مسلسل سعاده كاذبه الجزء الاخير روايات ليبية بواسطة هايدي عبد الله آخر تحديث يناير 23, 2024 مسلسل سعاده كاذبه الحلقه 73 وفي يوم من الايام ونا قاعده في الحوش وحاطه ارحيمه وبيده في المشيه مراد ؛؛ حبيبي فونك ايرن نا ؛ ييييي علي الشحن في الدار مراد ؛ صبي ياتنباله نا ؛ افطن راه ارحيمه ايكر المفرش وصبيت وخشيت للدار والقيتها اميره اترن نا ؛؛ ايوه اميره ؛ وهي تبكي خيرات ويه نا ؛؛ خير ياعمري كنك تبكي اميره ؛؛ ويه فرحي يوم 28 _6 نا ؛؛ شن والله تحكي جد اميره ؛؛ تمت تبكي نا ؛؛ خنقتني العبره واعيوني دمعن باهي ليش ابكاء اميره ؛؛؛مش متخيله ان خلاص نا و وليد ح نقعدو في حوش واحد خلاص اقل من شهر الفرح نا ؛؛ باهي مبروك ياهبله ليش البكاء تو اميره ؛؛ كان اتشوفي طلع من زمان امحددين الفرح ونا مانندريش وحتي خالد عارف وليد مابش ايقولي ولا خلي حد ايقولي قالي انتي اموتيه روحك خلاص ونبيها مفاجاء نا ؛؛ ﻻﻻﻻﻻ احكي احكي التفاصيل اميره ؛؛ باهي رني انتي نا ؛؛ باهي صكري صكرت منها وعاودت عليها اميره ؛؛ عندنا عيت خالتي وخالتي جايه علي الفلوس وليد قالها ماتقوليش تو انجي انا وانقول ونعطيها بعدها ياحنه بعد المغرب جا وليد سلمت عليه وخش لمربوعه وقالي تعالي وليد ؛؛ اميرتي نبيك في المربوعه اميره ؛؛ بحتت في خالتي وماما والبنات وانحرجت وصبت وخشت وراه في المربوعه ولقته امصبي علي الساس بالاستغراب حبيبي كنك وليد ؛؛ مسك يدها وكرها وصكر الباب ب يده التانيه اميره ؛؛ وليد كنك وليد ؛؛ انحبك وامرايف عليكي اميره ؛ والله حتي نا وليد ؛؛ مش خاطرك انكونو في شقه وحده خلاص اميره ؛ انت عارف اكتر شيء خاطري فيه انكون جنبك في مكان واحد وماحد دخله بينا وليد ؛؛ طبس عليها وباسها علي خدها وخذها وقعمز علي الصالون وقعدو جنب بعض وليد ؛؛ حبيبي انقولك حاجه ماتزعليش مني ومانبيكش اتشيلي مني اميره ؛؛ انفجعت وقعدت منصدمه واتبحت فيه وليد ؛؛ اميره نحن لنا كم مع بعضنا خلاص من الطفوله ونحن مع بعضنا خلاص تقريبا نا مليت راه خلاص نفس الحياه هي هي نبي انغير خلاص اميره؛؛ انصدمت واعيونها ملينات ادموع وتمت ترعش من الصدمه وليد ؛؛ ايبحت في اعيونها وعارفها منصدمه الحق نا نبيكش تزعلي راه والله مليت وتعبت لعند امتي نقعد انشوف فيك بالسرقه حتي لما خطبتك شوفتنا ينعدن علي اعصاب وهذا كله نقعد خايف عليك اميره ؛؛ بصوت مخنوق باهي وليد ؛؛ نزل راسها ومسك ايديها الاثنين وحول الدبله من يدها اليمين اميره ؛؛ بحتت فيه وانصدمت معقوله حب الوحيد في حياتي يبي ينتهي هكي من الصدمه اقعدت يباسه ماتحركش بكل وليد ؛؛ رفع اعيونه وبحت فيها ونزل اعيونه ولبس الدبله في اليسار ونزل راسه وباسها خلاص نبيها هنا نا الدبله خلاص مليت انشوف فيك حبيبتي وخطيبتي نبي انشوفك حبيبتي وروحي وقلبي ومراتي وشريكتي في حياتي وام اعيالي نبي انشوفك في شقتي في داري خلاص والله مليت يااميرتي نحن لا عام ولا اثنين نحن تو لنا 9 سنين خلاص خاطي الطفوله 9 سنين في علاقه رسميه واجد راه اميره ؛؛ من الصدمه علي الفرحه ارتبكت معش اعرفت شيء لقت روحها تضبط فيه وتبكي وليد ؛؛ اميرتي حبيبي خلاص ياعمري اميره ؛؛ خوفتني منك خوفتني وليد ؛؛ بعدها عنه وخلي وجها ايجي في وجها ومسحلها الدموع ليش انتي تتوقعي ايجي اليوم اللي انسيبك فيه والله لعند مايحطوني تحت التراب ونا انحبك ونبيك وانتي اميرتي نا نا ماعمري حبيت ولا عرفت وحده غيرك ولا انحب ولا نعرف وحده غيرك ماعاد وحده بس انحبها بعدك اميره؛ ؛ من وليد ؛؛ ملاكي لما اتجيبلي ملاك بيش يقعد عندي اميرتي وملاكي اميره ؛؛ انحبك يا وليد وليد ؛؛ طلع ظرف من جيبه ومده لها اميره ؛؛ شن حبيبي وليد ؛؛ افتحيه بس اميره ؛؛ استغربت وافتحت الظرف ولقت جوا كرت فرح طلعت الكرت وافتحت ولقتها دعوه فرحهم يوم 28 6 وكان فيها اسم وليد واميره و خالد وامل حبييي شن هذا وليد ؛ دعوة فرحنا كنها مش عاجبك اميره؛ قصدك فرحنا يوم 28 6 وليد ؛؛ حرك راسه معنها اها ومسك يدها وباسها شن حبيبي موافق اميره ؛؛ تمت تبكي اخر وتضبط فيه اليوم هذا هو اللي نرجا فيه وليد ؛؛ ههههه مبروك حبيبي خلاص راه باقي الكروت في السياره تو انزلهن اميره ؛؛ بس حبيبي خالد عارف وليد ؛؛ نا وهلي وخالد بس عارفين نا نسال فيك وانقولك شن ناقصك اتقوليلي لا خلاص ماعندي شيء امغير نرجا موعد الفرح بيش نشري دبش الرسمي والحجز بس قالت معناها انديره لها مفاجا احسن سالت خالد والقيته هو بروحه يبي قالي خلاص عمي حبريل في فرحنا ح ايكون امسكر سنه اميره؛ تسمع في كلامه واعيونها ملينات ادموع ادمع وتمسح دمعتها وليد ؛؛ قرب منها ومسح دمعتها وتمت ايبوس فيها اميره ؛؛ حبيبي يعني تو اقل من شهر انكون عندك وليد ؛؛ اها اتكوني مدامي في شقتي وانديرلك حاجات واااااجده وغمزلها اميره ؛؛ هههه ياسخيف بطل وليد ؛؛ مليت ونا نمسك في روحي خلاص نبي ناخذ راحتي عاد ودفها علي الصالون وجا فوقها اميره ؛؛ حي عليا كنك انت وليد ؛؛ انحبك ومش امصدق ان بعد كم اسبوع واتكوني هكي اميره ؛؛ ياسخيف حول خلاص تو ايخشو علينا وليد ؛؛ ههههههه انحبك وطبس وباسها علي ……. وحول ورفعها وخلها اتقعمز جنبه حبيبي هيا انخشو انقولها هلك مع ان نا متاكد ان امي وخوتتي حكن لما خشينا هنا اميره ؛؛ ههههههه هيا حبيبي وصبت اميره وصب معها وليد ومشو وطلعو ولقو هلي يضحكو وكان الدموع ملينات العيون خالتي سالمه؛؛ لووووووووووووووووووووووووووووووووووليا رجاء ؛؛ جتها تجري وتمت تبكي وتضبط فيها مبروك مبروك اميره ؛؛ انهارت ابكاء وتمت تبكي امل ؛؛ جتها وحولت رجاء واضبطتها حبك مامشش هكي نا والله فرحانه لكي اكتر ماني فرحانه لروحي مش امصدق انك خلاص ح تاخذي وليد بعد السنين اميره ؛؛ ولا نا وليد ؛؛ كيف ماكنتوش حاطين فيا ثقه ولا شنو انتو عارفين من يومي انحبها ونبيها ماما ؛؛ وهي تبكي تعالي تعالي هنا اميره ؛؛ جتها وطبست علي ماما وتمت تضبط فيها وتبكي ماما ؛؛ مبروك وربي ايتمم عليك خالتي سالمه؛؛ كرت اميﻻه شورها واضبطتها مبروك يااميره ياابنيتي با كنتي الوحيده والله انتي تستاهلي كل الخير ياما صبرتي وتحملتي علي خاطره وليد ؛؛ اصلا اللي نا فيه كله منها هي كله بفضلها هي عرفتني قيمة الحياة والشهاده والعمل وخلتني اندير اي حاجه بس بيش انخليها حلالي و انحطها في شقتي ماما؛ ؛ مبروك يا وليد انزل هنا ولاه خلاص كبرت ومعش تضبط فيا وليد ؛؛ معقوله ياخالتي ياامي الثانيه ونزل عليها واضبطها حب علي راسها وقعمز جنبها وخش خالد وشاف المشهد اميره في حضن خالتي سالمه و وليد مقعمز جنب ماما كيف صار نا وين مكاني خالتي سالمه؛؛ قاعد مكانك ياهبل خالد ؛؛ هههههه فرحنين ل وليد واميره بس ونا وامل لا ماما ؛ كل واحد وقرعته وفرحنينكم كلكم وقعمزو كلهم مع بعضهم وتمو ايهدرزو واميره من الفرحه خشت تجري وكلمتني نا ؛؛ نجك قصدك مازالو قاعدين اميره ؛؛ اهااا نا ؛؛ ييييييي حس حاجه تكسرت وصكرت وطلعت نجري والقيت ارحيمه طالع من المشي وامصبي علي الطاوله وامكسر التحفه ومراد يضحك نا ؛ هييييييييييييي مراد كنك انت مراد ؛؛ ههههههه هو غبي اصلا ابتعد مني ومش يزحف شور الطاوله بيش ايصبي بعدها طيحها وانفجع وقعد ايبحت في الباب خايف منك نا ؛؛ نزلت علي ارحيمه ورفعته تو عليش يا ارحيمه شن قالت نا علي التحف مش قالت اح نا وضربته علي يده ضربه بسيطه وهو طول قعد يبكي ويضبط فيا مراد ؛؛ ايييييه كنك انتي وصب وخذ مني ارحيمه وتمه ايسكت فيه وطلع للصاله وبيده بدا حتي هو يبكي ويبحت فيا وايقول ما ما قصده ماما ماما نزلت عليه ومسكته وتميت انهدي فيه وعديت جبت المكنسه وكنست التحفه المتكسره ولميتها وقعمزت وخليت بيده علي كرعيا وايخش بعدها مراد وشايل ارحيمه وارحيمه داير وجه زعلان ومطرم فمه قدام مراد ؛؛ يحكي بصوت بيبي خلاث ماما اثف نا نا ؛ امشي انت يامراد انت ليش اطلع فيه من المشي مراد ؛؛ والله قعد ايتحزز علي الطلعه ويبي يزقب وايتبكا وجعني و طلعته نا ؛؛ تو اتخربهم علي الوضع هذا مراد ؛؛؛جا وقعمز جنبي وباسني علي خدي يامكاره نا ؛؛ لا مش مكاره بس قهرتني اني اموصيتك وكان انت مش قاعد راه قعدت نحكي احذهم وركزت عليهم مراد ؛؛ هههه عادي حبيبي اطفال من حقهم ايكسرو اشويه نا ؛؛ باهي حبييي هيا اتشيلني عند هلي مراد ؛؛ تو من جدك نا ؛؛ خالتي سالمه غادي وجاين امحددين الفرح واميره كلمتني تبكي نبي نمشي انهدرز اشويه بكره جمعه ماعندك شيء مراد ؛؛ والعشاء نا ؛؛ تو انتعشو غادي مراد ؛؛ باهي هيا ابسرعه نا ؛؛ به حطيت بيده علي الفراش وصبيت ولبست ابلوزه وجينز وحطيت الوشاح ووتيت شنطة العويل وطلعت مراد ؛؛ هذوم اتغيرلهم نا ؛؛ لابستهم سمحه عادي مراد ؛؛ به انغير بس نا ؛؛ ﻻﻻ خليك بالتوته هكي ليل عادي مراد ؛؛ باهي هيا وانتي مستعجله وطلعن وركبن في السياره نا ؛؛ مراد خشش راسه مراد ؛؛ بيده خلاص حبيبي وكره وحطه علي كرعيه وسكر الروشن ووصلنا للحوش هلي ونزلنا خالد ؛؛ اووووو ارحيمه وخذه وشاله وتمه ايبوس فيه خشو هيا مراد ؛؛ وبيده كنه خالد؛ ما يهمك شي تو انشيلهم هم الاثنين مراد ؛؛ هههه ﻻﻻ خليه وطلعت رجاء علينا رجاء؛ بيده تعال يااعيون خالتو انت بيده كان ماسكه مراد واول ما شاف رجاء تقربت منه زقب عليها وهي مسكته مراد ؛؛ يامسخ نا بابا نا ؛؛ هههههه عندش روح مع رجاء وخشينا للحوش والقيت اميره امصبيه ودمعتها علي خدها واول ماشفتني جتني تجري واضبطتني وتمت تبكي وقعدت نبكي معها دعاء ؛؛ خلاص سادك سحنتي روحك لكي فوق من ساعه وانتي تبكي نا ؛؛ ههههه هبله هيا خلاص بطلي مراد ؛؛ مبروك يااميره اميره ؛؛ يبارك فيك وسلمت عليه هيا خشو في الدار قاعدين وخشين وسلمنا وصبا وليد خالد ؛؛ مراد وليد تعالو في المربوعه هيا بنات العشاء وخشو الرجاله في المربوعه ونحن قعمزنا وتمينا انهدرزو والعويل في ايدين هلي ماما؛؛ خلي العيل يزحف كنك نا ؛؛ ايكسر حاجه ماما ؛ ﻻﻻ خليه ماتركبيش عليه نا ؛؛ به وين ايمان رجاء ؛؛ رنيت عليها قاعده تقرا ومريضه نا ؛؛ باهي ان شاءالله اتكمل امتحاناتها وبعدها اتجيب ماما ؛؛ ان شاءالله هي شهاده امتحانتها في بدايه شهر 6 يعني شهرها نا ؛؛ ان شاءالله تمسك روحها لعند ما تكمل ماما ؛؛ ان شاءالله اميره ؛؛ ماما شن اندير عشاء ماما ؛؛ ديري معكرونه اميره ؛؛ ايه تاكلش فيها نا ؛؛ ﻻﻻ ديرها مراد ايحبها بيش انكول منها العويل اميره؛ ؛ باهي رجاء ؛؛ نجيها امطلع سن اخري نا ؛؛ ههههه اها ماتخقيش فيهم ناقصين بس ارحيمه متعب متعب صح خالتي سالمه؛؛؛حرام عليك مازال بدري علي العياط معه نا ؛؛ والله متعبين ياخالتي حتي الطلعو كرهت منهم حتي عيت عمي اندز عليهم بيش ايجوني بيش هذوم يقعدو في الكروستهم وفي مشيهم وكان نطلع شن نبي انشيل ولاه انشيل خالتي سالمه؛؛ يعطيك ربي صحتك نا؛ ان شاءالله ها امل شن ح اديري مع الامتحانات والفرح امل ؛؛ با هو امتحاناتي قبل الفرح والحمد لله وبعدين نا الفرح نفكرش فيه واجد لان خلاص امكمله شريت حتي الشاش شريته كل يوم انغلف مجموعه رجاء ؛؛ باهي تمام حتي اميره امكمله ماما ؛؛ نيتهن تخدم جانا فرحهن وهن متريحات وجت اميره وقعمزت اميره ؛؛ حطيتها بوه علي خوه وسكرت الطنجره دعاء ؛؛ اسرع طباخه اميره رجاء ؛؛ صبت ابسرعه وخشت للدار اهلا اهلا طارق ؛؛ اهلا شن الجو رجاء ؛؛ ايجننننننننننننن طارق ؛؛ ههههه كنك رجاء ؛؛ فرح اميره وخالد يوم 28 6 طارق ؛؛ ماشاءالله تبارك الله اقريب واجد رجاء ؛؛ اهااا الصاله فاضيه يوم 28 6 و وليد كان داسها علينا بيش يفاجا بها اميره طارق ؛؛ عقبالنا اسسسس صوت هذا نعرفه رجاء ؛؛ هههه بيده كنت مسكته والفون رن شالت وخشيت نجري طارق ؛؛ ههههه امرايف عليكي رجاء ؛؛ والله حتي نا طارق ؛؛ ارحميني وخلني انشوفك من قريب نبي انهدرز معك رجاء ؛؛ والله نا بروحي نبي بس انت عارف المده هذه عالقه عندي امتحانات طارق ؛؛ تعالي عند ايه يومين هذين رجاء ؛؛ تو نقدرش انجي انبات عندها تو عندي امتحانات وفرح اميره خلاص يالله انطقو طارق ؛ ونا به رجاء ؛؛ وعد مني بعد يكمل الفرح ح انجي انبات عند ايه واتجيني غادي طارق ؛؛ بعد الفرح وووو مابعده الفرح رجاء ؛؛ حبيبي علشاني والله نا بروحي امرايفه عليك وليا زمان عليك طارق ؛؛ انحبك هيا حبيبي صكري رجاء ؛؛ انموت فيك خلاص نرجا فيك الليله نبي نسهر معاك بكره جمعه طارق ؛ قصدك اليوم خميس ماه هههههه رجاء ؛؛ ازي تفكيرك ديمه مسخ طارق ؛؛ مفروض عريس اليوم رجاء ؛؛ ههههه هبل طارق ؛؛ اتشوقي فيا عليك ديمه هيا صكري سلام رجاء؛؛ هههههه سلام وخشت عليها دعاء دعاء ؛؛ كنك تضحكي ياحنه رجاء ؛ ايهبل انحبه انحبه ابسط حاجه فيه انحبها اتصدقي حتي لما نتعاركو نلقي روحي انرن عليه سوا نا غالطه ولا هو ماعرفتش اندير عليه عزم وانسيبه ليله بس دعاء ؛؛ صاح فين ناس مجرد اتخش في حياتك اتحبيهم وماتحكليش يوم بلاهم رجاء ؛ كنه جوك مش تمام من امبدري دعاء ؛؛ حكيت لماما علي باسط وارفضت رجاء ؛؛ شن تحكي جدا دعاء ؛؛ اقعدت تبكي اهاااا وقالتلي ما تعبيش روحك انتن بنتين وعيل مانبيكمش اتفارقو نبيكم بين اعيوني رجاء ؛؛ و باسط شن حكيتيله دعاء ؛؛ ابسيطه هو ايحبني وقالي عطني رقم امك نقنعها عطيته حكي معها قالتله عنديش بنت تزوج في طرابلس كان اتحبها وتبيها تعال هنا واشري شقه يا بلاش رجاء ؛ من جدها خالتي دعاء ؛ اهناك اللي ما عنده حظ رجاء ؛؛ اطمني تو خلي الفرح يطلع بعدها تو نحكو كلنا معها ونا انقولك راه مهما تبرمي مش ح تلقي خير من خالتي فاطمه دعاء ؛؛ والله خطرتيها عليا تو انكلمها رجاء ؛ خلي الفرح يطلع قبل دعاء ؛؛ باهي رجاء ؛؛ هيا نطلعو دعاء ؛؛ارجيوه تعرفيش اي معلومه علي سراج رجاء ؛؛ بالله عليك هذا سؤال تساليه دعاء ؛؛ جاني فضول بس رجاء ؛ ليش دعاء ؛؛ نبي نعرف بس رجاء ؛؛ ﻻ ماعنديش عليه اي معلومه ومانبيش اي معلومه عليه عندي راجل غنيني علي الناس كلها انحبه وانموت فيه يكفي انه محترمني وايحبني وايخاف عليا والله طارق من اول ما شفته انحس في الامان معه اتصدقي نقعد معه في مربوعه بروحنا ومانخافش منه حتي زمان طالعه معه للسوق قبل علاقه والله ماكانيش في حاجه بينتنا بس انحس بامان معه انحس روحي نمشي مع راجل صاح ايخاف عليا ومحترمني واللي نبيها اديرها ليا حتي لما دارلي فون حكيت معه وكاني نعرفه من سنين خلني انحبه وانتعلق به دعاء ؛ اهااااااا علي الحب باهي رجاء ؛؛ ايهبل وخشت عليهن امل امل ؛؛ عشاء يا حناتي رجاء ؛؛ بحتت في امل وفي دعاء واضحكت امل ؛؛ كنك ياحنه رجاء ؛؛ مش امصدقه انشوفك عروس امل ؛؛ هههههه خلاص عروس وان شاء الله عاقله رجاء ؛؛ ما ظنيتي بس احسن حاجه انك ح تكوني اقريبه مني يا عمري انتي وصبت رجاء واضبطت امل امل ؛؛ نجك ليا يا عقابي انتي دعاء ؛ هيا بلا ابكاء تو وطلعن البنات وتعشينا وهدرزنا وروحو عيت خالتي ماما ؛؛ ويه خلاص وقفتي رضاعه نا ؛؛ اهاااا خلاص برسمي رجاء ؛؛ حرام عليك مازالو نا ؛ وين مازالو اقريب ايسكرو سنه ماما ؛؛ وقفي مانع يا ويه نا ؛ ليش يا ماما ماما ؛؛ ويه هذه نعمه من ربي ما تمنيعش واجد خلاص سيبي احبوب وخليكي هكي تو مش ح تحملي طول اكيده لا الحبوب اياثرن علي المراه حرام راجلك ايحب الاعيال وانتي حرمتيه نا ؛؛ هو من ناحية يبي يبي صاح بس نا يا ماما مازالت اصغيره ماما ؛؛ بدال انتي اصغيره وعندك جهد لهم ما تندري علي الدنيا شن داسه بعدين بدال بوهم قاعد اصغير وايربيهم خلاص وقفي علي الحبوب وخليكي هكي علي الله بس لا تاخذي منشط ولا شيء خليكي هكي طبيعي نا ؛؛ اقتنعت بكلام ماما هو صح ايحبهم وديمه ايقولي نبي انربي اعيالي قبل ما نكبر اخر اميره ؛؛ ازي عليك يا ويه امخليه راجلك هكي نا ؛ والله نبي نا بس والله هذوم ومطلعني عقلي يابال نحمل اخر ماما ؛؛ ﻻﻻ احملي وجيبي بدال حتي نا قعده بصحتي بيش انساعدك وانتن خوات ساعدن بعضكن راه ما لكن الا بعضكن نا ؛ ان شاءالله خير وخش خالد خالد ؛؛ ويه مراد طلع وقالك هيا نا ؛ باهي خذا معه ارحيمه خالد ؛؛ اها طلعه تو نطلعلك بيده هيا نا ؛؛ هيا اميره ؛؛ ويه ابرمي علينا نا ؛؛ حاضر اتوسي ياشينه اميره ؛؛ الاعيال ساهلين كروستهم جيبها نا ؛؛ ان شاءالله هيا تصبحو علي الخير هلي ؛؛ وانتي من اهله رجاء ؛؛ ويه بكره ماشيه لعربك نا ؛؛ اهااا اكيده ضروري عيت عمي الجمعه ملتمين رجاء ؛ اهااا وطلعت وركبت في السياره والقيتهم هم الاثنين عند مراد قعمزت وجاني ارحيمه طاح عليا نا ؛؛ نجك ليا بنتك كيف بنت باتك مراد ؛؛ هههههه كنه عزق روحه عليك نا ؛ ناعس يعرفني امغير يبي حاجه مني مراد ؛؛ خلي عنده بيده وتما ايسوق نين وصلنا للحوش ونزلنا وخشينا وحطينا العويل في سرايرهم وخشينا للدار وغيرت دبشي وخشيت جنب مراد في السرير وهو ايدخن راقد علي ظهره نا ؛؛جيت من علي جنب وحطيت يدي علي صدره تعشيت مراد ؛؛ الحمدالله وبحت فيا ورفع حاجبه احكي شن عندك من كلام نا ؛؛ ههه كيف عرفت مراد ؛؛ حافظك حفظ احكي نا ؛؛ قربت منه اكتر ونزلت عليه وبسته علي لحيته بوسه حنونه وهااااديه مراد ؛؛ اوووو لدرجة هذه الموضوع مهم نا ؛ هههههه اها مراد ؛؛ حبني علي …. احكي حبيبي نا ؛؛ اتحبني مراد ؛؛ انموت فيك نا ؛؛ تبي مني اعيال مراد ؛؛ اكيد ياريت انحصل منك اخر نا ؛؛ يعني تبني نحمل مراد ؛؛ رفع حاجبه وبحت فيا بالاستغراب من اللي لعب بعقلك نا ؛ هههههه نسال فيك نا بس مراد ؛؛ نا قالتلك نبي اعيال ونبي انربيهم بدال انا مازالت بصحتي والحمدلله نا عارفك انتي اصغيره تبي اتعيشي حياتك وماتبيش اخر نا ؛ نا مش مانبيهش نا نبي ارحيمه وبيده يكبرو مراد ؛؛؛ ويتي حتي نا نكبر راه نبي انكون اقريب من اعيالي ونبي انربيهم ماتاخذيش علي شكلي نا شايب راه نا ؛؛ انحبك يااحلي شايب انت مراد ؛؛ باهي من اللي فتحلك موضوع نا ؛؛ ﻻ بس ماما قالتلي ماتحرميش راجلك مراد ؛؛ تبي تحملي انتي نا ؛؛؛ ح انوقف علي الحبوب بس بشرط مراد ؛؛ شن هو نا ؛؛ ماناخذ اي منشط يعني خلني هكي علي الله كان طولت واجد ما حملت انت اتشوفني مراد ؛؛ خلاص حاضر براحتك نا ؛؛ امتي انوقف مراد ؛؛ مش كملتي شريط تو نا ؛؛ اها ما مريضه تو مراد ؛؛ خلاص معش تاخذي حبوب وقفي نا ؛؛ به ونزلت عليه وحبيته علي …….. مراد ؛؛ يافرخه راعني نا ؛ ههههههههه وبرمت وجي وعطيته ظهري وهو طفي الدخان واضبطني من لاوره مراد ؛؛ مش في ناس تبي تحمل هنا نا ؛ ههههههههههه حول مراد ؛؛ فتح فمه زين يبي ايعضني ونا انعيط ونضحك وطي صوتك الاعيال نا ؛؛ هههههه باهي حول قبل مراد ؛؛ تي نسال بس مش تبي تحملي نا ؛ مش وقتها تي والله ماني حاطه فيك ثقه باهي مراد ؛؛ عليش كنك نا ؛؛ انت تو اتجيبلي حاجة منشط مراد ؛؛ ﻻﻻﻻ مش ح انجيب اطمني بس نعطيك 6 شهور لو ما حملتيش انشوف جوي نا ؛ به حاضر …… رجاء ؛؛ طارق راه انسكر طارق ؛؛ يافرخه كنك رجاء ؛؛ صلح اسلوبك طارق ؛؛ باهي نسالك انتي مش امرايفه عليا مش امرايفه علي صدري رجاء ؛؛ امرايفه بس خلاص اس طارق ؛؛ عليش اس حبيبي والله خاطري اتكوني هنا جنبي رجاء ؛؛ راه انسكر طارق ؛؛؛واقسم بذات الله انجيك بعدها رجاء ؛؛ وين طارق ؛؛ قدام الحوش رجاء ؛؛ اديرهش طارق ؛؛ كيف تبي اتجربي رجاء ؛؛ ياسخيف عيب طارق ؛؛ يافرخه راه مراتي كنك انتي راه كان درت حاجه حلالي راه رجاء ؛ عارف احسن حاجه فيك انك صايع ورومانسي واتحبني واتحب اتعيش روحك واتعيشني وفي نفس وقت خايف عليا والله تو مستعده نقعد جنبك وعارفتك مش ح ادير حاجه طارق ؛؛ لاني انخاف عليك وانحبك رجاء ؛؛ بصوت واطي انحبك انحبك طارق ؛؛ بصوت واطي انموت فيك ياحبيبتي رجاء ؛؛ حبيبي الفجر ياذن طارق ؛؛ تبي ترقدي رجاء ؛؛ اهااا نبي انصلي ونرقد طارق ؛؛ باهي انحبك خلني حتي نا انصبي انصلي رجاء ؛؛ انحبك طارق ؛؛ انحبك وصكرت رجاء وصبت توضت وهي طالعه من حمام لقت اميره تدعي وتبكي صبت علي الباب وتمت اتبحت فيها اميره ؛؛ كملت الصلاه وبحتت في رجاء رجاء ؛؛ خنقتها العبره وجتها اضبطتها ياعن بو الدنيا اميره ؛؛ سنة الحياه قولي الحمدالله ان ماما اهي تهنت علينا ديمه تدعي لربي واتقول هنيني عليهن رجاء ؛؛ بس والله مازالنا اصغار اميره ؛؛ الحمدالله اهي ايمان اصغر وحده فينا اهي ازوجت وحامل واقريب اتجيب رجاء ؛؛ الحمدالله بس ماما لمن انخلوها اميره ؛؛ نحن قعدات مستحيل انسيبوها وبعدين امل حكتلي قالتلي تبي اتغداء واتعشاء هنا يعني مش ح اتسيب ماما نهائيا وبعدين حتي نحن انجوها مانسيبوهش بكل رجاء ؛؛ ان شاءالله هيا خلني انصلي اميره ؛؛ كنتي تحكي مع طارق رجاء ؛؛ اهااا في غيره وانتي اميره ؛؛ حكيت حاجه 10 دقائق وسكرت رجاء ؛؛ عليش اميره ؛؛ وليد معش يبي يحكي معي وقالي معش نبي انشوفك الا يوم زفه رجاء ؛؛ هههههههه وانتي اميره ؛ احسن نبيش نحكي معه خلاص تو دوبي دوب روحي والحوش والفرح نبي نرقد بدري ونوعا بدري رجاء ؛ نا مستحيل نستغني علي طارق تي طارق يتاخر مايكلمني انتعقد وياما ايصير فيا اميره ؛؛ ههه هيا تصبحي علي الخير وصبت اميره وصلت رجاء وخشت تحت الفوطه وطلعت فونها وتمت اتفرج علي فيديو والصور ولقت روحها رانه عليه طارق ؛؛ صوت راقد نعم رجاء ؛؛ بصوت واطي ورومانسي وبيبي راقد حبيبي طارق ؛؛ ﻻﻻ مازال نعست بس رجاء ؛؛ بصوت واطي انحبك انحبك وامرايفه عليك طارق ؛؛ كنك رجاء ؛؛ رايفت عليك طارق ؛؛ فيش كنتي اديري انتي رجاء ؛؛ انصلي طارق ؛ متاكده رجاء ؛؛ هيييييي ياعنجد تفكيرك طارق ؛؛ ههههه اها شوفي جوك فرخه اترن علي حبيبها عقابات الليل واتقوله امرايفه وانحبك وبصوت ايجنننننتنن شن تبيه ايفكر يعني رجاء؛؛ تصبح علي الخير طارق ؛؛ حبيبي انجيك عادي راه رحاء ؛؛ والله مانك طبيعي وانت ح اتجيبلي فضيحه قبل ما طلع الفرح طارق ؛ هههههههه عادي وقعدو ايهدرزو لعند ماطلع الضيء رجاء كل مالها اتحب طارق اكتر تعشقه عشق ومشي الايام وجن الايام وقرب الفرح خلاص نحن في اسبوع الفرح طبعا امل لما كملت امتحاناتها جو عيت خالتي وجابو بتات امل وفرشو واقعدو استقرو لان الفرح في حوش هلي لا اسياق ولا شيء التمنا في كل حاجه ماما وخالتي وكل شيء قسمنها بينتنهن وتاني يوم مشينا وفرشنا شقه اميره نا ؛؛ هيا نطلعو خلاص اذن العصر مراد ؛ باهي امغير وتي روحك والعيال نا ؛ وتيت نا راه هيا مراد ؛ به خلاص اني صبيت وصبا مراد وتوضي وصلي وطلعنا للحوش هلي نا ؛ هيا ارجيوه اطلعي رجاء ؛ هيا هيا وطلعت علينا رحاء تجري رحاء ؛؛ اسفه طولت مراد ؛ لا عادي شن جوك رجاء ؛ تمام الحوش امعبي نا ؛ اهااا خلاص الفرح بدا شن جوك في الامتحانات رجاء ؛؛ كملتهن والحمد لله ح انصفي ان شاءالله نا ؛ ان شاءالله مراد ؛؛ هيا انزلن اشرن ل ارحيمه وبيده قبل نا ؛؛ حتي هاجر قالتلي جيبلي معاك ل اوليدها بداله رجاء ؛ ايهبل اوليدها مراد ؛؛ خوذي راحتك امغير اشرن بس ونزلنا وبرمنا علي السوق ونحن نشرو ورجاء ما قالت ما يعجبها نا ؛؛ مش وضع هذا كل مره اديري هكي رجاء ؛ ماعجبني شيء مراد ؛؛ تو انشيلكن لمحل في شارع تاني هيا بس رجاء ؛؛ هيا ومشينا للشارع تاني ونزلنا علي المحل والقينا بصدفه طارق طارق ؛؛ كنكم جين هنا مراد ؛؛ نبو محل صاحبك طارق ؛؛ باهي خشن هيا وخشينا ونحن انتفرجو وطارق ومراد امصبين ايبحتو فينا وجنبهم كروسة ارحيمه وبيده رجاء؛ ماعجبني شيء نا ؛؛ اتصدقي انك هبله به شن رايك في هذا رجاء ؛؛ ايجننننن بس انحس فيه فخم واجد نا ؛؛ عادي شن فيها انتي مخطوبه معاك افلوس رجاء ؛؛ اها معي سلم حبيبي عطني عرم افلوس وعمتي عطت ماما حق كوافير قالت منها هديه نا ؛؛ اها باهي خشي قيسي وخشت رجاء اتقيس ونا مشيت وقعمزت علي الكرسي وانبحت في الكروسه في العويل طارق ؛ كملتو نا ؛ اها هي بس مازال طارق ؛؛ ديمه اخر وحده تختار رجاء ؛؛ تمام عجبني نبي ناخذه مراد ؛؛ خلاص اركبن تو ندفع وانجي رجاء ؛؛ لا ﻻ يا مراد معي افلوس مراد ؛؛ نا قالت كلمه عدي اركبي طارق ؛؛ مراد معها نا عطيها تشري مراد ؛؛ انت عطيها طارق ؛؛ اهااا شوري عطيها رجاء ؛؛ اهن افلوس طارق ؛؛ به ومشو طارق ورجاء وادفعو وطلعنا وروحنا للحوش هلي والقينا ايمان مريضه حالتها حاله وتمشي واتعيط في الجنان منظرها ايشق القلب نا ؛؛ من امتي ايمان ؛؛ من امس في الليل ونا علي الوضع هذا ماما؛ ؛ باهي اللي كملتي امتحاناتك ايمان ؛ ووووووووو عليا انتهيت سمعها عادل وجاها عادل ؛؛ هيا انشيلك ايمان ؛ ﻻﻻﻻ تو ايجي احمد تو نا ؛؛ من بختك مراد حطنا وعدا ايمان ؛؛ حي علياااااااا حي عليااااااا رجاء جتها تمت تمسك فيها وايمان تمشي واتعيط واقريب اطيحي علي وجها عادل ؛ تي هيا تو انشيلك نا وقرب منها وجا يبي يمسكها ايجي احمد احمد ؛؛ لابسنها هيا ابسرعه رجاء ؛ هيا وخشت رجاء تجري وجابت عبايه ووشاح وجت تجري وهي اتلابس فيها وعادل واحمد ونحن كلنا امصبين في الجنان وانبحتو في ايمان رجاء ؛ طبست علي الشنطه تبي تاخذه وفونها اطيح منها علي الارض قدام عادل واحمد والحوش كله من الصدمه اقعدت رجاء اتبحت في الفون وفي عادل وردت فعله وايمان ؛؛ اتصرخ واتعيط بس الصدمه سكتتها وكلنا انبحتو ونرجو في ردت فعل عادل عادل ؛ بحت في رجااااء وهو ايفنص ونزل علي الفون ومسكه رجاء ؛؛ قلبها وقف من الصدمه تمت اتبحت ومنصدمه عادل ؛؛ ……………. يتبع الصفحات: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33
