مسلسل سعاده كاذبه الجزء الاخير روايات ليبية بواسطة هايدي عبد الله آخر تحديث يناير 23, 2024 مسلسل سعاده كاذبه الحلقه 94 مراد ؛؛ بصوت عالي ايه انتي ليا ما تفكريش انك ح تاخذي غيري انتي ليا انا بس عارفه ليا نا والله نقتلك كان مش ليا نا ؛؛ وقفت وبرمت وجي شفت روحك لعند اخري لحظه اتفكر في روحك في حبك لكن ما تفكرش فيا انا خلاص يا مراد في حاجه انكسرت بينتنا ما ظنتيش اترد خلاص غمضت اعيوني والعبره خنقتني ونمشي وانشوف في رجاء وطارق قاعدين في السياره مراد ؛؛ حول الجاكه وعزقها وحول السوريه والساعه وطلع دزدانه ودخان وولعته وفونه وحطهن علي الجاك وجاااااااااااني نا ؛؛ نمشي وخاطري مكسور كسر نمشي ومانبيش نمشي خاطري انكون معه وفي حضنه بس اللي صار بيني وبينه هو اللي خلني نعفس علي قلبي ونمشي وفجاء نلقي مراد شايلني من وسطي من لاوره مراد حول حول مراد ؛؛ شالني عند الشط نا : مراد كنك انت فيش ادير حول سيبني مراد ؛؛ اختاري تو يا تزوجني يا انغرقك هنا نا ؛؛ مراد بلا جو جنون حول مراد ؛؛ باهي تم حول كندرته ورفعني علي كتفه وخش بيا للبحر نا ؛؛ مرااااد نزلني انت عارف نعرفش انعوم وفجاء نلقي روحي تحت البحر عازقني مراد رجاء ؛؛ هييييييييي تي فيش ادير خوك طارق ؛؛ ههههه خليها تعرف جنون مراد شن شكلهن رجاء ؛ غرقها طيح سعده مراد ؛؛ نزل وخذني ورفعني نا ؛؛ طول مسكت فيه من ارقبته وتميت نبكي مراد ؛؛ اتحبني نا ؛ ………. نزلني اخر ورفعني مراد ؛؛ احكي راه انغرقك ولاه امرايفه عليا مش قادره تحكي نا ؛؛ بصوت مخنوق طلعني بره مراد ؛؛ فيش طلعو نبن تعترفي بحبك ليا وتسامحني واترديلي راه والله انغرقك يا ويتي نزلني اخري ورفعني نا ؛؛ امضبطته زين مش قادره انسيبه وهو مسكني من عند وسطي وقربني منه زيييييييييين اطلعني نحكو مراد ؛؛ بعدني وبحت فيا واعيونه ملينات ادموع بصوت حنون ودافي انحبك انحبك والله تعبت بلاك والله انتي دنيتي كلها والله ماعمري خنتك والله من يوم ماعرفتك ماعمري شفت ولا اتبتهت لمراه غيرك والله راكي عميتي اعيوني الاثنين بيك والله حتي لمس مالمست غيرك والله انتي اللي في قلبي وعيوني وفي عقلي وعارف روحي غلطت والله من غيرتي عليك بس خلاص ويتي نا ؛؛ اقريبه منه واجد وانبحت في اعيونه وهن ملينات ادموع وينطقن في كلام الحلو كلام الشوق والندم من قبل ما ينطق الفم مراد ؛؛ نعودك اني مستحيل اندير غلط من اللي زمان درته خلا ص والله عرفت غلطي وصلحته والله ما ني متحمل روحي بلاك نا ؛؛ بدون مانحس بروحي القيت روحي امضبطته زيييييييين ونبكي ونضرب فيه بيدي علي ظهره امرايفه وانموت فيك وينك ليش اتخلي فيا هكي ليش اتعذب فيا والله تعبت بعدك انا والله تعبت والله انحبك والله انحبك والله انحبك والله انحبك ليش اتخلي فيا نتعب ليش اتخلي فيا نبكي وننقهر وانرايف ليش انت حبيبي وروحي وقلبي انت اكتر انسان عارف ان انحبك وحساس وبسرعه ماننجرح ليش جرحتني ليش والله انحبك وامرايفه عليك ليش مراد ؛؛ خلاص اسسسسس حبيبي نا ؛؛ وخرت وخليت عيني اتجي في عينه وهن ملينات ادموع مراد ؛؛ قرب مني وباسني علي ……….. رجاء ؛ هههههههههه تراضو طارق ؛؛ ههههههههه صار منهم والله اختك هذه جننت خويا رجاء ؛؛ ناعليا عليك اللقطه رومانسيه واتهبل قالك انا انمس في الليم طارق ؛؛ بحت فيها ومستغرب تي اي ليم اللي اتمصي فيه تحشمي راه انوريك توا رجاء؛؛ ههههههههه عيب عيب الاعيال نا ؛؛ بصوت واطي حنون من قلبي اللي ايدق جو بقوه حبيبي حول خلاص ايبحتو فينا مراد ؛؛ رد باسني اخري علي …… تنهد تنهيده طويييييييله امرايف عليك ومتلهف انحبك والله انحبك نا ؛؛؛ حبيبي اذكر ان نحن مش متزوجين يعني حرام مراد ؛؛ خطيبتي اللي بعد ساعه اتكون زوجتي واتروح معي وام اعيالي نا ؛؛ شن شن مراد ؛؛ عادل وحاتم والشيخ في حوش قاعدين نا ؛؛ كيف امتي مراد ؛؛ نزل تحت البحر وكرني شوره نا ؛؛ مسكته فيه من عند ارقبته بالقوه ورفع فوق ورفعني حبيبي خلااااص حبيبي صقعت راه مراد ؛؛ ههههه حاضر بس هيا عطني نا ؛؛ ﻻﻻ فيش مراد ؛؛ ليش نا ؛؛ حراااااام مراد ؛؛ تو يعني تضبطيتك ليا هذه مش حرام نا ؛؛ ضربت كتفه بيدي طلعني ما منك انت امخششني للبحر مراد ؛؛ برم وجه وبحت ولقي طارق ورجاء لاهين في العويل هيا ارخي روحك خلاص تو انطلعك نا ؛ احلف انك ماتغرقنيش مراد ؛؛ ياهبله نا حبيبك نا ؛ ماامبدري حلفت مراد ؛؛ قالت لو ماترديليش انغرقك عادي نا ؛؛ انحبك وانموت فيك وخايفه من حبك مراد ؛؛ انا قالت اسف ومستحيل انعاودها هيا نطلعو نا ؛؛ طلعني مراد ونا نرعش من الصقع مراد ؛؛ التفت عليا حبيبي للدرجه هذه نا ؛؛ كنك انت راه مش وقت بحر بكل مراد ؛؛ قرب مني وبدا يفتح في الجاكه شن لابسه جوا نا ؛؛ ابلوزه خفيفه مراد ؛؛ فتحلي الجاكه وحولها ورفع جاكته ولابسها ليا ناقصه يا ويتي واجد نا ؛؛ حتي انت مراد ؛؛ هيا معي نا ؛؛ ﻻﻻ نبي نركب مع طارق مراد ؛؛ ﻻﻻ فيش تركبي معي معناها معي نا ؛ و عادل مراد ،؛ نزل خذا حاجاته ولابس السوريه والساعه ومسك الكندره هيا خلاص نا ؛؛ مرااااد عادل فكني منه مراد ؛؛ ماحد عنده كلمه عليك ومادخلهمش بيك هيا وحط يده علي الاكتوفي ولفني شوره ومشينا شور السياره والقين عيت طارق فرحنين ومبتسمين مراد ؛؛ نزل العويل طارق ،؛ تاخذها معاك مراد ؛؛ اها للحوش مراد غادي طارق ؛؛ حاتم وعادل يرجو فيك راه رجاء ؛؛ عليش طارق ؛؛ ههههه معهم شيخ رجاء ؛؛ تحكي جد انت طارق ؛؛ ههههه اها رجاء ؛؛ حطت نور عند طارق و انزلت وجتني بسرعه واضبطتني نا ؛؛ انعبيك ميه رجاء ؛؛ مبروك نا ؛؛ يبارك فيك مراد ؛؛ خلاص حبيبي اركبي صقع نا ؛؛ حاضر رجاء ؛؛ خلاص العويل شوري خليهم تو نلحقكم مراد ؛؛ به تم مشيت وركبت وحسيت روحي فرحانه واقريب انطير من الفرحه وامرايفه عليه وامرايفه حتي علي السياره وبنتها مراد ؛؛ لبس كندرته وولع دخانه وركب في السياره وبحت فيا امصقعه مازالتي نا ؛؛ مش امغير مراد ؛؛ ولع السياره وحطها علي الساخن وبحت فيا ونفخ الدخان في وجي نا ؛؛ انحرجت ونزلت راسي مراد ؛؛ شن مش امرايفه عليه نا ؛؛ ……. مراد ؛؛ نا رايفت علي حبيبي لما ايشوفني اندخن ايجني ويقعد علي صدري نا ؛؛ ……… مراد ؛؛ هههه كنك ساكته نا ؛؛ انت حاكي مع عادل مراد ؛؛ من امس في المستشفي لما جيت ل علي القيت عادل وتناقشنا وقالتله بكره انردها وكلمتهم وقالتلهم يرجوني في حوشنا نا ؛؛ قصدك حوشنا نحن مش حوش هلي مراد ؛؛ اها نا ؛؛ ﻻﻻ نبي حوش هلي دبشي كله غادي مراد ؛؛ تو نمشو للحوشنا انتمو الموضوع وبكره تو تمشي اتجيبي دبش نا ؛؛ مراد نا مش امجهزه روحي مراد ؛؛ نبيك كيف ما انتي نبيش اي تغير نا؛؛ هذه تاني مره تاخذني ومستعجل مراد ؛؛ لكي سنه ونص وانتي واخذه راحتك خلاص نا ؛؛ وانت مراد ؛؛ نا نتعذب من حبك نا عارف روحي انحبك بس مانحسبش روحي مجنون بدرجه هذه كنت مستعد نقتلك وانحطك تحت التراب ونقتل روحي بعدها بس المهم ماتكونيش لغيري ومسك يدي وباسها وقعد ايشم فيها وايبحت فيا وفي الطريق هيا انزلي نا ؛؛ مرات ايشوفني عادل ومنظري سامط مراد ؛؛ انزلي وخشي طول الرجاله في المربوعه نا ؛؛ نزلت وخشيت للحوش طارق ؛؛ خش هو ورجاء والاعيال مراد ؛؛ شوف الحو خلني انخش انغير قبل طارق ؛؛ هيا هيا وخش طارق ولقي عادل وخالد وحاتم في المربوعه وسكر الباب وخشينا بسرعه مراد طول خش للحمام نا ؛؛ انصدمت لما شفت الحوش مضموم وامرتب كله رجاء ؛؛ ايجننن الحوش مراد عابي شكله نا ؛؛ بحتت فيها ورفعت حاجبي يعني انت مش امساعده رجاء ؛؛ ﻻ والله ماني امساعده هيا هيا خشي دوشي والبسي نا ؛؛ هو نا عندي دبش هنا تو انشوفه خشيت للدار والقيت امرتبه وفيها وريغان جديد وفتحت الدولاب والقيت دبش جديد وايخش مراد لابس ديشنبر نا ؛؛ مرااااد مراد ؛؛ طلعلي دبش بسرعه نا ؛؛ نبي انخش ندوش ومشيت مراد ؛؛ كرني شوره تعالي هنا شن تحشمتي مني يعني نا ؛؛ صقعت نبي ندوش مراد ؛ تحشمتي احكي تحشمتي نا؛ اهااا مراد امشي باهي طلعت بسرعه وخشيت لحمام وغير مراد وطلع للمربوعه خش واتفقو نا ؛؛ خشيت للدار وخشت وراي رجاء رجاء ؛؛ ويه البسي للراجلك قفطان حلو اهو القيت هذا في الدولاب عجبني نا ؛؛ جديد هذا رحاء ؛؛ اكيده هو اللي شريه لكي نا ؛؛ اكيده خذيت القفطان ولابسته وكان كت واقصير بعد الركبه لونه تركوازي ولابست فوقه طرف بني ولميت شعري نا ؛ دبشي وذهبي كله غادي رجاء ؛؛ تو نمشي وانلمه لكي وانجيبه نا ؛؛ اليوم رجاء ؛ به تو نمشي وانلمه لكي كله نا ؛؛ انعنك ماتغيبي رجاء ؛؛ خوات ياهبله نحن خالد ؛؛ ايه ايه نا ؛؛ نعم وطلعت والقيته في الصاله خالد ؛؛ اضبطني مبروك نا ؛؛ يبارك فيك خالد ؛؛ راضيه نا ؛؛ سكتت ونزلت راسي خالد ؛؛ اكيده راضيه هو مراد من زمان يحكيلي وامس حكلنا نا وعادل وقال ضروري بكره اترد والحق نا لما شفته متمسك بيك راضيت نا ؛؛ ……… خالد ؛؛ حبني علي راسي مراد ؛؛ ايخش وايشوفني خالد ؛؛ مراد هذه امانه عندك هذه اكبيدت امي وباتي حتي لما اتزعلها مش ح تلقي خير مراد ؛؛ حتي هي اكبيدتي خالد ؛ خلاص تبي حاجه نا ؛؛ سلامتك خالد ؛؛ مبروك ان شاءالله هيا رجاء طارق طلع رجاء ؛؛ هيا ويه تو ناخذ معي العويل نا ؛؛ ﻻﻻ خليهم ما يبتوش بره رجاء ؛ به براحتك مع سلامه وطلعت رجاء وطلع مراد وراهم نا ؛؛ مشيت شور نور والقيتها تبكي رفعتها وقعمزت تميت انرضع فيها بيده ؛؛ ماما نبي مامه نا ؛؛ باهي حبيبي اشويه بس مراد ؛؛ ايخش ولقني امقعمزه وانرضع مشي للدار وجاب كيس وجا قعمز جنبي فتح الكيس وطلع علبه فيها طاقم ليا كبير حبيبي تفضلي نا ؛؛ ايهبل حبيبي مراد ؛؛ هذا حقك وكان تبي انجيبلك اكبر واغلا نا ؛؛ نا الحاجات هذين مايهمنيش انا اهم حاجه عندي….. مراد ؛؛ حط يده علي فمي خلاص معش نبي نسمع كلام هذا خلينا ننسو ارحيمه ؛ جاني وحط يده في ……. ماما نبي فلوس مراد ؛؛ بحت فيه ومستغرب نا ؛؛ تحشمت منه وحولت يد ارحيمه تو نعطيك هنا عنديش بيده ؛؛ ﻻﻻ في يا ماما عطني وجا تم حتي هو ايفتش فيا وحط يده في ……. نا ؛ بيده حول انرضع في اختك ساد ارحيمه مراد ؛؛ هههههههه هم هكي ديمه ايفتشو نا ؛ ههههه اها مراد ؛؛ خطا راه نا ؛؛ ههههه عارفه بس شن اندير من زمان اديرو فيها ليا عارفني انحط في الفلوس هنا مراد ؛؛ بحت في نور وهي ترضع وطبس عليها وباسها وباسني علي …… نا ؛ مراد العويل صبي مراد ؛؛ امرايف عليك نا ؛؛ العويل جواعه مراد ؛؛ طارق تو ايجيب عشاء نا ؛؛ في حاجات في المطبخ مراد ؛؛ اها امس في الليل جبت كل حاجه نا ؛ والحوش مراد ؛ امس جبت وحده لماته كله مانبيكش تتعبي نا ؛؛ انت كنت عابي عليه اليوم هذا مراد ؛؛ طلعت قالت يا انردها يا نقتلها بس انك اتكون فوق الارض ومش معي هذه ﻻﻻﻻ ماتحلميش بها وكرني وقربني منه وحبني علي راسي نا ؛؛ انحبك مراد ؛؛ واجد نا ؛؛ رفعت راسي وحبيته علي خده مراد ؛؛ نزل علي ارقبتي وتم ايبوس فيا نا ؛؛ حبيبي العويل مراد ؛؛ بحت فيهم ولقهم امقعمزين نا ؛؛ كملت نور ورفعتها مراد ؛؛ مسك يدي ولبسني دبله هذه رابع دبله انجيبها لكي نلقها طالعه من يدك اكسرك نا ؛؛ دبلتي قاعده نا مراد ؛؛ ليش تسلحي فيها نا ؛؛ ظروف اللي خلني نسلحها مراد ؛؛ ونا ليش ماسلحتها نا ؛؛ علشان هي دبلة ويه ما تنسلحش مراد ؛؛ يا عيني ياعيني علي الثقه نا ؛ رفعت حاجبي ورقصته مراد ؛ حتي نور جبتلها طاقم نا ؛؛ شن مراد ؛؛ ههه حتي هي انرد فيها اهو نا ؛؛ نجيه ياربي اصغير ايهبل مراد ؛؛ هههه لما شفت الخاتم والاسوره عجبني خذيتهن نا ؛ والقفطان هذا مراد ؛؛ من تونس نا ؛؛ شن مراد ؛؛ جبتلك حاجات واجده نا ؛؛ تحكي جد مراد ؛؛ تعالي نبيك جو هيا نا ؛؛ العويل مراد ؛؛ خليهم هنا علي تي في نا ؛؛ ﻻﻻﻻ مراد ؛ خذ مني نور ونزلها وخلها تسحف طول مشت للشعر ارحيمه ارحيمه ؛؛ يا ماما يا ماما مراد ؛؛ نور ﻻ وصب وفك شعر ارحيمه من ايدين نور نا ؛؛ ههههه ديمه هكي مراد ؛؛ وانتي ليش ما تبيش ارحيمه ايلحق نا ؛؛ نبيه كيفك شعر واجد و لاوره ونبي انطوله اخري كل واحد استايل بيده خفيف واﻻحيمه غزير مراد ؛؛ ههههههه قعمز وانسند علي الساس وكرني وحطني بين كرعيه وسندني علي صدره وحولي الطرف نا ؛ صقع مراد ؛ اندفيك نا ؛؛ اصبر انجيب بطنيه صبيت بسرعه وطلعت بطنيه وجيته في الدار وخشيت بين كرعيه وتغطيت مراد ؛؛ فيها كلام تاني هكي نا ؛؛ بحتت فيه وامبتسمت مراد ؛؛ رفع البطنيه وخششني تحتها وباسني علي ……… نا ؛؛ حبيبي مراد ؛؛ اعيونه نا ؛؛ الاعيال مراد ؛؛ نقعدو هكي نحن نا ؛؛ دخن مراد ؛؛ شن نا ؛؛ دخن مراد : رفع البطنيه وخذ دخانه وبدا ايدخن نا ؛ قاعده علي صدره وانشم فيه امرايفه علي الجو هذا مراد ؛؛ والله نا اشر منك بيده ؛؛ بابا مراد ؛ نعم بيده ؛؛ ابي ميه نا ؛؛ حبيبي راه جواع من الغداء ما كلينا حاجه مراد ؛؛ صبي جيبلي فوني في الدار نا ؛؛ تعال بيده انشربك ومشيت جبت للمراد الفون وخذيت بيده وخشيت للمطبخ وشربته ميه وفتحت الثلاجه والقيتها امعبيه خذيت عصير وحلويات وشلتهن لمراد مراد ؛؛ ليش الحلويات اهو طارق في الطريق نا ؛؛ صاااح باهي احسن مراد ؛؛ طلع للشارع واستنا طارق خذ منه العشاء ومدله شناطي وخش ويه ويه نا ؛؛ اهااااا واخيرا مراد ؛؛ شناطي شن نا ؛؛ دبشنا باهي والله سريعه رجاء مراد ؛؛ باهي هيا تعشو حطيت السفره وتعشينا وكلت العويل وغسلتلهم وشالت السفره ولميتها نا ؛؛ انفرش هنا مراد ؛ فرشي للعويل نا ؛؛ هههه باهي عدي جيب سرير واحد من سرايرهم من جو حطه هنا بيش انحطو نور جنبهم مراد ؛؛ باهي فرشتلهم وجاب مراد سرير وحطينا فيه نور وحطيت علي طيور الجنه وخليت العويل ايتفرجو ونعسانين مراد ؛ صب ومشي للدار نا ؛؛ تاكدت من العويل رقدو صبيت وخشيت للدار والقيت مراد امصبي علي الدولاب وايطلع في علبه شن حبيبي مراد ؛؛ حول الوريغان وفتح بطنيه وخش تحتها هيا تعالي نا ؛ جيت وخشيت معه تحت البطنيه وقعمزت مراد ؛ فتح العلبه وطلع منها اكسورات فضه هذين شريتهن لكي من تونس شوفي السلسله هذه فيها اسمانا كلهنا نا ؛؛ اتجنننننننن مراد ؛؛ فضة امتعتهم حلوه شريت كل طلعه انشوف حاجه تعجبني شريتها لكي نا ؛؛ لبسها ليا حبيبي مراد ؛؛؛ توعدني ماتحوليها نا ؛؛ اكيده حبيبي برمت وجي وعطيته ظهري وحولت شعري فوق ولبسني مراد السلسله وبدا ايبوس فيا علي الشوفه اهاااا حبيبي مراد ؛ رفع العلبه وحطها علي الكومدينا وقلبني علي السرير وجا فوقي ليا زمان اندور فيك نا ؛؛ بصوت دلع حبيبي مراد ؛؛ قلد صوتي حبيبي نا ؛؛ هههههههه مراد ؛؛ نزل علي ارقبتي وباسها و……….. مراد ؛؛ عليش ادموع هذين نا ؛؛ راقده علي صدره ونبكي وبصوت مخنوق انحبك والله انحبك مراد ؛؛ وحبي ايبكيك هكي نا ؛؛ من كثر ما انحبك مراد ؛؛ امرايفه عليا نا ؛؛ اها مراد ؛؛ علي شنو نا ؛؛ لما انكون مضايقه وانجي نبكي في حضنك وانت اتهون عليا مراد ؛؛ بس المراه اللي كانت معي قبل اشويه مش امغير امرايفه ميته موت عليا وانتي لما اترايفي عليا نعرفك نعرفك نا ؛؛ انحرجت لاني فعلا امرايفه عليه مراد ؛؛ انتي حبيبي ةروحي وقلبي ودنيتي وعندي دقيقه معاك بالدنيا و اه بروحي فرحان علشلن القيتك امرايفه يعني ماتحشميش مني انا حبيبك نا ؛؛ امرايفه عليك كلك من اكبر حاجه فيك اللي لابسط حاجه فيك امرايفه في تفاصيلك مراد ؛؛ باهي ليش ماترديش عليا واتسكري في وجي نا ؛؛ خايفه نضعف مراد ؛؛ ايه عارفه كلمة انتي ليا ومستحيل اتكوني لغيري نا نعشقك عشق نا متيم بيك نا مجنونك انتي مكانك هنا في قلبي وبين ايديا هنا مكانك انتي نا ؛ صبيت وقعدت فوقه ونزلت شعري عليه وتيمت انحرك في راسي وشعري علي وجه مراد ؛ هههه رايح طويل قصيه نا ؛؛ ليش مراد ؛؛ انا انحبه لعند نهاية الظهر اطول شين نا ؛؛ قصه ليا انت مراد ؛؛ شن نا ؛؛ قصه لعند وين ما تبي مراد ؛؛ نعرفش نا ؛؛ صبي هيا جيب مقص مراد ؛؛ ويتي مانعرفش نا ؛؛ شعري ماحد يلمس فيه زمان الا ماما انخلي فيها اتوسي فيه ليا كل بعد مده وتو انا نبيك انت اتواسيه ليا مراد ؛؛ باهي صب وجاب مقص ونا غطيت روحي و قعمزت وعطيته ظهري بسم الله نا ؛ وين ما تبيه ديره دير كل مره خصله مش كله مع بعضه مراد ؛؛ باهي صبي هيا شوفيه نا ؛ جيبلي روب مراد ؛؛ صب وطلع روب موذ فاتح اقصير نا ؛؛ لابسته وصبيت وشفته والقيته لعند نهاية ظهري هههههع صاير منك مراد ؛؛ تمام نا ؛ هههه اها مع اني خاطري انغير استايلي وانديره اقصير مراد ؛ ﻻﻻ نهارك بعدها انا نبيه هكي ثابت نا ؛؛ بحتت في مراد من عند المرايه وجيته وقعمزت جنبه ممكن سؤال مراد ؛؛ اسالى نا ؛؛ انت كيف عرفت ان سناء اموصلتني كلام مراد ؛؛ موضوع طويل نا ؛؛ احكي مراد ؛؛ ………….. نا؛؛؛ قصدك غاده امشاركه مراد ؛؛ نبيش مشاكل نا يا ويتي نا ؛؛ المهم انا تو جنبك مراد ؛؛ انحبك يا عاقله نا نبي نعرف قدرتي تقعدي بلاي واتسكري في راسك كيف نا ؛؛ كيف ما قعدت انت مراد ؛؛ قلبني علي السرير وجا فوقي نا ؛؛ حبيبي نور تبكي اكيده تبي ترضع مراد ؛؛ تو انجيبها خليكي مشي جابها وجا بكايه نور نا ؛؛ ههههه ماشفتش شيء قعمزت وحط ليا وبديت انرضع مراد ؛؛ نور تشبهلك واجد نا ؛؛ اهاااا لو ادقق اكتر تشبه حتي ل اميره مراد ؛؛ حبيبي تبي حلو نا ؛؛ يا ريت مراد ؛؛ من اعيوني الاثنين نا كم ويتي عندي نا ؛؛ وحده مراد ؛؛ وامجننتي ومشي جاب عصير وحلويات وجاني خلاص نهاتك راه ماخلت فيك حاجه نا ؛؛ عرفتش انوقف علي كم مره نبي انوقف ماقدرتش بكايه هي مراد ؛؛ حرمتني منها نا ؛؛نزلت راسي وخنقتني العبره مراد ؛؛ قرب مني وباسني علي خدي اسف نا ؛؛ معش تاسف خلاص اللي صار صار سنه ونص مشن هكي اكيده عرفنا قيمة بعضنا اكتر اكيده تعلمنا من اخطانا مانبوش انضيعو تو ولو يوم ونحن انعاتبو بعضنا نحن ردينا ومانبيش حاجه اتعكر حياتنا مراد ؛؛ نبيك اتكوني معي واضحه وتحكي اللي في قلبك كله مانبيش ايه الكتومه زمان ديمه انقولك سكوتك ايخوف فيا منك واجد بس تو مانبيش حاجه اسمه السكوت نبيك اتكوني معي واضحه نا ؛؛ حاضر مراد ؛؛ ارقدت نور نا ؛؛ اها ارقدت تو انشيلها نا تريح صبيت وخليت شعري مطلوق وحطيت نور في السرير وجيت والقيته ايدخن خشيت جنبه مراد ؛؛ كرني شوره وخششني في حضنه كيف البيبي وتم ايبوس فيا وعضني في رقبتي نا ؛؛ اهااااا حبيبي خيرلك راه مراد ؛؛ شن تبي اديري مثلا نا ؛؛ انردها لك مراد ؛؛ وريني نا ؛؛ حبيته في ارقبته بوسه حنووووونه وهاااديه مراد ؛؛ كر اكرعي لوطه وجا فوقي تي والله ما طالقلك الليله و…………. ……………………..…………………. مراد ؛؛ ماسك نور صباح خير يا ماما ياعسل نا ؛؛ راقد ماقدرتش انفتح اعيوني مراد ؛؛ نزل عليا وباسني بيده ؛؛ بابا افتح مراد ؛؛ مفتوح يا بابا بيده وارحيمه خشو ولقوني راقده بيده ؛؛ ماما هيا يا ماما ارحيمه ؛؛ ركب علي السرير ورقد جنبي مراد ؛؛ ﻻ والله فالح يا ارحيمه نا ؛؛ فتحت اعيوني والقيتهم كلهم جنبي طول ابتسمت ونزلت راسي تحت بطنيه رفعت راسي فجاء حبيبي مراد ؛؛ نعم نا ؛ انت كيف اتخشش العويل ونا منظري هكي مراد ؛؛ هههه متغطيه عادي بيده ؛؛ ماما ابي حليب نا ؛؛ خوذهم واطلع بيهم بدال ماخشيت درت دوش مراد ؛؛ باهي حبيبي نا ؛؛ امتي وعيت مراد ؛؛ اتصدقي لو قالتلك ما رقدتش نا ؛؛ ليش مراد ؛؛ طول الليل تي لليل انقول صبح اصلا نحن رقدتا في هالصبح نا ؛؛ انت امسهرنا مراد ؛؛ الارياف اللي سهرنا لا انا ولا انتي والله من اجمل ليالي عمري ليلة امس واخير حبيبي بعد غياب طويل ايكون حنبي راقد وكانه ملاك نا ؛؛ رفعت راسي وحبيته علي اللحيه مراد ؛ ملاك اللي راقد جنبي مش انسانه والله انحبك وحق هالنعمه انحبك نا ؛؛ انموت فيك ارحيمه ؛؛ نزل عليا وباسني في فمي مراد ؛؛ الاعيال كنهم صايعين ايبوسو وايفتشو وواخذين راحتهم فيك نا ؛؛ هههه هذوم اعيالي كبدي مراد ؛؛ ربي يحفظكم هيا حبيبي وتي روحك هلي يرجو فينا علي الغداء نا ؛؛ ساعه كم مراد ؛؛ 11 خلاص صبي نا ؛؛ وقت عليا ……………………..……………………. الهام ؛؛ به شن صار اخري رجاء ؛؛ اتبحت في غاده وتحكي ناعليا عليك اللقطه رومانسيه واتهبل دارها مراد اتجنننن يا الهومه لما ما بتش ترضي سلح دبشه وخش بها البحر ناعليا دارلعا جو ايجنننن رومانسي بكل مراد الهام ؛؛ مراد رومانسي و ايه شر منه خيليه اتخلي الواحد ايكون رومنسي عمتي ؛؛ خشت علينهم في المطبخ ها شن كملتن الهام؛ مازال عمتي ؛؛ هدي وهاجر جيات في الطريق فرحنتنا بجيت ايه رجاء ؛؛ رنيتي عليهم اعميمه عمتي؛؛ اها فتح مراد فونه وقالي تو انجو والله فرحت امس لما جا حاتم وقال راه مراد رد ايه فرحت ووجعتني جت من وراي الهام ؛؛ بحتت في غاده وامرفعه حاجبها مراد لما مشالها امس قال رادها رادها ونبيها وهو مابش ايقولها لحد بيش ماحد ايخرب عليهم لان يا عمتي في ناس واجده امخربه عليهم ومنهم لله غاده ؛؛ اشرقت في ريقها وارتبكت وتمت امنزله راسها واتحوس رجاء ؛؛ عين الحسود فيها عود عمتي ؛؛ المهم ردت عندني نا هدي ؛ اهلا اهلا عمتي ؛؛ يا مرحبا بالغاليه هدي ؛؛ اهلا وين العرسان رجاء ؛؛ غارقين في العسل هدي ؛؛ اهاااا امغير قي عسل وبس رجاء؛؛ ههههههه امس خميس عاد هاجر ؛؛ ناعليا منه خميس الهام ؛ ديمه الكلام هذا طاب في وذنك هاجر ؛؛ هههههههههه شن اخبار عسلكم انتو رحاء ؛؛ مازال ايهبل عمتي ؛؛ حي حي حس الاعيال جو طلعما ولقني كيف خاشه عمتي ؛؛ يا مرحبتين نا ؛؛ كيف حالك عمتي سلمت عليها وحبيت علي راسها ويدها الهام ؛ رايفنا عليك يا شينه نا ؛؛ والله حتي نا مراد ؛؛ شايل نور في يده وايبحت في هله كيف ايسلمو عليا راحت عليا نا يا امي عمتي ؛؛ تو اتشوف انت ديمه ادير اللي في راسك وماادور حد وعرفت اتردها مراد ؛؛ شن اندير في اعروقي ماشيه هي نا ؛؛ التفت عليه وامبتسمت رجاء ؛؛ هههههه نجكم ليا انتو الاثنين نا ؛؛ جت عيني في عين غاده ماكنش خاطؤي انيلم عليها بس عديت اعيون عيت عمي وعديت الحوش اللي فيه وسلمت عليها بلا نيه قعمزت رجاء ؛؛ وين علي الطرحات ايجنن القفطان كنت لابسه قفطان طويل فصدقي امورد وفوقه جاكه ورديه ساده ولابسه فضه نا ؛؛ هههه تونس رجاء ؛؛ تحكي جد نا ؛ اها القفطان والفضه الهام ؛؛ يعني من اسلم تونس وهو يشيرلك ووو كلا انتي برسمي في اعروقه ماشيه عمتي ؛؛ كل ما يروح بعرم اكياس انقول اكيده هذين ل ايه وعلي كم مره سالته ايقولي دبش للعويل نا؛ عرم دبش تونس والحق عجبني هدي ؛؛ اتبيده بالهناء ان شاءالله نا ؛؛ ان شاءالله وين محمد هدي ؛؛ مش متغدي هنا نا ؛ اهااا حاتم ؛ اووو ويه شن جو نا ؛؛ صبيت وسلمت عليه تمام الحمدالله طارق ؛؛ جوا يا مسخ جوا رجاء ؛؛ هيييييي كنك مع بيده طارق ؛؛ في الشارع القيته وانقوله جو مايبيش رجاء ؛؛ تعال يا حبيب خالتو تعال فوته هذا عمو طارق هبل ماتعدلش عليه طارق ؛؛ تو نا اللي هبل باهي يا بطه نا ؛؛ هههههههه مراد ؛؛ ايه فونك وين نا ؛؛ يييي انسيته مراد؛؛ اميره علي الخط رجاء ؛؛ من الصبح اترن عليا اقريب اطير من الفرحه نا ؛؛ خذيت الفون وطلعت لجنان ايوه اميره ؛؛ وهي تبكي مبروك يا اكبيده نا ؛؛ عليش ابكاء تو اميره ؛؛ والله كنا حاسه انك ح اتردي تي كنت متاكده حتي ماما الله يرحمها زمان اتقولي ايه ل مراد ومستحيل مراد ايخيلها تاخذ غيره والله فرحت امس اقريب طرت من الفرحه واخير صار من دعاء ناما والله ملنا تو تريحت نا متاكده لانها ماتت وقلبها مشقوق عليك نا ؛ تميت نبكي اميره ؛؛ نا مش امكلمه نبي انكد عليك بس والله من الفرحه يا ويه نا ؛؛ عارفه يا عمري عارفه اميره ؛؛ خلني انسكر عدي للعربك خلاص نا ؛ نجك ليا والله اتهبلي اميره ؛ ليلتك حلوه امس نا ؛؛ بكل اميره ؛؛ ان شاءالله دوم نا ؛؛ سلام اميره ؛؛ سلام صكرت وخشيت معهن في المطبخ ومشو الرجاله للجامع وروحو وحطينا الغداء وتغدينا ولمينا الحوسه وقعمزنا بعد الغداء علي الشاهي وغاده اركبت ماعندعش وجه لا ليا ولا مراد وعمتي خشت ارقدت والرجاله عدو للمربوعه وقعدت نا وهدي وهاجر ورجاء والهام رجاء ؛؛ بيده باقي ثقيل هدي ؛؛ قولي ماشاءالله رجاء؛؛ هههه ماشاءالله بس قصدي معش نقدر لان ظهري يوجع فيا الهام ؛؛ شن جوك يا ويه نا ؛؛ انتي معاك موضوع طويل الهام ؛؛ سامحيني حكيت متاخر بس والله راه مافهمت الا متاخر نا ؛؛ باهي احكيلي الهام ؛؛ ياحنه من حرجتك ونا كل مانشوف مراد يحمي عليك ياحنه ننشغل عليه بعدها تمتيت انراجع في الكللم والحاجات واشويه اشويه فهمت وحكيت ل حاتم وفعلا اطلعت حشاك غاده امشاركه هاجر ؛؛ كيف كيف الهام ؛؛ ياحنه تو نحكيلكن القصه من البدايه ………… رجاء ؛ بنت الكلب هذه تي والله انوريها الحقيره نا ؛؛ رجاء فوتي خلاص رجاء ؛؛ راجلها ماهو قاعد والله نركبلها الحقيره وانوريها نا ؛؛ رحاء راكي حامل خافي علي اللي في بطنك بس رجاء ؛؛ والله ما نقعد رجاء كان خليتها اتهني الحقيره تو ركبتلها رحاء ؛؛ طوووووول اركبت والهام لحقتها ادق علي الباب افتحي يا غاده افتحي يا………… يتبع الصفحات: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33
