مسلسل سعاده كاذبه الجزء الاخير

مسلسل سعاده كاذبه

الحلقه 77

وطول الليل قعدت نبكي انفكر في ماما وانفكر في كلام مراد معش عرفت روحي نا اللي غالطه ولاه هو وانفكر في كلام نجاح

ووعيت الصبح علي يد مراد مسكتني من شعري
نا ؛؛ اهااااا مراد
مراد ؛؛ كرني وطلع بيا بره وخششني للدار النوم وصكر عليا
تو اتوتي دبشك انشيلك انتي مش هنا مكانك انتي تمشي تقعدي اتبكي علي ذكرياتك لحبيبك غادي خيرلك يا خاينه

نا ؛؛ تميت انوخر ونبكي وخايفه

والله يا مراد ماغلطت انت عطيني فرصه نحكي بس
مراد ؛؛ قرب مني ومسكني من يدي وفصعها ليا

نا ؛؛ نبكي وبصوت مخنوق
اهااااا مراد بشويه خلني نحكي بس

مراد ؛؛بصوت عالي

اتحسي تو ليش ما حسيتي بيا وانتي تحكي علي ماضيك الاسود اللي و متحسفه عليه ياانانيه يعني كل كلمه وكل حاجه درتيها معي كذبه اتجاملي فيا ياايه يا ويتي تكذبي عليا يا ويتي

نا ؛؛ انبحت في اعيونه ونبكي لان كلامه واعر نحكي بصوت متقطع من العبره اللي خنقتني

والله انحبك والله انحبك انت والله كل لحظه معاك ما كذبت فيها انا انحبك انت
امس نا حكيت لان قهرتني دارت روحها مظلومه وانها رضت تمشي لطرابلس واتعيش في فقر وانها اقعدت تخدم كوافير كان هي صارلها فقر وذل والهانه كان من اختيارها هي رضت علي روحها تمشي معه واتخلني نحن خواتها ندفعو في الثمن هي مشت وازوجت وعاشت حياتها نحن دفعن ثمن غلطها
نحن اللي انطمسنا في الحوش وانحبسنا وانحرمنا من القرايه
ونحن عشنا مع انسان يضرب وايهزب فينا علي طالعه وخاشه هي علي اقل خذت مجدي ريحها وشكراته نحن قعدن مع عادل بضرب والهزايب كيف تبي نستقبلها وهي سبب مرضت ماما بسبب ماما اللي فيها منها واهي تو ردت وردت ماما مرضها كيف تبي نستقبل وحده كرهتني في روحي وفي معيشتي كنت اندافع عليها لاني منقهره منها ولاني انحبها هي اختي الكبيره انحبها والله علي قد ما نحبها قهرتني قهرتني يامراد وجعتني بعد هالسنين ردت تبي اترد مشاكل زمان ولا شنو هي تجني علي روحها نا خايفه عليها من عادل ولما شفت بنتها خفت عليها اكتر ماتمنيتهش اترد بيش اتعيش بنتها واتربيها
اتربيها في طرابلس غادي وماحد عارف قصتها وماتسببش عقده لبنتها ساد نحن سببتلنا

من كثر البكاء والكلام اثار في مراد وحسني مظلومه طلق يدي ونا طحت علي الارض طول وتميت نبكي
وهو قعمز علي السرير وايبحت فيا
نا ؛؛ ما خنتكتش ولا عمري ح انخونك نا امس حكيت شن صار لي من بعدها بس انا انوري فيها شن خلت فينا
والله انحبها وامرايفه عليها وكان خاطري نحكيلها حياتي كلها من طلعتها من حوشنا بس اللي صار لماما هو اللي وقفني وقفني من الكلام

مراد ؛؛ تم ايهز في كراعه وايبحت فيا

خسرتك خطيبك يا ايه

نا ؛؛ مراد فيش حد ماعندش ماضي والله ما نحبه والله ماندور فيه نا نحكي بس شن صارلي بعدها بس نحكيلها كيف فكرت في روحها وعدت وخلتنا
نا حياتي من قبلك جحيم ماكنتش حياه نا ذكرت حياتي قبلك بس ماحكيتش عليك تقبلني وتقبل ماضي الشين الاسود اللي ملينا قهاير تقبلني كيف ما تقبلت ماضيك تقبلت انجي نرقد معاك ونعاشرك و عارفه ان في انسانه قبلي هنا في قلبك وفي عقلك وفي صدرك وفي سريرك وكنت اتحبها
تقبلت اني انكون الانسان الثانيه في حياتك

تقبلت وقالت اكيده كم مره وهو ايعاشر فيا اكيده بينه وبين روحه ادير في مقارنه بيني وبينها

تقبلت يوم اللي شفتها تبكي وحسستني اني حقيره ومخربه بيتها
تقبلت ان انحب انسان وعارفت عايش اكبر قصة حب قبلي اللي ياما دار فيها
تقبلت وتقبلت وتقبلت وساكته وكاتمه في روحي
تقبلت وراضيه بتقبلي لاني انحبك والله انحبك وماعمريش خنتك وربي يشهد عليا ما عمري خنتك ولا ح انخونك

مراد ؛؛ اييحت فيا ومنصدم
انتي كيف تبني انتقبلك وانتي تذكري في ماضيك في حوشي يا ايه حتي ولو هي دارت الشيء هذا ماكنتيش تحكي وكانك متحسفه علي ماضيك انا اللي وصلني امس انك نادمه في زواجك مني مش كيفي نا ماضي ناسيه مش كيفك انتي تذكري فيه

نا ؛؛نا امس انجبرت اني نذكر لان انت اللي رديتها وجبتها للحوشي
من دون ما نحس بروحي صبيت ونا نفتح في الباب
مراد ؛؛ ايييييييه نا نحكي تقريبا
نا ؛؛ ما سمعتش كلمة وطلعت وخشيت نجري لحمام وتميت نبكي
مراد ؛؛ لحقني وتم ايخبط اللي قدام بكراعه
نحكي مانيش كلب تو تطلعي راه انكسر ونخش

نا ؛ قعدت امقعمزه في الحمام ونبكي ومابيتش انرد

مراد ؛؛ خبط باب الحمام بقوه وافتحه عليا وصب ايبحت فيا واعيونه ملينات غضب

اطلعي تو هيا
نا ؛؛بصوت مخنوق
تبي اتشيلني
مراد ؛؛ نا ديمه انقولك الغموض امتعك ايخوف فيا وطلعتي ياما داسه وشايله
انتي معش تلزمني

نا ؛؛ وكأنه حاجه خشت للقلبي و وقفاته
للدرجه هذه
مراد ؛؛ طلع وسيبني

وطلعو بيده وارحيمه من الدار يبكو
ونا مشيتلهم نجري وتميت انضبط فيهم وانهدي فيهم وخشيت بيهم للدار

مجدي ؛؛ خلاص انجوحه اهدي هذا شيء من امس وانتي تبكي ما وقفتي بكل ارحمي روحك

نجاح ؛؛ مانحسبش خواتي اديرن هكي ايه ماعمريش توقعت اديرلي هكي
مجدي ؛؛ اتلوميهن وتعذريهن يانجاح خلاص
نجاح ؛؛ مش انت قالت يطلع الضيء نمشو لماما هيا خلاص
مجدي ؛؛ وكان شافوك خوتك
نجاح ؛؛ اتصدق علي قد ما كنت خايفه منهم زمان علي قد تو مانحسش فيهم نا نبي انواجهم خلاص سادني ونا نهرب منهم بالكي قلبهم رهف عليا اشويه وايحنو

مجدي ؛؛ باهي هيا صبي غيري بس ايه خليها راقده هنا لان نحن مش ح انطولو
نجاح ؛؛ باهي هيا بس عمتي شن اتقوللها وين ماشين
مجدي ؛؛ انقولو الحقيقه شن يعني خلي اللي يسمع يسمع

نجاح ؛؛ هيا انغير بس
وصبت ومسك مجدي يدها
مجدي ؛ اسف حبيبي
نجاح ؛؛ نزلت عليه واضبطته
ماتاسفش ياحبيبي انت اللي درته كله علشان اتحبني ونا امقدره انت خفت عليا والله حبك ومعاملتك ليا هي اللي مصبرتني علي هالحياه والله انحبك ومش مستعده نستغن عنك بس في نفس الوقت معش نقدر نصبر خلاص جا وقت اللي انتصالح نا وهلي لعند امتي وهم ظالميني

مجدي ؛؛ حب علي راسها
نبيك اتوسعي بالك لخواتك خليهن يحكن اللي في خاطرهن واعذريهن اصغار
نجاح؛ ؛ ان شاءالله هيا خلاص وقت بدال ساعه 7

طارق ؛؛ ارجيوه راه غلطتي حسب مافمهت منك خلاص اختك اكبر منك وانتي عارفتيه مظلومه ليش اتزيدي عليها خلاص
رجاء ؛؛ عارفه روحي كثرت عليها بس والله هذا كله من الحرقه اللي في قلبي 6 اسنين مش اشويه 6 سنين ونحن عيشات في ظلم في الهانه والذل 6 سنين ونحن مكروهات عند الناس وحيلتنا جحيم

طارق ؛؛ حتي هي عاشت 6 سنين صعبات ومكروه يكفي اقعدت 6 سنين وهي منحرمه من هلها

رجاء ؛؛ واللي قهرتني انها ردت عن طريق مراد راجل ايه يعني كﻻ مالها ادمر في ايه اخري زمان خربت عليها وتو ح اتخرب عليها اخري

طارق ؛؛ خلاص ارجيوه نا واخذ عليك طيبه وحنونه مانحسبكش هكي
رجاء ؛؛ حبيبي خلاص هلي تو ايجو روح انت
طارق ؛؛ وانسيبك ياهبله اوحدك
رجاء ؛؛ الليل كله وانت جنبي خلاص تعبتك معي
طارق ؛؛ نا عندي اجمل وقت هو جنبك انتي هنا
رجاء ؛؛ نبي نبرم علي ماما
طارق ؛؛ سراج مستلمها
رجاء ؛؛ اهاااا
طارق ؛؛ وتبيني انعدي خلاص هيا امسحي ادموعك وتو انعدي انجيبلك قوه وكيكه بيش تفطري
رجاء ؛؛ به زيدلي ميه عطشانه
طارق ؛؛ حاضر

وصب طارق ومشي للكافتيره
رجاء اقعدت حاطه اكراع علي اكراع وامنزله راسها علي يدها وتبكي وتمسح بيدها التانيه في دموعها

واتخش نجاح ومجدي وايشوفوها
نجاح؛ ؛ بحتت في مجدي والعبره خنقتها
مجدي ؛؛ امشيلها
نجاح ؛؛ عدت بسرعه وجت عند كرعيه وطبست عليها
رجاء ؛؛ انفجعت ورفعت راسها وبحتت فيها
نجاح ؛؛ امسكت ايدها وتمت تبكي ومنهاره

اسفه ارجيوه والله اسفه والله عارفه روحي ظلمتكن والله امرايفه عليكن والله ماني غالطه والله انتي ماشفتيش اللي شفته والله عابين يقتلوني في جامعه والله مجدي خذني من حبه ليا بس والله عارفه روحي في الحظه هذاكي قعدت انانيه فكرت في روحي مافكرتش فيكن والله اسفه وعارفه اسفي هذا مش ح اديرها اي حل بس انا مستعد اندير اي حاجه بيش انردكن مستعده اي حاجه انديرها والله امرايفه امرايفه سنين ونا نحلم بيكن وانقول شن شكلهن تو وشن صار فيهن في هالدنيا سنين ونا كل يوم انعبي مخدتي ادموع من ارايافي عليكم ومن ظلم الناس اسنين لا يوم ولا يومين

رجاء ؛؛ اضعفت قدام نجاح وقدام دموعه وكلامها حست وكانها حقيره اللي خلت اختها الكبيره تحكي معها هكي

طول انزلت عليها وتمت تضبط فيها وتبكي
نا اللي اسفه ياخيتي اسفه ماستقبلتكش والله نا بروحي امرايفه عليك ونرجا في اليوم اللي اتخشي علينا والله ماعمري انسيتك والله نا عندي نتعارك معاك ونغلط فيك ولا انخلي حد يغلط فيك والله رايفت عليكي انتي مكانك في قلوبنا ماعمرنا نسينا يوم ان عندنا اخت مظلومه في طرابلس واخري عارفه ان عندك بنت وحده بس بيش تعرفني اني مانسيتكش رايفت عليك ورايفت علي ايامنا

وجا طارق ولقهن يبكن ويحكي وامضبطات بعضهن ولقي مجدي امصبي ورهن وكان متاثر بالموضوع

نجاح ،؛ ووووو رايفت عليك وعلي كلامك وعلي اللسانك الطويل امرايفه علي جوك امرايفه علي قعمزيتنا تحت بطنيه وحده امرايفه لما تجدني وتطلبن مني سحلب امرايفه عليكن وعلي حاجات واااااجد امرايفه وساكته وكاتمه في سري بس ربي الوحيد اللي عالم بحالي

مجدي ؛؛ نجاح رجاء خلاص صبن وقعمزن

قعمزن علي الكرسي وتمن يمسحن في ادموعهن وامسكن ايدين بعضهن

طارق ؛؛ قرب ومد ميه ل رجاء ولنجاح
نجاح ومجدي ؛؛ بحتو فيه بالاستغراب
طارق ؛؛ نا طارق خطيبها
مجدي ؛؛ اهااا اهلا بيك

نجاح ؛؛ خذت الميه وبحتت في رجاء وابتسمت وحكتلها بصوت واطي
والله عرفتي تختاري يا فرخه

رجاء ؛؛ امسحت دمعتها واضحكت
ليا سنه مخطوبه
وشربت ميه
نجاح ؛؛ ماما وين
رجاء ؛ في العنايه قاعده
طارق ؛؛ ارجيوه خوذي قهوه انتي ونجاح و انعدي انزيد ليا ول مجدي
رجاء ؛ به شكرا
مجدي ؛؛ لا تو انعدي نا
طارق ؛؛ خليك تريح ماشي نا
ومشي طارق

مجدي ؛؛ وجه مار عليا واجد
رجاء ؛؛ انور ولد خالتك
مجدي ؛ اوكي اوكي هذا طارق الفلان
رجاء ؛ اهااااا
مجدي ؛؛ وووو الدنيا اصغيره كلاه هي
نعرفه كانه صاحبه رفيقه رفيقه زمان ماعمريش شفت انور بلاه

رجاء ؛؛ لعند تو مازلو هكي
نجاح ؛؛ شكله اكويس
رجاء ؛؛ اهااا الحمد الله
مجدي ؛؛ مشاغب صااااح
وغمز ل رجاء

رجاء ؛؛ نزلت راسها
ههههههه اها بكل اخري كيف عرفته
مجدي ؛؛ ومن مايعرفه
نجاح ؛ كيف عرفتيه
رجاء ؛ مايقعد سلف ايه
نجاح ؛؛ بحتت في مجدي وغمزتله معناها عدي
مجدي ؛؛ فهم غمزتها وابتعد وجاه طارق وتمو يشربو في القهوه

نجاح ؛؛ علاقه انتي وهو
رجاء ؛؛ اهاااا اكيده بس علاقة شهور بس طول خطبني
نجاح ؛؛ وايه علاقه
رحاء ؛؛ لا روادت خالتي فاطمه مايقعد مراد وطارق اعيال خو خالتي فاطمه بعدين انتي عارفه ايه هبله وماعندهش في الوجيج

نجاح ؛؛ وايمان
رجاء ؛؛ استاذها ومعجب بها خطبها طول بلا علاقه لا شيء
نجاح ؛ كلا اميره قصتها هي وليد مستحيل ننساه وووو مانحسبش ايجي يوم وانشوف اميره بطنها قدامها من وليد علاقتهم من الطفوله كبر معهم حبهم
رجاء ؛؛ انتي عارفه اختك لما حبت شن دارت ياما صار فيها بيش خذت وليد هذا ووليد ابروحه تعب في العلاقه
تنهدت تنهيده طويييييييله والعبره خنقتها
كلنا تعبانا وياما شفنا ماما تمرض علينا وكل يوم ايمر نحمدو في ربي مئه مره انها مازالت قاعده معنا اتعبت واااااجد

وايجي سراج وبحت في رجاء ومشي
نجاح ؛؛ صبت
دكتور
سراج ؛؛ التفت نعم
نجاح ؛؛ شن اخبار ماما
سراج ؛؛ عندها جلطه دماغيه
رجاء ؛؛ شننننن
صبت ابسرعه

وتقربو مجدي وطارق من سراج

سراج ؛؛ الله غالب ادعولها تطلع بسلامه
رجاء ؛؛ حطت يدها علي فمها وتمت تبكي
نجاح ؛؛ تمت تبكي وتضبط في رجاء

سراج ؛؛ بحت في رجاء وفي لابستها وفي يدها اللي فيها دبله
طارق ؛؛ تقرب منها ومسكها
تعالي خلاص ابكاء ادعيلها مش تبكي

رجاء ؛؛ حولت من نجاح وبحتت في طارق وشدت علي يده

ماما ياطارق ماما

سراج ؛؛ شافها وبرم وجه وعدا بسرعه خش لمكتب وهو متعقد

نجاح ورجاء اقعدن يبكن وقعمزوهن و يرجن في اي حاجه اتخليهن ايخشن علي ماما

…..

مراد ؛؛ هيا انزلي
نا ؛؛ ودمعتي علي خدي
تبيش اتجي تاخذني
مراد ؛؛ نا قالت انزلي خلاااص
نا ؛؛ به نبي نمشي انشوف ماما
مراد ؛؛ تطلعي اتخشي مادخلنيش بيك وورقتك ح اتجيك ماتخافيش بيش تاخذي راحتك اكتر في تفكيرلك للماضي
نا ؛؛ فتحت الباب ونزلت
وفتحت الباب الخلفي ونزلت العويل
وانفتح باب حوشنا وكان خالد
خالد ؛؛ صباح الخير
نا ؛؛ التفت عليه
صباح النور
ونزلت شنطتي وشنطة العويل وساعدني خالد واستغرب الشنطاي بس مابش يحكي
نا ؛؛ من اللي جوا
خالد ؛؛ امل واميره ووليد باتو في الحوش

ومشي مراد بالسياره بدون ما يحكي معنا ايدخن وايخبط في الدومان بقوه بيده نين وصل للمستشفي ولقي خواتي وطارق ومجدي
سلم عليهم ومشي لعمله

اميره ؛؛ كنك جايبه شنطتك
نا ؛؛ قاعده هنا
اميره ؛؛ كنك شن في

نا ؛؛ خشيت للدار وحطيت الشناطي وحولت عبايتي وقعمزت علي سرير رجاء و تميت نبكي
جوني ارحيمه وبيده واقعدو جنبي تميت انضبط فيهم ونبكي

وخشت عليا اميره ولقتني نبكي سكرت الباب وقعمزت جنبي
اميره ؛؛ ويه كنك
نا ؛؛ تعاركت مع مراد وقالي معش تلزميني
اميره ؛؛ هييييييي شن عليش
نا ؛؛ ……………..
اميره ؛؛ هيييييي معقوله حي عليك
نا ؛ ماعنديش حظ مهما اندير ماعنديش
اميره ؛؛ بس ياويه انتي غلطتي امس وهو من حقه يزعل
نا ؛؛ نحكي والعبره خنقتني وصوتي دوبه طالع من البكاء والخنقه اللي فيا

تعبت واجد في حياتي انا اللي حكيته كله صارلي من قبله وبعدين راه مراد قاسي معي في باديه زواج انسيتي كيف كان يضرب فيا ويحبس فيا بكم يوم في الشقه نا نحكيش صاح لاني انحبه وساكته وراضيه لاني مانبيش نخسره
اول رمضان معه نفطر اوحدي في المطبخ مراد ايجن اوقات ايعاملني كاني خدامه له ولعياله بس انا اللي هبله وحنونه وطيبه مجرد مايجني ايرضني نرضا طول وننسي اللي داره كله مراد يوم من الايام جا يبي يضربني ضربه قويه وقف بس علشان عرفني قالتله نا حامل
خاف علي العيل اللي في بطني قبل ما يخاف عليا
حبيته وانحبه وانموت فيه موت تحملت بس علشان انحبه
ماننكرش ان هو ايعوض فيا بحبه وحنيته عارفته حنون وطيب وواعر والحاجات اللي ايدير فيهن كلهن من ورا قلبه عارفته ان لما يرضي ويهدي ايرضني هذا عليش متحمله كل بس علشان انحبه وانموت فيه وعارفته ايحبني

اميره ؛؛ خلاص ويه اسسس فجعتي اعيالك قاعدين يبكو حرام عليك
نا ؛؛ حتي الفطور مافطرتهم وعني من الصبح قالي وتي ادبشك واطلعي
اميره ؛؛ به هيا حتي نحن كيف فاطرين تعالي فطريهم واهدي تو ايجي مراد وياخذك نا متاكده

نا ؛؛ ما ظنتيش يااميره زمان لما نزعل منه انقوله نبي هلي ايقولي تمشي هلك بورقتك بدال وانتي علي ذمتي في حوشي تقعدي والمره هذه اول مره يطلعني حتي لما قالته ماشي لماما في المستشفي فالي خوذي راحتك وورقتك ح اتجي
شكله خلاص عابي عليها من بختي ومن بخت هالعيال ما عنديش حظ مهما اندير ماعمريش طولت في فرحتي

اميره ؛؛ تمت تبكي
خلاص علشان خاطر ماما بس

نا ؛؛ تميت نمسح في ادموعي
اميره خوذي العويل وفطريهم
اميره ؛؛ حاضر ماعليك امغير صبي اغسلي وجك واهدي وتعالي معنا خالاتي تو ايجن هنا راه
نا ؛؛ نبي نمشي لماما

اميره ؛؛ نجاح غادي مع رجاء تو كنت نحكي مع رجاء نا ؛؛ وعادل وعلي
اميره ؛؛ امس صارت ليله سوده لما روحو كلمهم خالي وحكلهم وياما صار جا محمد ووليد وتمو ايهدو فيهم عادل قال انشوفها خاشه للحوش نقتلها الا علي وخالد اسكتو بعدها ورضو

نا ؛؛ عادل هذا وشن يهديه
اميره ؛؛ يسترالله مايشوفها في المستشفي خايفه عليها نا بعد هالسنين اتجي وادير فيها حاجه عندها بنت تو

نا ؛؛ خوذي العيال نبي انخش لحمام وحس الباب ايدق راه يطلعو العويل

اميره ؛؛ ماعليك فيهم عدي بس
وخشيت لحمام وطلعت اميره وفي ايدها العويل ولقت امل تفتحت في الباب وخشن خالاتي وبعد اشويه جو عيت علي ونزلت نعيمه وجت ايمان وحوشنا كايب بكل كل وحده ودمعتها علي خدها

علي ؛؛ هيا نا ماشي نبرم علي امي
نا ؛؛ نبي نمشي معاك بالمره اتروح رجاء اتريح ونا نقعد معها
علي ؛ باهي هيا نعيمه وين عادل
نعيمه ؛؛ في العمل طلع من الصبح بدري

……… …………………….

مجدي ؛؛ نجاح هيا خلاص هلك اقريب ايجو
نجاح ؛؛ نبي ناخذ ايه ونمشي للحوش هلي
رجاء ؛؛ ﻻﻻ يانجاح تو روحي خلاص خشينا وشفنا ماما و اميره قالتلي امس وليد وخالي عيسي حكي مع خوتي خالد وعلي هدو بس عادل مازال انتي روحي اكيده ح يحكو معه اخري خليه نين يهدي وتعالي بعدها
نجاح ؛؛ رجاء عطيني رقمك
رجاء ؛؛ 091…….
نجاح ؛؛ اهو اللي ايرن رقمي خزنيه وخلني بينتنا فون
رجاء ؛؛ تم سلام
نجاح ؛؛ سلميلي علي ويه واحكيلها
رجاء ؛؛ انتي عارفه ايه طيبه وتو ترضي

وروحت نجاح وبعد اشويه جينا نا وعلي طبعا طارق لما شفنا اختفي وما خلش علي ايشوفه

وقعدت نا مع ماما في المستشفي وروحت رجاء وروح طارق

خالتي سالمه؛؛ شن اخبار عيشه تو
رجاء ؛؛ في العنايه جاطه دماغيه عندها
ايمان ؛؛ شننننننن امتي قالوها
رجاء ؛؛ اليوم في الصبح
اقعدن يبكن ويضبطن في بعضهن

اميره؛ ؛ نجاح روحت قبل مايشوفها علي
رجاء ؛؛ اهااا
نعيمه ؛؛ قصدكم نجاح اتجي في المستشفي
رجاء ؛؛ بحتت فيها وفنصت
اها جت امشي وصليها لعادل باهي ياشهداره ياشيلة الكلام

خالتي فاطمه؛؛ رجاااء
نعيمه ؛؛ ليش انتي مازالتي امرفعه راسك بها
رجاء ؛؛ اهاااا كنها شن الغلط اللي دارته
نعيمه ؛؛ كيف انجددلك الماضي
اميره ؛؛ نعيمه فكينا من المشاكل لو سمحتي
خالتي فاطمه؛؛ خشي يارجاء جو خيرلك
رجاء ؛؛؛عارفه والله راسي يوجع فيا وتعبانه ومش فضيتلك والله كاني رايقه عرفتني انتي

نعيمه؛؛ ش….
خالتي سالمه؛؛ حطت يدها علي فمها
رجاء ؛؛ احكي احكي شن
امل ؛؛ كرت رجاء وخشت بها جو في الدار
رجاء ؛؛ تمت تسلح في الوشاح والجاكه ومتعقده
امل ؛؛ حكيتي معها
رجاء ؛؛ بحتت في امل وهزت راسها معناها اها
وخنقتها العبره
امل ؛؛ اقربت منها واضبطتها
والله عارفتك احنينه ومش ح اتشيلي منها

رجاء ؛؛ اصلا نا مستغربه من روحي كيف درت هكي امس
وخشت دعاء وشايله ارحيمه وايمان شايله سجودي
دعاء ؛؛ شن حكيتو شن حكيتي معها
رجاء ؛؛ ارحيمه حبيبي نجك ليا وين بيده
دعاء ؛؛ افطور وردو ارقدو بس ارحيمه وعي تو رجاء ؛؛ اها متعودين يرقدو في الصبح
ايمان ؛؛ رجاء شن حكيتو
رجاء ؛؛ علي اخبارنا اطلعت حياتها صعبه قالتلي هله مابوش يستقبولها واطرو يمشو للطرابلس وقالت انها جت مره هنا وفتحلها عادل الباب وضربها ضربه شين وروحت خذت شهادتها وماحصلتش عمل اقعدت تخدم في كوافير وسمت بنتها ايه علشان تمت تحلم بها واجد وخاصة وهي حامل وبعد ايه معش حصلت بيبي قالت نجري علي الحمل ليا 4 سنين اندور وعمها توفاء وجو هنا للعزاء وعمتها مسكتهم لان ولدها التاني بره ليبيا وماعندهم حد الا مجدي وقالت الناس كلها حكتلها علي دكتور مراد ان اكويس وشاطر وقالت جيت وحجزت وخشيت ومش عرفته وهو اللي عرف روحها لان تشبهلن وقراء الاسم وتاكد
ايمان ؛؛ وووووو دنيا مااصغرها يعني ربي خلي مراد يطلق ويزوج ايه ونجاح معش تحمل ويتوفي عمها واتجي هنا واتعدي للمراد واترد لنا وووووووو

امل ؛؛ سبحان الله الدنيا دواره
دعاء ؛؛ بس ابنيتها اتجننننننن امس عجبتني
ايمان ؛؛ اهاااا اتهبل واخذه السمحه في بوها وامها
امل ؛؛ انحس فيها تشبه خالتي عيشه صاح
دعاء ؛؛ والله صاح تشبهلها
رجاء ؛؛ بنات تعبانه نا اطلعن خلاص نبي اندير دوش ونرقد
امل ؛؛ كولي حاجه
رجاء ؛؛ ﻻﻻ واخذ كيكه وقهوه وماعنديش نيه
امل ؛؛ باهي هيا بنات
وطلعنا البنات وخشت رجاء دارت دوش واطلعت وخشت تحت البطنيه ولقت طارق ران عليها عاودت رنت
طارق ؛؛ بصوت راقد
ها حبيبي وينك
رجاء ؛؛ كنت ندوش وتو نبي نرقد
طارق ؛؛ اهااا اسمعي ماتمشيش للمستشفي بلاي
رجاء ؛؛ حاضر حبيبي راقد انت
طارق ؛؛ شن رايك
رجاء ؛؛ والصاله
طارق ؛؛ انور فيها
رجاء ؛؛ باهي سلام تو
طارق ؛؛ ماتحطيش فونك علي صامت
رجاء ؛؛ معناها ماترنش انت
طارق ؛؛ وعليش انقولك ماتحطيش فون علي صامت ياهبله
رحاء ؛؛ اللي هو انت ابسرعه ماتوعي مش كيفي تو توعي واترن تزعجني
طارق ؛؛ قعدت ازعاج نا
رجاء ؛؛ اسفه
طارق ؛؛ انحبك
رجاء ؛؛ انا اكتر سلام
طارق ؛؛ سلام
……………………..……..

نا ؛؛ دكتور نبي انخش انشوفها
سراج ؛؛ به تعالي

خشيت نا وسراج علي ماما
نا ؛؛ نزلت علي يدها وتميت نبكي
سامحيني ياماما كان زعلتك سامحيني
سراج ؛؛ ربي يشفيها
نا ؛؛ قصدك تقعد هكي
سراج ؛؛ جالطه دماغيه مش ساهله يا ايه قولن الحمد الله
نا ؛؛ الحمدالله
وتميت نبكي
سراج ؛؛ ايه رجاء انخطبت لطارق
نا؛ رفعت راسي وبحتت فيه بالاستغراب
سراج ؛؛ من امتي باهي
نا ؛؛ لهم سنه
سراج ؛؛ ربي ايوفقها
نا ؛؛ ان شاءالله
سراج ؛؛ ياريته تغيرت من ايامي الانسانه الوحيده اللي حبيتها
نحن هكي طبعنا غالي علينا اللي ايجرحنا وايفرقنا

نا ؛؛ بحتت في سراج وحسيته متغير بكل مش سراج البشوش اللي اول ماعرفنه اللي ديمه الابتسامه علي وجه

بس مرات الزمان ايخليك اتحب انسان كنت رافضه في حياتك اتحب هو واتمن انك عرفته من زمان اتحب اكتر ماتصور

سراج ؛؛ اتحبه لما مايكونش في انسان حافر في قلبلك والمشكله انك اتشوفه مهما يطول الزمان والاه يقصر اتشوفه اتشوفه مع غيرك ومتغير كيف ماتبي وتنقهر اكتر

نا ؛؛ نزلت دمعتي وطلعت بسرعه من الغرفه نمشي وامنزله راسي وخبطت في صدر

نعرفه زييييييييييييين انحبه وانموت فيه موت انحبه وانحب بنته المكان الوحيد اللي انحس فيه في الامان وقفت ومابيتش انتحرك لان عجبني وضعي هكي انحبه برغم اي شيء انحبه
ورفعت راسي …………….

يتبع