رواية قلبي شاريك كاملة
#قلبي_شاريك❤
???الحلقه الرابعه والعشرون ???
طلع حسين من الجامع
ركب سيارته
ولقى روحه ماشى فالطريق مروح للحوش
خلاص معش قدر يقاوم
ستاحشها
وستاحش الصغار
وصل يشبح للسور متع الحياش من بعيد
وقف السيارة
صراع
يخش للحوش ولا يروح
قعد قريب ربع ساعه
وبعتالى ولع السيارة ودور مشى للعمل خش غرفته
وقعد فيها لثانى يوم الصبح
__________________________
وفاتو اسبوعين ثانيات وهوا فالعمل
توا حسين وحنان قداش ليهم متفارقين ترا نحسبو
اسبوع لما هيا مريضه
واسبوعين عمل
واسبوع قعد فطرابلس
واسبوعين عمل
شهر ونص ???
هلباااا الحق مابعدهم
المهم ماعلينا توة
حنان خلت صغارها فى حوشها ومشت لحوش عمتها تبى تسأل عمها سعد
-حنان: السلام عليكم
-الحاجه وسعد : وعليكم السلام
-حنان : شنحالكم اليوم
-الحاجه وسعد : الحمد لله كويسيين
-الحاجه : كيف حال الصغار
-حنان : الحمدلله .. غير منسئلك عمى
وتلفتت لسعد
-سعد : انشالله خير
-حنان متحشمه : ماكلمكش حسين
-سعد: لا كلمنى وكيف بنمشيلكم بعد شوى ونقوللكم
-حنان فرحت: زعما بيجى اليوم
-سعد : لا .. قال مشى لتونس
حنان انصدمت
-الحاجه: مفهمتش تونس شن عنده فيها
-سعد: سفرية تبع العمل يمى..الشركه باعتينه يخدم
حنان عيونها دمعو ومتبيهمش يلاحظوها: نستادنكم توة
-الحاجه : خيرك اشربي معانا الشاهى
-حنان: لا والله صحتين.. غير مخليا الصغار بروحهم نخاف اطيح عليهم حاجه
وروحت للحوش
_________________
-المنجى: تنورنا يا سى الحُسين
“طبعا اسم حسين بالتونسى الحاء بالضمه? ”
-حسين: احنا فالبوابة نضمنا شقه مليحه
-المنجى: قداش واحد معاك
-حسين: احنا زوز اشخاص
-المنجى : تم تلقى كل شى جاهز
“طبعا تحية للى قرت الحوار بالتونسى ??”
حسين سكر الخط
-حاتم: صحة ليك حسين فى كل مكان عندك ناس
-حسين: والله نبى نكلم اسماعيل متع صفاقس لكن انتو شديتو فالعاصمه
-ناجى: الله على ايام الصياعه زمان فى تونس
-حاتم : صيع معانا باهى يا ناجى
ناجى : لا والله سامحونى انا يوم عرسنا وعدتها مايخش حياتى حد غيرها ..
وتوة بنلقاهم قدامى فى العاصمه لانهم ركبو الطيارة توة اكيد وحيوصلو قبلى
الكلمه اثرت فى حسين هلبا وخطرت عليه حنان …
-حسين: ربي يخليكم لبعض
-ناجى: وحتى انتو ربي يهديكم لبعض
طلعو من البوابه وقعدو يمشو طول الليل بيش يوصلو للعاصمه
وصلو ولقو المنجى مجهزلهم كل واحد فيهم غرفه ..وحدة لحاتم ..ووحدة لحسين فى فندق فى مدينه قمرت ..
“احلى مدينه فالعاصمه نموووت فيها قداش راقيه ?”
وناجى مشى سيدى بوسعيد
حاجز فى فندق غادى هوا وعويلته مرته وبنته اللى وصلو قبله
____________________
حنان فالحوش
وصغارها يلعبو بحداها
مش حاسه بطعم الحياة
وبدت الغيرة تاكل قلبها
تونس.. يعنى سهر.. يعنى نساوين .. يعنى سرير
وتتخايل فيه يبوس فى غيرها
“الغيرة نااار لما تعرفى ان راجلك شادها دهوارى فى تونس ”
معش تشبح فى شى
لبست عبايتها وطلعت من الحوش
وقفت قدام بابها ادور بعيونها
ادور فى اكرم … شافاته … اشرتله بيدها
-اكرم جى : ايوة حنان
– حنان : نعطيك فلوس تجيبلى شفرة
-اكرم : منغير فلوس هيا اصلا بخمسة جنى ..لكن توة كلهم مسكريين المراكز ..غدوة نشريلك
– حنان: باهى خلاص .. لكن خودهم الفلوس نبيك تجيبلى معاها رصيد
-اكرم: باسم منو ناخدها ماهو يبو الرقم الوطنى
-حنان : خودها باسمك انت لو تقدر
-اكرم : تم غدوة نجيبهالك
-حنان : باهى صحيت
____________
ثانى يوم حسين راقد للساعه 11
-حاتم : نوض يا راجل احنا جايين بنرقدو ولا شنو
-حسين: انا من غادى قلتلك انا تعبان ونبى نرقد
-حاتم : تى نوض يا راجل ننزلو نفطرو فالفندق لوطا
-حسين: انزل تو نلحقك
وبالفعل نزل حاتم وناض حسين دوش وبدل حوايجه ونزل
قعمز عالطاولة بيفطر
زوز بنات مقعمزين عالطاولة اللى مقابلاته قعدو يعاكسو في حسين
-حاتم: عندك علم انهم ليبييات
-حسين: منهما مش شايفهم
-حاتم: تى اللى يناشبو فيك يا راجل وهما فى قمه الاناقه ههههه
-حسين: ماتنفخليش راسى قلتلك مش شايفهم
كمل حسين فطوره
وناض من مكانه ..
قال لحاتم انا بنركب للغرفه
مشى للاسانسير لحقته وحدة من البنات اللى كانو يعاكسو فيه
نفتح الاسانسير
خش حسين
خشت وراه البنت
ركب الاسانسير وهما ساكتين
-البنت: فى اما غرفه نازل
-حسين: نعم تكلمى فيا
-البنت : ايه انت
-حسين: مزال محفظتش رقمها
-البنت: باهى ممكن رقم تليفونك
انفتح باب الاسانسير
طلع حسين
البنت بتطلع وراه
وقفه حسين بيده
رقمى لو تلاقينا قبل شهور كنت اعطيتهولك
وكنت خليتك تطلعى معاى توة من الاسانسير لغرفتى
لكن زمان حاجه وتوة حاجة ثانية
وضغت على زر النزول وتسكر الاسانسير
البنت نازلة مش فاهمه شى
_________________
حنان فالحوش فطرت صغارها وتراجى فى اكرم بفارغ الصبر
واكرم فالعمل يطلع غير مع الساعه 2
قعدت تراجى ..
الساعه 1 جاها احمد ولد اختها بيرفعها لحوش اختها احلام .
معش فاها كيف تراجى اكرم مشت مع احمد وخلاص
ركبت صغارها ومشت معاه
حنان فى حوش احلام ادير فالحلويات وعقلها مش معاها
قطعه اديرها كويس وقطعه تلخبطها
المغرب وصل وهما مزالو ماكملوش الطلبيه
__________________
حسين صلى المغرب ..
وجاهم ناجى صاحبهم
-حاتم: ناجى ماتوقفناش فيها بتطلع معانا بنسهرو مع بعضنا فى بار راهو
-ناجى : ونطلعو ومن قالك لا
-حاتم: ماشالله عالحرية ..شنو المدام مرقدها فالعسل امالا
-ناجى: لااا وراسك شديتها انا وياها وبنتى دهوارى من الصبح ..
وتوة قلتلها بنمشى للجماعه واحتمال لو لقيتهم ماشيين لبار بنمشى معاهم
-حاتم: صدقتك ايه
-ناجى: هادى تعتمد عالمصداقيه بينى وبينها ..نديرها قدامها خير مانديرها من وراها
وكونى نمشى لبار مش بالضرورة نشرب ولا نشد مراءة
-حسين: اصلا هيا حتزبطك من الريحه
-حاتم : باهى هيا نوضو عاد مانزلنا ماتعشينا نلقوهم فتحو
ونزلو لمطعم الفندق تعشو ..
وركبو السيارة مشو لبار هما متعودين يمشوله من زمان
_________________
حنان كملت الطلبية هيا واختها الساعه 10
-احلام : عطك الصحه يا وخيتى ديما تعبانه فى جرتى
-حنان: تعب شنو ربي يحفظك اوخيتى
-احلام: الوقت تاخر اقعدى باتى حتى حسين مهناش
-حنان : تعرفينى مانرتاح الا فمكانى
-احلام: مئاب شوفى خوك وينه
-مئاب : احمد مهناش ..كلمى معاد يجى يروح بيك خالتى
-احلام: من معاد هدا ومنين تعرفيه
-مئاب تلخبطت : والله مانعرفه يا ماما خالتى نسمع فيها تقول عليه
-حنان: لا الوقت متاخر تو نراجى احمد وخلاص
جى احمد الساعه 10 ونص .. ركبت معاه حنان وروح بيها
وهما خاشيين من فتحه السور قالتله ناديلى اكرم
قعد احمد ينادى على اكرم لين جاهم
حسين فالسيارة هوا وصحابه
وصلو للملهى الليلى
خشو
موسيقى
واصوات ضحك عاليه
توانسه على ليبيين .. نساوين على رجاله
خش ناجى قعمز على جهه عالبار وطلب عصير
حسين وحاتم خشو فى وسط الطاولات يدورو فى طاولة فاضيه
جت بنت مكيجه ولابسه مكشوف شويااا قعمزتهم على طاولة
وجت بنت ثانية تجرى وسلمت عليهم
-حاتم: ناتاشا كيف حالك
-ناتاشا: اهلا سى حاتم شنوا احوالك ليك وحشه
-حاتم: وانتى اكثر عطك الهنا زدتى احلويتى
-ناتاشا: سى حُسين اشنوا احوالك سافا
-حسين الحمد لله بخير .. وساكت مهيم
جى ناجى قعمز بحداهم ..
والشباب والبنات كلهم يرقصو
جت بنت قامت حاتم من يده وقالتله تعالى اشطح معاى ..ناض بيمشى معاها
وبنت ثانية جت لحسين ..تبيه ينوض يرقص معاها … شوى رفض قاللها لا
البنت اللى مع حاتم قالتله : شبيه صاحبك مهيم ماينوضش يشطح
رد عليها ناجى: مهيم يانارى عليه يحب
ضحك حسين
-البنت: يحب فى شكون
-ناجى : يحب فى مرته
-البنت: شنو نزلت فيها الحليوة الليله ..تى نوض فرهد على روحك
_______________
احمد نادى اكرم … جى اكرم للسيارة سلم عليهم
-حنان: شنو خديتلى اللى قلتلك عليه
-اكرم: فالسيارة اهو تو نجيبهالك
-حنان : باهى تلقانى فالحوش
مشى احمد بالسيارة وصل قدام حوش خالته
نزلت حنان والصغار..
وقف عليهم اكرم
عطاها الشفرة و50 دينار رصيد
خشت حنان للحوش …
عشت صغارها وحطتهم فى سرايرهم
وخشت لدارها طلعت التليفون الى خلاهولها حسين
وطلعت الشفرة من باكوها وحطتها فالتليفون
كتبت رقم حسين واتصلت
الرقم ينادى
_________________
حسين مقعمز فالملهى الليلى
وكل مرة تجيه بنت تبيه ينوض يرقص وهوا مايبيش
وناجى كدالك
اما حاتم شادها شطيح بالتونسى منحكيلكمش
شرين تليفون حسين .. الصوت ماينسمعش
زاد شرين مرة ثانية..
شافه ناجى قاله يا حسين تليفونك يشرين
-حسين: رقم غريب
-ناجى : من تونس
-حسين: لا من ليبيا
-ناجى متردش اكيدة جماعه العمل
-حسين: لكن الرقم عاود اكثر من مرة اكيدة فى شى مهم
-ناجى : اصلا لو معندكش رصيد فى شفرتك متقدرش ترد …ضرورى يكون عندك رصيد
-حسين: لا فى رصيد فالشفرة
سكت التليفون …
وقعد حسين شاد التليفون فى يده حاير من الرقم
عنده احساس غريب
عاود شرين نفس الرقم مرة ثانية
ناض حسين بسرعه من مكانه وطلع من البار
-حسين: الوو
حنان سمعت صوته عيونها دمعو وقعدت ساكته
-حسين: الوووو
حنان صوتها مخنوق وتبكى
حسين سمع صوتها … عرفها حنان
-حسين: حبيبي
حنان تبكى
-حسين: الو ردى عليا .. كلمينى
-حنان: انت وين
-حسين: انا فى ارض الله الواسعه
-حنان: ارض الله اللى كلها غنى ورقيص ونساوين
-حسين: متظلمينيش
حنان تبكى: نسمع فالصوت بودانى
-حسين: سادك دموع حبيبي …خلاص.. سمعينى صوتك
-حنان: امتى بتروح
-حسين: امتى ما انتى تبى
-حنان تبكى: نوض روح توة
باهى خليك عالخط متسكريش
ناض حسين .. وقف .. طلع من باب البار
فتح باب سيارته ..ولعها ..ومشى
– حسين: اهو مروح يا عمرى
-حنان : روح ليبيا توة توة
-حسين يضحك : باهى غير امسحى الخناين من خشمك بيش نفهم شن تقولى
-حنان: مش وقت بصارة وضحك
-حسين : الله غالب نسمع صوتك نفرح ونبدا نضحك …
-حنان : نوض روح توة
-حسين: انتى تؤمرى على راسى .. اهو ماشى الفندق ناخد جوازى
-حنان : باهى
وصل قدام الفندق … الفندق قريب عالبار
-حسين: سكري شوى تو نعاودلك خليك فايقه
________________________
كلم كمال صاحبه قاله حولى رصيد
خش للفندق..
وقف عالريسبشن ..
-حسين: نبى الحساب بندير تشيك آوت
تلفت الولد للكمبيوتر
فتح حسين الاسنسير وركب يبي ياخد حوايجه
وصل للغرفه
لم الحوايج ونزل .. دفع الحساب
وطلع ركب فى سيارته … وصله الرصيد من كمال
وشرين تليفون حسين
____________________
-ناجى: الو حسين وينك عطلتة
حسين يضحك
-ناجى : خيرك تضحك
-حسين: انا درت تشيك اوت وروحت بلغ حاتم
-ناجى : تبصر ولا تتكلم جديات
-حسين: والله بجد
-ناجى: انشالله مافى سو
-حسين: لا كل خير مروح للحوش
-ناجى : مدامه هكى طريق السلامه وربي يحفظكم
-حسين: بلاهى فهم حاتم واعتدرلى منه
-ناجى: غدوة لما يصحى تو نفهمه ..هوينا قريب يلبسوه القونه ويضربلهم زكرة
حسين يضحك
-ناجى: هيا خلى حتى انا بنوض انروح لمرتى
طلع حسين بالسيارة
عاود لحنان
-حسين: اهو روحت يا ستى اى اوامر ثانية
حنان ساكته
-حسين: كيف حال الصغار
-حنان: الحمدلله
-حسين: شوفى انا كيف قلبى ضعيف قدامك من مكالمه حنيت طول ونضت نجرى روحت
-حنان فرحانه وتبى تتسهوك عليه : شنو بديرهالى جميلة ?
-حسين: طبعا بنتجمل عليك لين نفددك ??
-حنان: وانا على خاطرك شريت شفرة
-حسين: حقه شفرة منو هادى
-حنان : شريتها اليوم على خاطرك
-حسين: نقدر نتكلم براحتى
-حنان: قول
-حسين: نحبك
حنان ساكته
-حسين: قريب نهبل بعيد عليك
-حنان?: ايه واضح من تصرفاتك انت ماصدقت
-حسين: القلب مايعلم بيه حد الا ربي
-حنان: خسارة الرصيد قريب يتم
-حسين: الصبح نوصل منعطلش عليكم
-حنان: باهى سوق بالشوى عليك
-حسين: خايفه عليا
-حنان: ليش عندى حد ثانى نخاف عليه غيرك انت وصغارى
-حسين بالصوت العالى : نحبككككككك
-حنان?: باهى الهى بالسواقه خيرك تعيط هههه
-حسين: نجيلى هالضحكه اللى نموت فيها
-حنان: ستاحشتك ونراجى فيك
-حسين: من الليله انا مش حنتنازل عليك
وتسكر الخط بيناتهم
______________
طول الليل حسين يسوق ..
وصل للبوابة العصر
لقاها زحمه تردس
شحن تليفونه تسكر
تكلم فيه حنان تلاقى فيه مقفل
مابتش تقول لحد من العيلة انه مروح
طلع من البوابة ادان العشا
وصل للحوش قريب الساعه 12
الكل فحياشهم
وقف حسين السيارة خارج السور
ميبيش حد يلاحظه
نزل من سيارته لابس بنطلون جين وسوريه وجاكيت ازرق كحلى
فتح الحوش بالشوى
وخش من جهه باب المطبخ بالشووووى بيش متسمعاش يبي يدرهالها مفاجئة
الحوش هدوءءءءءء
_______________________
حنان فالصاله مقعمزة وشادة تليفونها
لابسه قفطان ابيض فيه نقشات عالاحمر
قعد يمشى بالشوى
لين وقف قدام باب المطبخ
لقاها مقعمزة عالصالون
متكيه ولامه رجليها فوق وشادة تليفونها تراجى فى مكالمه منه
ناداها بالشوى
حناان
قامت راسها نخلعت …
لقته واقف بعيد قدام المطبخ
وقفت ومشت تجري …حسسسسين
وشدت فى رقبه
وهوا حضنها وقعد يدور بيها
وقف
شبح لعيونها
خدى بوسه من شفايفها
-حسين: ستاحشتك حبيبي
-حنان : وانا ستاحشتك يا عمرى
-حسين: الايام وانتى بعيد عليا كأنهم سنين
وهوا قاعد قايمها مشى بيها للصالون
قعمزو
وقعد يشبحلها وهيا تشبحله
قرب منها
حط صبعه على شفايفها
-حسين: ستاحشتك
-حنان: وانا اكثر ياعمرى .. فراقك عرفنى قيمتك فى قلبى
-حسين: منبيش نفتح جروح قديمه .. لكن فى حاجه لازم نقولهالك قبل اى شى
-حنان : قول حبيبي
-حسين: الله محلاها كلمه حبيبي من فمك
ودخل ايده فى خصلات شعرها
-حسين: حنان سامحينى
-حنان تشبحله بحب : مسامحتك من كل قلبى
ضمها حسين وبدى يبوس فيها
وهيا نفس الشى
وناض سلب جاكيته
وقامها بين يديه
-حنان : شن ادير يا مجنون
-حسين: بندخلك لدارنا زى الاميرات
حنان متعلقه فى رقبته
-حسين: انتى من الليله محبوسه خلاص معش فى طلوع
خشو للدار
رقدها عالسرير
اتكى فى جنبها
قعد يلعب بشعرها
نزل خدى بوسه من فمها
وحنان آخر انسجام
وحط يده عالسير متع قفطانها
يبى ينزله
شدته هيا بيدها
-حسين: اششششش ولا حركه
-حنان: حبيبي بالشوى عليا سايرنى
-حسين: سايرتك بمافيه الكفايه ونزل عليها
وقف كيف بيحول سوريته
يسمع فعياط
اولاد يعيطو
وعركه قوية
جو الصغار يبكو لقو امهم عالسرير وحسين واقف
حسين شد الصغار يسكت فيهم
حنان مخلوعه شن فى يا حسين
مش عارف
خلى نطلع نشوف
حنان شدت صغارها
وحسين لبس جاكيته وطلع
__________________________