مسلسل سعاده كاذبه الجزء الاخير

مسلسل سعاده كاذبه

الحلقه 99

مراد ؛؛ ايه ايه ايه 
نا ؛؛ نعم
مراد ؛؛ نسالك انتي مش عارفه الحوش من شره
نا ؛؛ ﻻ ما نحن درنا توكيل للعادل وباعه وعطنا الفلوس وسافر ما دورنش من شره ليش من شره
مراد ؛؛ متاكده انتي
نا ؛؛ والله كنك عليش شن فيه راه مالنا شيء بعنا الحوش
مراد ؛؛ الحوش تو باسم
سراج

نا ؛؛ كنت امصبيه وماسكه طاسه في يدي طاحت مني وانكسرت من الصدمه

مراد ؛؛ شفتي انتي صدمتي شن انقول علي طارق باهي مازال ما عرفها وكان يعرفها ادير اكبر مشكله

نا ؛؛ به ليش ليش يشري فيه مافيش الا هو يشريه
مراد ؛؛ نا جاي نبي نشريه ولما حكيت مع حاتم قالي انباع في المكتب خلاص بس طولو ماقالولكم لان سراج طلب هكي مابش ايوري شخصية الا لما جا يوم اللي وقع فيه هو وعادل

نا ؛؛ قعدت امصبيه ونبكي
تو ايخرب بيت رجاء شن دار هذا شن دار

مراد ؛؛ نا شايل حمل طارق لما يعرف شن ايكون ردت فعله والله نكذب كان قالتلك خايف منه يقتله سراج دار اكبر مشكله ونا ماشي نحكي معه هذا اللي وجيج الصبايا شفتي

نا ؛؛ مسكت في مراد
حبيبي والله ماادير مشكله فكنا بالكي طارق مش ح يعرف والله رجاء ح تنهار بعدها نا عرفتها رجاء هي اصلا امسيبته من قبل ماتعرف طارق هي دارت علاقه كيفها كيف البنات وهو اللي سيبها ومشي ازوج وهي بعدها ازوجت هي مادرتش غلط ياحبيبي

مراد ؛ كرني واضبطني
عارف حبيبي بس طارق طارق هبل ومانعرفش شن ادير كان يعرف واعره راه اتعاشر مراه وانت تقعد عارف عندها ماضي وحبت انسان قبله واللي تقهر ان تلقي الانسان التاني مازال يبيها وادير في المستحيل بيش ايردها راهي واعره

نا؛؛ المهم هي تبيه واتحبه وماتخونش فيه واهي ام اولده و حامل منه خلاص هم تو عائله

مراد ؛؛ ان شاءالله خير نا جيت نسال فيك نبي نعرفكن عارفات او لا
نا ؛؛ لا مش عارفين لان مادورنش عادل ما حكش معنا عادل باع وافلوسنا عطهن لخالد ومشي سافر طول
مراد ؛؛ و رجاء
نا ؛؛ مستحيل نا عارفه
مراد ؛؛ متاكده
نا ؛؛ متاكده اهااا رجاء وعرفتها مستحيل اتخون
مراد ؛؛ باهي ماشي تو
نا ؛؛ لليل تو حبيبي
مراد ؛؛؛ نضمنه ان في الحوش تو ماشي
نا ؛؛ رد بالك من روحك ووسع بالك مرات تقدر تقنعه انه ايبيعه
مراد ؛؛ ان شاءالله خير

طلع مراد ومشي وهو طول طريق ايفكر في طارق وردت فعله وغمتله بكل

سراج ؛؛ سمع الباب ايدق استغرب وطلع وفتح الباب ولقي مراد فتح وقعد ساكت

مراد ؛ شن ادير انت هنا
سراج ؛؛ الحوش حوشي
مراد ؛؛ خش وسكر الباب ودف سراج بالقوه

تي شن تحكي انت ليش تشري في الحوش ليش انت علي شنو ناوي

سراج ؛؛ مابش ايقاومه خش وقعمز علي الدروج وبصوت مخنوق
كنت عارفك ح اتجي اساسا نرجا فيك

مراد ؛؛ بصوت عالي
يعني عارف روحك
سراج ؛ اهااا بس ماعرفتش نمسك روحي لما شفت الاعلان قلبي هو اللي شراه
مراد ؛؛ ليش يا سراج ليش تبي المشاكل
سراج ؛؛ بحت في مراد واعيونه ملينات ادموع
شن المشاكل نا نبي انكون في مكان اللي في ريحتها
مراد ؛؛ تي متزوجه يا عن……..
سراج ؛؛ عارفه متزوجه عقلي عارفه بس قلبي مش عارفها يا مراد
مراد ؛؛ بس اكبر غلط درته قعدتك غلط في غلط انت مفروض تنسي وتزوج وتطلع

سراج ؛ صبا وبحت في مراد بصوت عالي
ماعرفتش ماعرفتش ماعرفتش
ازوجت ومشيت وماقدرتش هي هنا يا مراد هنا
قعد ايخبط في صدره
كذا حط روحك في مكاني حط هيا حط
باهي انت اقوي مني يوم اللي فارقت ايه طلعت من المدينه بكل بس نا ما قدرتش ماقدرتش انا قعدت نبي مكان اللي يذكرني بها اللي فيه ذكره لها انا خسارتها ومانبيش نخسر ذكرياتها انت علي اقل زمان كان عندك منها اعيال يعني في حاجه منهااتذكرك ومستحيل تنساها بس نا ماعندي شيء ومانبيش نتساه مانبيش 4 سنين ما قدرتش بالعكس تغلا اخري عمرك سمعت بغلا ايزد اخري وهو امجافيك عمرك سمعت

مراد ؛؛ نا خايف عليك من طارق
سراج ؛؛ قعمز علي ادروج وحط راسه بين ايده وقعد ايبحت لوطه وبصوت مخنوق

ماندورش فيه هذا حوشي مستحيل نطلع منه نا اجمل لحظات حياتي عشتهن هنا قدام الباب هذا في الشارع هذا اجمل مكان كنت انحب انشوفه حتي من بعيد هو هذا الحوش اللي عشت فيه اجمل قصة حب اللي تعرفت عليه اجمل انسانه الحوش تربت فيه البنت اللي حبيتها اللي عشقتها اللي ماعرفتش انحافظ عليها وهي كسرتني وخذلتني البنت اللي غيرتلي حياتي

مراد ؛؛ سراج ما تنسش روحك تحكي علي مرات خويا واخت مراتي يعني عرضي

سراج ؛؛ مسح وجه وبحت فيه
حبيبتي من قبل ماانت تكون راجل اختها وقبل ماتكون مرات خوك انا نحكي علي رجاء البنت الطايشه اللي عايشه حياتها المتهوره المعانديه المجنونه اللي جننتي معها انت ماتنظرش من ناحيتك انت انظر من ناحيتي انا حط روحك في مكاني بنت اتخش لحياتك اتغيرها لك اتخيلك اتحبها اتحب حياتها وقصتها من قبل شكلها تجرح قلبك من قبل ماتعرفها

مراد ؛ تم ايشوف في سراج كيف امنزل راسه ويحكي وكان الكلام طالع من قلبه اذكر روحه لما كان يحكي لحاتم ويشكيله بدون ماايحس بروحه لقي روحه امقعمز وامطلع الدخان

سراج ؛؛ انا اول مره انشوف رجاء شفتها وهي تبكي ومنهاره واتعيط علي المرحومة امها كانت مريضه شفتها وسمعت كلام كان كلام يكسر الخاطر تي انا اللي راجل وجعني كلامها يا بال هي البنت كيف اقدرت اتقوله و اتوصفه كانت تبكي وايه تبكي واتسكت فيها
شفت نعرفهن من قبل ماتعرفهن مجموعة بنات خش في حياتي وحسيت روحي خوهن لان كانن يحكن معي وكاني انا اللي نقدر نشفي امهن حملني مسؤليه ونا مش قدها
اهاااااااااااا
كانت رجاء اكتر وحده تحكي وتبكي واتخبط من كثر مادرت في روحها هكي انهرت وطاحت عليا طاحت قدامي ونا طول مسكتها انسيت روحي ان دكتور ومش من حقي نمسكها طول مسكتها وشلتها لعند تو مش عارف ليش درت هكي ممكن الكلام من كثر من وجعلي قلبي شفقت عليها بنت اصغيره طاحت بين ايديا وهي تجدا فيا اني نشفي امها خشت لقلبي للخاطري للعقلي للكياني للحياتي لما روحت القيت روحي انغير وانجيها في المستشفي بالتوته نسيت ان نا دكتور في الصبح جيت وكاني طايش بالتوته قعمزت جنبها كانت تبكي وتحكي علي الفون
غرت عليها اتصدق اني غرت عليها من قبل ما نعرفها بس اطلعت تحكي مع اختها
اول كلام بيني وبينها علي الرجاله قالتلي انا ناقمه علي الرجاله بصفه عامه كاره جنس ادم نهائيا قالت نحن انانين ومغرورين وتفكرينا تفكير جاهلي البنت اللي حكت معي من الاول واضحه بنت جيتها في الليل وقت نقطة ضعفها تمت تبكي وتحكيلي قصتها حبيتها اكثر حاجه شدتني لها اكتر قالت الاحساس اللي حسيت معهن مستحيل انحس مع غيرها وفعلا ماحسيتش مع غيرها حبيتها للدرجة اني تميت خايف وشيكت فيها انا و ودرتها من بين ايديا لما كنت انشك فيها بس من حقي صاح من حقي بنت اصغيره وعندها فون من وراء هلها احليوه اتخش للخاطر بسرعه شكيت لاني ياما سالتها شن قصة اختها مابتش اتقولي كانت اتسكر في الموضوع كانت نبيها بحلال بدرجه سالت عليها وقالتلها انجي نخطبك وانطلع الفرح قالتلي ﻻﻻﻻ مانزوجش بلا شهاده قالتها ماتطلعيش نين اتقولي تطلع واتخش براحتها ومن حظها نكبس فيها انقوللها غيري لابسك اتقولي انت عرفتني هكي تقبلني هكي يعني جميع اللحاجات اللي ايخلني انشك دارتهن برغم هذا كله انحبها قسيت عليها تعبتها خشت للمستشفي بسببي وهذا كله كبريائها واعنادها خلها اتخلي عني واتسكر راسها مشيت عنادتها وطلعت فرحي علي وحده مش مقتنع بها بكل كنت نحساب روحي ح ننسها وح نبدا حياتي من جديد
بحت في مراد ولقه ايدخن ويسمع فيه وبصوت مخنوق ووواطي
جت لفرحي وخربت حياتي اخري

مراد ؛؛ تفاجا وفتح اعيونه وبحت فيه
شن شن اتقول انت

سراج ،؛ جت اركبت علي المسرح لما شفتني دايره روحي اتباركي واعيونها ملينات ادموع كرهت روحي ودنيتي علشان شفتها بدموعها قدامي هي المفروض كنت بالفيلو وجنبي بدرجة صبيت وطلعت بسرعه بمراتي اللي ما نحبهش طلعت وراها بسرعه كان التهور امتعها هو اللي متعبني ماكنش خاطر عليا اتجي للفرحي انا عارفها متهوره بس مش للدرجه هذه واللي تقهر اكتر لما اطلعت القيتها جايه مع طارق مع راجلها طارق حط فيها ثقه اكتر مني وهذا اللي حباته رجاء وحتي هي حطت ثقه فيه

اللي عجبني ان طارق طلع احسن مني بوااااجد عارفها وعارف ماضيها معي ورضي بها بس علشان اتحبه وصاينته وحطت فيه ثقه لما شفتها في المستشفي معه اول مره عرفتها في اعيون طارق ان يبيها وعاجبته واللي تقهر ان هي متقبلته عادي قعدت معه وحكت وضحكت قدامي معه هو

تي انا بعد ما سيبتني حبيتها اكثر لما انخطبت حبيتها اكثر واكثر واما ازوجت اكثر واكثر واكثر لان صانت طارق ومحترمته بحضوره وبغيابه

حبيت حبيبتي علشان اتحب حبيبها وصاينته وماخنتش شفت للدرجه شنو وصلت حبيتها علشان اتحبه ومابتش اتخونه معي انا

مراد ؛؛ علي قد ماكرهتها في بداية الكلام علي قد ماتو حبيتها لان اطلعت بنت اصل صح وصاينه خويا نا كنت عارفها متهوره بيني وبينك كنت رافض حتي لما عرفت ان طارق يبيها بس لما شفته كيف ايحبها وهي اتحبه سكتت قالت ما نخربش بين اثنين ولان هي علي تهورها وطيشها اكويسه وطيبه ومحترمه وغاليه عليا واللي خلني اكتر نسكت علشان اخت حبيبتها يعني كانها اختي
بس يا سراج الحوش بيعه ونا نبيه نا جاي نبي نتفاهم معاك بالعقل

سراج؛؛ تي اي عقل اللي تحكي عليه انا شريت الحوش لاني نبيه حتي اني طلبت ايخلو الاثاث نبي نعرف الحوش بتفاصيله كله نبي نعرف الحوش اللي عاشت فيه اللي لما اطلعت منه اطلعت ودمعتها علي خدها تي انا نرقد علي سريرها عارف ليش عرفته سريرها لان رجاء اتحب الشتاء واتحب ترقد جنب الروشن بيش اتجيها نسمه بارده اتصقعها اتلف بروحها بالبطنيه وترقد

مراد ؛؛ سراج انت لو تبي اتخرب علي رجاء اقعد فيه الحوش

سراج ؛؛ مش ح انخرب عليها لان امس في الليل جاني طارق وتعاركت معه وقالتله ان والله صاينتك وماخانتك وهو كان متاكد منها قالي مانرجش فيها منك خش جو وكسر دارها كلها وطلع
مراد ؛؛ وكيف نا مش عارف
سراج ؛؛ لان كان معه صاحبه طلعه
مراد ؛؛ انا قالتلك طارق مش ح يسكت
سراج ؛؛ بعد تكسريت الحوش ماظنتيش ادير اخري
مراد ؛؛ بيعه
سراج ؛؛ مستحيل
مراد ؛؛ بيع وابدا حياتك من جديد يا سراج راه الحياه تجارب شوفني نا ازوجت وطلقت وازوجت اخري وطلقتها ورديتها راه الحياه هكي ما توقفش عند حد معين تمشي اهو شوفهن هن بعد ما كان متعلقات بامهن توفت ومشت في حالها هن يذكرنها ويبكن بس حياتهن مشت مش اول واحد ياخذو حبيبته اكيده حتي مراتك الاول اكيده عندها حبيب زي ما انا تقبلت مراتي بحبيبها اللي حاول يخرب بيني وبينها خلاص اشقي بروحك وازوج هذا نصيب وهي تو متريحه معه وتبيه وراه ما تاخذش عليها واجد راه رجاء طبعها واعر و طارق الوحيد اللي قدر عليها

سراج ؛ تبني نزوج انت هه
بيش حتي هي انقوللها يا رجاء وما انعاشرهش بكل الا بعد ايش ومانتقبلهش وهي تكره روحها وتطلع من الحوش وبعدها انتاكد اخري من ان انا انحبها واقدرت اتخرب حياتي صاااح

مراد ؛؛ ها تقعد هكي
سراج ؛؛ حلو حياتي هكي عمل حوش حوش عمل فيش جنس حواء بكل بيش ما نتعبش ومانيش اول واحد يقعد بلا زواج

مراد ؛؛عارف ليش سمعتك وانا ساكت
سراج ؛؛ لان في يوم من الايام كنت هكي انت

مراد ؛؛ اهااا حتي نا في يوم من الايام جبت للجنان وحكيت معها اجديتها اتصدق اني انا اجديتها بيش اتردلي ومابتش طلقتها ومشيت نحياب روحي ح انفوتها القيت روحي انحبها اكثر جيت ورقبتها هددتها يا تردلي يا نقتلها شفت انا كان عندي نقتلها وانحطها تحت التراب ونقتل رزحي بعدها ولا تقعد فوق الارض واتعيش حياتها بعيده عني

سراج ؛؛ نا نفرق عندي انشوفها تضحك وفرحانه مع غيري ولا انشوفها جنبي وتعبانه لاني تعبتها رجاء علي قولتها كرهت اليوم اللي تعرفت فيه عليا

مراد ؛؛ سراج اي حاجه كلمني وابتعد
سراج ؛؛ ان شاءالله خير

طلع مراد وسراج خش ودمعته علي خده الانسان مرات ايحب اينكد علي روحه اكتر بس بيش يبكي ويفش غله وايندم روحه نحن البشر انحبو كلمة ياريت

……………………..……….

نا ؛؛ وينك شغلتني عليك حتي رد ماترد عليا
مراد ؛ خش للدار ومابش ايرد
نا ؛؛ خشيت وراه ومنشغله
حبيبي احكي شن صار
مراد ؛؛ ان كيدهن عظيم
نا ؛؛ استغربت كلمته خشيت للسريري وسكتت
مراد ؛؛ غير دبشه ومشي للحمام توضي وصل وجا جنبي بحت فيا لقني حاطه راسي علي المخده وساكته ولا ابتسمه ولا شيء
جا جنبي وقرب مني وكرني حطني في حضنه وهمسلي
انحبك انحبك انحبك انحبك

نا ؛؛ ونا انموت فيك
مراد ؛؛ ربي يحفظك لنا يا اجمل نساء العالم
نا ؛؛ ههه نا اجمل نساء
مراد ؛؛ اكيده مش حبيبتي واكبيدتي ومراتي وام اعيالي
نا ؛؛ شن ثار حبيبي
مراد ؛؛ طارق عارف وجاه امس ضاربه وامكسرله الحوش
نا ؛؛ هييييي شنو
مراد ؛؛ كان اقعدت علي هكي باهي نا خايف من طارق الحق
نا ؛؛ اشويه انكلم رجاء مرات اتكون في مشكله
مراد ؛؛ المراه ماتبيش تحكي لو تبي راه رنت
نا ؛؛ من جدك نعرف اختي عندها مشكله وتبني نسكت
قعمزت ومسكت الفون وبديت انرن

مراد ؛؛ حلو بطنك
نا ؛؛ تو شفتها
مراد؛؛ ﻻ بس الروب هذا حلو عليك

نا ؛؛ ههه
ايوه ارجيوه
رجاء ؛؛ خيرات شن اخبارك
نا ؛؛ تمام الحمدالله نسالك انتي عارفه من شراء الحوش
رجاء ؛؛ كنك عليش
نا ؛؛ طارق وين
رجاء ؛؛ مش قاعد تو كنك احكي
نا ؛؛ لا امكلمه نبي نسال عليك بس
رحاء ؛؛ ايه انى نعرفك عليش رانه تو عليش تسالي من شراء الحوش
نا ؛؛ ﻻ شيء
رجاء ؛؛ ايه بلا عباطه اخري احكي من اللي شاري حوشنا
نا ؛؛ …… ساكته
رجاء ؛؛ ماتقوليش عيت عمي
نا ؛؛ ﻻﻻﻻ مش هم خلاص هيا سلام
وصكرت بسرعه وبحتت في مراد

مش عارفه شكلها

مراد ؛؛ باهي تمام معناتها طارق مش حاكيلها ومش داير مشكله

نا ؛؛ يييييي اهي اترن
مراد ؛؛ ردي عليها
نا ؛؛ ايوه
رحاء ؛؛ وهي تبكي
سراج اللي شاري الحوش
نا ؛؛ انصدمت وبحتت في مراد
رجاء ؛؛ بصوت عالي وهي تبكي
تي نحكي نا ردي عليا سراج صاح سراج

نا؛ اها
رجاء ؛؛ وانا انقول ليش طارق من امس ما يحكيش معي واليوم طالع من الصبح لعند تو مازال ماجني
نا ؛؛ شنو رني عليه باهي
رجاء ؛؛ في النهار مايردش وفي الليل اقفله ونا قاعده علي نار ونرجا فيه حتي عيت عمي ماحكيتلهم قالت بالكي ايجي في الليل بكل كيف امس لما تاكد اني رقدت جا واول ما وعي طلع

نا ؛؛ معناتها مايبيش مشكله معتك يا ارجيوه ماتحكيش معه كان هو ماحكلكش ماتحكيش
رجاء ؛؛ ﻻ هو سالني وقالت مش عارفه من سراه بس ماخطرتش عليا ان سراج اللي شريه هذا ليش ادير هكي شن يقصد يعني
نا ؛؛ باهي انتي ماتخربيش علي روحك وفوتي راه عندك عائله
رجاء ؛؛ سلام
صكرت مني وتمت تبكي خافت تفقد طارق طارق حبيبها وحياتها وراجلها واب اعيالها طارق الشخصيه الوحيده ما جرحهش كانت خايفه ان تجرحه ظلمت الشقه وخشت للسريرها وتمت ترجا فيه لعند ساعه 3 خش للحوش خذ دبشه وخش لحمام دار دوش وطلع وقعمز علي السرير وتم ايبحت فيها وهي دايره روحها راقده وفجاء لقي دمعه نازله من خدها قرب منها ومد يده ومسحها
رجاء ؛؛ فتحت اعيونها فجاء وصبت وتمت تضبط فيه وتبكي
والله انحبك والله انحبك والله من يوم ما عرغتك ما عمري خنتك والله انحبك ليش اديرلي هكي ليش ماجيت وحكيت معي ليش اتخلي فيا هكي

طارق ؛؛ اضبطها ومابش ايرد عليها
رجاء ؛ حولت وقعدت قدامه وجها في وجه ومسكت وجه بين ايدها
حبيبي احكي معي ما تعاملنيش هكي والله كان عندي احساس في حاجه صارت
طارق ،؛ بصوت اعيونه
من حكلك انتي
رجاء ؛؛ كلمتني ايه
طارق ؛؛ وانتي شن رايك في الموضوع
رجاء ؛؛ ما يهمنيش الموضوع اساسا ان عندي المهم انا جنبك وانحبك واتحبني وانت يوم اللي عرفتني عرفت حقيقتي وقالتلي مايهمنيش الماضي المهم عندك الحاضر والمستقبل ونا قالتلك ح نقعدك اوفاء انسانه لاني حبيتك يا حبيبي والله حبيبتك وكان ما حبيتك راه ما تو جنبك هنا
خذت يده وحطتها علي بطنها
وحق هالنعمه اللي فيا انحبك وما عمري خنتك حتي بالتفكير ما خنتك

طارق ؛؛ ومن قالك اني شاك فيك نين تحلفي هكي
رجاء ؛؛ باهي عليش سيبتني امس طولت ما روحت حتي لما روحت رقدت طول وطلعت من الصبح بدري
طارق ؛؛ هكي كان غمتلي اشويه وانتي عارفه ما نحبش اناقشك ونا غمتلي

رجاء ؛؛ عارفه بس اتخلي فيا اوحدي وانرن وماترد والله حتي اوكال ما كليت بسببك
طارق ؛؛ شن
رجاء ؛؛ اهاا درت الغداء وماكليته مازال قاعد كيف ماهو
طارق ؛؛ ليش
رجاء ؛؛ حبيبي امسيبني اوحدي في الشقه وانرن عليه ومايرد كيف تبي اتجني نيه ناكل
طارق ؛؛ نسالك اتجاوبي بصراحه
رجاء ؛؛ انت عارف ان انا صاريحه
طارق ؛؛ ما حبيتي اكثر
رجاء ؛ هذا سؤال تساله
طارق ؛؛ نبي نعرف
رجاء ؛؛ اكيده انت وبعدين انت ما تقارنش بحد عندي طارق كان ما نحبكش راه ما ليش 3 سنين معاك وجبت منك انت حبيبي اللي ماعمره جرحني انت حبيبي اللي فهمتني وفهم طبعي اللي غرقتني في حبك اللي ما خليتني نفتحلك قلبي بدون ما نندري بروحي انت عندي الحب والحنان والحضن الدافي انت دنيتي كلها انت سندي ياحبيبي عارف شنو سندي يعني حطها روحي عليك يعني قاعده بجهدي كله عليك يعني لو ادير حاجه بسيطه اطيحني واتكسرني انا من عندي غيرك من والله لو ايرد بيا الزمان كنت ح نختارك انت والله انت اكتر انسان اترفعلي في معنوياتي واتخلي فيا انرفع في راسي اخري

طارق ؛؛ كرها واضبطها بقوه نبن اقريب كسرها
نكذب كان ما قالتلك ما حبيتك وخلتني مجنون بيك تقعد اكبر كذاب لو ما قالت هكي والله انحبك وسامحيني بس والله اللي اندير فيه كله منىغيرتي ومن حبي لك بس والله والله ماني شاك فيك الا خاك فيك ثقه عميه لاني عارفك بنت اصليه وبنت اصول
رجاء ؛؛ اهااا حبيبي بطني
طارق ؛؛ ابتعد وبحت فيها
كنك
رجاء ؛؛ زريت عليا واجد
طارق ؛؛ من غلاتك يا عمري
وكرها وباسها علي راسها
رحاء ؛؛ اوعدني معش تزعل مني حتي لما تزعل خش واقعد في الشقه بس ما تطلعش واتسيبني اوحدي
طارق ؛؛ ما منبيش مشاكل نا عارف طبعي لو نقعد ح نحكي وح انخبط وح انزعلك ونا مانبيكش تزعلي مني
رجاء ؛؛ رفعت راسها وباسته علي الحيه
طارق ؛؛ مسكها وباسها
رايفت عليكي
رجاء ؛؛ حتي انا
طارق ؛؛ ما شفتش حمادي بكل
رجاء ؛؛ ثبت بسرعه وطلعته من سريره ومدته له
طارق ؛؛ راقد
رجاء ؛؛ خليه علي صدرك راقد
طارق ؛؛ قعد ايبحت فيه ومبتسم ويمسك في يده
رجاء ؛؛ قربت منه وتمت اتبحت فيهم
سمح صاح يا حبيبي
طارق ؛؛ سبحان الله الولد ما كيف حد
رجاء ؛؛ تبي عيل ولاه بنت
طارق ؛؛ اللي ايجيبها ربي
رجاء؛؛ ببنت راه
طارق ؛؛ صاح
رجاء ؛؛ اها درت اختبار وطلعلي بنت
طارق ؛؛ اختبار شنو
رجاء ؛؛ اختبار قالتلي عليه نجاح ودرته وطلعلي بنت
طارق ؛؛ وجيجكن واجد يا صبايا انتن
رجاء ؛؛ اوعدني انك اتفوت الموضوع بيش انكملو حياتنا كيف ما بدينها والله انا عندي المهم اني جنبك
طارق ؛؛ حاضر وعد نجك ليا وربي مايحرمني منك
……………………..………….
ومش الايام وشهور وسنه ونحن زي ما نحن
ومرت سنه والعين يعشقها السهر

نا جبت اوليد وسماته عمتي احمد
رجاء جابت بنت وسمتها عائشه
ايمان جابت بنت وسمتها عائشه
اميره جابت اوليد وسماته صالح
امل جابت بنت وسمتها عائشه
هدي جابت اوليد وسماته جبريل

……………………..……..

لمينا اروحنا كلنا ومشينا للبحر
نجاح واميره ونا وايمان ورجاء وخالد كلنا درن رحله مع بعضنا بسبب ايمان ح تسافر

رجاء ؛؛ احمد لحيته واجده خلاص مدين رسمي
ايمان ؛؛ ﻻ نا انقوله نقصها بس هو ايعاند واتصدقي حبيته بها هكي منظره حلو بالحيه انحس في روحي متزوجه شيخ صاح حتي سجودي لما اينقصها اتقول ليش يا بابا اتنقصها
امل ؛؛ هههههه حتي سجودي
ايمان ؛؛ اهااا خلاص نا مقتنعه به هكي بس نا عندي الدبش ما يغيرش
رجاء ؛؛ مشي امسافرين انتو كم سنه تبو تقعدو
ايمان ؛؛ خلاص العمر كله
نا ؛؛ ليش
ايمان ؛؛ نا ح نقرا بره علي احساب الحكومه واحمد حتي هو وعندني الورث مازالت ما صرفت منه داشينه وزدنا عليه مبلغ وسياره بعنها والشقه اجرنها سنه مقدما واحمد يبي يسكن بره خلاص معش يبي ليبيا ونا كذلك الحق

نا ؛؛ خنقتني العبره
يعني انطولو ما نشوفوك
ايمان ؛؛ تمت تبكي
اتصدقنا اني كاره دنيتي بكل حتي اني كرهتكن كل ما انتلقن معاكن انموت في مئة موته علشان ماما مش معنا والله انروح اندير ليله في احمد نين تعقد هو ويقعد ايغيرلي جوي ولما تميت انصفي بالممتاز في الجامعه طلعوني واحمد حتي هو حصل اقرايه بره قالنا جت من ربي

اميره ؛؛ يعني ح نفترقو
ايمان ؛؛ نحن من يوم فرح ايه ونحن افترقنا خلاص اسمطت الحياه تمينا نطلعو وحده وراه وحده نين فقدنا ماما واظلم الحوش وانباع
نجاح ؛؛ قهرتني بيعت الحوش قهرتني
رجاء ،؛ كلها من عادل
امل ؛ عارفات ان نعيمه دارت عمليه وحولوه صدرها

نا ؛؛ هييييييي حي عليها

اميره ؛؛ والمشكله اللي تقهر ما تبيش اتشوف حد حتي خالتي فاطمه جتها قالت ماحوتها اطلعت عليا واقعدت اشويه ودارت روحها تبي ترقد

رجاء ؛؛ اللهم لا شماته حوشنا عشم فيهم ما خشو للشقتهم الجديده الا وهي مريضه

ايمان ؛؛ حتي ياما دارت فينا نعيمه مامن دمعه نزلتها ماما بسببها
نجاح ؛؛ ربي يشفيها

مجدي ؛؛ كنكن يا عيت حنه هيا صبن وتلنا العشاء بيش نبدو نشوه
نجاح ؛؛ هيا هيا تو انصبي انوتي نا
مجدي ؛؛ هيا تو انساعدك
اميره ؛؛ بحتي بحتي يا ايه
نا ؛؛ بحتت القيت طارق امكسد علي بيده وايخوف فيه وخالد امكسد علي ارحيمه
هييييييي بيده هذا سحني سحن
صبيت نجري وجيت علي الشط
طارق حيبه يا طارق حرام عليك يبكي

طارق ؛؛ ما تبيكش يا ذلال
بيده ؛؛ مش ذلال نا ماما حرام تبيني
طارق ؛؛ ههههههههههههه تكذب يا ذلال

نا ؛؛ حي عليا نا ياخالد جيب ارحيمه حرام عليكم

مراد ؛؛ شفني علي الشط وانادي وجاني
كنك
نا ؛؛ بحت طارق وخالد كل واحد فيهم خش بعيل وايخوف فيه
مراد ؛؛ وكنك ما اتخشي انتي
نا ؛؛ مش فاضيه نا طلعهم يا حبيبي
مراد ؛؛ وين نور واحمد
نا ؛؛ احمد راقد جنب عائشه طارق
ونور اهي مع سجودي وايه يلعبن
مراد ؛؛ حبيبي فونك معاك
نا ؛؛ تي يا حبيبي انت كنك انقولك العويل وانت تسال فيا علي الاخرين
مراد ؛؛ ههههههه تو اتشوفي كيف
فتح سوريته وسلحها
نا ؛؛ هيييييي كنك
ومشيت من جنبه
مراد ؛؛ جاني ومسكني وخش بيا في البحر
نا ؛؛ حبيبي والله ما تعزقني ما نبيش انعوم انا
مراد ؛؛ ليش ما تعوميش
نا ،؛ نعرفش وانتحشم قدامهم امشعبطه فيك
مراد ؛؛ مسكني ورفعني فوق وطيحني في البحر

رجاء ؛؛ هههههههه بحتن بحتن
اميره ؛؛ حي عليها

نا ؛؛ رفعت ومسكت في مراد
حبيبي معش اديرها

مراد؛؛ سادك خوف خلاص
نا ؛ طلعني باهي
مراد ؛؛ ﻻﻻ خليكي امبدري ونا نبيك ولما شفتك جايه شور البحر جيتك حرام عليكي يا شينه فايتني بكل
نا ؛؛ هههه لا مش هكي بس انتحشم من الرجاله وخاصة احمد سامطه
مراد ؛؛ التفت ولقي نور تبكي تبي اتخش معنا
تعالي يا نور خشي

نور ؛؛ بابا تعال خوذني
نا ؛؛ طلعني وخوذها
مراد ؛؛ ﻻﻻ خليكي انجيبها وانجي
نور ؛؛ بابا رفعني فوق
مراد ؛؛ هيا يا بابا هيا
نور ؛؛ ماما
وازقبت عليا ومسكتها بيدي ويدي التانيه ماسكه في مراد

مراد ؛؛ شفتي الجو فيش احلي من اني انكون جنبك ومعنا الاعيال
نا ؛؛ ربي يحفظك لنا ان شاءالله
مراد ؛؛ نجك ليا
نور ؛؛ انزلت علي مراد وباسته
مراد ؛؛ نجيلي ابنيتي ياربي
نور ؛؛ بابا شيلني ل ارحيمه
نا ؛؛ بحتت والقيت خالد ايلعب في ارحيمه علي الشط

بيده ؛؛ يامراااااد يا مرااااد
طارق ؛؛ هههههههه ذلال مانكش راجل
بيده ؛؛ يا مراااااااد اولدك راني تعالي

مراد ؛؛ ههههههههههه شوفي بيده شن ايقول
نا ؛؛ حرام عدي طلعه طارق مرطزه راه
طارق ؛؛ من اكبيدتك يا بيده
بيده ؛؛ عيوشه بنتك
طارق ؛؛ ياكلب والله انوريك
بيده ؛؛ هههههههه يا ماما تعالي
نا ؛؛ وراس حمادي وعيوشه اتجيبه يا طارق
طارق ؛؛ قرب منا وجابه
بيده؛؛ طول جا لمراد ومسك فيه وبحت في طارق
والله انتعبلك بنتك باهي
مراد ؛؛ ههههههههههه تستاهليا طارق ما ايجيك
طارق ؛؛ والله انوريك يا ذلال يا خواف نمشي انجيب الذلاله رجاء

قعد ايصفر ل رجاء
رجاء ؛؛ نعم
طارق ؛؛ تعالي
رجاء ؛؛ بحتت في اميره وايمان
ايمان ؛ صبي وخليهم هنا جنبي
رجاء ؛؛ باهي
اميره ؛؛ نمشي انكسد مع وليد خالد مشي هو وامل للشاليه
ايمان ؛؛ خلاص صبي عديله حرام امبدري وهو شاقي بالبنات

اميره ؛ صبت ومشت ل وليد

طارق ؛؛ هيا خشي ما علمتك

مراد ؛؛ شفتي رجاء شاطره خشت وحدها وانتي مازالتي متشبعطه فيا انتي وبنتك واولدك
نا ؛؛ ههههههه خوافه نا انت عارف
بيده ؛؛ بابا طلعني
مراد ؛؛ نحكيش معاك نا
بيده ؛؛ هييييي ليش
مراد ؛؛ اتناديلي واتقولي يا مراد صار
بيده ؛؛ طارق قالي قول هكي انطلعك
طارق ؛؛ ياعن بوك كذبه
مراد ؛؛ طاااااارق

طارق ؛؛ اكشي معش صاحبي انت
بيده ؛؛ عادي صاحب عيوشه نا
طارف ؛؛ قرب منه يبي ايكره
بيده ؛؛ مسك في مراد بقوه

رجاء ؛ هههههه سيبه حبيبي

مراد ؛؛ هيا نطلعو كلنا
نا ؛؛ هيا
طلعنا ومشينا طول للشاليه القيت امل غاسله ارحيمه واملبسته
ونا خششت بيده غسلتله ولابسته وغسلت حتي نور ولابستها ونا درت دوش وغيرت دبشي
نعيما
مراد ؛؛ الله ينعم عليك
نا ؛؛ تمام هكي عومتنا كلنا
مراد ؛؛ ههههه وعليش جيات للبحر كان ماتبوش اتعومو
نا ؛؛ نبي انعدي انشوف نجاح ومجدي حايسين في العشاء
مراد ؛؛ هيا تو انجي معاك
نا ؛؛ هيا يانور وانت يا بيده امشي لخالو خالد ماتمشيش لطارق
بيده ؛؛ فكيني منا طارق هذا قصه
مراد ؛؛ تي بلا طولت السان عمك ياعن
بيده ؛؛ حاضر بابا

وليد ؛؛ وينك ما جيتي بكل
اميره ؛ هدرزه نا والبنات
وليد ؛؛ نجك ليا شفتي مراد شن دار ل ايه
اميره ؛؛ هههههههه اها ايهبلو مع بعضهم
وليد ؛؛؛ تبي انخششك
اميره ؛؛ ساد امس في الليل خششتني تبي اتخششني اخري اليوم
وليد ؛؛ خلاص معناتها في الليل تو انخشو

أحمد؛ ؛ شاف ايمان امقعمزه وجنبها الاعيال راقدي في القعاد جاها وقعمز جنبها
السلام عليكم
ايمان ؛؛ وعليكم السلام
احمد ؛؛ شن اتعاني
ايمان ؛؛ امهتهم خشن للبحر
احمد ؛ انتي تبي اتخشي
ايمان ؛؛ ﻻﻻ ما انت ما تبيش
احمد ؛؛ كان خاطرك انخششك حبيبي
ايمان ؛؛ بلحيتك هذه يا حبيبي
احمد؛ ؛ حبيبي لحيتك ما تخليهش اتعقدك نا قالتلك انكون زي ما انا مش ح نعقدك في الدين
ايمان ؛ ؛ باهي نحن خلينا بعدين
احمد ؛ يعني خاطرك فيه وماتبيش اتقولي
ايمان ؛؛ مش مهم البحر عندي نا حبيبي وين خالد
احمد ؛؛ شفته خش للشاليه اكيده ايغير
ايمان ؛؛ انت كنت مع مراد
احمد ؛؛ اها كنا امقعمزين قدام الشاليه
ايمان ؛؛ اقريب نمشو وماعاد تنشوفهم
احمد ؛؛ قولي خير عليش الجو هذا
ايمان ؛؛ انحس فيها واعره الطلعه
احمد ؛؛ بس نبنو مستقبل لروحنا ولاعيالنا وانتي حرام قعدتك هنا انتي مفروض تقري في احسن جامعات العالم انتي مكافحه صح مسؤاله علي راجل وعلي بنتين وعلي حوش وتنجحي بالممتاز
ايمان ؛؛ لولك انت راه شيء ما تنسش روحك انت الدعم الاول ليا انت اللي تمسك في البنات واتقري فيا اتشجع فيا حتي لما ايكون عندي امتحان اتوعني من الفجر وتقعد معي اتقري فيا وين نلقي نا خير منك وين
احمد ؛؛ ربي يحفظك المهم عندي رفعتي راسي وراس بناتك امهن مراه ممتازه علميا وعمليا وهو بسببك ح يعيشن في كندا
ايمان ؛؛ ان شاءالله
احمد ؛؛ مافيش حاجه تصعب علي الله انتي ديري اللي عليك وربي ايسخرلك
ايمان ؛؛ ح نشرو سياره غادي اكيده
احمد ؛؛ اها املاه ليش بعت سيارتي هنا
ايمان ؛؛ المبلغ اللي معانا ايسدن ماه
احمد ؛؛ عارفه المبلغ امتعنا ايسد وبزياده اخري راه ما تنسيش ان طالهين علي احستب الحكومه سوا نا ولا انتي في منحه وشقه غادي يعني الفلوس اللي معنا زياده منا

رجاء ؛ طلعت من البحر ومعها طارق
تعبوك
ايمان ؛؛ ﻻ والله بس راه احمد حسيته يبي يكبي شليه ل ايه بيش اتشوفه
رجاء ؛؛ طارق شيل عيوشه
طارق ؛؛ به هيا حمادي
ايمان ؛؛ محمد ضربته الشمس المسكين
طارق ؛؛ نزل عليه وشاله ومشو للشاليه

ايمان ؛؛ سجودي ايه خلاص امشن مع رجاء وغيرن
ايه ؛؛ ﻻ يا اخويله نبو نلعبو
ايمان ؛؛ ﻻﻻ امشن ديرن حمامات تو اتصقعن وبعدها العبن بعيد هيا ايه خوضي سجودي ومشن معها
ايه ؛؛ به اخويله

احمد ؛؛ عاد انتي متريحه علي عيشه
ايمان ؛؛ عيشه مازالتهش من كروستها احسن حاجه
اشويه اخري ونمشو خلي الصبايا تو ايغيرن وياخذن راحتهن وتو بعدها نمشو
احمد ؛؛ عارفه اجمل حاجه درتهنا لمتكن هذه
ايمان ؛؛ فكرة البنات قالن اخري ايام مع بعضنا خلونا هنا في البحر
احمد ؛؛ ربي ايخليكن لبعضكن
ايمان ؛؛ ان شاءالله

……………………..………….
مجدي ؛؛ اووو يا بنات
هذا شاب المكتب قال في حاجات ناقصات

نا ؛؛ اهااا في نواقص حتي الفيلوات نبو نشرو اخري
نجاح ؛؛ من تمشي
نا ؛؛ نا لا طبعا ماعنديش نيه نمشي تو احمد مازال اصغير لا نقدر انشيله معي ولا نقدر انخليه
نجاح ؛؛ اميره تو انقولها تمشي
نا ؛؛ خطرها مراد شن صار في الاجار
مراد ؛؛ تو ايجبلكن الراجل اخري سنه مقدما
نجاح ؛ تمام بكل
نا ؛؛ والله اجمل فكره درنها لمينا افلوينا وشرينا حوش ودرنه للاجار
نجاح ؛؛ اهاا ياحنه الحياه هكي تبي حتي ولو الواحد مش محتاج ضروري ما ايطور من نفسه
نا ؛؛ هي فكرة مراد قالي انتي وخواتك ماتضيعنش افلوسكن هكي لمنهن واشرن حوش وديرنه اجار
نجاح ،؛ اهاا
رجاء ؛؛ حي حي سمعت في افلوس جيات نا
مراد ؛؛ هههههه تي ماعندك راتب انتي
رجاء ؛؛ حتي ولو نبي مبلغ في يدي نبي انسافر نا
طارق ؛ اتخططي انتي من وراي
رجاء ؛؛ ههههه اها قرعتي في الاجار عاد نبي انسافر بها

نا ؛ ووسافري ياحنه من ماسكك
رجاء ؛؛ ناخذ من العمل اجازه بس
طارق ؛؛ وين ان شاءالله تبي تمشي
رجاء ؛؛ هههههه مش عارفه مازالت ماحددت

طارق ،؛ بيش تحجزي معاك راكي تنسيني

مجدي ؛؛ هههههههههههههه كيف صار يا طارق

طارق ؛؛ هههه شن انديرولهن الصباياىدارن سيارات وتمن ايفشكن علينا

نا ؛؛ ماقوي عزمكن يا رجاء ونجاح كيف عرفتن اتسوقنا
نجاح ؛؛ ساهله السواقه
رجاء ؛؛ تبي انسان جراي بس
نا ؛: نا مش هكي بكل
مراد ؛؛ انتي خليكي معي نا انشيلك وانجيبك
نا ؛؛ ايوه سلم فارسي ايشيل فيا
مجدي ؛؛ باهي با ايه به

خالد ؛؛ ههههههه كنكم شايطن
طارق ؛؛ الثبايا يبن ايسافرن يا خالد
خالد ؛؛ نمشي راه معاكن
طارق ؛؛ ههههههههههه طول بعتنا يا خالد
خالد ؛؛ والله مافيها الا السفر
امل ؛؛ كان تنشي اميره نمشي معها
نجاح ؛؛ اها اميره تبيلها مشيه للتركيا بيش تشري بضاعه
امل ؛؛ خلاص تو نمشو معناها

تعشينا وسهرنا وفي الليل انرقدو العويل وكل وحده تطلع تتدهور مع راجلها كانن اجمل ايام قعدنا اسبوع كامل في البحر علشان انودعو في ايمان قالنا اخر ايام لها في ليبيا انكون جنب بعضنا
وفعلا التمينا كلنا ماعاده عيت علي وعيت عادل
عادل طبعا نعيمه معش تطلع ومعش اتخش علي الناس دوبها دوب هلها واعيالها وشقتها

مروه هي مروه الزمان في حالها لما حصلو الورث باعو شقتهم وشرو حوش اصغير

وجا اليوم اللي روحنا فيه من البحر
نا ؛؛ هلكنا هلكنا
مراد ؛؛ تو اتخشي انديرو حمامات وانرقدو خلاص حتي هو اسبوع ونحن بره
نا ؛؛ نزلنا من السياره وخشينا للجنان وفتح مراد باب الحوش و القينا……… ……

( ما قبل الاخيره )