؛ الدار داركم يا احلي ناس
نا ؛؛ انتي خليهم ايرقدو بعدها ابدي احكي براحتك
وكملنا العشاء وخشت امل ونجاح لمطبخ ونا وايمان ورجاء مشينا للدار ضمينها وطلعنا الفرشه ونزلنا الستار بيش نغسلوهن
وفرشنا فرشه تانيه ولمينا السراير علي بعضهن سرير رجاء وايمان حطينهن جنب بعضهن واقعدن وكانه سرير زوجي وتاني يوم مشي خالد وجابلي سرير ل نور وحطيته في الدار
ومشت رجاء للصاله واختارت ديكور للفرحها وشرت بونبونايره علي لون الديكور وشرت علب للحلويات الجافه وشرت مستلزمات الصاله كلهن
وبدا الرمضان والعويل يرقدو مع رجاء جوا بيده وارحيمه معها في السرير ونور في سريرها
ونا مع ماما بره في الدار
سبحان الله علي الدنيا زمان كنت نا واميره في المطبخ بروحنا وبعدها قعدت اوحدي في شقتي وبعدها في حوشي وتو رديت للحوش هلي ومعي امل
ييييييي يا دنيا ويش درتي
نوعا علي الظهر انصلي الظهر وانغير لنور وانرضعها وانردها في سريرها
وانقعمز نقرا القران لعند العصر بعدها اتجني امل ونبدو في الفطور ورجاء توعا علي العصر هي والعويل وتقعد شاقيه بعيال ومره مره اتخش ادير نوع موالح او حلو
رجاء ؛؛ اليوم عاد نبيه فطور سمح
امل ؛؛ حتي هو اطروقه اللي جاي يفطر عندنا
نا ؛؛ يفطر عند من الايام اللي فاتن
رجاء ؛؛ عند حاتم او منتصر بس الاكثر عند حاتم ويعزمن فيه هاجر وحنين عندهن
نا ؛؛ اهااا هو غالي عليه الهام اكتر
رجاء ؛؛ اتهبل الهام
نا ؛؛ ما كلمتيش عمتي
رجاء ؛؛ امس كلمت هدي اشويه
نا ؛؛ شن اخبارهم
رجاء ؛؛ اكويسين عمي عطينا فترة نقاه وهدي زايطه في تونس قالت نطلع نا ومراد بستمرار
نا ؛؛ اهااا به بيش تعطني رقم هدي تو انكلمها
رجاء ؛؛ تبي تفتحي رقمك
نا ؛؛اهااا علي خاطر عمتي وعمي عيب
عندي رصيد تو انكلمهم
رجاء ؛؛ نقانك بنت اصل
راه غاليات المكالمات
نا ؛؛ تو اندز اخر
رجاء ؛؛ نبي اندير اتشيز كيك ايحبه طارق
امل ؛؛ راه العشاء رز بالخلطه ومحشي وشيش و بيتزا ملفوفه وبطاطه وشربه وسلاطه وامسير
رجاء ؛؛ تمام بكل شكرا نجكن انتن الاثنين
نا ؛؛ ارجيوه قولي ل خالد ايجيب تمر معجنو راه طارق غالي عليه بالجوز هند والزبده
رجاء ؛؛ هههه عارفه طبعه
نا ؛؛ زمان هدي ضروري اديره علشانه
امل ؛؛ تو انرن علي خالد ايجيب امغير ابدي اشقي بتشيز كيك
رجاء ؛؛ حاااااااضر من عيوني
نا ؛؛ مش عارفه ليش اليوم امكتره عجينت البيتزا بس
امل ؛؛ غاليه علينا البيتزا ومرات اتجي وحده من البنات
رجاء ؛؛ اهاااا مرات
نا ؛؛ بس واجد دايره اليوم
وتمينا انديرو ورجاء دارت التيشز وطلعت ابرمت علي الحوش وبدت في روحها
نا ؛؛ هيييييي نور تبكي
امل ؛؛ عدي شوفيه خلاص اقريب انكملو
نا ؛؛ انرضعها بس
امل ؛؛ هههههه عدي وجيبي ارحيمه راه ما كل شيء
نا ؛؛ ما ياكل بكل هو ديمه ماد وجه
رجاء ؛؛ اهو قاعده انوكل فيه ماعليكن امغير تعالي رضعي نور بس انتي
نا ؛؛ هي هي
وقعمزت وتميت انرضع في نور وانبحت في ماما وهي تقرا في القران
رجاء ؛؛ ارحيمه كول حرام اتفترش البطاطه هكي هيا نبي نمشي انغير دبشي
نا ؛؛ خليه خليه وعدي غيري خلاص المغرب عليه نص ساعه بس
رجاء ؛؛ مش لابسه حاجه مكلفه جينز وتيشرت وبس الراجل صايم نبيش نلابس حاجه اقصيره
نا ؛؛ هههههه تفهمي
رجاء ؛؛ ها ياحنه ضروري حتي هالشيانه اللي طلقتها
وصبت رجاء غيرت دبشها ولفت شعرها فوق ونزلت جمتها علي الجنب ولابست ذهب خفيف ورن فونها
رجاء ؛؛ يا اهلا
طارق ؛؛ حبيبي راه نا بره تعالي خوذي الحاجه بسرعه
رجاء ؛؛ هيا هيا ما دقش راه ايه تفطن
طارق ؛؛ باهي هيا
وطلعت رجاء بسرعه وخشت علي امل في المطبخ
رجاء ؛؛ امل امل وين ايه
امل ؛؛ في الحمام اتوضي قالت
رجاء ؛؛ باهي تعالي وراي طارق بره بيش تاخذي الحاجه واتركبيها فوق للشقه
امل ؛؛ هيا بسرعه هيا
وطلعت رجاء ولقت طارق
طارق ؛؛ ساعه ما تطلعي
رجاء ؛؛ هات بسرعه انشيلهن فوق
وخذت رجاء العلبه وشالتها ل امل وامل رفعتها فوق للشقتها وردت خذت الاكياس وركبتهن
وخش طارق في يده طبق حلويات وعصير وغازي وفواكه
وطلعو بيده وارحيمه يجارو عليه
رجاء ؛؛ وووو تمت العمليه بالنجاح
طارق ؛؛ ههههههه تو تفطن هي
رجاء ؛؛ ﻻﻻ امل هي اللي دايره الجو
نا ؛؛ تفضل و كنكم امصبين في الجنان
طارق ؛؛ بيده وارحيمه ماخلونيش انخش
نا ؛؛ هههههه هيا تفضل هيا
وخش طارق للمربوعه ومعه رجاء وبيده وارحيمه وجا خالد
خالد ؛؛ سامحني تاخرت
طارق ؛؛ خوذ راحتك
خالد ؛؛ كيف حالك
طارق ؛؛ الحمدالله
خالد ؛؛ شن اخبار الاهل
طارق ؛؛ اكويسين بعد العيد طيارتهم
خالد ؛؛ ايروحو طيبين ان شاءالله
طارق؛؛ ان شاءالله
وخشت ماما وسلمت عليه وطلعت
وخشيت نا ومعي سفرة الحليب
نا ؛؛المغرب اذن
خالد ؛؛ بعدك عطشان هي طارق تفضل
نا ؛؛ خالد بعد ما اتصلو تعال خوذ سفرة الفطور
خالد ؛؛ باهي
خذيت العويل وخشيت وفطرنا حليب وصلينا وردينا فطرنا
امل ؛؛ هيا كولي
رجاء ؛؛ نيتي مسدوده نبي انوتي قهوه
نا ؛؛ اهااا صبي بسرعه اكيده تو ايكمل ببي قهوه طول
رجاء ؛؛ اعويناتي نعطيه
امل ؛؛ والله طحتي برسمي
رجاء ؛؛ هههههه اقل من شهر وانكون عنده في شقته ما تبنيش انحبه
خالد ؛؛ فطور من الاخير صحيتو
رجاء ؛؛ فطر طارق
خالد ؛؛ ههههه اها فطره سمحه اخري هيا الشاهي
رجاء ؛؛ طارق ايحب القهوه
خالد ؛؛ اللي هو هيا بسرعه
ودارت رجاء القهوه وصبينا نا وامل تمينا انلمو في الحوسه واتخش رجاء علينا
رجاء ؛؛ اموله هيا ركبي خالد فوق خلني انخش انهدرز مع طارق
امل ؛؛ باهي انكمل المطبخ بس
رجاء ؛؛ امغير هيا والله ليا مده ما شفته
نا ؛؛ عدي اموله اركبي خلاص تو انسيقه نا المطبخ
امل ؛؛ باهي
وطلعن رجاء وامل
رجاء ؛؛ رني علي عيت حنه خليهن يركبن عندك بلا هرجه وانتي توي الحاجات اللي جابهن طارق
امل ؛؛ باهي ناخذ الموالح بالمره ونركب
رجاء ؛؛ تي اركبي تو ووتي الحاجات وديري الجو انتي وخالد وبعدين لما ايجن البنات ركبيهن ما تخليش ايه تفطن تو انا انركب الموالح اللي هنا
امل ؛؛ حاضر
رجاء ؛؛ خوذي راجلك يا حنه
امل ؛؛ باهي عدي خشي خليني اندق علي خالد
رجاء ؛؛ باهي
وخشت رجاء تجري للدار وامل اقعدت ادق علي باب المربوعه وطلع عليها خالد
امل ؛؛؛حبيبي تعال نبيك فوق اتوتي معي
خالد ؛؛ والراجل انسيبه اوحده
امل ؛؛ ﻻﻻ الراجل خلي رجاء تطلع اتهدرز معه خلاص راجلها واقل من شهر واتكون عنده
خالد ؛؛ من جدك يا امل
امل ؛ اقربت منه ومسكت سوريته من فوق وبصوت دلع
حبيبي حرام عليك والله امرايفه عليك وحرام رجاء تبي اتشوف خطيبها ولاه انسيت انت فيش كنت اديرلي حرام خليهم ايكسدو مع بعضهم والله احلي جو جو الخطبه
خالد ؛؛ تبي اتركبيلي اقرون انتي
امل ؛؛ حشاك وبعدين هذا راجلها وحلال وبعدين نحن عندنا مواضيع فوق تعال هيا
خالد ؛؛ باهي اركبي تو نلحقك
امل ؛؛ ﻻﻻﻻ تو اركب قدامي نبيك هيا وراسي هيا
خالد ؛؛ باهي اصبري
وخش خالد علي طارق
خالد ؛؛ طارق خوذ راحتك نا اشويه وانجي
طارق ؛؛ خوذ راحتك انت
وركبو خالد وامل فوق ورجاء اطلعت تجري وسكرت باب الجنان وخشت علي طارق
طارق ؛؛ هههههههه عارفك دايره جوك
رجاء ؛؛ خشت عليه وقعمزت علي كرعيه
مش حبيبي امرايف عليا نا
طارق ؛؛ تي امرايف وبس نا تي خلاص
وقربها من وباسها علي خدها
رحاء ؛ لحيتك واجده
طارق ؛؛وانتي وين الشيانه الحواجب
رجاء ؛؛ ههههه من بعد الامتحانات معش درتهن خلاص
طارق ؛؛ انحبك
رجاء ؛؛ انموت فيك
وحطت راسها علي كتفه بدرجة وجها جا عند ارقبت وباستها
طارق ؛ كرها شوره بقوه واضبطها
رجاء ؛؛ خلاص اقريب انكوني هنا ديمه
طارق ؛؛ هذا اللي امصبرني
رجاء ؛؛ نجك ليا
طارق ؛؛ وين جو المعيله هذا يا تيشرت انتي
رجاء ؛؛ ماعرفت مانلبس نبيش نلبس حاجه اقصيره
طارق ؛؛ ما تبنيش انشوفك
رجاء ؛؛ خلاااص تو اتشوفني بالحنه
طارق ؛؛ ﻻﻻ ما تحنيش حنة ليبيه
رجاء ؛؛ مازالت امسكر راسك انت
طارق ؛؛ اهاااا نبي نقرشه نا بس كيف اللي درتيها في فرح اميره في ظهرك
رجاء ؛؛ حااااضر من اعويناتي نا كان ما درت اللي تبيه انت شن اندير
طارق ؛؛ تم ايبوس فيها
رجاء ؛؛ حبيبي حبيبي
طارق ؛؛ امرايف عليك
رجاء ؛؛ حتي انا
طارق ؛؛ تقعدي هكي معي اول يوم ولا اتخافي
رجاء ؛؛ علي حسب
طارق ؛؛ تو لكي سنتين وانتي زايطه معي ولما ايجي وقت الجد تبي اتخافي
رجاء ؛؛ هههههه اصلا انت اللي معلمني وامعودني
طارق ؛؛ مازال ياما وراك انتي
رجاء ؛؛ ههههههه سخيف بطل وحول يدك
طارق ؛؛ هههه كنك
رجاء ؛؛ بلا صياعه
طارق ؛؛ مسكها بقوه وعضها في ارقبتها
رجاء ؛؛ اهاااااا
طارق ؛؛ هههه بيش معش اتحولي يدي
رجاء ؛؛ مش هكي واعره
طارق ؛؛ هيا عطني ولاه ما تبيش
رجاء ؛؛ باسته علي اللحيه
طارق ؛؛ سخنت راه
رجاء ؛؛ ههههههههه سخيف بطل سماطه
طارق ؛؛ الحمدالله انك ارقيقه
رجاء ؛؛؛عليش
طارق ؛؛ غالي عليك اتقعمزي علي كرعيا
رجاء ؛؛ باهي حول خلاص
طارق ؛؛ مسكه بقوه
ﻻﻻﻻﻻﻻ خليكي بس راعي شعوري بس
رجاء ؛؛ نا انجي هنا بس علشان انشمك بس مش علشانك
طارق؛؛ خلاص دبشك كملتي
رجاء ؛؛ اهااا كملت خلاص تو نبي نبدا نغلف الصناديق بس
طارق ؛؛ بس سامنه انتي
رجاء ؛؛ علي ايام الامتحانات
طارق ؛؛ اهاااا
رجاء ؛؛ اوكال ونوم هذا اللي اندير فيه وفي الليله امحلبيه ناكل مع العويل شن سامنه واجد
طارق ؛؛ﻻﻻﻻ هذا جسمك انتي اساسا بس علي الامتحانات نا فطنلك تنقصي واجد
رجاء ؛؛ اهاااا ما نحكيش مع حبيبي ايام الامتحانات ونقعد امرايفه عليه ودمي منحرق وهذا عليش ننقص
طارق ؛؛ مازالك تسمني اخري معناها لما اتكوني جنبي انوكلك بطاطه مقليه يوميا
رجاء ؛؛ ههههه عادي ما ناثرش واجد نا
طارق ؛؛ قلب رجاء علي الصالون وجا فوقها ونزل عليها وتم ايبوس فيها
رجاء ؛؛ حبيبي تو ايجي واحد يا سخيف
طارق ؛؛ ما قالك حد تطلعي هكي عليا
رجاء ؛؛ حبيبي حبيبي
طارق ؛؛ فكر شعرها وكرها وقعمز وحطها علي كرعيه وتم ايبوس فيها ……………..
رجاء؛ شردتني خلاص حول حس حد جا
طارق ؛؛ نجك ليا ياغلاي انتي
رجاء ؛؛ صبت من علي طارق وتمت اتسقم في روحها ولمت شعرها
وووووو دهشتني
طارق ؛؛ صبا قدامها
مره تانيه معش اتقاومني نا حاجتي وناخذها بحلال
رجاء ؛؛ عقب لبعد الزواج
طارق ؛؛ ﻻﻻ ياما مازال بعد الزواج مش هذا حدها
رجاء ؛؛ دفت طارق بقوه
حول يا صايع
طارق ؛؛ هههههه اسف حبيبي بس نعرفش انقاومك لما انشوفك ضروري نضبطك وانبوسك تي امرايف عليك يا شينه وصايرلي جفاف من وراك معش تحكي معي
رجاء ؛؛ لان كلامك صايع باقي خلني نزوحو وبعدها نحكي
طارق ؛ قصدك تبني نحكي بعد الفرح وراسك انطبق عملي معش فيها نظري
رجاء ؛؛ ههههههههه
طارق ؛؛ في سياره هدايا ل بيده وارحيمه لما ديرو جوك عطيهن لها
رجاء ؛؛ ليش امتعب روحك
طارق ؛؛ كلهن اوامر من مراد كلهن مش شوري
رجاء ؛؛ كان ايردها حرام والله اتحبه
طارق ؛؛ ان شاءالله خلاص خلني نطلع انجيبلك الهدايا وانتي عدي ديري جوك
رجاء ؛؛ باهي
طارق ؛؛ ايبحت فيها وامرفع حاجبه
رجاء ؛ ههه عارفتك
قربت منه وصبت علي اصابع كرعيها وحباته علي لحيته
طارق ؛؛؛ايوه هكي شاطره
رجاء ؛؛ خلاص راه معش انشوفك الا يوم الفرح خلاص
طارق ؛؛ شن مازال علي فرحنا اسبوعين
رجاء ؛؛ اهااا اسبوع الرمضان هذا وبعدها العيد وبعدها طول الفرح
طارق ؛؛ مبروك علينا ان شاءالله
رجاء ؛؛ يبارك فيك
وطلع طارق ومشت وراه رجاء وخذت الهدايا وحطتهن عند الدروج
وخشت رجاء عليا ونا انصلي في العشاء
تقبل الله
نا ؛؛ منا ومنك صالح الاعمال
ههههههه طارق امشردك
رجاء ؛؛ هههه مش امغير ويه تبي ترقدي تو
نا ؛؛ انحس في راسي امصدع نبي نرقد اشويه حتي العويل رقدو اتقول صايمين
رجاء ؛؛ باهي اقري القران نا نبي نركب ل امل نبيها في موضوع تو انجي
نا ؛؛ خوذي راحتك
نا تميت نقرا في القران ورجاء خذت الموالح واركبت فوق ل امل
رجاء ؛؛ اوووووو عليك جو
امل ؛؛ هذا وين نزل خالد علقهن هو كلهن ونا تميت انوتي
رجاء ؛؛ اهن موالح حطيهن في الكوشه
امل ؛؛ هاتي تعالي معي
رجاء ؛؛ هيييي نجاح اترن
امل ؛؛ اكيده لوطه ركبيها قبل ما تفطن ايه بسرعه
ونا رقدت من الصداع بعد ساعه اتجني رجاء اتوعيني ومعها ارحيمه وبيده
نا ؛؛ نعم ارجيوه
رجاء ؛؛ تعالي تبينا امل فوق دازه علينا
نا ؛؛ بحتت والقيت نور راقده جنبي
رجاء ؛؛ هيا فوق حتي ماما اركبت خالتي سالمه وفاطمه قعدات
نا ؛؛ عليش كنها ما جت هنا امل
رجاء ؛؛ عازمتنا هيا بس
نا ؛؛ هيا
صبيت ولميت شعري وغسلت وجي وخذيت نور وركبت نا ورجاء وارحيمه وبيده
واول ما خشينا للشقه القينها امظلمه
وفجاء سمعتبصوت عالي
سبرااااااااااااااايز
وولعنا الضويا والقيت خواتي وخالاتي كلهن قاعدات ولابسات دبش حفله ومعهن مروه وطبعا الاطفال لابسين دبش حفله
نا ؛؛ انصدمت معش عرفت ما اندير قعدت انبحت فيهم
رجاء ؛؛ ان شاءالله كل سنه وهم طيبين
نا ؛؛ عيد ميلادهم اليوم كيف اذكرتيه
رجاء ؛؛ اضبطتني بقوه
تبني ننسي اول وحدين ايقولي اخويله ننسي يوم جيبت احلي اخت عندي
نا ؛؛ قعدت نبكي من الفرحه
وكلهن جن وتمنا ايضبطن فيا وخذن بيده وارحيمه وخشينا للصاله والقيتها كلها امزينه وامل امطلعه طاولة الاكل بره وحاطه عليها التورته والموالح وحلويات وعصاير وتباسي وشوكات ومناديل معطره يعني اوت العيد كله
وبدو ايغنو وطفو الشمعه بيده وارحيمه وكلهم تمو ايقدمو في الهدايا
نا ؛؛من اللي جاب التورته
رجاء ؛؛ طارق جاب التورته والزينه والعصير والموالح اللي امبدري والبنات كل وحده جايبه نوع
نا ؛؛ ونا انقول يا امل ليش عاجنه الببتزا واجد
امل ؛؛ لنا كم يوم انوتو
نا ؛؛؛فكرة من
رجاء؛ ؛ مراد
نا ؛؛ بحتت فيها بالاستغراب ومنصدمه
اميره ؛؛ ليش مش جديده عليه مراد يفاجك
رجاء ؛؛ اموصي طارق علي كل شيء من قبل ما يمشي
نا ؛؛ خنقتني العبره واعيوني ملينات ادموع
سكتت ونزلت راسي وجت بين اعيوني صورته وعيد ميلادهم السنه اللي فاتت كيف داره اكبر من هكي
امل ؛؛ هي انولعو اغاني خلاص حفله عيد ميلاد وفرح
رجاء؛؛ هيا هيا
دعاء ؛؛:خاطري نشطح شطيح صح
ودارن البنات الجو ايجننننن وقعدنا انهدرزو لعند ساعه 2 وروحن كلهن ورجاء كلمت طارق وعطاته قرعته من الموالح والتورته والحلويات وخشت عليا
نا ؛؛ ايهبلن الهدايا
رجاء ؛؛ شفتي هدية طارق اسمح هديه صاح
نا ؛؛ ايجنن البدالي
رجاء ؛؛ هذين البدلتين نبيهم يلبسوهن يوم فرحي لما ايخشو قدامي
نا ؛؛ تي هن شكلهن ذوقك
رجاء ؛؛ اها في طلعتي نا واميره شريتهن عطاني حقهن طارق قالي هديتهم
نا ؛؛ انعنك ماتغيبي نجك ليا
رجاء ؛؛ ويه فرحتي
نا ؛؛:اكيده لما نلقي ناس مذكره عيد ميلاد اعيالي ماتبنيش نفرح
رجاء ؛؛ خطرها خوذي رقمه اهو
نا ؛؛ رقم من
رجاء ؛؛ مراد هذا هو اللي ايرد بسرعه
نا ؛؛ ﻻﻻ عطني رقم هدي
رجاء ؛؛ هدي تلقيها علي النت مع محمد خوذي رقم راجلك رني عليه هو احسن
نا ؛؛ ………
رجاء ؛؛ وينه فونك
نا ؛؛ اهو طلعته
رجاء ؛؛ كرته من يدي وحطتلي رقمه
نا ماشيه نبرم علي ماما وناكل نا والعويل خوذي راحتك انتي
نا ؛؛ انحرجت منها حسيت وكأني نبي نحكي مع صاحبي مش مع راجلي
مسكت الفون و صبيت سكرت الباب بالمفتاح وقلبي يرقص رقص جوا في جسمي شعور غريب بكل
قعمزت وايدي يرعشن مش عارفه ليش درت اتصال وحطيت الفون علي وذني
طووووووط
طووووووط
طوووووط
تي كنه معش رد
مراد ؛؛ ايوه
نا ؛؛ ساااااكته
مراد ؛؛ كل سنه وانتم طيبين
نا ؛؛ وانت طيب
مراد ؛؛ شن اخبارك
نا ؛؛ تمام الحمدالله شن اخبارك انت
مراد ؛؛ اكويس قاعد
نا ؛؛ شن عمي اكويس تو
مراد ؛؛ عطينه فترة نقاه تو ضروري ايسكر شهر علشان ظهره وامي حتي هي زاطت في العيادات وهدي قاعده من سوق لسوق
نا ؛؛ اهااا شكرا علي عيد الميلاد حلو جا
مراد ؛؛ هذوم اعيالي ماحد يشكرني من حقهم شن شريتو دبش
نا ؛؛ لابست العيد مازال بس الفرح جابهم طارق ورجاء يبهم نفس البسه هديه منهم
مراد ؛؛ ونور
نا ؛؛ تو نشريلها مازال
باهي اسفه كان طولت عليك
مراد ؛؛ لا عادي تو كيف خاش للدار
نا ؛؛ نور تبكي
مراد ؛؛ كنها
نا ؛؛ اكيده جيعانه
مراد ؛؛ باهي تصبحي علي الخير
نا ؛؛ وانت من اهله
صكرت منه ومسكت نور شعوري غريب معش عرفت شن
صبيت وطلعت والقيت رجاء امقعمزه اتفرج علي تي في ومعها بيده وارحيمه وماما
نا ؛؛ صبي اقري قران الفجر اقريب
رجاء ؛؛ هيا كنت نرجا فيك
ومشت حياتنا ونحن انوتو في اروحنا علي الفرح كل يوم في الليل انكسدو علي الصناديق اغلفو
ورجاء كملت دبشها بالرسمي حتي ان شرت البداله العربيه وغلفتها وتتها ل عيت عمي وشرت دبش ل نور وبيده وارحيمه لان نا ماجتنيش نيه نطلع بكل حتي اني ماشريتش دبش للفرح
وتينا كل حاجه وكملنا وعبينا حتي صناديق البونبونايره وجت هاجر كسدت معنا
وجا اول يوم العيد الحوش كالعاده تعبا
بس الصدمه ان عيت عمي هل هيثم جونا من الصبح غريييييييييبه
نكذب لو قالت ماوجعنيش ان هذا اول عيد ليا ونا بعيده من مراد نبكي لان قرب موعد طلقنا خلاااص اقريب تنتهي قصتي مع مراد اقريب تنتهي وياريته ما بدت من الاول ياريته ما خش لحياتي خش وقلبها ليا وطلع بس نشكره لان عيشني اجمل قصة حب حتي ولو نهاية شينه بس حب حلوووووو مانندريش علي روحي الا ونا انحبك وفي نهاية بعتني خلاص قصتنا اكملت
و3يوم العيد روحو عيت عمي من تونس وتاني يوم دارو عشاء ومشت ماما مع خالتي فاطمه للعشاء
وجا مراد سلم علي العويل وما طلعتش عليه شفته من عند روشن بس لاني خايفه من عادل مانبيش مشاكل ايصيرن طبعا مراد تعقد علي قلت طلعتي عليه بس شن اندير الله غالب فعلا معه حق عادل يا طلقني ولاه ايردني بس الرده تقريبا حاجه مستحيلا عندي
امصبيه علي الروشن وانشوف فيه كيف ماسك العويل وايحب فيهم ونا اعيوني ملينات ادموع
معقوله قصتنا اكملت ياحبيبي معقوله ياروحي ياقلبي يادنيتي معقوله تنتهي هكي
اميره ؛؛ جتني وضبطتني
ويه مازال في امل راه
نا ؛؛ بعد ما انكسرت خلاااص معش عندي جهد نرد وانرد ننكسر اخري تعبت والله تعبت انحبه وخايفه من حبه اللي قهرني
اميره ؛؛ ماعندي مانقول الا ربي ايهنيك نا مانقدرش انزرك علي حاجه لان انتي ادر بمصلحتك ومصلحت اعيالك
نا ؛؛ ان شاءالله
بدينا في اجوا الفرح والحوش تما ايتعب وجا يوم تفريشت شقة رجاء
امل ؛؛ ويه راه ارحيمه طلع اجري وراه
نا ؛؛ طيح سعده وينه
وحطيت وشاح علي راسي وطلعت نجري بسرعه والقيت ارحيمه ماسكه هيثم
ارحيمه ارحيمه
هيثم ؛ بحت فيا ولقني انادي ل ارحيمه جا وقرب مني
قاعد معي ماتخافيش عليه
نا ؛؛ ﻻﻻ حركة واجده جيبه هنا
ارحيمه ؛؛ ماما نبي نلعب
نا ؛؛ خش جوا قدامي هيا
هيثم ؛؛ بشويه عليه مانحسبكش عصبيه هكي
نا ؛؛ اسفه
ومديت يدي نبي نمسك يد ارحيمه ويمسكها ليا هيثم نا حولت يدي بسرعه
هيثم ؛؛ نبيك في موضوع
نا ؛؛ مافيش مواضيع بينتنا
وكريت ارحيمه بسرعه وخشيت والقيتهن يلابسن كلهن ورجاء امسكره علي روحها وتبكي
دعاء ؛؛ ارجيوه افتحي نبيك اشويه
رجاء ؛؛ مش فاضيه
دعاء ؛؛ تي افتحي يابكايه نبيك
رجاء ؛؛ صبت وافتحت الباب واعيونها متنفخات من الدموع وطول اضبطت دعاء
دعاء ؛؛ والله عارفتك ياهبله خلاص مش هذا طارق
رجاء ؛؛ نبي انسيب الحوش يا دعاء نبي انسيب ماما شن الدنيا هذه اللي اطلعنا من حوش اللي عشتي فيه اجمل ايامك
اميره ؛؛ جتها وتمت تضبط فيها
والله تو تمشي وتعرفي قيمة الحوش هذاك راه فيه طارق غادي
نجاح ؛؛ لووووووووووووووووووووووووو
خلاص ارجيوه ماشيه لطارق يا ناس
امل ؛؛ والله اللي امخلني ساكته انك انتي اتحبيه وتبيه اليوم قبل بكره يا كذابه
رجاء ؛؛؛تمت تمسح في دموعها وتضحك
امل ؛؛ اهو هكي نبي نا الضحكه يا حياتي انتي
وطول اضبطتها
نجك لياااااااا ياخيتي انتي ياتؤامي نجك ليااا
ايمان ؛؛ عاد مانصدقو انسكتوها تبدي انتي تبكي
امل ؛؛ لان انتن كلكن ازوجتنا ابتعدتنا ماعاد انا ازوجت وتعلقت بها اكتر
اميره ؛؛ هيا يابنات راه يبو ايقولو هيا
رجاء ؛؛؛وين ايه
امل ؛؛ شفتها اطلعت للمطبخ الخارجي
رجاء ؛؛ هالحقير ما خلهش تمشي
اميره ؛؛ بس كلامة منطقي عادل ماتمشيش وهي حرجانه حتي ماما ماهي راضيه علي مشيتها
امل ؛؛ اصلا حتي هي ماتبيش تمشي حتي دبش ما هي اموتيه
اميره ؛؛ ايه بعد ينكسر خاطرها ايطول ما ينجبر يابال الكسره هذه شن اللي جبره
رجاء ؛؛ نمشيلها
خالتي فاطمه؛؛ بنات هيا خلاص وقت
نجاح ؛؛ كملنا نحن وين ماما بس
خالتي فاطمه ؛؛ شالها خالد لعياده و جا
امل ؛؛ عند دكتور سراج
خالتي فاطمه؛؛ وفي غيره ماهذا دكتورها
رجاء ؛؛ طلعت بسرعه شوري
دعاء ؛؛ ياريت يعرف ان تو فرح رجاء
ايمان ؛؛؛حرااااام
دعاء ؛؛ ماهو متزوج خلاص ينقهر كيف ماقهرها زمان
خالتي سالمه؛؛ اطلعن عادل ايبيب
وطلعو هلي كلهم وحوش ملينا زغاريت وخشت عليا رجاء واعيونها ملينات ادموع ولقتني ماسكه بيده وارحيمه مانبيهمش ايشوف السيارات ويقعدو يبكو بعدها
رجاء ؛ ويه تعالي جوا امير وسجودي ونور راقدين جوا
نا ؛؛ مسحت دموعي وصبيت
هيا تعالي
رجاء ؛؛ سامحيني
نا ؛؛ علي شنو
رجاء ؛؛ فرحت وانتي حزبنه
نا ؛؛ شن يعني ترجني بالعكس والله فرحت مافيش احسن مانشوف اختي تنزف لحبيبها
رجاء ؛؛ نجك لياااا ياعبيطه انتي
نا ؛؛ مازالتي
رجاء ؛؛ اجمل عبيطه هيا تعالي انخشو ونبرمو علي الحوش عيت حنه مشيات وامخليته حايس
نا ؛خوذيهم وامشي نغسل المواعين هذين وانجي
رحاء ؛؛ هيا
وخشت رجاء للحوش
……………………..
ماما ؛ سامحني مستعجله بس
سراج ؛؛ ﻻ عادي يا حاجه شن عليش مستعجله
ماما ؛؛ امسيبه الحوش امعبي عندي فرح ابنيتي
سراج ؛؛ ماشاءالله هذه من
ماما ؛؛ هذه اللي اتجي معي ديمه خريجة ادارة اعمال
سراج ؛ نزل راسه و حس وكانه حاجه خشت في قلبه
رجاء ازوجت
ماما ؛؛ عارفتك تو تعرفها لانها ديمه معي
سراج ؛؛ ممكن اتوصليها سلامي وتباركيلها
ماما ؛؛ ههههه ان شاءالله عقبالك
سراج ؛؛ لا وين ما ليا شيء طلقت
ماما ؛؛ ليش كنك
سراج ؛؛ الرواده واعره مش كيف تاخذ وحده تعرفها
ماما ؛؛ حتي نا عندي بنتي اللي رواده تقريبت ح تطلق
سراج ؛؛ هذه مرات دكتور مراد
ماما ؛؛ عارف العائله
سراج ؛؛ اكيده شوفي من امتي ونا معاكم
ماما ؛؛ ربي يهنيكم ان شاءالله خلاص كملنا
سراج ؛؛ كملنا وخليك مستمره في الادويه وما تزعليش روحك
……………………..
ونا نغسل في المواعين في المطبخ الخارجي
فجاء ايخش عليا وايسكر الباب ونا انبحت في الباب ومنصدمه
نا ؛؛ شن جيبك هنا انت
…… ؛؛ نبي نحكي معاك
نا ؛؛ …………………
يتبع