مسلسل سعاده كاذبه الجزء الاخير روايات ليبية بواسطة هايدي عبد الله آخر تحديث يناير 23, 2024 مسلسل سعاده كاذبه الحلقه 96 هدي ؛؛ ويه نبيك في موضوع ضروري نا ؛؛ نعم كنك حسيت وجك مش تمام هدي ؛؛ عارفته هو طلب سامط بس والله انتي الوحيده اللي نقدر نحكيلها ونطلب منها نا ؛؛ شن ناقصتك حاجه هدي ؛ ﻻ والله الحمد الله متريحه نا ؛؛ باهي خشي في الموضوع شغلتني هدي ؛ ياحنه مشيت انعالج علي الحمل قالتلي الدكتوره ديري تحاليل انتي وراجلك من اولها بيش نعرف نا ؛؛ به هدي ؛؛ محمد عنده مسالك ايشدن عليه مره مره والشيء هذا اماثر فيه يعني يبي علاج نا ؛؛ قصدك ماايجيبش تو هدي ؛؛ خنقتها العبره ونزلت راسها نا ؛؛ اسفه حبيبتي بس نبي نفهم هدي ؛؛ مااللي عنده مسالك اياثر في الحمل واكيده مراد عارف نا ؛؛ يعني تبني نحكي لمراد هدي ؛؛ نا لما قالت لمحمد تعقد وقالي مانيش ماشي للدكتوره قالي ياعنجد المنظر اللي نخش به علي الدكتوره وحتي التحاليل ماحوتهن با اديرهن انتي عارف الرجاله الموضوع هذا عندهم حساس نا ؛؛ به هدي ؛؛ دكتوره لما اعرفت اسمي قالتلي خوك تخصصه العقم نساء ورجال وقالتلي ممكن علشان خوك راجل تو هو يحكي معه وايفهمه ونا تحشمت انقولها لماما مانبيش محمد ينزل في نظر هلي ناعندي ايقولو العيب فيا ولا في محمد وتمت تبكي نا ؛؛ ﻻﻻﻻﻻ يا حبيبتي وسعي بالك مازالتو اصغار راه بعدين عادي راه مسالك ايعالجو عليهن راه هدي ؛؛ وين اصغار بطلنا انا ومحمد كان علاقه هبدلته ومادرت وكان خطبه تبهدلنا وكان حمل اتبهدو فيه اخري والله تعبنا نا ؛؛ خليمي قويه علي خاطر راجلك هدي ؛؛ والله انتحمل علي خاطره مانبيش انحسسه اني نبي اطفال وهو ميت موت علي شوفت اولده او بنته بس ساكته علي خاطره وهو لما عرف الموضوع تعقد بكل وقالي ماتفكريش انعدي ولما حكيتله علي مراد قالي ماصح وجي نمشي لخوك وانقوله نبي انحمل اختك نا ؛؛ ليش التفكير هذا ما معروفه اي 2 متزوجين ايجيبو اعيال حاجه طبيعيه هذه هدي ؛؛ هو تحشم انتي عارفتيه محمد حشومي المهم نا تو نبيك تحكي لمراد علي اقل يعطني علاج وانا تو انقوله من الدكتوره لان الدكتوره قالت راجلك يبي امتعين المسالك ولاه خوك احسن نا ؛؛ به حاضر بس معاك تحاليل هدي ؛ اها جبته معي بس مانقدرش انخليه لكي لان محمد كان متوقع اني نحكيلك وقالي ماتحكيش ل ايه اي حاجه نا ؛؛ المشكله تو مراد طلع بيش انوره التحاليل هدي ،؛ متحشمه من مراد واجد نا ؛؛ ﻻ ماتحشميش حاجه عاديه هذه ومراد هذه مهتنه وهو عارف هدي ؛؛ باهي كيف ايصير كتن هذا جيبي ورقه نكتبو التحاليل في ورقه تانيه نا ؛؛ به تو انجيب ورقه وقلم حطيت نور وصبيت ودورت ورقه وقلم وشفت فوني فوق الزينه خذيته ومشيت ل هدي قالت انصورو التحاليل خير من نكتبو كتيبه هدي ؛؛ والله فكره هيا تعالي صوري ابسرعه لان محمد رن وقالي وتي روحك نا ؛؛ باهي هيا طلعت هدي الاوراق وصورتهن بالفون هدي ؛؛ صبت ولابست عبايتها والعبره خنقتها ويه ردي بالك تطلع هكي ولاه هكي ولاه مراد يحكي ولاه ايحسس محمد انه هو عارف نا ؛؛ ماعليك ياهدي والله سرك في بير وانتي عارفتني وعارفه طبع خوك هدي ؛؛ انعنك مااتغيبي اسمعي اي حاجه كلمني وقت العمل لان انكون ضامنه محمد مش جنبي ونقدر نحكي معتك براحتي اسمعي راه حتي هاجر ماحكيتلها نا ؛؛ ههههه حاضر ماعليك هدي ؛؛ صدعت راسك نا ؛؛ لا عادي حبيبتي هدي ؛؛ طلعت ولابست كندرته ونا وراها وماسكه نور في يدي وبيده وارحيمه امصبين جنبي تصبحي علي خير ويه نا ؛؛ وانتي من اهله بكره بينتنا فون ان شاءالله هدي ؛؛ ان شاءالله طلعت هدي ونا خشيت برمت علي الحوش ورقدت العويل ودوشت ولابست توته وخشيت لسريري وقعدت انتفرج علي الصور حاولت نفهم حاجه مافهمت سمعت صوت الباب انفتح طلعت بسرعه مراد ؛؛ السلام عليكم نا ؛؛ قربت منه ومسكت جاكته وعليكم السلام وينك طولت مراد ؛؛ قالت اكيده البنات تو ايطولن عندك نا ؛؛ جعان مراد ؛؛ ﻻ الحمدلله تعشيت تعشيه سمحه نا ؛؛ صحه مراد ؛؛ حط ايده علي كتفي ومشينا خشينا للدار وبدا مراد ايغير طلعت نا درت سفرة مكسرات وعصير وحلو وخشيت الدار القيته امقعمز علي السرير وفاتح الاب توب جيت وقعمزت جنبه نا ؛؛ حبيبي عصير مراد ؛؛ صبيلي نا ؛؛ عندك عياده بكره مراد ؛؛ اها ليش عندك طلعه نا ؛؛ عادل عرض الحوش للبيع ونا نبي نمشي نبرم علي الحوش مراد ؛؛ بحت فيا منصدم نا ؛؛ خنقتني العبره نزلت راسي لوطه مراد ؛؛ عرفني زعلانه سكر لاب توب وقرب مني وخذني في حضنه وباسني علي راسي نا عارف شعورك تو بس ربي كتبلكم هكي اهو عندك حوش هنا فيه اعيالك وحبيبك نا ؛؛ بحتت فيه واعيوني ملينات ادموع بس مافيش ماما ولا فيه ذكريات طفولتي نا وخواتي فيش رايحة ماما فيش مكان اللي ارقدت وصلت وقرات القران فيه فيش مكان اللي اضحكت وهدرزت ووكلتنا وشربتنا فيه والله نا مرات نضحك علي روحي وانقول تو انشوفها اقريب مره مره انحس فيها امسافره ولا طالعه مشور ةلا خاش للمستشفي واترد مرات انحس انها اقريب واجد مني وتبيني محتاجتلي تبي تضبطني واتقولي يا اكبيدت الغالي مراد ؛؛ اسسسس حبيبي ليش البماء ادعيلها بدال البكاء نا ؛؛ الله يرحمها ويسامحها بس والله درتي فجوه في قلبي كبيييييييير وشيييييييييييينه ايمان من لما فقدنا ماما في كلمه اتقول فيها استغفر الله بس والله صاح مازالنا اصغار علي الفقد نحن فقدنا اهم شخصين في حياتنا واللي هم سبب وجدنا في الحياه فقدنهم ونحن مازالنا نبوهم بابا توفا من قبل مايفرح بينا لا كبرنا ولا زوجنا ولاشيء وماما توفت لما كبرتنا واتعبت معنا وزوجتنا بس مازالت ماملت عينها من احفادها ولا نحن ملينا اعيونا منها بحتت فيه ماتت وهي منشغله عليا مع ان كانت متاكده ان مش ح اتسيبني كانت اتقول مراد مش ح يخلي ايه اوحدها عارف والله كل ما نخش منك نبكي وزعلانه اتقولي مراد لللي ادير فيه كله من وراء قلبه مسحت دموعي وابتسمت كانت عارفتك اتحبني كنت متاكده اخري حاي ان اكتر مني مراد ؛؛ الناس كلها عرفتني انحبك اكتر من انتي تعرفي نا ؛؛ زمان قبل ماتقرا الفاتحه كانت اتقولي شيفته زمان واحليوه راه وشخصيته قويه وسمحه وح ايحبك ايحب طيبتك ونيتك قبل ما ايحب شكلك كانت اتقولي هكي لان كانت عارفه ان سناء اجمل مني وعارفه انك واخذها لا علاقة حب كانت تقنع فيا وكأن عارفه اني ح انحبك واتحبني مراد ؛؛ نا مانحبكش انا نعشقك عشق خلاص حبيبي معش نبي ادمعياتك هذين جيبلي دخان بيش انكيفك امعي نا ؛؛ ههههههههههه شن قعدت مدمنه نا مراد ؛؛ ماعمري سمعت مراه اتقول لراجلها دخن امغير انتي نا ؛؛ لاني من اول تقربت منك شميت بنت دخان وعطرك وخاصة في الفرح كان واضح الدخان اكار حتي من العطر لما سلمت عليا و لما تقربت منك وصورنا مراد ؛؛ اهاااااا المسرح هذاك اللي خذيت منه اجمل نساء العالم كانت منحرجه مني وخجوله وامنزله راسها وهاااااديه نادر ما نسمع صوتها كانت اتبحت فيا من تحت لتحت بعيون ملينات ادموع واسرار كل ما نذكر روحي كيف كنت قاسي معاك نكره روحي بس نا كنت عارف ليش كنت قاسي نا ؛؛ ليش مراد ؛؛ كنتي عجبتني واجد ورفضتني وماطلبتيش حتي تحكي معي خذيتني بيش ماتزعليش امك مش علشان تبيني حتي ان مافرحتيش بالفرح واجد ولاحظت الشيء هذا لما اتقولي عمتي فاطمه طلعت وشريت ل ايه عرفتك مش فرحانه بالفرح ولما جابو دبشك خشيت وشفته وكان واضح من ان مش دبش عروس فرحانه كان اشويه وبسيط ومافيش حاجات واجد امتعت دلع نا ؛؛ قصدك فتشت الدولاب مراد ؛؛ اكيده في الليل وجيت تفرجت علي كل حاجه نا ؛؛ بس كان بتاتي مش واجد اشويه بكل ممكن انا اقل بتات في خواتي حتي في الذهب كنت اقل وحده نذكر مره حرجتني وقالتلي هذا حد ذهبك مراد ؛؛ ماتزعليش مني بس ماكنتش عارف ظروفك واستغربت بنت اصغيره تطلع هكي وساكته عادي يعني لان بنات تو مايقدرنش في ظروف هلهن نا ؛؛ ﻻ نا كنت انقدر وكنت انقول لماما ماتزريش علي روحك نا نمشيها كيف ماهي ظروفي تقبلني باهي كنت خايفه علشان انت دكتور قالت اكيده تو يضحك عليا وايسيبني علشان مش امكمله القرايه ومش ح يرضي انكون ام اعياله حتي قدام المجتمع هو دكتور كبير ومراته امبطله القرايه ماكنتش نحسابك ح تقبلني بذاتي او بجهلي كيف اكتر كلمه انواجه فيها وخاصة لما ازوجتك كانو ينظرولي ان انا جاهله لان راجلي دكتور مراد ؛؛ ماتقوليش هكي في ناس واجده مش امكمله القرايه احسن من اللي امكملني القرايه وعندهم شهاده هي صاح الحياه تبي شهاده وعمل وفلوس بس لما اتقابلي وجه ربك لا تنفعك شهاده ولا عمل ولا فلوس الحاجه الوحيده اللي تنفعك اعمالك ونيتك اتجاه ربي وانا شفت فيك الشيء هذا انا شفتك اتصلي وتقري في القران احسن حتي مني انا اللي دكتور ونا هذا اللي نبيه نبي اعيالي ايعيشو في وسط اخلاقي وديني وعلمي مايهمنيش كلام الناس المهم قدام ربي حصلت احسن مراه اتكون ام اعيالي تي انحبك يا ويتي نا ؛؛ انموت فيك موت شكله ليلة اعترافات اليوم مراد ؛؛ انحبه الجو هذا انا لان انتي بالنسبه ليا انسانه غامضه نا ؛ بعد هذا كله يا مغرور مراد ؛؛ رفع حاجبه وبحت فيا نا مغرور نا ؛؛ معروف مغرور ومتكبر وغامض وهاجي وحنون وطيب وعصبي مراد ؛؛ هههههههههه نا ؛؛ حبيبي خطرت عليا نبي نوريك حاجه مراد ؛؛ شن نا ؛؛ برمت وخذيت الفون وقربت منه وفتحت علي الصور ومديتله الصور مراد ؛؛ مسك الفون وتمت يقر في التحاليل ويكبر في الشاشه بيش يقرا بالدقه حبيبي تحاليل من هذين نا ؛؛ بس سر مراد :؛ ها به نا ؛؛ محمد راجل هدي وهدي مراد ؛؛ اهاااا نا ؛؛ عنده مسالك مراد ؛؛ واضح التحليل قاعد نا ؛؛ هدي حكتلي وتمت تبكي وجعتني وقالتلي ماتقوليش لحد حتي لمحمد ماتحكوش بس دكتورتها قالتلها شوفي خوك احسن واحد في العقم مراد ؛؛ هو محمد يخدم في المصرف صاح نا ؛؛ هههههه راجل اختك مش عارفه مراد ؛؛ ههه والله ناسي بس نا ؛؛ اها في المصرف مراد ؛؛ يعني علي الكمبيوتر صاح نا ؛؛ حبيبي شن عرفني المهم هي تبيك تعطيك علاج بيش تعطيه له علي الاساس الدكتوره اللي تمشيلها لان هو رافض يمشي ل اي مكان مراد ؛؛ حاضر تو نعطيه علاج بس راه اتقوله ايسيب الكمبيوتر بقدر الاستطاع لام اياثر وااااااجد علي الرجل ح نعطيها علاج لمدة 3 شهور بعدها ادير تحليل اخري وهي حاجتها تمام ماعندهش مشاكل واجد بس لضروره حتي هي تاخذ الفيتامينات نا ؛؛ يعني موضوعه مش واعر مراد ؛؛ والله النتيجه اتبان بعد 3 شهور او حتي بعد شهر ونص ادير تحليل انشوف هل مشي معه او لا وان شاءالله خير بس قوليلها عليك وعلي الاستغفار وخليها تعطيك اسم الدكتوره اللي تمشيلها نا ؛؛ يعني انبشرها بكره مراد ؛؛ والله يا ويتي موضوع ماهو كبير واجد عادي اتصير من المسالك والعمل امتعه بس المهم ايواضب في العلاج وايسيب الكمبيوتر بقدر الاستطاع وعليه وعلي الميه حتي مية الشعير اكويسه راه نا ؛؛ بكره تو انكلمها في الصبح بس حبيبي راه ماحكتش حتي لعمتي تبي الموضوع سر قالتها ليا انا بس راه مراد ؛؛ ووووو عملي ايحط فيا في مواقف محرجه نا ؛؛ ماقالك حد اتخش للتخصص نساء مراد ؛؛ نزل لوطه وحط راس علي المخده وتغطي وقعد يبجت فيا ههههه انتي ان شاءالله ماتبيش ترقدي نا ؛؛ ح نرقد بس اكتب العلاج ودزها ليا في رساله بيش بكره اندزه لها مراد ؛؛ باهي حبيبي تو نكتب نا ؛؛ اسمع مراد ؛؛ نعم نا ؛؛ حبيبي راه رجاء هذا شهرها مراد ؛؛ ايييييييه شن قصدك نا ؛؛ هههههه ﻻﻻ مش اللي في عقلك قصدي نبي هديه لها مراد ؛؛ ساهله حبيبي نا ؛؛ حبيبي مراد ؛؛ ايه ارقدي كنك سكنتي اليوم نا ؛؛ هههههههه حاتم حصل محل مراد ؛؛ قديمه نا ؛؛ حبيبي مراد ؛؛ رفع المخده وعزقها عليا ارقدي ارقدي راه نمشي انوعي العويل وتقعدي هكي نا ؛؛ ههههههه ماتضربش راه خيرلك مراد ؛؛ كرني وكتفني ورقدني نا ؛؛ حبيبي مراد ؛؛ انحط لصقه علي فمك انا راه ساعه 2ونص نا ؛؛ ههههههه اطلق ايدي خلاص والله ح نسكت مراد ؛؛ طلق ايدي نا ؛؛ صبيت والله اتشوف ساهله خذيت السفره وطلعت للمطبخ وطلعت موالح وغازي وقعمزت فوق الطاوله وبديت ناكل مراد ؛؛ خش عليا وقعد امصبي عند الباب ومتكي بكتفه علي الباب وحاط ايده علي اللحيه وايده التانيه علي جنبه نا ؛؛ هههههههه كنك مراد ؛؛ قيسها ليله هي كنك نا ؛؛ انت اللي كنك نا جايه ناكل مراد ؛؛ اتقعمزي فوق الطاوله نا ؛؛ ههههههههه انت عارف مراد ؛؛ قرب مني وخذ مني الغازي نا ؛؛ جيبه مراد ؛؛ ﻻﻻ خوذي عصير نا ؛؛ به تعال كول مراد ؛؛ ماكنتش جعان بس لما شفتك جعت نا ؛؛ هههههه تعال تعال حبيبي رايحه عليك ليله علي قولت طارق مراد ؛؛ ههههههههههه انتي اليوم ناويه اتسهرني سهره طويله نا؛؛ ﻻ مش امسهرتك انت ماني عارفه كنك مراد ؛؛ كولي كولي كلينا وكملنا وخشينا للنوم طول تاني يوم وعي مراد ومشي للعمل ونا رنيت علي هدي وحكيتلها ودزيتلها الرساله وبرمت علي الحوش وغيرت العويل وفطرتهم وبديت في الغداء وتغدينا ودرت شاهي وقعمزنا مراد ؛؛ رجاء مريضه نا ؛؛ شن مراد ؛؛ جتني في الصبح بس مازالت نا ؛؛ صاح مراد ؛؛ ان شاءالله تفتك من العمليه نا ،؛ ليش احتمال اتجيب بالعمليه مراد ؛؛ نا ماشفتهش بس الدكتوره قالتلي ممكن نا ؛؛ ساد اميره سامطه العمليه مراد ؛؛ ان شاءالله خير بس حالتها حاله تبكي واتعيط طارق فاصل فصله شينه مايبيهش اتعيط نا ؛؛ شغلتني عليها تو انرن عليها مراد ؛؛ خوذي فونك وبره فيش هنا مكالمه ساد ليلة امس نا ؛؛ ههههه باهي اني طالعه ايوه حبيبتي رجاء ؛؛ وهي تبكي ناعليا يا ويه امبدري مرضت مرضه شينه ما نحساب روحي الا انجيب نا ؛؛ وكنك ما رنيتي عليا رجاء ؛؛ اركبت فيا في الفجر اليه نا ؛؛ وتو رجاء ؛؛ مازالت فيا بس مرات اتخف ومؤات تقوي مش وضع هذا نا ؛؛ باهي امشي خشي روحك في مية ساخنه ووتي دبشك رجاء ؛؛ اموتيه نا ؛؛ خلي طارق معاك وامشي حطي روحك في ميه ساخنه وحاولي تمشي رجاء ؛ كرعيا نا ؛؛ تحملي هالساعات وكان هذا تعالي هنا رجاء ؛؛ ﻻﻻ قاعده في الشقه وقالبتها اعياط وابكاء عمتي كانت معي وانزلت نا ؛؛ باهي عدي لحمام هيا وديري ميه ساخنه رجاء ؛؛ حاضر صكرت رجاء وبحتت في طارق طارق ؛؛ تي كنك اتبحتي هكي رجاء ؛؛ خطاني كذا طارق ؛؛ عليك قصه كان مانكش قدها ليش تزوجي رجاء ؛ تو اتركب فيا انا الغلط هذا بدال ما تساعدني طارق ؛؛ من الفجر ونا معاك لا خلتني نطلع ولا سكتي رجاء ؛؛ تحمل معي انت امغير تسمع في ابكي واعياطي وغمتلك كان اتحس بالم امتعي خشت للحمام وولعت ميه دافيه في الحوض واقعدت تبكي طارق ؛ خش ولقها تبكي حبيبي شن تبي اديري رجاء ؛؛ نبي انقعمز في الميه طارق ؛؛ قرب منها واضبطها رجاء ؛؛ تمت تضرب فيه علي كتفه والله نار يا حبيبي طارق ؛؛ باهي حبيبي عارف هيا خشي للحوش والله مانحسابك متعبه هكي رجاء ؛؛ واعره راه واعره طارق ؛؛ ساعد رجاء وخلها اتقعمز في الحوض رجاء ؛؛ قعدت تبكي وماسكه في يد طارق بقوه طارق ؛؛ خلاص تطلعي رجاء ؛؛ تعذبت راه تعذبت طارق ؛؛ باهي حبيبي شن انديرلك والله اللي عليا اندير رجاء ؛؛ هذه اخر مره نحمل نا هبله اللي درت في روحي هكي طارق ؛؛ طلعها من الحمام وقعد يمشي بها في الشقه حبيبي البسي عبايتك وخلينا ننزلو لوطه في الجنان رجاء ؛؛ ﻻﻻ عمي راقد تو طارق ؛؛ باهي كيف ايصير رجاء ؛؛ نبي نرقد علي جنبي تعبت راه والله تعبت من الفجر ونا بالوضع هذا اهااااااا يا ماما وينك وينك انحرمت منك طارق ؛؛ رقدها وقعد امقعمز جنبها وايدخن رجاء ؛؛ اتكيف في روحك ونا نار شايطه فيا طارق ؛؛ عليك قصه اني طالع واقعدي فيها اوحدك رجاء ؛ هذوم انتو يا رجاله انانين تبو اعيال وخلاص ماتبوش تعتبو طارق ؛ طلع وسيبها وقعمز علي الدروج وقعد يسمع فيها جو في الشقه تبكي عمتي ؛؛ وينها طارق؛؛ مازالت جو تبكي عمتي ؛ معقوله المغرب اذن ومازالت طارق ؛؛ شن انديرلها ليا كم ساعه طالع وامسيبها عمتي ؛؛ واتسيب مراتك يا هبل طارق ؛؛ تي شن انديرلها بتهي قاعده اتبكاء وماتبيش اتجيب عمتي ؛؛ امشي امشي يا هبل وتبي تقعد اب انت دقت عمتي علي باب الشقه رجاء ؛؛ افتحت الباب وهي منسحنه سحن من البكاء عمتي ؛؛ هييييييييي ارجيوه رجاء ؛؛ ناعليا ياعمتي انتهيت خلاااااص طارق ؛؛ سمع صوتها صبا ابسرعه وشافها لقها تعبانه بكل واعيونها متورمات من البكاء عمتي ؛؛ باهي امشي للمستشفي رجاء ؛؛ قاعده علي الخط مع ايه قالتلي ماتمشيش تو خليكي في الحوش احسن عمتي ؛ باهي تعالي انزلي للجنان اريوحه بره رجاء ؛؛ وعمي عمتي ؛؛ طلع رجاء ؛؛ بحتت في طارق وطنشت ونزلت مع عمتي طارق ؛ خوذي عبايتك رجاء ؛؛ مابتش اترد عليه وانزلت طارق ؛؛ خش وهو متعقد وخذا عبايتها ووشاح امتعها وكيس فيه ميه وعصير وحاجات حلوه ونزل عمتي ؛؛ ياطارق ساعد رجاء في المشي نمشي انجيبلها زيت وانجي رجاء ؛؛ صبت وانسندت علي الساس وتمت تبكي بقوه طارق ؛؛ قرب منها فجاء ومسكها رجاء ؛؛ ناعليا تبهدلت طارق ؛؛ تحملي ياعمري خلاص تو ساعات واتكوني ماسكه اوليدي رجاء ؛؛ هذه اللي تبيها انت عمتي ؛؛ اهو يا ارجيوه اشربي الزيت هذا اكويس رجاء ؛؛ عمتي هذا زيت زيتون عمتي ؛؛ اها عارفه اشربي والله اكويس راه هيا بيش تسهل معاك طارق ؛؛ خذ الطاسه وتم ايشرب فيها اشويه اشويه حبيبي رجاء ؛؛ اعععععع بكل طارق ؛؛ باهي هيا تمشي عمتي ؛؛ قعمز يا طارق تو نمشي بها نا طارق ؛؛ قعمز علي الكرسي وايبحت في رجاء وغمتله لان ايشوف فيها تبكي مش قادر ايسكتها رجاء ؛؛ ﻻﻻﻻﻻﻻ يا عمتي ﻻﻻﻻﻻﻻ خلاص حي عليا طارق ؛؛ صب ابسرعه وجاها رجاء ؛؛ امسكت في طارق وتمت تبكي واتعيط بصوت عالي ياربي حي عليا نا ياربي ياربي طارق ؛؛ امي العبايه لبسيها هيا عمتي ؛ تمت اتلبس في رجاء وخشت بسرعه تلبس رجاء ؛؛ حبيبي حي عليا نا نبي انموت طارق ؛ شادها بقوه وطلع بها وحطها في السياره من القدام ورقد الكرسي ركب جنبها بسرعه وولع السياره عمتي ؛؛ طلعت وركبت في السياره طارق دبشها معها طارق ؛؛ اها قاعد في الشنطه من الفجر قاعده الشنطه رجاء ؛؛ كلمني ايه طارق ؛؛ ايه عندها اعيال واكيده واحدها في الحوش رجاء ؛؛ باهي اميره كلمها نبيها تو نبي اميره طارق ؛؛ باهي تو انرن عليها رجاء ؛؛ ناعليا نا الهبله ودرويشه عمتي ؛؛ ادعي ارجيوه احسن واطلبي ربك رجاء ؛؛ تمت شاده في يد طارق وووووو عليا يا ربي ساعدني ياربي وووووووووو عليا حي عليا نا شن درت في روحي حي عليا نبي انموت حي عليا ياحبيبي كلها منك وانا شن زرني نا بس شن زرني طارق ؛ خلاص اهي هانت اهو وصلنا رجاء ؛؛ تبكي واتعيط طارق ؛؛ نزل بسرعه ونزلها وهي تبكي واتعيط وطارق ايسكت فيها حبيبي عيب في مستشفي راه رجاء ؛؛ رن علي اميره طارق ؛؛ حاضر تو انرن تو خشي بس رجاء ؛؛ خشت للغرفه هي واتعيط وتبكي الدكتوره ؛؛ انتي عدي امشي في الممر وزري علي روحك هيا شجعي روحك بيش تسهل عندك هيا رجاء ؛؛ بحتت في الممرضه ومسكت فيها الممرضه ؛؛ هي معي رجاء ؛؛ مشت معها وتمت تمشي وتبكي وتدعي والوشاح نزل من راسها ياربي ساعدني ياربي ارحمني ياربي فرجها عليا ياربي ساعدني وهي تمشي وتبكي حست واحد صب عليها رفعت اعيونها وشافت سراج وهو امصبي وايبحت فيها ومتكي علي الساس نزلت راسها وتمت تمشي وحطه يدهل وراء ظهرها واليد التانيه ماسكه بها الممرضه سراج؛ ؛ خنقته العبره مش خاطره عليه ايجي يوم اللي ايشوف فيه رجاء اتجيب ولد غيره تقرب منها وصبا قدامها شن مكتوبلي انتعذب ولا شنو رجاء ؛؛ مابتش اتعبره وتمت تمشي سراج ؛؛ من كثر ما انحبك مواقف المهمه في حياتك كلهن حاضرهن سواء فرحه ولا حزن رجاء ؛؛ تي مش وقتك راه كذا خطاني مش طايقه حتي روحي سراج ؛؛ قعد امصبي وايبحت فيها اميره ؛؛ جت تجري رجاء ؛؛ ناعليا خلاص انتهيت نا اميره ؛؛ وين الدكتوره خلاص راه الممرضه ؛؛ هيا خلاص خشي رجاء ؛؛ خشت وهي اتعيط اميره ؛؛ استغربت سراج سراج ؛؛ شن الاخبار اميره اميره ؛؛ بحتت فيه وامبتسمته تمام الحمدالله شن اخبارك انت سراج ؛؛ اهو قاعد من عمل لعمل تاني اميره ؛؛ باهي ربي يوفقك ان شاءالله سراج ؛؛ ان شاءالله شن اخبار ايه اميره ؛؛ اكويسه قاعده سراج ؛؛ ردت لمراد صاح اميره ؛؛ سن الاهبار عندك سراج ؛؛ اخباركم نعرفهن ديمه بالصدفه ايجن قدامي مش عارف ليش اميره ؛ وانت شن عندك من العويل سراج ؛؛ ﻻ ماعنديش طلقت خلاص اميره ؛؛ هيييييي شنو سراج؛؛ اهاااا نصيب اميره ؛؛ وجعته كلمة سراج سكتت سراج ؛؛نزل راسه وبحت في اكراعه وايحرك فيها شن رجاء متريحه معه اميره ؛؛ انصدمت من السؤال وردت بصوت واطي اها الحمدالله سراح ؛؛ ربي يهنيها ان شاءالله اميره ؛؛ ليش سالت عليها ليش اتفكر فيها بعد ما تعبتها زمان جاي تو تسال خلاص يا سراج انسها ومعش تسال عليها سراج ؛؛ عارفه اصعب حاجه في الدنيا ان ايخش انسان في حياتك ويغيرها ويطلع بسرعه ممكن اتكون ايام بسيطه قدام عمرنا بس اترث فينا واجد واتخلينا نذكرو ونندمو العمر كله علي قد زمان ما قهرتني بالعناد علي قد ما نا قهرت روحي علشان ماصبرتش عليها ممكن علشان شفت في اعيونها زمان اتحبني كيف مانشوف تو في اعيونها حبها لطارق اللي اقوي مني ممكن علشان نحن البسر انحبو نظلمو اروحنا وانعيشو في اروحنا في وجع صدق اللي قال الراجل عمره ماينسي المراه اللي اتسيبه هي يابال اللي حبها اميره ؛؛ انت تحكي علي مراه متزوجه راه سراج ؛ عارف نحكي علي اللي كانت مرهونتي تو مرهونه لغيري اميره ؛؛ نصيب وياريت با سراج تمشي لان راجلها بره سراج ؛؛ بر وجه وطلع بسرعه اميره ؛؛ قعمزت علي الكرسي وهي منصدمه من كلام سراج وبعدها بوقت الممرضه ؛؛ طلعت ومعها رجاء مبروك مبروك مبروك عيل اميره ؛؛ بدون ما تندري علي روحها لووووووووووووووووووووووووووووووووووليا رجاء ؛؛ انصدمت وبحتت فيها اميره ؛؛ حطت ايدها علي فمها وبكت عمتي ؛ خشت بسرعه واضبطتها عادي يااميره هذه اللي تبيها امك ماتبيش حزن ولو هي هنا راه هي بروحها زغرت اميره ؛؛ تمت تبكي رجاء ؛؛ مشت شور الغرفه ورقدوها عمتي ؛؛ مشت اهتمت ب محمد اميره ؛؛ مبروك ارجيوه رجاء ؛؛ يبارك فيك اميره ؛؛ اوليد يا سمحه رجاء ؛؛ الحمدالله وين طارق اميره ؛؛ هييييييييي انسيت هو قاعد بره ومازالت ماقالتله رجاء ؛؛ خليه ماتحكيلش جيبلي ميه اميره ؛؛ اهو اشربي ليش ماتبيش انقوله رجاء ؛؛ خلي عمتي اتجيب محمد قبل اميره ؛؛ باهي تمام شن واعره رجاء ؛؛ نار بكل اميره ؛؛ ويه اترن الو نا ؛؛ ها شن صار عندك اميره ؛؛ جابت محمد واهي امقعمزه نا ؛؛ الحمدالله تو انشوف مراد تو بالكي انجي رجاء ؛؛ قوليلها اتريح بكره تو اتشوفني في الشقه اميره ؛؛ سمعتيها نا ؛؛ مادوريهش اميره ؛؛ باهي سلام نا ؛؛ سلام عمتي ؛؛ خشت ومعها محمد ماشاءالله تبارك الله ياارجيوه ايترب في عزكم ان شاءالله رجاء ؛؛ ان شاءالله عمتي ؛؛ نمشي انكلم طارق بيش ايشوفك رجاء ؛؛ اميره لميلي شعري قبل اميره ؛؛ تو انغيرلك بالمره قبل مايخش طارق رجاء ؛؛ به اميره ؛؛ غيرت لرجاء ولمت شعرها عمتي ؛؛ ديرلها كحل رجاء ؛؛ ﻻﻻ ماندريش عمتي ؛؛ ﻻﻻ دريه نافس انتي ماتلطيش يا رجاء مش اكويس راه وطلعت الكحل رجاء ؛؛ عمتي والله ماخاطري ماما ؛؛ رجاء انتن مازالتن اصغار علي الحزن وبعدين الحزن في قلبه مش في الشكل حتي ولو بعد 20 سنه الام فجوتها كبيره في القلب اهو نا اللي مراه كبيره نمشي وانهدرز ودرت افراح وضحكت ولعبت بس امي ماعمري انسيتها في قلبي قاعده ندعيلها مش نحزن ديري ما تلطيش علي روخك راكن اصغار وصبايا رجاله والرجاله راه مايحبوش المراه الحزينه النكديه وراه مازالتي عروس حتي سنه ماطقيتي تين ادير حزن للراجلك اهو ايرن هيا ديري بيش انقوله تعال اميره ؛؛ بحتت في رجاء واعيونها ملينات ادموع ديري ارجيوه ماتلطيش خلاص فعلا كلام عمتي رجاء ؛؛ والخاطر عمتي ؛؛ لنهاية عمرك ايكون الخاطر مكسور راه هذه ام مش حاجه ساهله بس الانسان ايعيش حياته خلاص مش اكويس الحزن هيا ديري نمشي انخشس طارق رجاء ؛؛ رفعت الكحل ومسكت فونها ودارت اميره ؛؛ طلعت العطر ودرته وعطتها محمد وطلعت وسيبتها رجاء ؛؛ وهي ماسكه محمد وتهز به طارق ؛؛ خش وشافها وابتسم رجاء ؛؛ رفعت راسها وشافته تعال حبيبي شوف محمد طارق ؛؛ قرب منها وقعمز جنبها وباسها علي راسها مبروك حبيبي رجاء ؛؛ يبارك فيك شن اعجبك طارق ؛؛ خوفتني عليك رجاء ؛؛ ههههه واعره حبيبي طارق ؛؛ واهو نسيتها رجاء ؛؛ شوفه كيف امغمض اعيونه طارق ؛؛ طشه يا حبيبي رجاء ؛؛ هههه اها طارق ؛؛ شكله يشبهلي رجاء ؛؛ مازال بدري مش تو ايبان طارق ؛؛ تي قولي اهاا وخلاص انتي رحاء ؛؛ ههههه اها حبيبي طارق ؛؛ بحت فيها وباسها علي خدها كنك سمحه هكي اليوم رحاء ؛؛ قعدت ام طارق ؛؛ ونا قعدى اب ههههههه ربي يحفظكم رجاء ؛؛ هييييي كنه يبكي طارق ؛ بالكي جعان رجاء ؛؛ صاح شن اندير طارق ؛؛ رضيعه رجاء ؛؛ ﻻﻻ مش ح نرضعه نا نبي انديرله رضاعه متعبه الرضاعه طارق؛؛ حبيبي هذا اصغير رضعيه رجاء ؛؛ باهي قربت محمد منها ورفع راسها حبيبي اطلع خلاص طارق ؛؛ نبي انشوفك رجاء ؛؛ ﻻﻻ اطلع نعرفش اصلا نا طارق ؛؛ هيا حبيبي بلا جو شين رجاء ؛؛ غطت روحها وقربت محمد وبدت اترضع طارق ؛؛ هههههه تحشمي رجاء ؛؛ نبي نرقد نعسانه نوم من الفجر واعيه طارق ؛؛ بكره خروج رجاء ؛؛ اها تو تقعد معي اميره روح انت طارق ؛؛ حاضر بس ردي بالك من روحك رجاء ؛؛ حاضر طلع طارق وروح هو عمتي واميره خشت وباتت معها وتاني يوم روحت لشقتها وكلنا جينها غادي عمتي ؛؛ نبو عشاء للاسبوع راه هاجر ؛؛ اها يا ارجيوه ديرو عشاء كبير وخلاص رجاء ؛؛ لا نبي انديره بسيط عائلي عمتي ؛؛ ﻻﻻ عمك يبي ادير عشاء كبير راه هذا ولد طارق واسمه محمد نبو انديروله عشاء كبير وطارق ابروحه يبي الهام ؛؛ رجاء بلا لط ديري العشاء راجلك وعمك خاطرهم فيه نا ؛؛ ديري ياارجيوه رجاء ؛؛ مش اموتيه روحي راه الهام ؛؛ ماعليك نحن وخواتك قعدات انديرو كل حاجه رجاء ؛؛ به ابراحتكن ديرن اميره انتي نبيك اتجيبلي الحلويات والبونبونايره من بره اميره ؛؛ ماعليك انجيبلك احلي حاجه نا ؛؛ تو انديرو موالح نا والبنات في حوشي وانجيبهم هنا عمتي ؛؛ ﻻﻻﻻﻻ كل حاجه ديرهن لوطه الحوش فاضي وعلي احسابكن انا نبي جو مناسبه في الحوش عاد هذا ولد طارق مش حاجه ساهله انديروله كل حاجه رجاء ؛؛ تسلمي عمتي الهام ؛؛ خلاص بكره انديرو نا ؛؛ تو انجيب المكونات نا رجاء ؛ خلي يا ويه تو انقول طارق ايحيب نا ؛؛ بلا سماطه تو انجيب نا قالت نجاح ؛؛ وانديرو عصبان عمتي ؛؛ اها اكيده واتفقنا علي العشاء كلنا خاطرنا مكسور بس الحياه تبي هكي ضروري ايجيك الوقت ايخليك تضحك وانت من حو مكسور وهذه سنة الخياه مهم ايصير مش ح توقف نين يتوقف دقات القلب تمينا كل عشيه انتلاقو في الحوش لوطه طبعا عمتي من كثر ماغالي عليها طارق خلت رجاء تنزل عندها وعطتها دار تقعد فيها هي وولدها وفي الليل ايجي طارق ايبات معها مابينش انباتو بس انجو من الصبح وانديرو وانوتو ولمينا الحوش كله نين جا يوم العشاء جينا من الصبح كلنا وعمتي جابت سوايه وغساله رجاء ؛؛ ناعليا نا منك ياطارق طارق ؛؛ تي كنك رجاء ؛؛ سحني راه طارق ؛؛ حبيبي نا جاي انشوف فيه بس رحاء ؛؛ باهي امسكه بدال ما غيرت لان حتي البنات لاهيات ايغيرن طارق ؛؛ باهي هاتي وصبي هيا رجاء ؛؛ مشت لحمام وغسلت علي الخفيف وغيرت وجت للطارق وطلعت كحل ودارت وحطت اسواك طارق ؛؛ ابدويه رجاء ؛؛ ليا فخر طارق ؛؛ شن جو الكحل والسوام هذا امتع امي رجاء ؛؛ من عمتي هي اللي قالت ديرن وهزبت البنات قالت نلقي وحده مش دايره ميك اب نزعل منها وماعاد نحكي معها طارق ؛؛ ايوه هكي صاح رجاء ؛؛ حبيبي جيبلي ذهبي من فوق وجيب حتي ذهب محمد بيش انغيرله طارق ؛؛ الصندوق كله رجاء ؛؛ ﻻﻻ جيبلي الطاقم الصغير امتع البيان واسورتين وخاتم وسلسة محمد والرشقه طارق ؛؛ حاضر حبيبي حاجه اخري رجاء ؛؛ نا سلامتك بس شوف المطبخ ناقصه حاجه طارق ؛ كنت فيه مافي شيء ناقص رجاء ؛؛ درت خيمه طارق ؛؛ ههههه اها اكيده رجاء ؛؛ باهي عدي جيبلي ذهب طارق ؛؛ حاضر طلع طارق وخشيت نا عليه بالوشق رجاء ؛ اهاااااا عليك بنه مريحه نا ؛؛ اها النافس هكي تبي رجاء ؛؛ اذن العصر نا ؛؛ اها تو اقريب ايخشو الناس خلاص بخرنا الحوش وبدنا ايجن الصبايا والحوش ايتعب رجاء ؛؛ ويه ويه نا ؛؛ نعم رجاء ؛؛ تعالي شوفي محمد شن دار نا ؛؛ ههههههه عادي ترجيعه بسيطه رجاء ؛؛ عبا دبشه كله نا ؛؛ هههههه عادي قعمزت وبديت انغيرله وفجاء اتخش علينا ……… يتبع الصفحات: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33
