مسلسل سعاده كاذبه الجزء الاخير

مسلسل سعاده كاذبه

الحلقه 91

صبيت درت قهوه وحطيتها وقعمزت جنبه وامخليه نور في المشي وبيده وارحيمه يلعبو 
علي ؛؛ وحدك اليوم
نا ؛؛ اوحدي خلاص
علي ؛؛ شن اخباره مراد
نا ؛؛ علمي علمك
علي ؛؛ ماتشوفيش فيه بكل
نا ؛؛ ﻻ ماشفتش بكل من عزاء ماما
علي ؛؛ وكيف ايجيبلك في المصروف
نا ؛؛ ايدز فيهن مع طارق ولاه يعطي في رجاء افلوس بيش تشري دبش وايدزلي في مبلغ اخري
علي ؛؛ ناقصتك حاجه انتي
نا ؛؛ الحمدالله مستوره
علي ؛؛ ايه نا الحق جاي نبي نحكي معاك في موضوع هو موضوع من زمان مطروح علينا بس صار عزاء امي واخر الموضوع وهو مهم جدا ونبيكي اتفكري فيه زين

نا ؛؛ جتني صدمه وقعدت انبحت وساكته

على؛؛ ايه انتي مراه صغيره والله حتي كلمة مراه انحس فيك اصغيره عليها انتي اصغيره ومازال العمر قدامك مازالتي ما عشتي حياتك ربي ما وفقكش في التجربه الاوله اهو مرات علشان اتردي للاصلك اللي يبيك من صغرك

نا ؛؛ منصدمه ومعش ركزت علي شيء الا علي كلامه
علي ؛؛ ماتبحتيش فيا هكي انتي راضيه هكي لكي سنه ونص وانتي اوحدك هنا في الحوش واتعاني في العويل اوحدك راكي اصغيره عيشي حياتك

نا ؛؛ كيف انعيش شن قصدك انت

علي ؛؛ الاعيال ماتفرحيش واجد بيهم تو لما يكبرو تو اتحقيهم ماشين لبوهم ويزوجو وينسو انك انتي فرطتي في حياتك علشانهم اهو اقرب مثال
امي الله يرحمها ترملت بدري بعيال اصغار ربتنا كبرتنا ومشينا ازوجنا وسيبنها يعني وكان انتي ماطلقتي وجيتي جنبها راه توفت اوحدها في هالحوش

نا ؛؛ خقنتني العبره ونزلت راسي وبكيت

علي ؛؛ مسح اعيونه من الدموع وبصوت المخنوق

هذا الواقع يا ويه والله حمدت ربي انك كنتي جنبها بيش ماتموتش اوحدها في الحوش وفي نفس الوقت كرهت روحي ودنيتي علشان امي ماتت ونا مش جنبها واني حمدت ربي انك قاعده في الحوش حسيت روحي امقصر واجد معها وربي ايسامحني وهي اتسامحني ان شاءالله

نا ؛؛ نبكي بصوت متقطع من الخنقة العبره
الله يرحما ويسامحها

علي ؛؛ فكري في روحك راكي اصغيره علي الهم والشقاء اصغيره علي القعده اوحدك في الحوش لا راجل ولا سند
نكدب كان انقولك لا نا خوك وسندك لاني عارف روحي عند عائله وشقه بره ولاهي فيهم حتي لو اهتميت بيك ايجي يوم وننشغل عليك ونلها في اعيالي

نا ؛؛ انبحت في نور ونبكي ونمسح في دموعي

علي ؛ ماتزعليش من كلامي بس راه واقعي فكري
مراد ح ادير كيف مادار للمراته الاوله سيبها ومشي ازوجك انتي وجاب منك اعيال وطلق ح ادير اخري وح يزوج اخري وانتي تقعدي هنا اوحدك واتربي في اعياله انتي الصغيره تقعدي محجوره في الحوش بعياله واتربي فيهم وهو الكبير يمشي يزوج ويعيش حياته

نا ؛ امواس ايخش ويطلعن في جسمي كله لان كلام علي واقعي فعلا وقهرني

بس يا علي هذوم اعيالي نا مستحيل انخلي انسان غيري ايربيهم نا انربيهم وانكبرهم

علي ؛؛ وتعاودي تاريخ امي من جديد صاح

نا ؛؛ الام كان ماضحت وربت اعيالها احسن تربيه وصبرت عليهم وشالت همهم وحزنهم وشاركتهم في فرحهم وهناهم ليش اسمها ام والجنة تحت اقدامها ليش ربي ماخلش الجنة تحت اقدام الامهات بالساهل ياعلي

علي ؛ والله كلامك واعر بس ياايه انتي اصغيره واجد واجد انتي اللي في عمرك مازالت تقرا تقريبا غلط زيجتك بدري بس شن انقولو الله غالب انتي عارفه الظروف ومراد جا من طرف خالتي فاطمه وماقدرنش نرفضو

نا ؛؛ نمسح وادموعي بيدي وبيده قرب مني وقعمز علي اكرعي
هذا نصيب يا علي ربي كتبلي نزوج وانجيب اعيال ونطلق مادخلش حد في الموضوع هذا وبعدين والله فرحنا بهم اعويلتي هذوم والله ما امصبرني الا هم بعد ماما والله هذه نعمه من ربي
ربي حرمني من الاب ومن الشهاده ومن الام بس عوضني في 3 اعيال انبحت فيهم يضحكولي ننسي همي بضحكتهم

علي ؛؛ كنك اليوم اتصعبي فيها عليا

نا ؛؛ اسفه احكي كمل كلامك

علي ؛؛ هيثم يبيك
نا ،؛ نعم
علي ؛؛ هيثم ولد عمي يبيك يبي يخطبك رسمي امغير كان يرجا فيك اتكملي عدتك وبعدها صار عزا والحق يا ايه نا موافق

نا ؛ بس نا رافضه
علي ؛ ليش رافضه انتي عاجبك قعدتك هنا في الحوش اوحدك اعيالك ياخذهم بوهم وامتي ماتبيهم انتي باهي مع العلم ان هيثم قال نبيها بعيالها انتقبلها عادي

نا ؛؛ ﻻﻻﻻ مستحيل مستحيل نا نبي انكون علي اعيالي
علي ؛ ليش مستحيل اعيالك وح يكونو عندك وازوجي وانستري في حوش راجلك ولد عمك اللي يبيك من زمان

نا ؛؛ ﻻﻻ
علي ؛ ايه ماترفيضش هذه نعمه وين تلقي واحد يسترك وانتي مطلقه ويتقبل اعيالك
نا ؛؛ علي انا ازوجت مره وماصارش خلاص لعند هنا وبس

علي ؛؛ ﻻﻻﻻ مش بس انتي اصغيره في العمر وياما مازالك من العمر ويا ايه فكري فكري ماترديش قبل ما تفكري
حطي قصة امي قدامك شوفيها وشوفي حياتها راه مش متباعده من قصتك الفرق امي ترملت وانتي اطلقتي وانزيدك اخري من الهم
امي علي الاقل قرت عند باتي وخذت شهادتها وتما عندها راتب وتاخذ في راتب باتي اخري
وانتي يا ايه لا شهاده ولا عمل ولا راتب مراد انتي اللي اتحصلي فيه يالله ايوكل وايشرب العويل وعويلك اصغار واجد تبيلهم ما كبرو مش كيفنا نحن باتي خلنا اكبار يعني انتي وضعك اسوء من وضع امي الله يرحمها

نا ؛؛ انحس في حاجه تطعن فيا وتقنع فيا بس قلبي رافض رافض شخص غير مراد رااااااااافض ساكته ونمسح في ادموعي

علي ؛؛ مانرجش في ردك تو انا نبيك اتفكري في الموضوع راه مش ساهل قعدتك في الحوش اوحدك ومازالتي اصغيره ومطلقه وبعيالك واجد راه

نا ؛؛ خوتي قاعدين فوق مني وامونسه بونسهم

علي ؛؛ تي اي خوتك اهو ليا فوق من ساعه معاك ولا واحد خش عليك الحياه تلهيك يا ايه تلهيك علي حتي خوك علشان اعيالك وبيتك وعملك وين خوتك كذا وين وين خواتك اللي ترقدي معهن زمان وينهن اهو جا اليوم اللي قعدتي فيه اوحدك ومازال راه مازال تو ايجيبن اعيال اخري ويكبرو اعيالهن وتقعدي اتشوفي فيهن في شهر مره لكن كان ازوجتي تلقي من ايخش ويطلع عليك ايشيلك ايجيبك ايونسك ايكون سندك مش خيرلك

نا ؛ ا…….

علي ؛؛ اسسسس ايه ماترديش تو نبيش رد نا فكري في الواقع وبعقلك مش بقلبك مراد كان يبيك راه ماخلكش من الاول تحرجي ولا خلك اتجيبي عندنا هنا اجل موضوع الطلاق لعند فرح خوه وطلق واهو شوفي من امتي ما يندري عليك هذا علي دليل ان بايعك خلاص

نا ؛؛ حسيت الكلام واعر يعني يقنع فيا علي الزواج وايكره فيا في مراد في حبيبي رديت عليها بربكه وخوف وقلب ينبض بقوه ماتحملتش الكلام ماتحملتش
ﻻﻻ علي ماتقولش هكي…..

علي ؛؛ قاطنعي في الكلام وهذه مش اول مره

ايه انتي اللي ماتقولي شيء تو خلاص فكري ومانبيش اي رد منك تو

هيا خلني نطلع لان عندي اشغال يا ايه بيش انوكل وانشرب اعيالي شفتي فيش انفكر
انفكر في اعيالي وعملي وهذا تفكري اي انسان يعني ما تطمعيش واجد بخوتك وخواتك راه كلامي واقعي مانبيش انوهمك تو ونرخيك بعدين زمان انقولك اللي تبيها حاضر واقعدي وين ماتبي لان كان في امي قاعده بس تو الظروف تغيرن يا ايه تغيرن وقرارتنا ايتغيرن معهن

صبا ابسرعه وطلع
نا ؛ صبيت وراه ودمعتي علي خدي لان كلام واعر وواقعي فعلا واقعي

مع سلامه
علي ؛؛ يلبس في كندرته رفع راسه وبحت فيا بنظرة وااااعر نظرة شفقه نظره قهرتني قهر واعره والله واعر النظره هذه
حط يده علي راسي وحرك شعري وخنقته العبره وطلع بسرعه

نا ؛؛ شفته كيف طلع بسرعه وجعتني يا علي وجعتني بكلامك وبنظرات وجعتني والله وجعتني تميت نبكي سكرت الباب وخشيت قعمزة وقعدت انفكر في كلامه الواعر يعني تو تبي تبدا قصة هيثم من جديد معقوله هكي يعني يبو ايزوجني لهيثم اللي اول انسان جرحني وياما حط فيا من الكلام العاطل عليا نا وخواتي معقوله تو ايجي علي ويقنعني عليه ويبني نزوج معقوله هذه الدنيا وووووووووو يا دنيا ووووو ما شينك وماوعرك

ارحيمه ؛؛ ماما نبي مامه
نا ؛ بحتت في ارحيمه ومسحت دمعتي
حاضر ياماما تو اندير مامه سمحه
صبيت ودرت حليب وخذيت بشكوط وقعمزت ودرتلهم فته وتميت انوكل فيهم
وايخش عليا خالد
خالد ؛؛ صحه صحه
نا ؛؛ سلمك
خالد ؛؛ ويه اركبي فوق تبيك امل
نا ؛؛ كنها
خالد ؛؛ اتعاني في صالح مريض اشويه
نا ؛؛ به انكمل هذوم ونركب بس كان تنزل هي احسن
خالد ؛ مريضه اشويه ماتقدرش تنزل
نا ؛؛ به تو انشوفها
خالد ؛؛ هيا بيده ارحيمه معي
بيده ؛؛ صبا ابسرعه
هيا هيا
نا ؛ ﻻﻻ فيش اطلعو كملو قبل
خالد ؛ به امتي ماتكمليهم طلعيهم نا بره باهي
نا ؛؛ به
بيده ؛؛ ابي تو نا
خالد ؛؛ كان كمل خلاص ناخذه
نا ؛؛ به خوذه
وطلع بيده مع خالد وكملت ل ارحيمه و نور
طلعت ارحيمه من الباب
وركبت فوق لشقة خالد معي نور والقيت امل تبكي في دار المعيشه وحاطه قدامها صالح ولدها
نا ؛؛ كنك
امل ؛؛ مريضه يا ويه مريضه
نا ؛؛ لاباس كنك
امل ؛؛ جيبه سوده نوده من يوم ماجبت ونا متبهدله خلاااص تعبت
نا ؛؛ وسعي بالك مازالتي مريضه
امل ؛؛ ياناعليا بكل بكل انتهيت والله حتي خشتي للحمام متعبه ماما قالت هذا من خوفك في الجيبه
نا ؛؛ والله مازالتي جايبه جديد من طبيعي اتكوني مريضه واتحسي
امل ؛؛ حتي ماما ماتقدر اتجيني مريضه السكر راقي عليها
نا ؛؛ به صبي حطي روحك في مية ساخنه خيرلك هيا صبي
امل ؛ ﻻﻻ تو ﻻﻻ
نا ؛؛ نجيلي صالوحي ياربي
امل ؛؛ ويه في معمول كان اديرلنا قهوه انقعمزو انهدرزو
نا ؛؛ مع اني شاربه بس تو اندير
امل ؛؛ ليش مع من شاربه
نا ؛ مع علي تو انجي ونحكيلك
صبيت درت قهوه وحطيت معمول وجيت قعمزت جنبها
امل ؛؛ ها احكي
نا ؛؛ يا حنه علي قال ………….
امل ؛؛ اها عارفه
نا ؛ شن عرفك
امل ؛؛ خالد حتي هو كان رافض بس هيثم تم ايقول ناخذها بعيالها والشيء هذا امسكت خالد الحق وحتي نا
نا ؛؛ انتي قصدك نزوج حد غير مراد
امل ؛؛ وكان شن فيها
نا ؛؛ ﻻﻻ مستحيل خلاص مش لعبه نا كل مره متزوجه حد بعدين يا امل والله والله مراد مازال ماهو هاين عليا الانسان الوحيد لمسني ومستحيل انخلي انسان غيره

امل ؛؛ صاح واعره بس مرات الظروف ايزرنك
نا ؛؛ زرني المره الاوله والمره هذه مستحيل خلاص
امل ؛؛ والله فكري انتي
نا ؛؛ امل كنك انتي
امل ؛؛ ايه هيثم زمان غلط وهو قاعد يعتذر ويبيك تو يبي ايصلح الغلط والانسان اللي ايعاود علي الوحده بعد كم سنه وعارفها مطلقه وراضي بها لا واخر بعيالها هذا مش ايحبها بس هذا ايموت فيها موت هذا عاشق
نا ؛؛ منصدمه وبالاسغراب
امل مش امصدقه انك انتي تقنعي فيا علي واحد دمر حياتي مرتين دمرها وانتي اكتر وحده عارفه انتي عارفه اخري مشكله صارت بيني وبين مراد هو هيثم كيف جيتني تو وتقنعي فيا

امل ؛؛ ويه والله الوحده مالها الا حوش راجلها وهيثم طالبك ويبيك وراضي بوضعك
نا ؛؛ امل انتي امركبتني هنا بيش تفتحيلي الموضوع هذا ولا شنو
امل ؛؛ اها خالد دازني لكي وقالي احكي معها وشوفيها

نا ؛ امل شن تحكو انتو نا مستحيل مستحيل عارفه كلمة مستحيل

ودق الباب وخشت نعيمه
نعيمه ؛؛ خير عليكن
نا وامل ؛؛ خيرات تفضلي
نعيمه ؛؛ امسيبات الباب مفتوح
نا ؛؛ اها امسيبتها نا لان مرات بيده وارحيمه ايجوني
نعيمه ؛؛ اها قاعدين زايطن بيده وارحيمه في الحوش
نا ؛ بحتى فيها واستغربت
نعيمه ؛؛ امسيبن حواشين بوهم الكبار وايدعكو فينا في حوش الصغير
نا ؛ ليش في شن ايداعكو فيك انتي
نعيمه ؛؛ تي بالله عليك شقتنا نحن شقة عائله اصغيره راه وانتي واعيال مراد زايطن في حوش كبير بروحكم وماحد متكلم امغير زامطين وساكتين

نا ؛ وانتي ما سكتيش اهو حكيتي
نعيمه ؛؛ من العلايل نطقت انشوف في اعيال مراد امسيبن خير بوهم وايداعكو فينا نحن

نا ؛ اولا هذوم مااسمهمش اعيال مراد ركزي في كلمتك اكويس اعيالي هذوم وعندهم أسماء ارحيمه وبيده كانك سامعه بيهم
وثانيا هم في حوش هلي نا مش في حوشك ولا حوش هلك نين تحكي هكي

صبيت وخذيت نور

امل ؛ ويه اقعدي كنك
نا ؛؛ ﻻ شكرا يا امل
نزلت ووجعني خاطري من كلام امل اكتر الا نعيمه متعوده علي كلامها السمي خشيت للحوش وسكرت وقعمزت وتميت نبكي ضاق خاطر ضاق خلاص انتهيت جوني العويل خليتهم جنبي يلعبو ودرتلهم عشاء وقعمزت انتفرج علي تي في
القيت روحي امطلعه فون ماما وانرن علي ……….

……………………..…………..

رجاء؛؛ باهي يا طارق تو اتشوف
طارق ؛ والله جد صاح ياامي رايحه دبه كيف الهام
الهام ؛ مالقيت مثل الا نا
حاتم ؛؛ هي هي الا الهام كذا خطاها
رجاء ؛؛ شفت خوك كيف ايدافع علي مراته وانت بايعني بدال ما تستر
طارق ؛ هههههههههه مافيها ستره بطه باقيه
مراد ؛؛ قولو ماشاءالله
عمتي ؛؛ ايوه ايوه عيط معها قاعده متسمحه اخري وبعدين تو اتشوفها تو اتفش

طارق ؛؛ ارجيوه بطتي ماتزعليش
رجاء ؛ ماتدحنسش عليا فوتني كذا عمتي ماتعطيش شاهي
عمتي ؛ ﻻﻻ الا طروقه عاد مانقدر انزعله
طارق ؛؛ ايوه هكي يا امي الا اوليدك دافعي عليا
غاده ؛؛ عمتي مستحيل اتبدالك انت
رجاء ؛؛ بحتت في غاده وامرفعه حاجبها
اهاااا ياربي صبرك
مراد ؛؛ بحت في رجاء وعرف قصدها وضحك ونزل راسه
حاتم ؛؛ وين منتصر
طارق ؛؛ طالع مع سعد امبدري شفته
حاتم ؛؛ كنهم
غاده ؛ عندهم عشاء صاحبهم
رجاء ؛؛ حي فوني ايرن في المطبخ
طارق ؛؛ تو انجيبه لكي امصبي نا
وصب طارق ومسك الفون ولقي
ماما
يتصل بيك
طلع عليهم في الصاله وايبحت في الفون ومستغرب
ماما يتصل بك
رجاء ؛؛ من ماما اكيده هذه ويه
مراد ؛؛ بحت فيهم واعيونه علي الفون
حاتم ؛ بحت في مراد ولقه ايراقب في الفون
رجاء ؛ نست مراد بكل خذت فون وردت
اهلا ويه

نا ؛؛ خيرات
رجاء ؛ كنك تبكي شن في
مراد ؛؛ اعيونه انفتحن عشره علي عشره
نا ؛؛ مضايقه اشويه
رجاء ؛ بحتت في طارق ومسكت يده بيش ايساعدها علي التصبيه وصبت وطلعت بره للجنان وطارق طلع للشارع

مراد ؛؛ بدون ما يحس بروحه صب وراها وطلع وقعد امصبي عند باب الجنان ويسمع في رجاء وهي تحكي
رجاء ؛؛ كنك يا ويه شن في
نا ؛؛ مضايقه بس نبي انهدرز معك اشويه
رجاء ؛؛ كيف ماحد جنك من البنات اليوم
نا ؛؛ كنت عند امل فوق اليوم
رحاء ؛؛ قاعده اوحدك
نا ؛ اهااا قالت نفتح فون ماما ونحكي معاك
رجاء ؛؛ غريبه به شن جو بيده وارحيمه
نا ؛؛ اكويسين قاعدين في العشيه اطلعو مع خالد
رجاء ؛؛ ويه في حاجه ناقصتك احكي
نا ؛؛ والله امكلمه بس نبي انهدرز امرايفه
رجاء ؛ نجك ليا تو ان شاءالله انجيك بكر في العشيه
وبرمت وجها ولقت مراد وراها
مراد ؛؛ امصبي ومتكي علي الساس وايبحت فيها

رجاء ؛؛ افتحت السبيكر
نا ؛؛ ﻻ ماتجيش بكره جمعه وعيت عمي ضروري يلتمو في يوم جمعه باهي شن اخبار صحتك
رجاء ؛؛ ارتبكت واتبحت في مراد
اها باهي شن جو العويل
نا ؛؛ ايهبلو قاعدين قالتلك نبي حاجات للعويل منظفات وعطور وحاجات خفيفه
رجاء ؛؛ باهي تو انجيبلك
نا ؛؛ ارجيوه العطر راكي تنسيه قاعد اقريب يكمل امتعهم
مراد ؛؛ خنقته العبره ونزل راسه
رجاء ؛؛ لعند امتي اتحطي في عطره ياويه
نا ؛؛خنقتني العبره
لعند مانموت ………… سكتت وخنقتني العبره
وكان نلقي انخليهم ايدخنو اخري

مراد ؛ برم وجه يبي ايخش لقي حاتم
حاتم ؛ تعال نبيك
مراد ؛؛ شن تبي اكتر من هكي خلاص والله مليت من وضعي هذا مليت
حاتم ؛ بحت في رجاء وشيرلها اتخش
رجاء ؛ ويه سلام تو انقول ل طارق ايبجيبلك حاجتك بكره
نا ؛ تم نرجا فيك

رجاء ؛؛ صكرت وبحتت في مراد وخشت وخلتهم في الجنان

حاتم ؛؛ نا مستغرب نا بروحي كيف ساكت بوضعك هذا
مراد ؛؛ قاعد راجل كبير ونتسحف علي بنت اصغر مني ب 14 سنه علقت قلبي معها غرقتني غرق والله متحشم علي روحي كيف امخلتني كيف المراهق اندور في اي خبر عليها

التفت وبحت في حاتم بسرعه وتم ايخبط في صدره بقوه واعيونه ملينات ادموع
نا نا ام اعيالي اتسيبني تطلب مني طلاق ام اعيالي اللي انحبها حرقتني ومازالت انحبها تخيل الموقف انت
مش عارف ليش ماقدرتش نكرها تخيلي تعرف حبيبك ينفصل عنك وانت اتحبه
تكره صاح بعدها
بصوت عالي ومتعقد
تكره صاااااااح رد

حاتم؛ هز راسه معناها صاح

مراد ؛ نا ماقدرتش ماقدرتش قاعد نجري وراها جري قاعد كل الليل نبرم علي الحوش اللي فيه كيف المراهق توعي ساعه 9ونص نعرفها توعي ساعه 9 ونص عارف ليش عارفتها
لان هي ماتحبش اتظلم الحوش اتحب ترقد واتخليه ضاوي ولما توعي اطفي الضيء حتي ضيء الجنانات وساعه 9 ونص اطفي في الضيء كل صبح اطفي فيه ساعه 9 ونص شفت كيف امخلتني مراهق اندور فيها ليا 4 شهور ماشفتها 4 شهور ما شفتها حتي من بعيد ولا شفت اعيونها اللي غرقني اعيونها اللي ملينات اسرار اعيونها اللي ملينات حزن من اول ما شفتها شفت حزن في اعيونها شدني اعيونها وحزنها اعيونها اللي لما ايدمعن ايكونن احلي
طلع دخان وبدا ايدخن ونزل راسه
شفت كيف حبي لها غريب الناس كلها ماتحبش اتشوف ادموع حبيبها ماعاد انا انحبها بدموعها لاني اول مره انشوفها شفتهن بهين ولان ديمه ادمع ولانها حساسه وعجبتني فيها الحاجه هذه حتي لما تفرح ادمع دمعتها ادمع وبعدها اتجيني و ناخذها في حضني هذا عليش انحب دمعتها لاني ضامنها ح تكون في حضني بعدها لان لما ادمع اول مكان اتجي فيه هو هنا هنا
وقعد ايخبط في صدره
هنا هنا من ايام الخطبه لما مرضت امها وشفتني في المستشفي جتني تجري
خطفتني خطف طفله بين ايديا طفله حنونه طيبه برئيه نا اللي خربتها انا اللي علمتها تقس انا اللي خليتها تمكر
زمان كانت اتقولي يامراد نا نعرفش انشيل في قلبي من الناس اللي ليا يابال انت حبيبي كيف انشيل منك
شفت كانت طيبه واقدرت اتشيل مني شفت

حاتم ؛؛ ليش اتخلي فيها تطلع من الاول ليش
مراد ؛؛ نا اللي طلعتها نحساب روحي انعاقب فيها وانهدد فيها طلعت انعاقب في روحي
حاتم ؛؛ امشي احكي معها امشي بالك بعد ميتت امها اتحن واتردلك
مراد ؛؛ يمسح في اعيونه وخذ نفس قوي من دخان

نعرفش كيف نوصلها نعرفش امراه صغيره قاعده في حوش اوحدها كيف انطقها حتي فونها ماتفتح فيه قاعد كل ليله اندزلها في رساله ايجني لم تسليم رساله يعني مافتحتش بكل الفون المشكله ماعرفتش لا ننسي حبها ولا عرفت نكرها حتي
سناء اللي حبها قعد سنين طويله ماتعبتش كيف في حب هذه سناء كرهاا وندمت ان في يوم عرفتها
وفرخه اصغيره قلبتلي عقلي وقلبي وحياتي كلها ولتني مجنون بها مجنون عارف الراجل لما يحلف ان مايلمسش انسانه تاني عارف شن معناها
وهو يبكي وادموعه ينزلن علي خده وبصزت مخنوق وواطي
معناها عاااااااشق متيم مجنون ايه مجنون ويتي مجنون اكبيدتي مجنون فرختي مجنون حبيبتي مجنون ام اعيالي مجنون مجنون

حاتم ؛؛ ماعندك الا انك اتردها او تنسها بس هذا مش حل كل مانشوفك اتكون هكي خطاء راه

مراد ؛؛ مسح وجه وصبا
نبي نمشي تبي حاجه
حاتم ؛؛ كنك
مراد ؛؛ طالبه من رجاء حاجات نمشي انجيبهن
حاتم ؛؛ باهي عدي
طلع مراد بسرعه وطلعت الهام ل حاتم

الهام ؛ حبيبي هيا
حاتم ؛ التفت عليها
انتي هنا
الهام ؛؛ هيا لاني نبيك في موضوع
حاتم ؛؛ كنك شن في
الهام ؛؛ ضروري هيا انروحو
حاتم؛ ؛ به طلعي العويل وهيا

……………………..……………………...
مراد ؛؛ الو طارق قالتلك ماتجيب شيء ل ايه راه شريتلها حاجاتها كلهن بكره تو اتشيلهن لها
طارق ؛؛ حاجات شن
مراد ؛؛ انت مازالت بره
طارق ؛؛ اها كنك
مراد ؛؛ لا سمعت ايه امبدري اتوصي في رجاء علي حاجات نبي انقولك ماتشريش راه شريت
طارق ؛ باهي تم تو ناخذهن بكره منك
مراد ؛؛ سلام

……………………..………

حاتم ؛ هيا احكي اهو قاعدين اوحدنا في شقتنا والاعيال راقدين
الهام ؛ دارت اكريمتها وخشت معه في السرير
حبيبي نبي نحكي بس ماتجيبنش في كلام لاني نبيش انخرب بيت بس اللي شفته وخاصة لما سمعت امبدري تاكدت ان في ان في الموضوع وفي حاجه مش تمام

حاتم ؛ حاجه شور مراد وايه قصدك
الهام ؛؛ اها
حاتم ؛ احكي شن في
الهام ؛؛ حبيبي زمان نحن عارفين ان سناء عندها حركات مش تمام انانيه ومغروره ومتكبره وعندها فيه جو المشاكل والفتنه وتقريبا انت عارف ان مراد كيف تعب منها
حاتم ؛؛ خشي في الموضوع طول

الهام ؛ نا زمان كنت نحساب مراد راد ل سناء مع ان زمان كنت متاكده ان ايحب ايه بس قالت مرات ايكون حن لحبه القديم ويبي ايرد سناء بس لما طلق ايه ومعش رد سناء شكيت وقالت كيف معش عاود سناء مش رادين ولا شنو و امبدري لما سمعت كلامه وتاكدت ان هو مازال ايحب ايه وان سناء معش اتهمه ……….
حاتم ؛؛ به احكي كملي كنك ساكته
الهام ؛ يوم جيبت ايه غاده تحكيلي قالتلي سناء ومراد رود لبعضهم وكانت تحكي معي قبل مانجيكم وقالت خلاص يبي يطلقها وايردني
بعدها شفت ايه وجها تغير وصبت بسرعه في وقتها عرفت ان ايه سمعت كلام غاده لان غاده تحكي واتبحت في ايه وتبيها تسمعها وفعلا سمعتها وصبت
حاتم ؛؛ معقوله ليش ادير هكي غاده
الهام ؛؛ غاده مرسال امتع سناء حتي في بداية زواج ايه تعبتها واجد بس ايه طيبه ومادورش فيها
وفي فرح طارق استغربت جيت سناء وسالت هدي وقالتلها هذه شن جيبها قالتلي طول مانحن في تونس اترن علي امي نين امي تحشمت و عزمتها
وسناء لما صبت وارقصت في الفرح اطلبت من الفرقه اتغني علي المرهون وايه فهمت الجو وانزلت وطلعت بره
حاتم ؛ بس مراد ما ردش ل سناء مراد مازال يبي ايه
الهام ؛ ما هذا اللي امدوخني مش اول مره نسمع يحكيلك علي حبه ل ايه ونا كنت مستغربه بعدها عرفت ان غاده مرسال امتع سناء

حاتم ؛ مراد ديمه ايقولي ايه مش بسهوله تقسا عليا هكي بس طلع الموضوع في سناء وغاده ليش هكي غاده ادير والله مش نعرف سناء من زمان بس والله ماعمري حبيتها ولا خشت لخاطري كيف ايه ايه طيبه وهلها ناس طيبين ومن يوم ماخشت للحوش وهي ساكته وطيبه ودوبها دوب حوشها وراجلها

الهام ؛ اهل ايه ناس طيبه بكل برغم طلاق ايه ومراد بس ماعمرهن شانن اوجهن فينا ديمه يضحكن ويلعبنا معنا حتي ايه لما اتشوفها كيف تحترم فينا وتحترم في عمتي اتقول انها مازالت كنتها مش طليقت مراد بكل ولا رجاء الله ايسامحها ماعمرها وجعت عمتي ولا مع مراد مع ان اول ماشفت مراد توقعتها ماتسلمش او اتقولها حاجه بس بالعكس صبت واحترمته وسلمت عليه وطلعت وهدرزت معه والله حتي لما توفت عمتي عيشه وجعتني والله وجعتني وكانها امي لانها مراه طيبه وحنونه ومحترمه

حاتم ؛؛ مراد ضروري يعرف بكلام غاده وسناء
الهام ؛ بس هكي اتخرب علي غاده
حاتم ؛ لا ماعليكي نعرف كيف نوصلها بس انتي سكوتك غلط لعند تو
الهام ؛ ماكنتش نبي ندخل بس لما شفت ادموع مراد ولما حكي علي سناء امبدري تاكدت ان الموضوع في ان
حاتم ؛ باهي صبي طفي الضيء وتعالي
الهام ؛؛ حاااااضر
حاتم ؛؛ دبه
الهام ؛؛ ايوه اقعد شر من طارق

……………………..………..

طارق ؛؛ تعالي تعالي

رجاء ؛ حول غادي امبدري اتقول دبه
طارق ؛؛ تي انحبها الدبه هذه
رجاء ؛؛ مش دبه نا امغير انفاخ بس ياحبيبي
طارق ؛ نجك ليا والله اسمحتي تي تعالي هنا
كرها وحطها بين كرعيها وسندها علي صدره وباسها علي كتفها
انحبك يادبتي انحبك
رجاء ؛؛ ونا انموت فيك بس عارف ظهري بكل
طارق ؛؛ ماهذا نا عارفه من محمد من حبيبي باته
رجاء ؛؛ امتعبني كيف باته
طارق ؛؛ في شن تعبتك باته
رجاء ؛ في حبك تعبتني في حبك ليا يامجنوني
طارق ؛؛ نزل علي رقبتها وباسها بوسه حنونه
رجاء ؛؛ اهااا حبيبي
طارق ؛؛ سمحه بنتك
رجاء ؛؛ بكره في العشيه نبي نمشي ل ايه باهي
طارق ؛؛ خطرتي عليا ايه اموصيتك علي حاجه
رجاء ؛؛ اها كيف عرفت
طارق ؛ مراد رن عليا وقالي شريت كل حاجه
رجاء ؛؛ اها امبدري نحكي مع ايه سمعنا مراد
طارق ؛؛ خلاص في العشيه قبل مانطلع للصاله تو انشيلك
رجاء ؛؛ باهي
طارق ؛؛ كنك ابتعدتي
رجاء ؛؛ رايحه دبه ماتقدرش عليا صدرك تو يوجعك
طارق ؛ هههههه ﻻﻻ كان تبي انشيلك تو بيش تعرفي انك خفيفه عادي راه
رجاء ؛؛ ﻻﻻﻻ عارفه حبيبي ماتفكرش اتوقف في الصاله
طارق ؛؛ وليش انوقف
رجاء ؛؛ انت لوله الصاله راك دبه
طارق ؛ حبيبي اللي ايشيل الحديد ياكل واجد راه
رجاء ؛؛ مش عارف من امتي وانت فيه الصاله
طارق ؛؛ ههههه من المراهقه ونا في الصاله بعدها تميت نشري في اجهزه واجرت صاله ودرتها بشويه بشويه خذيت قطعت ارض وبنيت صالة حديد وصالة الاجهزه الكهربيه ونت بمساعدة الحاجه طبعا
رجاء ؛؛ نبي انسوق خلاص
طارق ؛؛ يييي ردينا علي نفس القصه
رجاء ؛ حبيبي انت اللي طمعتني في السياره ماقالك حد علمني نبي سياره اصغيره بكل والله خاطري في سياره باهي خلاص ليا شهر ونا نعرف وانت امجربني
طارق ؛؛ نا علمتك علشان ايصير ماايصير اتكوني تعرفي اتسوقي
رجاء ؛؛ باهي ديرلي سياره اصغيره هنا في الجنان بيش ايصير ماايصير نطلع بها
طارق ؛؛ هههههههههههه
رجاء ؛؛ اها ساد امخلني بلا عمل حاليا
طارق ؛؛ حبيبي نحن مازالنا عرسنا كنك انتي وحامل وعملك قاعد امغير جيبي بس وكبري اوليدك وبعدها ساهل
رجاء ؛؛ بعدها اتحملني اخري
طارق ؛؛ نبي 6 وحدين 4 اعيال وبنتين
رجاء ؛ وووو 6 املاه ارنبه نا
طارق ؛ ههههههها املاه تبي 2 ولاه 3 نحن مش اجانب نبي اعيال بيش في وقت العركه ايصبو مع بعضهم
رجاء ؛؛ ههههههههههه والله مشكلجي انت يعني اتفكر في العرايك
طارق ؛؛ اهاا املاه شنو
رجاء ؛؛ حول حول نبي نرقد
طارق ؛ عجوز قاعده تشكي
رجاء ؛؛ ههههههه ما منك نشكي
ارقدت رجاء علي جنبها وجا طارق ورها واضبطها
رجاء ؛؛ بطل نبي نرقد
طارق ؛؛ خميس راه
رجاء ؛؛ معلومه قديمه
طارق ؛؛ به كنك لابسه الروب هذا
رجاء ؛؛ انحب نرقد به
طارق ؛؛ اتحبي ترقدي فيه ولاه علشان عارفتيه انحبه عليك يا بطاطه
رجاء ؛ برمت علي طارق وخشت في حضنه
حبيبي علشان خاطري
طارق ؛ حبيبي سياره تو لا وانتي حامل كنك انتي علي اقل جيبي تو نشيرلك سياره اصغيره وتقعدي متمكنه اكتر في السواقه
رجاء ؛؛ اوعدني
طارق ؛؛ رفع حاجبه
انتي هذا عليش بارمه عليا
رجاء ؛؛ مش علي هكي بس الئيمه غاده لما عرفتني خلاص نعرف انسوق تمت اتقول نبي اندير سياره ونا نبي اندير قبلها
طارق ؛؛ اهاااا فيها كلام صبايا هي
رجاء ؛؛ مش كلام صبايا بس مانحبهش مرات خوك هذه سامطه اللي انديرها تبيها من زمان اتقلد في ايه وتو انا
طارق ؛؛ سياره عمل تو حاليا لا جيبي وبعدها ساهل
رجاء ؛؛ مش انت جربتني في السواقه
طارق ؛؛ جربتك وانتي معي مانعرفش بعدين كيف اتسوقي بلاي
رجاء :؛ اهاااى انت اتصعب فيها عليا صاح باهي ياطارق تو اتشوف ابرم خلاص
طارق ؛؛ انتي اللي تبي ابرمي
ابرمي هيا
رجاء ؛؛ معش نقدر نبرم تو برمت بطني خلاص ابرم انت
طارق ؛؛ ههههههههه ياهبله مانيش بارم واحسن ماتقدريش تبرمي
وكرها واضبطها اكتر وباسهاه علي راسها
رجاء ؛؛ اجمل حاجه فيك انك ديمه واخذني في حضنك في جميع الاوقات اتكرني وتاخذني في حضنك
طارق ؛ هذا من حبي لكي ونزل راسه عليها وباسها
ونوم
……………………..……………..

نا ؛؛ اهلا اهلا
وسلمت علي خالتي سالمه و دعاء واميره

اميره ؛ وينك كنك ماتفتحي
نا ؛ كنت في الحمام ماسمعتكش من فتح
اميره ؛؛ عادل فتحلنا
وليد ؛؛ خش وشايل الخضره ولحم
اهلا ويه
نا ؛؛ اهلا ليش امتعب روحك
وليد ؛؛ نبي محشي امتعك مادخلنيش
اميره ؛؛ من امس في الليل وهو خاطره في محشيك
نا ؛ من اعيوني انديره
خالتي ؛ تو اندير رز
نا ؛؛ ﻻﻻ ياخالتي انتي تريحي مانك مريضه
خالتي ؛؛ السكر باقي يرقا واجد وايتعب في اعيوني
نا ؛؛ ان شاءالله لاباس خشي تريحي جوا وتو نبدا في الغداء
دعاء ؛؛ ونا تو نستلم بيده وارحيمه
نا ؛؛ فطريهم بس
دعاء ؛؛ ماعليك ونور
نا ؛؛ هههههه نور هي الاوله تدوش وتفطر
وليد ؛؛ من اللي ايدق تو
وطلع وليد ولقهم عيت عمي اهل هيثم
وليد ؛؛ تفضلو تفضلو
وخشو عيت عمي وانا استغربت جيتهم لابست وشاح وسلمت علي عمي والقيت معه هيثم قالتله خير من بعيد وسلمت علي البنات وعمتي
خالتي ؛؛ تفضلو
عمتي ؛؛ باهي اللي تلقينا شن اخباركم
خالتي ؛؛ الحمدالله وشن اخبارك انتي

نا ؛؛ خشيت للمطبخ وخش وراي هيثم شايل اكياس
هيثم ؛؛ شن الجو
نا ؛ فتحت الثلاجه مابيتش انرد عليه
اميره ؛؛ خشت في المطبخ معنا
شن جو هيثم
هيثم ؛ وهو ايبحت فيا
الحمدالله شن جو امير
اميره ؛ شيطانه امير شن اخبار يدك
نا ؛؛ رفعت عيني وبحتت في يده
هيثم ؛؛ تمام
اميره ؛؛ ماني عارفه كيف سامحته اللي داير هكي
نا ؛؛ درت روحي لاهيه في الاكياس والخضره
هيثم ؛؛ بحت فيا وابتسم
علي خاطر ناس بس سامحت
ارحيمه ؛؛ ماما نبي ميه
نا ؛؛ تعال هنا تو انشربك
هيثم ؛؛ حط يده علي راس ارحيمه وحركه
كنك امخلي شعرك
نا ؛؛ تعال هنا ياارحيمه
هيثم ؛؛ كان تبي انشيلهم و انحلقهم
نا ؛ لا شكرا لو نبيهم ايحلقو عندهم بوهم ايشيلهم مش مستحقين حد
اميره ؛؛ بحتت فيا واستغربت ردي القوي

هيثم ؛؛ طلع بسرعه وقعمز في المربوعه
ونزلو عيت خالد وعيت عادل
وبدينا انديرو في الغداء وجو عيت علي حطينا الغداء وتغدينا بعد الغداء خش عادل علينا
عادل ؛؛ ايه تعالي يبيك عمي
نا ؛؛ حسيت بموس خش لقلبي لاني عرفت الموضوع شن هو
به تو انصبي
عادل ؛؛ بسرعه يرجا فيك
نا ؛ حاضر
صبيت ولابست طرف طويل ووشاح وطلعت والقيتهم كلهم قاعدين في المربوعه
نا ؛؛ السلام عليكم
عمي ؛؛ خير ياابنيتي خشي خشي
نا ؛ قربت وقعمزت جنب خالد
عمي ؛؛ انتي اللي دايره الغداء
نا ؛؛ اها صحه
عمي ؛؛ عرفته كيف امك الله يرحمها
نا ؛؛ الله يرحمها
عمي ؛؛ المهم نا امكلمك نبي انقولك موضوع هنا وقدام خوتك
نا طالبك لهيثم
نا ؛؛ انصدمت وبحتت فيه
عمي ؛؛ نا عمك يا ايه و حكيت لخوتك وهم موافقين والرد عليك انتي ونا عارفك مش ح ترديني

نا ؛؛ خنقتني العبره واعيوني ملينات ادموع زمطت ريقي ونزلت اعيوني لوطه
عمي نا عندي اعيال ونبي نقعد عليهم
عمي ؛؛ اعيالك اعيالنا نا عمك يا ايه مش رافضهم ولا هيثم رافضهم
هيثم ؛ انعاملهم كيف اعيالي واعز اخري

نا ؛ بحتت فيه ومنصدمه ومن العبره اللي خنقتني ومن صورة مراد اللي بين اعيوني ومن صوته اللي في وذني وهو ايقولي انتي ليا نا وفي خشمي بنت عطره ودخانه اللي انحبها موت

عمي ؛؛ ايه يااكبيدت الغالي هذا ولد عمك وهذا اللي يبيه الغالي من زمان يبيك لهيثم ونا نبيك لهيثم زمان صار ظروف و ازوجتي بس ربي كتبلك اترديله واتردي اللي يبيه الغالي المرحوم ومش ح تلقي كيفنا نحن عارفين مصلحتك
نا عمك وهو ولد عمك واعيالك اعيالنا خير من قعدت هنا اوحدك يا ايه عارفك مش ح اتردني انتي فكري في روحك وفي اعيالك يبو من ايكون معهم ويهتم بهم وانتي تبي من ايكون معاك ويهتم بيك انتي اصغيره علي فكرة انك اتكوني اوحدك في حوش وعلي 3 عويل اصغار

نا ؛ نسمع فيه ومنصدمه وخايفه واعيوني ملينات ادموع معقوله هكي يحرج فيا قدامهم كلهم وايقولي عارفك ماتردنيش معقوله هكي يستخدم في بابا الله يرحمه في محاولة اقناعي ليش هكي ياربي ليش

علي ؛ امس نا حكيت معها وهي قالت اعيالي

عمي ؛؛ اعيالها اعيالنا هذوم احفادي يا علي كان مااهتميت بهم نا من يبي يهتم بيهم هيثم شقته فوقنا وهكي اتكون اقريبه منا واعيونا عليهم خير ماقعدتها اوحدها هذه اصغيره خطا قعدتها اوحدها ونا عمها ونعتبر ولي امرها ماحد يعرف مصالحتها كيف مانعرفه نا
هيثم ؛؛ ايه انا موافق علي اعيال ما تفكريش فيه الموضوع هذا
نا ؛ تميت امنزله راسي ونرعش وغمضت اعيوني بقوه من كتر الم اللي خسيت به في صدري ودمعتي نزلت مديت يدي ومسكت في يد خالد ونا نرعش وبحتت فيه
خالد ؛؛ التفت وبحت فيا ومستغرب
نا ؛؛ …………………

……………………..……………………..….

مراد ؛؛ بالاستغراب
كيف كيف
حاتم ؛؛ هذا هو امس كيف عرفت
مراد ؛؛ صب وتم ايخبط في يده علي الساس في راسه
نا قالتها نا قالتها ايه ماتسكرش في راسها هكي علي فاضي نا عارفها ليش ماجت ماقالت ليش هكي
اهاااااا صاح صاح
زمان اتقولي انت خاين وامشي عيش حياتك بس نا كنت نحسابها تقصد علي الدكتوره اللي شفتها معي ما كنتش نعطي فيها فرصه ليش هكي ليش حياتي ادمرت من اكاذيبها الحقيره ليش تكذب ليش ليييييييش شن في عقلها ناخذها يعني بعدها ليييييش ادمر فيا ليش

حاتم ؛؛ مراد ما تخربش علي غاده هي مش عارفه شيء هي حكت ل الهام و ايه سمعتها
مراد ؛؛ تي اطروح صبايا هذين ونا عارفهن قاليتلها قولي وسمعيها انا عارف حقارتها الحقيره المسخه تي والله اندمها والله اندمها مش اول مره اتحاول اتخرب حياتي
طلع بسرعه
حاتم ؛؛ صب ومسك يده
مراد ؛؛ ماتمسكنيش
حاتم ؛؛ وسع بالك ماديرش حاجه اتودرك
مراد ؛؛؛ هي طلعت اجنوني اتحمل اللي ايصيرلها
وطلع وركب في السياره
وطوووووووووووول
…………………….

يتبع