رواية زنزانة 313

الفصل الثامن

 

دلفت والدتها وهي تجبرها على النهوض مكمله

 

– قومي يا بدور ابوكي برا بيتكلم مع ابن عمك

 

نهضت وهي تمسح جفنيها اللذان اسودا من كثرة السهر وقلة البكاء لتردف بصدمه

 

– الـ ابن عمي بيعمل ايه برا يا ماما

 

– بيتكلم مع أبوكي

 

– ماما ابوس أيدك ابوسها متخلنيش اتجوزو

 

قالتها وهي تسحب يدها لتقبلها بقوة بينما ضمتها والدتها لصدرها بحزن وهي تردف

 

– اهدي يا عيني انا هحاول مع أبوكي يبعد عنو شيطانو ده

 

……………………………..

 

– انا هكلم علي وأشوف لو أقدر افتح القضيه تاني

 

قالتها لين وهي تجمع أغراضها فـ حقيبتها وقف أيوب وهو يردف

 

– علي مش هيفيدنا بحاجه

 

اعتدلت في وقفتها وهي تردف بضيق

 

– طب انا لازم أساعدكم مش هينفع اسيبكم مظلومين هنا

 

– انا هقولك تعملي ايه بس فـ الوقت المناسب

 

– طيب انا لازم أروح هاجي بكرا تكون انت فكرت وانا هحاول أعيد المقطع الصوتي واحل الموضوع

 

– اتفقنا يا دكتورة

 

تقلصت تعابير وجهها وهي تردف

 

– قولي يا لين الأسم مش صعب بلاش كلمه دكتورة ديه

 

ابتسم بخفه وهو يردف

 

– فعلا اسمك صعب عليا محتاج وقت عشان أتعود عليه

 

ابتسمت بهدوء ثم رفعت حقيبتها خلف ظهرها وذهبت

 

……………………..

 

– والله محدش قالك تدخل فـ شغلها

 

قالها عزام وهو ينظر له بطرف عينيه ليردف شريف بضيق

 

– حقو يتدخل يا بابا وانا مش هخليها تروح شغلها تاني يعني ايه تخرج تقعد مع المساجين وادي انهرده حاولو يتهجموا عليها وانا مش هستني اما بنتي تموت مني

 

– بعد الشر عليها ان شاء الله اللي يكرهها بس بنتك فاهمه هي بتعمل ايه واديك شوفت الضابط اللي هناك لحق الموضوع

 

– مرة يلحق عشره لا يا بابا انا مش موافـ….

 

قاطع حديثه دخول لين وهي تقفز مبتسمه

 

– انا جيت نـ…..

 

قاطعت حديثها وابتسامتها وهي ترا رامي أمامها فـ بالطبع لقد أخبر والدها ما حدث

 

– ممكن أعرف ايه اللي حصل انهرده يا لين

 

قالها والدها لتتضايق بقوة وهي تدير وجهها متأفأفه

 

– يا بابا محصلش حاجه عشان خاطري الطريق كان تعب وحر

 

– تعالي ارتاحي يا حبيبة جدك

 

قالها وهو يشير لجانبه لتتجه له مسرعه وهي تهمس بضيق

 

– لحق قالوا

 

– ده مسخنو عـ الأخر

 

أجابها عزام بنفس درجه الصوت ليتلوى وجهها وهي تنظر لـ رامي ليردف شريف بحزم

 

– مفيش شغل يا لين

 

نهضت بصدمه وهي تردف

 

– هو ايه اللي مفيش شغل انا وافقت على الخطوبه المقرفه ديه عشان أكمل شغل غير كده لو وقفت عن الشغل هكنسل أم الخطوبه من الكائن اللزج ده

 

– بـــنــــت

 

قالها شريف بصوت مرتفع وهو يقترب منها ليوقفه صوت غاضب انثوي ألتف ليجد زوجته السابقه تقف أمامه بعنف مردده بعنف

 

– أياك أن تفكر فـ الاقتراب من أبنتي شريف

 

ركضت لين لتلقي نفسها في أحضان والدتها التي استقبلتها بحنان وهي تضمها مردفه

 

– لن أدع شئ يحدث لكِ عزيزتي

 

نظرت لـ شريف بقسوة وهي تردف

 

– كيف تجرأت أن تصرخ فـ وجه ابنتي هكذا أو ان تتجرأ وترفع يدك عليها

 

نظرت لـ كف إبنتها لتقابل تلك الحلقه الذهبيه لترفع يد إبنتها ثم سحبت منها الخاتم وألقته فـ وجهه وهي تردف بعصبيه

 

– بنيتي ليست أحد صفقاتك لتفعل بها ما تريد ولن أسمح لك بهذا

 

نظرت لـ رامي الذي كان يتابع كل شىء بصدمه لتردف بحده

 

– انا والدتها وأقول لك أن تلك المهزله التي تسمى خطبه لقد آلغيت

 

أرتسمت إبتسامه على وجهها وهي تجد والدتها تساندها ليردف شريف بعصبيه

 

– انت والدتها بـ الأسم فقط ليس لكي ان تتدخلي

 

– لا لست بالإسم انا والدتها بكل ما تحمله الكلمه لولا أنك من تمنعها من القدوم إليّ وليا الحق أن أتدخل متى أريد كيفما أريد

 

– خطبة أبنتي سوف تتم أجوان ولن تتدخلي حسناً

 

– إذا لـ تسأل أبنتك إذا كانت تريد أن تكمل تلك الخطبه وأن أتدخل أم لا

 

تحولت جميع النظرات لـ لين ليعرفوا جوابها بدأ الأدرنالين يتصاعد فـ جسدها بخوف فـ هي لم تكن تريد أن هذا يحدث

من عدة التراكمات اليومين الماضيين وعدم تناولها الطعام لم يتحمل جسدها الذي حدث ليهوي ساقطاً

 

…………………………

 

– انت بتتكلم جد يا أيوب

 

نظر له أيوب بثبات وهو يجيبه

 

– ايوة يا بدر انا كنت مستني اللحظه ديه من زمان وربنا أراد ان هي هتحصل

 

بدأ التوتر يسري فـ جسد بدر ليردف بتساؤل

 

– طب هتروح على فين

 

– سيب كل حاجه زي ما ربنا كاتبها بس أول حاجه هروح عندكو فـ البلد

 

اومأ بدر ليردف بتأكيد بعدها

 

– وانا هكلم أمي لما تيجي

 

– وقولها أن انا قريبكم

 

– متقلقش انا هبلغها بكل حاجه

 

………………………………

 

– واضح عندها ضغط نفسي لازم راحة وتاخدو بالكوا من أكلها لأنها على وشك الدخول فـ إنيميا و فقر دم

 

قالها الطبيب عقب أن قام بفحصها ليردف عزام وهو يملس على شعرها

 

– طب هي هتفوق امتى يا دكتور

 

– هي هتنام دلوقت عشان تحاول تخف الضغط اللي عندها وشوية وهتصحى يا ريت بلاش ضغوطات عن أذنك يا معالي الوزير والشفاء العاجل

 

بقت والدتها بجانبها وهي تتفحص شكلها ثم مالت تطبع قبله على رأسها بحب

 

– ابنتي لن أدعك وأذهب مطلقاً سوف أخذك معي

 

– هذا فـ أحلامك لن أدعك تأخذين أبنتي

 

قالها شريف بحنق ليردف عزام وهو يصرخ بهم

 

– اخرجوا انتو الاتنين برا سيبو البت تستريح

 

نظرت لـ عزام بعد فهم ليردف شريف وهو يفتح الباب

 

– أبي يقول علينا ان ندع الفتاه ترتاح وان نخرج فوراً

 

نظرت لأبنتها بتوتر وهي تردف

 

– لا يمكني أن أتركها وأذهب

 

أمسك شريف يدها وهو يسحبها مردفاً

 

– لقد تركتيها مسبقاً وذهبتي وحضورك الأن ليس له أي داعي

 

ما أن أنهي جملته حتى أغلق الباب ليميل عزام طابعاً قبله فوق رأسها

 

– عملتي ايه عشان تيجي بين الاتنين دول يا حبيبتي

 

…………………………………….

 

فـ الصباح الباكر أستيقظت وهي تشعر بألم في رأسها لتجد جدها ينام بجانبها بطريقه غير مريحه

أعتدلت فوراً لتعدل جسده ليفتح عينيه وهو يراها تعدله مردفاً

 

– عامله ايه دلوقت يا بنتي

 

ابتسمت لتطبع قبله بسيطه على جبينه مردفه بهدوء

 

– انا كويسه يا جدو

 

– ساعديني

 

قالها وهو يعتدل في جلسته لترفع هي الوسائد التي خلفه لتردف بعتاب

 

– انت ايه اللي نيمك هنا بس يا جدو ضهرك هيوجعك

 

نظر لها بطرف عينيه وهو يردف

 

– عيزاني أسيب حفيدتي اعترفي؟

 

أدار وجهه للجهة الأخرة وهو يردف

 

– وبعدين انا زعلان منك كده متاكليش من يوم الخطوبه

 

عبس وجهها وهو تردف بضيق

 

– والله ما كان ليا نفس يا جدو

 

– طب زمان اللي تحت بيحضروا الفطار وننزل نفطر علطول

 

جلست على الفراش بضيق وهي تختلس النظر لجدها فـ هي لم تعتاد أن تخبئ عليه

 

– على فكره تقدري تقولي انتي عايزة ايه

 

رفعت كتفيها وهي تردف

 

-هو انا مقدرش أخبي عليك حاجه؟؟

 

هز عزام رأسه نافياً لتردف لين بضيق

 

– بس ده سر لازم اخبي عليك

 

ابتسم ليردف بهدوء

 

– اعتبريني معرفتش و احكي

 

– المشكله يا جدو ان انا مليش دعوه بالسر ده انا محتاجه مساعده

 

– طب اتكلمي

 

تنهدت بهدوء لتبدأ بسرد ما أخبره أياه أيوب ما أن انتهت حتى أردفت

 

– انا لازم اساعدهم يا جدو مبحبش الظلم ومش عايزة أخليهم مظلومين وكمـ…

 

– مفيش كمان يا لين انتي مش هتروحي السجن تاني

 

نظرت له بصدمه وهي تردف

 

– انت بتقول أيه يا جدو هو انت اتعديت من بابا ولا ايه

 

– يا حبيبتي انا خايف عليكي لـ أحسن حد منهم يأذيكي

 

– لا يا جدو متقلقش بقى انا شبح

 

– مفيش حاجه اسمها انا شبح في حاجه اسمها ان دول مجرمين أبعد عنهم

 

– هو ايه اللي هما دول مجرمين أبعد عنهم هو انا بتعامل مع دكاتره سنان انا بتعامل مع مجرمين من الأول

 

– طب انتي عايزة أيه يا حبيبتي؟

 

– عيزاك تساعدني أحاول اشيل الحكم عنهم والاقي الحل

 

– انتي مش محاميه يا لين

 

– انا مش محاميه بس مينفعش اسيبهم من غير حل لازم اساعدهم لو انت مكاني هتساعدهم

 

– هجيب محامي مش هساعدهم والكلام خلص يا لين مش انتي بتسمعي كلان جدك يبقي كلامي يتنفذ

 

– يوووه بقى