خيوط العشق والنار ( احببت مجنون )

خيوط العشق والثأر
الجزء2 من احببت مجنون
الحلقة الرابعة عشر
فى الغردقة وتحديداً بداخل غرفة مكتب ريم بالقرية
الجديده جلس هشام مع عاصم ومراد يتحدثان فى عدة أمور
هشام ….. بصوا بقوا أنا بحكم شغلى الجديد هكون متواجد معظم الوقت فى القاهرة هكون معاكم دايما على التلفون أى حاجه محتاجنى فيها هكون هنا على طول
مراد …. حضرتك هتسافر أمته
هشام …. اول ميوصل مايك على طول هنسافر أنا وهو على القاهرة عشان يبدأ فى التصميمات الجديدة للمصنع
عاصم ….. ربنا معاكم تروح وترجع بالسلامة
بس طمنى مفيش أخبار عن ريم
هشام …. للاسف مفيش بس أوعدكم هترجع قريب وهى على ذمتى وساعتها مش هتبعد عنى أبدا
مراد …. ان شاء الله يامستر هشام
هشام … القريه والفندق أمانه برقبتكم لحد مرجع
ولو فى أى حاجه بلغونى بيها على طول
عاصم ….. حاضر نستأذن أحنا
هشام …. اتفضلوا
خرج عاصم ومراد من غرفة المكتب وبقى هشام
وحيداً متألماً حزيناً على ماصار به حبيبته لا يعلم مكانها أخرج هاتفه وشاهد صورهم معاً
تمزق قلبه وأشتلعت نار الحب بداخله
هشام …. ياترى أنت فين وأزاى قدرتى تبعدى عنى
أزاى قلبك طوعك تسبينى لوحدى
ليه ياريم رجعتينى للقسوة والوحدة تانى ليه فارقتينى
كنتى أستنى وشوفى هعرف أحميكى ولا لا
اه ياريم بس لما أيدى تطول ساعتها هعرف أزاى أعاقبك ياقلبى وروحى أنا بقت جسد عايش من غير روح ولا قلب مشيتى واخدتى قلبى معاكى
……………………..……………………..………………
هلطت للحديقة الخاصة به وجلس على أحدى المقاعد بعد أن تركها لتنام وتستريح لعلها تهدء والنار بداخلها تخمد قليلاً
جلس على المقعد وأثنى رأسه للأسفل واضعاً رأسه بين
كفيه حتى وصل منصور الذى أتى مسرعاً عندما سمع صوت رامى فى الهاتف
منصور…… أيه يارامى فى إيه صوت كان مهموم وحزين فى التلفون أنا جيت بأقصى سرعة
رامى ….. أقعد الاول وخد نفسك وبعد كده هحكيلك على كل حاجة
منصور …. وأدى قعده أحكى بقى قلقتنى
رامى ….. رنا هتروح منى وأنا واقف عاجز مش عارف أعمل حاجة خالص
منصور ….. مالها رنا فى إيه خضتنى عليها.
سرد لها ما أخبرهم به الطبيب وما وصلته له حالة رنا.بعد ماعلمت بالأمر
منصور…… لا حولا ولا قوة إلا بالله فعلا مصيبه بالنسبة لأى ست يارامى
رامى …… أنا عارف بس مش قادر أشوفها كده فى ثانيه الورد المفتحه اللى بستقوى بيها انطفت
والحزن والألم ملى قلبها
منصور ….. معلش الموضوع صعب عليها ومش سهل أنها تتقبله بسهوله
لازم انت اللى تحاول تهديها و تبقى جمبها وتحاول تخفف عنها
رامى ….. بحاول انت عارف ديه بتقلى روح اتجوز شوفت اليأس وصلها لأيه
منصور …… وانت فعلا. هتعمل كده هتسبها وتتجوز
رامى ….. أنا لا طبعا انت عايزنى أسيب رنا
يعنى أسيب عمرى وروحى وقلبى بسهوله كده وروح أتجوز علشان خاطر اخلف
لو ربنا مأردش انى اخلف من رنا يبقى خلاص الحمد لله أنا راضى بقضائه سبحانه و تعالى
منصور ….. أصيل يارامى ربنا يديم الحب بينكم
وهى عاملة إيه دلوقتى
رامى ….. نامت بعد مابكت كتير حاولت أهديها لحد مانامت
منصور ….. خليك جمبها إيه رايك لو خليت امى تيجى تقعد معاها يومين وتحاول تهديها
رامى ….. ماشى يومين كده وخليها تيجى يمكن تقدر تخرجها من الحاله اللى هى فيها
منصور ….. ماشى هروح انا أحسن هموت ونام
سلام
رامى ….. سلام
رحل منصور وصعد رامى لغرفته وأبدل ثيابه واستلقى على الفراش بجانبها وأخذها بين أحضانها وغلبه النعاس
……………………..……………………..………………
فى الصباح الباكر وصل محمد لمديرية امن القاهرة ليستلم عمله وينفذ قرار نقله بعد دخوله للمدير وتقديم اوراق نقله
المدير …… اهلا بيكى ياسيادة الرائد أتفضل أرتاح
المديرية بالغردقة بلغتنا بكل حاجة وان شاء الله تتعاون سوا أنت والمقدم مصطفى انا بلغته وهو جاى دلوقتى على فكرة مصطفى مش بس مسؤل عن قضيه رجل الاعمال رامى ومقتل والده ووالدته ده كمان يبقى شقيق زوجة رامى الدكتوره رنا اللى كانت بتعالج رامى فى المستشفى بتاعتها كل التفاصيل هتعرفها من مصطفى
دق مصطفى الباب ودخل
بعد ألقاء التحية أمره المدير بالجلوس
المدير …… أحب أعرفكم ببعض الرائد محمد المسؤل عن قضيه نبيل العضو فى مافيا اللى مسؤله عن قتل
اهل رامى
وده المقدم مصطفى المسؤل عن قضيه مقتل أهل رامى عاوزكم تتعاونوا مع بعض علشان تتقدروا توقعوا
الشبكة ديه كلها
مصطفى ….. ان شاء الله تسمح لنا نروح المكتب عندى
المدير …… اه طبعا اتفضلوا
أنصرفوا وذهبوا إلى مكتب مصطفى ليعرض كل منهم المعلومات التى لديه
……………………..……………………..………………….
زاد قلقها وتوترها أكثر فأكثر وظلت تجوب الغرفة ذهباً واياباً ماذا تفعل هل تخبر هشام بماخدث أم تنتظر حتى تهاتفها صديقتها
ظلت جولى حائرة لقد مر ثلاثة إيام ومازال هاتف ريم مغلق ولا تعلم جولى ماذا حدث معاها فلقد أتصلت بمقر الشركة بلندن واخبروها بذهاب ريم إلى المزرعة الخاصة بها ومنذ ذلك الوقت لم تتصل بهم زاد قلقها أكثر واكثر
جولى ….. ألو هاى مايك ان وصلت الغردقه
مايك ….. اه أنا فى المطار
جولى ….. انا مش عارف أعمل إيه ريم تلفونها مقفول بقاله ٣ أيام ومش عارفه أتصرف أزاى
مايك ….. طب أهدى وانا حاحاول اتصرف
جولى ….. أوك مايك بس أبقى طمنى
مايك ….. اوك بيبى باى
أغلقت الخط وجلست بجوار صغيرتها ريم
تداعبها فتبتسم لها
……………………..……………………..…………..
توقف المطر وأنقشعت الغيوم وأشرقت الشمس
مرة أخرى وتخللت أشعتها نافذة الغرفة لتداعب وجنتيها الجميلتين فأستقظت بتعباً شديد وصداع
يكاد رأسه ينفجر أعتدلت فى جلستها لتجد الساعة أصبحت العاشرة صباحاً ولم يستيقظ رامى بعد
فحاولت أيقاظه بهدوء
فأستيقظ على وجهاها الجميل
رامى ….. صباح الخير على اجمل رنووش فى الدنيا
رنا …… صباح النور ياقلبى أنت أتاخرت أوى على الشركة
رامى …… لا ياسيتى انا أجازة أنهاردة وأنتى كمان هتاخدى أجازة وهتقضى اليوم كله مع بعض
رنا ….. أنا أساساً مش هروح الشغل تانى هاخد أجازة لحد مقدر أخرج من الحالة اللى أنا فيها دلوقتى
رامى …… ياحببتى أنتى كويسه وان شاء الله نعدى الازمه ديه زى اللى فاتت
رنا ….. تفتكر هقدر أعديها
سالت الدموع على خديها وأغمضت عيونها بألم
يمزق صدرها
أمسك وجهها بين كفيه ونظر فى عيونها الباكيه
المتورمة من شده البكاء ليله أمس
رامى ….. اللى خلاكى تتحدى الدنيا كلها وضحى بمستقبلك عشانى وتفضلى جمبى لحد مافوق هيخليكى ترجعى رنا حببتى القوية تانى
بكت أكثر فعانقها بشدة ومسح دمعته
رامى ….. ياله بقى أقومى أجهزى عشان نلحق اليوم من أوله ده أنا هفسحك حتت فسحه
نهضت رنا ودلفت إلى الحمام والتقت رامى هاتفه
واجرى اتصالا مع منصور
منصور ….. ألو صباح الخير يا رامى
رامى …… صباح النور بقلك انا هاخد اجازة يومين
ثلاثه كده
منصور ….. مفيش مشكلة انا موجود كلم كريم أبن عمك وبلغه لو فى حاجه انا موجود وبقلك خدها وروح الغردقة هشام عامل قرية هناك على مستوى عالى جدا هتتبسطوا فيها
رامى …. فكرة بردة اهه نغير جو وتطلع من الحالة اللى فيها
منصور …. أنا هتصل بهشام وخليه يجهز كل حاجة
رامى ….. ماشى سلام بقى قبل متطلع من الحمام
منصور ….. سلام
نهض هو أيضا وذهب للحمام بعد أنتهاء رنا منه
واخذ شاور وخرج وجهز حقيبه صغيره وضع بها بعض الملابس له ولرنا دخلت رنا فأستعجبت مما راته
رنا ….. أيه ده انت مسافر
رامى ….. ههههه لا قصدك مسافرين احنا هنسافر سوا ياحببتى
رنا ….. هنسافر هنروح فين
رامى ….ديه مفاجاه ياله بس البسى عشان نلحق نفطر قبل مانمشى
يحاول رامى جاهداً تغير مود رنا لكنه لن يستطع