مسلسل سعاده كاذبه الجزء الاخير

مسلسل سعاده كاذبه

الحلقه 92

حاتم ؛؛ مراد ما تخربش علي غاده هي مش عارفه شيء هي حكت ل الهام و ايه سمعتها 
مراد ؛؛ تي اطروح صبايا هذين ونا عارفهن قاليتلها قولي وسمعيها انا عارف حقارتها الحقيره المسخه تي والله اندمها والله اندمها مش اول مره اتحاول اتخرب حياتي
طلع بسرعه
حاتم ؛؛ صب ومسك يده
مراد ؛؛ ماتمسكنيش
حاتم ؛؛ وسع بالك ماديرش حاجه اتودرك
مراد ؛؛؛ هي طلعت اجنوني اتحمل اللي ايصيرلها
وطلع وركب في السياره
وطوووووووووووول رن علي سناء

مراد ؛؛ وينك
سناء ؛؛ ماسكه في المستشفي
مراد ؛؛ طوووووط سكر في وجها
ومشي للمستشفي ووراه سيارة حاتم

خش طول للغرفة ولقي معها ممرضه
مراد ؛؛ وهو متعقد وايفنص في الممرضه
اطلعي بره
سناء ؛؛ استغربت مراد كيف خاش عليها هكي ولز الممرضه وخافت
مراد ؛؛ طلع الممرضه وسكر الغرفه وبحت في سناء
تقريبا انتي اكتر وحده عارفتني لما انطلع اجنوني صاح
سناء ؛ خافت صبت وتمت ترعش
كنك مراد شن في

مراد ؛؛ من اللي ردك او يبي ايردك مش متاكد نا من اللي يبي يردك او ردك

سناء؛؛ انحرجت ونزلت راسها
مراد ؛؛ قرب منها ومسكها من محرمتها

احكي يا حقيره عليش اتخربي عليا احكي
سناء ؛؛ ﻻﻻ يا مراد اطلق شعري
مراد ؛؛ طلق شعرها وضربها كف نين طاحت لوطه وطول نزل عليها ومسكها من عند دبشها وهو امفنص
ليش تكذبي ياحقيره ولاه عاجبك الجو هذا

سناء ؛ وهي تبكي وبصوت عالي
حول يا مراد انت من نين اتمد يدك هكي حول

مراد ؛ ضربها علي فمها
وطي صوتك يا كلبه يا حقيره وطيه صوتك مش نا اللي اتعلي عليه صوتك

سناء ؛ تو انت جايني هنا وتضرب وتبني انوطي حول تو انكلمك الامن

مراد ؛؛ ﻻ انحس فيك ولا انحس فيه
احكي شن قايله ل ايه
سناء ؛ اهاانت جاين علشان الجاهله اللي اتخون فيك
مراد ؛؛ ضربها كف اخري
ياعن ……. يا بنت……. احكي شن قايله

سناء ،؛ طيرت عقلك الفرخه طيارته يا دكتور يا راجل كبير نساتك حتي عويلك الفرخه الجاهله

حاتم ؛؛ ايدق علي الباب
مراد افتح افتح مااديرش جو شين افتح راه الامن يسمعو

مراد ؛؛ بحت في سناء وهو امفنص وصبا وضربها بكراعه
يابنت ……. يا عن………احكي تو يا حقيره شن قايله راه والله نقتلك يا سناء اجنوني وعارفتيهن

سناء ؛؛ ﻻ صاح مجنون دايرتلك خطين وطلقتك اطلبت منك قدام الناس الطلاق هاجرتك علي خاطر هيثم الكبيده امتعتها

مراد ؛ نزل ورفعها من عند دبش

سناء ؛ مراد اللي اديره فيه كله ح تندم نا مش ايه مقطوعه من شجره عندي رجاله نسند عليهم

مراد ؛ مااندورش فيهم تبي تحكي شن قايله ولا شنو ها احكي تو يا ………

وعزقها علي الساس وطول افتحت الباب وخش حاتم

حاتم ؛؛ خش وسكر الباب وبحت في سناء ولاقها متبهدله
مراد كنك انت جاي لمكان عملك وادير هكي راه الناس تسمع

مراد ؛؛ نا مادخلنيش نلحقها حتي في قبرها اللي خربت بيتي
انتي في شن ترجي مني في شن بالزبط شن ترجي من راجل كارهك وكاره اليوم اللي اعرفك فيه لا واخري ازوج وايحب مراته شن ترجي انتي ليش ادير هكي

سناء ؛ نانحرق في دمها كيف ماحرقتلي دمي ودم اعيالي اللي حرمتهم من بوها خذاتك ولاهتك عليا وعليهم
حاتم ؛ سناء ايه مادخلش اللي انتي فيه
سناء ؛ ﻻ دخلها هي ما خشتش في حياة مراد راه مازالت علي ذمته انا واعيالي مترحين بس خشت ودرتله خطين وقلبت عقله شوف هه كيف جاي علشانها

مراد ؛؛ اهاااا صاح مطيرتلي عقلي وخلتني ننساك ياحقيره والجاهله اللي تحكي عليها اطهر واشرف منك العقل مش اموقف بالعلم يا دكتوره التربيه والاخلاق

سناء ؛؛ صاح ماملي واخذ الدكتوراه منظر قدام الناس بيش ايكمل به غروره وهو يملك اكتر عقل هبل ومراهق يجري في جرت فرخه اصغر منه ب 14 سنه
تي حالك ضانيها راه اشقي بروحك وعد الشايب اللي طالع يادكتور يا مثقف يا متعلم ماشي تضرب في حبيبها كيف المراهقين

مراد ؛؛ بدون ما يحس بروحه لقي روحه كاره من شعرها
تي والله انوريك المراهق شن شكلها يا …… يا عن …….

حاتم ؛؛ تم ايفك في سناء من ايدين مراد ودفها بعيد وصب بينها وبين مراد
مراد خلاص نحن تو تاكدن ان هي اموصله كلام ل ايه خلاص

مراد ؛؛ ﻻ مازالت كيف وصلت تو تحكي راه والله يا سناء انكسرك و ناخذ العويل ونحرمك منهم

سناء ؛ ماتقدرش
مراد ؛؛ ﻻ نقدر يا كلبه
حاتم ؛ انتي دازه غاده
سناء ؛؛ اهاااا
مراد ؛ ومن اخري قولي خيرلك والله ناخذ العويل ونحرمك منهم
سناء ؛ دزيت ممرضات يحكن قدامها يوم جيبتها
مراد ؛؛ اخري يعني مارحمتيش مراه قاعده بين حية وموت ودازه وحدات ايتعبنها اخري

سناء ؛؛ اهاا كيف ما تعبتني خليها تبكي كيف ما بكيت نا هي اللي صايرله كله بسبب دعي عليها ودموع لمار وحمادي لما ايكونو امرايفين عليك وانت لاهي فيها وفي هلها اتحلهم في مشاكلهم…..

حاتم ؛ خلاص يا سناء اس خلاص ليش اتكبري في المشكله اخري

مراد ؛؛ ﻻ خليها تحكي اتفش غلها لاني هكي نا انحب ايه اخري لان خلتني ننسي وحده حسوده وحقوده كيفك

سناء؛؛ حسوده وحقوده لاني دافعت علي حبي ودافعت علي بيتي
مراد ؛؛ بعد ماهديتيه
سناء ؛؛ كيف ماانت تو تجري وراء ايه

مراد ؛؛ عارفه اي حاجه اتصير اخري اعيال انسيهم وهذا اخري انذار يا سناء

سناء ؛؛ ماتبنيش نحكي لخوتي علي اللي درته صاح
مراد ؛؛ والله اللي درته انتي اللي وصلتي روحك فيه مهزلتي روحك بروحك وتحملي اللي درتيه تخربي البيوت مش بساهل يا……

وطلع مراد وطلع وراه حاتم و سناء قعمزت علي الكرسي وتمت تبكي

حاتم ؛؛ وين ماشي
مراد ؛؛ ايه ضروري اتردلي
حاتم ؛؛ ماتمشيش بشكلك هذا تريح وفكر ساد المره اللي فاتت اللي مشيت وخربت بيتك ايه تو مش حلالك نين تمشي واتخش عليها المراه مطلقه كان اتحبها صاح امشي احكي مع خوتها وردها

مراد ؛؛ فتح باب السياره وخش وقعمز
حاتم ؛؛ مراد ما تمشيش ماتخربش علي روحك دز رجاء وطارق في الاول
مراد ؛ ﻻﻻ ضروري نحكي معها نا وفي وحده تانيه ضروري تاخذ حقها
حاتم ؛؛ ماتقولش غاده فكنا يا راجل وايه خليها تو وانت تريح والله كان ماصار من رجاء نمشي نا والهام
مراد ؛؛ ايه ماحد يحكي معها نا نمشي ونحكي معها
حاتم ؛؛ اووو طارق ايرن

طارق ؛؛ تي فيش اديرو انتو في المستشفي
حاتم ؛ وانت شن عرفك
طارق ؛؛ اصحابي واجدين قالو مراد فاصل كنه يبي مساعده
حاتم ؛؛ بحت في مراد وفنص
شلت مجانين انعاني فيهم
طارق ؛؛ كيف صار شن في
حاتم ؛ طلعت انت
طارق ؛؛ ﻻ مازال كنك
مراد ؛؛ ماتحكيش يا حاتم
حاتم ؛؛ مراد الامور يحلن هكي راه
مراد ؛؛ نا نحكي معها ماحد يحكي معها ايه وعارفها وعارف طبعها ماتبحش الجو هذا

طارق ؛ كيف صار
مراد ؛؛ خذ الفون من يد حاتم
طارق الاكياس مازالن في سيارتي
طارق ؛؛ به تعال تو ناخذهن
مراد ؛؛ تو انجيك ماتطلعوش
طارق ؛ نرجا فيك
مراد ؛؛ صكر ومد الفون ل حاتم
حاتم ؛؛ تمشي للحوش
مراد ؛؛ ﻻﻻ انمدله الحاجات من بره مانبيش انشوف وجه وحده غادي لان كان انشوفها مش ح اتدير خير
حاتم ؛؛ المهم انت تو اترد ايه مش مهم غاده فوتها علي خاطر منتصر
مراد ؛؛ اوكي

……………………..………

نا ؛ تميت امنزله راسي ونرعش وغمضت اعيوني بقوه من كتر الم اللي حسيت به في صدري ودمعتي نزلت مديت يدي ومسكت في يد خالد ونا نرعش وبحتت فيه
خالد ؛؛ التفت وبحت فيا ومستغرب

نا ؛؛ بصوت واطي ومخنوق ومتقطع
عارفه روحي حمل ثقيل عليك بس والله ماعندي غيرك وماما اموصيتني اني ماناخذش قراري بالزر ونا الحق مش متخيله انا نزوج انسان غلط فيا مرتين قهرني في حياتي مرتين نا واخذه قراري نبي نقعد علي اعيالي لان الزاوج وجربته وكرهته
نزلت راسي ومسحت دمعتي وصبيت وبحتت في عمي

اسفه يا عمي ح انردك كيف ما رديتني زمان كيف ما زمان تخليت عنا وخليت اعيالك يغلطو فينا كيف اذكرت ان نا بنت المرحوم الغالي ونا اكبيدته
عادل ؛ بصوت عالي
اييييييييه
خالد ؛؛ خليها تحكي اللي عندها ايه مش اصغيره نين ناخذو قرار ونغصبوها

نا ؛؛ وينك زمان لما انظلمنا وانحبسنا في الحوش وبطلنا من اقريا وينك زمان انت سيبت بنات خوك وهن اصغار تو تبي ادير روحك مهتم باعيال بنت خوك ﻻ والله صدقتك

بدون ما انحس بروحي جايني كف من عادل

خالد ؛ دفه بقوه
ايه هذا قرارها ونا معها

عادل ؛ اتخلي فبها تحكي مع عمك هكي يا خي خواتك
وقرب مني يبي يضربني
هيثم ؛؛ مسك عادل وطلعه
عادل ما تلمسهش

نا ؛؛ بحتت في هيثم وامرفعه حاجبي
انت اخري انسان اتحاول انك ادافع عليا مش مستحقتلك عندي عادل يقتلتي قتل ولا انت ادافع عليا
علي ؛؛ ايه ماتكثريش كلام
نا ؛ علي انت امس قالتلي فكري وفعلا قعدت طول الليل انفكر نا مستحيل انوافق علي هيثم ونا واخذه قراري نبي نقعد علي العويل وكان نا حمل ثقيل عليكم مستعده نطلع منه الحوش

عادل ؛ ﻻ هذا اللي ناقص تطلعي كيف اختك يا ضايعه
خالد ؛؛ عادل ساد خلاص وانت اتشوه في صورتك خواتك خلاص راه هذين خواتك

وليد ؛؛ قرب مني ومسكني وخششني للحوش
نا ؛ قعدت نبكي ومنهاره

وليد ؛ خش بيا في الدار وسكر عليا
عمي ؛؛ لما تربوها احكو هيا اطلعو
عادل ؛؛ هذه كلها منك يا خالد ياخي خواتك
خالد ؛ نقعد خي هواتي ولا نقعد مع واحد يشوه في صورة خواتي شرفي
عمي ؛؛ ماعرفتش اتربيكم
علي ؛ عمي لو سمحت
عمي ؛؛ كلكم نطقتو تو
علي؛؛ انت عارف روحك في من طقيت
خالد ؛؛ بالكي اتحشم علي وجك يا عادل وشوفه في من غلط تو
هيثم ؛؛ هيا يا حاج
عمي ؛ ﻻ اعيال خوي ولا نعرفكم
خالد؛ ؛ لك زمان نسينا
علي ؛؛ خالد خلاص
خالد ؛؛ هذا اللي شاطرين فيه انتو
طلعو عيت عمي وطلع وراهم عيت علي
عادل وخالد اركبو للشققهم

اميره ؛ جت وتمت ادق علينا
ويه وليد افتح شن في

وليد ؛؛ اشويه اميره نبي ايه
ايه ما تخليش حد اياثر فيك ونا معاك خوك ولد خالتك و راجل اختك انتي عارفه معزتك في قلبي والله ما نحسب فيك الا اختي

نا ؛ ونا نبكي ومنهاره وحاطه ايديا علي راسي

وليد والله مانبيش ناخذه هذا اكثر انسان طعني كيف تو اتجوني تبوني انوافق دمر حياتي مرتين يا وليد مرتين وما نبيش نحكي خلاص
نا جربة زواج مره وماصارش مني خلاص نا كرهت الزواج نا ليا سنه ونص بروحي كل يوم انعبي مخدتي في دموع وعادي عندي انكمل عمري هكي ولا نزوج اخري خلاص كرهت كرهت حاجه اسمه الزواج وحب وارتباط براجل
وعيت في الدنيا القيت روحي مرتبطه بهيثم طعني وخرب حياتي وطلع
وبعد سنين فجاء في شهر القيت روحي مخطوبه و متزوجه للشخص مانعرفش
ماننكرش اني حبيته ومازالت انحبه موت بس حتي هو طعني كم طعنه في طعنه نا خلاص وقفت علي الزواج وكرهته كرهت حياتي ايكون فيها راجل

بابا مات ومن نا اصغيره ومشي وسيبنا والله يرحمه
هيثم خطيبي طعني وقهرني وطلع
خوتي حبسوني وحرموني من شهاده وطمسو شخصيتي عادل ايضرب وايخبط وعلي لاهي في شقته وخالد صاح يهتم بينا بس منشغل بحياته اكتر
مراد راجلي مهزلني ولزني وخاني طعني طعنه شينه وطلع

برمت وجي وبحتت في وليد
شفت يا وليد جميع الرجال اللي في حياتي طعنوني طمسوني قهروني جافوني

خلاص انقهر معش عندي صبر نصبر وانتحمل اي راجل اخري في حياتي خلاص نا فراقت اقرب انسانه في حياتي وعشت بلاها وح انعيش بلاها اللي هي امي فراقتها وراضيت يا بال الناس التانيه نا ما نبي شيء امغير اعيالي بس فقط نبي اعيالي

وليد ؛؛ ووووو ياما داسه يا ويه
نا ؛؛ شفت حياتي مليانه مواجع وقهاير صاح كومة قهاير تنتقل من مكان للمكان
وليد ؛؛ ويه نا معاك في اي قرار ومستحيل انتخلي عنك ولولا تبي من تو مستعد ناخذك تسكني معانا واتسيبلهم الحوش

نا ؛ نطلع وانسيب ريحة ماما انسيب مكان اللي عاشت فيه ماما

عادل ؛؛ ايييييه يا ايييييه
نا ؛ شديت يد وليد بقوه
وليد ؛؛ ما تخافيش
نا ؛ مش خايفه خلاص اللي صار صار اصلا جسمي قعد متحمل اي ضربه تعود خلاص ايه الضعيفه انسوها

وصبيت جسمي يرعش فتحت الباب وطلعت والقيت عادل امصبي في وسط الصاله وحاط ايديه علي بعضهن

نا ؛ نعم يا خويا
عادل ؛؛ شن الكلام اللي سمعته
نا ؛؛ اهاا قصدك ما نبيش نزوج
عادل ؛ باقيه فانص ومش محترمه حد

نا ؛؛ انتو اللي خليتوني هكي عادل نا قراري و واخذته مانبيش هيثم
عادل ؛؛ ايه راه يقعد في عقلك ان مراد يبي ايردك اتكوني غالطه راه
نا ؛؛ ومن قالك نرجا في مراد نا حتي مراد رافضته نا عندي اعيالي نبي انعيش عليهم وقصة راجل ايخش لحياتي اخري هذه مستحيله

وليد ؛؛ عادل خليها تو مش وقت كلام
عادل ؛؛ وامتي وقته
نا ؛؛ انسي الكلام نهائيا
عادل ؛؛ ما تحلميش يا ايه
نا ؛؛ مش ح نحلم لان هذا واقعي نا قاعده هنا في حوش هلي وعندي اعيالي نقعد عليهم ومش قاعده علي قلب حد
وعليت صوتي وانبحت في نعيمه
سمعتو مش قاعده علي قلب حد في حوش هلي قاعده

عادل ؛ وطي صوتك وانتي تحكي
واعيالك كيف اتوكليهم واتشربيهم

نا ؛؛ لما انجيك وانقولك جعانه احكي بس تو الحمدالله
وليد ؛؛ عادل الباب ايدق خلاص فوت اكيده شي حد تو يسمع الكلام

عادل ؛؛ مازال عندي معاك كلام اركبي يا نعيمه فوق
وطلع عادل وطلعت نعيمه واركبت
عادل فتح الباب ولقي رجاء وطارق مابش يحكي معهم طنش وطلع

نا ؛؛ لما شفت رجاء خاشه بحتت في هلي
ماحد يحكي ل رجاء اللي صار لان المشكله ح تكبر هكي ورجاء تو حامل وانتن عارفات رجاء ماتسكتش

رجاء ؛؛ خيييييير شن الجو
نا ؛؛ اضبطتها كان خاطري نبكي في حضنها بس مسكت روحي ومابيتش لاني عارفه رجاء مش ح تسكت

رجاء ؛؛ نعرفها التضبيطه هذه نعرفها زين
نا ؛؛ امتعت ارياف
رجاء ؛ بكت وبصوت مخنوق
وحياتك امتعت هم كبير

طارق ؛؛ خلاص وانت كل ما تلقان تبكن
وليد ؛؛ خش يا طارق
طارق ؛؛ ويه هذين حاجاتك
نا ؛؛ شكرا تعبتك معي
طارق ؛؛ نا ماشي سلام
وطلع طارق ووليد ولقو نجاح في الجنان

خشت علينا نجاح وايه وقعمزنا في دار المعيشه وبديت نفتح في الاكياس وانبحت في الحاجات

نا ؛؛ ماشاءالله حاجات واجد بكل
شفت حاجات والقيت عطر غالي بكل كان عطري ايام الزواج كان ايجيب فيه ليا مراد بس بعد الطلاق معش شريته لان غالي

ارجيوه هذين حاجات واجده وغاليه بكم

رجاء ؛؛ مش عارف طارق
نا ؛؛ قصدك طارق اللي جايب الحاجات
رجاء ؛؛ اها عليش
نا ؛؛ مسكت حاجه وطلعتها
من جدك اتخلي طارق ايجيبلي حاجه نسائيه هكي

دعاء؛؛ ههههههههههههه عليك اللي ما يتحشم

اميره ؛؛ هههههه عليك حشمه

خالتي سالمه؛ ؛ طيح سعدك يا رجاء من جدك انتي هههههههه اتخلي راجلك ايجيب حاجه هكي ل اختك

نجاح ؛ هو صاح طارق مايتحشم بس مش لهدرجه

رجاء ؛؛ ههههههههههههه

نا ؛؛ كنك بوعيك اتخلي في الراجل ايجيبلي هكي

رجاء ؛؛ حطت يدها علي وجها وتضحك من كلامهم وتمت اتخايل في طارق هو اللي يشري

امل ؛؛ تي نا خالد وانتحشم منه لما نطلب هكي انقوله شيلني بروحي انجيب

اميره ؛؛ والله هبله انتي وفانص

رجاء ؛؛ ههههه تي خلاص نكذب مش طارق

نا ؛؛ بحتت فيها بالاستغراب وبحتت في العطر
مراد
رجاء ؛ اها كيف عارفتيها
نا ؛؛ اول ما فتحت الاكياس شكيت لان الحاجات واجده وغاليه
رجاء ؛؛ امس لما حكيت معاك قالت لطارق انك ناقصتك حاجات مراد سمعني وقال تو نطلع نا

نجاح ؛ حتي الحاجات الخاصه ايجيب فيهن
رجاء ؛ ماكنتش نحسابه ايجيب هكي
نجاح ؛؛ دكتور نساء وعارف
نا ؛؛ خذيت الاكياس وخشيت بيهن للدار قعمزت وتميت نبكي ونذكر في زمتن كيف كان يجيبلي ومرات ايقولي هيا جيبي حاجتك اوحدك مراد حبيبي وراجلي ودكتوري ماكنتش انتحشم منه بكل كان مرات ايجيب في الحاجات من عنده لان عارف

ياربي شن اندير ياربي يجرحو الانسان وايردو بعدها ويهتمو في الوقت الغلط ياربي صبرني ياربي

اميره ؛ ادق علي الباب
ويه ممكن انخش
نا ؛؛ مسحت دموعي وصبيت علي الدولاب علي اساس انفضي في الا كياس

خشي تعالي

اميره ؛؛ افتحت الباب وخشت
ويه ممكن نحكي معاك

نا ؛؛ اميره كان علي نفس الموضوع فوتي راكي اتكوني انتي كيف خوتك واتقولي وافقي علي هيثم

اميره ؛؛ خشت وقعمزت علي السرير واتبحت فيا ونا تمصبيه علي الدولاب

انا اخري انسانه انجي وانقولك وافقي وعجبني كلامك امبدري والله يا ويه ماشاءالله باقيه عجبتني وخفتك عليك اكتر

نا؛؛ نا خلاص ايه زمان انسوها ايه اللي ساكته وطيبه واتفكر في غيرها خلاص انسوها خلاص من يوم وغادي نا انانيه انفكر في عويلي وروحي لاني قعدت هاديه هدوني هد حرموني من كل حاجه وركبو فيا الخوف بس خلاص الخوف من كتر مافيا في قلبي خوف خلاص انقلب وقعد شجاعه بدال من يقعد خوف

تميت نبكي ومنهاره وبصوت عالي

لعند امتي ونا انراعي في شعورهم وهم يقتلو فيا ويطمسو فيا خلاص خلاص وماودرو من عمري الا واجد
نا ماضي نبي ننساه ونبي نتغير خلاص نبيش خلاص ما عشت في ماضي الاسود اللي واجد ماضي اللي خرب حياتي نبي نمسحه ونبي انعيش للعويلي و روحي وبس وح ننسي اي حاحه اتخرب حياتي خلاص
رجاء ؛؛ خشت للدار
ممكن نعرف شن صار

نا ؛؛ ما صار شيء بس نبي اندور عملى
رجاء ؛؛ شن
نا ؛؛ نبي اندور عمل
اميره ؛؛ من جدك انتي
نا ؛؛ اها من جدي ح انوسي وليد ايشوفلي

اميره؛ ؛ نا اندور في حد يشتغل معي
نا ؛؛ في شن
اميره ؛؛ وليد يبي ايجرلي محل امتع ديكورات امتع صاحبه زمان ساعدت صاحبه واجد في الديكور وبعدها صاحبه قال ل وليد خليه تستلم هي ذوقها حلو وراقي وشاطره والمده الاخيره تميت نبرم في النت واجد وانجيب في افكار اكتر

رجاء ؛؛ ووووو قصدك تبي تفتحي محل ديكورات

اميره ؛؛ مكتب ديكورات للمناسبات وكروت وحاجات زينه للفرح نا عندي افكار واجد وشاطره فيهن ووليد شجعني واجد فيه قالي خير من قعدتك هكي

نا ؛؛ حلو والله وليد ماشاءالله عليه

اميره ؛ نزلت راسها والعبره خنقتها
وليد يبي ادير اي حاجه بيش ننشغل ومانفكرش في ماما ونبكي ماما دايره في فجوه كبيره نحكي وانهدرز ونلاهي في روحي بس والله في فجوه قلبي والله في فجوه والله ماني صابر الا علشان وليد وامير والله لولاهم راه في عالم تاني

رجاء ؛؛ جت قعمزت عند كرعين اميره وحطت راسها علي كرعيها وتمت تبكي
رايفت عليها والله و رايفت عليها خاطري انقعمز جنبها وانهدرز معها كيف زمان خاطري تو اتجيني واتهزبني كيف زمان واتقولي نزلي هالفون من وذنك اتقولي خلاص انتي كبيره ديري عقل اتقولي قصي من اللسانك اللي امودرك اتقولي انت متزوجه وعندك راجل اهتمي به والله رايفت والله رايفت
نا ؛؛ كلنا مرايفين وقلبنا مشقوق شق

رجاء ؛؛ حتي نا طارق يلهي فيا وايطلع فيا وايعلم فيا في السواقه ونشرو في دبش للبيبي بس انحس في قلبي جوا منكسر

نا ؛؛ قعمزت علي الارض وتميت نبكي
شن اتقولن عليا نا املاه اللي فجاويا كثرات كثرات وماعاد عرفت انسدهن من كل جهه منكسر فجاويا نا اللي ظهري انكسر كسره شينه خاطري انكسر انكسر

دعاء ؛؛ خشت وقعمزت جنبي واضبطتني

بس والله عندي امل انك ح اتكوني احسن وحده مش ديمه الدنيا عليك ح ايجي وقت اللي اتكون معاك نا متاكده

نا،؛ لعند امتي ونا كل ماليا نخسر نخسر خلاص مليت ونا نخسر والله مليت

رجاء ؛؛ ويه ابدي مع اميره خيرلك

اميره ؛؛ ويه ابدي معي انتي اشطر مني في جو التصميم وبالك واسع للجو هذا و انخششك للنت بيش اتشوفي تصاميم الناس بره نحن هنا عندنش تصاميم حلوات كيف مسايا عارفه امغير اتحطي عل مسايا اتجي مئه فكره امغير طول ارسمي وخلي الفكره في راسك في البدايه انكونن بسيطين وبعدها ح نكبرو الموضوع الحق نا متوقعه نجاح اتخش معايا بس كان انتي اتخشي احسن انتي اشطر وحده فينا

دعاء؛ ويه خشي حاجه ماعندك تو تبادلنا انتي و اميره علي المكتب واتصممن بس حطن حاجه كان صار مني ازوجت ديكور فرحي كله منكن انتن نا عارفه ذوقكن

نا ؛؛ ايصير منك ليش ماايصير اهو رجاء وصار منها رجاء ؛؛ اها ناقاعده المثل الاعلي هنا

دعاء ؛؛ ههههه تي مستغربه ان بطنك لقدام بحلال
رجاء ؛؛ طيح سعدك شن اتحقي فيا
نا واميره ؛ ههههههههههه
دعاء؛؛ ايوه هذه الضحكه اللي نبي انشوفها انتن عارفات خالتي ماتحبش الحزن اضحكن وافرحن علي خاطر عويلكن بس راه عويلكن يبو ام تضحك وتبتسم بيش تعطيهم امل في الحياه

اميره ؛ ويه خلاص اتخشي معي برسمي نحكي اليوم ل وليد
نا ؛؛ انخش بس بفلوس حتي انشارك بيش نفتوح مكتب حلو وفخم من الاول

اميره ؛ عندك انتي
نا ؛ اها عندي مبلغ
رجاء ؛ من وينلك
نا ؛؛ مراد يعطي فيا مبلغ كل شهر ونا عندي افلوس راه نا مانصرفش واجد راه من زمان ماما اتوكل واتشرب والحق مراد ايكر في مصروف ويعطي في افلوس ويشري في مستلزماتهم يعني المبلغ اللي يعطي فيه فوق جو

اميره ؛؛ مبلغ حلوه
نا ؛؛ اها عندي مبلغ تو نشرو المستلزمات الديكور كلهن تو نفتحوه حلوه من الاول

اميره ؛؛ خلاص تو نحكي مع وليد الليله بس يا ويه ناصيحه افتحي فونك وافتحي نت وخشي وبحتي بيش تاخذي الافكار وانديرو هنا راه حتي الورد الطبيعي نبي انخش فيه نبي نشتغل به

نا ؛ حاضر بس افتحيلي انتي نت
اميره؛ ؛ تو انقول وليد يفتحلك بعدين

رجاء ؛؛ قاعده نستوعب فكرة ان انتن تبنا تفتحن مكتب ديكورات ما وسع بالكن

اميره ؛؛ نا ميلولي من زمان هندسة ديكور وايه شاطره في الاجواء هذين ودقيقه تذكري زمان كيف كنا نشتغلو في المدرسه واندريو في زينه في احتفالات
نا ؛؛ نجاح كانت رسامه صقع زمان خشت حتي حنه الخليجيه
اميره ؛؛ هي نجاح تو اتخش اتساعدن اكيده

نجاح ؛؛ دقت الباب وخشت
بنات تعالن عشاء درت
دعاء ؛؛ هيا
صباينا كلنا وطلعنا والقيت العويل يلعبو مع بعضهم
وقعمزنا وبدينا انتعشو وتعشينا ولمينا الحويه وقعمزنا انهدرزو

اميره ؛ انجوحه راه ………
نجاح ؛؛ الله مااحلي المشروع ايجننن
اميره ؛؛ اتخشي قصدك
نجاح ؛ اكيده املاه شنو انخش ونص اخري
اميره ؛؛ والله وليد طلع شاطر جابلنا حاجه سمحه هكي
خالتي سالمه؛؛ خشن خشن مع بعضكن انتن ايديكن سمحه كيف امكن
نجاح ؛؛ خطرتنا عليا زمان ونا انقص في لصقة الحنه وانحني خليجي
اميره ؛ بس ماطولتيش

نجاح ؛؛ عادل ايهزب زمان لما اتخش عليا مراه تبي حنه خليجيه بس الصقه طولت ونا انقص حتي في طرابلس درتها واستغربوها لان مش هكي لصقتهم في طرابلس ونا نخدم في كوافير

تو انقول ل مجدي عليه الموضوع هذا اكيده مش ح يرفض بالكي نبنو شي شقه بره

خالتي سالمه؛؛ كنك تبي تطلعي من اعربك

نجاح ؛؛ واعره تسكني مع اعربك صعبه تقعدي تبي اتكوني مع روتيهن ونا روتيني مايمشي معهم تعبت عمتي في الصبح تبي من يوعي معها بدري ويفطر معها وفي الليل صبياتي ومجدي يبو من يسهر معهم متعبه راه تقعدي تبي اتراضي جميع الناس بس لما اتكوني في الشقه اديري روتين ابروحك انتي وراجلك بجوك وبجوه

رجاء ؛؛ نسالكن وين ايمان مختفيه هذاك اليوم انرن عليها خارج التغطيه

نا ؛؛ ايمان مريضه وعندها امتحانات وكالعاده احمد حبسها علي القرايه

دعاء ؛ صحه له احمد هذا
امل ؛؛ القرايه اتزعم الكبد
رجاء ؛؛ بس انتي وكان اتقعمزي مع احمد اتحبيها باله واسع في التقري زمان احسن درجه انجيبها في الماده اللي قرها ليا احمد والله كثر خيره

امل ؛؛ اها احمد علي جوه ولابسه بس ملتزم اتحسيه شوفي في العزاء خالد ياما حكلي عليه

نا ؛؛ عليك ادعيه دعاهن للماما نين ايشقن القلب واعرات بكل ماشاءالله عليه
رجاء ؛؛ نقاني نبي انرن كذا يا امل مديلي الفون وراك
امل ؛؛ ييييي نا اللي ظهري منكسر
رجاء ؛؛ مدي وانتي ساكته
امل ؛؛ اهو خوذي

رجاء ؛؛ ايوه ياحنه
ايمان ؛؛ اهلا شن الجو
رجاء ؛؛ وينك مختفيه قالو مريضه
ايمان ؛ القرايه بدت وانتي عارفه معناتها الحبس بدا ونا ياحنه مريضه
رجاء ؛؛ لاباس كنك
ايمان ،؛ مريضه اشويه
رجاء ؛؛ عارفينك مريضه اشويه بس مرض شنو
نا ؛؛ رجاء ماتحرجيهش اكيده احمد جنبها
رجاء ؛؛ به ها شن اتحس
ايمان ؛؛ يااخويله افهمي بروحك ياخسارة مانك انتي مريضه
رجاء ؛؛ قصدك حامل يا معفنه
ايمان ؛ اها نبي عائشه اتكون اخت سجودي
رجاء ؛؛ نجك ليا باهي ان شاءالله بسلامتك
ايمان ؛؛ سلمك وانتي شن جوك مع الحمل
رجاء ؛؛ علي قولت طارق بطه باقيه

ايمان ؛؛ هههه تو اتفشي من عندكم
رجاء ؛؛ نا والبنات وعيت خالتي سالمه وعيت السامطين عيت خوك خالد تعرفيهم

ايمان ؛ ههههه يا سامطه حرام عليك
امل ؛ مريضه مش فاضيه للمشاكل معاك تو اتجيبي وتعرفي
رجاء ؛؛ ماتخوفنيش خلاص
ايمان ؛؛ واعره في وقتها بعدها تنسيها وتحملي اخري خلاص هيا قاعده اندير في العشاء

رحاء ؛؛ ونحن كيف شلنا اسفر العشاء صحه مقدما
ايمان ؛ سلمك ارجيوه
رجاء ؛ نعم
ايمان ؛؛ تعالي كسدي عندي شيء يوم
رجاء ؛؛ ان شاءالله خير
ايمان ؛؛ نا كاره حوشنا كره شين انحس فيه امظلم لما انخش انحس في حاجه اتغم علي قلبي لما انخش وهاربه ودايره الحمل والقرايه حجه

رجاء ؛؛ بحتت فيا ونزلت راسها وخنقتها العبره
عارفه شن انديرو الله غالب

ايمان ؛؛ تمت تبكي
الحوش شين بكل يا ارجيوه شين والله شين والله ماانجي الا علي خاطر ايه والله لولاه ايه راه مانخش فيه ولا انحط اكراعي فيه حتي خالتي فاطمه كرهت كره شين

رجاء ؛؛ صبت بسرعه واطلعت وتمت تبكي
به نحن مانبوش انحسسو ايه بشعور هذا

ايمان ؛؛ عارفه بس والله هذا اللي ايصير

رجاء ؛؛ ماما ح تزعل لما انسيبو ايه

ايمان ؛؛ تو انديروكم عزومه عندي اتجوني وانغيرو جو ايه حتي من عزاء ماما ماطلعت

رجاء ؛ به خلاص بينتنا فون
ايمان ؛؛ سلام

احمد ؛ حبيبتي والله مش وضع هكي ديمه دموع ديمه دموع
ايمان ؛؛ الله غالب غصبن عني
احمد ؛ كرها شوره واضبطها
فرختي مانحبش انشوف دموعك نا

ايمان ؛؛ حبيبي لحيتك واجده راه
احمد ؛؛ عليك قصه
ايمان ؛؛ حبيبي مانحبهش هكي والله سامطه خففها معاك نا تبي تدين بس راه الحيه اتكون خفيفه مش واجد سامطه راه لما اتكون واجده ولابسك ماتحاولش انك اتغيره نا قالتلك فكني من جو اتزام الخارجي
احمد ؛؛ ماعمري شفت وحده ماتبيش راجلها يلتزم بكل
ايمان ؛؛ لا التزم معاك نا
اصلا انت ملتزم من زمان راك بس راه التلزم ايكون في داخلك فيك من جوا مش في منظرك اللي بره وانت ياحبيبي ملتزم لا تحكي مع الصبايا ولا اتبحت فيهن ولا اتسلم ولا تسمع في الاغاني واتصيم كل اثنين وخميس وتقرا في القران وتختم فيه وفي نيتك تحفظه وقاعد تحفظ كل مره في جزء والحمدالله

هكي تمام ربي يبي هكي انا بسببك تحجبت وفتت الاغاني ونلبس في بالطو ومحرمه طويله وقفزات لانك انت اقنعتي الحق وهذا بروحه اجر عند ربي ومشوايري التانيات مانطلعش الا بخمار يعني جامعه بس بلا خمار
راه ربي يحاسبك علي افعالك ونيتك الداخليه اذ هي صافيه او لا قبل مايحاسبك علي شكلك الخارجي

احمد ؛ نجك ليا والله انحبك يا فتراشه
ايمان ؛؛ ما نفترشش نا انت زي ماتطلب مني في حاجات اندير فيهن حتي نا عندي طالبات راه
احمد ؛؛ حاضر حبيبي بس والله انجرب فيها طويله شويه
ايمان ؛؛ ﻻﻻ هكي شينه نقصه خليها لحيه علي وجك مش شعر نازال من وجك
احمد ؛؛ هههههههههههههههههه حلوه منك هذه يا فتراشه امشي امشي حطي العشاء جعان
ايمان ؛ سجودي حايسه راه في المذكرات امشيلها
احمد ؛؛ سجودي سجودي
سجودي ؛؛ ها بابا
احمد ؛؛ قولي نعم مش ها بابا
سيبي مذكرات امك وتعالي نبيك
سجودي ؛؛ نقرا نا
احمد ؛؛ ههههههه به تعالي انقريك

……………………..…………..

اميره ؛؛ جيبي فونك وتعالي اهو وليد
نا ؛ فون ما يفتحش نت
اميره ؛؛ فونك انتي احسن جيبيه وتعالي
نا ؛ به
مشيت طلعت الفون ومديته ل وليد ونور بكت رفعتها ومسكتها
وليد ؛؛ مسك الفون وافتحه ويحكي معي
البنات روحن
نا ؛؛ اها روحن سمعت صوت رسالتين جن للفوني
وليد ؛؛ شاف رساله وانحرج مني وبحت فيا
نا ؛؛ رسائل شن
وليد ؛؛ مش عارف تو اتشوفيهن
وبدا وليد ادير في النت والفون ايرن
حبيبي
يتصل بيك

وليد ؛؛ انحرج ومدلي فون
نا ؛؛ مسكت الفون والقيته مراد انحرجت من وليد وخشيت للدار وقلبي ينبض بقوه ماعرفتش اندير مشغول ما عرفتش القيت روحي دايره الخضره ورديت بصزت متردد

ايوه
مراد ؛؛ عاش من سمع صوتك
نا ؛ شن الاخبار
مراد ؛؛ كنك فتحتيه تو الفون
نا ؛؛ اشويه وليد يعلقلي علي النت
مراد ؛ وشن تبي فيه النت
نا ؛؛ موضوع طويل خلني تو نطلع علي وليد يعلق علي النت
مراد ؛؛ نرجا اتصالك
نا ؛؛ عليش
مراد ؛؛ نبيك
نا ؛؛ مراد نا نرقد بدري اشويه اخري ونرقد
مراد ؛؛ باهي براحتك
نا ؛؛ سلام
مراد ؛؛ سلام
صكرت وبحتت في الفون القيت رسالتين رساله مفتوحه وفيه كلمة انحبك جايه اولا امس ساعه 11 ونص
وشكلها هي الرسابه اللي فتحها وليد

ورساله مش مفتوحه جايه امس في الليل ساعه 12 وحتي هي فيها كلمة انحبك

خنقتني العبره ورايفت عليها كلمة انحبك من فمه رايفت نسمعها رايفت انحس بها كيف زمان سمعت
صوت بيده ايناديلي مسحت دمعتي وطلعت

نا ؛؛ اسفه وليد تاخرت عليك
وليد ؛؛ لا عادي
وخذا فوني وعلق علي النت وراني كيف وطلعو سكرت الحوش وبرمت عليه وخشيت للسرير وخليت صوت التي في عالي وارحيمه وبيده ايتفرجو وقعدت انقلب في الفون وانتفرج علي الصور والفيديوهات
و الفون ايرن

فتحت عليه وفتحت السيبكر وعطيت ارحيمه ايرد
مراد ؛؛ الو ايه الو
ارحيمه ؛؛ بحت فيا واستغرب
نا ؛؛ تميت انقوله بابا في وذنه
مراد ؛؛ ايه ردي عندي موضوع نبي نحكي معاك فيه
بيده ؛؛ بابا هذا
ارحيمه ؛؛ هيييييي بابا
مراد ؛؛ ارحيمه بيده
بيده ارحيمه ؛؛ نعم بابا
مراد؛ وين ماما
بيده ؛؛ معانا
مراد ؛؛ بيده قوللها بابا يبيك
نا ؛؛ تميت نحكي في وذن ارحيمه
قول ننت ماما

ارحيمه ،؛ شن انقول ماما

نا ؛؛ ضحكت بصوت واطي وخبطت وجي

مراد ؛؛ ههههه فضح بيك ردي احكي انتي نبيك في موضوع هيا ردي

نا ؛ بصوت واطي
نعم
مراد ؛؛ بصوت واطي وهادي
كنك ماتردي من الاول

نا ؛؛ انت اكيده ران عليهم هم
مراد ؛؛ عليش تبي تفتحي النت
نا ؛؛ حاجه اتخصني
مراد ؛؛ ايه ماتحرقيش دمي عليش فتحتي النت
نا ؛؛ انرد انقولك حاجه اتخصني
مراد ؛؛ اتعاندي انتي
نا ؛؛ مش راجلي انت نين تعرف
مراد ؛؛ نا حبيبك
نا ؛؛ خنقتني العبره وسكرت في وجه وقفلت الفون وتميت نبكي واعره والله واعره ايكون حبيبك وجارحك ومتفارقه انتي وياه والله واعره والله واعره
بكيت بكيت ورقدت زي اي الليله نبكي من الفراق ومن الجرح ومن الوحده
ايه اللي كانت قويه امبدري واللي صبت في وجه عادل امبدري انهارت وردت ايه زمان وبكت وملت مخدتها ادموع ورقدت

وعيت تاني يوم وكان الحوش فاضي دق الباب
وطلع ارحيمه فتح وليقه هيثم

هيثم ؛؛ وين ماما
نا ؛؛ سمعت صوت غريب في الجنان وطلعت بسرعه هيثم ؛؛ ايه نبي نحكي معاك
نا ؛ ﻻﻻ فيش كلام بينتنا اطلع بره راه والله انكلم خالد
هيثم ؛؛ قرب مني ومسكني من يدي

نا ؛؛ اطلق يا حقير اطلق

هيثم ؛ مش طالقك نين تسمعي كلامي
نا ؛ تميت نضرب في يده واندف فيه بس ماقدرتش
اطلقني راه والله انعيط اطلق بصوت عالي انخلي الشارع كله يلتم عليك

هيثم ؛؛ عادي عندي اتعيطي لان بعدها تو ناخذك غصبن عنك علي اساس نستر عليك

نا؛؛ يعني انت جاي علشان هكي

هيثم ؛؛ ايه انا نبيك انت ليا ليش ما تبيش تفهمي يعني كان تفرقنا زمان ومشينا كل حد من جهه بس ردينا با ايه رديت وقلبي مليان حبك

نا ؛؛ والله تو جايني بعد كم سنه شن شكله الحب اللي ايخيلك امفارق حبيبك اسنين امفارقه وتجرح فيه اخري شن شكله الحب اللي خلك اتهيني واتحط فيا كلام مش تمام انذكر يا هيثم شن قالت زمان

نا ما نشرفكش وانكون مراتك ولا حتي خطيبتك نا الصايعه اللي حكيت عليها زمان انا اللي كذبت عليها زمان نا بسببكم انطمست في الحوش وانبحست

هيثم ؛؛ نا جاي نبي انصلح يا ايه

نا ؛؛ ههههه بعد ايش يااستاذ بعد ماطعنتي وهنتني وفتتني وخليتي نزوج غيرك وانحبه

هيثم ؛؛ كذابه ماتحبيش
نا ؛؛ انحبه وانموت فيه شفت هذوم عويلنا شفت بيش تعرف اني انحبه

هيثم ؛ دفني بقوه جو

نا ؛؛ صبيت قدامه
هيثم اطلع راه والله انكلمه انخلي ايكمل علي يدك الاخري

هيثم ؛؛ يعني عارفه يدي من من
نا ؛؛ اها عارفه من حبيبي غار عليا وجاك

هيثم ؛؛ به انقولو حبيبك صاح ليش اطلقتي
نا ؛؛ حاجه اتخصني
هيثم ؛؛ علشان ضاربك ولازك انتي كيف رضيتي اتقولي علي واحد حبيبي وهو يضرب فيك وايهيني فيك

نا ؛؛ حسيت كلامه واقعي وواعر تميت نبكي قربت منه وتميت اندف ونبي انطلعه

اطلع بره اطلع

هيثم ؛ ايه نا ح نقرا فاتحتك سوا تبي او لا انا اعاند لدكتور نساء امتعك

نا ؛؛ ما نقعدش انا ايه لو قريت فاتحتي يا هيثم مستحيل انخلي انسان يلمسني انت كان عندك ذرة رجوله كيف ترضي تاخذ مراه مطلقه وعايشه حياتها مع راجل قبلك وجايبه منه

هيثم ؛؛ مسكني من دبشي وكرني شوره وقربني
شن انتي تبي ادير الجو هذا بيش نكرهك يعني بس والله يا ايه ناخذك ناخذك مكرا فيك انتي وفيه هو انوريه يعرف ايعلم علي من لو هو علم فيا تعليمه خارجيه نا انعلم فيه تعليمه داخيليه وراه مش ساكتله علي جو يدي امغير نضمنك بس

نا ؛ دفيته بقوه
يا قعادك ترجا والله وما انكون ايه بنت عيشه لو قدرت اتخليني علي ذمتك

هيثم ؛؛ نا كل ما انجي نحكي معاك بالهدوء تقلبي انتي الكلام واتخلي فيه العنف
ايه انا انحبك والله انحبك صدقني مش بيدي حبيتك ايه انتي ليا من الطفوله ومراد جيته غلط في غلط
نا ؛؛ مراد يوم اللي جاء لقني فاضيه من 4 سنين فاصخه خطبتي من 4 سنين جا ولقي خطيبي ولد عمي قايل كلام عليا وماصدقش ازوجني وخذاني وسترني مش كيفك يا ولد عمي
سامحني يا هيثم نا كرهتك ومعش انحبك نا فيا جو حب مراد لو مهما ادير مراد انا انحبه لان عرف قيمتي وعوضني زمان وعيشني اجمل قصة حب بحلال

مش كيفك يا هيثم مش كيف فرق بينك وبينه كيف فرق بين السماء والأرض وياريت تطلع يا هيثم وجيتك هذه مش ح نسكت عليها مش سايبه انا نين اديرلي هكي وهيا اطلع
هيثم ؛ ايه هذا فون جايبه لكي رني عليا وخلينا نحكو ماتسكريهش في وجي
نا؛ خذيت الفون وعزقته في الساس بالقوه
نبيش نحكي معاك
ودفيته بقوه وسكرت الباب
وطحت وانهرت ابكاء
هيثم ؛؛ ايه مش ح تلقي حد ايحبك كيفي وتو اتشوفي
نا ؛؛ بصوت عالي
خطاااااااااااني خطاااااااااني اطلع انسني نا مش لك نا لروحي ولعيالي

……………………..………………….

مراد ؛؛ طارق ديرلي جو ضروري انشوف ايه
طارق ؛؛ ليش كنك
مراد ؛؛ في موض