رواية قلبي شاريك كاملة

#قلبي_شاريك

???الحلقه السادسة والعشرون ?

عزيز بدت حالته تتحسن

وقالو لحسين لااازم تروح انت عندك عمل .. برة شوفهم فالعمل وبعتالى ارجع

وبالفعل ركب حسين واحمد وعماد حتى هما عندهم خدمه .. وروحو ليبيا

مروحين فالطريق وحسين ساكت مفيش بين عيونه غير اخر ليله مع حنان …

كيف باسو بعض

وكيف حضنو بعض

وكيف قاللها نحبك ..

وكيف هيا حاضناته وتبوس فيه

وتبادل فيه فالمشاعر

وصلو جنب مطعم فى جربة وقفو بيش يتغدو

نزلو عماد واحمد …

وحسين قعد فالسيارة .. فتح تليفونه

طلع رقم حنان واتصل بيها

التليفون يشرين توووت تووووت

-حنان: الو
-حسين: تحبينى
-حنان: نموووت فيك

-حسين: ستاحشتينى
-حنان: هلباااااااا

-حسين: زيدى سمعينى رانى محروم
-حنان: شوفى القتوس اللى ياكل وينكر

-حسين يضحك : انا قطوس ههههه
-حنان تضحك: ايه زيهم تاكل وتنكر

-حسين: انا نبى ناكلك انتى
حنان تضحك
-حسين: نتكلم جديات .. نبى ناكلك الليله

-حنان: انت وييين وانا وين
-حسين: اعطينى 4 ساعات ونكون جنبك
-حنان فرحانه: تحكى بجد انت ..

-حسين: وجد الجد
-حنان: انت مروح حبيبي

-حسين: فالطريق وقريب نوصلو
-حنان: توصلى بالف سلامه حبيبي

-حسين: وتى روحك الليله بنرقدو على سرير واحد
حنان تحشمت وضحكت
-حسين: يسلملى الخجلان اللى بنرقده الليله فى حضنى للصبح
-حنان : ربي يوصلك سالم ياااارب

_____________________

تغدو وطلعو من المطعم

وصلو البوابه لقوها فاضيه

طلعو على طول

وصلو ممكن بعد 3 ساعات من مكالمته

وحنان كانت تبى تمشى لحوش عزيز ..بيش لما يروح حسين والاولاد تكون هيا وصغارها غادى

………………

حسين وصل هوا والشباب …

نزلهم كل واحد قدام حوشهم

وروح هوا للحوش ..

خش حوش عزيز ..

خش للمربوعه .. جت امه وجميلة ومرام سلمو عليه …وقعدو يسألو فيه على عزيز

وطمنهم عليه …

-حسين: امالا وين الصغار

-الحاجه : الصبح كانو هنا ..وروحو يتغدو ..والعشيه اكيدة تو يجو

-جميلة: ربي يحفظها حنونه ماخلت من جهدها جهد تعاون فى مرام كل يوم

-حسين: خيره وجهك اصفر يا مرام

-جميلة: من قلت الماكله ..نقوللها كولى

-حسين: لااااردى بالك يصيرلك هبوط

ناض حسين وستادنهم قاللهم نمشى نغير حوايجى وتو نجى

حنان قاعدة فالحوش

لابسه سروال لاصق وردى فالاسود وبودى اسود قصير ولامه شعرها نصه ملموم ونصه طايح

قامت الغدا من قدام صغارها

هيا بسرعه بيش نمشو حوش عمكم

حطت الغدا فالمطبخ

انفتح باب الحوش .. خش حسين

شاد فى يده اربع اكياس ..

حنان طلعت من المطبخ ..

لقت حسين فالصالة

رياض واحمد مشوله يجرو

حط الاكياس عالارض

و ركبهم الزوز على ايديه ..

ونزل للصاله وهوا رافعهم فى غمره

قعمزو ع الصالون ..

جت حنان فرحانه بوصول حسين ..تتمنى تبوسه …

لكن مش قادرة قدام صغارها

وهوا نفس الشى

مدت يدها سلمت عليه : الحمدلله ع السلامه

-حسين: الله يسلمك

-احمد: بابا شن جبتلنا معاك

-حسين: جبتلكم الخير كله ..

-رياض : ماما عادى نفتحو الاكياس

-حنان: باهى افتحوهم

-حسين: وين امولا

-حنان: توة كانت هنايا ..بالك خشت لدارها .. امولا …امولا

-امولا: انا لابدة يا بابا ترا دورنى

ناض حسين من مكانه : زعما بنتى وين .. زعما امولتى وين

وهيا تقرقر جاى صوتها واضح من دار المسند اللى مقابله الصاله

حسين يدور فالحوش داير روحه يدور فيها ..

وبعتالى مشى لدار المسند زعميتا يدور

ولقاها ..قامها فوق وقاللها شديتك

وقعد حنان وحسين يضحكو

-احمد: توة انا يا بابا شدنى هى

-حسين : باهى نوض البد

-رياض مشى يجرى لدار امه جاب وشاح من دولابها .. وقاله لازم نغمضولك عيونك بيش متشوفناش ..

ربطوله عيونه .. وبدو يجرو فالحوش وكل مرة واحد يضربه من جهه بيش يجرى وراه

شد حنان قاللها شديتك

-امولا : هادى ماما مش انا يابابا

-حسين: اه نحسابك انتى يا مجرمه ..

قعدو يجرو فالحوش ويضحكو ..

لعبو … دهشوو .. قعمزو عالصالون

جابو الصغار الاكياس

-رياض: خيرها يابسه يابا

-حسين: هدا حمص ملبس هدا علاش يابس.. خودو مستكه الجمل

وتلفت لحنان : ارفعى الياغورت للثلاجه قبل مايفسد

ناضت حنان .. قامت كيسة الياغورت ورفعتها للمطبخ

وقفت قدام الثلاجه تستف فيهم

لحقها حسين

وقف وراها… حضنها بقوة

-حسين: اوعدينى انك متحرمينيش منكم طول العمر

-حنان: ربي مايحرمنا منك ومن حنيتك علينا يااارب

-حسين: ستاحشتك هلبا

وقدم وجهه قربه من وجهه وخدى بوسه من شفايفها

-حنان تهمس: بالشوى الصغار يسمعو

-حسين يهمس: حطيتيلى مخدة عالسرير

-حنان: ايه حطيتلك

حسين يهمس : وين حطيتيها

-حنان : جنب مخدتى

-حسين: وقداش حطيتى لحاف

-حنان: لحاف واحد

-حسين : نحبك

ولفتها ليه وقعد يبوس فيها

-حنان: حسين

-حسين: ياررروح حسين

-حنان: الصغار فايقين اهدا خيرك

-حسين يضحك: هوا انا لما نشوفك مزال نعرف الهدوء ???

-رياض ينادى من الصاله: ماما تليفونك يشرين

مشت حنان ردت .. لقتها امال تتصل

-حنان: الو

امال: اهلين حنونه .. تعالى كسدى اهو انا فى حوش عزيز

-حنان: باهى اهو كيف بنجى انا والصغار

سكرت الخط ….

-حنان: حسين نحطلك غدى

-حسين: لا انا واكل فالطريق .. انتو توة برو لحوش عزيز .. وانا نغير ونجى وراكم

-حنان: باهى اهو تو نمشو وكان تبى حاجه كلمنى

-حسين غمزلها: روحو بكرى فالليل مش تعطلو

-حنان تضحك: باهى

وتلفتت لصغارها هيا البسو مداساتكم ..خلى نلبس عبايتى

الصغار يلبسو فى مداساتهم

وحنان خشت لدارها بتلبس عبايتها

لحقها حسين

خش وراها

سكر الباب بالمفتاح

حضنها …وقامها من عالارض

حسين يبوس فيها وين بتهربي منى

-حنان : اهدا يا مجنون الصغار يسمعو

-حسين: منبيش نهدا انتى خليتى فيا عقل

رقدها عالسرير ورقد فوقها قعد يبوس فيها وهيا نفس الشى

لكن منغير ااااه خايفه صغارها يسمعوها

فاقت بنفسها صغارها فالصاله

-حنان تضحك : يا حسين خلاص

-حسين: باهى اهو عتقتك توة بري اطلعى .. لكن فالليل ماعندك كيف تهربي منى

-حنان: ومن قالك انى نبى نهرب منك?

-حسين: نجيلى المستاحشنى ومايبيش يهرب منى

حنان تضحك

امولا اطقطق عالباب : هيا يا ماما

________________________

مشو حنان والصغار لحوش عزيز

ولحقهم حسين قعمز فى حوش سعد على جيت حد يسال

“تعرفو عادات الليبيين ”

مرام دابله …

مالاول مشغوله على بوها وبعتالى من جيان الناس والتعب ..

هما كلهم يعاونو فيها …لكن مهما يكون الناس تجيهم لحوشهم مسؤليه

واقفه مرام فالمطبخ ..

ومعاها حنان وامال …ويطيبو فالشاهى

-حنان: مرام انتى مش عاجبتينى اليوم

-مرام تتكلم بصعوبه : لا خيرنى الحمد لله

-امال: لاحظتك حتى الماكلة ماتاكليش رايحه صفرا

مرام معش ردت عليهم ..

وتلفتت كملت غسل الطواسى

حطتهم فالسفرة ..

وبتتلفت للجهه الثانية ..

وتجى طايحه على طولها يابسه زى العصا

وبدو امال وحنان يعيطو

طلعوها للصاله يمورحو عليها

وجميله وين تلقيها عاد … اللى داراته على راجلها بتكمله عل بنتها ..عطاته بواصى لين شبعت ??

نادو حسين .. جى يجرى قامها رفعها للسيارة وهيا فاقدة الوعى

ركبو معاه امال وحنان

ومشو لاول عيادة

-امال: خيرهم عطلو لداخل

-حسين: بالك يديرولها فى تحاليل

طلع الدكتور مواطى راسه ??

______________________

زعما مرام شن بيصير فيها …

واحمد اللى يحبها وينه بالرغم قلبى عليه دم لكن سخفنى يانارى ?????

 

error: