رواية قلبي شاريك كاملة

#قلبي_شاريك

?الحلقه التاسعه و عشرون?

سامحوني ع تاخير

رياض: كل ليله منرقدو هكى بحدا بعضنا باهى بابا

-حسين: عن نفسى معنديش مانع لكن مرات ماما
ترفض .. نقرزو عليها انتو لما تطلع مالحمام تو تقول باهى

وقعدو يلعبو هما وياه عالسرير

طلعت حنان من الحمام

جت جنبه متبيش تشبحله : هات المفتاح بندبر الفطور

-حسين: فى جيبي مدى يدك خوديه

-حنان بالتكشيخ: بلا برادة هات المفتاح

وقف حسين على طوله ويمثل عليها داير روحه يشبحلها بنضرة غضب

-حسين: مش قلتلك معش تعيطى ولا

-حنان خافت: باهى هات المفتاح

عطاها المفتاح وطلعت .. مشت للصاله صلت وخشت للمطبخ بدير الفطور

وهوا قال للصغار برو اغسلو وجوهكم

فتح تليفونه .. وطلع صورة حنان وقاللها : ستاحشتك ياعنشكلك الحلو وباسها

على خشت حنان للدار لقاته يبوس فى صورتها

دارت روحها ماشبحتاش

شافها خشت .. كمل قعد يبوس فالموبايل

ويكلم فالصورة ويقوللها معش قادر على فراقك راهو

خدت حنان حوايج صغارها وجت بتطلع

وقف حسين فم الباب وقفها

-حنان: حول شن تبى

-حسين: انا منبيكش ..الصغار يبوك ..

وينادى.. احمد تعالة انت وخوتك

جو الصغار : نعم بابا

-حسين: شن قلتولى توة قبل شوى

-امولا: ماقلنا شى

-حسين: تى كيف مش توة قلتولى تبو اديرو حاجه كل ليله وقلتلكم قولو لماما

-رياض: ايه راهو يا ماما كل يوم منرقدو معاكم انتى وبابا

-حنان شبحت لصغارها: تعالو .. اطلعو قدامى.. يعلم فالصغار غير فى قلت الربايه .. اطلعو

طلعو الكتاكيت ورا امهم وحسين يضحك ???
_____________________

فطرو وكملو فطورهم

وخشت حنان اطلع فالحوايج من الغسالة بتنشرهم

حسين يكلم فالصغار : شن رايكم نطلعو اليوم

-رياض: باهى وين نمشو

-حسين: وين ماتبو انتو ..غير نتفقو بسرعه قبل ماتجى ماما

-احمد: نمشو لطرابلس للملاهى

-حسين: تم نرفعكم ملاهى طريق الشط

-امولا: ونشرو العاب

-حسين : تعالى امولا

ناضت امولا تجرى قعمزت فى حجره

-حسين: انتى بالدات نشريلك اللى تبيه ولما تكبري بنديرلك عرس كبير نجيبلك فيه راغب علامه يغنى

“امولا وخوتها يضحكو وهما مش فاهمين شى ولا عارفين منهوا راغب علامه ???

خشت حنان جوها صغارها يجرو : ماما بابا بيطلعنا

-حنان: وين بتمشو

-احمد: بنمشو كلنا حتى انتى معانا

-حنان تلفتت لحسين : لا انا سامحونى والصغار بترفعهم ادير بيهم دورة ساعه عادى برو وتعالو

-حسين: توة الصغار طمعو ويبو ملاهى طرابلس واليوم قاعد فى اوله مدامنى عطلة خلى نطلعكم

حنان سكتت

فكرت

كرامتها ناضت تنخص فيها

وبعتالى ردت: بالنسبه ليا مش حنمشى … وبعتالى امتى بتوصلو وامتى بتروحو الوقت فات

-حسين: وعلاش مروحين نباتو فى شقتنا فطرابلس

-حنان: شقتك هاديكة خليها للمواعيد الغرامية بس

وطلعت من المطبخ

لحقها حسين .. شدها من يدها ولفتها ليه

-حسين: حنان انا حلفتلك .. انتى زودتيها راهو

-حنان :اقلب الادوار وجربها على نفسك وقولى شن شعورك

-حسين زاد شدلها يدها : الجملة هادى معش تقوليهالى .. ادوار شنو اللى بنقلبها …نقلبلك راسك قبل مانتخايلك فى شقه مع راجل

-حنان: هاا شفت ولا غير مجرد تفكير بس.. امالا كانا حق كيف… عموما انا مش ماشيه والصغار كان بترفعهم اهم قدامك

-حسين: باهى كيف ندير والصغار اللى طمعتهم

-حنان: طلعهم بالسيارة دير بيهم دورة وجيبهم

-حسين: باهى زى متحبى

مشى للصغار زلبحهم بكلمتين ولبسو مداساتهم وركبو معاه للسيارة ومشو يدهورو

__________________

-معاد: قالولى خوك احمد خطب مرام

-مئاب:خطبها يا حنه يحبها ليه سنين

-معاد: قصدك اللى يحب يخطب

-مئاب : مش عارفه

-معاد: امالا احنا شن نراجو

-مئاب : نراجو فى رحمة ربي وضحكت ???

__________________

روحو الصغار وحسين العشية جايبيين معاهم حاجات والعاب وخشو للحوش يجرو

حضنتهم حنان فرحانه بيهم كيف منسجمين مع حسين

-احمد: مشينا للمحلات وسوق الخضرة وشرينا دسكات بليستيشن

-امولا: وشريت بمبلا بكروستها

-حنان: باهى ردو بالكم تكسرو العابكم باهى

خش حسين …

-حسين: السلام عليكم

-حنان: وعليكم السلام

“متقدرش متردش عاد كيف مطلعلها صغارها ومدهورهم ومروحين مزقططين من الفرح ??

-حسين : اهو بتستريحى منى ومن تنقريزى

-حنان: ليش خيرك

-حسين: كلمونى العمل توة وبنمشى نستلم توكتى اسبوعين كاملات

خشت حنان للمطبخ ..
بدت تساوى فى اكياس الخضرة اللى جابهم فى سوابيت

-حسين يناشب فيها : عالاقل تستريحى منى ايام

حنان ساكته

-حسين: لكن نقولك حاجه لو مهما تكرهينى معش نعرف نزعل منك لانك انتى والصغار بديتو قطعه منى

حنان تواسى فالخضرة وساكته

-حسين: وديري فى بالك حاجه وحدة بس .. ان فى شخص يحبك وشاريك ..ويتمنى غير يشوفك راضيه بس

بيطلع

تكلمت هيا ..

-حنان: انا الحق نبى نشكرك على تفريحك لصغارى ..وعلى اهتمامك بيهم

-حسين وقف قدامها : هدا اللى طلع معاك

-حنان: وشن تبينى نقول ثانى

حط يديه الزوز على خدودها : ياريتنى عرفتك من زمان

-حنان حولت وجهها من بين ايديه :تمشى وتجى بالسلامه انشالله

وتلفتت للثلاجه

طلع حسين باس عالصغار وحضنهم

وطلع فات على امه وقاللها انه ماشى

وركب فى سيارته ومشى

__________________

فالليل الصغار راقدين فمكاناتهم ..

وصل لحنان مسج

“ستاحشتك ”

مردتش

وصل مسج ثانى

“صورتك مش مفارقه خيالى ”

مردتش

طول الليل وهيا المسجات توصل لتليفونها وهيا تقرا ومتردش ..

كل ماتحط راسها بترقد يوصل مسج

تنوض تفتحه وتقراه وبالمرة تقرا المسجات اللى قبله كلهم?

للساعه 3 وهوا بالطريقه هادى ..لما يئس انها ترد رقد

“شفتو الراجل لما تفوتيه يبدا قريب يهبل ??

_______________

الصبح كله تليفونها مسجات وهيا تقرا ومشاعر الحب كله تتحرك داخلها

لكن كبريائها مش مخليها ترد

فاتو 6 ايام بالطريقه هادى

يتصل متردش

يبعت مسجات تقرا ومتردش

__________________

يوم الاربعاء الصبح فاقت حنان وادير لصغارها فى فطورهم

-احمد: ماما بنرجع

-حنان: تعالة يا ماما خيرك

مست جبهته لقاته زى النار

-حنان: حبيبتى توة غسلتلك وجهك وحرارتك كويسه…
وبدى يرجع على حوايجه
رفعاته حنان بسرعه للحمام

-حنان: حبيبي خيرك
-احمد صايخ: مريض يا ماما

دخلاته لدارها ورقداته عالسرير

طلعت شروبو الحرارة من الثلاجه وعطتهوله

“تو البنات بيقولو حسين خداها بالنية ??

خدى احمد الشروبو ورقد طول لان فيه نسبه منوم

دارت غدى صغارها وتغدو واحمد قاعد راقد

العشيه احمد فاق حرارته نازلة شويا

فرحت معناها غير عارض وترا شن واخد حاجه مسقعه ..

طلعو لحوش الحاجه ..

لقو وجدان وصغارها لانه يومها

هدرزت شوى حنان عالحاجه ..وحكتلها على احمد كان حرارة شوى وونزلتله بعد الدوا ..

ادن المغرب ناضت روحت للحوش

حسين من امس مابعتش مسجات

حيّر عليها تخمم خيره

قالت اكيدة فد من كثر البعث ومفيش رد

خشت للحوش صلت المغرب

وفتحت تلفزيون الصاله وقالت لصغارها قعمزو تفرجو عالتلفزيون نديرلكم العشى

خشت للمطبخ

وبدى احمد يرجع عالصالون

الصغار: يا ماما احمد يرجع

جت حنان تجرى قاماته ورفعاته للحمام دوشتله طول

دخلاته لداره على سريره وطلعت تنضف فمكان الصالون

جى رياض يجرى يا ماما احمد يرجع مرة ثانية

خشت تجرى رداته للحمام وغسلتله

“يانارى عالامهات قداش يعانو انشالله يسامحونا امهاتنا فاللى تعبناهم فيه ”

بعد غسلتله وطلعاته عطاته شروبو وقاستله الحرارة

لقت درجة حرارته 38 و5 شرطات

وهوا طفل صغير ..يعنى هلبا

كيف ادير .. كيف ادير .. خطر عليها طول حسين

قعدت تتصل بيه وهوا ميردش

استغربت … عاودت مردش

الولد ناض يرجع مرة ثانية

معش فيها لازم يبي حد يرفعه للدكتور

اتصلت باكرم

-اكرم : ايوة حنان

-حنان: احمد حرارته مرتفعه ونبى نرفعه للمستوصف كانك فاضى

-اكرم : جيبيه وتعالى اهو تو تلقينى فالسيارة

لبست صغارها ودارت لاحمد غيار بالك يرجع

طلعت مشت لحوش الحاجه قالتلها على احمد وانها بترفعه مع اكرم
وحطت صغارها فى حوش عزيز عند مرام

وقامت تليفونها اتصلت ب حسين اكثر من مكالمة مفيش رد
__________________

اكرم فالسيارة …

طلعت حنان لابسه جلابيه دم غزال ووشاح اكحل وركبت معاه

وصلو للمستوصف لقو الدكتور المناوب

رقد الولد عالسرير وقاسله حرارته لقاها 39 و3 شرطات

هلباااااا على عيل فى عمره

قاللهم الولد حرارته هلبا ولا زم يبي مستشفى ..دارلهم تحويل على مستشفى صبراته العام

ركبو للسيارة ومشو طول لصبراته

وحنان طول الطريق تتصل بحسين وهوا ميردش

اتصل اكرم بسعد وبلغه انهم ماشيين لمستشفى صبراته

قاله سعد اهو لاحقينك

ركب هوا وحفيظ ولحقوهم

وصلت حنان واكرم لمستشفى صبراته

دخلوه طول للاسعاف…

وهيا واقفه جنب ولدها وتتصل بحسين ..

وبدى تليفونها يزوى الشحن بيتم الصغار لاعبين بالالعاب

حطت تليفونها فى جيبها

جى الدكتور شبحه دارله دخول طول

وطلب عليه تحاليل يجيبوهم من برة ..

نعتلهم معمل تحاليل فاتح 24 ساعه يقدرو يمشو يديرو فيه التحاليل
ويجيبوهم توة احسن من الصبح لان الحرارة ترقى ومتبيش تنزل

خشت حنان بولدها لقسم الاطفال

دخلوها غرفه فيها سريرين واحد رقدت فيه ولدها والثانى فاضى مفيشى حد ..

قاللها اكرم خلى ننزل للممرضه تجى تاخد منه التحاليل ونرفعهم للمعمل

_____________________

حسين كان يتعشى فى مطعم الشركه لوطا

وخداته الهدرزة قعد يهدرز

ركب لغرفته فوق

اتوضا وصلى وشد تليفونه خطرت عليه حنان بيبعتلها مسج

فتح تليفونه يلقى 25 مكالمه من حنان

انخلع ..وانشغل

اتصل بيها طول لقى تليفونها مقفل

على طول كلم سعد

مالاول داير روحه بيهدرز مايبيش يشغل خوه
وقال لو فى حاجه حيقولهالى هوا

-سعد : الو

-حسين: شنحالك يا حاج

-سعد: الحمدلله شن حالك انت

-حسين: صوتك فالسيارة وين متسقد قريب اطق الساعه 11 توة

-سعد: ماشى لصبراته

-حسين: انشالله خيرر

-سعد : لا خير غير احمد مرض شوى شنو ماكلماتكش حنان ..
-حسين: لقيتها مكلمتنى تليفونى كان فالدار

-سعد: رفعاته هيا واكرم عاينوه اهنا شوى دارلوهم تحويل لصبراته
-حسين يعيط فالتليفون: وخيركم ماكلمنى حد

-سعد : اوخى انت فالعمل علاش نشغلو فيك ..الحاله بسيطه حرارة وبيخفضوهاله

-حسين : من معاه
-سعد: حنان واكرم وانا وحفيظ اهو قريب نوصلوهم
-حسين: باهى باهى ياحاج بالسلامه توة

سكر الخط واتصل طول ب اكرم

-اكرم : الو
-حسين: الو وين انت وخيره احمد وين حنان هات اعطيهالى

-اكرم: احمد داروله دخول فى صبراته .. وحنان راقدة معاه
وانا طلعت توة من المستشفى مشيت معمل التحاليل .. قال الدكتور طالبهم الليله

حسين باهى اهو جاى انا

ونزل طول ركب سيارته وطلع توجه لمستشفى صبراته

طلعو التحاليل ورفعهم اكرم للمستشفى
خش اكرم من باب المستشفى لقى سعد وحفيظ كيف واصلين ونزلو من السيارة

مشالهم طول وقاللهم انه كان يجيب فى تحاليل يبيهم الدكتور

خشو للدكتور .. عطوه التحاليل

وسعد وحفيظ ركبو قسم الاطفال ..
منعتهم الممرضه من الدخول
فقالولها انهم اهل الطفل اللى توة رقدوه ويبو بس يطمنو عليه

سخفت عليهم الممرضه ودخلتهم لغرفه حنان قالتلهم 5 دقايق بس

خشو لقوها بروحها سلمو عليها وشافو احمد لقوه راقد

وهدا كله وحسين فالطريق يجرى قريب يقلب السيارة وبيديرها صاروخ

جت الممرضه قالت لحنان الدكتور طالبك فى غرفته .. اهيا اللى عاليمين .. والطفل اهو تو نقعد معاه انا

مشت حنان وسعد والشباب للدكتور

الدكتور شعره شايب وباين من عمر سعد

يشوف الدكتور فالتحاليل قعمزت حنان وسعد عالكراسى واكرم وحفيظ قعدو واقفين

-حنان: خير يا دكتور

-الدكتور : طبعا احنا درناله التحاليل اللازمه ..

وانتى مراءة الباين عليك مثقفه وتؤمنى بقضاء الله

حنان قريب صاخت : شن فى يا دكتور احكى

-الدكتور: الطفل عنده التهاب السحايا ..وفى مراحل متاخرة ..
يعنى حتى الجرعات المكثفه متع المضاد توة مايفيدوش فيه

حنان وين تلقيها تبكى وخلاص

-الدكتور : احنا طبعا حنبدوله فى جرعات المضاد توة ..
ولكن نبى نحطك فالصورة ومنبيش نكدب عليك الحالة خطيرة والمرحلة متاخرة هلبا الالتهاب نسبته فوق ماتتصورو

-حنان: ولدى عمره ماشكى يادكتور

-الدكتور: التهاب السحايا مش ديما يبان مالاول ..

رجعت حنان جنب ولدها وهيا تبكى

وصل حسين للمستسفى

كلم اكرم .. قاله اكرم على مكانهم

خش سلم عليهم وخش للدكتور طول فهم منه

لقى الممرضه واقفه ..قالتله ممنوع الدخول للمرضى توة

فقاللها انا والد الطفل فقالتله مديرليش مشكله شوى شوف ولدك واطلع …

وبالفعل خش

لقى حنان واقفه جنب ولدها تشبحله وتبكى

لما نفتح الباب لقت حسين مشتله تجرى …

حضنها حسين وهوا يقوللها متخافيش

وهيا تبكى

-حنان: شفت يا حسين قعدت بروحى
-حسين: انا بوك وانا خوك وانا زوجك وانا سندك

-حنان مضبتاته وتبكى : قالولك على احمد

-حسين: ايه خشيت للدكتور

اسمعى ..ممكن تعطينى فرصه لغدوة العصر ونجيك.. لا تتحركى فيهم ولا اديري شى

-حنان: احمد حالته خطيره

-حسين:عارف ..هدا علاش نبى نسبق الوقت

ونتصرف قبل مايجرى الوقت ومعش نلحقوه

____________

احمد فالمستشفى

وحسين بيرجع غدوة العصر

وحنان قلبها بيتقطع على ولدها

 

error: