رواية قلبي شاريك كاملة
#قلبي_شاريكفاق حسين من النوم الساعه 9..
لقى الحوش هدوءءء
قعد ينادى.. حنان .. حنان ..
مارد حد ..
اتصل بيها ..
-حسين: وينك حبيبي
-حنان: انا فى حوش العيلة نطيبو فالغدى
-حسين يضحك: سلم الفالحه العوالة
-حنان: بش تعرف بس
-حسين: عارفها مرتى احلى وحدة فيهم وافلح وحدة …
-حنان: هيا تعالة افطر داستلك فطورك من بكرى
-حسين: الصغار وين
-حنان: اهم قدامى يلعبو مع الصغار
-حسين: باهى ردى بالك عليهم .. واهو تو نجى
ناض حسين غسل وجهه توضا وصلى وطلع ..
__________________
جى ساجد ولد سالم يجرى
-ساجد : عمتى حنان يبيك عمى حسين
-حنان: باهى قوله اهو بنجى
-وجدان : برة العب امشى شن دخلك انت فالكبار
-جميلة : وجدان خيرك حمقتى كان تبى انادولك سالم ههههه
وبدو كلهم يضحكو
-وجدان: اسمعى طول العرس وانتى تتحككى عليا وانا مش مدوراتك ..شن تبى منى
-جميلة: اللطف اللطف قصدك انتى حاضراته العرس كله انا ماشفتكش فيه امالا.. امتى تحككت عليك
-بريكه : اهو العرس تم وكل حد بيروح حوشه .. متجوش اخر يوم وتفسدوه
حنان كملت غسل يدها .. وخشت جابت فطور حسين وبتطلعله
-فاطمه: راجى شوى اهو ماشية معاك بنسلم على حسين
-حنان : هيا تعالى
طلعو الزوز لنهاية القراج لقو حسين مقعمز على كرسى بلاستك .
-حسين: اووووو فطومه شنحالك
-فاطمه تسلم عليه بالوجه: حسونه شنحالك
-حسين: الحمدلله شنحالك انتى
-فاطمه : الحمدلله كويسة
حسين يدور على حنان بعيونه لقاها كيف طالعه من الباب
-حنان: صباح الخير ياحسين
-حسين: صباح النور
عطاته فطوره سندوتش ملفوف فى سلفر وباكو عصير سنتوب ..
-حسين: نبى قهوة
-حنان: حاضر مشربتش فالحوش
-فاطمه: هدا باير لا يدير قهوة ولا يتحرك مزال متعودتيش عليه
حنان مبتسمه وساكته
-حسين: فى هادى معاك حق يا فاطمه هههه
-فاطمه : باير لكن حنين انشالله مانفقدك اوخى
-حنان: افطر مابين مشيت درتلك قهوة
حسين يفطر وجنبه اخته فاطمه تهدرز عليه
-فاطمه : مرتاح يا حسين
-حسين: هلباااا
-فاطمه: انت فاهمنى شن نقصد؟!
-حسين: فاهم عليك..تقصدى حنان ولا
-فاطمه تحشمت: الحقيقه ايه نقصد حنان …حسيتها فرحانه وشخصيتها تغيرت وبدت عندها ثقه فى نفسها..واضح عليها مرتاحه .. وانت شنو اوخى
-حسين: انا عمرى ماكنت مرتاح زى توة
-فاطمه : هيا الحق تستاهل كل خير.. حياتها الاولى كلها كانت عداب
-حسين: معقولة للدرجه هادى
-فاطمه: كان يضرب فيها هلبا ..ويهين فيها قدامنا .. لكن هيا صحه ليها تحملت على خاطر صغارها .. وكانت مستحيل ترد عليه
حسين قعد ساكت
-فاطمه: تصدق مرة زمان جيت لامى الفجر محمد ماشى لطرابلس قلتله حطنى انا والصغار عند امى ..
نزلنا فم السور وجينا خاشين انا وصغارى .. لين شفنا حاجه تتحرك جهت حد محمود .. قربت انا نلقاها حنان عندها ولدها رياض بس مغطياته ببطانيته ..قلتلها خيرك هنايا… قالتلى انه طلعها فالليل هيا وولدها ..وقعدت تحلف فيا انى منعاودش لحد
ياخد حسين سفرة الفطور ويحدفها ..
وقف
-حسين: علاش يافاطمه تعاوديلى فالحكايات هادو تنرفز فيا
-فاطمه : بالشوى خيرك
-حسين: مفيش داعى تحكيلى
-فاطمه: لا فى داعى بيش تعرف حجم المأساة اللى كانت عايشتها وتعدرها فى اى رد فعل اديره معاك
جت حنان جايبه سفرة فيها فنجان قهوة وكوب اميه …
لقت السفرة طايحه
-حنان: خيركم
-حسين: نقزت قطوسه خلعتنى انحدفت السفرة
-حنان: الفطور كليته ولا نديرلك واحد ثانى
-حسين : لا فطرت .. .. انتى امتى بتروحى معش وقت عليك
-حنان : بعد نمدو الغدى ونكملو الحوسة تو نروح
جميلة قعدت تنادى على حنان ..
خشت حنان تشبح فيها شن تبى
-فاطمه : مش تحرج منى اوخى
خدى راسها باسه : انا نحرج منك انتى يا غالية
___________
مدو الغدى وضمو الحوسه …
-جميلة: حنان وين بتمكيجى
-حنان: بنمشى للمزينه
-جميلة تشبح لوجدان : تى ماهو قلتلك يا حنان الايام ايامك يا حنه.. اكيدة حتطلعى احلى وحدة فينا
-وجدان بتكبر: حتى انا بنمشى للمزينه
-جميلة: انا مسألتكش بيش متقوليش تتحككى عليا ههههههه
-حنان تلفتت لمرام : مرام كان تبى تمشى معاى عادى
-مرام: مندرى .. شنو ماما نمشى
-جميلة : معنديش فلوس شوفى بوك
-حنان: لا تو نخلص انا على مرومه
-جميلة : سلم عمتها .. بري وتى روحك بنيتى بش متعطليش عمتك
-مرام متحشمه: ماماااااا
-جميلة: عادى مرت عمك زى امك خيرك متحشمه مرومه
-فاطمه: سبحان الله يا جميلة ستر ربي بنتك ماجابتش من طبعك حتى شويا هههه
وضحكو كلهم ..حتى جميلة ضحكت معاهم…
________________
وروحت كل وحدة لحوشها بيش تلبس وتجهز نفسها
-حسين: هيا واتية حبيبي
-حنان: واتية ايه و بتمشى معاى مرام
-حسين: باهى ناديها هى
ركبو فالسيارة …
-حسين: ناخدلكم حاجه
-حنان: عادى مدام معانا مرام دلعها
خدى حسين تليفونه .. كتب رساله وبعتها..
تليفون حنان شرين وصلتله رساله …
فتحتها
لقتها من حسين
”انا نبى ندلع حبيبي بس ”
ضحكت وحطت تليفونها …
وقف خدالهم عصير طبيعى وكريب بالشوكلاته ..
ونزلو للمزينه …
قاللهم لما تكملو كلمونى
امولا قعدت تبكى .. ماما نبى ننزل معاك ..
نزلتها معاها والاولاد مشو مع حسين ..
حسين خدى عصير طبيعى لاخته امال
وكريب وشوكلاتات وحاجات حلوة
ورفعهملها المزين وكلمها تطلع تاخدهم …
بعتت امال البنت اللى تشتغل فالمزين خدتهم منه
-حسين بالتليفون : امال لو ناقصاتك حاجه نجيبهالك ..
-امال : لا مش ناقصنى شى ..لكن زى ماتفقنا انت اللى بدخلنى
-حسين: امولا غير شوفى اكرم ولا حفيظ
-امال: قلتلك لاااا انت
حنان خشت انتضار .. رد عليها قالتله كملنا تعاله روح بينا ..
_______________
روحت حنان للحوش ونزلو مرام قدام حوشهم…
خشت حنان لدارها …متغيرة هلبا بالمكياج ..
دارت مكياج سمبل ..متحبش الاوفر ..
طالعه زى البيبي
خشت دارها
وقفت قدام المرايا تتفرج على مكياجها وتسريحتها
جى حسين اتكى على باب الدار
-حسين: توة كيف بنصبر انا
-حنان: دونت تاتش
قرب حسين وقف وراها وحضنها من الخلف
-حسين يضحك : اهااا وتعرفى تتكلمى انجليزى ههه
-حنان: هادى كلمه ديما يقول فيها حفيظ ههه
-حسين زاد ضمها وحضنها وباسها من رقبتها
وقاللها : نحبك
-حنان بدلع : حسين تسريحة بطيح
-حسين: زيدى ادلعى وانطقى اسمى ودوبينى ..عارفتنى منقدرش نهجم عليك توة
حنان تضحك …
-حسين: يااااربي ديما تضحكى
-حنان بحزن: تصدق انى اول مرة نلبس ونمشى لعرس من بعد ماتزوجت وطلعت من حوش بوى
-حسين: مافاتك الا السو .. وكله يتعوض
-حنان: توة شنو صار انت بدخل العروسة ولا منو
-حسين: انا بعد ادن حضرتك طبعا
-حنان تضحك: باهى حضرتى عطاتك الادن
لبست قفطانها الاحمر وطلعت فيه ملكه ..
ولبست بنتها امولا الفيلو متاعها ولبست الاولاد بدالى رسمية
وركبو للسيارة متوجهين للصالة
الحاجه وحوش عزيز سبقوهم
-حسين: الاولاد بنخليهم معاى
-حنان: ح يتعبوك
-حسين: لا لا عادى… اسمعى اناديك اطلعى بسرعه بعتالى بيش نمشو مع العروس
-حنان: باهى
___________
خشت حنان للصاله ..
لقت قدامها بريكه وفاطمه ومفيدة .. ولقت جميله متكمه لابسه قفطان تركواز وضاربة روج احمر ينادى من 100 كيلو.. لكن طالعه حلوة بالمرة
حولت حنان عبايتها ..
لابسه قفطان منفوخ .. عاللون الاحمر فالدهبى ..
ودايرة تسريحه نص شعرها مرفوع فوق والنص الثانى نازل
عجبتهم كلهم حماواتها وسلفتها
قالولها طالعه كلك براءة بالمكياج
بدت المعازيم تخش ..
واقفين فاطمه ومفيدة وجميله وحنان فالاستقبال
والحاجه مقعمزة عالكرسى متع طاولة اللى عليها الشوكلاته
وخشو الزمزامات حطو العدة متاعهم ..
خشو خوات حنان .. احلام وقمرة ومعاهم مئاب ومروة بنات احلام
حنان دخلت خواتها للطاولة وقعمزت بحداهم ترحب بيهم …
وجت جميله عاد تسلم وتضبط فى احلام
وعلى طول صوتها ..مرام تعالى سلمى على عمتك احلام
مرام تحشمت دارت روحها ماتسمعش فى امها بكل ومابتش تجى تسلم
-حنان تضحك : اهدى يا جميلة مش هكى
مدو الروزاته والعبمبر ..
غنو الزمزامات اول وصلة ..
مرام ترقص
-مئاب: تبى الحق يا ماما… محلاها مرام
-احلام: ندعى ربي بس ماتطلعش خفيفه زى امها
-مئاب: ما اعتقدش يا ماما
حنان اشرت لمرام تجى..
جت مرام .. سلمت على احلام والبنات ..
ونوضت مئاب ومروة قالتهم تعالو ارقصو
مشو معاها بيرقصو ..
حنان واقفه .. جت جنبها سلفتها بريكه
-بريكه : حنان منو البنية اللى مع احلام
-حنان: الكبيرة بنتها مئاب .. والصغيرة مروة
-بريكه: ماشالله بنياتها كبرو
-حنان: ايه ماشالله كبرو
-بريكه: هيا مئاب قداش عمرها
-حنان ضحكت :16 سنه
وبعدها خشت سلفتهم وجدان .. لابسه قفطان كط قصير ودايرة تسريحه وبدت تسلم على طاولات المعازيم .. “تحب الشو ” ????
خشو احمد ورياض يجرو لحنان : ماما جبنا عمتى امال احنا وبابا …
-حنان: باهى خليكم جنبى
شدت البنت متع المايك والمنظومه ..
العروسه بتخش ومعاها خوها
لبسو النساوين كلهم عباياتهم
طفو ضى الصالة كلها ..
والاضاءة ع الباب اللى بتخش منه العروسه بس
بدت الموسيقى تضرب فاتحين زفة متع حسين الجسمى لا اله الا الله
وخشو العروسة ماسكه فى يد خوها
طبعا امال دارت ميش فى شعرها …
والفيلو متعها تحفه …والديل قريب زوز ميترو وراها
تسريحتها حلوة .. والطرحه دايرتها زى الحطه الخليجى
ماسكه فاليد اليمين متع خوها وواقفه مبتسمه وتضحك وتحيي فالناس
والجسمى يغنى
لا اله الا الله
لا اله الا الله
الف الصلاة والسلام
عليك يا حبيب الله محمد
اسم الله الرحمن سمو عليها
تكبر وكل النور منها وفيها
لا اله الا الله
لا اله الا الله
الف الصلاة والسلام
عليك يا حبيب الله محمد
وردة وكل الورد يمشى معاها
ويزف خطوتها وينشر شداها
الورد الابيض من عدوبة حياها
يحمر لونه لو يلامس ايديها
لا اله الا الله
لا اله الا الله
الف الصلاة والسلام
عليك يا حبيب الله محمد
…….. الى باقى الاغنية ..
والعقبى لكل بنوته جت عينها عالاغنية وقرتها ..انشالله نفرحو بيك قريب يااارب
حسين متلفت للكوشه وخلاص مايبيش يشبح جهة النساوين ..بالرغم خاطره يدور حنان بعيونه
وصلو للكوشة …
ركبو الدرجات مع بعض
تلفتت العروس للناس واختها فاطمه تساويلها فالفيلو ..
وحسين يبي يدور حنان مش قادر
والعروس لاهيه تحيى فالناس
جت امولا تحت الكوشه تنادى فيه بابا بابا
تلفتلها .. وين ماما
امولا : ماما اهيا واشرت جهة حنان ..شبحلها حسين لقاها تشبحله ومبتسمه
اشرلها بيده .. تعالى
جت حنان قربت من الكوشه
-حسين : هاتى الصغار وتعالى نصورو مع العروس
ركبت حنان للكوشه قايمه امولا فى غمرها والاولاد قدامها
خدى حسين امولا من امها ووقف الاولاد قدامه ..
وشد حنان من يدها وقفها على يمينه باعتبار العروس على يساره …
وكلم المصورة قاللها صورينا
حط حسين ايده اليمين على كتف حنان وايده اليسار قايم بيها امولا وجنبه امال العروسه
وبدو يصورو
وسط دهول الناس يشبحو فيه كيف شادها
ويصور معاها
اللى معجب ويقول ماشالله ربي يهنيهم
واللى حاسد ويقول حرام فيها
والناس كلها لفت نضرهم اهتمامه بيها
-حسين: اهو بنطلع ..وتعالى برة شوى للصالون اللى فالغرفه الجانبيه
-حنان: باهى
وبدت الزمزامات تغنى ..
نزل امولا من يده وتلفت لمرام …
مرام تعالى اطلعى معاى
خاف يخبط فى وحدة من النساوين من تلخبيطه
وطلع هوا ومرام ..
__________________
طلعت حنان وخلت صغارها يرقصو عالزمزامات
مشت للغرفه الجانبيه ..
لقت حسين واقف يراجى فيها..
خشت حضنها ..
-حنان تضحك : اعقل مرات فى كاميرات فالغرفه
-حسين يضحك : نقوللهم حلالى
-حنان : هههه
-حسين: بنمشى للعمل توة
-حنان تفاجئت : ليش
-حسين: توة كلمونى الولد اللى شد مكانى بوه توفا
-حنان: والله رحمت الله عليه
-حسين: كيف بديرو توة مع من بتروحو
-حنان: ماشالله السيارات هلبا
-حسين: تو نوصى اكرم روحو معاه
-حنان: والعروس كيف مش ماشى معاها
-حسين: والله مانى عارف كيف
-حنان: هالساعه ولا هالساعتين واتم الحفله .. مافرقتش معاك ..وصل اوخيتك وبرة طول للعمل وانا نروح معاهم
-حسين: باهى حتى هدا راى ..لكن تعالى جاى ..عندك علم انك احلى وحدة فيهم كلهم
-حنان: وانت كيف عرفت امالا قعدت تشبح للنساوين
-حسين يضحك: اطلع انت يا غيور.. تو تعرفينى نشبح انا
حنان تضحك ..
لقى وايبس “كلينكس معطر” عالطاوله خدى منه طرف ..
-حسين: من هنايا كله تلبز وجهك …
-حنان : بلحقه .. من وين
حط يده على فمها وبدى يمسح فالروج ..
-حسين: من هنايا كله خش بعضه
-حنان مستغربه: ليش تمسح فيه
-حسين: لانى بنستاحشك يا عمرى .. وبدى يبوس فيها وهيا جامدة ..
-حنان:ااه اهفت .. حسين بالك فى كاميرا
حسين فى عالم ثانى
حسين : بنستاحشك يا حبي
انسجمت هيا .. ونست الكاميرات ..
________________
رجعت حنان للحفله …
رقصو عالزمزامات
مدو العشى …
جى العريس
خش هوا وخواته ..
قاملها الطرحه …
وقصو التورته ..وشربها العصير
وطلعو ..
حسين اتصل بحنان قاللها هيا اطلعو ..
طلعت ركبت معاه.. ومعاها صغارها و حماتها فاطمه
وصلو لحوش العريس
بعد خشت العروس لحوشها بحدا شيابينها …
طلعو النساوين ..
حنان لقت حسين مزال قاعد ممشاش ..
-حنان: قاعد مامشيتش
-حسين: لين نطمن عليك انتى والصغار
-حنان: باهى بعد توصل كلمنى
-حسين: حاضر .. فى امان الله
ركبها مع اكرم هيا والصغار واخته فاطمه
روحت للحوش .. حولت قفطانها
ورقدت صغارها
كلمها حسين قاللها انه وصل
وقعد قريب ساعه يحكى معاها .. لين رقدها
____________
نحبكم❤